បេរូ ៖ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោក Volker Türk បាននិយាយកាលពីថ្ងៃ ចន្ទ ថា ប្រតិបត្តិការយោធាអ៊ីស្រាអែលនៅលីបង់ បានបង្កឱ្យមានការរងទុក្ខវេទនាយ៉ាងទូលំទូលាយដល់ជនស៊ីវិល ហើយអាចរាប់ចូលជា “ឧក្រិដ្ឋកម្មសង្គ្រាម” ។ ថ្លែងក្នុងសន្និសីទសារព័ត៌មាននៅទីក្រុងបេរូត មុនពេលបញ្ចប់ការបំពេញទស្សនកិច្ចនៅលីបង់, លោក Türk និយាយថា ការិយាល័យរបស់លោកបានកត់ត្រាការរំលោភបំពានទ្រង់ទ្រាយធំលើច្បាប់មនុស្សធម៌អន្តរជាតិ ដែលសកម្មភាពខ្លះអាចរាប់ចូលជា “ឧក្រិដ្ឋកម្មសង្គ្រាម” ។ លោក Türk បានបន្ថែមថា ការបន្តវាយប្រហារតាមអាកាស ការបាញ់ផ្លោង និងការប្រើប្រាស់អាវុធផ្ទុះនៅក្នុងតំបន់ ដែលមានប្រជាជនរស់នៅច្រើនពីសំណាក់អ៊ីស្រាអែល បានបណ្តាលឱ្យប្រជាជនស៊ីវិលស្លាប់ និងរបួសយ៉ាងច្រើន ការបំផ្លិចបំផ្លាញយ៉ាងទូលំទូលាយ និងការភៀសខ្លួនយ៉ាងច្រើនសន្ធឹកសន្ធាប់ ។ លោក Türk បានសង្កត់ធ្ងន់ថា បេសកកម្មវាយតម្លៃឯករាជ្យ និងអព្យាក្រឹតមួយ បានចាប់ផ្តើមប្រមូលព័ត៌មាន និងភស្តុតាង ស្តីពីការរំលោភបំពាន ដែលគេចោទប្រកាន់ថា ត្រូវបានប្រព្រឹត្តដោយភាគីនៃជម្លោះចាប់តាំងពីថ្ងៃទ២ ខែមីនាកន្លងមក ។ យោងតាមរបាយការណ៍របស់អាជ្ញាធរលីបង់, លោក Türk បានឱ្យដឹងថា មនុស្សប្រមាណ ៤,៣០០ នាក់ត្រូវបានសម្លាប់ និងច្រើនជាង…

តូក្យូ ៖ ជប៉ុនឱ្យដឹងថា មានមនុស្សជាង ៩,០០០នាក់ ត្រូវបានជម្លៀសខ្លួន មកឲ្យស្ថិតនៅក្នុងមជ្ឈមណ្ឌលជម្លៀសខ្លួន ក្រោយហេតុការណ៍រញ្ជួយដី។ រដ្ឋាភិបាលជប៉ុនបានឱ្យដឹងថា មានមនុស្សជាង ៩,០០០នាក់បានស្នាក់នៅក្នុងមជ្ឈមណ្ឌលជម្លៀសខ្លួន នៅព្រឹកថ្ងៃពុធនេះ បន្ទាប់ពីមានហេតុការណ៍រញ្ជួយដីដ៏ខ្លាំងមួយបានវាយប្រហារតំបន់ភាគនិរតីនៃប្រទេសជប៉ុន។ លោក Minoru Kihara អ្នកនាំពាក្យរដ្ឋាភិបាលបានថ្លែងថា «យើងទទួលបានរបាយការណ៍អំពីមនុស្ស ៧នាក់ដែលរងរបួសធ្ងន់ និង ២៩នាក់ទៀតរងរបួសស្រាល។ លើសពីនេះ គិតត្រឹមម៉ោង ៧ព្រឹកថ្ងៃនេះ មានមនុស្សចំនួន ៩,១៨៦នាក់បានទៅជ្រកកោននៅក្នុងមជ្ឈមណ្ឌលជម្លៀសខ្លួនចំនួន ៥០៦កន្លែង នៅទូទាំងខេត្ត ចំនួន៥ រួមទាំង ខេត្ត Kumamoto និង Fukuoka ផងដែរ»។ ការថ្លែងនេះធ្វើឡើង នៅមួយថ្ងៃបន្ទាប់ពីហេតុការណ៍រញ្ជួយដី ដែលបានបណ្តាលឱ្យមនុស្សយ៉ាងហោចណាស់ ១៣នាក់ បាត់បង់ជីវិត។ នាយករដ្ឋមន្ត្រីជប៉ុន លោកស្រី Takaichi បានលើកឡើងថា អាជ្ញាធរកំពុងបន្តវាយតម្លៃពីកម្រិតនៃការរងរបួស និងការខូចខាតទ្រព្យសម្បត្តិ។ លោកស្រីបានបន្ថែមថា «ការដាច់ចរន្តអគ្គិសនី និងអគ្គិភ័យកំពុងកើតមានឡើងនៅតំបន់មួយចំនួន ហើយផ្លូវថ្នល់ និងស្ពាននានាបានរងការខូចខាត ព្រមទាំងមានអគារមួយចំនួនបានដួលរលំផងដែរ»។ អ្នកនាំពាក្យរបស់ទីភ្នាក់ងារឧតុនិយមជប៉ុន ហៅកាត់ JMA…

មូស្គូ ៖ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានព្រមានកាលពីថ្ងៃ ចន្ទ ថា មហិច្ឆតាចង់បានអាវុធនុយក្លេអ៊ែរ និងការជំរុញកម្លាំងយោធាយ៉ាងឆាប់រហ័សរបស់ប្រទេសជប៉ុន នឹងគំរាមកំហែងដល់សន្តិសុខជាតិរបស់រុស្ស៊ី ព្រមទាំងបំផ្លាញស្ថិរភាពនៅក្នុងតំបន់ទាំងមូល ។ លោកស្រី Zakharova បានលើកឡើងថា ការអះអាងនាពេលថ្មីៗនេះរបស់រដ្ឋមន្ត្រីការពារជាតិជប៉ុន អំពីតម្រូវការឱ្យមានការពិភាក្សាដោយចំហលើបញ្ហាអាវុធនុយក្លេអ៊ែរ មិនអាចយកមកធ្វើជាហេតុផលសមស្រប ដើម្បីការពារខ្លួនបានឡើយ ពីព្រោះគ្មានប្រទេសណាមួយកំពុងគំរាមកំហែងដល់អធិបតេយ្យភាព និងបូរណភាពទឹកដីរបស់ជប៉ុននោះទេ ។ អ្នកនាំពាក្យរូបនេះនិយាយថា ផ្ទុយទៅវិញ រុស្ស៊ីកំពុងមើលឃើញថា សកម្មភាពរបស់ទីក្រុងតូក្យូ បង្ហាញពីការរស់ឡើងវិញ នូវស្មារតីឈ្លានពាននៃលទ្ធិយោធានិយមជប៉ុន ។ លោកស្រីថែមទាំងបានចោទប្រកាន់ថា ជប៉ុនកំពុងដើរចេញឆ្ងាយពីកាតព្វកិច្ចសន្តិភាពនិយម ដែលខ្លួនបានព្រមព្រៀង បន្ទាប់ពីសង្គ្រាមលោកលើកទី២ ។ ជាមួយគ្នានេះ លោកស្រី Zakharova បានសង្កត់ធ្ងន់ថា រុស្ស៊ីសូមអំពាវនាវជាថ្មីម្តងទៀតដល់ជប៉ុន ឱ្យចងចាំនូវមេរៀនប្រវត្តិសាស្ត្រ ហើយវិលត្រឡប់ទៅរកផ្លូវអភិវឌ្ឍន៍ដោយសន្តិវិធីវិញ ដើម្បីជៀសវាងការបង្កាត់ភ្លើងសង្គ្រាមប្រណាំងប្រជែងអាវុធថ្មី ៕ ប្រភព ៖ ស៊ីនហួរ ប្រែសម្រួល ៖ ឈឹម ទីណា

