វ៉ាស៊ីនតោន ៖ សហរដ្ឋអាមេរិកបានបើកការវាយប្រហារតាមផ្លូវអាកាសយ៉ាងចាស់ដៃជាបន្តបន្ទាប់ទៀត កាលពីថ្ងៃ សៅរ៍ ដោយខ្លួនហៅវាថា ជាការដាក់ទណ្ឌកម្មសងសឹកឱ្យទាហានខ្លួនចំនួន ២ នាក់ ដែលត្រូវបានអ៊ីរ៉ង់សម្លាប់ជាលើកដំបូង ចាប់តាំងពីអរិភាពផ្ទុះឡើងសាជាថ្មី ។ បើតាមទីបញ្ជាការកណ្ដាលរបស់សហរដ្ឋអាមេរិក ហៅកាត់ CENTCOM, ការវាយប្រហារតាមផ្លូវអាកាសថ្មីនេះ មានគោលដៅបំបាក់សមត្ថភាពអ៊ីរ៉ង់ កុំឱ្យបន្តគំរាមកំហែងដល់នាវាដឹកទំនិញនៅច្រកសមុទ្រ ហ័រមូស និងជាការសងសឹកកងកម្លាំងឆ្មាំបដិវត្តន៍អ៊ីរ៉ង់ ដែលបានសម្លាប់ទាហានអាមេរិក ២ នាក់ ។ ផ្អែកតាមទីភ្នាក់ងារសារព័ត៌មាន Fars និង Tasnim របស់អ៊ីរ៉ង់, យោធាអាមេរិកបានបើកការវាយប្រហារលើទីក្រុង Sirik ដែលជាទីក្រុងកំពង់ផែមួយស្ថិតនៅតំបន់ច្រកសមុទ្រ ហ័រមូស ស្ថិតនៅភាគខាងត្បូងអ៊ីរ៉ង់ ។ ទីបញ្ជាការ CENTCOM បានអះអាងថា នេះគឺជាលើកដំបូងហើយ ដែលទាហានអាមេរិកបានស្លាប់បាត់បង់ជីវិត ចាប់តាំងពីសង្រ្គាមផ្ទុះឡើងសាជាថ្មី កាលពីថ្ងៃទី៧ ខែកក្កដា កន្លងមក ទោះបីជាមានអនុស្សរណៈយោគយល់គ្នា (MoU) ក៏ដោយ ។ ទីបញ្ជាការនេះ បានឱ្យដឹងទៀតថា ទាហានអាមេរិកម្នាក់ទៀតក៏បានបាត់ខ្លួនផងដែរ ក្នុងអំឡុងការវាយប្រហារដោយមីស៊ីល និងយន្តហោះដ្រូនរបស់អ៊ីរ៉ង់ក្នុងប្រទេសហ្ស៊កដានី កាលពីថ្ងៃទី១៧ ខែកក្កដា…

វ៉ាស៊ីនតោន ៖ មន្ទីរបញ្ចកោណ នៃក្រសួងសង្គ្រាមអាមេរិក គ្រោងផលិតយន្តហោះគ្មានមនុស្សបើករយៈចម្ងាយឆ្ងាយថ្មី ដែលមានតម្លៃថោក និងអាចផលិតបានក្នុងចំនួនច្រើន ជំនួសយន្តហោះដ្រូនស៊ើបការណ៍ប្រភេទ MQ-9 Reaper ដែលមួយគ្រឿងមានតម្លៃដល់ទៅខ្ទង់ ៥០ លានដុល្លារ ។ ការស្វែងរកជម្រើសដ្រូនថ្មីជំនួសដ្រូនចាស់ MQ-9 នេះ ត្រូវបានធ្វើឡើងតាមរយៈអង្គភាពនវានុវត្តន៍ការពារជាតិ ហៅកាត់ DIU ស្ថិតក្រោមគម្រោងថ្មីមួយ ដែលមានឈ្មោះថា Massed Modular Aircraft ហៅកាត់ MMA ។ MQ-9 Reaper