ភ្នំពេញ ៖ ក្នុងជំហានដ៏សំខាន់មួយឆ្ពោះទៅរកការលុបបំបាត់ភាពកង្វះអាហារូបត្ថម្ភ រាជរដ្ឋាភិបាលកម្ពុជា តាមរយៈក្រសួងផែនការ បានប្រកាសដាក់ឱ្យប្រើប្រាស់ជាផ្លូវការនូវ «យុទ្ធសាស្ត្រជាតិស្តីពីការបញ្ចូលមីក្រូសារជាតិក្នុងចំណីអាហារ ២០២៥-២០៣០» នៅសណ្ឋាគារ សាន់ & មួន រីវើសាយ ក្រោមវត្តមានមន្ត្រីជាន់ខ្ពស់រាជរដ្ឋាភិបាល ដៃគូអភិវឌ្ឍន៍ និងតំណាងវិស័យឯកជន នាថ្ងៃទី០៣ ខែមីនា ឆ្នាំ២០២៦ ។ យុទ្ធសាស្ត្រជាតិថ្មីនេះ ត្រូវបានរៀបចំឡើងក្នុងគោលបំណងលើកកម្ពស់ស្ថានភាព អាហារូបត្ថម្ភរបស់ប្រជាជនកម្ពុជា តាមរយៈការកែច្នៃ និងបន្ថែមមីក្រូសារជាតិសំខាន់ៗ ទៅក្នុងចំណីអាហារមូលដ្ឋាន។ ផែនការរយៈពេល ៥ឆ្នាំនេះ នឹងផ្តោតសំខាន់ លើការដោះស្រាយបញ្ហាកង្វះវីតាមីន និងសារធាតុរ៉ែ ដែលជាមូលហេតុចម្បង បង្កឱ្យមានភាពស្លេកស្លាំង និងការយឺតយ៉ាវក្នុងការលូតលាស់ ជាពិសេសចំពោះស្ត្រី និងកុមារ។ ស្របពេលជាមួយគ្នានេះ គេសង្កេតឃើញមានសមិទ្ធផលគួរឱ្យកត់សម្គាល់ តាមរយៈក្រសួងអប់រំ យុវជន និងកីឡា ដែលបាននិងកំពុងអនុវត្តកម្មវិធីផ្តល់អាហារ ដល់កុមារនៅតាមសាលារៀនគោលដៅ ដោយប្រើប្រាស់ «អង្ករបញ្ចូលមីក្រូសារជាតិ»។ អង្ករប្រភេទនេះ ត្រូវបានបន្ថែមនូវវីតាមីន និងសារធាតុរ៉ែសំខាន់ៗដូចជា ជាតិដែក (Iron), ជាតិអ៊ីយ៉ូត (Iodine) និងវីតាមីន A ជាដើម…

(ភ្នំពេញ)៖ លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃទី៤ ខែមីនា ឆ្នាំ២០២៦នេះ បានជំរុញដល់ម្ចាស់ ឬនាយកសហគ្រាស គ្រឹះស្ថានទាំងអស់ឱ្យយកចិត្តទុកដាក់ខ្ពស់ក្នុងការលើកកម្ពស់សុវត្ថិភាព និងសុខភាពការងាររបស់កម្មករនិយោជិតដើម្បីការពារកុំឱ្យមានការដួលសន្លប់ក្នុងអំឡុងពេលបំពេញការងារក្នុងរដូវក្តៅ។ លោក ស៊ុន មេសា ៖ «នេះជាការគិតគូរយកចិត្តទុកដាក់ពីសំណាក់ ឯកឧត្តម ហេង សួរ រដ្ឋមន្ត្រីក្រសួងការងារ ចំពោះកម្មករនិយោជិត ក៏ដូចជាប្រយោជន៍របស់ក្រុមហ៊ុន រោងចក្រ សហគ្រាស ដើម្បីធានាថា បរិយាកាសនៅកន្លែងធ្វើការរក្សាបានភាពល្អប្រសើរ ប្រកបដោយសុវត្ថិភាព និងការពារកុំឱ្យមានការដួលសន្លប់ក្នុងពេលបំពេញការងារ នៅពេលអាកាសធាតុក្តៅ»។ លោកបានលើកឡើងថា វិធានការចាំបាច់មួយចំនួនដែលម្ចាស់ ឬនាយកសហគ្រាស គ្រឹះស្ថានទាំងអស់អាចអនុវត្តបាននៅរដូវក្តៅរួមមាន ការត្រួតពិនិត្យ និងថែទាំជាប្រចាំនូវប្រព័ន្ធបញ្ចេញបញ្ចូលខ្យល់នៅតាមអគារធ្វើការ និងបើកឱ្យដំណើរការឱ្យបានយ៉ាងហោចណាស់ ១ម៉ោង មុនពេលអនុញ្ញាតឱ្យកម្មករនិយោជិតចូលធ្វើការ។ បើកបង្អួច ទ្វារទាំងអស់ ឬបន្ថែមកង្ហារបញ្ចេញខ្យល់ ឬបឺតខ្យល់ចេញ នៅកន្លែងធ្វើការដែលមិនមាន លំហូរខ្យល់គ្រប់គ្រាន់ និងរៀបចំទុកដាក់សម្ភារៈនិងវត្ថុធាតុដើមឱ្យមានសណ្តាប់ធ្នាប់ និងសុវត្ថិភាព។ អ្នកនាំពាក្យរូបនេះបន្តថា បន្ថែមពីនេះត្រូវផ្គត់ផ្គង់ទឹកស្អាតឱ្យបានគ្រប់គ្រាន់ស្របតាមការកើនកម្ដៅនៃអាកាសធាតុ និងណែនាំដល់កម្មករ និយោជិតឱ្យបរិភោគទឹកស្អាតឱ្យបានញឹកញាប់ ព្រមទាំងស្លៀក សម្លៀកបំពាក់សមស្របតាមស្ថានភាពអាកាសធាតុ។ ជាមួយគ្នានោះ…

ទីក្រុងសូហ្វីយ៉ា, សាធារណរដ្ឋប៊ុលហ្គារី – កាលពីសប្តាហ៍កន្លងទៅនេះ ឯកអគ្គរាជទូតកម្ពុជា ប្រចាំសាធារណរដ្ឋប៊ុលហ្គារី បានទទួលពានកាក់មាស ក្នុងព្រឹត្តិការណ៍អន្តរជាតិមួយ ដែល រៀបចំដោយ Conncil of Europe’s Scien Tificand cultural Community ដែលមានការចូលរួមរបស់អ្នកសម្ដែង និងតំណាងអន្តរជាតិជាច្រើន។ កាក់មាសនេះត្រូវបានផ្តល់ឱ្យឯកអគ្គរាជទូត ដើម្បីបង្ហាញអំពីការរួមចំណែកដ៏សំខាន់ក្នុងការលើកកម្ពស់វិស័យវប្បធម៌ និងវិទ្យាសាស្ត្រ និងការចូលរួមក្នុងកម្មវិធីសហប្រតិបត្តិការពហុប្រទេស។ ព្រឹត្តិការណ៍នេះបានរំលឹកឱ្យដឹងពីសមត្ថភាពវិជ្ជាជីវៈ និងការប្រឹងប្រែងយ៉ាងខ្លាំងរបស់ ឯកឧត្តមបណ្ឌិត ជា ច័ន្ទបរិបូរណ៍ ដែលកាន់តំណែងជា ឯកអគ្គរដ្ឋទូតវិសាមញ្ញ និងពេញសមត្ថភាពព្រះរាជាណាចក្រកម្ពុជា ប្រចាំសាធារណរដ្ឋប៊ុលហ្គារី។ ឯកឧត្តមបណ្ឌិត ជា ច័ន្ទបរិបូរណ៍ បានចូលរួមយ៉ាងសកម្មក្នុងកម្មវិធីបឋកថា ទៅកាន់និសិត្ស និងសិស្សានុសិស្សមហាវិទ្យាល័យ និងវិទ្យាស្ថានមួយចំនួន នៅសាធារណរដ្ឋប៊ុលហ្គារី។ ការធ្វើបឋកថានេះមិនត្រឹមតែផ្តល់ចំណេះដឹង និងបទពិសោធន៍ដល់និសិត្សតែប៉ុណ្ណោះទេ ប៉ុន្តែថែមទាំងជំរុញការយល់ដឹងអំពីទំនាក់ទំនងវប្បធម៌ និងកិច្ចសហប្រតិបត្តិការអន្តរជាតិ។ ក្នុងសាររបស់ឯកឧត្តមបណ្ឌិត ជា ច័ន្ទបរិបូរណ៍ បានអះអាងថា ការចូលរួមក្នុងកម្មវិធីបឋកថា និងការចែករំលែកចំណេះដឹងជាមួយនិសិត្ស គឺជាការផ្តល់ឱកាសដ៏មានតម្លៃសម្រាប់ការលើកកម្ពស់សមត្ថភាពវិជ្ជាជីវៈ និងការយល់ដឹងពិភពលោក។ នេះជាការសម្គាល់ពីសកម្មភាពសំខាន់របស់កម្ពុជាក្រោមការដឹកនាំរបស់ឯកឧត្តមបណ្ឌិត ជា ច័ន្ទបរិបូរណ៍…

ភ្នំពេញ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារ​សាធារណៈ បានលើកទឹកចិត្តយុវជនឱ្យ ក្លាយជាអ្នក ផលិតមាតិកាវប្បធម៌ ជាសិល្បករឌីជីថល និងជាអ្នកផ្សព្វផ្សាយអំពីតម្លៃនៃវប្បធម៌ខ្មែរ​នៅលើ​ឆាក​ជាតិ និងអន្តរជាតិ ។បន្ថែមលើ​នេះ​ យើងគួរជំរុញឱ្យ ពលរដ្ឋម្នាក់ ជាមគ្គុទ្ទេសក៍វប្បធម៌ជាតិម្នាក់ ។ ក្នុងឱកាសអញ្ជើញជាតំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីក្នុងពិធីអបអរសាទរ ទិវាវប្បធម៌ជាតិ៣មីនា ឆ្នាំ២០២៦ និងពិធីសំណេះសំណាលជាមួយសិល្បករ សិល្បការិនី ទូទាំងប្រទេសលើកទី៧ នៅសាល សន្និសីទចតុម្មុខនារសៀលថ្ងៃទី៣ ខែមីនា ឆ្នាំ២០២៦ឯកឧត្តមឧបនាយករដ្ឋមន្ត្រី ហ៊ុន ម៉ានី បានលើកទឹកចិត្ត​ឱ្យជំរុញការ​ប្រើប្រាស់ឌីជីថលជាជំនួយដល់វិស័យសិល្បៈ ។ឯកឧត្តមបញ្ជាក់ប្រាប់អ្នកចូលរួមថា ឌីជីថលូបនីយកម្មក្នុងវិស័យសិល្បៈវប្បធម៌ មិនត្រឹមតែជួយដល់ពិពិធកម្ម​ផលិតផល និងសេវាកម្មទេសចរណ៍ បង្កើនភាពទាក់ទាញដល់ការទស្សនា សិក្សាស្វែងយល់របស់​ភ្ញៀវ​ប៉ុណ្ណោះទេ តែថែមទាំងអាចផ្សព្វផ្សាយពីវប្បធម៌ខ្មែរយើងទៅកាន់ពិភពលោកបានយ៉ាងទូលំទូលាយនិងឆាប់រហ័ស និងជួយ​ដល់ការអភិរក្ស ថែរក្សាកេរដំណែលដ៏មានតម្លៃរបស់យើង ឱ្យបានគង់វង្ស យូរអង្វែង សម្រាប់ជំនាន់បច្ចុប្បន្ន និងកូនចៅជំនាន់​ក្រោយថែមទៀតផង។ ជាការកត់សម្គាល់របស់ឯកឧត្តម ហ៊ុន ម៉ានី គឺក្នុងរយៈពេលចុងក្រោយនេះបាន​សង្កេតឃើញនូវការប៉ុនប៉ងយកមរតកវប្បធម៌​របស់ជាតិទៅបកស្រាយខុសពីប្រភពដើម។ ឯកឧត្តមគូសបញ្ជាក់ថា វប្បធម៌ សិល្បៈ ទំនៀមទម្លាប់ ប្រពៃណី…

ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជា​ណាចក្រកម្ពុជា អញ្ជើញជាអធិបតីបើកកិច្ចប្រជុំកំពូល ធុរកិច្ចអាស៊ាន-កម្ពុជា ឆ្នាំ២០២៦ នៅសណ្ឋាគារសូហ្វីតែល រាជធានីភ្នំពេញ នាព្រឹកថ្ងៃពុធ ទី៤ ខែមីនា ឆ្នាំ២០២៦ ដោយមានការអញ្ជើញចូលរួមពីឯកឧត្តម​បណ្ឌិត កៅ គឹមហួន អគ្គលេខាធិការអាស៊ាន ថ្នាក់ដឹកនាំរាជរដ្ឋាភិបាល ភ្ញៀវកិត្តិយស​ជាតិ និងអន្តរជាតិ ជាច្រើនរូប ។ កិច្ចប្រជុំកំពូលនេះ រៀបចំឡើងនៅសណ្ឋាគារសូហ្វីតែលភ្នំពេញ រយៈពេល ២ថ្ងៃ ក្រោម​ប្រធាន​បទ «បរិវត្តកម្មអាស៊ាន៖ នវានុវត្តន៍ សមាហរណកម្ម និងការវិវត្តន៍ឧស្សាហកម្ម»។ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុម​ប្រឹក្សា​ពិគ្រោះយោបល់ធុរកិច្ចអាស៊ានសម្រាប់កម្ពុជា បានឱ្យដឹងថា កិច្ចប្រជុំកំពូលធុរកិច្ចអាស៊ានកម្ពុជា ឆ្នាំ២០២៦ គឺជាវេទិកាដ៏មាន​សារសំខាន់​ប្រចាំឆ្នាំ ដែល​នឹងជជែកពិភាក្សា​ពីការធ្វើធុរកិច្ចរវាងអាស៊ាន និងកម្ពុជា ដើម្បីឆ្លើយតបទៅ​នឹងបញ្ហា​ប្រឈម​នាពេលបច្ចុប្បន្ន និងការ​ស្វែងរកនូវកាលានុវត្ត​ភាព​ថ្មីៗបន្តទៀត ។ កិច្ចប្រជុំកំពូលនេះ នឹង​ពិភាក្សា និងចែករំលែកនូវព័ត៌មាននានា ពីមន្ត្រីជាន់​ខ្ពស់របស់កម្ពុជា ក៏ដូចជាអ្នកធ្វើ​ធុរកិច្ច។ កិច្ចពិភាក្សា នៃកិច្ចប្រជុំកំពូលធុរកិច្ច ក៏នឹងផ្តោតលើសក្តានុពល…