អ្នកនាំពាក្យរដ្ឋលេខាធិការដ្ឋានកិច្ចការព្រំដែនកម្ពុជា បានច្រានចោលទាំងស្រុងចំពោះហេតុផល ដែលថៃលើកឡើងជាលេស ដើម្បីលុបអនុស្សរណៈនៃការយោគយល់គ្នាឆ្នាំ២០០០ ពាក់ព័ន្ធនឹងការកំណត់ព្រំដែនគោកជាមួយកម្ពុជា។ ការប្រកាសបដិសេធ និងច្រានចោលរបស់អ្នកនាំពាក្យរដ្ឋលេខាធិការដ្ឋានកិច្ចការព្រំដែនកម្ពុជា ធ្វើឡើងបន្ទាប់ពីមានការផ្សព្វផ្សាយក្នុងសារព័ត៌មានថៃ កាលពីថ្ងៃទី២៤ ខែមីនា អំពីចេតនារបស់សមាជិកព្រឹទ្ធសភាថៃមួយចំនួនក្នុងការលុបចោលកិច្ចព្រមព្រៀង MoU ឆ្នាំ ២០០០ជាមួយកម្ពុជា។ សេចក្តីប្រកាសរបស់អ្នកនាំពាក្យរដ្ឋលេខាធិការដ្ឋានកិច្ចការព្រំដែនកម្ពុជា ចុះថ្ងៃទី ២៤ មីនា និងត្រូវបានផ្សព្វផ្សាយជាសាធារណៈនៅថ្ងៃព្រហស្បតិ៍នេះ បានពន្យល់ថា MOU ឆ្នាំ២០០០ មិនមែនគ្រាន់តែជាក្រដាសស្នាមធម្មតានោះទេ ប៉ុន្តែវាមានចរិតលក្ខណៈជាសន្ធិសញ្ញាទ្វេភាគី ដែលបានចុះបញ្ជី និងតម្កល់ទុកនៅអង្គការសហប្រជាជាតិ។ វាបង្កើតកាតព្វកិច្ចច្បាប់អន្តរជាតិ ដែលភាគីទាំងពីរត្រូវតែគោរព។ ផ្អែកតាមអនុសញ្ញាទីក្រុងវ្យែនឆ្នាំ ១៩៦៩ ភាគីថៃមិនអាចយកច្បាប់ផ្ទៃក្នុង ឬមូលដ្ឋាននយោបាយណាមួយមកធ្វើជាលេសដើម្បីលុបចោលសន្ធិសញ្ញាព្រំដែនដែលខ្លួនបានចុះហត្ថលេខារួចហើយនោះឡើយ។ បើតាមអ្នកនាំពាក្យដដែលនេះ កន្លងមក យន្តការគណៈកម្មការចម្រុះកិច្ចការព្រំដែន (JBC) ដែលផ្អែកលើ MOU ឆ្នាំ២០០០ នេះ បានសម្រេចការងារជាច្រើន ដូចជា ស្វែងរកឃើញទីតាំងបង្គោលព្រំដែនសម័យបារាំងទាំង ៧៤ បង្គោល ការជួសជុល និងថែទាំបង្គោលព្រំដែនរួមគ្នា ការវាស់វែង និងបោះបង្គោលបណ្តោះអាសន្ននៅតាមតំបន់មួយចំនួន។ អ្នកនាំពាក្យបានសង្កត់ធ្ងន់ថា ការប៉ុនប៉ងលុបចោល MOU នេះ គឺជាទង្វើគ្មានមូលដ្ឋាន ផ្ទុយនឹងច្បាប់អន្តរជាតិ…

ដើម្បីពន្លឿនការដោះស្រាយ និងការកកស្ទះសំណុំរឿងយូរដែលបង្កការថ្នាំងថ្នាក់ដល់ប្រជាពលរដ្ឋ ឯកឧត្តម ឧបនាយករដ្ឋមន្រ្តី កើត រិទ្ធ រដ្ឋមន្រ្តីក្រសួងយុត្តិធម៌ បានណែនាំជាថ្មីម្តងទៀតដល់មន្រ្តីតុលាការ ពិសេសចៅក្រម និងព្រះរាជអាជ្ញា ត្រូវពន្លឿនការដោះស្រាយសំណុំរឿងឱ្យបានឆាប់ ដោយប្រកាន់ខ្ជាប់នូវក្រមសីលធម៌វិជ្ជាជីវៈ។ ក្នុងសន្និបាទបូកសរុបការងារប្រចាំឆ្នាំរបស់ក្រសួងយុត្តិធម៌កាលពីថ្ងៃពុធទី២៥មីនា ឯកឧត្តមឧបនាយករដ្ឋមន្រ្តី