មូស្គូ ៖ វិមានក្រឹមឡាំង នៅថ្ងៃ ចន្ទ បានចោទប្រកាន់ចក្រភពអង់គ្លេសចំៗថា កំពុងរារាំងដំណើរការសន្តិភាព និងចាក់សាំងលើភ្លើង តាមរយៈការផ្តល់ព័ត៌មានដែលទីក្រុងកៀវត្រូវការ ដើម្បីយកផលិតមីស៊ីលវាយលុកចម្ងាយឆ្ងាយ SCALP ឬ Storm Shadow ។ ការចោទប្រកាន់នេះកើតឡើងភ្លាមៗ បន្ទាប់ពីនាយករដ្ឋមន្ត្រីអង់គ្លេស លោក Andy Burnham បានសន្យាថា នឹងបន្តគាំទ្រផ្នែកយោធាដល់អ៊ុយក្រែន ក្នុងអំឡុងពេលបំពេញទស្សនកិច្ចលើកដំបូងមកកាន់រដ្ឋធានីកៀវ ចាប់តាំងពីឡើងកាន់តំណែងជាផ្លូវការ ។ បើតាម AFP, ទីក្រុងឡុងដ៍នឹងអនុញ្ញាតឱ្យក្រុមហ៊ុនការពារជាតិ MBDA ផ្ទេរទិន្នន័យសម្ងាត់ស្តីអំពីសមាសធាតុ ដែលត្រូវប្រើក្នុងមីស៊ីល SCALP ដែលផលិតរួមគ្នារវាងបារាំង និងអង់គ្លេសទៅឱ្យអ៊ុយក្រែន ដើម្បីអនុញ្ញាតឱ្យទីក្រុងកៀវអាចបង្កើតខ្សែសង្វាក់ដំឡើង និងផលិតអាវុធយុទ្ធសាស្រ្តនេះដោយខ្លួននៅក្នុងស្រុកបាន ។ ជាការឆ្លើយតប អ្នកនាំពាក្យវិមានក្រឹមឡាំង លោក Dmitry Peskov បានរិះគន់ពេញៗមាត់ថា អង់គ្លេសកំពុងចាក់សាំងលើភ្លើង និងកំពុងរៀបចំផែនការជាប្រព័ន្ធដើម្បីរារាំងសន្តិភាពនៅអ៊ុយក្រែន ទោះបីជាមានភាពរីកចម្រើនបន្តិចបន្តួចក្នុងដំណើរការចរចាបញ្ចប់សង្គ្រាមក៏ដោយ ។ ក្រៅពីរិះគន់ លោក Peskov ក៏បានព្រមានធ្ងន់ៗផងដែរថា កងទ័ពរុស្ស៊ីកំពុងប្រមូលទិន្នន័យការណ៍សម្ងាត់ ដើម្បីស្វែងរកទីតាំងរោងចក្រផលិតមីស៊ីលទាំងនោះនៅអ៊ុយក្រែន ហើយនឹងធ្វើការវាយប្រហារបំផ្លាញចោលទាំងស្រុងតែម្តង ។…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ នៅថ្ងៃ ចន្ទ ប្រកាសថា សេដ្ឋកិច្ចរបស់ប្រទេសអ៊ីរ៉ង់កំពុង “ដួលរលំ” ទាំងស្រុង មុនពេលកញ្ចប់ទណ្ឌកម្មដ៏ធំបំផុតមិនធ្លាប់មានរបស់សហរដ្ឋអាមេរិកមកដល់ ។ មេដឹកនាំអាមេរិករូបនេះ បានបញ្ជាក់ច្បាស់ៗតាមបណ្តាញសង្គម Truth Social ថា សេដ្ឋកិច្ចអ៊ីរ៉ង់កំពុងដួលរលំទាំងស្រុងហើយ ខណៈការអះអាងនេះ ធ្វើឡើងប៉ុន្មានម៉ោងប៉ុណ្ណោះ មុនពេលសហរដ្ឋអាមេរិកចាប់ផ្តើមបញ្ចេញកញ្ចប់ទណ្ឌកម្មដ៏ធំបំផុតមិនធ្លាប់មានប្រឆាំងនឹងអ៊ីរ៉ង់ គឺ “economic D-Day” ។ បើតាម AFP, រដ្ឋមន្ត្រីរតនាគារអាមេរិក លោក Scott Bessent ថែមទាំងបានបោះសម្តីព្រមានធ្ងន់ៗថា ប្រទេសណាក៏ដោយ ដែលហ៊ានបន្តជួយជ្រោមជ្រែងដល់សាធារណរដ្ឋឥស្លាមមួយនេះ នឹងក្លាយជារដ្ឋដែលត្រូវបានគេកាត់ចេញពីសហគមន៍អន្តរជាតិ ។ បន្ថែមលើនេះ លោក Bessent ក៏បានអះអាងតាមបណ្តាញសង្គម X ដែរថា ក្រៅពីចាប់ផ្តើមកញ្ចប់ទណ្ឌកម្មសេដ្ឋកិច្ចខ្នាតយក្ស សហរដ្ឋអាមេរិកក៏បានកម្ទេចសមត្ថភាពយោធារបស់អ៊ីរ៉ង់ និងបំផ្លាញរោងចក្រយោធារបស់ពួកគេជិត ១០០ ភាគរយផងដែរ ជាពិសេសយោធាអាមេរិកក៏បានកប់ក្នុងក្តាមមឈូសនូវកម្មវិធីនុយក្លេអ៊ែររបស់អ៊ីរ៉ង់ទាំងស្រុងផងដែរ ។ យ៉ាងណាមិញ ភាគីអ៊ីរ៉ង់បានសើចចំអកចំពោះការអះអាងនេះ ដោយនិយាយថា វិធានការចុងក្រោយបង្អស់របស់អាមេរិក…

ហ្គាហ្សា ៖ «ប្រសិនបើជាខ្លែងរបស់កុមារនៅហ្គាហ្សា ហោះធ្លាក់ចូលក្នុងតំបន់តាំងទីលំនៅ អ៊ីស្រាអែល មិនត្រូវបានបញ្ឈប់ទេនោះ កងទ័ពអ៊ីស្រាអែលនឹងបើកការវាយប្រហារយ៉ាងខ្លាំងក្លា ទៅលើតំបន់ដែលខ្លែងទាំងនោះត្រូវបានបង្ហោះចេញ និង ធ្វើការបណ្តេញប្រជាជនចេញដោយបង្ខំទៀងផង»។ នេះបើតាមសេចក្តីថ្លែងការណ៍ របស់ការិយាល័យ លោក នាយករដ្ឋមន្ត្រីអ៊ីស្រាអែល Benjamin Netanyahu ចេញផ្សាយ កាលពីថ្ងៃអាទិត្យ។ បើតាម anadolu, ការប្រកាសគំរាមនេះ ត្រូវបានធ្វើឡើង បន្ទាប់ពីលោក Benjamin Netanyahu បានដឹកនាំកិច្ចប្រជុំ ពិភាក្សាអំពីការគំរាមកំហែងបង្កឡើងដោយខ្លែង ដែលត្រូវបានបង្ហោះចេញពីតំបន់ Gaza ហើយធ្លាក់ចូលទៅក្នុងតំបន់តាំងទីលំនៅរបស់អ៊ីស្រាអែល រួមទាំង ការគំរាមកំហែងពីយន្តហោះគ្មានមនុស្សបើក និង ការបង្ហោះប៉េងប៉ោង ផងដែរ។ ប្រព័ន្ធផ្សព្វផ្សាយអ៊ីស្រាអែលនានាបានរាយការណ៍ថា ខ្លែងដែលត្រូវបានបង្ហោះដោយកុមារ Gaza បង្កឱ្យមានការព្រួយបារម្ភក្នុងចំណោមប្រជាជនអ៊ីស្រាអែល នៅក្នុងតំបន់នោះ។ ការណ៍នេះ នាំឲ្យរដ្ឋមន្ត្រីការពារជាតិអ៊ីស្រាអែល លោក Yisrael Katz បានណែនាំឱ្យកងទ័ពចាត់វិធានការយ៉ាងតឹងរ៉ឹងលើបញ្ហានេះ បើទោះបីជា ទាហានរបស់ខ្លួនប្រចាំការនៅទីនោះបានប្រកាសថា គ្មានអ្វីគួរឱ្យសង្ស័យ អំពីខ្លែងទាំងនោះ ក៏ដោយ។ ឆ្លើយតបនឹងការគំរាមបាញ់ផ្លោងគ្រាប់យ៉ាងសន្ធាប់ចូលតំបន់ហ្គាហ្សា ព្រោះតែសកម្មភាពរបស់កុមារបែបនេះ, អ្នកនាំពាក្យក្រុម Hamas…

