កៀវ ៖ មេដឹកនាំអ៊ុយក្រែននិយាយថា ត្រឹម៣ថ្ងៃប៉ុណ្ណោះ រុស្ស៊ីបានបញ្ជាយន្តហោះដ្រូនច្រើនជាង ៩០០គ្រឿងវាយលុកអ៊ុយក្រែនមិនសំចៃដៃ ទោះបីជាពិភពលោកជំរុញឱ្យលោក ពូទីន ចូលខ្លួនចរចាបញ្ឈប់សង្គ្រាមក៏ដោយ ក៏រុស្ស៊ីនៅតែអូសបន្លាយការប្រយុទ្ធ។ ប្រធានាធិបតីអ៊ុយក្រែន លោក Volodymyr Zelensky បាននិយាយនៅក្នុងវីដេអូថា ក្រៅពីយន្តហោះដ្រូន ការវាយប្រហាររបស់រុស្សីលើអ៊ុយក្រែន ក៏រួមបញ្ចូលទាំងកាំជ្រួច និងមីស៊ីលផ្លោងផងដែរ។ លោកប្រធានាធិបតី Zelensky បានសង្កត់ធ្ងន់ថា យោងតាមរបាយការណ៍ទទួលបានពីការស៊ើបការណ៍សម្ងាត់ និងប្រភពផ្សេងទៀត បានបង្ហាញថា លោក ពូទីន និងបក្ខពួករបស់គាត់មិនមានគម្រោងបញ្ចប់សង្រ្គាមទេ ផ្ទុយទៅវិញ មានភស្តុតាងគ្រប់គ្រាន់ដែលថា រុស្ស៊ីកំពុងរៀបចំប្រតិបត្តិការវាយលុកថ្មី។ ផ្អែកតាមកាសែត Wall Street Journal ប្រធានាធិបតីអាមេរិក លោក Donald Trump កំពុងពិចារណាដាក់ទណ្ឌកម្មថ្មីលើរុស្ស៊ី បន្ទាប់ពីទើបហៅលោក ពូទីន ថា ជាមនុស្សឆ្កួត និងកំពុងប្រឡែងលេងជាមួយភ្លើង ប៉ុន្តែរហូតមកដល់ពេលនេះ លោក ត្រាំ មិនទាន់ចាត់វិធានការថ្មីណាមួយនៅឡើយទេ៕ ប្រភព ៖ NHK ប្រែសម្រួល ៖ ឈឹម…

អូតាវ៉ា ៖ ភ្លើងឆេះព្រៃសកម្មប្រហែល ១៣៤កន្លែង បាននឹងកំពុងលេបត្របាក់ផ្ទៃដីពាសពេញប្រទេសកាណាដា ក្នុងនោះភ្លើងឆេះព្រៃជាងពាក់កណ្តាលមន្រ្តីពន្លត់អគ្គិភ័យមិនអាចគ្រប់គ្រងបានទេ។ ជាការឆ្លើយតប អាជ្ញាធរកាណាដាកំពុងជម្លៀសប្រជាជនជាង ១៧.០០០នាក់ចេញពីខេត្ត Manitoba ខណៈដែលខេត្តមួយនេះ ជួបប្រទះគ្រោះមហន្តរាយអាក្រក់បំផុតមិនធ្លាប់មានក្នុងពេលជាច្រើនឆ្នាំ ក្នុងកំលុងរដូវកាលភ្លើងឆេះព្រៃ។ ជាមួយគ្នានេះ អភិបាលខេត្ត Manitoba លោក Wab Kinew បានប្រាប់សន្និសីទសារព័ត៌មានមួយថា រដ្ឋាភិបាលបានប្រកាសស្ថានភាពអាសន្នទូទាំងខេត្តតែម្តង ដើម្បីបង្ការគ្រោះថ្នាក់ពីភ្លើងឆេះព្រៃ ហើយលោកក៏បានស្នើសុំជំនួយពីលោកនាយករដ្ឋមន្ត្រី Mark Carney ឱ្យបញ្ជូនយោធាជួយជម្លៀសប្រជាជន