ហ្សាកាតា ៖ ឥណ្ឌូណេស៊ី និង ឥណ្ឌា បានប្រកាសកិច្ចព្រមព្រៀងលើមីស៊ីលរយៈចម្ងាយឆ្ងាយ BrahMos ចំពេលដែល លោកនាយករដ្ឋមន្ត្រី Narendra Modi ទៅបំពេញទស្សនកិច្ច នៅទីក្រុងហ្សាកាតា រយៈពេល៣ថ្ងៃ។ លោក Randhir Jaiswal អ្នកនាំពាក្យក្រសួងការបរទេសឥណ្ឌា បានប្រកាស កាលពីថ្ងៃអង្គារថា ឥណ្ឌានឹងផ្គត់ផ្គង់មីស៊ីលរយៈចម្ងាយឆ្ងាយប្រភេទនេះ ដល់ឥណ្ឌូណេស៊ី ខណៈដែលកិច្ចព្រមព្រៀងលើប្រព័ន្ធមីស៊ីល BrahMos គឺជាប្រធានបទសំខាន់បំផុតនៅក្នុងរបៀបវារៈនៃជំនួបទ្វេភាគី។ ព័ត៌មានលម្អិតអំពីកិច្ចព្រមព្រៀងនេះមិនត្រូវបានបង្ហាញជាសាធារណៈទេ ហើយអ្នកនាំពាក្យក្រសួងការពារជាតិឥណ្ឌូណេស៊ីមិនបានឆ្លើយតបទៅនឹងសំណើសុំការអត្ថាធិប្បាយនោះទេ។ យ៉ាងណា អំឡុងជួបគ្នា មេដឹកនាំនៃបណ្តាប្រទេសអាស៊ីទាំងពីរ បានឯកភាពគ្នាពង្រឹងទំនាក់ទំនងឱ្យកាន់តែស៊ីជម្រៅលើវិស័យនានា រួមទាំងវិស័យការពារជាតិ និងរ៉ែសំខាន់ៗ។ លោក Modi បានលើកឡើងពីការកើនឡើងនៃទំនុកចិត្តរវាងទីក្រុងហ្សាកាតា និងទីក្រុងញូវដែល្លី បន្ទាប់ពីជំនួបរបស់លោក ជាមួយលោក Prabowo ដោយបានបញ្ជាក់ថា ទំនុកចិត្តនេះគឺជាមូលដ្ឋានគ្រឹះសម្រាប់កិច្ចសហប្រតិបត្តិការលើវិស័យ ការពារជាតិ សន្តិសុខ និងកិច្ចការដែនសមុទ្រ។ លោក Prabowo បាននិយាយថា ឥណ្ឌូណេស៊ី និងឥណ្ឌា ចាត់ទុកកិច្ចសហប្រតិបត្តិការសេដ្ឋកិច្ចថា ជាសសរស្តម្ភសំខាន់មួយ នៃទំនាក់ទំនងទ្វេភាគី។ លោកបានបញ្ជាក់ថា រូបលោក…

ញូវ ដែល្លី ៖ មីស៊ីលផ្លោងឥណ្ឌា Agni-4 ដែលអាចវាយប្រហារគោលដៅសត្រូវ បានដល់ចម្ងាយ ៤,០០០គីឡូម៉ែត្រ ត្រូវបានបាញ់សាកល្បងដោយជោគជ័យ ចេញពីមជ្ឈមណ្ឌលសាកល្បងរួម Integrated Test Range ស្ថិតនៅក្នុងតំបន់ Chandipur នៃ រដ្ឋ Odisha។ បើតាម The Hindu , មីស៊ីលផ្លោង Agni-4 ដែលត្រូវបានបាញ់ កាលពីថ្ងៃព្រហស្បតិ៍ គឺជាមីស៊ីល រយៈចម្ងាយមធ្យម ដែលផលិតឡើងដោយខ្លួនឯង នៅក្នុងប្រទេសឥណ្ឌា និង មានសមត្ថភាពផ្ទុកទាំង ក្បាលគ្រាប់ធម្មតា ឬ ក្បាលគ្រាប់នុយក្លេអ៊ែរ។ មីស៊ីលនេះគឺជាផ្នែកមួយដ៏សំខាន់ នៃសមត្ថភាពរារាំងបែបយុទ្ធសាស្ត្ររបស់ប្រទេសឥណ្ឌា ហើយត្រូវបានដាក់បញ្ចូលទៅក្នុងបញ្ជាការកងកម្លាំងយុទ្ធសាស្ត្ររួចហើយ។ វាមានរយៈចម្ងាយវាយប្រហារប្រហែល ៤,០០០ គីឡូម៉ែត្រ និង ត្រូវបានរចនាឡើងដើម្បីផ្តល់នូវភាពត្រឹមត្រូវខ្ពស់ ដោយមានបំពាក់ប្រព័ន្ធរុករក និងប្រព័ន្ធកំណត់ទិសដៅដ៏ទំនើប។ ក្រសួងការពារជាតិបានឱ្យដឹង តាមរយៈសេចក្តីថ្លែងការណ៍មួយ ដោយបញ្ជាក់ថា ការបាញ់សាកល្បងនេះត្រូវបានធ្វើឡើង ក្រោមការត្រួតពិនិត្យ របស់បញ្ជាការកងកម្លាំងយុទ្ធសាស្ត្រ ឬ Strategic Forces Command…

