បរទេស៖ ក្រុមអ្នកជួយសង្គ្រោះ នៅហ្គាហ្សា បាននិយាយថា មនុស្សជាង១០នាក់បានស្លាប់ ក្នុងការវាយប្រហាររបស់អ៊ីស្រាអែល ទៅលើសាលារៀន មួយកន្លែង។ ក្រុមអ្នកជួយសង្គ្រោះប៉ាឡេស្ទីន បាននិយាយថា ការវាយប្រហារ របស់អ៊ីស្រាអែល នៅព្រឹកព្រលឹម ថ្ងៃច័ន្ទនេះ បានសម្លាប់មនុស្ស១៣នាក់ នៅឯសាលា Fahmi Al-Jarjawi ស្ថិតនៅក្នុងសង្កាត់ Al-Daraj។ ក្រសួងការពារជនស៊ីវិល បាននិយាយ នៅលើបណ្តាញសង្គម Telegram ទៀតថា នៅមានមនុស្ស២១នាក់ទៀត បានរងរបួស ហើយ ទាំងសាកសព និងអ្នករបួស ត្រូវបានយកចេញពីខាងក្នុងសាលានេះ ដូចគ្នា។ ក្រសួងសុខាភិបាល ហ្គាហ្សា គ្រប់គ្រង ដោយពួកហាម៉ាស់ បានឲ្យដឹងថា ចំនួនអ្នកស្លាប់ក្នុងសង្គ្រាម ប្រមាណ២០ខែនេះ បានកើនដល់ ចំនួនជាង៥៣,៩០០នាក់ ដែលភាគច្រើន គឺជាជាជនស៊ីវិល។ អ៊ីស្រាអែលបានផ្តើមវាយប្រហារ សងសឹក នៅតំបន់ហ្គាហ្សា ក្រោយពេលដែលពួកហាម៉ាស់-ប៉ាឡេស្ទីន បានវាយប្រហារអ៊ីស្រាអែល ស្លាប់មនុស្ស ជាង១ពាន់នាក់ កាលពីឆ្នាំ២០២៣៕ ប្រភពពី AFP ប្រែសម្រួល ៖…

បរទេស ៖ លោក Trump បានហៅ លោក ពូទីន ថាជា «មនុស្សឆ្កួត» ជុំវិញការវាយប្រហាររបស់រុស្ស៊ី លើទីក្រុងរបស់អ៊ុយក្រែន កាលពីថ្ងៃអាទិត្យ ហើយបានព្រមានថា ការប៉ុនប៉ងណាមួយ ក្នុងការដណ្តើម កាន់កាប់អ៊ុយក្រែន ទាំងស្រុងនឹង «នាំទៅដល់ការដួលរលំ នៃ ប្រទេសរុស្ស៊ី»។ លោក ដូណាល់ ត្រាំ បាននិយាយ តាមរយៈបណ្តាញសង្គម Truth social ថា«ខ្ញុំតែងតែមានទំនាក់ទំនងល្អ ជាមួយលោក វ្ល៉ាឌីមៀ ពូទីន ប៉ុន្តែ មានអ្វីមួយបានកើតឡើង ចំពោះគាត់…គាត់ពិតជាឆ្កួតមែន!»។ លោកបានបន្តថា «គាត់ចង់បានអ៊ុយក្រែនទាំងអស់ មិនមែនត្រឹមតែមួយផ្នែកទេ…ខ្ញុំតែងតែនិយាយថា ប្រសិនបើគាត់ធ្វើមែន វានឹងនាំទៅដល់ការដួលរលំ នៃប្រទេសរុស្ស៊ី!»។ មន្ត្រីអ៊ុយក្រែនបាននិយាយថា មនុស្ស១៣នាក់ ត្រូវបានសម្លាប់ ខណៈដែលរុស្ស៊ីបានបាញ់យន្តហោះគ្មានមនុស្សបើកជាច្រើនគ្រឿង ទៅលើទីក្រុង របស់ប្រទេសនេះ ពេញមួយយប់ថ្ងៃអាទិត្យ បើទោះបីជា ទីក្រុង Kiev និង Moscow បានសម្រេចការផ្លាស់ប្តូរ អ្នកទោសដ៏ធំបំផុត របស់ពួកគេក៏ដោយ។…

មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានថ្លែងកោតសរសើរជំហរដ៏រឹងមាំប្រទេសរបស់លោក ដែលនៅតែរក្សាតំណែងក្នុងចំណោមប្រទេសទាំង៥ នាំចេញសព្វាវុធច្រើនបំផុតនៅក្នុងពិភពលោក ដែលនេះបង្ហាញពីគុណភាពអាវុធផលិតដោយរុស្ស៊ី។ ថ្មីៗនេះ លោកប្រធានាធិបតី ពូទីន បានប្រកាសក្តែងៗក្នុងអំឡុងកិច្ចប្រជុំស្តីពីកិច្ចសហប្រតិបត្តិការយោធា និងបច្ចេកទេសថា រុស្ស៊ីនៅតែបន្តស្ថិតក្នុងចំណោមមេដឹកនាំកំពូលទាំង៥ នៅក្នុងទីផ្សារសព្វាវុធពិភពលោក ហើយរក្សាបាននូវមុខតំណែងជាអ្នកនាំចេញឈានមុខគេក្នុងវិស័យជាច្រើន ទោះបីជាប់ដៃប្រយុទ្ធក្នុងសង្គ្រាមអ៊ុយក្រែនក៏ដោយ។ កាលពីខែវិច្ឆិកា នាយកប្រតិបត្តិនៃទីភ្នាក់ងារសព្វាវុធរដ្ឋ Rosoboronexport លោក Aleksandr Mikheev បានប្រាប់កាសែត Vedomosti ថា ការបញ្ជាទិញសព្វាវុធពីប្រទេសរុស្ស៊ី នៅតែឈានដល់កម្រិតកំណត់ត្រាដល់ ៥៥ពាន់លានដុល្លារក្នុងឆ្នាំ២០២៤។ នៅក្នុងឆ្នាំ២០២៤ដដែល រុស្ស៊ីបានជាប់ចំណាត់ថ្នាក់លេខ២ ក្នុងការលក់សព្វាវុធជាសកល ជាមួយនឹងការនាំចេញមានចំនួន ១២.៣២%នៃទីផ្សារអន្តរជាតិ នេះបើយោងតាមទិន្នន័យចងក្រងដោយមជ្ឈមណ្ឌលវិភាគពាណិជ្ជកម្មអាវុធពិភពលោក (CAWAT)។ សហរដ្ឋអាមេរិកបានគ្រប់គ្រងវិស័យនេះចំនួន ៣៧.៩២% ហើយអ្នកលក់កំពូលផ្សេងទៀត គឺបារាំង ៦.៩០% កូរ៉េខាងត្បូង និងអ៊ីតាលី ៥.១០%៕ ប្រភព ៖ RT ប្រែសម្រួល ៖ ឈឹម ទីណា

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានប្រាប់និស្សិតបញ្ចប់ការសិក្សានៅបណ្ឌិតសភាយោធា West Point កាលពីថ្ងៃសៅរ៍ថា រដ្ឋាភិបាលអាមេរិកកំពុងរៀនសូត្រ និងបន្តតាមដានការវិវត្តន៍ថ្មីៗ នៃសង្គ្រាមយន្តហោះគ្មានមនុស្សបើកនៅក្នុងជម្លោះរុស្ស៊ី និងអ៊ុយក្រែន។ ការអះអាងបែបនេះរបស់លោកប្រធានាធិបតី ត្រាំ កើតឡើងស្របពេលដែលកាសែត The Times បានរាយការណ៍ថា រុស្ស៊ីកំពុងយកឈ្នះអ៊ុយក្រែនក្នុងសង្គ្រាមយន្តហោះដ្រូន នៅពេលនិយាយអំពីការផលិតយន្តហោះគ្មានមនុស្សបើក (UAVs) និងការប្រើប្រាស់ពួកវាប្រយុទ្ធនៅក្នុងសមរភូមិ។ លោក ត្រាំ បានគូសបញ្ជាក់ថា អាមេរិកកំពុងរៀនសូត្រពីកលល្បិច