បរទេស ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃច័ន្ទ បានគំរាមថា នឹង “បិទ” ក្រុមហ៊ុនលោកខាងលិច ដែលនៅសេសសល់ ក្នុងប្រទេសរុស្ស៊ី និងដែលកំពុងធ្វើសកម្មភាពប្រឆាំងនឹងផលប្រយោជន៍របស់ខ្លួន ជាផ្នែកមួយនៃកិច្ចខិតខំប្រឹងប្រែង របស់ទីក្រុងម៉ូស្គូ ដើម្បីបង្កើនការអភិវឌ្ឍន៍កម្មវិធី Software ក្នុងស្រុក។ លោកបាននិយាយបែបនេះ នៅឯកិច្ចប្រជុំ ជាមួយសហគ្រិន ដើម្បីទុកជាការឆ្លើយតប ទៅនឹងការអំពាវនាវ របស់អ្នកជំនួញរុស្ស៊ី ដែលចង់ឲ្យទប់ស្កាត់សកម្មភាព របស់ក្រុមហ៊ុនបច្ចេកវិទ្យាអាមេរិក ដូចជា Zoom និង Microsoft ជាដើម ដែលបច្ចុប្បន្ន ផ្តល់សេវាមានកំណត់ នៅក្នុងប្រទេសរុស្ស៊ី។ លោក ពូទីន បានបញ្ជាក់ថា «យើងត្រូវការបិទពួកគេ» តែ លោកមិនបានប្រាប់លម្អិត ពីសកម្មភាពរបស់ក្រុមហ៊ុន ប៉ះប្រយោជន៍រុស្ស៊ីទេ។ ក្រុមហ៊ុនលោកខាងលិចជាច្រើនបានចាកចេញពីប្រទេសរុស្ស៊ី ឬ ធ្វើឱ្យខូចខាតយ៉ាងធ្ងន់ធ្ងរ ដល់សកម្មភាពរបស់ពួកគេ នៅក្នុងប្រទេសរុស្ស៊ី បន្ទាប់ពីទីក្រុងមូស្គូ បានបើកការវាយលុក ផ្នែកយោធា របស់ខ្លួន លើអ៊ុយក្រែន ជាមួយនឹងការរងទណ្ឌកម្ម ពីបណ្តាប្រទេសសម្ព័ន្ធ…

បរទេស៖ ប្រព័ន្ធផ្សព្វផ្សាយរដ្ឋ កូរ៉េខាងជើង បានរាយការណ៍ នៅថ្ងៃអង្គារនេះថា ខ្លួនបានថ្កោលទោសផែនការ ខែលការពារកាំជ្រួច «Golden Dome» របស់ប្រធានាធិបតីអាមេរិក Donald Trump ថា ជាការគម្រាមកំហែង «ដ៏គ្រោះថ្នាក់បំផុត» ដែលមានបំណង ផលិតសព្វាវុធ។ បើតាមទីភ្នាក់ងារសារព័ត៌មាន មជ្ឈិមកូរ៉េ ឬ KCNA ក្រសួងការបរទេសបានហៅប្រព័ន្ធនេះថា ជា «គំនិតផ្តួចផ្តើមគំរាមកំហែង ដ៏គ្រោះថ្នាក់បំផុត» ដែលមានគោលបំណង គម្រាមកំហែងដល់សន្តិសុខជាយុទ្ធសាស្ត្រ របស់រដ្ឋអាវុធនុយក្លេអ៊ែរ មួយនេះ» ។ លោក Trump បានប្រកាសអំពីព័ត៌មានលម្អិតថ្មី និង ការផ្តល់មូលនិធិដំបូង សម្រាប់ប្រព័ន្ធខែលមីស៊ីលនេះ កាលពីសប្តាហ៍មុន ដោយហៅថា «មានសារៈសំខាន់ខ្លាំងណាស់ សម្រាប់ភាពជោគជ័យ និងសូម្បីតែការរស់រានមានជីវិត របស់ប្រទេសយើង»៕ ប្រភពពី AFP ប្រែសម្រួល៖ សារ៉ាត

