វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃ អង្គារ ប្រកាសថា គ្រាប់មីនទាំងអស់នៅក្នុងដែនទឹកអន្តរជាតិ នៃច្រកសមុទ្រហ័រមូស ត្រូវបានដោះចេញ ឬបំផ្ទុះចោលអស់ហើយ ប៉ុន្តែលោកបានព្រមានថា កប៉ាល់ណាមួយដែលព្យាយាមដាក់គ្រាប់មីនថ្មី នឹងត្រូវបំផ្លាញចោលតែម្តង ។ ប្រធានាធិបតីអាមេរិករូបនេះ បានបញ្ជាក់តាមបណ្តាញសង្គម Truth Social ថា ខ្ញុំទើបទទួលបានដំណឹងពីកងទ័ពជើងទឹកអាមេរិកថា គ្រាប់មីនទាំងអស់ត្រូវបានបំផ្ទុះចោល ឬដោះចេញពីដែនទឹកអន្តរជាតិនៃច្រកសមុទ្រហ័រមូសទាំងស្រុងហើយ ។ លោក ត្រាំ ដែលមានវ័យ៨០ឆ្នាំរូបនេះ សង្កត់ធ្ងន់ថា សហរដ្ឋអាមេរិកកំពុងប្រើប្រាស់ផ្កាយរណបរបស់កងទ័ពអវកាស ដើម្បីតាមដាន និងឃ្លាំមើលរាល់សកម្មភាពនៅលើផ្ទៃទឹកនៃច្រកសមុទ្រនេះ គ្រប់ជំហានទាំងអស់ មិនឲ្យមានការលបលួចដាក់ពង្រាយគ្រាប់មីនជាថ្មីឡើយ ។ ការអះអាងនេះ កើតឡើងបន្ទាប់ពីលោកប្រធានាធិបតី ត្រាំ បានបង្ហើបពីគំនិតចង់ដាក់ច្រកសមុទ្រយុទ្ធសាស្រ្តនេះ ជាដែនដីរបស់សហរដ្ឋអាមេរិក ។ ច្រកសមុទ្រ ហ័រមូស ដែលជាផ្លូវដឹកជញ្ជូនប្រេងយុទ្ធសាស្ត្រប្រហែល ២០ ភាគរយនៃប្រេងសកលលោក ត្រូវបានកងទ័ពជើងទឹកអ៊ីរ៉ង់ប្រកាសបិទម្ដងជាពីរដង បន្ទាប់ពីអាមេរិក និងអ៊ីស្រាអែលបន្តការវាយប្រហារមកលើអ៊ីរ៉ង់ ។ ហ័រមូស គឺជាច្រកសមុទ្រមួយស្ថិតនៅចន្លោះអ៊ីរ៉ង់ និងអូម៉ង់ ដែលមានប្រវែង…

មូស្គូ ៖ នាវាមុជទឹកដើរដោយថាមពលនុយក្លេអ៊ែរថ្មីរបស់លោកប្រធានាធិបតីរុស្ស៊ី Vladimir Putin ដែលមានរហ័ស្សនាមថា “ថ្ងៃអវសានពិភពលោក” ឬ “Doomsday” ត្រូវបានដាក់ដំណើរការជាផ្លូវការកាលពីចន្ទ ។ បើតាម The Sun, នាវាមុជទឹកនេះមានឈ្មោះផ្លូវការថា Khabarovsk ។ វាមានទម្ងន់ ១ ម៉ឺនតោន ជាមួយនឹងមានសមត្ថភាពអាចផ្ទុកមីស៊ីលពាំក្បាលគ្រាប់បែកនុយក្លេអ៊ែរប្រភេទ Poseidon បានរហូតដល់ ៦ គ្រាប់ដែលគ្រប់គ្រាន់ ដើម្បីបង្កើតកម្លាំងផ្ទុះចេញពីក្រោមទឹកដ៏ធំសម្បើម រហូតអាចបង្កើតជារលកយក្សស៊ូណាមិបាន ។ ប្រភពដដែលបញ្ជាក់ថា