ដែលទាំងរុស្ស៊ី និងអ៊ុយក្រែនប្រើ ហើយថា នេះជារឿងសំខាន់ ដើម្បីបង្កើនការត្រៀមខ្លួនកម្រិតខ្ពស់ ចំពេលមានការវិវត្តន៍យ៉ាងរហ័សផ្នែកបច្ចេកវិទ្យាសព្វាវុធទំនើបធ្វើសង្គ្រាម។ ទន្ទឹមគ្នា មេដឹកនាំអាមេរិករូបនេះ បានអំពាវនាវដល់កម្មាភិបាលឲ្យមានភាព ក្លាហាន ក្នុងការធ្វើទំនើបកម្មវិស័យយុទ្ធសាស្ត្រ និង យុទ្ធសាស្ត្រយោធា។ ប្រធានាធិបតីរុស្ស៊ី លោក វ្ល៉ាឌីមៀ ពូទីន ក៏បានលើកសរសើរពីតួនាទីរបស់យន្តហោះដ្រូន ដែលកំពុងប្រយុទ្ធនៅលើសមរភូមិក្នុងខែមេសា។ ថ្លែងនៅក្នុងកិច្ចប្រជុំនៃគណៈកម្មាធិការឧស្សាហកម្មយោធារុស្ស៊ី លោកប្រធានាធិបតី ពូទីន បានហៅយន្តហោះដ្រូន UAVs ថា ជា “សព្វាវុធដ៏សំខាន់មួយ…

ញូវដែលី ៖ នាវាដឹកទូរកុងតឺន័រដោតទង់ជាតិលីបេរីយ៉ាមួយគ្រឿង ដែលផ្ទុកដោយទំនិញដ៏គ្រោះថ្នាក់ បានលិចនៅឆ្នេរសមុទ្រ Kerala ភាគខាងត្បូងប្រទេសឥណ្ឌា ប៉ុន្តែជាសំណាងល្អ សមាជិកនាវិកទាំង ២៤នាក់ត្រូវបានជួយសង្គ្រោះដោយសុវត្ថិភាព។ បើតាមសេចក្តីថ្លែងការណ៍របស់ក្រសួងការពារជាតិឥណ្ឌា នាវាខាងលើនេះផ្ទុកកុងតឺន័រចំនួន ៦៤០ទូ ក្នុងនោះ ១៣កុងទតឺន័រ មានទំនិញគ្រោះថ្នាក់ និង ១២កុងតឺន័រមានផ្ទុកសារ Calcium Carbide។ សារធាតុ Calcium Carbide គេប្រើក្នុងឧស្សាហកម្មគីមី ក្នុងនោះមានទាំងការផលិតជី និងការផលិតដែក។ កងទ័ពជើងទឹកឥណ្ឌា បាននិយាយនៅថ្ងៃអាទិត្យថា នាវាមានឈ្មោះ MSC ELSA 3 ជានាវាដឹកទំនិញប្រវែង ១៨៤ម៉ែត្រ បានធ្វើដំណើរពីកំពង់ផែ Vizhinjam របស់ឥណ្ឌា ទៅកាន់ទីក្រុង Kochi បានជួបបញ្ហាកាលពីថ្ងៃសៅរ៍ ហើយបានប្រកាសសុំជំនួយបន្ទាន់។ ភ្លាមៗ យន្តហោះកងទ័ពជើងទឹកបានប្រញាប់ប្រញាល់ហោះទៅកាន់ទីតាំងកើតហេតុ ហើយបានប្រទះឃើញនាវានោះបានផ្អៀងរកកល់លិចនៅចម្ងាយប្រហែល ៧០គីឡូម៉ែត្រ នៅភាគនិរតីនៃទីក្រុង Kochi។ នាវានោះ បើតាមសេចក្តីរាយការណ៍ ក៏មានផ្ទុកប្រេងប្រហែល ៣៧០តោនផងដែរ ប៉ុន្តែឆ្មាំឆ្នេរសមុទ្រនិយាយថា មកទល់ពេលនេះមិនទាន់មានសេចក្តីរាយការណ៍អំពីការកំពប់ប្រេងទេ ហើយមូលហេតុលិចនៅមិនទាន់មានប្រភពទម្លាយឱ្យដឹងនៅឡើយទេ៕ ប្រភព…