ភ្នំពេញ៖ ជនសង្ស័យចំនួន២០នាក់ (ស្រី្ត ២នាក់) ក្នុងនោះមានជនជាតិចិន ១៩នាក់ និងជនជាតិគីជីស៊ីស្ថាន ១នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបទីតាំងសង្ស័យឆបោកតាមប្រព័ន្ធបច្ចេកវិទ្យា មួយកន្លែងស្ថិតក្នុងភូមិស្លែងរលើង សង្កាត់អូរបែកក្អម ខណ្ឌសែនសុខ នារាត្រីថ្ងៃទី១ ខែមេសា ឆ្នាំ២០២៦។ បើតាមប្រភពពីលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.)បានឱ្យដឹងថា ក្រៅពីឃាត់ខ្លួនជនសង្ស័យខាងលើ សមត្ថកិច្ច ក៏បានដកហូតសម្ភារៈវត្ថុតាងមានដូចជាៈ ទូរសព្ទដៃ ចំនួន ៨៤៦គ្រឿង, ធុង CPU ចំនួន ៥១គ្រឿង,អេក្រង់ MONITOR ចំនួន ៥៤គ្រឿង,ស៊ីមកាតអន្តរជាតិមួយចំនួន។ ចំណែកឯ សម្ភារៈវត្ថុតាង ក្នុងឃ្លាំងរក្សាទុក មានកុំព្យូទ័រលើតុ ALL IN ONEចំនួន ៣១គ្រឿង, ធុង CPU ចំនួន ០២គ្រឿងនិង អេក្រង់ MONITOR ចំនួន ១៨គ្រឿង។ ប្រភពដដែលបន្តថា យោងតាមការធ្វើកោសល្យវិច្ច័យលើសម្ភារៈវត្ថុតាងឧបករណ៍អេឡិចត្រូនិច កុំព្យូទ័រ និងទូរស័ព្ទដៃសន្និដ្ឋាន​បានថា ជនសង្ស័យប្រើប្រាស់ទឹកដីប្រទេសកម្ពុជា លួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា ក្រោមរូបភាពអូស​ទាញឱ្យវិនិយោគក្លែងក្លាយ គោលដៅជនរងគ្រោះប្រទេសអាល្លឺម៉ង់ ,សហរដ្ឋអាម៉េរិក…

ភ្នំពេញ៖ គិតចាប់ពីខែមករាដល់ខែមីនាឆ្នាំ២០២៦នេះ ក្រសួងបរិស្ថានបាន​ជួយទប់ស្កាត់ទឹកកខ្វក់ចំនួនជាង ៦,៣លានម៉ែត្រគូប មិនឱ្យហូរចូលក្នុង​ប្រភពទឹកធម្មជាតិ ខណៈពេញមួយឆ្នាំ២០២៥ កន្លងទៅទប់ស្កាត់បានជា​២០លានម៉ែត្រគូប។ ក្រសួងបរិស្ថានបានឱ្យដឹងថ្ងៃពុធទី១ ខែមេសា ថាក្នុងឆ្នាំ២០២៥កន្លងទៅ ក្រសួង​បានធ្វើការទប់ស្កាត់​ទឹកកខ្វក់មិនឱ្យ​មានការបំពុល​តំបន់ទឹក​សាធារណៈ ឬតំបន់ទឹកស្អាតនៅក្នុងប្រទេសបានជាង២០លានម៉ែត្រគូប។ដោយឡែកត្រីមាសទី១​ឆ្នាំ២០២៦​ទប់ស្កាត់ទឹកកខ្វក់ជាង៦,៣លានម៉ែត្រ​គូប ។ ទឹកកខ្វក់ត្រូវបានអ្នកជំនាញអះអាងថា ប៉ះពាល់ដល់សុខភាព និងការរស់​នៅរបស់ប្រជាពលរដ្ឋប្រសិនជាពុំមានការទប់ស្កាត់ទេ។ ដោយឡែកបើគិតត្រឹមខែមីនាកន្លងទៅថ្មីៗនេះ រោងចក្រ សហគ្រាស និងក្រុមហ៊ុន ចំនួន៥៧កន្លែង បានបំពាក់ឧបករណ៍ស្វ័យ​ត្រួតពិនិត្យ​គុណភាព​ទឹកក្នុងចំណោមរោងចក្រ សហគ្រាស និងក្រុមហ៊ុនចុះកិច្ច​សន្យាដំឡើងឧបករណ៍ស្វ័យត្រួតពិនិត្យចំនួន ៦៨ ទីតាំង។ ក្រសួងបរិស្ថានបញ្ជាក់ថា ដើម្បីធានាបាននូវសុខភាពសាធារណៈ និងនិរន្តរភាពជីវៈចម្រុះ រោងចក្រ និងសហគ្រាសដែលមាន​ហានិ​ភ័យ​ខ្ពស់ត្រូវបានតម្រូវឱ្យបំពាក់ឧបករណ៍តាមដានការបញ្ចេញសំណល់រាវ និងប្រព័ន្ធគ្រប់គ្រងទិន្នន័យ​ដើម្បីបញ្ជូនព័ត៌មាន​មក​ក្រសួង​ដោយផ្ទាល់។ ក្រសួងបានកំពុងជំរុញដល់រោងចក្រ សហគ្រាស និងក្រុមហ៊ុន ចូលរួមចំណែកប្រតិបត្តិមេត្រីបរិស្ថាន ជាពិសេសជួយ​ទប់​ស្កាត់ការបំពុលបរិស្ថាន បញ្ហាបរិស្ថានសុខភាពអនាម័យនិងចូលរួម​អភិវឌ្ឍន៍ប្រទេសជាតិ ប្រកបដោយភាពរុងរឿង ប្រែក្លាយទៅ​ជាប្រទេសមានបរិស្ថានស្អាត ក្នុងទឹកស្អាតលើដីនិងស្អាត ក្នុងខ្យល់ដើម្បីការអភិវឌ្ឍសេដ្ឋកិច្ចសង្គមប្រកបដោយចីរភាព។ ដោយ៖ម៉ាដេប៉ូ

ភ្នំពេញ៖ កម្ពុជា និងវៀតណាម បានបើកកិច្ចប្រជុំរួមគ្នាស្តីពីការគ្រប់គ្រងធនធានទឹកក្រោមដី ដើម្បីដោះស្រាយបញ្ហាប្រឈមប្រកប​ដោយនិរន្តរភាពរយៈពេលវែងនៃដីសណ្ដទន្លេមេគង្គ។ កិច្ចប្រជុំដែលបានធ្វើឡើងកាលពីសប្ដាហ៍មុន ក្នុងខេត្តសៀមរាប មានការចូលរួមពីអ្នកពាក់ព័ន្ធនានាទាំងថ្នាក់រដ្ឋមន្ត្រី និងថ្នាក់​តំបន់ ដើម្បីចែករំលែកលទ្ធផលការងារប្រចាំឆ្នាំលើកទី១ នៃគម្រោងលើកកម្ពស់ចីរភាពទឹកក្រោមដីឆ្លងដែនតំបន់ដីសណ្ត​ទន្លេមេគង្គ(CMDA) ដែលជាគម្រោងគ្រប់គ្រងទឹកក្រោមដីឆ្លងដែនរវាងប្រទេសជាប់របងគ្នាទាំងពីរ។ យោងតាមការចុះផ្សាយរបស់ Viet Nam News នៅថ្ងៃទី៣០ ខែមីនា ឆ្នាំ២០២៦ គម្រោង«លើកកម្ពស់និរន្តរភាព​ទឹកក្រោម​ដីឆ្លងដែនតំបន់ដីសណ្តទន្លេមេគង្គ(CMDA)» គឺជាគម្រោងធំជាងគេនៅតំបន់អាស៊ីភាគអគ្នេយ៍ ដើម្បីដោះស្រាយ​ភាពអាស្រ័យគ្នារវាងប្រព័ន្ធអេកូឡូស៊ីនៃដីសណ្ដទន្លេមេគង្គ និងអាងទឹកឆ្លងព្រំដែនរវាងកម្ពុជា និងវៀតណាម។ គម្រោងដែលមានរយៈពេល ៥ឆ្នាំ ចាប់ពីឆ្នាំ២០២៣ ដល់ឆ្នាំ២០២៨ នេះដើរតួនាទីយ៉ាងសំខាន់ក្នុងការជំរុញការគ្រប់គ្រង​ទឹកក្រោមដីប្រកបដោយនិរន្តរភាពទាំងក្នុងប្រទេសកម្ពុជា និងវៀតណាម ដោយគាំទ្រដល់កិច្ចខិតខំប្រឹងប្រែងដើម្បីការពារ​ធនធានទឹកដ៏សំខាន់សម្រាប់សហគមន៍ កសិកម្ម និងប្រព័ន្ធអេកូឡូស៊ី។ លោក Andrew Wyatt នាយករងប្រចាំតំបន់នៃអង្គការ IUCN មេគង្គក្រោម បានគូសបញ្ជាក់ថា CMDA គឺជាគំនិតផ្តួចផ្តើមទ្រង់​ទ្រាយធំដំបូងគេ ក្នុងការបញ្ជាក់អំពីការតភ្ជាប់រវាងប្រព័ន្ធអេកូឡូស៊ីដីសណ្តទន្លេមេគង្គ និងអាងទឹកឆ្លងដែន។ ការរកឃើញរបស់​គម្រោងនេះ នឹងផ្តល់នូវមូលដ្ឋានគ្រឹះវិទ្យាសាស្ត្រសម្រាប់យុទ្ធសាស្ត្ររួម រួមទាំងកម្មវិធីសកម្មភាពយុទ្ធសាស្ត្រ(SAP) ដើម្បីដោះ​ស្រាយ​បញ្ហាប្រឈមនៃការអភិវឌ្ឍន៍ប្រកបដោយនិរន្តរភាពរយៈពេលវែង។ បណ្ឌិត វ៉ាន់ មុនីនាថ អនុរដ្ឋលេខាធិការក្រសួងបរិស្ថាន និងជាសហប្រធានគណៈកម្មាធិការថ្នាក់តំបន់ បញ្ជាក់ថាចាប់តាំងពីកិច្ច​ប្រជុំគណៈកម្មាធិការតំរង់ទិសថ្នាក់តំបន់(RPSC) លើកដំបូងនៅប្រទេសវៀតណាម…

ភ្នំពេញ៖ រោងចក្រផ្គុំ និងដំឡើងរថយន្តអគ្គិសនីខ្នាតធំ ទី៤ របស់កម្ពុជា នឹងបង្ហាញវត្តមានក្នុងពេលឆាប់ៗ ខាងមុខនេះ នៅក្នុងស្រុកក្រគរ ខេត្តពោធិ៍សាត់។ រោងចក្រនេះ ស្ថិតក្នុងតំបន់សេដ្ឋកិច្ចពិសេសពោធិ៍សាត់ ដែលមានទំហំទុនវិនិយោគសរុប ៤៦លានដុល្លារអាម៉េរិក និងអាចបង្កើតការងារបានចំនួន ៤២៨កន្លែង ដល់ពលរដ្ឋកម្ពុជា។ឯកឧត្តម ហ៊ាង សុទ្ធាយុត្តិ អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាអភិវឌ្ឍន៍កម្ពុជា បានប្រាប់បណ្ដាញព័ត៌មាន AMS ថារោងចក្រផ្គុំ និងដំឡើងរថយន្តអគ្គិសនី Zo Motor ទី៤នេះ ត្រូវបានក្រុមប្រឹក្សាអភិវឌ្ឍន៍កម្ពុជា (CDC) អនុម័ត កាលពីថ្ងៃទី២៧ ខែកុម្ភៈ ឆ្នាំ២០២៦ ហើយមានសមត្ថភាពផ្គុំ និងដំឡើងរថយន្តប្រមាណ ៥ពាន់គ្រឿងក្នុងមួយឆ្នាំ។ បច្ចុប្បន្ន កំពុងដំណើរការសាងសង់។ ឯកឧត្តមបញ្ជាក់ថា «រោងចក្រហ្សូម៉ូធ័រនេះ ជារោងចក្រទី៤ហើយដែលផ្ដោតទៅលើការផ្គុំ និងតំឡើងរថយន្តប្រភេទអគ្គិសនី EV»នេះ។ តាមផែនការ Zo Motor មានសមត្ថភាពផលិតបានប្រមាណ ៥ពាន់គ្រឿងក្នុង១ឆ្នាំ»។ ដោយឡែក រោងចក្ររោងចក្រផ្គុំ និងដំឡើងរថយន្តអគ្គិសនី ចំនួន ៣ផ្សេងទៀត គឺក្រុមហ៊ុន GTV…

ភ្នំពេញ៖ កាលពីថ្ងៃទី៣០ ខែមីនា ជនបរទេសចំនួន៤៩នាក់ ក្នុងនេះជនជាតិឥណ្ឌូនេស៊ី៣០នាក់និងជនជាតិម៉ាឡេស៊ី ១៩ នាក់ (ស្រ្តី៨នាក់) ត្រូវបានកម្លាំងសមត្ថកិច្ចរាជធានីភ្នំពេញឃាត់ខ្លួន ក្នុងពេលចុះបង្ក្រាបទីតាំងសង្ស័យ​ប្រព្រឹត្តអំពើ​ឆបោកតាម​ប្រព័ន្ធបច្ចេកវិទ្យា (Online Scams )ស្ថិតនៅអគារ ជួល ផ្លូវ បេតុង ភូមិ ចុងថ្នល់ខាងកើត សង្កាត់ ទឹកថ្លា ខណ្ឌសែនសុខ រាជធានីភ្នំពេញ ។ ប្រភពលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា បានឱ្យដឹងនៅថ្ងៃអង្គារនេះ ថា ដោយមានការសម្របសម្រួលពីព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញផង ជាមួយការឃាត់ខ្លួន​ជន​បរទេសចំនួន៤៩នាក់ខាងលើ សមត្ថកិច្ចក៏បានដកហូតនូវសម្ភារៈបច្ចេកទេសជាច្រើន ដែលបម្រើឱ្យ​សកម្មភាពខុសច្បាប់ រួមមាន៖ កុំព្យូទ័រ All-in-one ១១គ្រឿង, អេក្រង់ Monitor ៣៨គ្រឿង, ម៉ាស៊ីន CPU ១៧គ្រឿង, Laptop ០៧គ្រឿង, ទូរសព្ទ​ដៃចំនួន ១៨៥គ្រឿង, Tablet ០២គ្រឿង និងស៊ីមកាតអន្តរជាតិមួយចំនួនធំផង។ ប្រភពដដែលបន្តថាផ្អែកតាមលទ្ធផលកោសល្យវិច័យបឋម សមត្ថកិច្ចបានរកឃើញថា ជនសង្ស័យប្រើទីតាំងក្នុងប្រទេសកម្ពុជា ប្រព្រឹត្តបទល្មើសល្បែងស៊ីសងកាស៊ីណូអនឡាញខុសច្បាប់ ដែលមានគោលដៅទៅប្រទេសម៉ាឡេស៊ី និងសិង្ហបុរី ។បច្ចុប្បន្ន មនុស្សប្រុសស្រីទាំង…