ឆ្លើយតបទៅនឹងសំណួររបស់សារព័ត៌មានពាក់ព័ន្ធនឹងការផ្សាយរបស់បណ្តាញព័ត៌មាន Al Jazeera លើករណី Long Bay ក្នុងខេត្តកោះកុង ថាតើអាចប៉ះពាល់ដល់រូបភាព និងកិច្ចខិតខំប្រឹងប្រែងរបស់កម្ពុជាដែរឬយ៉ាងណានោះ ឯកឧត្តម ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស ជាអនុប្រធានប្រចាំការ និងប្រធានលេខាធិការដ្ឋាននៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) បានបញ្ជាក់ថា សកម្មភាពដែលត្រូវបានបង្ហាញនៅក្នុងរបាយការណ៍នោះ គឺជាសកម្មភាពដែលកើតឡើងមុនពេលមានយុទ្ធនាការបោសសម្អាតទ្រង់ទ្រាយធំរបស់អាជ្ញាធរកម្ពុជាតែប៉ុណ្ណោះ។ ដូច្នេះ ការផ្សាយនេះ​ គឺបានស្តែងឱ្យឃើញ និងឆ្លុះបញ្ចាំងយ៉ាងច្បាស់ថា ពេលនេះកម្ពុជាទទួលបានជោគជ័យយ៉ាងពិតប្រាកដក្នុងការបង្ក្រាប និងបោសសម្អាតក្រុមឧក្រិដ្ឋជនឆបោកតាមប្រព័ន្ធបច្ចេកវិទ្យាចេញពីទីតាំងទាំងនោះ។ ឯកឧត្តមបានបញ្ជាក់ជំហរយ៉ាងច្បាស់ថា កម្ពុជាមិនដែលបដិសេធថា គ្មានបទល្មើសឆបោកតាមប្រព័ន្ធបច្ចេកវិទ្យា (Online Scams) នោះឡើយ ប៉ុន្តែអ្វីដែលសំខាន់ គឺកម្ពុជាជារដ្ឋដែលសកម្មធ្វើសកម្មភាពជាក់ស្តែងដើម្បីប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាមិនដកដៃឡើយ ដោយរាជរដ្ឋាភិបាលកម្ពុជាបាននិងកំពុងចាត់វិធានការច្បាប់ប្រកបដោយភាពទទួលខុសត្រូវខ្ពស់បំផុតក្នុងការលុបបំបាត់បទល្មើសនេះ។ ឯកឧត្តមទេសរដ្ឋមន្ត្រី បានមានប្រសាសន៍សង្កត់ធ្ងន់បន្ថែមថា លទ្ធផលដែលរាជរដ្ឋាភិបាលសម្រេចបានជាបន្តបន្ទាប់ក្នុងរយៈពេលជាងមួយឆ្នាំចុងក្រោយនេះជាកត្តាចំបងមួយ ដែលជំរុញក្រសួង ស្ថានប័ន អាជ្ញាធរក្នុងរាជធានី ខេត្តទូទាំងប្រទេស​ ឱ្យកាន់តែមានសន្ទុះអនុវត្តកាតព្វកិច្ចប្រកបដោយភាពម៉ឺងម៉ាត់ ក្នុងកិច្ចខិតខំបោសសម្អាត Online Scams និងបន្តប្តេជ្ញាទប់ស្កាត់មិនឱ្យវាវិលត្រឡប់វិញជាដាច់ខាត។ ឯកឧត្តមទេសរដ្ឋមន្ត្រី បានគូសបញ្ជាក់ថា ក្នុងន័យនេះរាជរដ្ឋាភិបាលកម្ពុជាបានចាត់វិធានការយ៉ាងម៉ឺងម៉ាត់ និងដោយភាពទទួលខុសត្រូវយ៉ាងខ្លាំងក្លាក្នុងការបោសសម្អាត និងបំផ្លាញចោលទាំងស្រុងនូវទីតាំង និងមជ្ឈមណ្ឌលប្រតិបត្តិការរបស់ក្រុមឧក្រិដ្ឋជន Online Scams។ បន្ថែមពីនេះ…