នាវាមុជទឹកមួយនេះបានរំកិលខ្លួនចូលទៅក្នុងសមុទ្រ ដើម្បីចាប់ផ្តើមបាញ់សាកល្បងគ្រាប់បែកនុយក្លេអ៊ែរ Poseidon កាលពីសប្តាហ៍មុន ។ មីស៊ីល Poseidon ដែលរុស្ស៊ីបំពាក់លើនាវាមុជទឹក “ថ្ងៃអវសានពិភពលោក” មានសមត្ថភាពវាយប្រហារគោលដៅក្នុងចម្ងាយជិត ១ម៉ឺនគីឡូម៉ែត្រ និងអាចជ្រមុជចុះទៅក្រោមទឹកក្នុងជម្រៅរហូតដល់ ១គីឡូម៉ែត្រ ។ មីស៊ីល Poseidon ត្រូវបានអភិវឌ្ឍឡើងជាលើកដំបូងក្នុងឆ្នាំ២០០២ ។ កាលនោះ អតីតប្រធានាធិបតីរុស្ស៊ី លោក Dmitry Medvedev ក៏បានដាក់រហ័ស្សនាមឱ្យមីស៊ីលនេះថា ជា “អាវុធថ្ងៃប្រល័យលោក”…

ហ្ស៊េរុយសាឡិម ៖ លោក Benjamin Netanyahu នាយករដ្ឋមន្ត្រីអ៊ីស្រាអែល លើកឡើង កាលពីថ្ងៃចន្ទថា អ៊ីរ៉ង់បានប៉ុនប៉ងធ្វើឃាតកូនប្រុសម្នាក់របស់លោក ប៉ុន្តែ លោកមិនបានផ្តល់ព័ត៌មានលម្អិតបន្ថែមនោះទេ។ លោក Netanyahu បាននិយាយនៅក្នុងបទសម្ភាសន៍តាមទូរស័ព្ទ ជាមួយប៉ុស្តិ៍ទូរទស្សន៍ Channel 14 របស់អ៊ីស្រាអែលថា «មានរឿងមិនគួរឱ្យជឿមួយបានកើតឡើង គឺអ៊ីរ៉ង់បានកំណត់គោលដៅលើកូនប្រុសម្នាក់របស់ខ្ញុំ។ អ៊ីរ៉ង់បានប៉ុនប៉ងសម្លាប់កូនប្រុសម្នាក់របស់ខ្ញុំ»។ លោកបាននិយាយទៀតថា «បើគ្មានការការពារនោះទេ អ៊ីរ៉ង់នឹងអាចធ្វើបានសម្រេច»។ បើទោះបីជា លោកមិនបានផ្តល់ព័ត៌មានលម្អិតបន្ថែមក៏ដោយ, គេដឹងថាលោក Netanyahu មានកូនប្រុស ពីរនាក់ និង កូនស្រីម្នាក់។ គេមិនទាន់ច្បាស់លាស់ នៅឡើយទេថា តើកូនប្រុសមួយណាដែលត្រូវបានចោទប្រកាន់ថា ជាគោលដៅនៃការប៉ុនប៉ងធ្វើឃាតនោះ។ ជាការកត់សម្គាល់ កូនប្រុសច្បងរបស់លោក ឈ្មោះ Yair ដែលមានអាយុ ៣៥ ឆ្នាំ បានចំណាយពេលយូរ នៅទីក្រុង Miami សហរដ្ឋអាមេរិក ចាប់តាំងពីដើមឆ្នាំ ២០២៤ មក ដោយមានសេចក្តីរាយការណ៍ថា ស្ថិតក្រោមការការពាររបស់ទីភ្នាក់ងារសន្តិសុខជាតិអ៊ីស្រាអែល Shin Bet។ បើតាម…

វ៉ាស៊ីនតោន ៖ យោធាអាមេរិកសម្រេចលុបចោលការធ្វើសមយុទ្ធវាយលុកឆ្នេរសមុទ្ររួមគ្នា ដែលត្រៀមធ្វើឡើងជាមួយកូរ៉េខាងត្បូងនាខែក្រោយ ដោយលើកឡើងពីបញ្ហាខ្វះខាតកងទ័ព ដោយសារតែសង្គ្រាមអ៊ីរ៉ង់ ។ ការលុបចោលនេះ កើតឡើងក្រោយប្រធានាធិបតីអាមេរិក លោក ដូណាល់ ត្រាំ ចេញបញ្ជាគួរឱ្យភ្ញាក់ផ្អើលមួយ ដើម្បីបង្រួមការបញ្ចេញសាច់ដុំយោធាប្រចាំឆ្នាំជាមួយកូរ៉េខាងត្បូង ដែលទើបបញ្ចប់កាលពីថ្ងៃទី២១ ខែសីហា ដោយលើកឡើងពីបញ្ហាចំណាយ និងព្រោះកូរ៉េខាងត្បូងបដិសេធចូលរួមក្នុងសង្គ្រាមអ៊ីរ៉ង់ ។ អ្នកនាំពាក្យកងម៉ារីនកូរ៉េខាងត្បូង បាននិយាយកាលពីថ្ងៃ ចន្ទ ថា កងម៉ារីនអាមេរិកបានជូនដំណឹងជាផ្លូវការមកភាគីកូរ៉េខាងត្បូង កាលពីខែមិថុនា ថា លទ្ធភាពដាក់ពង្រាយកងកម្លាំងនឹងមានកំណត់ សម្រាប់ការធ្វើសមយុទ្ធកម្រិតកងពលធំ សាន់យ៉ុង “Ssangyong” ។ អ្នកនាំពាក្យរូបនេះបន្ថែមថា សម្ព័ន្ធមិត្តទាំងពីរនៅតែបន្តពិភាក្សាគ្នាយ៉ាងជិតស្និទ្ធ អំពីការចាប់ផ្តើមធ្វើសមយុទ្ធឡើងវិញ ប៉ុន្តែមិនបានបញ្ជាក់លម្អិតនោះទេ ខណៈភាគីកងកម្លាំងអាមេរិកប្រចាំកូរ៉េខាងត្បូងក៏មិនបានឆ្លើយតបផងដែរ ។ ទោះបីមានការកាត់បន្ថយសមយុទ្ធក៏ដោយ កូរ៉េខាងជើងនៅតែក្តៅស្លឹកត្រចៀក ដោយបានបាញ់មីស៊ីលផ្លោងចម្ងាយខ្លីជាង ១០ គ្រាប់ កាលពីសប្តាហ៍មុន និងបានចេញថ្លែងការណ៍ថ្កោលទោស ចំពោះការបញ្ចេញសាច់ដុំយោធានេះ ។ ក្រៅពីបាញ់មីស៊ីលគំរាម កូរ៉េខាងជើងថែមទាំងបានចេញថ្លែងការណ៍ថ្កោលទោសល្បែងសង្គ្រាមនេះ ដោយចាត់ទុកថា ជាការត្រៀមលក្ខណៈ ឬហាត់សមសម្រាប់ការឈ្លានពានលើទឹកដីរបស់ខ្លួន ៕ ប្រភព ៖ Straits…

សម្តេចតេជោ ហ៊ុន សែន គ្រោងបំពេញទស្សនកិច្ចនៅប្រទេសរុស្ស៊ីនាពេលខាងមុខ ដើម្បីបន្តពង្រឹងទំនាក់ទំនង និងកិច្ចសហប្រតិបត្តិការប្រទេសទាំងពីរ។ នេះបើតាមការបញ្ជាក់របស់លោក ជា ធីរិទ្ធ អ្នកនាំពាក្យព្រឹទ្ធសភា បន្ទាប់ពីសម្តេចប្រធានព្រឹទ្ធសភា អនុញ្ញាតឱ្យឯកឧត្តម Andrey Rudenko អនុរដ្ឋមន្ត្រីការបរទេសរុស្ស៊ី ចូលជួបសម្តែងការគួរសម និងពិភាក្សាការងារ នៅវិមានសន្តិភាពនៃព្រឹទ្ធសភា កាលពីរសៀលថ្ងៃទី២៤ ខែសីហា ឆ្នាំ២០២៦។ ក្នុងជំនួបនេះ សម្តេចតេជោ ហ៊ុន សែន