ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានសម្តែងការកោតសរសើរចំពោះគំនិតច្នៃប្រឌិតផ្នែកស្ថាបត្យកម្មរបស់យុវជនខ្មែរ ដែលបានបង្ហាញតាមរយៈការប្រកួតប្រជែងរចនាប្លង់គម្រោង “ពោធិ៍ចិនតុងកកើតឡើងវិញ និងទីក្រុងអេប៉ុង” (Sponge City) នៃអាកាសយានដ្ឋានអន្តរជាតិភ្នំពេញចាស់។ ក្នុងពិធីធ្វើបទបង្ហាញស្នាដៃ និងចែកពានរង្វាន់ដល់បេក្ខជនជ័យលាភីនៃការប្រកួតប្រជែងនេះ កាលពីថ្ងៃទី៩ ខែមេសា នៅទីស្តីការក្រសួងរៀបចំដែនដី ឯកឧត្តមឧបនាយករដ្ឋមន្ត្រីបានមានប្រសាន៍ថា កម្ពុជាកំពុងដើរលើវិថីត្រឹមត្រូវមួយ ដែលមានធនធានមនុស្សប្រកបដោយគុណភាព អាចនាំប្រទេសឆ្ពោះទៅរកការអភិវឌ្ឍយ៉ាងពិតប្រាកដ។ ឯកឧត្តមបានកត់សម្គាល់ថា យុវជនដែលបានបង្ហាញសមត្ថភាពទេពកោសល្យក្នុងការប្រកួតនេះ គឺជាធនធានមនុស្សដ៏មានតម្លៃរបស់ជាតិ ដែលកំពុងរួមចំណែកអភិវឌ្ឍសង្គម។ ក្នុងន័យនេះ ឯកឧត្តមបានផ្ដល់អនុសាសន៍ឲ្យយុវជនបន្តអភិវឌ្ឍសមត្ថភាពខ្លួន រួមទាំងជំនាញភាសាអង់គ្លេសផងដែរ ដើម្បីងាយស្រួលស្រាវជ្រាវ និងទទួលយកចំណេះដឹងថ្មីៗពីអន្តរជាតិ។ ទន្ទឹមគ្នានេះដែរ ឯកឧត្តមបានថ្លែងអំណរគុណដល់គណៈស្ថាបត្យករកម្ពុជា ដែលបានខំប្រឹងប្រែងប្រមូលផ្ដុំបញ្ញវន្ត និងផ្តល់ឱកាសដល់យុវជនបង្ហាញសមត្ថភាព និងបញ្ចេញផ្នត់គំនិតថ្មីៗ ដែលអាចប្រមូលជាធាតុចូលសម្រាប់ការរៀបចំកសាងអភិវឌ្ឍន៍ទីក្រុង។ ឯកឧត្តមបញ្ជាក់ថា គំនិតរចនា ដែលទទួលបានជ័យលាភីនាពេលនេះ នឹងត្រូវផ្ញើជូនឯកឧត្តម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល ដើម្បីពិនិត្យ និងដាក់បញ្ចូលទៅក្នុងគម្រោងអភិវឌ្ឍន៍អាកាសយានដ្ឋានអន្តរជាតិភ្នំពេញចាស់។ ឯកឧត្តម សាយ សំអាល់ បានសង្កត់ធ្ងន់ថា គម្រោងអភិវឌ្ឍន៍អាកាសយានដ្ឋានចាស់នេះនឹងផ្តោតលើការរៀបចំសួនលំហែសាធារណៈ ដែលបង្ហាញពីចក្ខុវិស័យអភិវឌ្ឍទីក្រុងសមស្របនឹងការវិវឌ្ឍសង្គម។ សួនលំហែគឺជាកន្លែងភ្ជាប់មនុស្ស និងសង្គម បង្កើនគុណភាពជីវិត…

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាការងារជាមួយ ឯកឧត្តម ត្រិន កឹមទូ សមាជិកការិយាល័យនយោបាយ និងជាសមាជិកប្រចាំការគណៈលេខាធិការមជ្ឈិមបក្សកុម្មុយនីស្តវៀតណាម នៅវិមានសន្តិភាព នាព្រឹកថ្ងៃទី១០ ខែមេសា ឆ្នាំ២០២៦ ។ ក្នុងឱកាសនៃជំនួបនេះ, ឯកឧត្តម ត្រិន កឹមទូ បានពាំនាំនូវការផ្ដាំផ្ញើការសួរសុខទុក្ខពីសំណាក់ ឯកឧត្តម តូ ឡឹម (To Lam) អគ្គលេខាធិការបក្សកុម្មុយនីស្តវៀតណាម និងជាប្រធានរដ្ឋ និងឯកឧត្តម ឡេ មីញហ៊ឹង (Le Minh Hung) នាយករដ្ឋមន្ត្រីថ្មីវៀតណាម​ជូន​ចំពោះសម្តេចធីបតី ព្រមទាំងបានអបអរសាទរចំពោះសមិទ្ធផលនានាជាច្រើន ដែលកម្ពុជា សម្រេចបាននាពេលកន្លងមក។ ឯកឧត្តមមានជំនឿជឿជាក់ថា ក្រោមការដឹកនាំប្រកបដោយចក្ខុវិស័យវែងឆ្ងាយរបស់សម្ដេចធិបតី កម្ពុជានឹងបន្តសម្រេចបាននូវជោគជ័យថ្មីៗបន្ថែមទៀតសម្រាប់ជាតិ និងប្រជាជនកម្ពុជា។ ទន្ទឹមនឹងនេះ ឯកឧត្តមក៏បានសម្តែងនូវ​ការពេញចិត្ត​ និងវាយតម្លៃខ្ពស់ ចំពោះភាពរីកចម្រើន នៃទំនាក់ទំនង និងកិច្ចសហប្រតិបត្តិការដ៏ល្អរវាងប្រទេសទាំងពីរ ដែលកំពុងឈានចូលដល់ដំណាក់កាលថ្មី ។ ជាការឆ្លើយតប, សម្ដេចធិបតីបានសម្ដែងនូវការស្វាគមន៍យ៉ាងកក់ក្ដៅចំពោះឯកឧត្តម និងគណៈប្រតិភូ និងបានអបអរសាទរចំពោះភាពជោគជ័យនៃមហាសន្និបាតលើកទី១៤ របស់បក្សកុម្មុយនីស្ដវៀតណាម…

ភ្នំពេញ៖ ឯកអគ្គរដ្ឋទូតចប់អាណត្តិនៃសាធារណរដ្ឋតួកគីយ៉េ បានលើកឡើងថា កម្ពុជា-តួកគីយ៉េ នៅមានវិស័យសក្ដានុពលជាច្រើនទៀត ដែលអាចពង្រីកកិច្ចសហប្រតិបត្តិការជាមួយគ្នា ។ យោងតាមបណ្ដាញសង្គមស្ដីពីលទ្ធផលនៃជំនួបសម្ដេចមហាបវរធិបតី ហ៊ុន ម៉ាណែត សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យលោកជំទាវ Ülkü Kocaefe ឯកអគ្គរដ្ឋទូតនៃសាធារណរដ្ឋតួកគីយ៉េ ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងជម្រាបលា ក្នុងឱកាសដែលលោកជំទាវត្រូវបញ្ចប់អាណត្តិបេសកកម្មការទូត នាព្រឹកថ្ងៃទី១០ ខែមេសា ឆ្នាំ២០២៦ នៅវិមានសន្តិភាព លោកជំទាវឯកអគ្គរដ្ឋទូត បានបង្ហាញក្ដីសោមនស្សរីករាយ ដែលបានបំពេញបេសកកម្មការទូតនៅកម្ពុជា និងបានស្វែងយល់ច្រើនអំពី ប្រជាជន វប្បធម៌ និងអរិយធម៌ដ៏សម្បូរបែបរបស់កម្ពុជា ។ ទន្ទឹមនឹងនេះ លោកជំទាវបានជម្រាបជូនសម្តេចធិបតី​ អំពីការសម្រេចបាន នូវសមិទ្ធផលនានាក្នុងអាណត្តិការទូតរបស់លោកជំទាវ ដែលបានចូលរួមចំណែកយ៉ាងសំខាន់ ក្នុងការរឹតចំណងមិត្តភាព និង ការពង្រឹងកិច្ចសហប្រតិបត្តិការរវាងប្រទេសទាំងពីរឱ្យកាន់តែរីកចម្រើន ជាពិសេសលើវិស័យ សេដ្ឋកិច្ច, ពាណិជ្ជកម្ម, អប់រំ និងវប្បធម៌។ លោកជំទាវក៏បានសង្កត់ធ្ងន់ថា កម្ពុជា និងតួកគីយ៉េ នៅមានវិស័យសក្ដានុពលជាច្រើនទៀត ដែលអាចពង្រីកកិច្ចសហប្រតិបត្តិការជាមួយគ្នាឱ្យកាន់តែស៊ីជម្រៅ។ ជាការឆ្លើយតប សម្ដេចធិបតី បានសម្ដែងនូវការស្វាគមន៍…

ភ្នំពេញ៖ក្រសួងវប្បធម៌ និងវិចិត្រសិល្បៈបានសម្រេចបើកទ្វារ ព្រះវិហារ និងរូបព្រះពុទ្ធប្រតិមាអដ្ឋរស្ស នៅខេត្តកណ្តាល ជា​បណ្តោះអាសន្នជូនសាធារណជនចូលទស្សនារយៈពេល២សប្តាហ៍ចាប់ពីថ្ងៃទី១៣ ដល់២៧ ខែមេសា ឆ្នាំ២០២៦​ក្នុងឱកាស បុណ្យ​ចូល​ឆ្នាំថ្មីប្រពៃណីជាតិខ្មែរ។ ក្រសួងវប្បធម៌ និងវិចិត្រសិល្បៈបានឱ្យដឹងនៅថ្ងៃទី៩ ខែមេសាថា ក្រសួងបានបញ្ចប់ការជួសជុលព្រះវិហារ និងរូបព្រះពុទ្ធ ប្រតិមាអដ្ឋរស្ស ដែលស្ថិតនៅភូមិភ្នំ ឃុំផ្សារដែក ស្រុកពញាឮ ខេត្តកណ្ដាល កាលពីឆ្នាំ២០២៥កន្លងមក។ក្រសួង​បានសម្រេច​បើកទ្វារ ព្រះវិហារ និងរូបព្រះពុទ្ធប្រតិមាអដ្ឋរស្ស នៅខេត្តកណ្តាល ជា​បណ្តោះអាសន្នជូនសាធារណជនចូលទស្សនារយៈ​ពេល២សប្តាហ៍ចាប់ពីថ្ងៃទី១៣ ដល់២៧ ខែមេសា ឆ្នាំ២០២៦​ក្នុងឱកាសបុណ្យ​ចូល​ឆ្នាំថ្មីប្រពៃណីជាតិខ្មែរ។ក្រសួងវប្បធម៌ បានឱ្យដឹងទៀតថា ចំពោះកាលបរិច្ឆេទនៃការបើកទ្វារឱ្យសារធារណជនអាចចូលទស្សនាជាអចិន្ត្រៃយ៍ ក្រសួង​នឹងបញ្ជាក់ប្រាប់ នៅពេលក្រោយបន្ទាប់ពីការងាររៀបចំដាក់តាំងទាំងអស់ត្រូវបានបញ្ចប់រួចរាល់នោះ។ គួរបញ្ជាក់ថា ក្នុងគោលបំណង ពង្រឹងការអភិរក្ស ថែរក្សាព្រះវិហារបុរាណនិងព្រះពុទ្ធប្រតិមា ក៏ដូចជាពង្រីកការអប់រំផ្សព្វផ្សាយ​អំពីសម្បត្តិបេតិកភណ្ឌជាតិដ៏មានតម្លៃនេះឱ្យបានទូលំទូលាយ ក្រសួងវប្បធម៌​បានរៀបចំប្រែក្លាយអតីត​ព្រះវិហារនេះទៅ​ជា​សារមន្ទីរសម្រាប់តាំងបង្ហាញវត្ថុបុរាណសំខាន់ៗមួយមួយចំនួនដែលបានបន្សល់ទុកពីព្រះចេតិយ និងបរិវេណអតីតក្រុងឧដុង្គ ដើម្បីបើកជូន​សាធារណជនចូលទស្សនា និងសិក្សាស្រាវជ្រាវ នាពេលខាងមុខ។ ព្រះវិហារ និងរូបព្រះពុទ្ធប្រតិមាអដ្ឋរស្ស គឺជាបូជនីយដ្ឋានប្រវត្តិសាស្ត្រដ៏ល្បីល្បាញ ស្ថិតនៅលើកំពូលភ្នំឧដុង្គ (ភ្នំព្រះរាជទ្រព្យ) ក្នុងស្រុកពញាឮ ខេត្តកណ្តាល។ សំណង់នេះត្រូវបានកសាងឡើងនៅសម័យកណ្តាលនៃរាជ្យព្រះបាទអង្គច័ន្ទទី១ ឆ្នាំ១៥៤៦ ដោយប្រើប្រាស់ថ្មប្រាសាទបុរាណរចនាបថឃ្លាំង និងជាទីកន្លែងគោរពបូជាដ៏សំខាន់របស់ពលរដ្ឋកម្ពុជានាសម័យនោះ៕ដោយ៖ម៉ាដេប៉ូ

កាលពីថ្ងៃទី ៤ និង ទី ៥ ខែមេសា ឆ្នាំ ២០២៦ កន្លងទៅនេះ កម្មវិធី «ម៉ាអេមនៅលើទឹក» របស់ Anchor​ បានបង្កើតជាផ្ទាំងទស្សនីយភាពដ៏អស្ចារ្យនៅលើដងទន្លេចតុមុខ ជាមួយការសម្តែង Flyboard ពីម្ចាស់កំណត់ត្រាពិភពលោក Guinness World Record រួមនឹងការចូលរួមសម្តែងដោយកំពូលតារាចម្រៀង ឱក សុគន្ធកញ្ញា និង តារាចម្រៀងរ៉េប យូហៃ នៅលើឆាកលើផ្ទៃទឹកដំបូងគេបំផុតនៅកម្ពុជា ដោយមានការចូលរួមយ៉ាងច្រើនកុះករពីតារាTiktok និង Facebook ល្បីៗជាច្រើនរូប។ នៅចុងសប្តាហ៍នេះ ផ្ទាំង​ទស្សនីយភាពទាំងនេះនៅមិនទាន់បានបញ្ចប់នៅឡើយទេ គឺនៅថ្ងៃទី ១១ និង ១២ ខែមេសា ឆ្នាំ ២០២៦ Anchor នឹងបន្តនាំមកជូនជាថ្មីម្តងទៀតសម្រាប់លោកអ្នក ជាមួយកម្មវិធីសប្បាយៗ ដូចជា ការរាំសប្បាយជាមួយតារាចម្រៀងល្បីៗ នៅលើឆាកតន្ត្រីលើទឹកដំបូងបំផុតនៅកម្ពុជា, ការជួបជុំក្រេបរសជាតិដ៏ឆ្ងាញ់ជាប់ចិត្តរបស់ Anchor, រួមនឹងទស្សនាការសម្តែង Jet skis និង Flyboard ជាបន្ត។ សម្រាប់អ្នកដែលចាប់អារម្មណ៍ចង់ចូលរួមកម្មវិធី…

*ក្រុមហ៊ុនអាកាសចរណ៍នឹងបង្កើនជើងហោះហើរក្នុងស្រុកក្នុងអំឡុងពេលវិស្សមកាលរបស់ប្រទេសវៀតណាម ភ្នំពេញ ថ្ងៃទី ៩ ខែមេសា ឆ្នាំ ២០២៦– ក្រុមហ៊ុនអាកាសចរណ៍ Vietjet កំពុងបង្កើនជម្រើសធ្វើដំណើរសម្រាប់អ្នកដំណើរពីប្រទេសកម្ពុជាដែលមានបំណងធ្វើដំណើរទៅកាន់ប្រទេសវៀតណាម និងក្រៅប្រទេស