ភ្នំពេញ៖លោកជំទាវ ជា សិរី ទេសាភិបាលធនាគារជាតិនៃកម្ពុជា នៅថ្ងៃចន្ទនេះបានស្នើសុំប្រជាពលរដ្ឋកុំសម្រុកទៅដកប្រាក់ចេញពីធនាគារ APD ក្នុងពេលតែមួយដំណាលគ្នា ដើម្បីទុក លទ្ធភាព ឲ្យ ធនាគារ សងប្រាក់ត្រឡប់ មកវិញ ។ការលើកឡើងនេះ ធ្វើឡើង ភ្លាមៗក្រោយពីប្រជាពលរដ្ឋជាច្រើន បាន មកតម្រង់ជួរនៅធនាគារ APD ក្នុងតំបន់បឹងកក់ កាលពីព្រឹកថ្ងៃចន្ទទី១៦ ខែមីនា នេះ ដើម្បីដកប្រាក់។ លោកជំទាវ ពន្យល់ថា ធនាគារមិនអាចបង្វិលប្រាក់សងអតិថិជនទាន់ពេលឡើយ ប្រសិនបើ អតិថិជន សម្រុក ដក ប្រាក់ ក្នុងពេលតែមួយដំណាលគ្នាបែបនេះ។លោកជំទាវបញ្ជាក់ថា«ក្នុងពេលដែលអតិថិជន អ្នកដាក់ប្រាក់បញ្ញើគាត់សម្រុកមកដកប្រាក់ចេញពីគ្រឹះស្ថាននោះទាំងអស់ក្នុងពេលតែមួយ ពេលនោះធនាគារគាត់នឹងជួបបញ្ហាសន្ទនាភាព។ បានន័យថាលុយគាត់បង្វិលអត់ទាន់ មិនមែនមានន័យថាគាត់អត់មានលុយសងទេ»។លោកជំទាវ ជា សិរី ពន្យល់ថា ការដាក់ប្រាក់ក្នុងធនាគារ សុទ្ធតែមានកាលកំណត់ ដូច្នេះ អតិថិជនមិនអាចចេះតែសម្រុកទៅដកប្រាក់ក្នុងពេលតែមួយដំណាលគ្នានោះទេ ព្រោះវានឹងអាចប៉ះពាល់ដល់ការធ្វើប្រតិបត្តិការរបស់ប្រព័ន្ធធនាគារ។កាលពីយប់ថ្ងៃទី១៥ ខែមីនា ឆ្នាំ២០២៦ ធនាគារ APD បានចេញសេចក្ដីប្រកាសមួយស្ដីពីការផ្អាករាល់ប្រតិបត្តិការទាំងអស់របស់ធនាគារ ជាបណ្ដោះអាសន្ន ហើយអតិថិជនម្នាក់ អាចដកប្រាក់ត្រឹមតែ ៣០០ដុល្លារប៉ុណ្ណោះ ក្នុងមួយថ្ងៃ…

ទីក្រុងតូក្យូ៖ តបតាមការអញ្ជើញរបស់ ឯកឧត្ដម Hayashi Yoshimasa រដ្ឋមន្ត្រីក្រសួងកិច្ចការផ្ទៃក្នុងនិងសារគមនាគមន៍ជប៉ុន ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍បានអញ្ជើញចូលរួមកិច្ចប្រជុំលើកទី២នៃ “ក្រុមប្រទេសជាមិត្តនៃដំណើរការហ៊ីរ៉ូស៊ីម៉ាស្ដីពីបញ្ញាសិប្បនិម្មិត (Hiroshima AI Process Friends Group)” នាថ្ងៃទី១៥-១៦ ខែមីនា ឆ្នាំ២០២៦ នៅទីក្រុងតូក្យូ ប្រទេសជប៉ុន ដោយមានការចូលរួមពីរដ្ឋមន្រ្តីនិងថ្នាក់ដឹកនាំទទួលបន្ទុកឌីជីថល អង្គការអន្តរជាតិ និងក្រុមហ៊ុនបច្ចេកវិទ្យានានានៃក្រុមប្រទេសជាមិត្ត។ ឯកឧត្ដមរដ្ឋមន្ត្រី បានអញ្ជើញថ្លែងសុន្ទរកថាគន្លឹះអំពីការចាប់យកនិងអភិបាលកិច្ចបញ្ញាសិប្បនិម្មិត ដោយបានគូសបញ្ជាក់អំពីបទពិសោធននិងទស្សនវិស័យរបស់កម្ពុជា ពិសេសផ្តោតលើសារៈសំខាន់នៃកិច្ចសហការដើម្បីដោះស្រាយបញ្ហាប្រឈមរួមគ្នា និងជំរុញការប្រើប្រាស់បញ្ញាសិប្បនិម្មិតប្រកបដោយការទទួលខុសត្រូវ សុវត្ថិភាព សន្តិសុខ និងទំនុកចិត្ត ស្របតាមគោលការណ៍រួមមានជាអាទិ៍តម្លាភាព យុត្តិធម៌ និងនរាទិភាព (human-centricity) ពោលគឺការផ្ដល់អាទិភាពលើមនុស្ស។ ក្នុងឱកាសនេះដែរ ឯកឧត្ដមរដ្ឋមន្ត្រី បានជួបពិភាក្សាទ្វេភាគីជាមួយ ឯកឧត្ដម Hayashi Yoshimasa រដ្ឋមន្ត្រីក្រសួងកិច្ចការផ្ទៃក្នុងនិងសារគមនាគមន៍ជប៉ុន។ ឯកឧត្ដមរដ្ឋមន្ត្រីទាំងពីររូបបានពិភាក្សាអំពីកិច្ចការបញ្ញាសិប្បនិម្មិតនៅប្រទេសទាំងពីរ ព្រមទាំងបានចែករំលែកទៅវិញទៅមកនិងសម្ដែងក្ដីរីករាយអំពីវឌ្ឍនភាពនៃកិច្ចសហការក្រោមក្របខណ្ឌកំណត់ហេតុរួម ដែលបានចុះហត្ថលេខាកាលពីខែមករា កន្លងទៅនេះ និងកិច្ចសហការទ្វេភាគីផ្សេងទៀតទាំងលើផ្នែកហេដ្ឋារចនាសម្ព័ន្ធឌីជីថល សន្តិសុខសាយប័រ ធនធានមនុស្សឌីជីថល និងបញ្ញាសិប្បនិម្មិត។ ឯកឧត្ដមរដ្ឋមន្ត្រីទាំងពីរបានប្ដេជ្ញាបន្តពង្រឹងកិច្ចសហការទ្វេភាគីរវាងកម្ពុជានិងជប៉ុនលើផ្នែកឌីជីថលនិងបញ្ញាសិប្បនិម្មិតឱ្យកាន់តែរឹងមាំបន្ថែមទៀត ដើម្បីប្រយោជន៍ប្រជាជាតិទាំងពីរ។ កិច្ចប្រជុំនេះមានកិច្ចប្រជុំពិភាក្សាតុមូល…

ភ្នំពេញ៖ឯកអគ្គរាជទូតដាណឺម៉ាកប្រចាំនៅកម្ពុជា បង្ហាញនូវការពេញចិត្តចំពោះជំហររបស់កម្ពុជា ក្នុងការដោះស្រាយបញ្ហា​ព្រំដែន​រវាងកម្ពុជា និងថៃ ដោយឈរលើការគោរពបទឈប់បាញ់ និងការដោះស្រាយបញ្ហាដោយសន្តិវិធី ។ កាលពីព្រឹកថ្ងៃទី១៦ ខែមីនា ឆ្នាំ២០២៦​សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជា​ណា​ចក្រកម្ពុជា អនុញ្ញាតឱ្យឯកឧត្តម ដែននី អានណាន (Danny Annan) ឯកអគ្គរាជទូតនៃព្រះរាជាណាចក្រដាណឺម៉ាកប្រចាំនៅកម្ពុជា អញ្ជើញជួបសម្តែងការគួរសម និងពិភាក្សាការងារនៅវិមានសាមគ្គីភាព នៃព្រឹទ្ធសភា ។ ឯកឧត្តម ជា ធីរិទ្ធ អ្នកនាំពាក្យព្រឹទ្ធសភាបានប្រាប់អ្នកយកព័ត៌មានក្រោយជំនួបនៃឥស្សរជនជាន់ខ្ពស់ទាំងពីរថានៅ​ក្នុងឱកាស​នោះ សម្ដេចតេជោបានចែករំលែកអំពីស្ថានការណ៍អន្តរជាតិមួយចំនួនដែលកើតមានឡើងនៅពេលបច្ចុប្បន្ន ជាពិសេស បញ្ហា​ព្រំដែនរវាងកម្ពុជានិងថៃ ដែលបានកើតឡើងនាពេលកន្លងមកនេះ ដែលភាគីទាំងពីរកំពុងតែរក្សាគោលជំហរបទឈប់បាញ់ ហើយសម្ដេចបានបញ្ជាក់អំពីជំហររបស់រដ្ឋាភិបាលកម្ពុជានាពេលកន្លងមក គឺគាំទ្រចំពោះការរក្សានូវជំហរនៃការគោរពបទ​ឈប់បាញ់ និងការដោះស្រាយបញ្ហា និងការចរចាដោយសន្តិវិធី ។ ចំណែក​ឯកឧត្តម ឯកអគ្គរាជទូតដាណឺម៉ាក បានពេញចិត្តចំពោះជំហររបស់កម្ពុជា ក្នុងការដោះស្រាយបញ្ហាព្រំដែនរវាងកម្ពុជា និងថៃ ដោយឈរលើការគោរពបទឈប់បាញ់ និងការដោះស្រាយបញ្ហាដោយសន្តិវិធី ។ គួររម្លឹកថា សង្គ្រាមចុងក្រោយរយៈពេល២១ថ្ងៃ បានធ្វើឱ្យពលរដ្ឋខ្មែរជាង ៦៤ម៉ឺននាក់ ភៀសខ្លួនពីលំនៅដ្ឋាន និងពលរដ្ឋជាង ៣០នាក់ទៀត បានបាត់បង់ជីវិត។ភាគីថៃ មិនត្រឹមតែបំផ្លាញផ្ទះសម្បែងពលរដ្ឋប៉ុណ្ណោះទេ ប៉ុន្តែថែមទាំងបានរំលោភ​បំពានដែនអធិបតេយ្យភាព…

សៀមរាប៖លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា (GGAC) បានមាន​ប្រសាសន៍ថា សមាគមកាយឫទ្ធិនារីកម្ពុជា កំពុងជួយដល់យុវតីកម្ពុជាឱ្យកាន់តែមានភាពរឹងមាំ និងទទួលបានបទពិសោធន៍ ចំណេះដឹងល្អៗ ពីថ្នាក់ដឹកនាំជាតិ តំបន់ និងអន្តរជាតិ ជាមួយនឹងការចូលរួមក្នុងសកម្មភាពសង្គមជាច្រើន ។ ក្នុងពិធីជួបសំណេះសំណាលជាមួយសមាជិកា សមាជិកសមាគមកាយឫទ្ធិនារីកម្ពុជាសាខាខេត្តសៀមរាប កាលពីចុង​សប្ដាហ៍លោកជំទាវបណ្ឌិត ពេជ ចន្ទមុន្នី បានបង្ហាញនូវអារម្មណ៍រំភើបរីករាយយ៉ាងពេញចិត្ត ចំពោះសមាជិក សមាជិកា និងកុមារី យុវតី របស់សមាគមកាយឫទ្ធិនារីកម្ពុជា សាខាខេត្តសៀមរាប ប្រកបដោយសុខភាពល្អ មាំមួន ការរីកចម្រើនផ្នែកចំណេះវិជ្ជា ប្រាជ្ញាស្មារតី រួមទាំងមានក្រមសីលធម៌ល្អ សមត្ថភាពពេញលេញ និងជំនឿជាក់យ៉ាងមុតមាំ លើខ្លួនឯង ក្រោយពីទទួលបាន​ការរៀនសូត្រ និងបណ្តុះបណ្តាលពីសមាគម ក្នុងរយៈពេល ៤ឆ្នាំមកនេះ ។ លោកជំទាវបណ្ឌិត បានបន្តថា មួយវិញទៀតសម្រាប់យុវតីដែលភាពរឹងមាំ និងមានចំណេះជំនាញល្អ ជាពិសេសភាសាអង់គ្លេស ក៏ត្រូវបានលើកទឹកចិត្តឲ្យចូលរួម ក្នុងកម្មវិធីអន្តរជាតិ ទាំងនៅក្នុងតំបន់ និងអន្តរជាតិ ហើយទទួលបាននូវការចែក​រំលែកចំណេះ​ដឹង ពីថ្នាក់ដឹកនាំនៃយុវជនកាយឫទ្ធិអន្តរជាតិ ដែលត្រង់ចំណុចនេះ យុវតីដទៃទៀតគួរសិក្សាស្វែងយល់ពីពួកគេ ដែលទទួល​បានការលើកទឹកចិត្តទាំងនោះ…

