ខេត្តស្ទឹងត្រែង៖ ដើម្បីរឹតចំណងមិត្តភាព ក៏ដូចជាសម្ព័ន្ធភាពឲ្យកាន់តែប្រសើរឡើង រវាងក្រសួងសង្គមកិច្ចអតីតយុទ្ធជន និងយុវនីតិសម្បទារ និងក្រសួងបរិស្ថាន និងដើម្បីចលរួមលើកទឹកចិត្ដដល់កងទ័ពដែលកំពុងឈរជើងនៅតាមខ្សែបន្ទាត់ព្រំដែន នាឱកាសពិធីបុណ្យភ្ជុំបិណ្ឌ ដែលនឹងឈានចូលមកដល់នាពេលខាងមុខនេះ ឯកឧត្តម វង សូត រដ្ឋមន្រ្តីក្រសួងសង្គមកិច្ចអតីតយុទ្ធជន និងយុវនីតិសម្បទារ រួមនិងឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបសំណេះសំណាល និងសួរសុខទុក្ខដល់នាយទាហាន នាយ ទាហានរង និងពលទាហានទាំងអស់ នៅបញ្ជាការដ្ឋានយោធភូមិភាគទី១ ខេត្តស្ទឹងត្រែង នាព្រឹកថ្ងៃទី២១កញ្ញា ឆ្នំា២០២។

ភ្នំពេញ៖ ស្រ្ដីរងគ្រោះដោយអំពើហិង្សាទាក់ទងយេនឌ័រមាន ចំនួន ២.៥៦៣ករណីបានទទួលសេវាប្រឹក្សាយោបល់ ផ្នែកច្បាប់ ផ្លូវចិត្ត អន្តរាគមន៍ និងតាមដានការប្រកាសសាលក្រម ដោយផ្ទាល់ និង តាមរយៈអនឡាញ ផ្ដល់ដោយពីក្រសួងកិច្ចការនារីនិងអង្គការ ដៃគូ។ករណីនេះត្រូវបានបញ្ជាក់នៅក្នុងសន្និសីទសារព័ត៌មាន ដែលរៀបចំ ដោយអង្គភាពអ្នកនាំពាក្យរាជរដ្ឋាភិបាលស្ដីពី “សមិទ្ធផលសម្រេច បានរយៈពេល ៥ឆ្នាំកន្លងមក របស់ក្រសួងកិច្ចការនារី” នៅព្រឹកថ្ងៃ ពុធទី២១ ខែកញ្ញា ឆ្នាំ២០២២ នៅទីស្ដីការគណៈរដ្ឋមន្រ្ដី (អគារមិត្តភាព)។

(ភ្នំពេញ)៖ ក្រសួងទេសចរណ៍ បានបើកកិច្ចប្រជុំស្តីពី «ការពង្រឹងរបៀបរបបក្នុងការងារ និងការលើកកម្ពស់ក្រមសីលធម៌វិជ្ជាជីវៈមន្ត្រីរាជការ» ជូនដល់មន្ត្រីរាជការនារីនៅថ្នាក់ជាតិ ក្រោមអធិបតីភាព លោកជំទាវ ហ៊ុន ដានី រដ្ឋលេខាធិការក្រសួងទេសចរណ៍។

ភ្នំពេញ ៖ លោក សុខ ពេញវុធ អភិបាលរងរាជធានីភ្នំពេញ ព្រមទាំងមានការចូលរួមពីលោក ជា ខេមា អភិបាលខណ្ឌដូនពេញ និងជាប្រធានគណៈបញ្ជាការឯកភាពខណ្ឌដូនពេញ នៅ រសៀល ថ្ងៃទី២០ ខែកញ្ញា ឆ្នាំ២០២២នេះ បានបន្ដចុះបង្ក្រាបទីតាំង សង្ស័យមានបង្កប់ល្បែងស៊ីសងតាមអនឡាញនៅសណ្ឋាគារមីន (Min Hotel) ស្ថិតនៅសង្កាត់ផ្សារថ្មី៣ ខណ្ឌដូនពេញ។

ព្រះសីហនុ៖ អគារព្យាបាលជំងឺកូវីដ១៩អគារមន្ទីរពិសោធន៍និង អគារ ផលិតអុកស៊ីហ៊្សែនប្រចាំខេត្តព្រះសីហនុដែលសង់ឡើងក្នុងតម្លៃជាងពីរលានដុល្លារត្រូវបានសម្ពោធឱ្យប្រើប្រាស់ជាផ្លូវការនៅថ្ងៃទី២០ខែកញ្ញាឆ្នាំ២០២២។

ស្ទឹងត្រែង៖ ក្រសួងបរិស្ថានបានប្រារព្ធយុទ្ធនាការ ការដុតកម្ទេច ចោល នូវ ឧបករណ៍ ដែលកែច្នៃធ្វើជាអាវុធសម្រាប់បរបាញ់សត្វ ក៏ដូចជាអន្ទាក់ គ្រប់ប្រភេទដើម្បីការពារនិងអភិរក្សសត្វព្រៃនៅ ក្នុងខេត្តស្ទឹងត្រែង។យុទ្ធនាការនេះបានប្រពឹត្តទៅកាលពីព្រឹក ថ្ងៃទី២០ខែកញ្ញាឆ្នាំ២០២២នៅស្រុកសៀមបូកក្រោមអធិបតីភាពឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងមានការចូលរួម ពីសំណាក់ឯកឧត្ដម ស្វាយ សំអ៊ាង អភិបាលខេត្តផងដែរ។

ភ្នំពេញ៖ គណៈកម្មការអន្តរក្រសួងបានលើកឡើងពីសំណើ មួយ ដែល ចង់ស្នើដល់រដ្ឋាភិបាលខ្មែរគិតគូរអនុញ្ញាតឱ្យពលរដ្ឋថៃដែល រស់នៅ តាមបណ្តោយព្រំដែនកម្ពុជា-ថៃអាចធ្វើដំណើរមក លេងខេត្ត សៀមរាបបានដោយមិនចាំបាច់មានលិខិតឆ្លង ដែន ហើយប្រើប្រាស់ ត្រឹម បណ្ណព្រំដែនជំនួសវិញ។ សំណើនេះស្នើឡើងជាយុទ្ធសាស្ត្រ ជំរុញកំណើនភ្ញៀវទេសចរថៃមកប្រទេសកម្ពុជា ដែលទេសចរថៃឈរ នៅលំដាប់ទី២ សម្រាប់កម្ពុជា។

ភ្នំពេញ៖ ភ្ញៀវទេសចរនឹងមកទស្សនាច្រើននៅតំបន់មួយចំនួន នៃរាជធានីភ្នំពេញ ខេត្តព្រះសីហនុ និងខេត្តសៀមរាបច្រើនក្នុងកំឡុង ពេលបុណ្យភ្ជុំបិណ្ឌនាពេលខាងមុខ។ តំបន់ទាំងនេះមានរមណីយ ដ្ឋានកែច្នៃ ឆ្នេរសមុទ្រ និងកន្លែងប្រវត្តិសាស្ត្រ។ នេះបើតាមឯកឧត្តម តុប សុភក្តិ រដ្ឋលេខាធិការនិងអ្នកនាំក្រសួងទេសចរណ៍ ប្រាប់អ្នក សារព័ត៌មានជុំវិញស្ថានភាពទេសចរណ៍ក្នុងឱកាសបុណ្យភ្ជុំបិណ្ឌប្រពៃណីជាតិ ដែលនឹងប្រព្រឹត្តិទៅនៅចុងខែនេះ។