ភ្នំពេញ៖ ឯកឧត្តម សុខ សូកេន រដ្ឋមន្ត្រីក្រសួងអធិការកិច្ច និងជាប្រធានក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត ព៤ជ៤ បានអញ្ជើញដឹកនាំកិច្ចប្រជុំបូកសរុបលទ្ធផលការងាររបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្ត្រ ព៤ជ៤ ដោយមានការចូលរួមពីសំណាក់ថ្នាក់ដឹកនាំ សមាជិក និងសមាជិកា នៃក្រុមការងារតាមដាននិងត្រួតពិនិត្យការអនុវត្តយុទ្ធសាស្រ្តព៤ជ៤ នៅទីស្ដីការក្រសួង ថ្ងៃទី១៤ ខែតុលា ឆ្នាំ២០២៦។ ឯកឧត្តម លោកជំទាវ ដែលជាប្រធាននៃអនុក្រុមការងារតាក់តែងសេចក្តីព្រាងច្បាប់ និងលិខិតបទដ្ឋានគតិយុត្ត, អនុក្រុមការងារពង្រឹងការងារអធិការកិច្ច និងតាមដានការអនុវត្តច្បាប់, អនុក្រុមការងារពង្រឹងការងារដោះស្រាយបណ្តឹង, អនុក្រុមការងារលើកកម្ពស់សមត្ថភាពស្ថាប័ន និងអភិវឌ្ឍធនធានមនុស្ស ព្រមទាំងលេខាធិការដ្ឋាន បានធ្វើបទបង្ហាញនិងរាយការណ៍ជូនអង្គប្រជុំអំពីសមិទ្ធផលការងារសំខាន់ៗ បញ្ហាប្រឈមនានា និងទិសដៅការងារនៃការអនុវត្តយុទ្ធសាស្រ្តព៤ជ៤។ ឯកឧត្តមរដ្ឋមន្ត្រី បានថ្លែងអំណរគុណដល់ថ្នាក់ដឹកនាំ សមាជិក និងសមាជិកានៃអនុក្រុមការងារទាំងអស់ ដែលបានខិតខំអនុវត្តផែនការសកម្មភាពនៃយុទ្ធសាស្រ្ត ព៤ជ៤ ឱ្យបានសម្រេចសមិទ្ធផលសំខាន់ៗជាបន្តបន្ទាប់។ ឆ្លៀតក្នុងឱកាសនេះ ឯកឧត្តមរដ្ឋមន្រ្តី ក៏បានរំលឹកពីភាពជោគជ័យនៃដំណើរទស្សនកិច្ចការងាររបស់គណៈប្រតិភូក្រសួងអធិការកិច្ច នៅសាធារណរដ្ឋសង្គមនិយមវៀតណាម ដែលនឹងចូលរួមចំណែកយ៉ាងសំខាន់ដល់ការលើកកម្ពស់អភិបាលកិច្ច និងពង្រឹងភាពស្អាតស្អំក្នុងរដ្ឋបាលសាធារណៈ។ ឯកឧត្តមរដ្ឋមន្រ្តី បានផ្តល់នូវអនុសាសន៍ណែនាំ និងតម្រង់ទិសសំខាន់ៗដល់ថ្នាក់ដឹកនាំ សមាជិក និងសមាជិកា នៃអនុក្រុមការងារទាំងអស់ឱ្យបន្តខិតខំអនុវត្តការងារ ដើម្បីជំរុញ និងពន្លឿនការអនុវត្តផែនការសកម្មភាពយុទ្ធសាស្រ្ត ព៤ជ៤ ឱ្យបានទាន់ពេលវេលានិងពេញលេញ…

វេទិកា និងពិព័រណ៍កសិកម្មកម្ពុជា ឆ្នាំ២០២៦ (CAFE26) ដែលនឹងរៀបចំឡើងដោយក្រសួងកសិកម្ម រុក្ខាប្រមាញ់ និងនេសាទ នៅចុងខែតុលានេះ ត្រូវបានរំពឹងថា នឹងរួមចំណែកទាក់ទាញការវិនិយោគ ពង្រីកទីផ្សារ និងជំរុញការអភិវឌ្ឍវិស័យកសិកម្មនៅកម្ពុជា។ នេះបើតាមការលើកឡើងរបស់លោក បូរ ភ័កត្រា ស្ថាបនិក «រំដួលធីវី» ដែលទើបត្រូវបានតែងតាំងជាទូតសុច្ឆន្ទៈនៃព្រឹត្តិការណ៍នេះ។ លោក បូរ ភ័កត្រា បានបង្ហាញក្តីរីករាយដែលត្រូវបានក្រសួងកសិកម្ម រុក្ខាប្រមាញ់ និងនេសាទ ជ្រើសរើសឱ្យធ្វើជាទូតសុច្ឆន្ទៈនៃ CAFE26 ដោយសារព្រឹត្តិការណ៍នេះស្របនឹងចំណង់ចំណូលចិត្តរបស់លោក។ លោកបានចាត់ទុកវេទិកា និងពិព័រណ៍កសិកម្មនេះថា ជាឱកាសដ៏សំខាន់សម្រាប់ការចែករំលែកព័ត៌មាន និងបទពិសោធន៍ ការផ្សារភ្ជាប់ទំនាក់ទំនងរវាងអ្នកផលិត អ្នកកែច្នៃ និងអ្នកវេចខ្ចប់ ព្រមទាំងការតភ្ជាប់រវាងអ្នកទិញ និងអ្នកផលិត។ ជាពិសេស ព្រឹត្តិការណ៍នេះអាចជួយផ្សព្វផ្សាយផលិតផលកសិកម្មក្នុងស្រុក និងបង្ហាញពីសក្តានុពលនៃវត្ថុធាតុដើមរបស់កម្ពុជាទៅកាន់ទីផ្សារអន្តរជាតិ។ លោក បូរ ភ័កត្រា បានបន្តថា ការពង្រីកទីផ្សារមានសារៈសំខាន់ចំពោះកសិករ ព្រោះនៅពេលមានទីផ្សារកាន់តែទូលំទូលាយ ពួកគាត់អាចបង្កើនការលក់ផលិតផល និងប្រាក់ចំណូល ដែលនឹងរួមចំណែកលើកកម្ពស់ជីវភាពគ្រួសារ។ លោកបានគូសបញ្ជាក់ថា កម្ពុជាមានធនធាន និងវត្ថុធាតុដើមជាច្រើន ដែលអាចយកមកប្រើប្រាស់ក្នុងការផលិត និងកែច្នៃកសិផល។ ដូច្នេះ ការចូលរួមក្នុង CAFE26 នឹងផ្តល់ឱកាសឱ្យកសិករបានស្វែងយល់ពីទីផ្សារ និងច្រកចេញសម្រាប់ផលិតផលរបស់ខ្លួន ព្រមទាំងស្វែងរកដៃគូពាណិជ្ជកម្មថ្មីៗ។ លោកបានអំពាវនាវឱ្យប្រជាកសិករចូលរួមក្នុងព្រឹត្តិការណ៍នេះឱ្យបានច្រើន…

ភ្នំពេញ៖ការផ្តល់សេវារថយន្តក្រុងសាធារណៈជិះដោយឥតគិតថ្លៃ រយៈពេល ៥ថ្ងៃ របស់រដ្ឋបាលរាជធានីភ្នំពេញ ក្នុងឱកាសពិធី​បុណ្យភ្ជុំបិណ្ឌ​ប្រពៃណីជាតិបានបញ្ចប់ទៅដោយជោគជ័យ និងទទួលបានការគាំទ្រយ៉ាងខ្លាំងក្លាពីសំណាក់ប្រជាពលរដ្ឋ។តាម​ទិន្នន័យ​​ផ្លូវការ យុទ្ធនាការ​នេះបានដឹកជញ្ជូនប្រជាពលរដ្ឋសរុបជាង ១១ម៉ឺននាក់ ទៅ-មកស្រុកកំណើត ប្រកបដោយសុវត្ថិភាព និងស្នាមញញឹម។ អ្វីដែលកាន់តែ​ពិសេសនោះសកម្មភាពនេះបានជួយសន្សំសំចៃថវិកាផ្ទាល់ខ្លួនរបស់ប្រជាពលរដ្ឋបានរហូតដល់ចន្លោះពី ១.៧លាន ទៅ ២.២៧លាន​ដុល្លារអាម៉េរិក។ ក្នុងឱកាសបុណ្យភ្ជុំបិណ្ឌប្រពៃណីជាតិឆ្នាំ២០២៦នេះ រយៈពេល ៥ថ្ងៃ ចាប់ពីថ្ងៃទី៩ ដល់ថ្ងៃទី១៣ ខែតុលា មានប្រជាពលរដ្ឋមក​ទទួលសេវាដឹកជញ្ជូនរថយន្តក្រុងសាធារណៈដោយឥតគិតថ្លៃ របស់រដ្ឋបាលរាជធានីភ្នំពេញ សរុបចំនួន ១១៣ ៧០៦ នាក់។ចំនួន​​នេះមានការកើនឡើងចំនួន ២១ ១៨៥ នាក់ ស្មើនឹង ២៣% បើប្រៀបធៀបទៅនឹងឱកាសបុណ្យភ្ជុំបិណ្ឌ កាលពីឆ្នាំ២០២៥ ។ លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានបញ្ជាក់ថា សេវាកម្មដឹកជញ្ជូនឥតគិតថ្លៃនេះ មិន​ត្រឹមតែផ្តល់ភាពងាយស្រួល និងសុវត្ថិភាពប៉ុណ្ណោះទេ ប៉ុន្តែបានជួយសម្រាលបន្ទុកចំណាយជាក់ស្តែងរបស់ប្រជាពលរដ្ឋ​យ៉ាងច្រើន​ទៀតផង។ លោកស្រី ដោ សម្ផស្ស បានរំលេចថា ប្រសិនបើក្នុងប្រជាពលរដ្ឋម្នាក់ ចំណាយអស់ចន្លោះពី ៦ម៉ឺនរៀល ទៅ ៨ម៉ឺនរៀល គឺឃើញថា​ក្នុង​ឱកាសបុណ្យភ្ជុំបិណ្ឌនេះ…

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបង្ហាញការគាំទ្រចំពោះគំនិតកែលម្អ «បាតដៃសុភមង្គល» នៅឆ្នេរខេត្តកំពត ​ឱ្យមានរចនាបថខ្មែរ ដើម្បីបង្ហាញពីអត្តសញ្ញាណខ្មែរ។​ រូបសំណាកបាតដៃនេះត្រូវបានផ្តួចផ្តើម និងកសាងឡើងដោយឯកឧត្តម ម៉ៅ ធនិន្ទ អភិបាលខេត្តកំពត ក្នុងគោលបំណងបង្កើតតំបន់កម្សាន្តថ្មីមួយទៀតដល់ខេត្ត ក៏ដូចជាទាក់ទាញភ្ញៀវទេសចរ។ គំនិតកែលម្អរូបនេះត្រូវបានលើកឡើងដោយម្ចាស់គណនីឈ្មោះ« វប្បធម៌ ក្មេរ » ដែល​បង្ហាញរូបភាព AI អំពី​គំនិតរចនាបាតដៃសុភមង្គល ដោយបញ្ចូលលក្ខណៈសិល្បៈ និងរចនាបថខ្មែរ។ នៅលើបណ្តាញសង្គម សម្តេចធិបតីបង្ហាញក្តីសង្ឃឹមថា ឯកឧត្តម ម៉ៅ ធនិន្ទ នឹងពិភាក្សាគ្នាជាមួយក្រសួងវប្បធម៌ និងវិចិត្រសិល្បៈ ដើម្បីបន្ថែមរចនាបថខ្មែរ ស្របតាមការលើកយោបល់របស់ប្រជាពលរដ្ឋ។ លោកឧត្តមសេនីយ៍ទោ ម៉ៅ ចន្ទ័មធុរិទ្ធ ស្នងការនៃស្នងការដ្ឋាននគរបាលខេត្តកំពត បានឱ្យដឹងថា ឯកឧត្តមអភិបាលខេត្តកំពត លោកបានឃើញ និងកំពុងសិក្សាជាមួយអ្នកជំនាញ និងមន្ទីរវប្បធម៌ខេត្តកំពត។ រូបសំណាកបាតដៃសុភមង្គល នេះ ទើបតែបើកទទួលស្វាគមន៍ភ្ញៀវទេសចរចូលទស្សនា និងកម្សាន្តលេង កាលពីថ្ងៃឈប់សម្រាកបុណ្យភ្ជុំបិណ្ឌកាលពី​ប៉ុន្មានថ្ងៃមុន ដោយទទួលបានការចាប់អារម្មណ៍ពីភ្ញៀវទេសចរយ៉ាងច្រើនកុះករ​។​ ថ្ងៃឈប់សម្រាកបុណ្យភ្ជុំបិណ្ឌ៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែតុលា ឆ្នាំ២០២៦ ខេត្តកំពតទទួលបានភ្ញៀវទេសចរទៅលេងកម្សាន្តចំនួនជាង…

