ភ្នំពេញ៖ទីភ្នាក់ងារវាយតម្លៃ Moody’s បានកែប្រែទស្សនៈវិស័យរបស់ខ្លួន​ចំពោះឥណទានជាតិរយៈពេលវែងរបស់កម្ពុជា ពីអវិជ្ជមានទៅជាស្ថិរភាព បន្ទាប់ពីសហរដ្ឋអាម៉េរិកបានលើកលែងពន្ធមួយចំនួនសម្រាប់ទំនិញនាំចូលពីកម្ពុជា។ខណៈដែលសហរដ្ឋអាម៉េរិកដាក់សម្ពាធពន្ធលើ​ទំនិញ​នាំ​ចូលពីកម្ពុជា​កាល​ពីឆ្នាំកន្លងទៅ Moody’s ដែលជាស្ថាប័នវាយតម្លៃមួយរបស់ពិភពលោក បានបង្ហាញទស្សនៈវិស័យចំពោះកម្ពុជាអវិជ្ជមាន។ លោក ង៉ែត ជូ អ្នកជំនាញក្នុងវិស័យហិរញ្ញវត្ថុ យល់ឃើញថាការកែប្រែ​ទស្សនៈ​វិស័យនេះ គឺពឹងផ្អែកលើកម្រិតបំណុល និងលទ្ធភាពសងបំណុល​របស់កម្ពុជា។ លោកបញ្ជាក់«មានន័យថាកម្រិតបំណុលរបស់កម្ពុជា នៅមានកម្រិតទាប​នៅឡើយ និងមានលទ្ធភាពសងទៅម្ចាស់បំណុលបាន។ ជារួមអាចផ្ដល់​នូវទំនុកចិត្តអ្នកវិនិយោគបរទេសមកវិនិយោគនៅកម្ពុជា»។Moody’s ពន្យល់ថាការកែប្រែទស្សនៈវិស័យរបស់ខ្លួនដោយសារខ្លួន​យល់ថា​រដ្ឋាភិបាលកម្ពុជាធ្វើបានល្អក្នុងការគ្រប់គ្រងបំណុល ហើយសេដ្ឋកិច្ចជាតិ​នៅតែបន្តរីកចម្រើនក្នុងរង្វង់ ៤,៥ភាគរយ បើទោះជាទំនិញនៅលើពិភព​លោកឡើងថ្លៃក៏ដោយ។ បន្ថែមពីនេះ Moody’s បានបញ្ជាក់ថា កម្ពុជានៅ​មានប្រាក់បម្រុងអន្តរជាតិច្រើនគ្រាន់បើដែលអាចជួយធានាដល់ការបញ្ជាទិញទំនិញពីក្រៅប្រទេស និងជួយឱ្យតម្លៃលុយខ្មែរនៅមានលំនឹងល្អ។ បណ្ឌិត ហុង វណ្ណៈ អ្នកជំនាញផ្នែកសេដ្ឋកិច្ច យល់ឃើញថា ដ្បិតសេដ្ឋកិច្ច​កម្ពុជា រងនូវសម្ពាធជាច្រើន ប៉ុន្តែកម្ពុជា នៅតែអាចគ្រប់គ្រងបំណុលល្អ​ប្រសើរទំាងបំណុលឯកជន និងបំណុលសាធារណៈ។បណ្ឌិតបញ្ជាក់ថា «បំណុលសារណៈយើងនៅចន្លោះ១៨ទៅ២០​ភាគរយ​នៅឡើយ ។អ៊ីចឹងវាអត់ទាន់ដល់ពិដានទេ។ ទាំងកម្ចីរូបវ័ន្តបុគ្គល និង​សារណៈ យើងនៅមានសុខភាពល្អ»។ បើតាមរបាយការណ៍ចុងក្រោយពីធនាគារពិភពលោកកាលពីខែមករា ឆ្នាំ២០២៦ កំណើនសេដ្ឋកិច្ចកម្ពុជា អាចនឹងថយល្បឿនបន្តិចមកត្រឹម ៤,៣ភាគរយ ដែលតួលេខនេះស្របទៅនឹងការព្រមានរបស់ Moody’s ដែរ។ មូលហេតុធំដែលធ្វើឱ្យសេដ្ឋកិច្ចដើរយឺតជាងមុន គឺដោយសារវិស័យដីធ្លី និងផ្ទះសម្បែងនៅតែបន្តស្ងប់ស្ងាត់យូរជាងការរំពឹងទុក រួមទាំងការធ្លាក់ចុះ​នៃលុយកាក់ដែលពលករខ្មែរនៅក្រៅប្រទេសផ្ញើមកផ្ទះ…

ភ្នំពេញ៖វត្ថុបុរាណខ្មែរចំនួន២០រូប ដែលកាន់កាប់ដោយបុគ្គលឯកជន​នៅតំបន់អាស៊ីត្រូវបានបញ្ជូនមកដល់ប្រទេសកម្ពុជា ដោយជោគជ័យ​កាលពីយប់ថ្ងៃអាទិត្យទី៥ ខែមេសានេះ។ វត្ថុបុរាណខ្មែរដែលសាងពីថ្មភក់ និងសំរឹទ្ធទាំងនេះ មានរចនាបថបាយ័ន នៃចុងសតវត្សទី១២ ដើមសតវត្សទី១៣ នៃ គ. ស និងនៅក្នុងសម័យអង្គរ សតវត្សទី១១ និងទី១២ នៃគ. ស។ លោក Bradley J. Gordon ទីប្រឹក្សា ផ្នែកច្បាប់របស់ក្រសួងវប្បធម៌ និង​វិចិត្រសិល្បៈ បានប្រាប់បណ្តាញព័ត៌មានAMS នៅថ្ងៃអង្គារទី៧ ខែមេសា​ឆ្នាំ២០២៦ថាមូលហេតុនៃការនាំចេញវត្ថុបុរាណខ្មែរទាំងនេះពីប្រទេសកម្ពុជាកំពុងស្ថិតក្នុងការស្រាវជ្រាវ។លោកបានបញ្ជាក់ថាវត្ថុបុរាណទាំងនេះត្រូវបានត្រឡប់មកផ្ទះវិញដោយសារអ្នកប្រមូលម្នាក់ដែលបានស្ម័គ្រចិត្តប្រគល់ឱ្យម្ចាស់ដើមវិញ។ ក្រសួងវប្បធម៌ និងវិចិត្រសិល្បៈ ចាត់ទុកការប្រគល់មកវិញនៃវត្ថុទាំងនេះ​គឺជាសមិទ្ធផលដ៏ធំធេងថ្មីមួយទៀតតាមរយៈកិច្ចខិត ខំប្រឹងប្រែងជាប្រចាំ​របស់កម្ពុជា ក្នុងការទាមទារ និងស្តារឡើងវិញនូវមរតកវប្បធម៌ដូន​តា​សម្រាប់កូនចៅជំនាន់ក្រោយ។ការទាមទារវត្ថុបុរាណខ្មែរត្រឡ​ប់មក​​មាតុភូមិកំណើតវិញនេះគឺសម្រេច​បានដោយមានការចូលរួមជ្រោមជ្រែងពីអ្នកជំនាញនៃក្រុមការងារស្រាវជ្រាវ និងអ្នកជំនាញផ្នែកច្បាប់ គឺលោក Imran Hamid Khwaja មេធាវីដែល​មានបទពិសោធន៍ការដោះស្រាយវិវាទអន្តរជាតិ លោក Khwaja និងលោក Bradley J. Gordon នៃក្រុមហ៊ុន Edenbridge Asia និងជាទីប្រឹក្សា​ផ្នែកច្បាប់របស់ក្រសួងវប្បធម៌ និងវិចិត្រសិល្បៈ។ លោក ឆាយ វិសុទ្ធ ប្រធានសារមន្ទីរជាតិ នៃក្រសួងវប្បធម៌…