ភ្នំពេញ៖ អនុវត្តតាមអនុសាសន៍ណែនាំដ៏ខ្ពង់ខ្ពស់របស់ឯកឧត្តមរដ្ឋមន្ត្រី ជា វ៉ាន់ដេត កាលពីថ្ងៃទី១១ ខែមិថុនា ឆ្នាំ២០២៦ ក្នុងពិធីបិទវគ្គបណ្តុះបណ្តាលស្ដីពីការប្រើប្រាស់បញ្ញាសិប្បនិម្មិត (AI) ជូនដល់ថ្នាក់ដឹកនាំនិងមន្រ្តីរាជការក្រសួង បានណែនាំឱ្យរៀបចំវគ្គបណ្តុះបណ្តាលពង្រឹងសមត្ថភាពលើជំនាញឌីជីថល និងការប្រើប្រាស់បញ្ញាសិប្បនិម្មិត ដើម្បីជាជំនួយក្នុងការបង្កើនផលិតភាព និងប្រសិទ្ធភាពការងារក្នុងវិស័យសារព័ត៌មានឌីជីថលនៅកម្ពុជា។ នៅថ្ងៃទី២៨ ខែកក្កដា ឆ្នាំ២០២៦ បណ្ឌិត្យសភាបច្ចេកវិទ្យាឌីជីថលកម្ពុជា សហការជាមួយ ក្លិបអ្នកកាសែតកម្ពុជា បានរៀបចំវគ្គបណ្តុះបណ្តាលស្តីពី “បញ្ញាសិប្បនិម្មិត និងអនាគតវិស័យសារព័ត៌មានឌីជីថលនៅកម្ពុជា” ជូនសមាជិកក្លិបអ្នកការសែតកម្ពុជា ប្រមាណ ១៤៣នាក់ មកពី ៨២ស្ថាប័នសារព័ត៌មាន ក្រោមអធិបតីភាព ឯកឧត្តម ហាក់ សុខហេង រដ្ឋលេខាធិការក្រសួងប្រៃណីយ៍និងទូរគមនាគមន៍ ព្រមទាំងមានការអញ្ជើញចូលរួមពី ឯកឧត្តម លោក លោកស្រី ជាគ្រូឧទ្ទេស នៅបណ្ឌិត្យសភាបច្ចេកវិទ្យាឌីជីថលកម្ពុជា។ វគ្គបណ្តុះបណ្តាលនេះរៀបចំឡើងក្នុងគោលបំណងដើម្បីឱ្យសមាជិកក្លិបអ្នកកាសែតកម្ពុជា បានទទួលការបណ្តុះបណ្តាល ពង្រឹងសមត្ថភាពលើជំនាញឌីជីថល និងការប្រើប្រាស់បញ្ញាសិប្បនិម្មិត ដើម្បីជាជំនួយក្នុងការបង្កើនផលិតភាព និងប្រសិទ្ធភាពការងារក្នុងវិស័យសារព័ត៌មានឌីជីថលនៅកម្ពុជា។ ជាមួយគ្នានេះ ឯកឧត្តមរដ្ឋលេខាធិការ បានមានប្រសាសន៍ថា វគ្គបណ្តុះបណ្តាលនេះ ត្រូវបានសម្រិតសម្រាំងឡើង ដោយផ្តោតលើការប្រើប្រាស់បញ្ញាសិប្បនិម្មិត ប្រកបដោយក្រមសីលធម៌ និងទាញយកអត្ថប្រយោជន៍ពីបញ្ញាសិប្បនិម្មិតឱ្យបានជាអតិបរមា ដើម្បីបង្កើនប្រសិទ្ធភាពការងារ រួមមានសមត្ថភាពក្នុងការបង្កើតមាតិកា…

