ការ៉ាកាស ៖ ចំនួនមនុស្សស្លាប់ដោយសារគ្រោះរញ្ជួយដី នៅប្រទេសវេណេស៊ុយអេឡា បានកើនលើសពី ចំនួន៤៣០០នាក់ហើយ គិតត្រឹមថ្ងៃសៅរ៍។ ចំនួនអ្នកស្លាប់ដោយសាររញ្ជួយដី ពីរលើក ដ៏សាហាវ នៅវេណេស៊ុយអេឡា កាលពីខែមុន បានមានលើសពីចំនួន ៤៣០០នាក់ នេះបើយោងតាមអ្នកតាក់តែងច្បាប់កំពូលម្នាក់ បាននិយាយ នៅថ្ងៃទី១១ ខែកក្កដា។ លោក Jorge Rodriguez ប្រធានរដ្ឋសភា បានដាក់ចំនួនអ្នកស្លាប់ កើនដល់ ៤៣៣៣ នាក់ ពោលគឺបានកើនឡើងពី ចំនួន៤១១៨នាក់ កាលពីថ្ងៃសុក្រ។ គួររម្លឹកថា កាលពីថ្ងៃទី២៤ ខែមិថុនា, គ្រោះរញ្ជួយដី កម្រិត ៧.២ រ៉ិចទ័រ និង ៧.៥ រ៉ិចទ័រ បានវាយប្រហារភាគខាងជើង ប្រទេសវេណេស៊ុយអេឡា ផ្ទួនៗ។ ឆ្នេរសមុទ្រភាគខាងជើង នៃ ប្រទេសវេណេស៊ុយអេឡា ស្ថិតនៅលើព្រំប្រទល់ រវាងបន្ទះប្លាកែត Caribbean និង អាមេរិកខាងត្បូង ប៉ុន្តែ មិនមានការរញ្ជួយដីខ្លាំង ចាប់តាំងពីឆ្នាំ ១៩៩៧។ ដោយឆ្នាំនោះ…

រីយ៉ាដ ៖ ក្រសួងការពារជាតិ ប្រទេស អេមីរ៉ាត់ អារ៉ាប់រួម បានទប់ស្កាត់ការវាយប្រហារដោយមីស៊ីល និង យន្តហោះគ្មានមនុស្សបើកពីអ៊ីរ៉ង់ នេះបើតាមបញ្ជាក់របស់ក្រសួង នៅថ្ងៃអាទិត្យនេះ។ ក្រសួងការពារជាតិ អេមីរ៉ាត់ អារ៉ាប់រួម បាននិយាយថា «នៅពេលនេះ ការការពារដែនអាកាសរបស់អារ៉ាប់រួម កំពុងទប់ស្កាត់ការវាយប្រហារដោយមីស៊ីល និងយន្តហោះគ្មានមនុស្សបើក ដែលបាញ់ចេញពីទិសដៅអ៊ីរ៉ង់»។ ដូចគ្នានេះដែរ ស៊ីរ៉ែនការពារជនស៊ីវិលបានបន្លឺឡើង នៅក្នុងប្រទេសបារ៉ែន។ ក្រៅពីនេះ សំឡេងផ្ទុះ ដែលទំនងជាបណ្តាលមកពីការការពារដែនអាកាសវាយប្រហារគោលដៅ ត្រូវបានឮនៅក្នុងរដ្ឋធានីដូហា របស់ប្រទេសកាតា ដូចគ្នា។ បើតាម Tass, ព័ត៌មានទាំងនេះ បានកើតឡើងភ្លាមៗ បន្ទាប់ពីប៉ុស្តិ៍ទូរទស្សន៍ Press របស់អ៊ីរ៉ង់បានរាយការណ៍ថា សាធារណរដ្ឋអ៊ីស្លាមបានចាប់ផ្តើមការវាយប្រហាររបស់ខ្លួន ប្រឆាំងនឹងគោលដៅរបស់សហរដ្ឋអាមេរិក នៅតំបន់មជ្ឈិមបូព៌ា៕ ប្រភព ៖ Tass ប្រែសម្រួល ៖ សារ៉ាត