ហ្ស៊េរុយសាឡិម ៖ កងទ័ពអ៊ីស្រាអែលបានចេញផ្សាយវីដេអូនៃសមយុទ្ធទ្រង់ទ្រាយធំមួយ នៅសមុទ្រមេឌីទែរ៉ាណេ និងសមុទ្រក្រហម ដែលចូលរួមដោយនាវាបាញ់មីស៊ីល, នាវាមុជទឹក និងនាវាផ្សេងៗទៀត ព្រមទាំង ទីបញ្ជាការប្រតិបត្តិការរបស់កងទ័ពជើងទឹក។ សមយុទ្ធនៅសមុទ្រក្រហមរបស់អ៊ីស្រាអែល ចំពេលដែលពួកឧទ្ទាម ហ៊ូទី នៅប្រទេសយ៉េមែន កំពុងធ្វើព្យុះភ្លៀង នៅលើផ្លូវទឹកមួយនេះ តាមរយៈការវាយប្រហារលើនាវា ជាដើម។ ពួកគេធ្វើព្យុះភ្លៀង ស្របពេលដែលក្រុមប្រដាប់អាវុធ ដែលមានអ៊ីរ៉ង់គាំទ្រពីក្រោយមួយនេះ កំពុងមានជម្លោះជាមួយប្រទេស អារ៉ាប៊ី សាអ៊ូឌីត។ កងទ័ពជើងទឹកអ៊ីស្រាអែលបានប្រកាសថា ខ្លួនបានធ្វើសមយុទ្ធទ្រង់ទ្រាយធំមួយ នៅសប្តាហ៍នេះ នៅក្នុងតំបន់ទាំងពីរនេះ ដោយបញ្ជាក់បន្ថែមថា កងកម្លាំងរាប់រយនាក់ និងនាវាជាច្រើនគ្រឿងបានចូលរួមក្នុងការហ្វឹកហាត់ដែលធ្វើឡើង ក្នុងទម្រង់ដូចស្ថានភាពជាក់ស្តែង រួមមាន ៖ ការជ្រៀតចូលតាមផ្លូវសមុទ្រ, ការប្រយុទ្ធលើសមរភូមិជាច្រើនផ្នែកក្នុងពេលតែមួយ, ការទប់ទល់នឹងការគំរាមកំហែងពីលើអាកាស, ប្រតិបត្តិការបាញ់ប្រហារ និងការការពារហេដ្ឋារចនាសម្ព័ន្ធយុទ្ធសាស្ត្រសំខាន់ៗ ដូចជា ស្ថានីយរុករកឧស្ម័ន, កំពង់ផែ និងហេដ្ឋារចនាសម្ព័ន្ធជាតិ៕ ប្រភព ៖ AFP ប្រែសម្រួល ៖ សារ៉ាត

ប៊ែលក្រាដ ៖ ប្រធានាធិបតីអ៊ុយក្រែន លោក Volodymyr Zelensky កាលពីថ្ងៃសុក្រ បានទៅបំពេញទស្សនកិច្ចនៅប្រទេស សែប៊ី ដែលជាសម្ព័ន្ធមិត្តរបស់រុស្ស៊ី ហើយជាដំណើរលើកដំបូង តាំងពីមានសង្គ្រាម។ លោក Zelensky ទៅទីនោះ ក៏ដើម្បីពិភាក្សាអំពីបញ្ហាសន្តិសុខ ជាមួយប្រទេសនៅអឺរ៉ុបមួយនេះ ខណៈដែលប្រទេសសែប៊ីនៅតែរក្សាទំនាក់ទំនងយ៉ាងជិតស្និទ្ធជាមួយទីក្រុងមូស្គូ ចាប់តាំងពីរុស្ស៊ីបានឈ្លានពានអ៊ុយក្រែនមក។ លោក Zelensky បានសរសេរ នៅលើបណ្តាញសង្គម X ថា «យើងនឹងពិភាក្សាអំពីការពង្រីកទំនាក់ទំនងសេដ្ឋកិច្ចរវាងប្រទេសទាំងពីរ, ទំនាក់ទំនងជាមួយសហភាពអឺរ៉ុប, វិស័យផ្សេងទៀតដែលអាចផ្តល់ផលប្រយោជន៍ដល់ប្រទេសរបស់យើង