ភ្នំពេញ៖៖រោងចក្រកែច្នៃផ្លែស្វាយរបស់ក្រុមហ៊ុន Khun Da Sambath Co., Ltd. ដែលមានទីតាំងនៅជាប់ផ្លូវល្បឿនលឿន ចន្លោះ​គីឡូ ម៉ែត្រលេខ៧៣-៧៤ ក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ត្រូវបានរកឃើញថា ដំណើរការដោយគ្មាន​ច្បាប់​ពាក់ព័ន្ធវិស័យបរិស្ថាន និងបានបង្ហូរកាកសំណល់រាវចេញក្រៅរោងចក្របង្កឱ្យប៉ះពាល់បរិស្ថាន និងជះក្លិន ស្អុយប៉ះពាល់​ដល់​ការរស់នៅរបស់ប្រជាពលរដ្ឋ។ភ្លាមៗនោះ មន្រ្តីជំនាញក្រសួងបរិស្ថានបានចាត់វិធានការចាំបាច់មួយចំនួនឱ្យម្ចាស់រោងចក្រមួយនេះបំពេញកាតព្វកិច្ច។ កាលពីថ្ងៃទី១៣ ខែមីនា ឆ្នាំ២០២៦ ក្រុមការងារអធិការកិច្ចនៃអគ្គនាយកដ្ឋានគាំពារ បរិស្ថាន ក្រសួងបរិសា្ថន បានចុះ​ទៅដល់ទីតាំងរោងចក្រកែច្នៃផ្លែស្វាយរបស់ក្រុមហ៊ុន Khun Da Sambath Co., Ltd. ដែលមានទីតាំងនៅជាប់​ផ្លូវល្បឿនលឿន ចន្លោះ​គីឡូម៉ែត្រលេខ៧៣-៧៤ ក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។មន្រ្តីអធិការកិច្ចបានរកឃើញថា ក្រុមហ៊ុន​បាន​ប្រព្រឹត្តល្មើសទៅនឹង មាត្រា១៦១ មាត្រា១៧៣ មាត្រា៦៦៨ និងមាត្រ៨៤៥ នៃក្រមបរិស្ថាន និងធនធានធម្មជាតិ និងអនុក្រឹត្យ​លេខ៤២ និងអនុក្រឹត្យលេខ ១០៣ ស្ដីពីការត្រួតពិនិត្យការបំពុលទឹក។  ក្រោយការរកឃើញក្រសួងបរិស្ថានបានចាត់វិធានការចាំបាច់ចំនួន៦ចំណុច ក្នុងនេះ៖១. ក្រុមហ៊ុនត្រូវបញ្ឈប់​ការបញ្ចេញ​បង្ហូរ​សំណល់រាវចេញពីទីតាំងក្រុមហ៊ុនជាបន្ទាន់។ ២. ក្រុមហ៊ុននឹងទទួលរងនូវពិន័យអន្តរកាល។ ៣. ក្រុមហ៊ុនត្រូវផ្ដល់​សំណង​ការខូចខាតបរិស្ថាន និងត្រូវស្តារបរិស្ថានឡើងវិញនៅទីតាំង ដែលទទួលរងការបំពុល។…

ភ្នំពេញ៖ ព្រឹកថ្ងៃទី១២ ខែមីនា ឆ្នាំ២០២៦ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ (ក.ប.ទ.) បានទទួលជំនួបសម្តែងការគួរសមនិងពិភាក្សាការងារជាមួយ Ms. Carolyn Florey អ្នកជំនាញអភិវឌ្ឍន៍ឌីជីថល តំណាងធនាគារអភិវឌ្ឍន៍អាស៊ី (Asian Development Bank – ADB) ដើម្បីពិភាក្សាលើគម្រោង “Building Resilience for Integrated Digital Governance and Efficiency in Cambodia (BRIDGE)” នៅទីស្ដីការ ក.ប.ទ.។ក្នុងជំនួបនេះ Ms. Carolyn Florey បានថ្លែងអំណរគុណចំពោះការទទួលស្វាគមន៍ និងការផ្ដល់កិច្ចសហប្រតិបត្ដិការប្រកបដោយការយកចិត្ដទុកដាក់ពី ក.ប.ទ. តាមរយៈ ឯកឧត្តមរដ្ឋលេខាធិការ សុខ ពុទ្ធិវុធ ដែលបានបង្ហាញការចាប់អារម្មណ៍ក្នុងការពង្រឹងនិងពង្រីកកិច្ចសហការប្រតិបត្ដិការរវាងក្រសួង និង ADB ដោយក្នុងនោះ បានគូសបញ្ជាក់ថាគម្រោង BRIDGE នេះ នឹងត្រូវអនុម័តនៅឆ្នាំ២០២៧។ជាការឆ្លើយតប ឯកឧត្តមរដ្ឋលេខាធិការ សុខ ពុទ្ធិវុធ…