បានថ្លែងថា ការដោះស្រាយពន្លឿនសំណុំរឿងជាបញ្ហាមួយដ៏សំខាន់សម្រាប់ប្រព័ន្ធយុត្តិធម៌ ហើយវាក៏ជាចំណែកមួយជួយបង្កើនទំនុកចិត្តរបស់ប្រជាពលរដ្ឋលើប្រព័ន្ធយុត្តិធម៌នៅកម្ពុជាផងដែរ។ ជាមួយគ្នានេះ ឯកឧត្តម កើត រិទ្ធ បានលើកឡើងអំពីសារសំខាន់នៃកំណែទម្រង់ច្បាប់ និងប្រព័ន្ធយុត្តិធម៌” ដែលជាអាទិភាពដ៏មួយក្នុងការពង្រឹង និងលើកកម្ពស់ “នីតិរដ្ឋ” នៅកម្ពុជា និងជាមូលដ្ឋានគ្រឹះក្នុងការធានារក្សាស្ថិរភាពសង្គម សន្តិសុខ សណ្តាប់ធ្នាប់សាធារណៈ យុត្តិធម៌សង្គម និងការអភិវឌ្ឍប្រទេសជាតិ។ សន្និបាតបាតបូកសរុបលទ្ធផលការងារវិស័យយុត្តិធម៌ឆ្នាំ២០២៥ និងកំណត់ទិសដៅការងារជាអាទិភាពឆ្នាំ២០២៦ត្រូវបានរៀបចំធ្វើឡើងរយៈពេល ២ថ្ងៃ ចាប់ពីថ្ងៃទី២៥ ដល់ថ្ងៃទី២៦ ខែមីនា ឆ្នាំ២០២៦ ក្នុងគោលបំណងពិនិត្យមើលអំពីស្ថានភាព និងបច្ចុប្បន្នភាពនៃវិស័យយុត្តិធម៌។ សន្និបាតបាតនឹងពិភាក្សាស្វែងរកឱ្យឃើញពីបញ្ហាប្រឈមជាមូលដ្ឋាននៅក្នុងវិស័យយុត្តិធម៌ និងដាក់ចេញដំណោះស្រាយ និងទិសដៅការងារជាអាទិភាពបន្ត ដើម្បីបង្កើនប្រសិទ្ធភាពការងារក្នុងការបម្រើប្រជាជន, ដោះស្រាយបញ្ហាប្រឈមនានា សំដៅលើកកម្ពស់ប្រសិទ្ធភាពនៃសេវាយុត្តិធម៌ និងគុណភាពនៃយុត្តិធម៌ ក៏ដូចជារួមចំណែកដល់ការលើកកម្ពស់ជំនឿទុកចិត្តរបស់សាធារណជនមកលើការអនុវត្តច្បាប់របស់ស្ថាប័នអយ្យការ ស្ថាប័នតុលាការ និងអាជ្ញាធរមានពាក់ព័ន្ធ។ គួរបញ្ជាក់ថា ក្នុងឆ្នាំ២០២៥កន្លងមក តុលាការគ្រប់ជាន់ថ្នាក់នៅទូទាំងប្រទេសកម្ពុជាបានចាត់ការសំណុំរឿង ទាំងរឿងព្រហ្មទណ្ឌ…

សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២៦ ខែមីនា នេះ បានចូលរួមសម្ពោធដាក់ឱ្យដំណើរការជាផ្លូវការរោងចក្រប្រព្រឹត្តកម្មទឹកស្អាតអណ្តូងតាសី នៅខេត្តស្វាយរៀង និងបើកការដ្ឋានសាងសង់គម្រោងពង្រីកហេដ្ឋារចនាសម្ព័ន្ធទឹកស្អាតក្នុងខេត្តចំនួន ៥ រួមមានស្វាយរៀង ពោធិ៍សាត់ កំពង់ធំ កំពត និងមណ្ឌលគិរី។ គម្រោងទ្រង់ទ្រាយធំដែលប្រើប្រាស់ថវិកាជាតិសរុប ៦០ លានដុល្លារអាមេរិកនេះ មានគោលដៅយុទ្ធសាស្ត្រក្នុងការបង្កើនសមត្ថភាពផលិតទឹកស្អាតឱ្យបាន ១៣ ៦០០ ម៉ែត្រគូបក្នុងមួយថ្ងៃ និងពង្រីកបណ្តាញចែកចាយប្រវែង ៧៣៩ គីឡូម៉ែត្រ ដើម្បីផ្តល់តំណទឹកស្អាតថ្មីជូនប្រជាពលរដ្ឋចំនួន ២៨ ៦៦០ គ្រួសារ ក្នុងរយៈពេល ២០ ខែខាងមុខ។ ដោយឡែក សម្រាប់រោងចក្រថ្មីនៅអណ្តូងតាសី ខេត្តស្វាយរៀង ដែលទើបសម្ពោធនេះ មានសមត្ថភាពផលិតទឹកស្អាត ៦ ៨០០ ម៉ែត្រគូបក្នុងមួយថ្ងៃ ដែលនឹងជួយរុញច្រានអត្រាគ្របដណ្តប់សេវាទឹកស្អាតក្នុងតំបន់ឱ្យហក់ឡើងពី ៣២% ទៅ ៥៨% ព្រមទាំងធានាការផ្គត់ផ្គង់បានពេញលេញសម្រាប់ក្រុងស្វាយរៀងទាំងមូល។ ការសម្រេចចិត្តវិនិយោគដ៏ធំនេះ ឆ្លុះបញ្ចាំងពីការយកចិត្តទុកដាក់ខ្ពស់របស់រាជរដ្ឋាភិបាល ក្នុងការលុបបំបាត់គម្លាតសេវាទឹកស្អាតរវាងទីក្រុង និងជនបទ សំដៅលើកកម្ពស់សុខុមាលភាពប្រជាជន និងជំរុញការអភិវឌ្ឍសេដ្ឋកិច្ចសង្គមនៅតាមមូលដ្ឋានឱ្យកាន់តែរឹងមាំ៕

“យើងអាចវាយតម្លៃបានថា ក្នុងរយៈពេលជាង ២ឆ្នាំកន្លះ កន្លងមកនេះ រាជរដ្ឋាភិបាល នីតិកាលទី៧ នៃរដ្ឋសភា បានសម្រេចនូវសមិទ្ធផលជាបន្តបន្ទាប់ ជូនជាតិ និងប្រជាជន រួមទាំងក្នុងវិស័យមុខងារសាធារណៈ ទោះបីជាត្រូវប្រឈមនឹងការរំខានមួយចំនួន ដែលជាវិញ្ញាសាស្មុគស្មាញជាច្រើន ទាំងក្នុង និងក្រៅប្រទេស។” នេះគឺជាប្រសាសន៍លើកឡើងរបស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ តំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត ក្នុងឱកាសអញ្ជើញជាអធិបតីភាព បិទសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់ក្រសួងមុខងារសាធារណៈ នៅថ្ងៃទី២៦មីនានេះ ។ ឯកឧត្តមឧបនាយករដ្ឋមន្ត្រី បានបញ្ជាក់ថា សន្និបាតរយៈពេល ១ថ្ងៃនេះ គឺជាវេទិកាដ៏សំខាន់សម្រាប់គ្រប់ប្រតិបត្តិករ និងតួអង្គពាក់ព័ន្ធ ជួបជុំធ្វើការពិភាក្សា វាយតម្លៃការងារដែលសម្រេចបាន, គិតគូរពីផលជះ, បញ្ហាប្រឈម និងការកំណត់ទិសដៅអនុវត្តបន្ត សម្រាប់វិស័យមុខងារសាធារណៈ ដែលជា “ឆ្អឹងខ្នង” នៃប្រព័ន្ធរដ្ឋបាលសាធារណៈនៅកម្ពុជា។ ក្នុងនាមសម្តេចបវរធិបតី ឯកឧត្តម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះសមិទ្ធផលការងារ ដែលថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់របស់ក្រសួងមុខងារសាធារណៈ សម្រេចបាន ក្នុងការដឹកនាំ គ្រប់គ្រង…

