ម៉ាឌ្រីដ ៖ ក្រសួងការពារជាតិអេស្ប៉ាញ នៅថ្ងៃអង្គារ៍ បានប្រកាសពីការលុបចោលកិច្ចព្រមព្រៀងអភិវឌ្ឍប្រព័ន្ធមីស៊ីលប្រឆាំងរថក្រោះ ដែលនឹងត្រូវផលិតនៅទីក្រុងMadrid ដោយក្រុមហ៊ុនបុត្រសម្ព័ន្ធរបស់អ៊ីស្រាអែល ក្នុងគោលបំណងដកខ្លួនឆ្ងាយពីបច្ចេកវិទ្យាយោធាអ៊ីស្រាអែល។ ប្រភពបានឱ្យដឹងថា ការសម្រេចចិត្តនេះ នឹងប៉ះពាល់ដល់អាជ្ញាប័ណ្ណសម្រាប់ការអភិវឌ្ឍប្រព័ន្ធមីស៊ីលប្រឆាំងរថក្រោះ SPIKE LR2 ចំនួន ១៦៨គ្រាប់ ដែលមានតម្លៃប៉ាន់ស្មាន ៣២៥លានដុល្លារ។ បើតាមផែនការគ្រោងទុក ប្រព័ន្ធមីស៊ីលប្រឆាំងរថក្រោះនេះ នឹងត្រូវបង្កើតឡើងនៅក្នុងទឹកដីអេស្ប៉ាញដោយក្រុមហ៊ុន Pap Tecnos ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនអ៊ីស្រាអែល Rafael Advanced Defense Systems ដែលមានមូលដ្ឋាននៅទីក្រុង Madrid។ ជុំវិញបញ្ហានេះដែរ អ្នកនាំពាក្យរដ្ឋាភិបាលអេស្ប៉ាញ លោក Pilar Alegria បានប្រាប់អ្នកយកព័ត៌មានថា ច្បាស់ណាស់ គោលដៅគឺការកាត់ផ្តាច់ចេញទាំងស្រុងពីបច្ចេកវិទ្យាអ៊ីស្រាអែល ហើយអេស្ប៉ាញក៏កំពុងសិក្សាពីផលប៉ះពាល់នៃការលុបចោលកិច្ចព្រមព្រៀងនេះ។ យ៉ាងណា ក្រសួងការពារជាតិអ៊ីស្រាអែលបានចោទសួរទៅកាន់ក្រុមហ៊ុន Rafael ដែលបានប្រាប់សារព័ត៌មាន Associated Press ថា ខ្លួនមិនបានដឹងពីការលុបចោលនោះទេ ហើយក្រុមហ៊ុនអ៊ីស្រាអែល Pap Tecnos ដែលមានទីតាំងនៅជាយក្រុង Madrid របស់អេស្ប៉ាញក៏មិនបានធ្វើអត្ថាធិប្បាយផងដែរ។ សូមបញ្ជាក់ថា អេស្ប៉ាញបានអនុម័តកិច្ចព្រមព្រៀងអភិវឌ្ឍប្រព័ន្ធមីស៊ីលប្រឆាំងរថក្រោះនេះ កាលពីថ្ងៃទី៣…

ឡុងដ៍ ៖ ចក្រភពអង់គ្លេសបានប្រកាសនៅថ្ងៃពុធនេះថា ខ្លួននឹងផ្គត់ផ្គង់យន្តហោះគ្មានមនុស្សបើក ឬដ្រូនចំនួន ១០០.០០០គ្រឿងដល់អ៊ុយក្រែន នៅត្រឹមខែមេសា ឆ្នាំ២០២៦ តួលេខនេះ ច្រើនជាងមុន ១០ដង។ កញ្ចប់ជំនួយដ្រូនតម្លៃ ៤៧៣លានដុល្លារនេះ គឺគំនិតផ្តួចផ្តើមកើតចេញពីផ្នែកមួយនៃកញ្ចប់ជំនួយយោធាដ៏ធំជាង ៦ពាន់លានដុល្លារ ដែលមានគោលបំណងពង្រឹងសមត្ថភាពការពារជាតិរបស់អ៊ុយក្រែន ចំពេលកំពុងមានការឈ្លានពានពីរុស្ស៊ី។ រដ្ឋមន្ត្រីក្រសួងការពារជាតិអង់គ្លេស លោក John Healey បានប្រកាសផែនការនេះ នៅមុនកិច្ចប្រជុំក្រុមទំនាក់ទំនងការពារជាតិអ៊ុយក្រែន ដែលមានការចូលរួមពីប្រទេសចំនួន៥០ នៅទីក្រុងប្រ៊ុចសែល ប្រទេសប៊ែលហ្ស៊ិក។ បន្ថែមពីលើការចែកចាយយន្តហោះដ្រូន អង់គ្លេសបានបញ្ចប់ការបញ្ជូនគ្រាប់កាំភ្លើងធំចំនួន ១៤០.០០០គ្រាប់ទៅកាន់អ៊ុយក្រែន គិតចាប់តាំងពីខែមករា ហើយនឹងបែងចែកប្រាក់បន្ថែមចំនួន ៣៣៣លានដុល្លារនៅឆ្នាំនេះ ដើម្បីបណ្តុះបណ្តាលកងកម្លាំងអ៊ុយក្រែន។ គួរកត់សម្គាល់ ចក្រភពអង់គ្លេសគឺជាអ្នកគាំទ្រលោកខាងលិចដ៏រឹងមាំបំផុតមួយរបស់អ៊ុយក្រែន ហើយក៏កំពុងរៀនសូត្រពីការតស៊ូប្រយុទ្ធជាងបីឆ្នាំរបស់ទីក្រុងកៀវ ប្រឆាំងនឹងការឈ្លានពានរបស់រុស្ស៊ីផងដែរ ក្នុងអំឡុងសមរភូមិសង្គ្រាមយន្តហោះដ្រូន៕ ប្រភព ៖ រ៉យទ័រ ប្រែសម្រួល ៖ ឈឹម ទីណា

បរទេស៖ ប្រេសិតអាមេរិក ប្រចាំស៊ីរី បាននិយាយ នៅក្នុងបទសម្ភាសន៍មួយថា សហរដ្ឋអាមេរិកបានចាប់ផ្តើមសម្រុកកាត់បន្ថយវត្តមានយោធា របស់ខ្លួន នៅក្នុងប្រទេសស៊ីរី ដោយរក្សាទុក មូលដ្ឋានទ័ពត្រឹមតែមួយ ប៉ុណ្ណោះ នៅទីនោះ។ ៦ខែ បន្ទាប់ពីការទម្លាក់ មេដឹកនាំស៊ីរី ដ៏យូរ លោក បាសា អាល់ អាសាត (Bashar al-Assad) សហរដ្ឋអាមេរិកកំពុងដកខ្លួនចេញជាលំដាប់ នូវវត្តមានកម្លាំង OIR ជាក្រុមយោធាដែលបានចាប់ផ្តើមធ្វើប្រតិបត្តិការតាំងពីឆ្នាំ ២០១៤ ដើម្បីប្រយុទ្ធប្រឆាំងនឹងក្រុមរដ្ឋអ៊ីស្លាម។ បេសកជនអាមេរិក ប្រចាំប្រទេសស៊ីរី លោក ថម បារ៉ាក់ (Tom Barrack) បាននិយាយ នៅក្នុងបទសម្ភាសន៍ ជាមួយទូរទស្សន៍ NTV របស់ប្រទេសទួកគី កាលពីល្ងាចថ្ងៃចន្ទថា «យើងដកមូលដ្ឋាន ពី៨ មកនៅសល់៥ , ៣ ហើយ នៅទីបំផុត យើងនឹងសល់ តែ១»។ ប៉ុន្តែ លោកបានសារភាពថា ប្រទេសស៊ីរី នៅតែប្រឈមមុខនឹងបញ្ហាសន្តិសុខធំៗ ក្រោមការដឹកនាំបណ្តោះអាសន្ន…