អូតាវ៉ា ៖ មនុស្ស២នាក់បានស្លាប់ ហើយ៣នាក់ផ្សេងទៀតរងរបួស អំឡុងការបាញ់ប្រហារ នៅតំបន់ទីប្រជុំជន ស្ថិតក្នុងទីក្រុងតូរ៉ុនតូ ប្រទេសកាណាដា កាលពីយប់ថ្ងៃសៅរ៍។ ប៉ូលីសកំពុងស្វែងរកជនបាញ់ប្រហារម្នាក់ ដែលគេជឿថា បើកការវាយប្រហារ នៅក្នុងតំបន់ ដែលមានហាង និងភោជនីយដ្ឋានប្រមូលផ្តុំជាច្រើន។ ប៉ូលីសទីក្រុងតូរ៉ុនតូ ស្នើឲ្យជៀសវាងតំបន់នោះជាបន្ទាន់ ហើយធ្វើតាមការណែនាំទាំងអស់ ប៉ុន្តែ ក្រោយមក នគរបាលធានាសុវត្ថិភាពកន្លែងកើតហេតុវិញ។ ហេតុការណ៍នេះកើតឡើងភ្លាមៗ បន្ទាប់ពីការបាញ់ប្រហារមួយផ្សេងទៀត នៅទីក្រុងម៉ុងរ៉េអាល់ កាលពីចុងខែមុន ដោយមនុស្សពីរនាក់ រួមទាំង មន្ត្រីប៉ូលីសម្នាក់ ត្រូវបានសម្លាប់ដោយជនល្មើសម្នាក់ ប៉ុន្តែ បន្ទាប់មក ខ្មាន់កាំភ្លើងត្រូវបានបាញ់សម្លាប់ ដោយសមត្ថកិច្ចអនុវត្តច្បាប់។ កាលពីខែកុម្ភៈ ការបាញ់ប្រហារ នៅភាគខាងលិច នៃទីក្រុង Tumbler Ridge បានសម្លាប់មនុស្ស ចំនួន៨នាក់៕ ប្រភព ៖ AFP ប្រែសម្រួល ៖ សារ៉ាត

កៀវ ៖ អ៊ុយក្រែនបាននិយាយថា រុស្ស៊ីបានវាយប្រហារមកលើខ្លួន កាលពីថ្ងៃសៅរ៍ ដោយបាញ់មីស៊ីល និង យន្តហោះគ្មានមនុស្សបើក សម្លាប់មនុស្ស ៨នាក់ និង រាប់សិបនាក់ផ្សេងទៀតរងរបួស។ យោងតាមអភិបាលក្រុងកៀវ, មីស៊ីលក៏បានវាយប្រហាររដ្ឋធានីនេះផងដែរ ដោយបានធ្វើឱ្យមនុស្ស ១២នាក់រងរបួស រួមទាំងកុមារ ២នាក់។ ប្រធានាធិបតីអ៊ុយក្រែន លោក Volodymyr Zelensky បាននិយាយ នៅក្នុងការបង្ហោះមួយ លើបណ្តាញសង្គម X ថា «រុស្ស៊ីបានបាញ់យន្តហោះគ្មានមនុស្សបើក ជាង១២០គ្រឿង និងមីស៊ីលចំនួន ១២គ្រាប់ នៅពេលយប់ ដែលពាក់កណ្តាល គឺជាមីស៊ីលផ្លោង»។ លោកបានបន្ថែមថា ហេដ្ឋារចនាសម្ព័ន្ធស៊ីវិលត្រូវបានវាយប្រហារ ទោះបីជាមានការជូនដំណឹង អំពីវាយប្រហារតាមអាកាស ជាមុនក៏ដោយ។ លោកបានបង្ហោះវីដេអូនៃក្រុមសង្គ្រោះបន្ទាន់ដែលកំពុងធ្វើការនៅក្នុងផ្សែង និងគំនរបាក់បែកនៃអគារដែលខូចខាត។ រុស្ស៊ី បដិសេធថា មិនបានកំណត់គោលដៅលើជនស៊ីវិល ដោយបាននិយាយថា ខ្លួនបានវាយប្រហារកន្លែងឧស្សាហកម្មយោធា នៅទីក្រុងគៀវ និង ហេដ្ឋារចនាសម្ព័ន្ធកំពង់ផែ នៅទីក្រុងអូដេសា។ បើតាម AFP, ការវាយប្រហារដ៏សាហាវរបស់រុស្ស៊ី ជាបន្តបន្ទាប់ ថ្មីៗនេះ…