កំពង់ចាម៖អត្រាអ្នកអានសៀវភៅធ្លាក់ចុះ ,កង្វះកត្តាធនធានថវិកា ដោយសារ​ឥទ្ធិពលនៃការឡើងថ្លៃប្រេងឥន្ធនៈ រួមទាំង​កត្តា​​កង្វះ​សៀវភៅ ធ្វើឱ្យក្រុមយុវជន«តស់អាន» ផ្អាកការតាំងសៀវភៅសម្រាប់ឱ្យសាធារណ​ជនអាននៅសួនច្បារប្របដងទន្លេ ខេត្តកំពង់ចាមមួយរយៈ។ លោក ថេង ធី ជាសហស្ថាបនិក ក្រុម «តស់អាន» បានប្រាប់បណ្តាញ​ព័ត៌មាន AMS កាលពីថ្ងៃអង្គារថាបច្ចុប្បន្នមានអត្រា ធ្លាក់ចុះចំនួនអ្នកអាន ពី៤០នាក់ មកត្រឹមតែក្រោម១០នាក់ប៉ុណ្ណោះក្នុងមួយថ្ងៃ។លោកកត់សម្គាល់ថា”ការធា្លក់ចុះនេះខ្ញុំគិតថាមកពីសៀវភៅខាងខ្ញុំវាចាស់ៗ។វាអត់មានសៀវភៅថ្មីៗដែលមានការឧបត្ថម្ភពីខាងណាមួយឡើយ។ ដូច្នេះវា​ជាចំណុចមួយដែលពួកគាត់មកអានអត់មានសៀវភៅថ្មី អត់មានការ​ទាក់ទាញ និងចង់អានទៀតដែរ”។ ក្រុមយុវជន«តស់អាន» ដែលមានសមាជិកចំនួន៤នាក់ បានផ្តួចផ្តើម​បង្កើតកន្លែងអានសៀវភៅនៅសួនច្បារតាមដងទន្លេមេគង្គ ខេត្តកំពង់ចាម ចាប់តាំងពីឆ្នាំ ២០២៣ មកម្ល៉េះ។ ពោលគឺមានរយៈពេលជាង ២ឆ្នាំមក​ហើយ។ ក្រុមរបស់លោកបានបើកឱ្យសាធារណៈជនអានដោយឥតគិតថ្លៃនៅរៀងរាល់ល្ងាចថ្ងៃសៅរ៍ និងអាទិត្យ ដោយមានសៀវភៅជាង ៥០០ចំណងជើង រួមមាន រឿងនិទាន ប្រលោមលោក ប្រវត្តិសាស្ត្រ និង អប់រំចិត្ត។ អ្នកអានក៏អាចខ្ចី​សៀវភៅយកនៅផ្ទះ ផងដែរ ដោយមិនកំណត់ពេលវេលាឡើយ។ លោក ថេង ធី សហស្ថាបនិកក្រុមនេះ និយាយថា រយៈពេលជាង​២ឆ្នាំមក​នេះ បណ្ណាល័យចល័តរបស់លោក បានរួមចំណែកជំរុញឱ្យកុមារ និងយុវជន​ជាច្រើនមានទម្លាប់អានសៀវភៅ។លោកបញ្ជាក់ថា ពួកខ្ញុំទទួលបានការសរសើរពីអ្នកអាន លោកគ្រូអ្នកគ្រូ…