វ៉ាស៊ីនតោន ៖ ប្រធានាធិបតីអ៊ុយក្រែន លោក Volodymyr Zelensky បានកោតសរសើរការពិភាក្សាដ៏ល្អ ជាមួយសមភាគីអាមេរិក លោក Donald Trump អំពីប្រព័ន្ធការពារដែនអាកាស Patriot។ លោក Volodymyr Zelensky ចាត់ទុកថា ជំនួបរៀបចំឡើងនៅឯសេតវិមាន កាលពីថ្ងៃអង្គារថាគឺជា “កិច្ចប្រជុំដ៏ល្អ” ដោយលោកបានលើកឡើងថា បានពិភាក្សាអំពីអាជ្ញាប័ណ្ណផលិតគ្រាប់មីស៊ីលស្ទាក់ចាប់ ឬ interceptors សម្រាប់ប្រព័ន្ធការពារដែនអាកាស Patriot និងវិធីសាស្រ្តនានាដើម្បីស្តារការចរចាជាមួយរុស្ស៊ីឡើងវិញ។ លោក Zelensky បានចំណាយពេលជាងមួយម៉ោង ជាមួយលោក Trump ក្នុងការពិភាក្សា ពោលគឺចំពេលដែលទីក្រុង Kyiv និងទីក្រុងមូស្គូ កំពុងបង្កើនការវាយប្រហាររយៈចម្ងាយឆ្ងាយ ខណៈដែលកិច្ចខិតខំប្រឹងប្រែងផ្នែកការទូតដែលដឹកនាំដោយសហរដ្ឋអាមេរិកប៉ុនប៉ងបញ្ចប់សង្គ្រាម បានជាប់គាំង។ តាមរយៈសេចក្តីថ្លែងការណ៍បង្ហោះ លើបណ្តាញសង្គម X , លោក Zelensky បាននិយាយថា «ខ្ញុំ និងលោកប្រធានាធិបតី បានពិភាក្សាអំពីអាជ្ញាប័ណ្ណសម្រាប់ការផលិតគ្រាប់មីស៊ីលស្ទាក់ចាប់ Patriot និងគំនិតផ្សេងៗទៀតដែលអាចជួយបាន។ យើងក៏បាននិយាយអំពីការទូតផងដែរ ដោយវាមានសារៈសំខាន់ណាស់ក្នុងការធ្វើឱ្យដំណើរការការទូតមានភាពរស់រវើកឡើងវិញ»។ មុនពេលកិច្ចប្រជុំនេះ មន្ត្រីជាន់ខ្ពស់អ៊ុយក្រែនម្នាក់បានប្រាប់ទីភ្នាក់ងារព័ត៌មាន…

ហ៊្សេរុយសាឡឹម ៖ ប្រមុខការពារជាតិអ៊ីស្រាអែល បានអះអាងកាលពីថ្ងៃ អង្គារ ថា ទោះបីមិនបានចូលរួមវាយប្រហារផ្ទាល់ តែអ៊ីស្រាអែលបានបើកឱ្យយន្តហោះចម្បាំងរបស់សហរដ្ឋអាមេរិកហោះចេញពីទឹកដីអ៊ីស្រាអែល ដើម្បីទៅវាយប្រហារលើអ៊ីរ៉ង់ ។ រដ្ឋមន្ត្រីការពារជាតិអ៊ីស្រាអែល លោក Israel Katz បានប្រាប់ទូរទស្សន៍ Channel 14 ថា យន្តហោះចម្បាំងអាមេរិក កំពុងហោះចេញពីអ៊ីស្រាអែល ដើម្បីទៅវាយប្រហារអ៊ីរ៉ង់ ហើយអ៊ីរ៉ង់ក៏ដឹងពីរឿងនោះដែរ ។ លោកថា អ៊ីស្រាអែលចង់វាយប្រហារគោលដៅថាមពលអ៊ីរ៉ង់ ប៉ុន្តែផែនការរបស់អ៊ីស្រាអែលត្រូវបានសហរដ្ឋអាមេរិកជំទាស់ ។ អមដោយការគំរាមវាយប្រហារអ៊ីរ៉ង់ ក្នុងករណីមានការវាយប្រហារណាមួយពីអ៊ីរ៉ង់, លោក Katz និយាយថា យើងចង់វាយប្រហារគោលដៅថាមពលអ៊ីរ៉ង់យ៉ាងខ្លាំង ប៉ុន្តែសហរដ្ឋអាមេរិកមិនយល់ព្រមចំពោះការធ្វើបែបនោះទេ នៅដំណាក់កាលនេះ ។ ប៉ុន្តែលោកថា ប្រសិនបើអ៊ីរ៉ង់បាញ់មកលើអ៊ីស្រាអែល នោះយើងនឹងឆ្លើយតបដោយកម្លាំងពេញទំហឹង ។ យើងត្រៀមខ្លួនរួចជាស្រេចហើយ ដើម្បីវាយប្រហារអ៊ីរ៉ង់ដោយឯករាជ្យ ៕ ប្រភព ៖ Anadolu ប្រែសម្រួល ៖ ឈឹម ទីណា

មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃ ចន្ទ បានចុះហត្ថលេខាលើក្រឹត្យមួយ (បទបញ្ជាប្រធានាធិបតី) ដើម្បីបង្កើនចំនួនបុគ្គលិកនៅក្នុងជួរកងកម្លាំងប្រដាប់អាវុធរបស់ប្រទេសរុស្ស៊ី ឱ្យកើនដល់ ២,៤២៦,១៣០ នាក់ រួមទាំងបុគ្គលិកយោធាចំនួន ១,៥៣៥,០០០ នាក់ ។ យោងតាមក្រឹត្យដែលចេញផ្សាយនៅលើគេហទំព័ររដ្ឋាភិបាលរុស្ស៊ី, ការបង្កើនចំនួនបុគ្គលិកនៅក្នុងជួរកងកម្លាំងប្រដាប់អាវុធ នឹងផ្តោតសំខាន់លើការបង្កើតអង្គភាពសំណង់យោធានៅក្នុងជួរកងកម្លាំងប្រដាប់អាវុធនៃសហព័ន្ធរុស្ស៊ី ។ ហើយក្រឹត្យនេះ នឹងចូលជាធរមានចាប់ពីថ្ងៃទី១ ខែសីហាតទៅ ។ បើតាម Anadolu, បទបញ្ជាប្រធានាធិបតីនេះ បានបង្ហាញពីការកើនឡើងនៃចំនួនបុគ្គលិកកងកម្លាំងប្រដាប់អាវុធរុស្ស៊ីចំនួន ២៧,០០០ នាក់ ព្រមទាំងការកើនឡើងនៃបុគ្គលិកយោធាចំនួន ២៥,០០០ នាក់ បើប្រៀបធៀបទៅនឹងក្រឹត្យដែលលោក ពូទីន បានចុះហត្ថលេខាកាលពីខែមុន ។ កាលពីថ្ងៃទី១២ ខែមិថុនាកន្លងទៅ លោកប្រធានាធិបតី ពូទីន បានបង្កើនចំនួនបុគ្គលិកនៃកងកម្លាំងប្រដាប់អាវុធរហូតដល់ ២,៣៩៩,១៣០ នាក់ រួមទាំងបុគ្គលិកយោធាចំនួន ១,៥១០,០០០ នាក់ ។ គិតត្រឹមខែមករាដើមឆ្នាំនេះ ចំនួនទាហានរុស្ស៊ីដែលបានស្លាប់បាត់បង់ជីវិតមានប្រហែល ៣២៥,០០០នាក់ និងច្រើនជាង ១,២លាននាក់ទៀតរងរបួស…