វ៉ាស៊ីនតោន ៖ លោក Ro Khanna អ្នកតំណាងរាស្ត្រអាមេរិក មកពីរដ្ឋកាលីហ្វ័រញ៉ា និយាយ កាលពីថ្ងៃសៅរ៍ថា លោកត្រូវបានឃុំខ្លួន ដោយអ្នកតាំងលំនៅអ៊ីស្រាអែល នៅក្នុងតំបន់ West Bank។ អ្នកតំណាងរាស្ត្រលេចធ្លោម្នាក់នេះ បាននិយាយថា រូបលោកត្រូវបានឃុំខ្លួន រួមជាមួយជនជាតិអាមេរិកដទៃទៀត ក្នុងអំឡុងពេលទស្សនកិច្ចទៅកាន់តំបន់ West Bank ដែលកាន់កាប់ដោយអ៊ីស្រាអែល កាលពីថ្ងៃពុធ។ នៅក្នុងការបង្ហោះមួយលើបណ្តាញសង្គម X, លោក Khanna បាននិយាយថា «អ្នកតាំងលំនៅអ៊ីស្រាអែល កាន់កាំភ្លើង M4 ផលិតដោយអាមេរិក បានឃុំខ្លួនខ្ញុំ និងជនជាតិអាមេរិកដទៃទៀត ក្នុងដំណើររបស់ខ្ញុំ ទៅកាន់ទឹកដីប៉ាឡេស្ទីន»។ លោកបានបន្ថែមថា «ពួកគេបានចូលមកការពារ អ្នកតាំងលំនៅ និង ឃុំខ្លួនពួកយើង.. ពួកគេបានធ្វើកំហុសដ៏ធំមួយ»។ យ៉ាងណា កងកម្លាំងការពារអ៊ីស្រាអែល IDF បានបដិសេធការអះអាង របស់លោក Khanna។ យោធាអ៊ីស្រាអែលបាននិយាយ នៅក្នុងសេចក្តីថ្លែងការណ៍មួយ ដែលបានផ្ញើទៅកាន់ AFP ថា ខ្លួនបានទទួលរបាយការណ៍មួយ ទាក់ទងនឹងជនស៊ីវិលអ៊ីស្រាអែល…

តេហេរ៉ង់ ៖ មេដឹកនាំកំពូលអ៊ីរ៉ង់ លោក Mojtaba Khamenei ប្រកាសថា ការសងសឹកចំពោះការសម្លាប់ឪពុករបស់ខ្លួន គឺត្រូវតែធ្វើ ដោយជៀសមិនរួច។ លោក Mojtaba Khamenei បានអះអាងបែបនេះ តាមរយៈជាសារជាលាយលក្ខណ៍អក្សរមួយ ដែលចេញផ្សាយ កាលពីថ្ងៃសៅរ៍ ហើយនេះគឺជាសេចក្តីថ្លែងការណ៍ដំបូងរបស់លោក ចាប់តាំងពីពិធីបុណ្យសព របស់ឪពុក។ លោករៀបរាប់ថា «ការសងសឹកនេះ គឺជាឆន្ទៈរបស់ប្រជាជាតិយើង ហើយត្រូវតែអនុវត្តដោយជៀសមិនរួច…បញ្ហានេះមិនអាស្រ័យលើអត្ថិភាពផ្ទាល់ខ្លួនរបស់ខ្ញុំ ឬ លើមន្ត្រីផ្សេងទៀតទេ..មិនថា យើងមានវត្តមាន ឬ អត់នោះទេ ការសងសឹកនឹងកើតឡើង»។ ការសន្យាសងសឹក ពីសំណាក់់មេដឹកនាំកំពូលរបស់ប្រទេសអ៊ីរ៉ង់រូបនេះ ធ្វើឡើងនៅត្រឹមតែប៉ុន្មានម៉ោងប៉ុណ្ណោះ បន្ទាប់ពីប្រធានាធិបតីអាមេរិក លោក ដូណាល់ ត្រាំ បានគំរាមកំហែងសងសឹកយ៉ាងធ្ងន់ធ្ងរ ក្នុងករណីមានការប៉ុនប៉ងណាមួយមកលើជីវិតរបស់លោក។ ភាគីទាំងពីរបានបង្កើនវោហាសាស្ត្រ បន្ទាប់ពីការបាញ់ប្រហារគ្នា នៅសប្តាហ៍នេះ ជាហេតុធ្វើឲ្យរង្គោះរង្គើកិច្ចព្រមព្រៀងបណ្តោះអាសន្ន ដែលមានគោលបំណងបញ្ចប់សង្គ្រាមមជ្ឈិមបូព៌ា។ ជាសង្គ្រាមដែលបានផ្ទុះឡើង នៅចុងខែកុម្ភៈ ឆ្នាំ២០២៦ ជាមួយនឹងការវាយប្រហារដ៏ធំ រវាងសហរដ្ឋអាមេរិកនិងអ៊ីស្រាអែល សម្លាប់ទាំងអតីតមេដឹកនាំកំពូលអ៊ីរ៉ង់ គឺ លោក Ali Khamenei ៕…