(កំពង់ស្ពឺ)៖ ការចិញ្ចឹមកណ្តូប គឺជាមុខរបរមួយដែលកសិករបានចាប់អារម្មណ៍ចិញ្ចឹមពីព្រោះថាវាជាការងារងាយស្រួលដោយគេអាចទទួលប្រាក់ចំណូលមួយខ្ពស់គួរសម ហើយហុចផលឆាប់រហួសដោយប្រើពេលត្រឹមតែ៤០ ទៅ ៤៥ថ្ងៃយ៉ាងយូរបំផុត។ ការចិញ្ចឹមកណ្តូបគឺគេប្រើទ្រុង ហ៊ុមព័ទ្ធដោយស្បៃ ឬមុង។គេបានដាក់ទឹកតាមជើងទ្រុងនីមួយៗដើម្បីការពារសត្វស្រមោចចូលយាយី។ការចិញ្ចឹមចៀសវាង កុំឱ្យសាចទឹកភ្លៀងចូលឬក៏ត្រូវទឹកភ្លៀង ព្រោះបណ្តាលឱ្យកណ្ដូបងាប់។ក្រៅពីនេះក៏មិនត្រូវឱ្យចង្អៀតពេកដែលបណ្តាឱ្យកណ្តូបងាយងាប់ដូចគ្នា។ លោក ប៊ុន ស្វិត ដែលរស់នៅភូមិតាកោង ឃុំអមលាំង ស្រុក ថ្ពង ខេត្ត កំពង់ស្ពឺបាន ប្រាប់ថាកន្លងមកនេះលោកបានចំណាយដើមទុន១លាន២សែនរៀល ទាំងធ្វើទ្រុងកណ្តូប ទិញពង និងធ្វើស្បៃមុងសម្រាប់ចិញ្ចឹមកណ្តូប។រយៈពេលជាង ៤ខែមកនេះ លោកអាចលក់កណ្តូបបាន២ទៅ៣ដងមកហើយ ។ ជាទូទៅកណ្តូបដែលលោកចិញ្ចឹមនេះគឺប្រើពេលត្រឹមតែរយៈពេល ៤០ថ្ងៃអាចរកចំណូលបាន ៥០ ទៅ ៦០ម៉ឺនរៀលក្នុងមួយទ្រុង ។ បុរសវ័យ ៥៧ឆ្នាំរូបនេះបានប្រាប់ថា ការចិញ្ចឹមកណ្តូបនេះគឺមានលក្ខណៈងាយស្រួលណាស់មិនដូចការចិញ្ចឹមសត្វផ្សេងទេ ពោលគឺទាំងចំណីក៏មិនចាំបាច់ចំណាយដើមទុនទេគ្រាន់តែយើងដើររកស្មៅពីធម្មជាតិឱ្យវាស៊ី នោះជាការគ្រប់គ្រាន់។ លោក ប៊ុនស្វិតបានប្រាប់ឱ្យដឹងដែរថាមុននេះលោកបានទិញពងកណ្តូបពីគេមួយគីឡូក្រាមថ្លៃ៣០ម៉ឺនរៀលមកភ្ញាស់ ឥឡូវនេះលោកបានលក់ពងកណ្តូប ៣សារបានថវិការជិត ១លានរៀលហើយ និងជាមួយគ្នាលោកក៏បានពង្រីកទ្រុងបាន៣ផងដែរ ។ លោក ទិន សុវណ្ណ រស់នៅភូមិ តាកោង នេះដែរបានប្រាប់ឱ្យដឹងថា៖លោកបានចិញ្ចឹមកណ្តូបនេះទទួលជោគជ័យគួរសម។សម្រាប់កណ្តូបនេះភាគច្រើនគេយកទៅលក់ឱ្យអ្នកទេសចរ ឬធ្វើជាគ្រឿងក្លែមដែលគេនិយមបរិភោគបំផុត។សម្រាប់តម្លៃលក់ឱ្យម៉ូយក្នុងមួយគីឡូក្រាម ៣៥០០ ទៅ ៣៨០០រៀល…