ជាមួយនឹងការបញ្ចុះតម្លៃសំបុត្រពិសេសនៅទូទាំងបណ្តាញរបស់ខ្លួនពេញមួយរដូវក្តៅនេះ និងការបង្កើនប្រតិបត្តិការក្នុងស្រុកវៀតណាមរបស់ខ្លួនក្នុងអំឡុងពេលវិស្សមកាលនាពេលខាងមុខនៅក្នុងប្រទេស។ ចាប់ពីពេលនេះរហូតដល់ម៉ោង ២៣:០០ ថ្ងៃទី ១០ ខែមេសា ឆ្នាំ ២០២៦ អ្នកដំណើរអាចប្រើប្រាស់លេខកូដប្រូម៉ូសិន SALE20 ដើម្បីទទួលបានការបញ្ចុះតម្លៃ ២០% នៅពេលកក់សំបុត្រ Deluxe, SkyBoss និង Business (មិនរាប់បញ្ចូលពន្ធ និងថ្លៃសេវា)។ ការផ្តល់ជូននេះ មានសុពលភាពសម្រាប់ការធ្វើដំណើររហូតដល់ថ្ងៃទី ៣១ ខែសីហា ឆ្នាំ ២០២៦ ដែលផ្តល់នូវឱកាសដ៏ល្អមួយដើម្បីរៀបចំផែនការធ្វើដំណើរក្នុងឱកាសបុណ្យចូលឆ្នាំថ្មីប្រពៃណីខ្មែរ និងវិស្សមកាលរដូវក្តៅនៅទូទាំងបណ្តាញរបស់ Vietjet។ លោកអ្នកកក់សំបុត្របានឥឡូវនេះតាមរយៈ www.vietjetair.com កម្មវិធីទូរសព្ទ “Vietjet Air” និងភ្នាក់ងារលក់ជាច្រើនទៀតនៅទូទាំងពិភពលោក។ លើសពីនេះ ក្រុមហ៊ុន Vietjet នឹងបន្ថែមជើងហោះហើរប្រមាណ ៥០០ ជើងទូទាំងប្រទេសវៀតណាម ចន្លោះថ្ងៃទី ២៥ ខែមេសា…

ភ្នំពេញ៖ ច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យាបានចូល​ជាធរមានហើយកាលពីម៉ោង ០០:០១ ថ្ងៃទី០៧ ខែមេសា ឆ្នាំ២០២៦ ក្រោយការចុះហត្ថលេខាដោយសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៅថ្ងៃទី០៦ ខែមេសា ឆ្នាំ២០២៦។ ជាមួយច្បាប់​ថ្មីនេះ សមត្ថកិច្ច និងអាជ្ញាធរកម្ពុជា បាន និងកំពុងជំរុញប្រតិបត្តិការ​បង្រ្កាប​ការ​ឆបោក​តាមប្រព័ន្ធបច្ចេកវិទ្យានៅតាមបណ្តាមូលដ្ឋាន​ក្នុង​រាជធានី-ខេត្តទាំង២៥ ឱ្យកាន់តែមានភាពខ្លាំងក្លាឡើង ដើម្បីឱ្យយុទ្ធនា​ការរបស់រាជរដ្ឋាភិបាលក្នុងការបោសសម្អាតឧក្រិដ្ឋកម្មឆ្លងដែននេះឱ្យអស់ ទទួលបានជោគជ័យ។ នេះជាការបញ្ជាក់របស់ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រី​ទទួលបន្ទុកបេសកកម្មពិសេស និងជាអនុប្រធានប្រចាំការ នៃគណៈ​កម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ហៅកាត់ថា គ.ប.ឆ.