ភ្នំពេញ៖រដ្ឋបាលរាជធានីភ្នំពេញបានសម្រេចកែសម្រួលតម្រាយខ្សែរត់ និង​បន្ថែមម៉ោងប្រតិបត្តិការរបស់រថយន្តក្រុង សាធារណៈខ្សែទី២A,ខ្សែទី៣ និងខ្សែទី៤A ដើម្បីគាំទ្រដល់គម្រោងផ្លូវថ្មើរជើង (Walk Street)។ការកែសម្រួលនេះបន្ទាប់ពីរដ្ឋបាលរាជធានីបានដាក់ឱ្យដំណើ​រការ​ផ្លូវថ្មើរជើង នៅតំបន់មាត់ទន្លេប្របដងទន្លេសាបនិងតំបន់ខាងមុខព្រះបរមរាជវាំង​នៅថ្ងៃសៅរ៍ និងអាទិត្យ ចំនួនពីរសប្ដាហ៍រួចមកហើយ ។ តាមយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញបានឱ្យដឹងកាលពីថ្ងៃទី១៤ ខែកុម្ភៈការកែសម្រួលនេះគឺ នៅរៀងរាល់ថ្ងៃសៅរ៍ និងថ្ងៃ​អាទិត្យនៃសប្តាហ៍ឱ្យមានដំណើរការរហូតដល់​ម៉ោង១១:០០ នាទីយប់ ក្នុងនោះ៖១- ខ្សែទី២A មានគោលដៅចេញដំណើរពីស្ថានីយរថយន្ត​ក្រុងរង្វង់មូលគួចកាណុង និងពីស្ថានីយ​រថយន្តក្រុង ព្រែកសំរោង (ក្រុងតាខ្មៅ ខេត្តកណ្តាល)ដែលឆ្លងកាត់តាមផ្លូវលេខ៤៧ រមណីយដ្ឋានប្រវត្តិសាស្ត្រវត្តភ្នំ បន្តរត់តាម មហាវិថីព្រះនរោត្តម វិថីឧកញ៉ា អ៊ឹង ប៊ុនហ៊ូវ (ផ្លូវលេខ១០៨) វិថីព្រះអង្គអេង(ផ្លូវលេខ១៣) ផ្លូវលេខ១៧២ តាមមហាវិថីព្រះនរោត្តម ឆ្លងស្ពានអាកាសក្បាលថ្នល់ កាត់តាមផ្លូវជាតិលេខ២ ដល់ស្ថានីយ​រថយន្តក្រុងព្រែកសំរោង (ក្រុងតាខ្មៅ ខេត្តកណ្តាល) ។ កំណត់សម្គាល់ ៖ មានចំណតរង់ចាំរថយន្តក្រុងនៅក្បែរតំបន់ផ្លូវថ្មើរជើង: BO៧ (ចំណត ផ្សារចាស់​លើផ្លូវលេខ១៣ កែងផ្លូវលេខ១០៨), BO៩ (ចំណតសមាគមចិនទៀជីវ ផ្លូវលេខ១៣ កែងផ្លូវ១៤០), B១០ (ចំណត​សារមន្ទីរព្រះ​ស្រីឦសានវរ្ម័ន ផ្លូវលេខ១០៦), B១១ (ចំណតផ្សារកណ្តាល…

ព្រះវិហារ៖ពីខេត្តព្រះវិហារ មេបញ្ជាការតំបន់ប្រតិបត្តិការសឹករងព្រះវិហារ ព្រម​ទាំង​មេបញ្ជាការរង នាយទាហាន នាយទាហាន​រង និងពលទាហាន​ទាំងអស់ ថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូល​ភូមិគ្រឹះ​របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃ​ព្រះរាជាណាចក្រកម្ពុជា។ ក្នុងញត្តិរបស់មេបញ្ជាការតំបន់ប្រតិបត្តិការសឹករងព្រះវិហារបានបញ្ជាក់ថា គម្រោងផែនការនេះ គឺជាអំពើភេរវកម្មប៉ុនប៉ង​សម្លាប់ថ្នាក់ដឹកនាំកំពូល​របស់ជាតិ ដើម្បីទាញកម្ពុជា ឲ្យធ្លាក់ទៅក្នុងភាពវឹកវរសង្គមសង្គ្រាមសាជាថ្មី។ យើងខ្ញុំសូមប្រកាស​ថ្កោលទោស ប្រឆាំងយ៉ាងដាច់អហង្ការចំពោះ​ទង្វើទាំង​ឡាយ ដែលជាអំពើភេរវកម្ម ដែលបង្កឡើងដោយក្រុម​ឧទ្ទាមក្រៅច្បាប់។សូមជម្រាបថា សម្តេចតេជោ ហ៊ុន សែន នៅថ្ងៃទី១៣ ខែកុម្ភៈ ឆ្នាំ២០២៥ បានទម្លាយសំឡេង ដែលក្រុមជ្រុល​និយម​បានរៀបចំផែនការភេរវកម្ម ប៉ុនប៉ងធ្វើឃាតលើសម្តេច និងគ្រួសារ តាមរយៈការវាយតាមដ្រូន ចូលភូមិគ្រឹះរបស់សម្តេច៕ ដោយ៖ឡុង សំបូរ

