តេហេរ៉ង់ ៖ កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ ហៅកាត់ IRGC និយាយកាលពីថ្ងៃអង្គារថា ខ្លួនបានបំផ្លាញអាវុធ និងយន្តហោះគ្មានមនុស្សបើកយ៉ាងច្រើន របស់សហរដ្ឋអាមេរិក អំឡុងការវាយប្រហារនៅប្រទេសបារ៉ែន និងកូវ៉ែត ចំពេលមានការកើនឡើង រវាងទីក្រុងតេហេរ៉ង់ និងវ៉ាស៊ីនតោន។ កងកម្លាំង IRGC បានអះអាង តាមរយៈសេចក្តីថ្លែងការណ៍មួយ ដែលចេញផ្សាយដោយទីភ្នាក់ងារសារព័ត៌មានរដ្ឋ IRNA រៀបរាប់ថា «ឃ្លាំងស្តុកអាវុធ និងគ្រឿងបន្លាស់ជាច្រើនសម្រាប់នាវា និងយន្តហោះសត្រូវ ត្រូវបានបំផ្លាញនៅមូលដ្ឋាន Sheikh Isa ក្នុងប្រទេសបារ៉ែន ក្នុងអំឡុងពេលប្រតិបត្តិការបាញ់មីស៊ីល និងយន្តហោះគ្មានមនុស្សបើក ក្នុងពេលដំណាលគ្នា កាលពីប៉ុន្មានម៉ោងមុន»។ IRGC បាននិយាយថា កងកម្លាំងរបស់ខ្លួនក៏បានបំផ្លាញយន្តហោះគ្មានមនុស្សបើកមួយចំនួន ដោយការវាយប្រហារលើផ្លូវជម្រាល ជាទីដែលយន្តហោះគ្មានមនុស្សបើក MQ9 របស់សត្រូវត្រូវបានដាក់ពង្រាយ នៅឯមូលដ្ឋាន Ali Salem ក្នុងប្រទេសកូវ៉ែត។ គុយវ៉ែត មុននេះ ក៏បាននិយាយដែរថា ប្រព័ន្ធការពារដែនអាកាសរបស់ខ្លួនបានវាយប្រហារ គោលដៅផ្លូវអាកាសរបស់អរិភាព ខណៈពេលដែលស៊ីរ៉ែនបានបន្លឺឡើង ជាលើកទីបួន ក្នុងប្រទេសបារ៉ែន នៅល្ងាចថ្ងៃអង្គារ។ បើតាម Anadolu, ការវាយប្រហារទាំងនេះបានកើតឡើង…

វ៉ាស៊ីនតោន ៖ ប្រធានាធិបតីអាមេរិក លោក Donald Trump កាលពីថ្ងៃអង្គារ បានគំរាមវាយប្រហាររោងចក្រថាមពល និងស្ពាន របស់ប្រទេសអ៊ីរ៉ង់ នៅសប្តាហ៍ក្រោយ ប្រសិនបើជាគ្មានកិច្ចព្រមព្រៀង។ មេដឹកនាំរូបនេះ បានប្រាប់ Fox News ថា លោកនឹងពង្រីកការវាយប្រហាររបស់សហរដ្ឋអាមេរិកលើអ៊ីរ៉ង់ នៅសប្តាហ៍ក្រោយ ដើម្បីផ្តោតលើរោងចក្រថាមពល និងស្ពាន ប្រសិនបើទីក្រុងតេអេរ៉ង់មិនធ្វើកិច្ចព្រមព្រៀង។ «យើងនឹងវាយកម្ទេចរោងចក្រថាមពលទាំងអស់របស់ពួកគេ។ យើងនឹងវាយកម្ទេចស្ពានទាំងអស់របស់ពួកគេ លុះត្រាតែពួកគេងាកមកចរចា»។ ការគំរាមកំហែងរបស់លោក Trump