(ព្រះវិហារ)៖ នៅកម្ពុជា យើងអាចរួមជាកម្លាំងជាតិ ការសាមគ្គីភាព ក្រោមដំបូល នៃមជ្ឈមណ្ឌលសាមគ្គីភាពដ៏ធំតែមួយរបស់យើងដែលមានសម្តេចតេជោ ហ៊ុន សែន និងសម្តេចបវរធិបតី ហ៊ុន ម៉ាណែត គឺជាមជ្ឈមណ្ឌលធំនៃសាមគ្គីភាព និងឯកភាពជាតិដ៏រឹងមាំប្រឆាំងជាមួយជនបរទេសឈ្លានពាន។ ដូច្នេះ សូមបងប្អូនប្រជាពលរដ្ឋដែលកំពុងស្នាក់នៅបណ្តោះអាសន្នតំបន់សុវត្ថិភាពវត្តពោធិ៍៥០០០ដើម សូមកុំមានការព្រួយបារម្ភឱ្យសោះ ហើយការមកស្នាក់នៅទីតាំងនេះ ផ្តល់នូវទំនុកចិត្តពេញលេញដល់កងកម្លាំងនៅជួរមុខ ពីព្រោះពួកគាត់ទុកចិត្តថាប្រពន្ធកូន ក្រុមគ្រួសារសាច់ញាតិរបស់ខ្លួន គឺមានសុវត្ថិភាព ធ្វើឱ្យពួកគាត់មានអារម្មណ៍រឹងមាំដើម្បីឈរជើងត្រៀមប្រយុទ្ធ តតាំងជាមួយសត្រូវដែលមានបំណងឈ្លានពានទឹកដីកម្ពុជា។ នេះគឺជាការលើកឡើងរបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅព្រឹកថ្ងៃទី២៣ ខែមិថុនា ឆ្នាំ២០២៥ ក្នុងឱកាដចុះសួរសុខទុក្ខប្រជាពលរដ្ឋ ដែលជម្លៀសមកស្នាក់នៅ បណ្តោះអាសន្នតំបន់សុវត្ថិភាពវត្តពោធិ៍៥០០០ដើម ស្ថិតក្នុងភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារ ដោយនាំយកនូវអំណោយជាថ្នាំពេទ្យ គ្រឿងឧបភោគបរិភោគយ៉ាងច្រើនជូនពលរដ្ឋផងដែរ។ ឯកឧត្តម នេត្រ ភក្ត្រា បានថ្លែងថា សម្តេចវរធិបតី ហ៊ុន ម៉ាណែត ក្នុងអាណត្តិជានាយករដ្ឋមន្ត្រី បន្តវេនពីសម្តេចតេជោ ហ៊ុន សែន គឺជាកុលបុត្រខ្មែរដ៏អង់អាចក្លាហាន ប្រកបដោយចក្ខុវិស័យវែងឆ្ងាយ មានសមត្ថភាព មានយុទ្ធសាស្ត្រគ្រប់ជ្រុងជ្រោយ…

(ភ្នំពេញ)៖ សម្តេចតេជោ​ ហ៊ុន​ សែ​ន ប្រធានព្រឹទ្ធសភាកម្ពុជា បានបង្ហាញរូបថត អមជាមួយសំណេរលើបណ្ដាញសង្គម នារសៀលថ្ងៃទី២៤ ខែមិថុនា ឆ្នាំ២០២៥ ថា បងប្អូនប្រុស ៣នាក់នេះ ម្នាក់ពាក់អាវខ្មៅ ចាប់យកអាជីពការងារខុសហើយ ដោយសារអត់មានសក់ក្បាល ហើយអត់មានមួកពាក់ទៀត ។ ឯអ្នកមានសក់ បែរជាមានមួកពាក់ទៅវិញ ។ សម្ដេចតេជោ បន្តថា បងប្អូនគេទាំង ៣នាក់ ជួបជុំគ្នានៅតាមខេត្តជាប់ព្រំដែនថៃ ស្លៀកទាហ៊ាន ក៏ទៅ ស្លៀកសុីវិល ក៏ទៅ ដើម្បីរួមចំណែកការពារទឹកដីប្រឆាំងការឈ្លានពាន ។ សម្ដេចតេជោ បានបន្ថែមថា កាលពីតូចសក់ច្រើនជាងគេ ពេលនេះ អត់សក់ទៅវិញ តែក៏ស្រួលម្យ៉ាងដែរ មិនពិបាកចំណាយពេលសិតសក់ មុនពេលចេញដំណើរ ។ សម្ដេចតេជោ ហ៊ុន សែន បានគូសបញ្ជាក់ថា ឪពុកម្តាយ គ្មានសេចក្តីសុខ ឬការសប្បាយណា ជាងឃើញកូន និងចៅ ចេះស្រឡាញ់គ្នា និងក្លាយជាពលរដ្ឋល្អ ក្នុងសង្គមនោះឡើយ ៕ ដោយ…