និងបញ្ហាសន្តិសុខ»។ ដោយសារប្រទេសតែ Serbia មានទំនាក់ទំនងជិតស្និទ្ធជាប្រវត្តិសាស្ត្រ ជាមួយរុស្ស៊ី , ប្រទេសមួយនេះ បានបដិសេធមិនដាក់ទណ្ឌកម្មលើទីក្រុងមូស្គូឡើយ ដែលសកម្មភាពនេះបានធ្វើឱ្យសហភាពអឺរ៉ុបមិនពេញចិត្ត និងបានធ្វើឱ្យដំណើរការនៃការចូលរួមក្នុងប្លុកនេះ របស់ទីក្រុង ប៊ែលក្រាដ មានភាពយឺតយ៉ាវ។ យោងតាមការិយាល័យ ប្រធានាធិបតីស៊ែប៊ី, មេដឹកនាំប្រទេសទាំងពីរ ត្រូវបើកកិច្ចពិភាក្សាផ្លូវការនៅថ្ងៃសៅរ៍នេះ ហើយនឹងធ្វើសេចក្តីថ្លែងការណ៍ ទៅកាន់ប្រព័ន្ធផ្សព្វផ្សាយ៕ ប្រភព ៖ AFP ប្រែសម្រួល ៖ សារ៉ាត

វ៉ាស៊ីនតោន ៖ សហរដ្ឋអាមេរិក និងអ៊ីស្រាអែលបានបញ្ចប់ផែនការបង្កើនសមត្ថភាពមីស៊ីលសម្រាប់សំណាញ់មេឃ Arrow ខណៈដែលសម្ព័ន្ធមិត្តដែកថែបទាំងពីរ បន្តដុតដៃដុតជើងពង្រឹងការការពារប្រឆាំងការគំរាមកំហែងពីមីស៊ីលផ្លោងរបស់អ៊ីរ៉ង់ និងក្រុមឧទ្ទាមហ៊ូធីនៅយេម៉ែន ។ បើតាម Times of India, ការធ្វើតេស្តសំណាញ់មេឃ Arrow ធ្វើឡើងកាលពីថ្ងៃ ពុធ ក្រោមកិច្ចសហការរវាងអង្គភាពការពារមីស៊ីលអ៊ីស្រាអែល, ទីភ្នាក់ងារការពារមីស៊ីលអាមេរិក រួមជាមួយកងកម្លាំងការពារជាតិអ៊ីស្រាអែល និងឧស្សាហកម្មអវកាសអ៊ីស្រាអែល ។ សំណាញ់មេឃ Arrow គឺជាបណ្តាញខែលការពារដែនអាកាសពហុស្រទាប់ទំនើបបំផុតរបស់អ៊ីស្រាអែល ដែលស្ថិតក្នុងចង្កោមប្រព័ន្ធប្រឆាំងមីស៊ីលដទៃទៀត រួមមាន David’s Sling, Iron Dome និង Iron Beam ជាដើម ។ ប្រព័ន្ធខែលការពារដែនអាកាស Arrow ត្រូវបានបង្កើតឡើងរួមគ្នាដោយក្រុមហ៊ុន Israel Aerospace Industries ហៅកាត់ IAI របស់អ៊ីស្រាអែល និងក្រុមហ៊ុន Boeing របស់សហរដ្ឋអាមេរិក អស់រយៈពេលជាច្រើនឆ្នាំមកហើយ ។ យោងតាមក្រសួងការពារជាតិអ៊ីស្រាអែល, ក្នុងពេល ៣ ឆ្នាំមកនេះ ប្រព័ន្ធមីស៊ីលរបស់សំណាញ់មេឃ…

កៀវ ៖ ប្រទេសអ៊ុយក្រែនអាចនឹងប្រើប្រាស់លុយមួយចំនួននៃកញ្ចប់ថវិកាកម្ចីរបស់សហភាពអឺរ៉ុប ដើម្បីទិញមីស៊ីលស្ទាក់ចាប់សម្រាប់ប្រព័ន្ធខែលការពារដែនអាកាសពីប្រទេសទី ៣ ដើម្បីយកមកទប់ទល់ជាមួយមីស៊ីលផ្លោងរបស់រុស្ស៊ី ។ នេះបើតាមការអះអាងរបស់លោក Balazs Ujvari អ្នកនាំពាក្យគណៈកម្មការអឺរ៉ុបកាលពីថ្ងៃព្រហស្បតិ៍ ។ កាអះអាងរបស់លោក Ujvari កើតមានឡើង ចំពេលដែលលោកប្រធានាធិបតី Volodymyr Zelensky អះអាងថា គិតត្រឹមឆមាសទីមួយឆ្នាំនេះ ការផ្គត់ផ្គង់មីស៊ីលស្ទាក់ចាប់របស់សំណាញ់មេឃពីប្រទេសសម្ព័ន្ធមិត្តដល់អ៊ុយក្រែន បានដាំក្បាលចុះយ៉ាងខ្លាំង ពោលធ្លាក់ចុះ២ភាគ៣ បើធៀបនឹងរយៈពេលដូចគ្នាក្នុងឆ្នាំ ២០២៥ ។ លោក Ujvari និយាយថា អ៊ុយក្រែនអាចស្នើសុំថវិកាមួយចំនួននៃកញ្ចប់ថវិកាកម្ចីជាង ១០៣ ពាន់លានដុល្លារ ដើម្បីបញ្ជាទិញមីស៊ីលស្ទាក់ចាប់សម្រាប់ប្រព័ន្ធខែលការពារដែនអាកាស និងអាវុធផ្សេងទៀតបាន ទោះបីជាឧបករណ៍យោធាទាំងនោះ ត្រូវបានផលិតនៅក្នុងប្រទេស ក្រៅពីសហភាពអឺរ៉ុបក៏ដោយ ។ យ៉ាងណា អ្នកនាំពាក្យរូបនេះ បានសង្កត់ធ្ងន់ថា អាទិភាពចម្បង នៅតែជាការបញ្ជាទិញអាវុធដែលផលិតនៅក្នុងប្រទេសសហភាពអឺរ៉ុប និងអ៊ុយក្រែន ។ ប៉ុន្តែរាល់ការសម្រេចចិត្តទាំងឡាយ នឹងត្រូវប្រកាសឱ្យដឹងក្នុងពេលឆាប់ៗនេះ ក្រោយបញ្ចប់នីតិវិធីផ្ទៃក្នុងរបស់សហភាពអឺរ៉ុប ។ យោងតាម militarnyi, កាលពីដើមខែកក្កដា ក្រសួងការពារជាតិអ៊ុយក្រែនរាយការណ៍ថា ទីក្រុងកៀវបានឈានមួយជំហានឆ្ពោះទៅរកការបញ្ជាទិញមីស៊ីលស្ទាក់ចាប់ប្រហែល ១០០…

បរទេស ៖ ប្រទេសប៉ាគីស្ថាន, អារ៉ាប៊ីសាអូឌីត និងតួកគី ត្រូវចុះហត្ថលេខាលើកិច្ចព្រមព្រៀងត្រីភាគីមួយ ក្នុងគោលបំណងបង្កើតសម្ព័ន្ធភាពយោធា ណាតូឥស្លាម នៅថ្ងៃសុក្រនេះ។ បើតាម firstpost, សម្ព័ន្ធភាពណាតូឥស្លាមនេះ ពឹងផ្អែកការចំណាយលើ អារ៉ាប៊ី សាអូឌីត ដែលជាប្រទេសអ្នកមានទ្រព្យច្រើន, ប្រើប្រាស់បច្ចេកវិទ្យាយោធារបស់តួកគី ព្រមទាំង សមត្ថភាពអាវុធនុយក្លេអ៊ែរ របស់ប៉ាគីស្ថាន ដើម្បីរៀបចំរចនាសម្ព័ន្ធសន្តិសុខ នៅតំបន់អាស៊ីខាងលិចឡើងវិញ ។ សម្ព័ន្ធភាពត្រីភាគីថ្មីមួយនេះនឹងផ្ដោតសំខាន់លើការបង្កើតបណ្តាញសន្តិសុខរួមគ្នា, ធ្វើសមយុទ្ធយោធា, ផ្ទេរបច្ចេកវិទ្យា, ផលិតសព្វាវុធក្នុងវិស័យឧស្សាហកម្មការពារជាតិ ព្រមទាំង ការចែករំលែកព័ត៌មានសម្ងាត់ផងដែរ ។ យោងតាម CNN-News18, អារ៉ាប៊ី សាអូឌីត នឹងចូលរួមចំណែក ផ្នែកធនធានហិរញ្ញវត្ថុ, ជម្រៅយុទ្ធសាស្ត្រ និង ឥទ្ធិពល នៅក្នុងតំបន់ ។ រីឯ ប្រទេសតួកគីនឹងផ្តល់ជូននូវបច្ចេកវិទ្យាយោធាទំនើប ជាពិសេស គឺយន្តហោះដ្រូន ព្រមទាំង មូលដ្ឋានឧស្សាហកម្មយោធាដែលមានស្តង់ដារ កម្រិតអង្គការ NATO នៅខាងប៉ែកអឺរ៉ុប។ ចំណែកប៉ាគីស្ថានវិញ នឹងចូលរួមចំណែកនូវសមត្ថភាពនុយក្លេអ៊ែរ និង កងទ័ព ដោយមានការគាំទ្រពីផ្នែករថពាសដែក,…