គឺជាយន្តហោះដ្រូនខ្នាតយក្សដែលមានសមត្ថភាពទាំងស៊ើបការណ៍ និងវាយប្រហារចំគោលដៅជាក់លាក់ ។ វាជាប្រភេទយន្តហោះដ្រូនបញ្ជាពីចម្ងាយ និងមានតម្លៃពី ៥០ ទៅ ៦០ លានដុល្លារក្នុងមួយគ្រឿង ។ MQ-9 Reaper មានទម្ងន់ជាង ៤,៧០០ គីឡូក្រាម ប៉ុន្តែអាចហោះហើរក្នុងល្បឿន ៤៨០ គីឡូម៉ែត្រក្នុងមួយម៉ោង និងមានរយៈពេលរហូតដល់ទៅ ២៧ ម៉ោងឯណោះ ជាពិសេសវាអាចពាំគ្រាប់មីស៊ីលរុលចូលក្នុងដីប្រភទ GBU-12 និង GBU-38 រួមទាំងគ្រាប់មីស៊ីល Hellfire…

មូស្គូ ៖ ក្រុមហ៊ុនផលិតអាវុធរដ្ឋរុស្ស៊ី Rostec និងក្រុមហ៊ុន United Aircraft Corporation ហៅកាត់ UAC បានប្រគល់កញ្ចប់ថ្មីនូវយន្តហោះចម្បាំងពហុតួនាទី Su-30SM2 និងយន្តហោះទម្លាក់គ្រាប់បែក Su-34 ជំនាន់ថ្មីថែមទៀតទៅឱ្យយោធារុស្ស៊ី ដើម្បីបំពេញការខាតបង់យ៉ាងធ្ងន់ធ្ងរក្នុងសង្គ្រាមអ៊ុយក្រែន ។ យ៉ាងណាមិញ ចំនួនពិតប្រាកដនៃយន្តហោះចម្បាំង Su-30SM2 និងយន្តហោះទម្លាក់គ្រាប់បែក Su-34 ក្នុងកញ្ចប់នីមួយៗដែលយោធារុស្ស៊ីទើបទទួលបាននេះ ត្រូវបានរក្សាទុកជាការសម្ងាត់យោធា ។ បើតាម defence-blog, ការប្រគល់យន្តហោះថ្មីៗទាំងនេះ បានឆ្លុះបញ្ចាំងពីកិច្ចខិតខំប្រឹងប្រែងរបស់វិមានក្រឹមឡាំង ក្នុងការស្តារកម្លាំងដែនអាកាសឡើងវិញ ចំពេលមានប្រភពទម្លាយឱ្យដឹងថា រុស្ស៊ីបានខាតបង់ ឬខូចខាតយន្តហោះ Su-34 ចំនួន ៤៣ គ្រឿង និងយន្តហោះ Su-30SM ចំនួន ២១ គ្រឿង ។ យោងតាមរបាយការណ៍ពីអគ្គសេនាធិការអ៊ុយក្រែន, ការខាតបង់យន្តហោះសរុបរបស់រុស្ស៊ី ក្នុងអំឡុងសង្គ្រាមអ៊ុយក្រែនជាង ៤ឆ្នាំកន្លងមកនេះ ទំនងជាមានចំនួនដល់ទៅ ៤៣៨ គ្រឿង ចាប់តាំងពីរុស្ស៊ីបញ្ជូនកងទ័ពចូលឈ្លានពានទ្រង់ទ្រាយធំក្នុងទឹកដីអ៊ុយក្រែនកាលពីឆ្នាំ ២០២២ មក ។ ក្រៅពីយន្តហោះចម្បាំង,…