ភ្នំពេញ៖ នៅថ្ងៃទី៦ ខែមីនា ឆ្នាំ២០២៦ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ (ក.ប.ទ.) បានអញ្ជើញដឹកនាំក្រុមការងាររៀបចំគោលនយោបាយអភិបាលកិច្ចទិន្នន័យនិងទិន្នន័យបើកចំហ ចូលរួមកិច្ចប្រជុំពិភាក្សាជាមួយលោកជំទាវ ហង់ លីណា រដ្ឋលេខាធិការក្រសួងផែនការ ដើម្បីពិគ្រោះយោបល់លើសេចក្តីព្រាងគោលនយោបាយអភិបាលកិច្ចទិន្នន័យ ២០២៦-២០៣៥ នៅទីស្ដីការក្រសួងផែនការ។ កិច្ចប្រជុំនេះ បានពិភាក្សាអំពីការរៀបចំអភិបាលកិច្ចទិន្នន័យ និងការរៀបចំបច្ចេកទេសគាំទ្រ ដើម្បីស្វែងយល់អំពីចក្ខុវិស័យ គោលបំណង គោលដៅជាយុទ្ធសាស្រ្ត ព្រមទាំងសកម្មភាពអាទិភាពក្នុងសេចក្តីព្រាងគោលនយោបាយអភិបាលកិច្ចទិន្នន័យ។ ក្រុមការងារ ក.ប.ទ. និងក្រសួងផែនការ នឹងបន្តសហការ ដើម្បីពង្រីកការគ្រប់គ្រងទិន្នន័យឱ្យកាន់តែប្រសើរ ដែលអាចគាំទ្រដល់ប្រព័ន្ធទិន្នន័យស្ថិតិជាតិ និងការរៀបចំអភិបាលកិច្ចទិន្នន័យនិងទិន្នន័យបើកចំហ៕ ដោយ៖ង៉ាន់ ទិត្យ

ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល នៅរសៀលថ្ងៃទី១២ ខែមីនា ឆ្នាំ២០២៦ បានអញ្ជើញជាគណៈអធិបតីក្នុង “ពិធីប្រកាសដាក់ឱ្យប្រើប្រាស់ជាផ្លូវការប្រព័ន្ធអេឡិចត្រូនិកចុះបញ្ជីផ្តល់ថ្នាំបង្ការ (EIR) និងប្រព័ន្ធគ្រប់គ្រងព័ត៌មានមូលដ្ឋានសុខាភិបាល (HFMIS)”។ ពិធីប្រកាសដាក់ឱ្យប្រើប្រាស់ជាផ្លូវការនេះ មានការអញ្ជើញចូលរួមដោយផ្ទាល់ពី ជាថ្នាក់ដឹកនាំ មន្ត្រីរាជការនៃ កសាស្ត្រាចារ្យ វេជ្ជបណ្ឌិត គ្រូពេទ្យ និងបុគ្គលិកសុខាភិបាល នៃមន្ទីរពេទ្យជាតិ មន្ទីរពេទ្យខេត្ត មន្ទីរពេទ្យបង្អែកស្រុក មណ្ឌលសុខភាព តំណាងរដ្ឋបាលរាជធានី ខេត្ត មន្ទីរសុខាភិបាលរាជធានី ខេត្ត និងតំណាងអង្គការសុខភាពពិភពលោក (WHO) អង្គការយូនីសេហ្វ (UNICEF) អង្គការ CHAI អង្គការ GAVI និងដៃគូអភិវឌ្ឍន៍នានា សរុបចំនួនប្រមាណ ៣៦០នាក់ និងតាមប្រព័ន្ធវីដេអូសន្និសីទ (កម្មវិធី Zoom) ប្រមាណជាង ៣ ០០០នាក់។ កន្លងមក ក.ស.ប. និង ក.ប.ទ. បានសហការគ្នាអភិវឌ្ឍប្រព័ន្ធចាក់វ៉ាក់សាំង (vaccine.gov.kh)…