ប. ដែលឯកឧត្តមបានថ្លែង ក្នុងឱកាស អញ្ជើញ​ជាអធីបតី ដឹកនាំកិច្ចប្រជុំផ្សព្វផ្សព្វផ្សាយវឌ្ឍនភាពនៃយុទ្ធនាការបោស​សម្អាតបទល្មើសបច្ចេកវិទ្យា និង«ច្បាប់ស្តីពីការប្រឆាំងនឹងឆបោកតាម​ប្រព័ន្ធបច្ចេកវិទ្យា» ជូនដល់ឯកអគ្គរដ្ឋទូត តំណាងអង្គទូត សហភាពអឺរ៉ុប និងអង្គការអន្តរជាតិប្រចាំកម្ពុជា សរុបចំនួន ៥៥រូប នាព្រឹកថ្ងៃទី៨ ខែមេសា ឆ្នាំ២០២៦ នៅទីស្តីការក្រសួងការបរទេស និងសហប្រតិ​បត្តិ​ការអន្តរជាតិ។ ឯកឧត្តមសន្តិបណ្ឌិត ឆៃ ស៊ីណារិទ្ធ បានមានប្រសាសន៍ថា កិច្ចសហ​ប្រតិបត្តិការអន្តរជាតិ គឺជាសសរស្តម្ភមួយដ៏សំខាន់ក្នុងការ​ប្រឆាំង​ការឆបោកតាមប្រព័ន្ធបច្ចេកវិទ្យា និងការអនុវត្តច្បាប់ចំពោះបទល្មើស​ឆបោកអនឡាញ ដែលជាប្រភេទឧក្រិដ្ឋកម្មឆ្លងដែន មានបណ្តាញ និងអង្គការចាត់តាំងស្មុគស្មាញ។…

ភ្នំពេញ៖ លោក ណម វិស្សុត ប្រធាននាយកប្រតិបត្តិនៃក្រុមហ៊ុនអាកាសចរណ៍ AirAsia Cambodia បានអញ្ជើញចូលរួមជាវាគ្មិនកិត្តិយសក្នុងមហាសន្និបាតជាតិសមាគមសហគ្រិនវ័យក្មេងកម្ពុជា (YEAC National Convention 2026) ដោយមានការអញ្ជើញចូលរួមពីមន្ត្រីជាន់ខ្ពស់រាជរដ្ឋាភិបាល និងថ្នាក់ដឹកនាំធុរកិច្ចជាច្រើនរូប ។ ក្នុងមហាសន្និបាតនោះ លោក ណម វិស្សុត បានចែករំលែកនូវចក្ខុវិស័យសម្រាប់អនាគតនៃវិស័យធុរកិច្ចកម្ពុជា ដោយផ្តល់អនុសាសន៍ឱ្យសហគ្រិនផ្លាស់ប្តូរឥរិយាបថពី «អ្នកតស៊ូត្រឹមតែដើម្បីរស់ (Survivor)» ដែលផ្តោតតែលើប្រតិបត្តិការប្រចាំថ្ងៃទៅជា «អ្នកស្ថាបនា (Architects) » ដែលជាអ្នករៀបចំគម្រោង និងមានឥទ្ធិពលយ៉ាងសកម្ម ក្នុងការកសាងប្រព័ន្ធអេកូឡូស៊ីសេដ្ឋកិច្ចក្នុងតំបន់ឱ្យកាន់តែទូលំទូលាយ។ក្នុងបទបង្ហាញក្រោមប្រធានបទ ” ការកសាងអាជីវកម្មក្នុងស្ថានភាពលំបាក៖ របៀបដែលសហគ្រិនអាចរៀបចំប្រព័ន្ធសេដ្ឋកិច្ច ” ។ លោក ណម វិស្សុត បានពិភាក្សាយ៉ាងស៊ីជម្រៅអំពីបញ្ហាប្រឈមជាក់ស្តែងនៃប្រតិបត្តិការអាជីវកម្មក្នុងទីផ្សារកំពុងអភិវឌ្ឍ។ លោកបានណែនាំនូវគោលការណ៍ “ការគិតជាពីរបែប (Dual Thinking)” ដែលជាសមត្ថភាពដ៏សំខាន់ក្នុងការផ្តោតលើប្រាក់ចំណេញផង ការយល់ដឹងពីប្រព័ន្ធច្បាប់ និងសេដ្ឋកិច្ចក្នុងតំបន់ផង។ លោកបានសង្កត់ធ្ងន់ថា ដើម្បីឱ្យអាជីវកម្មកម្ពុជា រីកចម្រើន ប្រកបដោយចីរភាពសហគ្រិនត្រូវផ្តោតសំខាន់លើជំនាញឯកទេសច្បាស់លាស់ ជាមួយនឹងនិរន្តរភាពរយៈពេលវែង ជាជាងការពង្រីកខ្លួនឱ្យធំក្នុងរយៈពេលខ្លី ប៉ុន្តែខ្វះមូលដ្ឋានគ្រឹះរឹងមាំ។មហាសន្និបាតនេះ ក៏ជាវេទិកាដ៏សំខាន់សម្រាប់ការចុះហត្ថលេខា ជាផ្លូវការលើអនុស្សរណៈនៃកិច្ចសហប្រតិបត្តិការ…

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីបានបង្ហាញនូវអារម្មណ៍ពេញចិត្តយ៉ាងខ្លាំងចំពោះ​ពាក្យពេចន៍​របស់លោក ជំទាវ អ៊ុលឃូ ខូខាអ៊ីវ (Ülkü Kocaefe)ឯកអគ្គរដ្ឋទូតនៃសាធារណរដ្ឋតួកគីយ៉េប្រចាំកម្ពុជាដែលត្រូវចប់ បញ្ជាក់ជូនសម្ដេចក្នុងពេលចូលជួបសម្ដែងការគួរសមនិងជម្រាបលាកាលពីព្រឹកថ្ងៃទី៨ ខែមេសា ឆ្នាំ២០២៦ នៅវិមានសាមគ្គីភាព ។ ឯកឧត្តម ជា ធីរិទ្ធ អ្នកពាក្យសម្ដេចតេជោ ហ៊ុន សែន បានប្រាប់អ្នកសារព័ត៌មានក្រោយជំនួប សម្ដេចតេជោ ហ៊ុន សែន ប្រមុខ រដ្ឋស្តីទីនិងលោកជំទាវ អ៊ុលឃូ ខូខាអ៊ីវ (Ülkü Kocaefe)ឯកអគ្គរដ្ឋទូតនៃសាធារណរដ្ឋតួកគីយ៉េបញ្ចប់ថា លោកជំទាវបានជម្រាបសម្ដេចប្រមុខរដ្ឋស្តីទី​អំពីការជាប់ចិត្តចំពោះប្រជាជនកម្ពុជា ជាពិសេស គឺស្នាមញញឹមរបស់ប្រជាជនកម្ពុជា ដែល​មិន អាចធ្វើឱ្យលោកជំទាវបំភ្លេចបានឡើយ។ លោកជំទាវបានបញ្ជាក់ បើទោះបីជាពេលនេះ លោកជំទាវផុតអាណត្តិការងារ ឈប់ធ្វើ ជាឯករដ្ឋទូតប្រចាំនៅកម្ពុជា ក៏ពិតមែន ប៉ុន្តែលោកជំទាវនៅតែជាមិត្តរបស់កម្ពុជាអស់មួយជីវិត ។ នេះជាសារ​ដែល​បង្ហាញពីការ ពេញចិត្តចំពោះប្រទេសកម្ពុជាពីសំណាក់លោកជំទាវឯកអគ្គរដ្ឋទូត ។ តបភ្លាមៗសម្ដេចតេជោ ហ៊ុន សែន បានពេញចិត្តចំពោះពាក្យពេចន៍ដ៏មានអត្ថន័យរបស់លោកជំទាវចំពោះការពេញចិត្ត​ប្រជាជន​កម្ពុជា ក៏ដូចជាជាប្រទេសកម្ពុជា។សម្ដេចចាប់អារម្មណ៍ខ្លាំងចំពោះពាក្យដ៏មានអត្ថន័យរបស់លោកជំទាវដែលថា លោកជំទាវនឹង​នៅជាមិត្តរបស់កម្ពុជាអស់មួយជីវិតនោះ ។សម្ដេចតេជោក៏បានផ្ដាំផ្ញើបន្ថែមដល់លោកជំទាវ ទោះបីជាបានត្រឡប់ទៅវិញ​ក៏ពិត​មែន…