កំពង់ចាម៖នៅស្នងការដ្ឋាននគរបាលខេត្តកំពង់ចាម កាលពី​ព្រឹក​ថ្ងៃទី២៤ ខែមិថុនា ឆ្នាំ២០២៥​មាន​រៀបចំពិធី​សំណេះសំណាល និងត្រួតពិនិត្យកម្លាំងនៃស្នងការដ្ឋាននគរបាលខេត្តកំពង់ចាម ក្រោមអធិបតីភាពឯកឧត្តម អ៊ុន ចាន់ដា អភិបាលខេត្តកំពង់ចាម ។ ក្នុងឱកាសនេះឧត្តមសេនីយ៍ទោ ហេង វុទ្ធី ស្នងការនគរបាល​ខេត្តកំពង់ចាម បានបញ្ជាក់ជូនឯកឧត្តមអភិបាលខេត្ត​អំពីការ​ត្រៀមលក្ខណៈសម្បត្តិទាំងកងកម្លាំង និងសម្ភារៈ មធ្យោបាយ​គ្រប់គ្រាន់ ដើម្បីធានាបាននូវកិច្ចប្រតិបត្តិការ ក្នុងកិច្ចការពារបូរណ​ភាពទឹកដី និងការរក្សាសន្តិសុខ សុវត្ថិភាព សណ្តាប់ធ្នាប់សង្គម ក្នុងភូមិសាស្រ្តទទួលខុសត្រូវ បានទាន់ពេលវេលា។ ឯកឧត្តមអភិបាលខេត្តថ្លែងនូវការកោតសរសើរនិងបាននាំយកអំណោយជាសំលៀកបំពាក់​ដែលជាអំណោយដ៏ថ្លៃថ្លា​របស់ សម្ដេចមហា​បវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត តាមរយៈឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីចែកជូនកងកម្លាំង នៃស្នងការដ្ឋាននគរបាលខេត្តកំពង់ចាម៕ដោយ៖លី ពៅ

កំពង់ឆ្នាំង៖នៅទីបញ្ជាការតំបន់ព្រឹត្តិការសឹករងកំពង់ឆ្នាំងកាល​ពីព្រឹកថ្ងៃទី២៣ ខែមិថុនា ឆ្នាំ២០២៥បាន​ប្រារព្ធ​ទិវា​អតីតយុទ្ធជន​កម្ពុជាលើកទី ១៨ក្រោមអធិបតីភាពលោក អម សុភា អភិបាលរង​ខេត្តកំពង់ឆ្នាំង។ ​លោកអភិបាលខេត្តកំពង់ឆ្នាំងបានថ្លែងក្នុងឱកាសនេះថា រាជរដ្ឋា​ភិបាលដឹកនាំដោយសម្ដេចមហាបវរធិបតី ហ៊ុន ម៉ាណែត​ និង​សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាបាន​យកចិត្តទុកដាក់ និងមិនភ្លេច ពីគុណបំណាច់គុណូបការៈរបស់​បងប្អូនអតីតយុទ្ធជន ដែលបានបូជាសាច់ស្រស់ឈាមស្រស់​ដើម្បី​បុព្វហេតុ ជាតិមាតុភូមិ។ ចំណែកឧត្តមសេនីយ៍ អ៊ំ សុភា មេបញ្ជាការតំបន់ប្រតិបត្តិការសឹក​រង​កំពង់ឆ្នាំងបានលើកឡើងថា រយៈកាលកន្លងមក​អង្គភាពតំបន់ប្រតិបត្តិ​ការសឹករងបានយកចិត្តទុកដាក់ដល់ប្រជាពលរដ្ឋដែលជួបគ្រោះរាំងស្ងួត ស្ត្រីមេម៉ាយ ចាស់ជរាជួបការលំបាក, អតីតយុទ្ធជន គ្មានទី​ជម្រក​សមរម្យ តាមរយៈការផ្តល់អំណោយរបស់សម្ដេចធិបតីនាយក​រដ្ឋមន្ត្រី ការសាងសង់ផ្ទះជាដើម។លោក ឈាង ចន្ធី ប្រធានមន្ទីរសង្គមកិច្ចអតីតយុទ្ធជននិងយុវនីតិ​សម្បទា​ខេត្តកំពង់ឆ្នាំង បានលើកឡើងថា ការប្រារព្ធ​ទិវានេះ ដើម្បី​រំលឹកពី​វីរភាពអតីតយុទ្ធជន ៕ដោយ៖សុខ គឹមសៀន