បរទេស ៖ ប្រធានាធិបតី ប្រទេសបារាំង លោក Emmanuel Macron បានបដិសេធនូវការលើកឡើងដែលថា «លោកឈ្លោះគ្នាជាប្រពន្ធ» នៅលើយន្តហោះ ក្នុងពេលទៅដល់ទីក្រុង ហាណូយ។ ការច្រានចោលនេះ ត្រូវបានធ្វើឡើង ក្រោយពេលបែកធ្លាយរូបភាពវីដេអូ បង្ហាញពីភរិយារបស់លោក Macron គឺ លោកស្រី Brigitte បានយកដៃច្រានមុខលោកចេញ នៅច្រកទ្វារយន្តហោះ ពេលរៀបនឹងចុះលើដីវៀតណាម ជាដំណើរទស្សនកិច្ចផ្លូវការ របស់មេដឹកនាំបារាំង រូបនេះ។ ក្នុងពេលមានវត្តមាន នៅវៀតណាម លោក Macron បានបន្ថែមថា «ខ្ញុំគ្រាន់តែនិយាយលេង ជាមួយប្រពន្ធរបស់ខ្ញុំទេ»។ ចំពោះវីដេអូបែកធ្លាយ លោកបានអះអាងថា «គ្រាន់តែជាការលេងសើច របស់ពួកគេ ដូចដែលយើង តែងតែបានឃើញ»។ លោក Macron បានបន្ថែមថា វីដេអូផ្សេងទៀត ធ្លាប់ត្រូវបានបកស្រាយខុស បង្ហាញពីលោកចែករំលែក ថង់កូកាអ៊ីន ឬ ប្រឈមមុខនឹងប្រធានាធិបតី ទួកគី ជាដើម។ លោក Macron បានមានប្រសាសន៍ថា «គ្មានអ្វីមួយកើតឡើងពិត ដូចក្នុងវីដេអូ…

ព្រុចសែល ៖ សហភាពអឺរ៉ុបបានអូសករុស្ស៊ី កូរ៉េខាងជើង បេឡារុស និងមីយ៉ាន់ម៉ា ទៅក្នុងបញ្ជីប្រទេសបំផ្លាញព្រៃឈើខ្លាំងបំផុត ប៉ុន្តែប្រេស៊ីល និងឥណ្ឌូណេស៊ី ដែលធ្លាប់ជាប្រទេសមានអត្រាការកាប់បំផ្លាញព្រៃឈើខ្ពស់បំផុតរបស់ពិភពលោកបានរួចផុតពីសំណាញ់ច្បាប់ដ៏តឹងរឹងនេះ។ គណៈកម្មការអឺរ៉ុបបានគូសបញ្ជាក់នៅក្នុងសេចក្តីប្រកាសមួយនាពេលថ្មីៗនេះថា ច្បាប់នេះនឹងរឹតបន្តឹងការត្រួតពិនិត្យលើទំនិញដែលនាំចូលពីប្រទេសចំនួន៤ រួមមាន៖ បេឡារុស មីយ៉ាន់ម៉ា កូរ៉េខាងជើង និងរុស្ស៊ី ។ រីឯប្រេស៊ីល និងឥណ្ឌូណេស៊ី ដែលធ្លាប់ជាប្រទេសមានអត្រាការកាប់បំផ្លាញព្រៃឈើខ្ពស់បំផុតរបស់ពិភពលោក បានរួចផុតពីសំណាញ់ច្បាប់ដ៏តឹងរឹងនេះ។ នេះមានន័យថា ប្រេស៊ីល និងឥណ្ឌូណេស៊ី ប្រឈមមុខនឹងការត្រួតពិនិត្យស្រាលជាងមុនលើទំនិញដែលនាំចូលទៅកាន់អឺរ៉ុប។ ស្ថិតក្រោមច្បាប់នេះ នឹងដាក់លក្ខខណ្ឌតម្រូវឱ្យយកចិត្តទុកដាក់លើក្រុមហ៊ុនផលិតផលរួមមាន៖ សណ្តែកសៀង សាច់គោ ប្រេងដូង ឈើ កាកាវ កាហ្វេ និងសូកូឡាទៅកាន់ទីផ្សារសហភាពអឺរ៉ុប។ ភាពខុសគ្នារវាងក្រុមប្រទេសទាំងនោះ គឺថាបណ្តាប្រទេសប្លុកអឺរ៉ុបនឹងត្រូវតម្រូវឱ្យអនុវត្តការត្រួតពិនិត្យតាមច្បាប់ ដែលគ្របដណ្ដប់យៈពេលវែង ឬ ៩ភាគរយនៃក្រុមហ៊ុននាំចេញពីប្រទេសដែលមានហានិភ័យខ្ពស់នៃការបំផ្លាញព្រៃឈើ និង ៣ភាគរយពីប្រទេសដែលមានហានិភ័យមធ្យម និង១ភាគរយសម្រាប់ប្រទេសដែលមានហានិភ័យបំផ្លាញព្រៃឈើទាប។ សហរដ្ឋអាមេរិកក៏ស្ថិតក្នុងចំណោមប្រទេ សមានហានិភ័យទាបនៃការកាប់បំផ្លាញព្រៃឈើផងដែរ។ ច្បាប់សហភាពអឺរ៉ុបនឹងអនុវត្តចាប់ពីចុងឆ្នាំ២០២៥ សម្រាប់ក្រុមហ៊ុនធំៗ ហើយចាប់ពីខែមិថុនា ឆ្នាំ២០២៦ សម្រាប់ក្រុមហ៊ុនតូចៗ។ ប្រសិនបើក្រុមហ៊ុនណាមិនគោរពតាមច្បាប់នេះ នឹងត្រូវផាកពិន័យរហូតដល់ ៤ភាគរយនៃប្រាក់ចំណូលរបស់ក្រុមហ៊ុននៅក្នុងសហភាពអឺរ៉ុប៕ ប្រភព ៖…