ហ៊្សេរុយសាឡឹម ៖ ក្រុមហ៊ុនផលិតអាវុធរដ្ឋ Rafael របស់អ៊ីស្រាអែល កំពុងស្ថិតក្រោមកិច្ចពិភាក្សាជាមួយក្រុមហ៊ុនការពារជាតិឯកជនរបស់ឥណ្ឌា ដើម្បីបង្កើតខ្សែសង្វាក់ផលិតកម្មផលិតគ្រាប់មីស៊ីលស្ទាក់ចាប់ Tamir ដែលជាគ្រាប់រំសេវស្នូលរបស់ប្រព័ន្ធការពារដែនអាកាស Iron Dome របស់អ៊ីស្រាអែល ។ ប្រសិនបើការចរចានេះទទួលជោគជ័យជាផ្លូវការ វានឹងធ្វើឱ្យឥណ្ឌាក្លាយជាប្រទេសទី៣ ក្នុងពិភពលោក បន្ទាប់ពីអ៊ីស្រាអែល និងសហរដ្ឋអាមេរិក ដែលមានសមត្ថភាពផលិតមីស៊ីលស្ទាក់ចាប់របស់សំណាញ់មេឃដ៏ល្បីល្បាញមួយនេះ ។ បើតាម Jerusalem Post, ការដែលអ៊ីស្រាអែលចង់បង្កើតខ្សែសង្វាក់ផលិតកម្មផលិតគ្រាប់មីស៊ីល Tamir នៅឥណ្ឌា គឺដោយសារតែជម្លោះក្នុងតំបន់នាពេលបច្ចុប្បន្ន បានធ្វើឱ្យស្តុកមីស៊ីលស្ទាក់ចាប់របស់អ៊ីស្រាអែលថយចុះយ៉ាងខ្លាំង ដូច្នេះ អ៊ីស្រាអែលត្រូវការបង្កើនសមត្ថភាពផលិតជាបន្ទាន់ ។ ហើយអ្វីដែលសំខាន់នោះ បង្កើតខ្សែសង្វាក់ផលិតកម្មផលិតគ្រាប់មីស៊ីល Tamir នៅឥណ្ឌា នឹងជួយការពារខ្សែសង្វាក់ផ្គត់ផ្គង់ពីការវាយប្រហារដោយផ្ទាល់ពីសំណាក់សត្រូវរបស់អ៊ីស្រាអែលនៅតំបន់មជ្ឈិមបូព៌ា ។ ម្យ៉ាងវិញទៀត គម្រោងនេះទៀតសោត នឹងបង្វែរទំនាក់ទំនងការពារជាតិរវាងឥណ្ឌា និងអ៊ីស្រាអែល ពីអ្នកទិញ និងអ្នកលក់ ទៅជាការរួមគ្នាផលិតជាសកល ពិសេស វាមិនត្រឹមតែបម្រើដល់តម្រូវការរបស់អ៊ីស្រាអែលប៉ុណ្ណោះទេ ប៉ុន្តែវាក៏នឹងក្លាយជាមជ្ឈមណ្ឌលសម្រាប់នាំចេញមីស៊ីលសម្រាប់សំណាញ់មេឃ Iron Dome ទៅកាន់ប្រទេសទីបីផងដែរ ។ យ៉ាងណាមិញ កិច្ចពិភាក្សានេះ បាននឹងកំពុងស្ថិតក្នុងដំណាក់កាលចរចាកម្រិតខ្ពស់នៅឡើយ ហើយកិច្ចព្រមព្រៀងជាផ្លូវការចុងក្រោយ រវាងរដ្ឋាភិបាលអ៊ីស្រាអែល និងឥណ្ឌា ក៏មិនទាន់ត្រូវបានប្រកាសជាសាធារណៈផងដែរ ៕ ប្រភព…

តេហេរ៉ង់ ៖ អនុរដ្ឋមន្ត្រីការបរទេសអ៊ីរ៉ង់ លោក Kazem Gharibabadi បានប្រកាសកាលពីថ្ងៃ សៅរ៍ ថា ប្រទេសអ៊ីរ៉ង់បានសម្រេចចិត្តផ្អាកការប្តេជ្ញាចិត្តរបស់ខ្លួន នៅក្នុងការគោរពតាមអនុស្សរណៈយោគយល់គ្នា ឬ MoU នាពេលថ្មីៗនេះ បន្ទាប់ពីសហរដ្ឋអាមេរិកបានរំលោភបំពានលើការប្តេជ្ញាចិត្តរបស់ខ្លួនដូចដែរ ។ បើតាមប្រព័ន្ធផ្សព្វផ្សាយ Fars របស់អ៊ីរ៉ង់, លោក Gharibabadi បានបញ្ជាក់យ៉ាងដូច្នេះថា សហរដ្ឋអាមេរិកបានរំលោភបំពាន និងផ្អាករាល់ការប្តេជ្ញាចិត្តទាំងអស់របស់ខ្លួន នៅក្នុងក្របខ័ណ្ឌនៃអនុស្សរណៈយោគយល់គ្នាទីក្រុងអ៊ីស្លាម៉ាបាដ ។ អនុប្រមុខការទូតកំពូលអ៊ីរ៉ង់រូបនេះ បានសង្កត់ធ្ងន់ថា យើងក៏បានផ្អាកការប្តេជ្ញាចិត្តរបស់យើងដូចគ្នាដែរ ហើយយើងនឹងមិនគោរពតាម MoU ទៀតឡើយ ពីព្រោះយើងកំពុងជាប់រវល់ការពារប្រទេសជាតិខ្លួនឯង ។ ការអះអាងបែបនេះរបស់លោក Gharibabadi ត្រូវបានធ្វើឡើងចំពេលភាពតានតឹងកំពុងពុះកញ្ជ្រោលខ្លាំងឡើងក្នុងសង្គ្រាមនៅតំបន់មជ្ឈិមបូព៌ា ជាកន្លែងដែលសហរដ្ឋអាមេរិក និងអ៊ីរ៉ង់ នៅតែបន្តការប្រយុទ្ធតបតគ្នាទៅវិញទៅមក ។ ការប៉ះទង្គិចគ្នាផ្នែកយោធាសាជាថ្មីនេះ បានកើតឡើង បើទោះបីជាមានអនុស្សរណៈយោគយល់គ្នា ដែលត្រូវបានចុះហត្ថលេខាកាលពីខែ មិថុនា ក្រោមការសម្របសម្រួលពីសំណាក់ប៉ាគីស្ថាន ដើម្បីបញ្ចប់សង្គ្រាម និងឈានទៅរកកិច្ចព្រមព្រៀងសន្តិភាពយូរអង្វែងក៏ដោយ ៕ ប្រភព ៖ Anadolu ប្រែសម្រួល ៖…

ហាណូយ ៖ ប្រទេសវៀតណាមជួបគ្រោះទឹកជំនន់ភ្លាមៗ បណ្តាលឱ្យមនុស្ស ៤នាក់ និង ៤នាក់ទៀតកំពុងបន្តបាត់ខ្លួន បន្ទាប់ពីគ្រោះធម្មជាតិដ៏អាក្រក់នេះ បានវាយប្រហារភូមិមួយនៅតំបន់ភ្នំក្នុងខេត្ត ឡៃ ឆូ ភាគខាងជើងប្រទេស ។ បើតាម ស្ត្រេត ថាមស៍ ចេញផ្សាយថ្ងៃទី១៨ ខែកក្កដា, ទឹកជំនន់ភ្លាមៗបានជនលិចភូមិ មួង ថាន កាលពីព្រឹកថ្ងៃ សុក្រ ក្រោយមានភ្លៀងធ្លាក់ខ្លាំងជាច្រើនថ្ងៃ នៅក្នុងតំបន់មួយចំនួននៃភាគខាងជើងប្រទេសវៀតណាម ហើយក៏បានធ្វើឱ្យមនុស្ស ៧នាក់ផ្សេងទៀតរងរបួសផងដែរ ។ យោងតាមទីភ្នាក់ងារគ្រប់គ្រងគ្រោះមហន្តរាយរដ្ឋរបស់វៀតណាម, ចាប់តាំងពីថ្ងៃ ពុធ មក ការរអិលបាក់ដី និងទឹកជំនន់ភ្លាមៗដែលបង្កឡើងពីភ្លៀងធ្លាក់ខ្លាំង បានបង្កការខូចខាតដល់ផ្លូវថ្នល់ បណ្តាញអគ្គិសនី