គូឡាឡាំពួរ ៖ ម៉ាឡេស៊ីបានវ៉ាដាច់ថៃក្លាយជាជើងឯកវិស័យទេសចរណ៍នៅអាស៊ាន ក្រោយប្រទេសនេះ បានស្រូបទាញភ្ញៀវទេសចរបរទេសដល់ទៅ ១០.១លាននាក់នៅក្នុងត្រីមាសទីមួយនៃឆ្នាំនេះ ដែលធ្វើឱ្យម៉ាឡេស៊ីក្លាយជាប្រទេសទទួលបានអ្នកទេសចរច្រើនបំផុតនៅអាស៊ីអាគ្នេយ៍ ដោយសារគោលនយោបាយបន្ធូរបន្ថយទិដ្ឋាការរបស់ខ្លួន។ យោងតាមទិន្នន័យផ្លូវការដែលចេញផ្សាយដោយសារព័ត៌មាន VNExpress បានឱ្យដឹងថា ប្រទេសថៃដែលគ្រងតំណែងជើងឯកអស់រយៈពេលជាច្រើនឆ្នាំមកនេះ បានធ្លាក់មកនៅចំណាត់ថ្នាក់លេខ២វិញម្តង ជាមួយនឹងចំនួនភ្ញៀវទេសចរ ៩.៥៥លាននាក់ តាមពីក្រោយដោយវៀតណាមមានចំនួន ៦លាននាក់ និងសិង្ហបុរីចំនួន ៤.៣១លាននាក់។ រដ្ឋមន្ត្រីក្រសួងមហាផ្ទៃម៉ាឡេស៊ី លោក Datuk Seri Saifuddin Nasution Ismail បាននិយាយថា ប្រទេសម៉ាឡេស៊ីថ្មីៗនេះបានប្រកាសពន្យារពេលលើកលែងទិដ្ឋាការ សម្រាប់អ្នកដំណើរចិនរយៈពេល ៥ឆ្នាំទៀត ជាមួយនឹងជម្រើសក្នុងការបន្តរយៈពេល ៥ឆ្នាំបន្ថែមទៀតរហូតដល់ឆ្នាំ២០៣៦។ ជាងនេះទៅទៀត ម៉ាឡេស៊ីក៏បានពង្រីកការចូលដោយគ្មានទិដ្ឋាការសម្រាប់ភ្ញៀវទេសចរឥណ្ឌារហូតដល់ឆ្នាំ២០២៦ផងដែរ ស្របពេលដែលប្រទេសថៃបានរងគ្រោះដោយវិបត្តិទេសចរណ៍ ដោយសារតែការព្រួយបារម្ភអំពីសុវត្ថិភាព ពិសេសបន្ទាប់ពីការចាប់ពង្រត់តារាសម្ដែងចិន Xing Xing កាលពីខែមករា ដេលធ្វើឱ្យចំនួនភ្ញៀវបរទេសធ្លាក់ចុះយ៉ាងគំហុក៕ ប្រភព ៖ VNExpress ប្រែសម្រួល ៖ ឈឹម ទីណា

បរទេស៖ ក្រុមហ៊ុនបច្ចេកវិទ្យាទូរស័ព្ទ Nokia និង ក្រុមហ៊ុនផលិតបន្ទះឈីប អាមេរិក Nvidia បានចូលរួមផលិតយន្តហោះគ្មានមនុស្សបើក ឬ Drone ប្រើប្រាស់ដើម្បី ទុកការពារសហភាពអឺរ៉ុប។ ទីភ្នាក់ងារព័ត៌មាន CNA បានចុះផ្សាយ នៅថ្ងៃពុធទី៤ ខែមិថុនានេះថា គម្រោងនេះ ផ្តល់មូលនិធិ ដោយសហភាពអឺរ៉ុប។ សម្ព័ន្ធនៃអង្គការជាង៤២ ដឹកនាំដោយក្រុមហ៊ុន Nokia នឹងធ្វើការលើគម្រោងយន្តហោះគ្មានមនុស្សបើក ដែលមានគោលបំណងការពារ និងពង្រឹងភាពធន់ នៃហេដ្ឋារចនាសម្ព័ន្ធសំខាន់ៗ របស់អឺរ៉ុប។ សមាជិកដែលរួមមានទាំង ក្រុមហ៊ុនចាប់ផ្តើមធុរកិច្ច ឬ Start Up ព្រមទាំង អាជីវកម្ម និងសាកលវិទ្យាល័យនានា នឹងបង្កើតសមត្ថភាពថ្មី ដូចជា ឧបករណ៍ចាប់សញ្ញាឡាស៊ែរ ឬ រ៉ាដា លើយន្តហោះគ្មានមនុស្សបើក ដែលផលិតឡើងដោយក្រុមហ៊ុនការពារជាតិរបស់អឺរ៉ុប។ គម្រោងនេះ ក៏ត្រូវបានផ្តល់មូលនិធិ មួយផ្នែក ដោយបណ្តាប្រទេសចូលរួម, ក្រុមហ៊ុន និងសហភាពអឺរ៉ុបក្រោមកម្មវិធី Chips Joint Undertaking ដែលអនុញ្ញាតឱ្យប្រទេសមិនមែនសហភាពអឺរ៉ុប ដូចជា អ៊ីស្រាអែល…

បរទេស ៖ អង្គការសហប្រជាជាតិបានឲ្យដឹងថា មនុស្ស៤លាននាក់ បានភៀសខ្លួន ចេញពីប្រទេសស៊ូដង់ ចាប់តាំងពីសង្គ្រាមចាប់ផ្តើម កាលពីឆ្នាំ២០២៣។ អ្នកស្រី Eujin Byun អ្នកនាំពាក្យ ឧត្តមស្នងការអង្គការសហប្រជាជាតិ ទទួលបន្ទុកជនភៀសខ្លួនហៅកាត់ UNHCR បាននិយាយបែបនេះ អំឡុងសន្និសីទសារព័ត៌មាន នៅទីក្រុងហ្សឺណែវ កាលពីថ្ងៃអង្គារ។ អ្នកស្រីអះអាងថា «ជាវិបត្តិផ្លាស់ទីលំនៅដ៏អាក្រក់បំផុត របស់ពិភពលោក នៅពេលនេះ»។ អ្នកស្រីបន្តថា «ប្រសិនបើជម្លោះនៅតែបន្ត មនុស្សរាប់ពាន់នាក់ទៀត នឹងបន្តភៀសខ្លួន ដោយធ្វើឱ្យស្ថិរភាពក្នុងតំបន់ និងពិភពលោកជាប់ពាក់ព័ន្ធ»។ ជាមួយគ្នានេះ លោក Dossou Patrice Ahouansou អ្នកសម្របសម្រួលស្ថានការណ៍សំខាន់របស់ UNHCR នៅប្រទេសឆាដ ជាប្រទេសទទួលជនភៀសខ្លួន ពីស៊ូដង់ បានលើកឡើងដែរថា ភាគខាងកើតរបស់ប្រទេសនេះ កំពុងរងសម្ពាធ មិនស្ថិតស្ថេរ លើសមត្ថភាពឆ្លើយតប របស់ប្រទេសឆាដ។ លោកបាននិយាយ អំពីការហូរចូលឆ្លងកាត់ព្រំដែន ចាប់តាំងពីចុងខែមេសា បន្ទាប់ពីការវាយប្រហារដោយហឹង្សា នៅក្នុងតំបន់ North Darfur របស់ស៊ូដង់ រួមទាំង ការវាយលុក…