នៅមុនបញ្ចប់កិច្ចប្រជុំលើកទី១៣៤ នៃក្រុមប្រឹក្សាអចិន្ត្រៃយ៍ហ្វ្រង់កូហ្វូនី (CPF) នៅថ្ងៃទី១៣ ខែតុលា ឆ្នាំ២០២៦ ឯកឧត្តម លុយ ដាវីត ឯកអគ្គរាជទូតកម្ពុជាប្រចាំប្រទេសបារាំង បានបំភ្លឺខ្លឹមសារនៃការលើកឡើងរបស់ប្រតិភូថៃ ពាក់ព័ន្ធនឹងប្រជាជនភៀសសឹកកម្ពុជានៅតំបន់ព្រំដែន។ ប្រតិភូថៃបានអះអាងថា ប្រជាជនទាំងនោះស្ថិតនៅក្នុងតំបន់របស់ថៃ ដែលត្រូវបានបើកឱ្យប្រើប្រាស់ជាជម្រក​ជនភៀសខ្លួនបណ្ដោះអាសន្ន ក្នុងទសវត្សរ៍ឆ្នាំ១៩៧០ ហើយវត្តមានរបស់ពួកគេបំពានលើអធិបតេយ្យភាពរបស់ថៃ។ ឯកឧត្តម លុយ ដាវីត  បានច្រានចោលការអះអាងនេះ ដោយចាត់ទុកថា ជាការមិនត្រឹមត្រូវ និងបំភ្លៃការពិតជាប្រវត្តិសាស្ត្រ។  ដើម្បីគាំទ្រដល់បទអន្តរាគមន៍​របស់ខ្លួន ឯកឧត្តម​បានយោងលើរបាយការណ៍របស់ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR)។   របាយការណ៍នេះបញ្ជាក់ថា ជំរំដែលធ្លាប់ប្រើសម្រាប់ស្នាក់នៅរបស់ជនភៀសខ្លួនកម្ពុជាក្នុងប្រទេសថៃ លែងមានជនភៀសខ្លួនកម្ពុជាស្នាក់នៅទៀតហើយ ចាប់តាំងពីខែមីនា ឆ្នាំ១៩៩៩មកម្ល៉េះ បន្ទាប់ពីជនភៀសខ្លួនកម្ពុជាចុងក្រោយចំនួន ៧០៥នាក់ បានវិលត្រឡប់មកកម្ពុជាវិញ។ ឯកអគ្គរាជទូតកម្ពុជាប្រចាំប្រទេសបារាំង បានបញ្ជាក់ទៀតថា រាជរដ្ឋាភិបាលកម្ពុជា​ប្តេជ្ញាដោះស្រាយវិវាទព្រំដែន កម្ពុជា-ថៃដោយសន្តិវិធី ដោយផ្អែកលើច្បាប់អន្តរជាតិ និងការគោរពគោលការណ៍សមភាពអធិបតេយ្យភាពរបស់រដ្ឋ។ ឯកឧត្តម​ លុយ ដាវីដ សង្កត់ធ្ងន់ថា ការស្តារទំនាក់ទំនងនៃប្រទេសទាំងពីរឡើងវិញ គឺទាមទារឱ្យមានការអនុវត្តវិធានការជាក់ស្តែង ជាពិសេសការអនុវត្តសេចក្តីថ្លែងការណ៍រួមចុះថ្ងៃទី២៧ ខែធ្នូ ឆ្នាំ២០២៥  ការគោរពព្រំដែនអន្តរជាតិ ការបន្តការងារខណ្ឌសីមា និងបោះបង្គោលព្រំដែនក្នុងក្របខ័ណ្ឌគណៈកម្មការចម្រុះព្រំដែនគោក (JBC)…

ភ្នំពេញ៖ក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពអឺរ៉ុប (EU) បានរៀបចំកម្មវិធី «NTTI BizConnect Cambodia 2026» ឡើង ក្នុងគោលបំណងតភ្ជាប់គម្លាតរវាងគ្រឹះស្ថានបណ្តុះបណ្តាលបច្ចេកទេស និងវិជ្ជាជីវៈ (TVET) ជាមួយនឹងវិស័យឯកជន។ ព្រឹត្តិការណ៍នេះ ត្រូវបានរៀបចំឡើងដើម្បីធានាថា យុវជនទទួលបានជំនាញពិតប្រាកដ ស្របតាមបរិបទអន្តរកាលបៃតង និងឌីជីថល។ កាលព្រឹកថ្ងៃទី១៤ ខែតុលា ឆ្នាំ២០២៦ នេះ កម្មវិធី «NTTI BizConnect Cambodia 