បន្ទាយមានជ័យ៖ក្នុងទឹកចិត្តខ្មែរជួយខ្មែររួមគ្នាជាធ្លុង​​មួយ បេះដូង​តែមួយ ,សប្បុរសជនមកពីរាជធានី ខេត្តបាត់ដំបង សៀមរាប និងខេត្តបន្ទាយមានជ័យ ដឹកនាំដោយលោក ធឿន វុទ្ធី តំណាងឱ្យ​សប្បុរសជន​បានអញ្ជើញទៅ​សាកសួរ​សុខទុក្ខ និងនាំយកនូវគ្រឿង​ឧបភោគ បរិភោគ ព្រមទាំងថ្នាំពេទ្យមួយចំនួនធំ ជូន​កងកម្លាំង​ដែលឈរជើងការពារ​បូរណភាពទឹកដីចំនួន ៤គោលដៅនៅខេត្ត​ឧត្តរមានជ័យកាលពីចុងសប្ដាហ៍នេះ។ ក្នុងឱកាសនៃសាកសួរសុខទុក្ខលោក ធឿន វុទ្ធី បានបញ្ជាក់នេះថា ជាការលើកទឹកចិត្តដល់កងកម្លាំងរបស់យើង ដែលមានឈាមខ្មែរ​ដូចគ្នា បូជាសាច់ស្រស់ឈាមស្រស់ ជូនជាតិមាតុភូមិក្នុងការការពារ​ប្រាសាទ ការពារបូរណភាពទឹកដី ។លោកបន្ថែមថា ខ្មែរគ្រប់រូប​គួរ​រួបរួមគ្នាសាមគ្គីគ្នា ដើម្បីជាតិមាតុភូមិកម្ពុជា មិនឱ្យជាតិសាសន៍ផ្សេង មើល​ងាយ​ឈ្លានពានបាននោះឡើយ។ លោក ធឿន វុទ្ធី ក៏បានបញ្ជាក់ពីការគាំទ្រយ៉ាងពេញទំហឹង​ចំពោះ​ចំណាត់ការរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងការដោះស្រាយបញ្ហាព្រំដែនកម្ពុជា ថៃ។ សូមជម្រាបថា អំណោយគ្រឿងឧបភោគ បរិភោគ សម្ភារៈនិងថ្នាំ​ពេទ្យ​ត្រូវបាន​ប្រគល់ជូន ​កងពលតូចថ្មើរជើង​លេខ​៤២ ប្រចាំទិសទី៣ ប្រាសាទតាមាន់ ក្នុងឃុំគោកមន ស្រុកបន្ទាយអំពិល ,,កងអនុសេនា​ធំលេខ២ ផ្នែកសឹករងសំរោង ច្រកថ្មដូន នៅភូមិដូន ឃុំគោកមន ស្រុកបន្ទាយអំពិល,វរៈសេនាតូចនគរបាលការពារព្រំដែនគោកលេខ៧០២ ប៉ុស្តិ៍​ព្រំដែនថ្មដូន នៅភូមិដូន…

(ភ្នំពេញ)៖ ពលករខ្មែរចំនួន ៣៤នាក់ដែលទើបត្រឡប់ពីប្រទេសថៃនៅថ្ងៃចន្ទ ទី២៣ ខែមិថុនា ឆ្នាំ២០២៥នេះ បានទទួលឱកាសការងារនៅតំបន់សេដ្ឋកិច្ចពិសេសកោះកុងចេជាង និងតំបន់សេដ្ឋកិច្ចពិសេស-កោះកុងក្រោមការសម្របសម្រួលពីមន្ត្រីក្រសួងការងារ និងបណ្តុះបណ្តាលវិជ្ជាជីវៈដែលរួមមានទីភ្នាក់ងារជាតិមុខរបរ និងការងារ (NEA) និងមន្ត្រីពាក់ព័ន្ធផ្សេងទៀត ក៏ដូចជាអាជ្ញាធរខេត្តកោះកុងផងដែរ។ ប្រធានមន្ទីរការងារ និងបណ្តុះបណ្តាលវិជ្ជាជីវៈ ខេត្តកោះកុង លោក យក់ សង្វាត បានឱ្យដឹងថា ពលករទាំង ៣៤រូបដែលមានស្ត្រី ១២នាក់ បានផ្តើមធ្វើការនៅថ្ងៃចន្ទ ទី២៣ នេះ ដោយ ៣២នាក់ធ្វើការនៅតំបន់សេដ្ឋកិច្ចពិសេសកោះកុងចេជាង ខណៈដែលពលករពីររូបដែលជាប្តីប្រពន្ធទៅធ្វើការនៅតំបន់សេដ្ឋកិច្ចពិសេស-កោះកុង ដែលមានទីតាំងក្នុងស្រុកមណ្ឌលសីមា ក្នុងជំនាញកសិកម្ម។ ទន្ទឹមនឹងនេះ អ្នកនាំពាក្យក្រសួងការងារ ឯកឧត្តម ស៊ុន មេសា បានអបអរសាទរទៅដល់បងប្អូនពលករទាំង ៣៤រូបដែលទទួលបានឱកាសការងារភ្លាមៗពីមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងអាជ្ញាធរខេត្តកោះកុងដែលសម្របសម្រួលជួយផ្គូផ្គងផ្តល់ឱកាសការងានៅកន្លែងតែម្តង។ បើយោងតាមទីភ្នាក់ងារជាតិមុខរបរ និងការងារ ខេត្តកោះកុង មានឱកាសការងារប្រមាណជាង ៧០០០កន្លែងដែលកំពុងរង់ចាំការដាក់ពាក្យបំពេញការងារ ខណៈដែលកម្ពុជាកំពុងត្រូវការកម្លាំងពលកម្មប្រមាណ ២៥ម៉ឺននាក់នៅទូទាំងប្រទេស។ ជាមួយគ្នានេះ ក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវទៅដល់ប្រជាពលរដ្ឋ ជាពិសេសបងប្អូនពលករខ្មែរដែលបានវិលត្រឡប់ពីប្រទេសថៃវិញ ក៏ដូចជាមានបំណងវិលត្រឡប់ពីប្រទេសថៃសូមទាក់ទង និងចូលសាកសួរព័ត៌មាននៅមណ្ឌលសំចត ឬកន្លែងទទួលពលករនៅតាមច្រកព្រំដែនកម្ពុជា-ថៃ…

បន្ទាយមានជ័យ៖ក្នុងឱកាសទិវាអតីតយុទ្ធជនកម្ពុជាលើកទី១៨ ដែល​ប្រារព្ធ​នៅសាលប្រជុំសាលា​ខេត្តបន្ទាយ​មានជ័យកាលពីថ្ងៃទី២២​ខែ​មិថុនាឆ្នាំ២០២៥ ប្រធានសមាគមអតីតយុទ្ធជនកម្ពុជាខេត្ត​បន្ទាយ​មានជ័យបានបង្ហាញ​នូវ​ទិសដៅនឹងរៀបចំឱ្យមានផ្សារសមាគមមួយ​សម្រាប់ក្រុមគ្រួសារអតីតយុទ្ធជន។ លោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយ​មានជ័យ និងជាប្រធានសមាគមអតីត​យុទ្ធជន​កម្ពុជា​ខេត្ត​បាន​បញ្ជាក់​ថា ជាទិសដៅសម្រាប់ពេលខាងមុខនេះ សមាគមនឹងរៀបចំ​ឱ្យមាន​ផ្សារសមាគម​មួយសម្រាប់​ក្រុមគ្រួសារ​អតីតយុទ្ធជន ក៏ដូចជាក្រុម​គ្រួសារ និវត្តន៍ជនកងកម្លាំងនិងស៊ីវិលផង ដែលកំពុងរស់នៅតំបន់​ការេ២ ក្នុង​ខេត្ត​បន្ទាយមានជ័យ ។លោកបន្ថែមថា យើងបំផុសលើក​ទឹក​ចិត្តដល់ក្រុមគ្រួសារអតីតយុទ្ធជននៅតំបន់ការេ២ ឱ្យ​ធ្វើការដាំដុះ​បន្ថែមលើផ្ទៃដីដែលប្រគល់ជូន បន្ថែមលើការធ្វើស្រែរបស់ពួកគាត់ ដើម្បីយកភោគផល​ទាំង​នេះមក​លក់ឱ្យ​ផ្សារសមាគមអតីតយុទ្ធជន។ ទាក់ទងនឹងផ្សារសមាគមដែលនឹងបង្កើតឡើង លោកប្រធានសមាគម​អតីត​​យុទ្ធជន​កម្ពុជា​ខេត្ត​បានអះអាងថា មាន​ក្រុមការងារ​រង់ចាំទទួល​ទិញនូវបន្លែ ផ្លែឈើដែលក្រុមគ្រួសារអតីតយុទ្ធជននៅតំបន់ការេ២ យកមកលក់ ហើយ​ពួក​គាត់ក៏អាចទិញទំនិញផ្សេងៗដែលខ្លួនត្រូវ​ការត្រឡប់ទៅវិញ។នេះជាការជួយបង្កើតការងារមុខរបរ និងកាត់​បន្ថយ​​ការធ្វើដំណើរដោយលំបាកជាជនពិការ និងកាត់បន្ថយថវិកា​ចំណាយទៅទិញម្ហូបអាហារ​នៅទីផ្សារ​ដែល​ស្ថិតនៅ​ចន្លោះស្រុកភ្នំស្រុក និងស្រុកថ្មពួកខេត្តបន្ទាយមានជ័យចម្ងាយរាប់សិបគីឡូម៉ែត្រ។ គាំទ្រភ្លាមៗឯកឧត្តម អ៊ុំ រាត្រី អភិបាលខេត្ត និងប្រធានកិត្តិយស​សមាគម​អតីតយុទ្ធជនកម្ពុជាខេត្តបន្ទាយមានជ័យ បានប្រកាស​គាំទ្រនូវការបង្កើតផ្សារសមាគមមួយសម្រាប់ក្រុមគ្រួសារអតីតយុទ្ធជននៅតំបន់ការេ២ ស្របទៅ​តាម​ចលនា”ភូមិមួយ ផលិតផលមួយ” ៕ ដោយ៖គៀន ច័ន្ទហ៊ីន

(ភ្នំពេញ)៖ កម្ពុជា និងកូរ៉េ បានព្រមព្រៀងសហការគ្នារៀបចំព្រឹត្តិការណ៍ការប្រកួតប្រជែងផ្នែករចនារូបសម្រស់កូរ៉េ ប្រចាំឆ្នាំ២០២៥ ត្រៀមធ្វើឡើងនៅកម្ពុជា នាពេលខាងមុខនេះ ក្រោមកិច្ចសហកិច្ចដោយផ្ទាល់របស់សមាគមជំនាញសុខភាពនិងសម្រស់អន្តរជាតិ ប្រទេសកូរ៉េ (I.H.B.A) និង សមាគមជាងសក់និងសម្អាងកម្ពុជា បូករួមជាមួយការជួយជ្រោមជ្រែងនិងដឹកនាំពីក្រុមហ៊ុនខ្មែរ ផៅវ័រ ឡាយ អិនធើណេសិនណល ដោយប្រកាសជាផ្លូវការ នាព្រឹកថ្ងៃទី២៣ ខែមិថុនា ឆ្នាំ២០២៥ ។ លោកបណ្ឌិត ឈួន សុវណ្ណស័ក្ក អគ្គនាយកក្រុមហ៊ុន ផៅវ័រ ឡាយ អិនធើណេសិនណល បានថ្លែងឱ្យដឹងថា ការចុះអនុស្សរណៈនៃយោគយល់គ្នានេះ ពិតជាមានសារៈសំខាន់យ៉ាងខ្លាំងដែលបង្ហាញពីការសហការយ៉ាងជ្រាលជ្រៅរវាងកម្ពុជា និងកូរ៉េ ក្នុងគោលបំណងជំរុញឱ្យវិស័យសម្រស់ និងសិល្បៈផ្នែករូបសម្រស់ កាន់តែរីកចម្រើនក្នុងប្រទេសកម្ពុជា ។ កម្មវិធីប្រកួតប្រជែងរចនារូបសម្រស់ នាខែធ្នូឆ្នាំ២០២៥ខាងមុខនេះ នឹងក្លាយជាវេទិកាដ៏សំខាន់និងធំជាងគេងនៅកម្ពុជា