កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី ព្រមានថា មេដឹកនាំរុស្ស៊ី លោក វ្ល៉ាឌីមៀ ពូទីន មានផែនការកេណ្ឌទ័ពថ្មីបន្ថែមចំនួន ៣០០,០០០នាក់ ដើម្បីដាក់ពង្រាយក្នុងសង្គ្រាមអ៊ុយក្រែន បន្ទាប់ពីការបោះឆ្នោតសភារុស្ស៊ីនៅពាក់កណ្តាលខែកញ្ញាខាងមុខ ។ បើតាម CNN, លោក ហ្សេលេនស្គី ជឿជាក់ថា លោក ពូទីន មានផែនការដាក់ពង្រាយកងទ័ពទើបកេណ្ឌថ្មីទាំង ៣០០,០០០នាក់ ប៉ុន្តែវាអាស្រ័យលើស្ថានភាពនៅភាគខាងកើតប្រទេសអ៊ុយក្រែន ។ លោក ហ្សេលេនស្គី សង្កត់ធ្ងន់ថា កងទ័ពថ្មីទាំងនេះ ត្រូវបានរំពឹងថា នឹងប្រើប្រាស់ដើម្បីបង្កើនការវាយលុកដណ្តើមយកតំបន់ ដូណេត ភាគខាងកើតអ៊ុយក្រែនឱ្យបានទាំងស្រុងនៅចុងឆ្នាំនេះ ។ ប្រធានាធិបតីអ៊ុយក្រែនរូបនេះ អះអាងថា រុស្ស៊ីបានបាត់បង់បុគ្គលិកយោធាចំនួន ២៦៧,០០០ នាក់ ចាប់តាំងពីដើមឆ្នាំមក និងប្រមាណ ១៥៥,០០០នាក់ ត្រូវបានសម្លាប់ គិតមកទល់ពេលនេះ ។ យ៉ាងណា តួលេខនេះ មិនអាចបញ្ជាក់បានទេ ប៉ុន្តែស្របតាមការប៉ាន់ស្មានរបស់មន្ត្រីលោកខាងលិច ។ គួរបញ្ជាក់ថា រុស្ស៊ីកំពុងពង្រឹងការវាយលុកជាមួយនឹងសង្គ្រាមផ្លូវអាកាសកាន់តែខ្លាំងឡើងលើទីក្រុងនានារបស់អ៊ុយក្រែន ដែលកាន់តែសាហាវទៅៗ…

ឡុងដ៍ ៖ នាយករដ្ឋមន្ត្រីអង់គ្លេស លោក Andy Burnham នឹងទៅបំពេញទស្សនកិច្ចនៅប្រទេសអ៊ុយក្រែន នៅថ្ងៃទី២៤ ខែសីហានេះ ជាមួយនឹងផែនការជួយគាំទ្រទីក្រុងកៀវ ក្នុងការផលិតមីស៊ីលចម្ងាយឆ្ងាយក្នុងស្រុករបស់ខ្លួនឱ្យកាន់តែរីកចម្រើន ។ យោងតាមការិយាល័យនាយករដ្ឋមន្រ្តីអង់គ្លេស, រដ្ឋាភិបាលរបស់លោក Burnham នឹងអនុញ្ញាតឱ្យក្រុមហ៊ុនផលិតអាវុធអឺរ៉ុប MBDA បញ្ចេញព័ត៌មានសម្ងាត់ ស្តីពីសមាសធាតុផលិតដោយអង់គ្លេស ដែលប្រើប្រាស់ក្នុងមីស៊ីលនាំផ្លូវចម្ងាយឆ្ងាយ SCALP ឬ Storm Shadow ជាមួយអ៊ុយក្រែន ។ ការសម្រេចចិត្តនេះ នឹងជួយឱ្យប្រទេសបារាំង និងអ៊ុយក្រែនអាចបង្កើតខ្សែសង្វាក់ដំឡើង និងផលិតមីស៊ីលប្រភេទនេះដោយផ្ទាល់នៅក្នុងទឹកដីអ៊ុយក្រែនតែម្តង ។ ផែនការនេះធ្វើឡើងចំពេលដែលអ៊ុយក្រែនកំពុងខ្វះខាតគ្រាប់មីស៊ីលការពារ និងវាយបកកងទ័ពរុស្ស៊ី ហើយត្រូវការបង្កើនសមត្ថភាពផលិតកម្មអាវុធរយៈចម្ងាយឆ្ងាយដោយខ្លួនឯង ដើម្បីវាយប្រហារលើទីតាំងភស្តុភារ និងរោងចក្រចម្រាញ់ប្រេងរបស់រុស្ស៊ី ។ បើតាម Straits Times, ចក្រភពអង់គ្លេសគឺជាអ្នកគាំទ្រដ៏រឹងមាំបំផុតមួយរបស់អ៊ុយក្រែន ចាប់តាំងពីការឈ្លានពានទ្រង់ទ្រាយធំរបស់រុស្ស៊ីក្នុងឆ្នាំ២០២២ ដោយផ្តល់ទាំងការគាំទ្រផ្នែកយោធា ជំនួយសេដ្ឋកិច្ច និងការទូត ។ បន្ថែមលើនេះ ចក្រភពអង់គ្លេស ក៏ជាប្រទេសដំបូងគេដែលប្រកាសពីផែនការផ្គត់ផ្គង់រថក្រោះចម្បាំងផលិតដោយលោកខាងលិច និងមីស៊ីលនាំផ្លូវចម្ងាយឆ្ងាយដល់អ៊ុយក្រែនផងដែរ ហើយមកទល់ពេលនេះ ទីក្រុងឡុងដ៍បានផ្តល់ជំនួយជាង ៣៤ ពាន់លានដុល្លារហើយ សម្រាប់ការគាំទ្រផ្នែកយោធា…

តេហេរ៉ង់ ៖ ប្រធានាធិបតីអ៊ីរ៉ង់ លោក Masoud Pezeshkian នៅថ្ងៃ អាទិត្យ ប្រកាសថា ប្រទេសរបស់លោកកំពុងស្ថិតក្នុង “សង្គ្រាមទ្រង់ទ្រាយធំ” ហើយថា រដ្ឋាភិបាលក៏កំពុងតស៊ូព្យាយាមជម្នះការលំបាកនេះ ដើម្បីគេចផុតពីការដួលរលំដូចប្រទេសវេណេស៊ុយអេឡា ។ នៅក្នុងសុន្ទរកថាចេញផ្សាយដោយទូរទស្សន៍រដ្ឋ IRNA, មេដឹកនាំអ៊ីរ៉ង់រូបនេះសង្កត់ធ្ងន់ថា យើងកំពុងស្ថិតក្នុងសង្គ្រាមទ្រង់ទ្រាយធំ ទាំងផ្នែកសេដ្ឋកិច្ច យោធា និងសន្តិសុខ។ ជាមួយគ្នានេះ លោក Pezeshkian បានស្តីបន្ទោសលោកប្រធានាធិបតី Donald Trump ចំពោះការដាក់ទណ្ឌកម្មសេដ្ឋកិច្ចដ៏ធ្ងន់ធ្ងរបំផុត ក្នុងគោលបំណងបង្ខំឱ្យសេដ្ឋកិច្ចអ៊ីរ៉ង់ដួលរលំ ។ ប្រធានាធិបតីអ៊ីរ៉ង់រូបនេះ បានប្រៀបធៀបថា យុទ្ធនាការគាបសង្កត់ និងការដាក់ឯកោអ៊ីរ៉ង់នាពេលបច្ចុប្បន្ន មានភាពស្មុគស្មាញ និងបំផ្លិចបំផ្លាញជាង «សង្គ្រាមអ៊ីរ៉ង់-អ៊ីរ៉ាក់» ទៅទៀត ។ យ៉ាងណាមិញ លោក Pezeshkian បានសង្កត់ធ្ងន់ថា ទោះបីជាសត្រូវវាយតម្លៃថា អ៊ីរ៉ង់នឹងដួលរលំ ដូចប្រទេសវេណេស៊ុយអេឡាក៏ដោយ ប៉ុន្តអ៊ីរ៉ង់មិនបានដួលរលំឡើយ ផ្ទុយទៅវិញ អ៊ីរ៉ង់បានក្លាយជាមហាអំណាចមួយ ដែលធ្វើឱ្យពិភពលោកភ្ញាក់ផ្អើលតាមរយៈភាពធន់ និងសាមគ្គីភាពផ្ទៃក្នុង ។ បើតាម Anadolu,…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអាទិត្យ បានចោទប្រកាន់ ប្រទេសកាណាដាថា ចង់បានអត្ថប្រយោជន៍ពីអាមេរិក តាមរយៈវិធីសាស្ត្រ មិនចាំបាច់ក្លាយជារដ្ឋរបស់អាមេរិក។ នៅលើបណ្តាញសង្គម Truth Social, លោក Trump បានសរសេរថា «កាណាដាចង់បានអត្ថប្រយោជន៍នៃការក្លាយជារដ្ឋមួយរបស់អាមេរិក ដោយមិនចាំបាច់ក្លាយជារដ្ឋនោះឡើយ!!!»។ លោកក៏បានចោទប្រកាន់កាណាដាថា បានដាក់ពន្ធគយខ្ពស់លើផលិតផលកសិកម្មរបស់អាមេរិក ដោយលោកបានលើកឡើងថា «ពួកគេបានគិតថ្លៃពន្ធគយយ៉ាងច្រើនសន្ធឹកសន្ធាប់មកលើកសិករដ៏អស្ចារ្យរបស់យើងអស់រយៈពេលជាច្រើនឆ្នាំមកហើយ។ ឈប់ទៀតទៅ!!!»។ បើតាម Anadolu, ការលើកឡើងទាំងនេះបានកើតឡើង ចំពេលដែលមានជម្លោះពាណិជ្ជកម្មកំពុងបន្តរវាងប្រទេសទាំងពីរ។ កាលពីថ្ងៃសៅរ៍, លោក Mark Carney នាយករដ្ឋមន្ត្រីកាណាដា បានចោទប្រកាន់សហរដ្ឋអាមេរិកថា បានប្រើប្រាស់ពន្ធគយថ្មីដើម្បី «បង្កគ្រោះថ្នាក់ និងបំបែកបំបាក់ កាណាដា ដោយលោកបានហៅវិធានការទាំងនោះថាជា «ការគណនាខុសឆ្គង» និងបានសន្យាថា នឹងមានការសងសឹកតបតវិញក្នុងកម្រិតស្មើគ្នា ចាប់ពីថ្ងៃទី៨ ខែកញ្ញា តទៅ។ លោក Carney ក៏បាននិយាយផងដែរថា កាណាដាបានផ្អាកកិច្ចចរចាពាណិជ្ជកម្មជាមួយទីក្រុង Washington បន្ទាប់ពីសហរដ្ឋអាមេរិកបានដាក់ចេញនូវការទាមទារដែលទីក្រុង Ottawa មិនអាចទទួលយកបាន។ ប្រធានាធិបតីអាមេរិក…

តេហេរ៉ង់ ៖ អ៊ីរ៉ង់នឹងវាយប្រហារផ្លូវដឹកជញ្ជូនប្រេងផ្សេងៗទៀត ក្រៅពី ហ័រមូស ប្រសិនបើប្រទេសក្នុងតំបន់ឈូងសមុទ្រគាំទ្រការដាក់ទណ្ឌកម្មរបស់សហរដ្ឋអាមេរិក។ នេះបើតាមការអះអាងរបស់ អគ្គលេខាធិការក្រុមប្រឹក្សាសន្តិសុខជាតិជាន់ខ្ពស់អ៊ីរ៉ង់។ បើតាម Tass, លោក Mohsen Rezaei អគ្គលេខាធិការក្រុមប្រឹក្សាសន្តិសុខជាតិជាន់ខ្ពស់របស់អ៊ីរ៉ង់ បានថ្លែងកាលពីថ្ងៃអាទិត្យថា អ៊ីរ៉ង់មិនត្រឹមតែត្រៀមខ្លួនវាយប្រហារលើនាវាដឹកប្រេងដែលធ្វើដំណើរឆ្លងកាត់ច្រកសមុទ្រ Hormuz ប៉ុណ្ណោះទេ ប៉ុន្តែ ថែមទាំងត្រៀមវាយប្រហារលើផ្លូវដឹកជញ្ជូនប្រេងផ្សេងទៀតចេញពីតំបន់ឈូងសមុទ្រពែរ្សផងដែរ ប្រសិនបើប្រទេសក្នុងតំបន់ចូលរួមអនុវត្តវិធានការដាក់ទណ្ឌកម្មរបស់សហរដ្ឋអាមេរិកប្រឆាំងនឹងអ៊ីរ៉ង់។ ស្ថានីយ៍ផ្សព្វផ្សាយព័ត៌មានរបស់រដ្ឋអ៊ីរ៉ង់ បានដកស្រង់សម្តីរបស់លោកមកបញ្ជាក់ថា «យើងកំពុងប្រាប់ប្រទេសជិតខាងទាំងអស់ កុំឱ្យចូលរួមក្នុងសង្គ្រាមសេដ្ឋកិច្ចរបស់សហរដ្ឋអាមេរិកប្រឆាំងនឹងអ៊ីរ៉ង់ បើមិនដូច្នោះទេ ទីក្រុងតេហេរ៉ង់នឹងចាត់ទុកពួកគេជាសត្រូវ»។ លោកបានបន្ថែមថា ប្រសិនបើប្រទេសជិតខាងចូលរួមអនុវត្តទណ្ឌកម្មរបស់សហរដ្ឋអាមេរិកនោះ «នឹងមិនមានប្រេងសូម្បីតែមួយដំណក់ត្រូវបានដឹកជញ្ជូនចេញពីតំបន់ឈូងសមុទ្រពែរ្ស និងច្រកសមុទ្រ Hormuz ឡើយ»។ ក្នុងករណីនោះ, អ៊ីរ៉ង់នឹង «ចាត់ទុកផ្លូវដឹកជញ្ជូនប្រេងផ្សេងទៀតចេញពីតំបន់នេះថា ជាគោលដៅវាយប្រហាររបស់ខ្លួន»។ តាមរយៈសម្តីរបស់លោក Rezaei , «សាធារណរដ្ឋអ៊ីស្លាមមួយនេះមិនចង់ឱ្យជម្លោះរីករាលដាលនោះទេ ប៉ុន្តែ ប្រសិនបើប្រទេសជិតខាងរបស់អ៊ីរ៉ង់គាំទ្រសហរដ្ឋអាមេរិក ក្នុងសង្គ្រាមសេដ្ឋកិច្ចនេះ ទីក្រុងតេហេរ៉ង់នឹងធ្វើឱ្យប៉ះពាល់ដល់ផលប្រយោជន៍របស់ពួកគេ»៕ ប្រភព ៖ Tass ប្រែសម្រួល ៖ សារ៉ាត

តេហេរ៉ង់ ៖ អ៊ីរ៉ង់ កាលពីថ្ងៃសៅរ៍ បានព្រមានវាយប្រហារលើផលប្រយោជន៍របស់បណ្តាប្រទេសក្នុងតំបន់ ដែលជួយសហរដ្ឋអាមេរិក លើអ្វីដែលខ្លួនហៅកថា សង្គ្រាមសេដ្ឋកិច្ច ប្រឆាំនឹងទីក្រុងតេហេរ៉ង់។ សង្គ្រាមសេដ្ឋកិច្ច ដែលអ៊ីរ៉ង់ចង់សំដៅលើ «ទណ្ឌកម្មសេដ្ឋកិច្ចដ៏ធ្ងនធ្ងន់» របស់អាមេរិក។ បើតាម anadolu, លោក Mohsen Rezaei អគ្គលេខាធិការនៃក្រុមប្រឹក្សាសន្តិសុខជាតិជាន់ខ្ពស់របស់អ៊ីរ៉ង់ បានថ្លែងដូច្នេះ នៅក្នុងកម្មវិធីមួយដែលផ្សាយតាមទូរទស្សន៍រដ្ឋរបស់អ៊ីរ៉ង់។ ដោយសំដៅលើគោលនយោបាយដាក់សម្ពាធសេដ្ឋកិច្ចរបស់សហរដ្ឋអាមេរិកប្រឆាំងនឹងអ៊ីរ៉ង់, លោក Rezaei បានមានប្រសាសន៍ថា «យើងសូមប្រាប់ទៅកាន់ប្រទេសជិតខាងទាំងអស់កុំឱ្យចូលរួមជាមួយអាមេរិក ក្នុងសង្គ្រាមសេដ្ឋកិច្ចនេះ។ បើមិនដូច្នេះទេ យើងនឹងចាត់ទុកពួកគេជាសត្រូវ។ យើងមិនមានបំណងពង្រីកសង្គ្រាមនោះទេ ប៉ុន្តែប្រសិនបើប្រទេសនានាជុំវិញអ៊ីរ៉ង់សហការជាមួយអាមេរិកក្នុងសង្គ្រាមសេដ្ឋកិច្ច យើងនឹងវាយប្រហារលើផលប្រយោជន៍របស់ពួកគេ»។ លោក Rezaei បានបញ្ជាក់ថា ប្រសិនបើប្រទេសនានាជុំវិញអ៊ីរ៉ង់ គាំទ្រសហរដ្ឋអាមេរិកក្នុងសង្គ្រាមសេដ្ឋកិច្ច, ពួកគេនឹងប្រឈមចំពោះការបិទឈូងសមុទ្រពែរ្ស ដូចគ្នា នឹងច្រកសមុទ្រ Hormuz ដែរ ហើយនឹងមិនអនុញ្ញាតឱ្យប្រេង សូម្បីតែមួយដំណក់ ឆ្លងកាត់តំបន់នោះឡើយ។ មន្ត្រីអ៊ីរ៉ង់រូបនេះក៏បានព្រលយពាក្យសម្តីផងដែរថា បំណងប្រាថ្នាក្នុងការទទួលបានអាវុធនុយក្លេអ៊ែរបានកើនឡើងនៅទូទាំងពិភពលោក ដោយសារតែគោលនយោបាយ «មិនគិតគូរពីផលវិបាក» របស់ប្រធានាធិបតីអាមេរិក លោក Donald Trump៕ ប្រភព ៖…