2026» ត្រូវបានបើកសម្ពោធជាផ្លូវការ ក្រោមអធិបតីភាព ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងឯកឧត្ដម អ៊ីហ្គ័រ ឌ្រីសម៉ាន់ (Igor Driesmans) ឯកអគ្គរដ្ឋទូតសហភាពអឺរ៉ុបប្រចាំកម្ពុជា ដោយមានការចូលរួមពីតំណាងស្ថាប័នរដ្ឋ វិស័យឯកជន និងសិស្ស-និស្សិតជាង ៣០០​នាក់។ កម្ពុជាគឺជាប្រទេសទី២ នៅក្នុងតំបន់អាស៊ាន បន្ទាប់ពីប្រទេសទីម័រខាងកើត ដែលបានរៀបចំវេទិកាដ៏សំខាន់នេះឡើង ក្រោមគម្រោងកញ្ចប់​ការ​តភ្ជាប់ប្រកបដោយចីរភាពសហភាពអឺរ៉ុប-អាស៊ាន (SCOPE-HE)។ ថ្លែងក្នុងឱកាសនោះ ឯកឧត្តម ហេង សួរ…

ប្រទេសកម្ពុជា និងវៀតណាមបានឯកភាពពង្រឹងកិច្ចសហប្រតិបត្តិការលើវិស័យយោធា ព្រមទាំងពង្រីកចំណងមិត្តភាពជាប្រពៃណី និងភាពជាអ្នកជិតខាងល្អ។ ក្នុងន័យនេះ ផែនការសហប្រតិបត្តិការក្នុងវិស័យការពារជាតិសម្រាប់ឆ្នាំ២០២៧ ត្រូវបានចុះហត្ថលេខាកាលពីថ្ងៃទី១៣តុលា នៅទីក្រុងហាណូយ ដោយឯកឧត្តម ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា និងឯកឧត្តម ហ្វាន វ៉ាន់ហ្សាង ឧបនាយករដ្ឋមន្ដ្រី រដ្ឋមន្ត្រីក្រសួងការពារជាតិវៀតណាម។ បណ្ឌិត ថុង ម៉េង ដេវិត អ្នកវិភាគភូមិសាស្រ្តនយោបាយ និងសន្តិសុខអន្តរជាតិ បានចាត់ទុកការពង្រឹងកិច្ចសហប្រតិបត្តិការយោធារវាងកម្ពុជា និងវៀតណាម គឺជាកត្តាចាំបាច់សម្រាប់រក្សាលំនឹងយុទ្ធសាស្ត្រ និងអធិបតេយ្យភាពជាតិកម្ពុជាក្នុងតំបន់។ កិច្ចសហប្រតិបត្តិការនេះ ក៏កំពុងដើរតួនាទីយ៉ាងសំខាន់ផងដែរ ក្នុងការរក្សាបាននូវសន្តិភាពនៅតាមបណ្តោយព្រំដែន ស្របពេលដែលកម្ពុជាកំពុងមានជម្លោះព្រំដែនជាមួយប្រទេសថៃ។ សម្រាប់បណ្ឌិត ថុង ម៉េង ដេវិត កិច្ចសហប្រតិបត្តិការយោធារវាងកម្ពុជា និងវៀតណាម នាពេលបច្ចុប្បន្ន ស្ថិតនៅលើកម្រិតស៊ីជម្រៅ ជិតស្និទ្ធ និងមានភាពជាដៃគូយុទ្ធសាស្ត្ររឹងមាំ ដែលផ្អែកលើស្មារតី «ភាពជាអ្នកជិតខាងល្អ មិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយ»។ ដោយឡែក ការប្រារព្ធខួបទី៦០ ឆ្នាំ និងការចុះហត្ថលេខាលើផែនការសហប្រតិបត្តិការយោធារវាងប្រទេសទាំងពីរ គឺមានអត្ថន័យយុទ្ធសាស្ត្រយ៉ាងសំខាន់សម្រាប់កម្ពុជា ទាំងផ្នែកសន្តិសុខ ស្ថិរភាព និងការអភិវឌ្ឍ។ ចំណែក…