និងផ្ទះសម្បែងរាប់រយខ្នង ព្រមទាំងធ្វើឱ្យដំណាំទំហំ ២៣៨ហិកតានៅក្នុងតំបន់នោះលិចលង់ ។ ទន្ទឹមគ្នា តំបន់មួយចំនួននៅភាគខាងជើងប្រទេសវៀតណាម ត្រូវបានព្យាករថា នឹងមានភ្លៀងធ្លាក់ដល់កម្រិត ២៥០មីលីម៉ែត្រ កាលពីថ្ងៃ សៅរ៍ ខណៈទីភ្នាក់ងារគ្រប់គ្រងគ្រោះមហន្តរាយរដ្ឋ បានព្រមានអំពីហានិភ័យនៃទឹកជំនន់ភ្លាមៗ និងការបាក់ដីថែមទៀត ។ គួរកត់សម្គាល់ថា វៀតណាមជាប្រទេសងាយរងគ្រោះមួយនៅអាស៊ី ដោយសារខ្យល់ព្យុះ និងទឹកជំនន់…

កៀវ ៖ ការវាយប្រហារដោយយន្តហោះដ្រូនជាបន្តបន្ទាប់របស់អ៊ុយក្រែន បានសម្លាប់កម្មករឃ្លាំងចំនួន ៧នាក់ និងជាច្រើននាក់ទៀតរងរបួស ខណៈការវាយប្រហារមួយផ្សេងទៀតបានបង្កឱ្យមានអគ្គិភ័យនៅឯឃ្លាំងស្តុកប្រេងមួយកន្លែងក្នុងតំបន់ជុំវិញរដ្ឋធានីមូស្គូ ។ នេះបើតាម Straits Times ចេញផ្សាយថ្ងៃទី១៨ ខែកក្កដា ។ បើតាមអភិបាលតំបន់ Tambov លោក Evgeniy Pervyshov, មនុស្ស ២៥នាក់បានរងរបួស បន្ទាប់ពីដ្រូនអ៊ុយក្រែនហែកមេឃហោះបុកចូលឃ្លាំងទំនិញមួយកន្លែងរបស់ក្រុមហ៊ុន Wildberries ក្នុងទីក្រុង Kotovsk មានចម្ងាយប្រហែល ៤៧៥គីឡូម៉ែត្រ ភាគអាគ្នេយ៍រដ្ឋធានីមូស្គូ ។ ជាមួយគ្នានេះ ប្រធានាធិបតីអ៊ុយក្រែន លោក Volodymyr Zelensky បានសរសេរសារលើបណ្តាញសង្គម X ថា ក្រៅពីទីតាំងទាំងនេះ កងកម្លាំងអ៊ុយក្រែនក៏បានវាយប្រហារលើទីតាំងភស្តុភារចំនួនពីរកន្លែងផ្សេងទៀត ដែលរុស្ស៉ីប្រើប្រាស់សម្រាប់ផ្គត់ផ្គង់គ្រឿងបន្លាស់ សម្រាប់ការផលិតយន្តហោះដ្រូន និងទីតាំងស្តុកប្រេងមួយកន្លែងផងដែរ ។ គួរបញ្ជាក់ថា យន្តហោះគ្មានមនុស្សបើក ឬដ្រូន បានក្លាយជាអាវុធដ៏សំខាន់បំផុតមួយ ក្នុងសង្គ្រាមរុស្ស៊ី-អ៊ុយក្រែន ។ ជាក់ស្ដែង ការវាយប្រហារដោយយន្តហោះដ្រូនរយៈចម្ងាយឆ្ងាយរបស់អ៊ុយក្រែន ដែលបានកំណត់គោលដៅកម្ទេចលើរោងចក្រចម្រាញ់ប្រេងរបស់រុស្ស៊ី បានធ្វើឲ្យរុស្ស៊ីរងសម្ពាធសេដ្ឋកិច្ច និងការផ្គត់ផ្គង់ប្រេងឥន្ធនៈជាខ្លាំង ៕…