ភ្នំពេញ៖ស្របពេលដែលសេដ្ឋកិច្ចពិភពលោកបាននិងកំពុងជួបប្រទះនូវភាពមិនប្រាកដប្រជា ធ្វើឳ្យមានអត្រាការប្រាក់ខ្ពស់ ប៉ុន្តែសម្រាប់ប្រព័ន្ធធនាគាររបស់កម្ពុជា នៅតែរក្សាបានភាពធន់ ដោយទ្រព្យសកម្មប្រព័ន្ធធនាគារសរុបមានជិត ១០២ ពាន់លានដុល្លារ ក្នុងឆ្នាំ២០២៥។ភាពរឹងមាំនៃប្រព័ន្ធធនាគាររបស់កម្ពុជា ដោយសារការឈរជើងយ៉ាងរឹងមាំរបស់ធនាគារធំៗ រួមមាន៖ ធនាគារ អេស៊ីលីដា ភីអិលស៊ី។ ធនាគារទាំងនេះ បានពង្រឹងតួនាទីរបស់ខ្លួនក្លាយជាឆ្អឹងខ្នងនៃហេដ្ឋារចនាសម្ព័ន្ធធនាគាររូបវន្តរបស់កម្ពុជា ដែលមានទ្រព្យសកម្មសរុបប្រមាណ ១១,៧ ពាន់លានដុល្លារនៅចុងឆ្នាំ២០២៥។ នេះបើតាម របាយការណ៍ របស់ធនាគារជាតិ កាលពីចុង ខែ មីនា ឆ្នាំ ២០២៦។របាយការណ៍ដដែល បង្ហាញថា ធនាគារ ABA របស់ ប្រទេសកាណាដា បានពង្រឹងជំហររបស់ខ្លួនជាធនាគារពាណិជ្ជធំជាងគេ គិតត្រឹមឆ្នាំ២០២៥ តម្លៃនៃទ្រព្យសកម្មសរុប មានប្រហែល ១៦,៦ពាន់លានដុល្លារ កើនឡើងប្រហែល ២០ភាគរយពីមួយឆ្នាំទៅមួយឆ្នាំ។ដោយឡែក ធនាគារ កាណាឌីយ៉ា ឈរនៅលំដាប់ទី២ មានទ្រព្យសកម្មសរុបប្រមាណ ៩ពាន់លានដុល្លារ។ លំដាប់ទី ៣ គឺ ធនាគារ FTB ដែលជា ធនាគារក្នុងស្រុកដំបូងគេមួយ មានទ្រព្យសកម្មកើនឡើងដល់ជាង ២,៥ពាន់លានដុល្លារ តាមពីក្រោយ ដោយធនាគារ វីង…

ភ្នំពេញ៖សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវឲ្យពលរដ្ឋកម្ពុជា បង្កើនការគាំទ្រ និងប្រើប្រាស់ផលិតផលក្នុងស្រុកបន្ថែមទៀតដើម្បីពង្រឹងសេដ្ឋកិច្ចជាតិ។ការអំពាវនាវរបស់ប្រមុខរាជរដ្ឋាភិបាលខាងលើនេះ ក្នុងឱកាសទិវាជាតិលើកកម្ពស់ការប្រើប្រាស់ផលិតផលខ្មែរ ៩មេសា លើកទី៩ ឆ្នាំ២០២៦ ក្រោមប្រធានបទ «ខ្មែរផលិត ខ្មែរប្រើប្រាស់ ខ្មែររីកចម្រើន»។ សម្ដេចមានប្រសាសន៍ថា បញ្ហាប្រឈមនាពេលបច្ចុប្បន្ន រួមទាំងអស្ថិរភាពសេដ្ឋកិច្ចពិភពលោក និងភាពតានតឹងនៅតាមព្រំដែន បញ្ជាក់ពីសារៈសំខាន់នៃសន្តិភាព និងស្ថិរភាព ដែលជាមូលដ្ឋានគ្រឹះសម្រាប់ការអភិវឌ្ឍសេដ្ឋកិច្ច។សម្ដេចធិបតីបានសង្កត់ធ្ងន់ថា ការលើកកម្ពស់ផលិ តផលក្នុងស្រុកមិនត្រឹមតែជួយដល់ផលិតករក្នុងស្រុក ប៉ុណ្ណោះទេ ថែមទាំងជាយុទ្ធសាស្ត្រសំខាន់ក្នុងការកសាងសេដ្ឋកិច្ចធន់ និងបង្កើតតម្លៃបន្ថែមក្នុងប្រទេស ក្នុងពេលមានភាពមិនប្រាកដប្រជាក្នុងតំបន់ និងពិភពលោក។ឧកញ៉ា តែ តាំងប៉ ប្រធានសហព័ន្ធសមាគមសហគ្រាសធុនតូច និងមធ្យមកម្ពុជា បានកត់សម្គាល់ពីកំណើននៃការប្រើប្រាស់ផលិតផលក្នុងស្រុកយ៉ាងខ្លាំង បន្ទាប់ពីពលរដ្ឋខ្មែរបានធ្វើពហិការប្រើប្រាស់ទំនិញថៃ ហើយជំរុញឱ្យសហគ្រាសក្នុងស្រុកពង្រីកផលិតកម្ម ដើម្បីឆ្លើយតបនឹងការកើនឡើងនេះ។សូមបញ្ជាក់ថា រដ្ឋាភិបាលកំពុងអនុវត្តគោលនយោបាយ និងយុទ្ធសាស្ត្រជាច្រើន ដើម្បីបង្កើនសមត្ថភាពផលិតកម្មក្នុងស្រុក រួមទាំងការលើកកម្ពស់គុណភាពផលិតផល ការពង្រីកទីផ្សារ គាំទ្រសហគ្រាសធុនតូច និងមធ្យម និងការពង្រឹងអត្តសញ្ញាណផលិតផលកម្ពុជា ដើម្បីប្រកួតប្រជែងទីផ្សារក្នុងស្រុក និងអន្តរជាតិ៕ដោយ៖ខន ណារី 

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីបាន​ស្វាគមន៍​ការបង្កើតសមាគមជនជាតិខ្មែររស់នៅប្រទេស​ជប៉ុនក្នុង​គោលដៅ​ដើម្បីពង្រឹងនូវចំណងសាមគ្គីភាពរបស់ប្រជាជនខ្មែរ ដែលរស់​នៅប្រទេសជប៉ុន ។ សម្តេចតេជោ ហ៊ុន សែន ប្រមុខរដ្ឋស្តីទី បានអនុញ្ញាតឱ្យក្រុម​ការងារ សមាគមជនជាតិខ្មែររស់​នៅប្រទេសជប៉ុនដឹកនាំ​ដោយ លោក ហៃ វណ្ណា ចូលជួបសម្តែងការគួរសមនៅវិមានសាមគ្គីភាពនៃព្រឹទ្ធសភាជាតិ កាលពី​ព្រឹក​ថ្ងៃទី៦ ខែមេសា ឆ្នាំ២០២៦។ឯកឧត្តម ជា ធីរិទ្ធ អ្នកនាំពាក្យព្រឹទ្ធសភាបានឱ្យដឹងនៅក្រោយជំនួប​ខាងលើថា ក្នុងឱកាសនោះ លោក ហៃ វណ្ណា បានជម្រាប​សម្ដេចតេជោ ហ៊ុន សែន អំពី​វឌ្ឍន​ភាពរបស់សមាគមជនជាតិខ្មែររស់នៅប្រទេសជប៉ុន និងសកម្មភាពការងារមួយចំនួន ដែលសមាគមនេះ សម្រេចបាននា​ពេល​កន្លងមកជាពិសេស គឺគោលដៅរបស់សមាគមក្នុងការពង្រឹង នូវចំណង​សាមគ្គីភាព​រវាងខ្មែរ និងខ្មែររស់នៅប្រទេសជប៉ុន និងការជួយជ្រោមជ្រែង ទៅលើផ្នែកផ្សេងៗទៀតរបស់សហគមន៍ខ្មែរ ដែលកំពុងរស់នៅ​ប្រទេស​ជប៉ុននោះ។សម្ដេចតេជោបានសម្ដែងនូវការពេញចិត្តចំពោះវឌ្ឍនភាពរបស់ សមាគម ជន​ជាតិខ្មែររស់នៅប្រទេសជប៉ុន ។ប៉ុន្តែសម្ដេចតេជោ បានសង្កត់ធ្ងន់ ចំពោះការបង្កើតសមាគមនេះថា ការបង្កើត គឺជារឿងមួយលំបាកហើយ ក៏ប៉ុន្ដែរឿងសំខាន់មួយទៀតនោះ គឺការ​រក្សា​ឱ្យបាននូវនិរន្តរភាព នៃសមាគមនេះ ។ សម្ដេចតេជោប្រមុខរដ្ឋស្តីទីបានសង្ឃឹមថា សមាគមជនជាតិខ្មែររស់នៅ​ប្រទេសជប៉ុន ដែលដឹកនាំ ដោយលោក…

ក្រសួងពាណិជ្ជកម្មប្រកាសថា កម្ពុជាសម្រេចបានសមិទ្ធផលថ្មីមួយទៀតក្នុងការជំរុញការនាំចេញអង្ករក្រអូបប្រណីតទៅកាន់ទីផ្សារអន្តរជាតិ ដោយចាប់ពីថ្ងៃទី៣ ខែមេសា ឆ្នាំ២០២៦ តទៅ អង្ករក្រអូបកម្ពុជា ម៉ាក “Golden King” ត្រូវបានដាក់លក់ជាផ្លូវការនៅតាមបណ្តាញលក់រាយយ៉ាងហោចណាស់ ៣៤៥ ទីតាំង ក្នុងទីក្រុងហុងកុង និងប្រទេសកម្ពុជា តាមរយៈកិច្ចសហប្រតិបត្តិការរវាងក្រុមហ៊ុន Amru Rice (Cambodia) និងសម្ព័ន្ធក្រុមហ៊ុន DFI Retail Group។ អង្ករក្រអូបកម្ពុជា (ប្រភេទ ផ្ការំដួល) បានឈ្នះពានរង្វាន់អង្ករល្អបំផុតលើពិភពលោក ចំនួន ៧លើក ដែលពានរង្វាន់ចុងក្រោយ កម្ពុជាទទួលបាននៅក្នុងឆ្នាំ២០២៥។ សមិទ្ធផលនេះ ឆ្លុះបញ្ចាំងអំពីការអនុវត្តគោលនយោបាយរបស់រាជរដ្ឋាភិបាលក្នុងការជំរុញខ្សែច្រវាក់តម្លៃបន្ថែម តាមរយៈការសម្របសម្រួលពាណិជ្ជកម្មរបស់ក្រសួងពាណិជ្ជកម្ម និងភាពជាដៃគូរវាងស្ថាប័នរដ្ឋនិងឯកជន ប្រកបដោយប្រសិទ្ធភាព និងប្រសិទ្ធផល។ DFI Retail Group គឺជាសម្ព័ន្ធក្រុមហ៊ុនលក់រាយឈានមុខគេមួយនៅអាស៊ី ដែលមានប្រតិបត្តិការលើវិស័យផ្សារទំនើប ហាងលក់ទំនិញថែរក្សាសុខភាព និងសម្រស់ ព្រមទាំងមានហាងទំនិញ និងហាងលក់សម្ភារៈតុបតែងផ្ទះជាច្រើនកន្លែងក្នុងតំបន់ ក្នុងនោះរួមមានបណ្តាញ ផ្សារទំនើប Wellcome នៅហុងកុង ដែលមានចំនួន ២៤៥ ទីតាំង និងផ្សារទំនើបឡាក់គឺ នៅទូទាំងប្រទេសកម្ពុជា…