និងពន្លត់ភ្លើងឆេះព្រៃផងដែរ។ គួរបញ្ជាក់ថា បញ្ហាប្រែប្រួលអាកាសធាតុបានធ្វើឱ្យភ្លើងឆេះព្រៃទូទាំងប្រទេសកាណាដាកើតឡើងកាន់តែញឹកញាប់ និងកាន់តែអាក្រក់ជាងពេលមុនៗ។ តួយ៉ាង ប្រទេសមានភូមិផងរបងជាប់សហរដ្ឋអាមេរិកមួយនេះ បានរងគ្រោះធ្ងន់ធ្ងរពីភ្លើងឆេះដ៏កំណាចក្នុងរយៈពេលប៉ុន្មានឆ្នាំចុងក្រោយនេះ ហើយឆ្នាំ២០២៣ គឺជាឆ្នាំដែលកាណាដារងការបំផ្លិចបំផ្លាញធំបំផុតក្នុងកំណត់ត្រា៕ ប្រភព ៖ AFP ប្រែសម្រួល ៖ ឈឹម ទីណា

បរទេស ៖ ភាគីរុស្ស៊ីបានបង្ហាញពីគម្រោងការ ជួបចរចាសន្តិភាព ជាមួយអ៊ុយក្រែន ជុំទីពីរ នៅទីក្រុង អ៊ីស្តង់ប៊ុល នៃប្រទេសតួកគី។ ថ្លែងបន្ទាប់ពីមានជំនួបជាមួយសមភាគីទួកគី លោក Lavrov រដ្ឋមន្ត្រីការបរទេសរុស្ស៊ី បានស្នើថា ការចរចាសន្តិភាពរុស្ស៊ី-អ៊ុយក្រែន ដោយផ្ទាល់ម្តងទៀត គួរតែបន្តធ្វើ នៅទីក្រុងអ៊ីស្តង់ប៊ុល ដោយបន្ថែមថា ទីក្រុងរបស់ទួកគី មួយនេះ គឺជាទីតាំង “ល្អណាស់”។ យ៉ាងណាមិញ ក្រោយការជួបគ្នាលើកទី១ នៅប្រទេសតួកគី មានសេចក្តីរាយការណ៍ថា ភាគីទាំងពីរបន្តវាយប្រហារគ្នា តាមអាកាស ជាធម្មតា។ តែ ថ្មីៗនេះ មានការដោះដូរអ្នកទោសដ៏ច្រើន មិនធ្លាប់មានរវាងរុស្ស៊ី និងអ៊ុយក្រែន។ នៅក្នុងសន្និសីទសារព័ត៌មាន នាពេលនោះ លោក Lavrov ក៏បានចំអក ចំពោះអ្វី ដែលលោកហៅថា “ភាពល្ងង់ខ្លៅ” និង “អសមត្ថភាព” របស់មេដឹកនាំអឺរ៉ុប ពោលគឺបន្ទាប់ពី អធិការបតីអាល្លឺម៉ង់ Friedrich Merz បាននិយាយ កាលពីថ្ងៃចន្ទថា អ្នកគាំទ្រលោកខាងលិចសំខាន់ៗ របស់អ៊ុយក្រែន បានទម្លាក់ការរឹតបន្តឹង…

បរទេស ៖ កងកម្លាំងនៃប្រទេសអ៊ីស្រាអែលបានវាយឆ្មក់ហាងប្តូរប្រាក់បរទេស នៅទូទាំងតំបន់ West Bank កាលពីថ្ងៃអង្គារ ដោយចោទប្រកាន់ក្រុមហ៊ុនមេរបស់ពួកគេថា មានទំនាក់ទំនង ជាមួយអង្គការ ភេរវករ។ ពួកគេបានជូនដំណឹងថា «កងកម្លាំងអ៊ីស្រាអែល កំពុងចាត់វិធានការប្រឆាំងនឹងក្រុមហ៊ុន Al-Khaleej Exchange ដោយសារតែមានការពាក់ព័ន្ធជាមួយអង្គការភេរវកម្ម»។ អ្នកស្រុក ប៉ាឡេស្ទីនខ្លះ ត្រូវបានគេមើលឃើញថា មានការប៉ះទង្គិចគ្នា ជាមួយកងទ័ព កំឡុងពេលវាយឆ្មក់ ដោយបានគប់វត្ថុអ្វីមួយ ទៅលើកងទ័ព។ អាជ្ញាធរសុខាភិបាល នៅទីក្រុង Ramallah នៃតំបន់នេះ បាននិយាយថា បុរសម្នាក់ត្រូវបានសម្លាប់ និងមនុស្ស ៨នាក់ផ្សេងទៀត បានរងរបួស ដោយសាររងការបាញ់គ្រាប់កាំភ្លើង របស់កងកម្លាំងអ៊ីស្រាអែល អំឡុងការវាយឆ្មក់នេះ។ ចលនាអ៊ីស្លាម ប៉ាឡេស្ទីន-ហាម៉ាស់ បានចេញមុខថ្កោលទោស។ពួកគេបានចេញសេចក្តីថ្លែងការណ៍មួយ បញ្ជាក់ថា «ការវាយលុកទាំងនេះ មានទាំង ការលួចលុយ និង រឹបអូសទ្រព្យសម្បត្តិ» ដោយបន្ថែមថា ក្រុមហ៊ុនទាំងនេះ មានគោលដៅប្រតិបត្តិការ ស្របតាមច្បាប់ មិនដូចការចោទប្រកាន់ របស់អ៊ីស្រាអែលទេ។ គួរបញ្ជាក់ថា ប៉ាឡេស្ទីន រាប់រយនាក់…

បរទេស ៖ អាជ្ញាធរសុខាភិបាលប្រទេសស៊ូដង់ បាននិយាយកាលពីថ្ងៃអង្គារថា ការផ្ទុះឡើង នៃជំងឺអាសន្នរោគ បានសម្លាប់មនុស្ស ជាង១៧០នាក់ នៅទូទាំងប្រទេស ក្នុងរយៈពេលមួយសប្តាហ៍ ចំពេលមានការដួលរលំ នៃហេដ្ឋារចនាសម្ព័ន្ធមូលដ្ឋាន បន្ទាប់ពីសង្គ្រាមដ៏ឃោរឃៅ ជាងពីរឆ្នាំ។ នៅក្នុងសេចក្តីថ្លែងការណ៍មួយ ក្រសួងសុខាភិបាលស៊ូដង់ បានរាយការណ៍ពីការឆ្លងជាង ២,៧០០នាក់ និងការស្លាប់១៧២នាក់ ក្នុងពេលមួយសប្តាហ៍ ដោយក្នុងនោះ ៩០ភាគរយ នៃករណីទាំងនេះ បានប្រមូលផ្តុំគ្នា នៅក្នុងរដ្ឋធានី ខាទុំ (Khartoum)។ ក្នុងរយៈពេល ប៉ុន្មានសប្តាហ៍ ថ្មីៗនេះ ការផ្គត់ផ្គង់ទឹក និងអគ្គិសនីរបស់រដ្ឋធានី ត្រូវបានរំខានយ៉ាងធ្ងន់ធ្ងរ ដោយសារវាយប្រហារ របស់យន្តហោះគ្មានមនុស្សបើក ដែលត្រូវបានស្តីបន្ទោស លើកងកម្លាំងគាំទ្ររហ័សប៉ារ៉ាយោធា ហៅកាត់ RSF នៅក្នុងសង្គ្រាមជាមួយកងទ័ព ចាប់តាំងពីខែមេសា ឆ្នាំ២០២៣។ ជំងឺអាសន្នរោគ គឺជាជំងឺរាតត្បាត កើតមានច្រើន នៅប្រទេសស៊ូដង់ ប៉ុន្តែ ការផ្ទុះឡើង កាន់តែអាក្រក់ទៅៗ និងកាន់តែញឹកញាប់ ចាប់តាំងពីសង្គ្រាមផ្ទុះឡើង ដោយសារតែមានការបំផ្លាញប្រព័ន្ធទឹក អនាម័យ និងហេដ្ឋារចនាសម្ព័ន្ធសុខភាព ដែលផុយស្រួយ…