សម្រាប់ការបង្ហាញសមត្ថភាពរបស់អ្នកមានជំនាញវិជ្ជាជីវៈក្នុងវិស័យសម្រស់នៅកម្ពុជា ហើយវាគឺជាឱកាសដ៏ល្អសម្រាប់ យុវជន ឬអ្នកស្រលាញ់អាជីពផ្នែកកែសម្ភស្ស និងរចនាតុបតែងកាយទាំងអស់នៅកម្ពុជា ។ លោកបណ្ឌិត ឈួន សុវណ្ណស័ក្ក បានគូសបញ្ជាក់ថា មិនត្រឹមតែប៉ុណ្ណោះ វាក៏ជាវេទិការដ៏សំខាន់មួយ ក្នុងការផ្លាស់ប្តូរបទពិសោធន៍ បច្ចេកវិទ្យា និងបច្ចេកទេសទំនើបៗក្នុងវិស័យសម្រស់ រវាងប្រទេសកម្ពុជា…

(ភ្នំពេញ)៖ មេបញ្ជាការកងស្វ័យការពារជើងគោកជប៉ុន ប្តេជ្ញាបន្តពង្រឹងពង្រីកទំនាក់ទំនង និងកិច្ចសហប្រតិបត្តិការកាន់តែល្អ រវាងកងទ័ពជើងគោកនៃប្រទេសទាំងពីរ ។ ការបញ្ជាក់របស់ ឯកឧត្តម នាយឧត្តមសេនីយ៍ MORISHITA Yasunori មេបញ្ជាការកងស្វ័យការពារជើងគោក ជប៉ុន ដូច្នេះ ក្នុងឱកាសចូលជួបសម្ដែងការគួរសម និងពិភាក្សាការងារ ជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅសណ្ឋាគារសុខាអង្គរ ខេត្តសៀមរាប នាព្រឹក ថ្ងៃទី២៣ ខែមិថុនា ឆ្នាំ២០២៥ ។ ឯកឧត្តមនាយឧត្តមសេនីយ៍ បានគោរពថ្លែងអំណរគុណយ៉ាងជ្រាលជ្រៅជូនចំពោះសម្ដេចបវរធិបតី ដែលបានចំណាយពេលវេលាដ៏មមាញឹកអនុញ្ញាតឱ្យរូបឯកឧត្តម និង គណៈប្រតិភូ បានចូលជួបសម្ដែងការគួរសម និងពិភាក្សាការងារ នាឱកាសនេះ។ ឯកឧត្តមនាយឧត្តមសេនីយ៍ក៏បានសម្ដែងនូវការពេញចិត្ត និងវាយតម្លៃខ្ពស់ចំពោះទំនាក់ទំនង និង កិច្ចសហប្រតិបត្តិការដ៏ល្អ ក្នុងក្របខ័ណ្ឌកងទ័ពជើងគោកនៃប្រទេសទាំងពីរ។ ឯកឧត្តមនាយឧត្តមសេនីយ៍បានគោរពជម្រាបជូនសម្ដេចបវរធិបតីផងដែរថា ដំណើរទស្សនកិច្ចរបស់ឯកឧត្តម និងគណៈប្រតិភូមកកាន់កម្ពុជានាឱកាសនេះ គឺដើម្បីបន្តជំរុញនូវការពង្រឹង និងពង្រីកកិច្ចសហប្រតិបត្តិការលើការបណ្ដុះបណ្ដាលធនធានមនុស្សដល់កងទ័ពជើងគោកកម្ពុជា។ ជាការឆ្លើតយប, សម្ដេចបវរធិបតីបានសម្ដែងនូវការស្វាគមន៍យ៉ាងកក់ក្ដៅចំពោះឯកឧត្តមនាយឧត្តមសេនីយ៍ និងគណៈប្រតិភូ ដែលបានអញ្ជើញមកបំពេញទស្សនកិច្ចនៅកម្ពុជា ពិសេសមកកាន់ទឹកដីអង្គរ ដែលជាដែនដីអាណាចក្រដ៏រុងរឿងមួយរបស់កម្ពុជា។ សម្ដេចបវរធិបតីក៏បានថ្លែងអំណរគុណដល់រដ្ឋាភិបាល និងប្រជាជនជប៉ុន ដែលបានរួមចំណែកដល់ដំណើរការអភិវឌ្ឍកម្ពុជា ដែលក្នុងនោះ…