បានកើតឡើង នៅពេលដែលកងកម្លាំងអាមេរិកបានធ្វើការវាយប្រហារប្រឆាំងនឹងអ៊ីរ៉ង់ សម្រាប់ថ្ងៃទីបួនជាប់ៗគ្នា និងបានដាក់ចេញនូវការបិទផ្លូវកងទ័ពជើងទឹកឡើងវិញ លើកំពង់ផែរបស់ប្រទេសនេះឡើងវិញ។ បទឈប់បាញ់ដ៏ផុយស្រួយមួយ នៅថ្ងៃទី១៧ ខែមិថុនា រវាងភាគីទាំងពីរបានដួលរលំយ៉ាងមានប្រសិទ្ធភាព ដោយផ្តោតលើការគ្រប់គ្រងច្រកសមុទ្រ Hormuz ដ៏សំខាន់។ នៅពេលសួរថា តើការវាយប្រហាររបស់សហរដ្ឋអាមេរិកនឹងបន្តរយៈពេលប៉ុន្មាន លោក Trump បានឆ្លើយថា «កម្លាំងអាមេរិក នឹងបន្តរហូតដល់ ខ្ញុំនិយាយថា វាគ្រប់គ្រាន់ហើយ»៕ ប្រភព ៖ AFP ប្រែសម្រួល ៖ សារ៉ាត

ប៉ារីស ៖ ឆ្លើយតបការគំរាមកំហែងពីមីស៊ីលបាលិស្ទីករបស់រុស្ស៊ី ប្រទេសចំនួន៩នៅអឺរ៉ុប និងអ៊ុយក្រែន កាលពីថ្ងៃ ចន្ទ បានប្រកាសចាប់ដៃគ្នាបង្កើតសម្ព័ន្ធភាពមួយ ក្នុងគោលបំណងរួមកម្លាំងអភិវឌ្ឍសមត្ថភាពប្រឆាំងមីស៊ីលបាលីស្ទីក និងពង្រឹងការការពារដែនអាកាសអឺរ៉ុប ។ យោងតាមសេចក្តីប្រកាសរួមរបស់ប្រទេសដាណឺម៉ាក បារាំង អាល្លឺម៉ង់ អ៊ីតាលី ហូឡង់ ន័រវែស អេស្ប៉ាញ ស៊ុយអែត អ៊ុយក្រែន និងអង់គ្លេស, ក្រុមប្រទេសទាំងនេះជឿជាក់ថា ការការពារអឺរ៉ុប តម្រូវឱ្យមានដំណោះស្រាយសកល នៃស្ថាបត្យកម្មការពារមីស៊ីលរួមបញ្ចូលគ្នា ដើម្បីទប់ស្កាត់ និងកម្ចាត់ការគំរាមកំហែងនៃមីស៊ីលបាលិស្ទីកនាពេលអនាគត ។ បើតាម Kyiv independent, សម្ព័ន្ធភាពនេះ មានគោលដៅចងក្រង និងរួមបញ្ចូលគ្នានូវបច្ចេកវិទ្យាឧស្សាហកម្មការពារជាតិ ការស្រាវជ្រាវ និងបទពិសោធន៍ជាក់ស្តែងលើសមរភូមិរបស់អ៊ុយក្រែន ដើម្បីបង្កើតប្រព័ន្ធការពារដែនអាកាសរួមគ្នាសម្រាប់អឺរ៉ុប ។ គម្រោងស្នូលនៃសម្ព័ន្ធភាពនេះ គឺការអភិវឌ្ឍន៍ប្រព័ន្ធមីស៊ីលការពារដែនអាកាសថ្មីមួយ ដែលមានតម្លៃសមរម្យ និងអាចផលិតបានក្នុងបរិមាណច្រើន ។ ប្រព័ន្ធការពារដែនអាកាសថ្មីនេះមានឈ្មោះថា FREYJA ។ វាត្រូវបានគេរំពឹងថា ដើរតួជាជម្រើសបំពេញបន្ថែមពីលើប្រព័ន្ធការពារដែនអាកាស Patriot របស់អាមេរិក និងប្រព័ន្ធស្ទាក់ចាប់មីស៊ីលដែលមានស្រាប់របស់អឺរ៉ុប ។ ប្រភពបានឱ្យដឹងថា ក្រុមហ៊ុនការពារជាតិធំៗរបស់អឺរ៉ុប និងអ៊ុយក្រែនជិត ១២ ក្រុមហ៊ុន រួមមាន Thales,…

ប៉ារីស ៖ ប្រធានាធិបតីបារាំង លោក អេម៉ានុយអែល ម៉ាក្រុង បានប្រកាសកាលពីថ្ងៃ ចន្ទ ថា ប្រទេសរបស់លោកនឹងបង្កើនការចំណាយលើវិស័យយោធាឱ្យស្ទុះឡើងទ្វេភាគី ពោលកើនឡើងរហូតដល់ជាង ៧៤ ពាន់លានដុល្លារនៅឆ្នាំ ២០២៧ ។ លោក ម៉ាក្រុង បានប្រាប់កងកម្លាំងប្រដាប់អាវុធ នៅមុនថ្ងៃបុណ្យជាតិបារាំង (Bastille Day) ថា ខ្ញុំបានស្នើពន្លឿនការពង្រឹងវិស័យការពារជាតិថែមទៀត ហើយបានរំកិលមហិច្ឆតា ដែលដើមឡើយគ្រោងធ្វើនៅឆ្នាំ ២០៣០ ឱ្យមកត្រឹមឆ្នាំ២០២៧វិញ ជាមួយនឹងការបង្កើនកញ្ចប់ថវិកាជាង ៧៤ ពាន់លានដុល្លារ សម្រាប់កងកម្លាំងប្រដាប់អាវុធបារាំង ។ មេដឹកនាំបារាំងរូបនេះ បានរំលឹកថា ប្រទេសបារាំងបានសម្រេចរួចរាល់ហើយ នូវការប្តេជ្ញាចិត្តកាលពីមុន ដើម្បីបង្កើនការចំណាយលើវិស័យការពារជាតិឱ្យដល់ ២% នៃផលិតផលក្នុងស្រុកសរុប (GDP) ត្រឹមឆ្នាំ ២០២៥ ។ លោក ម៉ាក្រុង បានសង្កត់ធ្ងន់ថា សន្ទុះវិនិយោគលើវិស័យការពារជាតិដ៏ធំនេះ បានអនុញ្ញាតឱ្យប្រទេសបារាំង អាចពង្រឹងកងកម្លាំងប្រដាប់អាវុធរបស់ខ្លួន មុនពេលមានវិបត្តិអន្តរជាតិនានាផ្ទុះឡើង ។ ប្រធានាធិបតីបារាំងមានវ័យ៤៧ឆ្នាំរូបនេះ បានលើកឡើងដោយសំដៅលើសង្គ្រាមនៅអ៊ុយក្រែន អស្ថិរភាពក្នុងតំបន់ Sahel…

មូស្គូ ៖ ប្រធានាធិបតីរុស្ស៊ី លោក វ៉្លាឌីមៀ ពូទីន បានព្រមានធ្ងន់ៗថា រាល់ការវាយប្រហារណាមួយពីសំណាក់ភាគីអ៊ុយក្រែនចូលជ្រៅទៅក្នុងទឹកដីរុស្ស៊ី នឹងត្រូវប្រឈមមុខនូវការវាយបកសងសឹកវិញ ក្នុងកម្រិតកាន់តែខ្លាំងក្លាជាងមុនឆ្ងាយណាស់ ។ ការព្រមានរបស់លោក ពូទីន ធ្វើឡើងនៅពេលចូលរួមវេទិកា “អ្វីៗគ្រប់យ៉ាងដើម្បីជ័យជម្នះ!” កាលពីថ្ងៃ ចន្ទ ដោយលោកបានលើកឡើងពីបញ្ហាជម្លោះនៅអ៊ុយក្រែន និងការឆ្លើយតបរបស់រុស្ស៊ី ចំពោះការគាំទ្រនៃប្រទេសលោកខាងលិចដល់ទីក្រុងកៀវ ។ បើតាម RT, លោក