មណ្ឌលគិរី៖ភាពលំបាកក្នុងការធ្វើដំណើរនាពេលកន្លងទៅ,រដូវវស្សា​រអិលដូចលាបខ្លាញ់ ,ខែប្រាំងហុយទ្រលោមដូចផ្សែងអ័ព្ទ​ នៅ​ឃុំចំនួន៣ ក្នុងស្រុកពេជ្រាដា ខេត្តមណ្ឌលគិរីជិតក្លាយជាអតីតកាលហើយ បន្ទាប់​ពីការដ្ឋានផ្លូវអន្តរឃុំ និងទំនប់បង្ហៀរ បញ្ចប់ ការសាងសង់នៅខែមិថុនា​ខាងមុខ។ផ្លូវកៅស៊ូ នឹងចូលជំនួសកំណាត់ផ្លូវដ៏លំបាកមួយខ្សែនេះ។ ការដ្ឋានផ្លូវអន្តរឃុំ និងទំនប់បង្ហៀរ ប្រវែងជាង១០គីឡូម៉ែត្រ​មាន​ប្រវែងជាង ១០គីឡូម៉ែត្រ,ទទឹង៦ម៉ែត្រ​បានចាប់ផ្តើម​សាងសង់​នៅខែកញ្ញា ឆ្នាំ២០២៥ និងត្រូវបញ្ចប់ជាស្ថាពរនៅខែមិថុនា ឆ្នាំ២០២៦ ខាងមុខ។ជាផ្លូវតភ្ជាប់រវាងឃុំស្រែអំពូម ឃុំក្រង់តេះ និងឃុំពូជ្រៃ ស្រុកពេជ្រាដា ដោយកសាងជាផ្លូវក្រាលកៅស៊ូពីរជាន់ (DBST) និងផ្លូវបេតុងរឹងមាំ ។ទន្ទឹមនេះក៏មាន ការកសាងសំណង់ទំនប់បង្ហៀរទឹកមួយសម្រាប់​បម្រើដល់វិស័យកសិកម្មសម្រាប់ប្រជាពលរដ្ឋក្នុងតំបន់នេះផងដែរ។ កាលពីថ្ងៃចន្ទទី២៣ មីនា ឯកឧត្តម ថង សាវុន អភិបាលខេត្តមណ្ឌលគិរី និងក្រុមការងារបច្ចេកទេសចុះពិនិត្យវឌ្ឍនភាពការដ្ឋាន។ឯកឧត្តម​អភិបាលខេត្តបានហៅផ្លូវដែលកំពុងស្ថាបនានេះថា ជាខ្សែផ្លូវប្រវត្តិសាស្ត្រ ឆ្លើយតម្រូវការជាក់ស្ដែង របស់ពលរដ្ឋ​មូលដ្ឋាន។លោកថា ផ្លូវប្រវត្តិសាស្ត្រ​នេះ​នឹងក្លាយជាសរសៃឈាមសេដ្ឋកិច្ចក្នុងការកាត់បន្ថយភាពក្រីក្រ និង​ជំរុញកំណើនសេដ្ឋកិច្ច​ក្នុងខេត្តមណ្ឌលគិរី។ គួររំលឹកថា សម្រាប់អ្នកពេជ្រាដា ដែលកាលពីមុន ការដឹកជញ្ជូន​កសិផល​ទៅកាន់ទីផ្សារ ការបញ្ជូនអ្នកជំងឺទៅមន្ទីរពេទ្យ ឬការធ្វើដំណើរ​ទៅសាលា​រៀន ជួបការលំបាកខ្លាំង ជាពិសេសនៅរដូវភ្លៀង។ ឯកឧត្តម ថង សាវុន បានបញ្ជាក់ថា យើងមិនត្រឹមតែសាងសង់​ផ្លូវឱ្យ​ស្អាត​ប៉ុណ្ណោះទេ ប៉ុន្តែយើងកំពុងកសាងអនាគតដ៏ភ្លឺ​ស្វាង​សម្រាប់​កូនចៅយើង។ សូមជម្រាបថា គម្រោងកសាងផ្លូវនេះស្ថិតក្រោមគម្រោងពិពិធកម្មកសិកម្ម​កម្ពុជា (CASDP)…

ភ្នំពេញ៖ នៅថ្ងៃអង្គារទី២៤ ខែមីនា ឆ្នាំ២០២៦នេះ គណៈកម្មាធិការព្រឹទ្ធសភាថៃ បានបោះឆ្នោតគាំទ្រលុបចោលអនុស្សរណៈ​នៃការយោគយល់គ្នា លេខ៤៣(MoU៤៣) ដែលបានធ្វើជាមួយកម្ពុជានៅឆ្នាំ២០០០។ លោក ណុបប៉ាដុន អ៊ីនណា សមាជិកព្រឹទ្ធសភាថៃ និងជាប្រធានគណៈកម្មាធិការព្រឹទ្ធសភា បាននិយាយនៅថ្ងៃទី២៤ ខែមីនានេះថា គណៈកម្មាធិការវិសាមញ្ញសម្រេចជាឯកច្ឆ័ន្ទថាត្រូវតែលុបចោល MoU ឆ្នាំ២០០០ ទោះបីគ្មានការចរចារ MoU 2000 ក៏ដោយ ក៏ថៃ នៅតែមានចេតនាចង់រៀបចំព្រំដែនឱ្យបានរឹងមាំ។ MoU ៤៣ ត្រូវបានបង្កើតឡើង ដើម្បីដោះស្រាយការកំណត់ខណ្ឌសីមាតាមព្រំដែនគោករវាងកម្ពុជា និងថៃ។ លោកបណ្ឌិត គិន ភា អ្នកជំនាញផ្នែកវិទ្យាសាស្ត្រនយោបាយ ហៅការប៉ុនប៉ងលុបចោលអនុស្សរណៈ ជាមួយកម្ពុជា នេះ ថាជាចេតនាបង្ករឿង។លោកបញ្ជាក់«ការប៉ុនប៉ងម្ដងហើយម្ដងទៀតក្នុងការលុបចោលMoUឆ្នាំ២០០០ និង២០០១នេះវាច្បាស់ណាស់បង្ហាញពីចរិត​និងឥរិយា​បថដោយមានចេតនាក្នុងការប្រើប្រាស់ច្បាប់ព្រៃក្នុងការកំណត់ខណ្ឌសីមាព្រំដែន»។ បណ្ឌិត យង់ ពៅ អ្នកជំនាញភូមិសាស្ដ្រនយោបាយនៃរាជបណ្ឌិត្យសភាកម្ពុជា យល់ឃើញថាការប៉ុនប៉ងលុបចោល​អនុស្សរណៈ​ឆ្នាំ២០០០ ជាមួយកម្ពុជា គ្រាន់តែជាកេងចំណេញផ្នែកនយោបាយរបស់ថៃ ប៉ុណ្ណោះ។ លោកថាការដោះស្រាយបញ្ហាព្រំដែនរវាងកម្ពុជា និងថៃ មិនអាចពឹងផ្អែកលើកម្លាំងយោធា ហើយបោះចោលកិច្ចព្រមព្រៀងដែល​មានស្រាប់នោះឡើយ។លោកថា«ការដោះស្រាយព្រំដែនគោកកម្ពុជា និងថៃនេះមិនអាចគេចផុតពីការប្រើប្រាស់ឯកសារសន្ធិសញ្ញាដែលបន្សល់ទុកតាំងសម័យបារាំង-សៀមនោះទេ។ ហើយមិនអាចប្រើកម្លាំងវាយយកតំបន់នេះតំបន់នោះស្រេចតែចិត្តអ៊ីចឹងទេ»។ ឯកឧត្តម ចាន់ រតនា…

ភ្នំពេញ៖រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានណែនាំដល់មន្ត្រីនៅគ្រប់ក្រសួង និងស្ថាប័នឱ្យផ្អាកចូលរួមកិច្ចប្រជុំ​ក្រៅប្រទេស​ដែលពុំសូវចាំបាច់ ខណៈដែលវិបត្តិថាមពលកំពុងបន្តដោយសារសង្គ្រាមប្រឆាំងប្រទេសអ៊ីស្រាអែល។ ក្នុងសេចក្តីណែនាំចុះថ្ងៃទី ២០ មីនា ដែលបណ្តាញផ្សព្វផ្សាយទទួលបាននៅថ្ងៃអង្គារនេះ ឯកឧត្តមបណ្ឌិតអគ្គសភាចារ្យ​ឧបនាយក​រដ្ឋមន្រ្តី អូន ព័ន្ធមុន្នីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ គូសបញ្ជាក់ថា ក្នុងករណីចាំបាច់តំណាងស្ថានទូត​កម្ពុជានៅបរទេស អាចនឹងត្រូវចូលរួមកិច្ចប្រជុំជំនួសគណៈប្រតិភូពីកម្ពុជា។ បន្ថែមពីនោះ ឯកឧត្តមឧបនាយករដ្ឋមន្ត្រី​ក៏បាន​ស្នើដល់ក្រសួង-ស្ថាប័ន ឲ្យចូលរួមប្រើប្រាស់ប្រេងឥន្ធនៈ ក្នុងស្មារតីសន្សំសំចៃខ្ពស់ ដោយចៀសវាងការប្រើប្រាស់ខ្លះខ្ជាយ និងប្រើប្រាស់មិនចំគោលដៅអាទិភាព។ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា យល់ឃើញថាការដាក់ចេញវិធានការបន្តបន្ទាប់របស់រាជរដ្ឋាភិបាល គឹជាវិធានការមួយចាំបាច់ និងទាន់ពេលវេលា