កំពង់ចាម៖សមាជិក សមាជិកាសហភាពសហព័ន្ធយុវជនកម្ពុជា​ខេត្តកំពង់​ចាមមកពីស្រុក ក្រុង ទាំង១០ ចំនួនជាងបី​រយនាក់​ចូលរួមបរិច្ចាគ​ឈាម នៅមជ្ឈមណ្ឌលផ្ដល់ឈាមនៃមន្ទីរពេទ្យខេត្ត្តកំពង់ចាមកាលពីព្រឹកថ្ងៃទី១៤ ខែកុម្ភៈឆ្នាំ ២០២៥។ ការបរិច្ចាគឈាមរបស់ក្រុមយុវជនខេត្តកំពង់ចាមនាពេលនេះក្រោមប្រធានបទ“ការបរិច្ចាគឈាមដើម្បីសង្គ្រោះជីវិត ” ជាគំនិតផ្តួចផ្តើមរបស់ឯកឧត្ដម អ៊ុន ចាន់ដា អភិបាល​ខេត្តកំពង់ចាម ដើម្បីចូលរួមធ្វើសកម្មភាព​មនុស្សធម៌​ក្នុងឱកាស ទិវានៃក្ដីស្រឡាញ់ផងដែរ៕ដោយ៖លី ពៅ

ភ្នំពេញ៖ មន្រ្តីជាន់ខ្ពស់នៃរាជរដ្ឋាភិបាល និងធនាគារពិភពលោកនិងវាយ​តម្លៃខ្ពស់លើកិច្ចសហប្រតិបត្តិការ និងភាពជាដៃគូ​រវាងកម្ពុជា និងធនាគារ​ពិភពលោក នាពេលកន្លងមក ។ ការវាយតម្លៃនេះបានគូសរំលេចនៅក្នុងជំនួបរវាង ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និង លោកស្រី Lalita M.Moorty នាយិកាធនាគារពិភពលោក ផ្នែកវិបុលភាពប្រចាំតំបន់អាស៊ីបូព៌ា និងប៉ាស៊ីហ្វិក និងសហការី កាលពីរសៀលថ្ងៃទី១៣ ខែកុម្ភៈ ឆ្នាំ២០២៥ នៅសាលាភូមិន្ទ ។ ក្នុងជំនួបថ្នាក់ដឹកនាំទាំងពីរ បានគូសបញ្ជាក់ និងវាយតម្លៃខ្ពស់លើកិច្ចសហ​ប្រតិបត្តិការ និងភាពជាដៃគូរវាងកម្ពុជា និង​ធនាគារ​ពិភពលោក នាពេល​កន្លងមក ដែលស្របតាមចក្ខុវិស័យ និងអាទិភាពរបស់រាជរដ្ឋាភិបាលកម្ពុជា។ លោកស្រី Lalita M.Moorty បានបង្ហាញការចាប់អារម្មណ៍ខ្ពស់ ក្នុងការ​ស្វែងយល់បន្ថែមពីការងារកំណែទម្រង់រដ្ឋបាលសាធារណៈនៅកម្ពុជា ក្នុង​អាណត្តិទី៧ នៃរដ្ឋសភា និងមានបំណងក្នុងការពិភាក្សាបន្តលើកិច្ចសហ​ប្រតិបត្តិការរបស់ធនាគារពិភពលោក និង​ក្រសួង​​មុខងារសាធារណៈ។ ចំណែកឯកឧត្តមឧបនាយករដ្ឋមន្ត្រី ហ៊ុន ម៉ានី បានកត់សម្គាល់នូវកិច្ចសហការ និងការបន្តគាំទ្រពីធនាគារពិភពលោក តាមរយៈគម្រោងវិនិយោគ​លើវិស័យ​សំខាន់ៗនានា ព្រមទាំងបានថ្លែងអំណរគុណធនាគារពិភពលោក ដែលបាន​គាំទ្រ​វិស័យមុខងារសាធារណៈ ដោយការផ្តល់នូវកិច្ចសហការយ៉ាង​ជិតស្និទ្ធ​ជាមួយក្រសួងមុខងារសាធារណៈ ក៏ដូចជា​សាលាភូមិន្ទរដ្ឋបាល ជាពិសេស​តាមរយៈជំនួយផ្នែកបច្ចេកទេស និងការសហការរៀបចំសិក្ខាសាលា…

មូស្គូ ៖ រុស្ស៊ីកំពុងបញ្ចុះបញ្ចូលឱ្យឥណ្ឌាទិញយន្តហោះចម្បាំងបំបាំងកាយជំនាន់ទី ៥ របស់ខ្លួន គឺ Sukhoi Su-57 សម្រាប់បំពាក់ដល់កងទ័ពអាកាសឥណ្ឌា ខណៈដែលទីក្រុងមូស្គូចង់បង្កើនទំនាក់ទំនងការពារជាតិជាមួយទីក្រុងញូវដែលី។ អ្នកនាំពាក្យក្រុមហ៊ុននាំចេញសព្វាវុធរដ្ឋ Rosoboronexport របស់រុស្ស៊ីបានប្រាប់អ្នកកាសែតថា យន្តហោះចម្បាំងបំបាំងកាយ Sukhoi Su-57 នឹងចាប់ផ្តើមដំណើរការផលិតនៅដើមឆ្នាំ ២០២៥នេះ ប្រសិនបើរដ្ឋាភិបាលឥណ្ឌាទទួលយកសំណើរបស់រុស្ស៊ី។ យ៉ាងណា ក្រសួងការពារជាតិឥណ្ឌាមិនបានឆ្លើយតបភ្លាមៗ ចំពោះសំណើសុំការអត្ថាធិប្បាយទេ។ ជាច្រើនទស្សវត្សកន្លងមកនេះ រុស្ស៊ីគឺជាអ្នកផ្គត់ផ្គង់សព្វាវុធដ៏សំខាន់ដល់ឥណ្ឌា ដែលជាប្រទេសនាំចូលអាវុធដ៏ធំបំផុតរបស់ពិភពលោក ហើយយន្តហោះចម្បាំងរបស់រុស្ស៊ី គឺជាផ្នែកមួយនៃកងយោធារបស់ប្រទេសឥណ្ឌា។ ប៉ុន្តែប៉ុន្មានចុងក្រោយនេះ ការនាំចេញសព្វាវុធរុស្ស៊ីបានជាប់គាំង ដោយសារទណ្ឌកម្មបង្កឡើងពីសង្រ្គាមនៅអ៊ុយក្រែន ដែលធ្វើឱ្យឥណ្ឌាងាកទៅរកអ្នកផ្គត់ផ្គង់លោកខាងលិចវិញ។ សូមបញ្ជាក់ថា យន្តហោះជំនាន់ទី៥ របស់រុស្ស៊ី មាន Su-57 ដែលត្រូវបានអភិវឌ្ឍឡើង និងមានបំពាក់មុខងារជាច្រើនប្រភេទ នៅក្នុងការបំផ្លាញទីតាំងសត្រូវ ទាំងលើអាកាស និងលើដី និងធ្វើប្រតិបត្តិការបានជាច្រើន។ មិនតែប៉ុណ្ណោះ ល្បឿនយន្តហោះនេះ គឺលឿន និងអាចបំបាំងខ្លួន ពីរ៉ាដាសត្រូវបានថែមទៀត។ ផ្អែកតាមការចេញផ្សាយដោយទូរទស្សន៍ CNN យន្តហោះ Su-57 របស់រុស្ស៊ី មានតម្លៃចន្លោះពី ៣៥ ទៅ…

(ភ្នំពេញ)៖ សេចក្តីថ្លែងការណ៍របស់សហភាពសហព័ន្ធយុវជន​កម្ពុជា ថ្កោលទោសផែនការវាយប្រហារដោយដ្រូន​ចូលភូមិ​គ្រឹះ​សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា នៃព្រះរាជាណាចក្រកម្ពុជា និងជាប្រធានក្រុម​ឧត្តមប្រឹក្សាផ្ទាល់ព្រះមហាក្សត្រ ។ សូមជូនខ្លឹមសារសេចក្តីថ្លែងការណ៍៖