ពូទីន បានសង្កត់ធ្ងន់យ៉ាងដូច្នេះថា ការឆ្លើយតបរបស់យើងតែងតែឆ្លុះបញ្ចាំងពីការវាយប្រហារណាមួយមកលើទឹកដីរុស្ស៊ី ។ យើងនឹងវាយបកវិញក្នុងទម្រង់ដូចគ្នា ប៉ុន្តែមានឥទ្ធិពលខ្លាំងជាងមុនជាច្រើនដង ។ លោកបន្ថែមថា សត្រូវនឹងដឹងពីឥទ្ធិពលនេះ ហើយខ្ញុំសង្ឃឹមថា ពួកគេនឹងកាន់តែដឹងច្បាស់បន្ថែមទៀតនាពេលអនាគត ។ ពាក់ព័ន្ធនឹងការគាំទ្ររបស់លោកខាងលិចដល់អ៊ុយក្រែន មេដឹកនាំរុស្ស៊ីរូបនេះ បានអះអាងថា កម្លាំងរុស្ស៊ីបានស្ថិតនៅលើផ្លូវឆ្ពោះទៅរកជ័យជម្នះ ទោះបីជាត្រូវប្រឈមមុខនូវការលំបាកក៏ដោយ ។ លោក ពូទីន ដែលមានវ័យ៧៣ឆ្នាំរូបនេះ បានបញ្ជាក់ទៀតថា ទោះបីជាមានសម្ពាធសេដ្ឋកិច្ច និងទណ្ឌកម្មធ្ងន់ធ្ងរមិនធ្លាប់មានក៏ដោយ ក៏រុស្ស៊ីកំពុងតែប្រឹងប្រែងអភិវឌ្ឍសេដ្ឋកិច្ច ធ្វើទំនើបកម្មកងកម្លាំងប្រដាប់អាវុធ និងពង្រីកឧស្សាហកម្មការពារជាតិ ។ លោកថា កិច្ចខិតខំប្រឹងប្រែងទាំងនេះ កំពុងតែផ្លាស់ប្តូរស្ថានភាពនៅលើសមរភូមិរួចស្រេចទៅហើយ…

ប្រាស៊ីលីយ៉ា ៖ ប្រធានាធិបតីប្រទេសប្រេស៊ីល លោក Lula បានហៅផែនការរបស់អាមេរិក ដែលចង់គិតថ្លៃ នាវាឆ្លងកាត់ច្រកសមុទ្រ ហ័រមូស ថាជាទង្វើរបស់ក្រុមចោរសមុទ្រ។ ថ្លែងនៅក្នុងព្រឹត្តិការណ៍សាធារណៈមួយ នៅរដ្ឋ Sao Paulo កាលពីថ្ងៃចន្ទ, លោក Luiz Inacio Lula da Silva បានបន្ថែមថា «ប្រទេសធំមួយ ដូចជា សហរដ្ឋអាមេរិក ដែលខ្ញុំជឿថា បានប្រយុទ្ធប្រឆាំងនឹងចោរសមុទ្រ អស់រយៈពេលជាយូរមកហើយ ឥឡូវនេះ មិនអាចក្លាយជាចោរសមុទ្របានទេ» ដោយលោកព្រមានថា ជម្លោះនេះកំពុងជំរុញឱ្យតម្លៃស្បៀងអាហារជាមូលដ្ឋាន នៅក្នុងប្រទេសប្រេស៊ីលកើនឡើង រួមទាំង សណ្តែក អង្ករ ប៉េងប៉ោះ និង ខ្ទឹមបារាំង ក៏ដូចជា ប្រេងឥន្ធនៈផងដែរ។ ការលើកឡើងនេះ ធ្វើឡើង ភ្លាមៗបន្ទាប់ពីលោក ដូណាល់ ត្រាំ ប្រធានាធិបតីអាមេរិក បានប្រកាសថា អាមេរិកនឹងគិតថ្លៃនាវាឆ្លងកាត់ច្រកសមុទ្រ ក្នុងពេលស្ថានការណ៍ រវាងគូរ ជម្លោះអាមេរិក និងអ៊ីរ៉ង់ ឡើងកម្តៅឡើងវិញ។ ថ្លែងនៅសេតវិមាន…