តូក្យូ ៖ យន្តហោះជប៉ុនមួយគ្រឿង ដែលធ្វើដំណើរពីទីក្រុងតូក្យូ ទៅកាន់រដ្ឋតិចសាស់ ត្រូវបង្ខំចុះចតជាបន្ទាន់ បន្ទាប់ពីអ្នកដំណើរម្នាក់បានបង្កចលាចលលើយន្តហោះ ដោយព្យាយាមបើកទ្វារមួយអំឡុងពេលហោះហើរ។ ក្រុមហ៊ុនអាកាសចរណ៍ All Nippon Airways (ANA) ជើងហោះហើរលេខ 114 ត្រូវបានបង្វែរទិសដៅទៅទីក្រុង Seattle វិញ ពោលគឺប៉ុន្មានម៉ោងបន្ទាប់ពីបានហោះឡើងកាលពីថ្ងៃសៅរ៍ ដោយសារតែអាកប្បកិរិយាអ្នកដំណើរម្នាក់ខុសប្រក្រតី។ ភ្លាមៗបុរសម្នាក់នោះ ត្រូវបានរារាំងដោយអ្នកដំណើរ និងបុគ្គលិកជើងហោះហើរដទៃទៀត។ ក្រោយមកគាត់ត្រូវបានបញ្ជូនទៅមន្ទីរពេទ្យ ហើយមកទល់ពេលនេះ គេនៅមិនទាន់ដឹងថាតើគាត់ត្រូវប្រឈមមុខនឹងការចោទប្រកាន់ណាមួយទេ។ នេះជាឧប្បត្តិហេតុថ្មីបំផុតមួយ ដែលស្រដៀងគ្នានឹងឧប្បត្តិហេតុពីមុនៗដែរ។ តួយ៉ាង កាលពីខែមេសា ជើងហោះហើរ Jetstar ពីកោះបាលី ប្រទេសឥណ្ឌូណេស៊ី ក៏ត្រូវបង្ខំចិត្តហោះហើរត្រលប់ក្រោយវិញផងដែរ អំឡុងពេលធ្វើដំណើរទៅកាន់ទីក្រុង Melbourne ប្រទេសអូស្ត្រាលី បន្ទាប់ពីមានអ្នកដំណើរម្នាក់បានព្យាយាមបើកទ្វារយន្តហោះនៅលើអាកាស៕ ប្រភព ៖ BBC ប្រែសម្រួល ៖ ឈឹម ទីណា

បរទេស ៖ ការកើនឡើង វត្តមានយោធា នៅតំបន់អាក់ទិក បានធ្វើឱ្យអ្នកចិញ្ចឹមសត្វរមាំង របស់ប្រទេស ហ្វាំងឡង់ មានការព្រួយបារម្ភ ជាខ្លាំង ខណៈដែលមានការបំភ័យ ដល់សត្វរមាំង។ មានការកើនឡើង នៃវត្តមានយោធា នៅភាគខាងជើងប្រទេសហ្វាំងឡង់ បន្ទាប់ពីការលុកលុយយ៉ាងពេញទំហឹងរបស់រុស្ស៊ី លើអ៊ុយក្រែន ដែលបានក្លាយជាការឈឺក្បាល សម្រាប់អ្នកចិញ្ចឹមសត្វរមាំង។ មនុស្សជាច្រើន ដែលរស់នៅក្បែរ តំបន់ហ្វឹកហាត់កាំភ្លើងធំ ដ៏ធំបំផុត នៅអឺរ៉ុបខាងលិច ហៅថា Rovajarvi បាននិយាយថា ការបង្កើនសកម្មភាពកំពុងប្រកួតប្រជែងសមត្ថភាពយោធា តែ ប៉ះពាលដល់ជីវភាព របស់ពួកគេ។ អ្នកចិញ្ចឹមសត្វរមាំងម្នាក់ ឈ្មោះ Riikka Poropudas បាននិយាយថា «សកម្មភាពរបស់អង្គការណាតូ និងកងទ័ពអន្តរជាតិ នៅទីនោះ រំខានដល់សត្វរមាំង»។ ប្រទេស ហ្វាំងឡង់ បានទម្លាក់ ការមិនចូលបក្សសម្ព័ន្ធយោធា ជាច្រើនទសវត្សរ៍ ដើម្បីបានចូលរួមជាមួយណាតូ ក្នុងឆ្នាំ២០២៣ ក្នុងគោលដៅ ឆ្លើយតបទៅនឹងការឈ្លានពានរបស់រុស្ស៊ី លើអ៊ុយក្រែន៕ ប្រភពពី AFP ប្រែសម្រួល៖ សារ៉ាត