វ៉ាស៊ីនតោន ៖ សហរដ្ឋអាមេរិកអាចនឹងធ្វើការវាយប្រហារបន្ថែមទៀត លើប្រទេសអ៊ីរ៉ង់ ប្រសិនបើជាចាំបាច់ ទោះបីជាទីក្រុងវ៉ាស៊ីនតោន ងាកមកប្រើវិធីដាក់ទណ្ឌកម្មសេដ្ឋកិច្ចវិញក៏ដោយ។ នេះបើតាមការព្រមានរបស់ រដ្ឋមន្ត្រីសង្គ្រាមអាមេរិក លោក Pete Hegseth កាលពីថ្ងៃចន្ទ។ រដ្ឋមន្ត្រីសង្គ្រាមអាមេរិក លោក Pete Hegseth បានថ្លែងថា ទីក្រុងវ៉ាស៊ីនតោនមិនបានបដិសេធលទ្ធភាពនៃការវាយប្រហារផ្នែកយោធាបន្ថែមទៀត លើប្រទេសអ៊ីរ៉ង់នោះទេ ទោះបីជារដ្ឋបាលរបស់លោក Trump កំពុងបង្កើនសម្ពាធសេដ្ឋកិច្ចលើទីក្រុងតេហេរ៉ង់ក៏ដោយ។ នៅពេលត្រូវបានសួរថា តើការវាយប្រហារដោយកម្លាំងយោធា ត្រូវបានផ្អាកនៅពេលនេះឬយ៉ាងណា, លោក Hegseth បានឆ្លើយតបថា «អត់ទេ ប្រសិនបើយើងចាំបាច់ត្រូវប្រើប្រាស់ការវាយប្រហារដោយកម្លាំងយោធា យើងនឹងធ្វើវា»។ លោកបានប្រាប់អ្នកសារព័ត៌មាន បន្ទាប់ពីថ្លែងសុន្ទរកថា ទៅកាន់បុគ្គលិកក្នុងវិស័យឧស្សាហកម្មការពារជាតិ នៅទីក្រុង Oshkosh រដ្ឋ Wisconsin ថា «ប្រសិនបើអ៊ីរ៉ង់មានភាពល្ងង់ខ្លៅគ្រប់គ្រាន់ក្នុងការធ្វើសកម្មភាពហួសហេតុ ឬ បង្កបញ្ហាដល់កងទ័ពអាមេរិក យើងនឹងធ្វើអ្វីដែលចាំបាច់ត្រូវធ្វើ»។ នៅទីនោះ លោកបានជំរុញឱ្យក្រុមហ៊ុនម៉ៅការផ្នែកការពារជាតិរបស់អាមេរិក «ផ្លាស់ប្តូរទៅរកស្ថានភាពត្រៀមខ្លួនសម្រាប់សង្គ្រាម»។ យ៉ាងណា លោក Hegseth បានបដិសេធ មិនលើកឡើងអំពីរបាយការណ៍ដែលថា ស្តុកមីស៊ីលរយៈចម្ងាយឆ្ងាយប្រភេទ ATACMS របស់អាមេរិកត្រូវបានប្រើប្រាស់អស់យ៉ាងច្រើននៅក្នុងជម្លោះដែលកំពុងបន្តនោះទេ…

គូឡាឡាំពួរ ៖ ប្រទេសម៉ាឡេស៊ីបានណែនាំពលរដ្ឋរបស់ខ្លួន ដែលកំពុងធ្វើដំណើរទៅកាន់ខេត្តយ៉ាឡា ខេត្តណារ៉ាធីវ៉ាត និងប៉ាតានី ភាគខាងត្បូងប្រទេសថៃ ឱ្យបង្កើនការប្រុងប្រយ័ត្នខ្ពស់ ក្រោយផ្ទុះអំពើហិង្សាជាបន្តបន្ទាប់នៅទីនោះ ។ តំបន់ព្រំដែនភាគខាងត្បូងរបស់ប្រទេសថៃ ដែលជាប់ព្រំប្រទល់ជាមួយប្រទេសម៉ាឡេស៊ី គឺជាទីកន្លែងនៃជម្លោះបះបោររ៉ាំរ៉ៃជាច្រើនទសវត្សរ៍មកហើយ ។ ជាក់ស្តែង កងកម្លាំងសន្តិសុខថៃបានប្រយុទ្ធជាមួយក្រុមឧទ្ទាម ដែលព្យាយាមផ្តាច់ខ្លួនស្វែងរកឯករាជ្យ សម្រាប់បណ្តាខេត្តដែលមានប្រជាជនម៉ូស្លីម និងជនជាតិម៉ាឡេស៊ីភាគច្រើន ដូចជានៅណារ៉ាត់ធីវ៉ាត់, ប៉ាតានី, យ៉ាឡា និងផ្នែកខ្លះនៃខេត្តសុងក្លា ។ ឆ្លើយតបបញ្ហាអសន្តិសុខចុងក្រោយនេះ ក្រសួងការបរទេសម៉ាឡេស៊ីបានចេញសេចក្តីថ្លែងការណ៍មួយ កាលពីថ្ងៃ អាទិត្យ ដោយណែនាំជនជាតិម៉ាឡេស៊ីដែលធ្វើដំណើរនៅកាន់តំបន់រងផលប៉ះពាល់របស់ប្រទេសថៃ ត្រូវចុះឈ្មោះជាមួយស្ថានទូតម៉ាឡេស៊ី ។ ក្រសួងបញ្ជាក់ថា ជនជាតិម៉ាឡេស៊ីដែលរស់នៅ ឬធ្វើដំណើរឆ្លងកាត់ ក៏ដូចជាមានបំណងធ្វើដំណើរទៅ-មកពីខេត្តព្រំដែនភាគខាងត្បូងនៃប្រទេសថៃ ត្រូវបានណែនាំឱ្យប្រុងប្រយ័ត្នខ្ពស់ រក្សាការប្រុងប្រយ័ត្ន និងគោរពតាមការណែនាំសុវត្ថិភាព បម្រាមគោចរ និងការណែនាំសន្តិសុខទាំងអស់ដែលអនុវត្តដោយអាជ្ញាធរមូលដ្ឋាន ។ បើតាមស៊ីនហួរ, អាជ្ញាធរថៃបានអំពាវនាវដល់ប្រជាពលរដ្ឋទូទាំងខេត្តព្រំដែនភាគខាងត្បូងទាំង៣ របស់ប្រទេសថៃ ឱ្យស្នាក់នៅក្នុងផ្ទះ កុំចេញទៅក្រៅ បើមិនចាំបាច់ និងចៀសវាងទៅកាន់តំបន់ដែលរងផលប៉ះពាល់ បន្ទាប់ពីមានឧប្បត្តិហេតុវាយប្រហារជាច្រើនករណីកើនឡើងព្រមគ្នា កាលពីយប់ថ្ងៃ សៅរ៍ ៕ ប្រភព ៖ ស៊ីនហួរ…

តេហេរ៉ង់ ៖ ប្រធានសភាអ៊ីរ៉ង់ លោក Ghalibaf អំពាវនាវឱ្យឈប់ប្រើប្រាស់ប្រាក់ដុល្លារអាមេរិក នៅក្នុងការធ្វើពាណិជ្ជកម្ម។ លោក Mohammad Bagher Ghalibaf ប្រធានសភាអ៊ីរ៉ង់ បានអំពាវនាវឱ្យឈប់ប្រើប្រាស់ប្រាក់ដុល្លារអាមេរិកក្នុងការធ្វើពាណិជ្ជកម្ម ដោយចាត់ទុកថាវាជាវិធីសាស្ត្រទូទាត់ដែលហួសសម័យ។ លោកបានថ្លែងនៅក្នុងវេទិកាសេដ្ឋកិច្ចមួយ នៅទីក្រុងបាកដាដ ប្រទេសអ៊ីរ៉ាក់ កាលពីចុងសប្តាហ៍ថា «សម័យកាលនៃឥទ្ធិពលត្រួតត្រាជាសកលរបស់សហរដ្ឋអាមេរិកបានបញ្ចប់ទៅហើយ ប៉ុន្តែ យើងមិនទាន់បានទាញយកផលប្រយោជន៍ពេញលេញពីស្ថានភាពនេះនៅឡើយទេ ហើយនៅតែបន្តប្រើប្រាស់វិធីសាស្ត្រហួសសម័យក្នុងការធ្វើពាណិជ្ជកម្ម»។ លោកបានអំពាវនាវឱ្យ «បញ្ឈប់ការអាស្រ័យលើប្រាក់ដុល្លារអាមេរិក ហើយងាកមកប្រើប្រាស់រូបិយប័ណ្ណក្នុងស្រុកវិញសម្រាប់ការទូទាត់ និងការធ្វើពាណិជ្ជកម្ម»។ យោងតាមលោក Ghalibaf, តំបន់មជ្ឈិមបូព៌ាមាន «សារៈសំខាន់ពិសេសផ្នែកភូមិសាស្ត្រនយោបាយ»។ លោកបានសង្កត់ធ្ងន់ថា៖ «ច្រកផ្លូវដែលតភ្ជាប់ពីប្រទេសអ៊ីរ៉ង់ និងអ៊ីរ៉ាក់ ទៅកាន់សមុទ្រមេឌីទែរ៉ាណេ ដែលឆ្លងកាត់បណ្តាប្រទេសនៃ “អ័ក្សតស៊ូ” គឺជាបេះដូងនៃទិដ្ឋភាពភូមិសាស្ត្រនយោបាយ និងជាធាតុផ្សំដ៏សំខាន់នៃអំណាច និងឯករាជ្យភាព»។ យោងតាមទស្សនៈរបស់អ៊ីរ៉ង់, អ្វីដែលគេហៅថា «អ័ក្សតស៊ូ» នេះ រួមមាន ចលនា ក្រុមហ៊ូទី ប្រទេសយេម៉ែន ក្រុមហេសបូឡា នៅប្រទេសលីបង់ និងក្រុមប្រដាប់អាវុធស៊ីអ៊ីត នៅប្រទេសអ៊ីរ៉ាក់៕ ប្រភព ៖ Tass ប្រែសម្រួល…