(ភ្នំពេញ)៖ ក្រសួងបរិស្ថាន រៀបចំសកម្មភាពអប់រំ ផ្សព្វផ្សាយ​បរិស្ថាន ឱ្យបានមុតស្រួច ដើម្បីជំរុញឱ្យប្រទេសជាតិមាន​បរិ​ស្ថាន​ស្អាត នេះជាការលើកឡើងរបស់ឯកឧត្តម ខ្វៃ អាទិត្យា អនុរដ្ឋលេខាធិការក្រសួងបរិស្ថាន ដែលបានចូលរួមបើក​សិក្ខាសាលា ពិគ្រោះយោបល់ដើម្បីពង្រឹងសកម្មផ្សព្វផ្សាយ និងបញ្ជ្រាបចំណេះដឹងបរិស្ថាន របស់អគ្គនាយកដ្ឋានចំណេះ​ដឹងនិងព័ត៌មានបរិស្ថាន កាលពីថ្ងៃទី១៣ ខែកុម្ភៈ ឆ្នាំ២០២៥ នៅខេត្តកំពត។ ឯកឧត្តម ខ្វៃ អាទិត្យា បានលើកឡើងថា សិក្ខាសាលាដែល​បាន​រៀបចំនៅថ្ងៃនេះ នឹងស្វែងរកបាននូវធាតុចូលសំខាន់ៗ​ថែមទៀត ដើម្បីបន្តកិច្ចខិតខំប្រឹងប្រែងកាន់តែខ្លាំងក្លា ក្នុង​ការបំពេញតួនាទីភារកិច្ចផ្សព្វផ្សាយ អប់រំ ជំរុញឱ្យសាធារណ ប្រែក្លាយឥរិយាបថរបស់ប្រជាពលរដ្ឋកម្ពុជា ចូលរួមអនុវត្ត​ជាក់ស្តែង ក្នុងសកម្មភាពថែរក្សា ការពារបរិស្ថាន និងធនធាន​ធម្មជាតិ មានទម្លាប់ស្អាត ស្រឡាញ់ភាពបៃតង និងការរស់នៅ​ប្រកបដោយចីរភាព នៅពេលខាងមុខ។ ជាមួយគ្នានេះ ឯកឧត្តមបានលើកទឹកចិត្តឱ្យថ្នាក់ដឹកនាំនិង​មន្រ្តី​នៃអគ្គនាយកដ្ឋានចំណេះដឹងនិងព័ត៌មានបរិស្ថាន និង​បណ្តាមន្ទីរបរិស្ថានទាំងអស់ ពិនិត្យលើផែនការចូលរួម​សកម្មភាព ជំរុញឱ្យមានចលនា ឱ្យបានគ្រប់ទីកន្លែង ចូលរួម​យុទ្ធនាការ កាត់បន្ថយការប្រើប្រាស់ប្លាស្ទិក «ថ្ងៃនេះ ខ្ញុំមិនប្រើ​ថង់ប្លាស្ទិកទេ» និងយុទ្ធនាការ «កម្ពុជាស្អាត ខ្មែរធ្វើបាន» ជាពិ​សេសនៅតាម ឃុំ-សង្កាត់ សាលារៀន វត្តអារាម រោងចក្រ​សហ​គ្រាស…

ភ្នំពេញ៖ក្រុមប្រឹក្សាធម្មនុញ្ញនៃព្រះរាជាណាចក្រកម្ពុជាប្រកាស​ថ្កោលទោស ប្រឆាំងយ៉ាងដាច់អហង្ការចំពោះគម្រោងវាយ​ប្រហារ​​ដោយ​ដ្រូន​ចូលភូមិគ្រឹះ​របស់​សម្តេចអគ្គមហាសេនបតីតេជោ ហ៊ុន សែន ប្រធានព្រឹទ្ធសភានៃព្រះរាជា​ណាចក្រ​កម្ពុជា។សូមជូនខ្លឹមសារសេចក្តីថ្លែងការណ៍៖

ភ្នំពេញ៖រដ្ឋសភានៃព្រះរាជាណាចក្រកម្ពុជា​ថ្កោលទោស ប្រឆាំងយ៉ាង​ដាច់អហង្ការចំពោះគម្រោងវាយប្រហារ​ដោយដ្រូន​ចូលភូមិគ្រឹះ​របស់​សម្តេចអគ្គមហាសេនបតីតេជោ ហ៊ុន សែន ប្រធានព្រឹទ្ធសភានៃព្រះរាជា​ណាចក្រកម្ពុជា។សូមជូនខ្លឹមសារញត្តិថ្កោលទោស៖