បានស្វាគមន៍ដំណើរទស្សនកិច្ចរបស់អនុរដ្ឋមន្ត្រីការបរទេសរុស្ស៊ី ដោយចាត់ទុកថា ជាការរួមចំណែកដល់ការពង្រឹងទំនាក់ទំនងរវាងប្រទេសទាំងពីរ។ ឆ្នាំ២០២៦នេះ កម្ពុជា និងរុស្ស៊ីប្រារព្វខួប ៧០ឆ្នាំនៃទំនាក់ទំនងការទូត រវាងប្រទេសទាំងពីរ។ អនុរដ្ឋមន្ត្រីការបរទេសរុស្ស៊ីបានលើកឡើងពីសារៈសំខាន់នៃតួនាទីរបស់សម្តេចតេជោ ក្នុងការរួមចំណែកពង្រឹងទំនាក់ទំនងកម្ពុជា-រុស្ស៊ី និងបានបញ្ជាក់ពីការត្រៀមខ្លួនរបស់រុស្ស៊ីក្នុងការជំរុញពាណិជ្ជកម្មទ្វេភាគី។ ជាមួយគ្នានេះ សម្តេចតេជោបានស្វាគមន៍ការពិភាក្សារបស់លោក Andrey Rudenko ជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលផ្តោតលើ ពាណិជ្ជកម្ម និងសេដ្ឋកិច្ច ដោយចាត់ទុកថា វិស័យទាំងនេះគឺជាសសរស្តម្ភសំខាន់មួយសម្រាប់ពង្រឹងទំនាក់ទំនងប្រទេសទាំងពីរ។ សម្ដេចតេជោបានរំលឹកអំពីប្រវត្តិនៃទំនាក់ទំនងរវាងកម្ពុជា និងរុស្ស៊ី ជាពិសេសគឺការរួមចំណែករបស់សម្ដេចផ្ទាល់ តាំងពីសម្ដេចនៅជារដ្ឋមន្ត្រីការបរទេស រហូតដល់សម្ដេចធ្វើជានាយករដ្ឋមន្ត្រី ដោយបានធ្វើដំណើរទស្សនកិច្ចទៅកាន់ប្រទេសរុស្ស៊ីជាច្រើនលើក…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានហៅទូរស័ព្ទទៅកាន់បណ្តាមេដឹកនាំបរទេសនានា ទាមទារឱ្យប្រទេសទាំងនោះ កាត់ផ្តាច់ទំនាក់ទំនងជាមួយអ៊ីរ៉ង់។ នេះបើតាមការអះអាងរបស់រដ្ឋមន្ត្រីក្រសួងហិរញ្ញវត្ថុអាមេរិក ចេញផ្សាយដោយ Tass នៅថ្ងៃអង្គារនេះ។ លោក Scott Bessent រដ្ឋមន្ត្រីក្រសួងហិរញ្ញវត្ថុអាមេរិក បាននិយាយថា ប្រធានាធិបតីអាមេរិក លោក Donald Trump កំពុងទាក់ទងទៅកាន់មេដឹកនាំពិភពលោក ជាមួយនឹងសំណើជាក់លាក់ឱ្យបញ្ឈប់ការទាក់ទងជាមួយអ៊ីរ៉ង់ ប៉ុន្តែ លោកបានបដិសេធមិនបញ្ចេញឈ្មោះអ្នកដែលបានទទួលការហៅទូរស័ព្ទពីសហរដ្ឋអាមេរិកនោះទេ។ លោក Bessent រៀបរាប់ថា «យើងនឹងមិនបញ្ចេញឈ្មោះនោះទេ។ យើងបានឃើញលទ្ធផលខ្លះៗរួចហើយ ហើយខ្ញុំជឿជាក់ថា ប្រធានាធិបតី ដូចដែលអ្នកទាំងអស់គ្នាបានដឹងស្រាប់ហើយ គឺជាបុគ្គលដែលមានសមត្ថភាពបញ្ចុះបញ្ចូលបានយ៉ាងល្អ»។ លោកបានបន្ថែមថា «យើងកំពុងបន្តតាមដានការហៅទូរស័ព្ទរបស់គាត់ តាមរយៈការចុះទៅជួបផ្ទាល់ និង ការហៅទូរស័ព្ទពីក្រសួងការបរទេស និងក្រសួងហិរញ្ញវត្ថុអាមេរិក ដើម្បីជម្រាបប្រាប់មេដឹកនាំ ប្រទេស និងស្ថាប័ននានាឱ្យបានច្បាស់លាស់អំពីអ្វីដែលយើងរំពឹងទុក និង ពេលវេលាកំណត់នានា»។ លោក Scott Bessent បានបន្ថែមទៀតថា «ហើយខ្ញុំរំពឹងថា ក្នុងពេលឆាប់ៗនេះ ប្រសិនបើពួកគេមិនឆ្លើយតបទេនោះ លោកអ្នកនឹងឃើញពីផលវិបាកនៃការសម្រេចចិត្តរបស់ពួកគេ»៕ ប្រភព…

វ៉ាស៊ីនតោន ៖ សហរដ្ឋអាមេរិកសម្រេចបើកភ្លើងបៃតងលក់យន្តហោះចាក់សាំងតាមអាកាសប្រភេទ Boeing KC-46A ចំនួន ៤គ្រឿង និងបរិក្ខារយោធាពាក់ព័ន្ធ ក្នុងតម្លៃ ៤.៥ ពាន់លានដុល្លារ ទៅឱ្យប្រទេសកាតា ទោះបីជាមានការហាមឃាត់ពីសំណាក់អ៊ីស្រាអែលក៏ដោយ ។ នេះបើយោងតាមការជូនដំណឹងរបស់ក្រសួងការបរទេសអាមេរិកទៅកាន់សភា ។ ក្រសួងការបរទេសអាមេរិកបញ្ជាក់ថា ការទិញលក់យុទ្ធោបករណ៍នេះ ធ្វើឡើងមានគោលបំណងពង្រឹងសន្តិសុខរបស់ដៃគូយុទ្ធសាស្ត្រក្នុងតំបន់ និងបង្កើនសមត្ថភាពរបស់កាតា ក្នុងការឆ្លើយតបចំពោះការគំរាមកំហែងទាំងពេលបច្ចុប្បន្ន និងអនាគត ។ បើតាម Jerusalem post, តាមរយៈកិច្ចព្រមព្រៀងនេះ នឹងអនុញ្ញាតឱ្យកងទ័ពអាកាសរបស់កាតា ដែលធ្វើប្រតិបត្តិការយន្តហោះចម្បាំង F-15, យន្តហោះចម្បាំង Typhoon និងយន្តហោះចម្បាំង Rafale អាចបំពេញបេសកកម្មវាយប្រហារចម្ងាយឆ្ងាយហួសពីព្រំដែនរបស់ខ្លួនជាលើកដំបូង ។ យ៉ាងណា ដោយសារតែការកកស្ទះក្នុងការផលិតនាពេលបច្ចុប្បន្ន និងតម្រូវការខ្ពស់ទូទាំងពិភពលោក កាតាប្រហែលជាមិនអាចទទួលបានយន្តហោះចាក់សាំងតាមអាកាសទាំងនេះមុនឆ្នាំ ២០៣០ នោះទេ ខណៈប្រទេសនេះនៅមិនទាន់មានកងយន្តហោះចាក់សាំងផ្ទាល់ខ្លួននៅឡើយទេ ។ គួរបញ្ជាក់ថា អាមេរិកនៅតែជាប្រទេសនាំមុខគេលើពិភពលោក ដែលមានយន្តហោះចាក់សាំងតាមអាកាស KC-46 ច្រើនជាងគេរហូតដល ១០៥ គ្រឿង ហើយក៏មានផែនការទិញបន្ថែមសរុបចំនួន ២៨៣ គ្រឿង ។…