ប៊ឺហ្គឺដ៏ល្បីល្បាញរបស់មេចុងភៅលំដាប់ពិភពលោក នឹងបង្ហាញខ្លួនជាលើកដំបូងនៅរាជធានីភ្នំពេញ ប្រទេសកម្ពុជា ដោយនាំមកនូវបទពិសោធន៍នៃការទទួលទានអាហារដ៏ថ្មីប្លែក និងគួរឱ្យចាប់អារម្មណ៍មកកាន់រាជធានីមួយនេះ។ រាជធានីភ្នំពេញ កម្ពុជា – ថ្ងៃទី ១៤ ខែតុលា ឆ្នាំ២០២៦ – ក្រុមហ៊ុន JS Group មានសេចក្តីសោមនស្សរីករាយក្នុងការប្រកាសពីការបើកដំណើរការភោជនីយដ្ឋាន Gordon Ramsay Burger នៅក្នុងរាជធានីភ្នំពេញ ប្រទេសកម្ពុជា ដែលជាសាខាដំបូងគេនៅក្នុងតំបន់អាស៊ីអាគ្នេយ៍សម្រាប់ម៉ាកយីហោដ៏ល្បីល្បាញកម្រិតអន្តរជាតិមួយនេះ។ ភោជនីយដ្ឋាននេះនឹងបើកដំណើរការក្នុងពេលឆាប់ៗនេះនៅជាន់ទី​ ៤២​​​ ​នៃអគារ JS TOWER ដែលទើបនឹងសម្ពោធថ្មីៗនេះ ដោយមានទីតាំងស្ថិតនៅជាន់លើ​បង្អស់នៃសណ្ឋាគារ Planet Hollywood ដំបូងគេក្នុងតំបន់អាស៊ីអាគ្នេយ៍ ដែលនឹងនាំមកនូវបទពិសោធន៍ដ៏អស្ចារ្យតាមរយៈការរួមបញ្ចូលគ្នានូវគុណភាពម្ហូបអាហារដ៏ល្អឯក បទពិសោធន៍បដិសណ្ឋារកិច្ចដ៏រស់រវើក និងទស្សនីយភាពទីក្រុងដ៏ស្រស់ស្អាតពីលើអាកាស។ បង្កើតដោយលោក Gordon Ramsay ដែលជាមេចុងភៅ និងជាបុគ្គលល្បីល្បាញលើកញ្ចក់ទូរទស្សន៍កម្រិតពិភពលោក ភោជនីយដ្ឋាន Gordon Ramsay Burger បានកសាងកេរ្តិ៍ឈ្មោះ និងទទួលបានការគាំទ្រយ៉ាងទូលំទូលាយនៅទូទាំងពិភពលោក តាមរយៈរសជាតិដ៏ឈ្ងុយឆ្ងាញ់ និងប្លែកពីគេនៃប្រភេទអាហារដ៏ពេញនិយមមួយនេះ។​ ​បន្ទាប់ពីបើកដំណើរការជាលើកដំបូងនៅ Planet Hollywood Resort & Casino ក្នុងទីក្រុង Las Vegas កាលពីឆ្នាំ ២០១២ មក ភោជនីយដ្ឋាន Gordon Ramsay Burger បានពង្រីកសាខារបស់ខ្លួនទៅកាន់ទីក្រុង Chicago, Boston, Vancouver និងប្រទេសកូរ៉េខាងត្បូង។ នៅរាជធានីភ្នំពេញ អតិថិជននឹងមានឱកាសក្នុងការភ្លក់រសជាតិមុខម្ហូបដ៏ល្បីល្បាញប្រចាំភោជនីយដ្ឋាន រួមមានប៊ឺហ្គឺរ Hell’s Kitchen ដ៏ល្បីឈ្មោះ ​អមជាមួយនឹងម្ហូប​បន្សំ​ ​ទឹកជ្រលក់ដែលផ្សំឡើងដោយផ្ទាល់ដៃ និងភេសជ្ជៈក្រឡុកដ៏ពិសេស។ បញ្ជីមុខម្ហូបក៏នឹងមានបម្រើជូននូវប៊ឺហ្គឺរដែលមានរសជាតិបែបក្នុងស្រុក ដែលទទួលបានការបំផុស​គំនិត​ពីដំណើរទស្សនកិច្ចរបស់លោក Gordon ជុំវិញប្រទេសកម្ពុជា ដើម្បីស្វែងយល់ពីម្ហូបប្រពៃណីខ្មែរ ​និងគ្រឿងផ្សំក្នុងស្រុក។ ការប្រកាសបើកដំណើរការភោជនីយដ្ឋាន​ ​Gordon…