ដើម្បីសន្សំសំចៃថាមពល និងប្រេងឥន្ធនៈ ដែលអាចសម្រួលដល់ចរន្ត​សេដ្ឋកិច្ចកម្ពុជា។លោកបណ្ឌិតបញ្ជាក់ថា «ជាវិធានការមួយដែលទាន់ពេលវេលា ដោយសារយើងកំពុងប្រឈមនឹងកង្វះការផ្គត់ផ្គង់ប្រេងឥន្ធនៈ ក៏ដូចជាការប្រឈមង្វះថាមពលអគ្គិសនីដែរ»។ ចំណែកលោក យង់ គឹមអេង ប្រធានមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្តិភាព ចង់ឱ្យមានការអនុញ្ញាតឱ្យ​បុគ្គលិកផ្នែកខ្លះធ្វើការពីផ្ទះដើម្បីកាត់បន្ថយការចំណាយលើថ្លៃអគ្គិសនី និងជួយសម្រាលបន្ទុកលើប្រេងឥន្ធនៈរបស់បុគ្គលិក។ គិតត្រឹមថ្ងៃទី២៤ ខែមីនានេះ មានក្រសួងចំនួន៥ បានដាក់ចេញវិធានការសន្សំសំចៃថាមពលផ្ទៃក្នុង រួមមាន៖ ក្រសួងទេសចរណ៍ ក្រសួងពត៌មាន ក្រសួងបរិស្ថាន ក្រសួងអប់រំ យុវជន និងកីឡា…

សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា បានដឹកនាំគណៈប្រតិភូជាន់ខ្ពស់រណសិរ្សសាមគ្គី អភិវឌ្ឍន៍មាតុភូមិកម្ពុជា ត្រលប់មកកាន់មាតុប្រទេសប្រកបដោយសុខសុវត្តិភាព កាលពីរាត្រីថ្ងៃទី២៣ ខែមីនា ឆ្នាំ២០២៦។ តបតាមការអញ្ជើញរបស់គណៈកម្មាធិការមជ្ឈិមរណសិរ្សមាតុភូមិវៀតណាម សម្តេចកិត្តិសង្គហបណ្ឌិត ម៉ែន សំអន បានធ្វើទស្សនកិច្ចនៅទីក្រុងហាណូយ ប្រទេសវៀតណាម រយៈពេល៤ថ្ងៃ ចាប់ពីថ្ងៃទី២០ ដល់ថ្ងៃទី២៣ ខែមីនា ឆ្នាំ២០២៦ ដោយសម្រេចបាននូវលទ្ធផលដូចខាងក្រោម ៖ រណសិរ្សសាមគ្គី អភិវឌ្ឍន៍មាតុភូមិកម្ពុជា និងរណសិរ្សមាតុភូមិវៀតណាម បានចុះហត្ថលេខាលើកិច្ចព្រមព្រៀង ស្តីពីកិច្ចសហប្រតិបត្តិការ រវាងរណសិរ្សសាមគ្គីអភិវឌ្ឍន៍មាតុភូមិកម្ពុជា និងគណៈកម្មាធិការមជ្ឈិមរណសិរ្សមាតុភូមិវៀតណាម (សម្រាប់ឆ្នាំ ២០២៦-២០៣១) ក្នុងគោលបំណងដើម្បីបន្តពង្រឹងនិងពង្រីកកិច្ចសហប្រតិបត្តិការរវាងរណសិរ្ស និងរណសិរ្ស, ប្រជាជននិងប្រជាជន និងប្រទេសនិងប្រទេស ស្របតាមទិសស្លោក «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង»។ នៅឆ្នាំ២០២៧ រណសិរ្សទាំងពីរ បានឯកភាពគ្នាក្នុងសហការ សម្របសម្រួលរៀបចំប្រារព្ធខួបលើកទី ៦០ នៃការបង្កើតទំនាក់ទំនងការទូតរវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម(ថ្ងៃទី២៤ខែមិថុនា ឆ្នាំ១៩៦៧ – ថ្ងៃទី២៤ ខែមិថុនា ឆ្នាំ២០២៧) ស្របតាមសេចក្តីណែនាំ និងគោលនយោបាយរបស់រដ្ឋាភិបាលវៀតណាម…