ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ឯកឧត្តម តូ ឡឹម អគ្គលេខាធិការ បក្សកុម្មុយ​នីស្តវៀតណាម និងឯកឧត្តមថងលុន ស៊ីសុលីត អគ្គលេខាធិការនៃគណៈកម្មាធិការមជ្ឈិមបក្ស ប្រជាជនបដិវត្តន៍ឡាវ បានប្តេជ្ញារួមគ្នាថែរក្សាការពារសន្តិសុខ និងសន្តិភាពនៅតាមព្រំដែនរួមគ្នាឱ្យកាន់តែល្អបន្ថែមទៀត រួមទាំងខិតខំធ្វើយ៉ាងណា ជំរុញពាណិជ្ជកម្មរួមគ្នាឱ្យកាន់តែរីកចម្រើនផងដែរ ដើម្បីផលប្រយោជន៍រួមរបស់ប្រជាជនទាំងអស់គ្នា ។ នេះបើតាមការបញ្ជាក់​របស់​ ឯកឧត្តម ជា ធីរិទ្ធ អ្នកនាំពាក្យគណបក្សប្រជាជនកម្ពុជា ។ ថ្លែងក្រោយបញ្ចប់កិច្ចប្រជុំកំពូលត្រីភាគី រវាងថ្នាក់ដឹកនាំកំពូល គណបក្សប្រជាជនកម្ពុជា ,គណបក្សកុម្មុយនីស្តវៀតណាម និងបក្សប្រជាជនបដិវត្តន៍ឡាវ នារសៀលថ្ងៃទី៦ ខែកុម្ភៈ ឆ្នាំ២០២៦ នៅវិមាន៧មករា រាជធានីភ្នំពេញ ឯកឧត្តម ជា ធីរិទ្ធ បានឱ្យដឹងថា នៅក្នុងកិច្ចប្រជុំត្រីភាគីនេះ ថ្នាក់ដឹកនាំទាំងបី បានពិភាក្សាគ្នាយ៉ាងច្រើនក្នុងគោលបំណងពង្រីក និងពង្រឹងកិច្ច​សហប្រតិបត្តិការរួមគ្នាឲ្យកាន់តែក្លាំងក្លាបន្ថែមទៀត លើគ្រប់វិស័យទាំងវិស័យការពារជាតិ វិស័យពាណិជ្ជកម្ម-សេដ្ឋកិច្ច និងវិស័យវប្បធម៌ជាដើម ។ ទាក់ទងនឹងវិស័យសេដ្ឋកិច្ច និងពាណិជ្ជកម្មនេះ ថ្នាក់ដឹកនាំកំពូលទាំងបី សុទ្ធតែជំរុញឱ្យរដ្ឋាភិបាល នៃប្រទេសរបស់ខ្លួន ឱ្យ​ប្រឹងប្រែងបន្ថែមទៀត ដើម្បីពង្រីកការធ្វើពាណិជ្ជកម្មជំរុញ​ទំហំពាណិជ្ជកម្មជាមួយគ្នា។…

ភ្នំពេញកូនទន្សោងឈ្មោលតូចមួយក្បាលដែលជាសត្វព្រៃកម្រត្រូវបានប្រជាសហគមន៍រួមគ្នាជួយសង្រ្គោះបន្ទាប់ពីបានប្រទះឃើញវាវង្វេងបែកពីមេក្នុងដីចម្ការអំពៅស្ថិតនៅសហគមន៍ការពារព្រៃឈើប្រាំបីមុម ឃុំប្រាំបីមុម ស្រុកថ្ពង ខេត្តកំពង់ស្ពឺ។ អង្គការគាំពារសត្វព្រៃកម្ពុជា(CWC)បានឱ្យដឹងថា កូនសត្វទន្សោងមួយ​ក្បាល​នេះគេឃើញវាបានវង្វេងពីមេរបស់វា​កាលពី​ដើមសប្ដាហ៍នេះ។​ប្រជាសហគមន៍បានយកវាមកថែទុកមួយយប់ដើម្បីឱ្យមេវាមកយកវិញ។ប៉ុន្តែ​បន្ទាប់ពីឃើញថា​មេវាមិន​បានមករកយកវាទៅហ្វូងវិញទេ ទើបប្រជា​សហគមន៍ការពារព្រៃឈើប្រាំបីមុមសម្រច​ចិត្តប្រគល់ឱ្យអង្គការ​គាំពារ​សត្វព្រៃកម្ពុជា​អ្នកថែទាំងតែម្តង។ លោក លក្ខ ភឿន សមាជិក នៃសហគមន៍ការពារព្រៃឈើប្រាំបីមុម​បានប្រាប់បណ្ដាញព័ត៌មានAMSនៅថ្ងៃទី៦ ខែកុម្ភៈ ឆ្នាំ ២០២៦ថា កូនទន្សោងមានអាយុប្រហែល២សប្តាហ៍។​ពេលនេះវាត្រូវបានអង្គការ​គាំពារសត្វព្រៃកម្ពុជាជួយសង្រ្គោះ​ដោយយក​ទៅចិញ្ចឹមហើយ។ បើតាមលោក លក្ខ ភឿន បច្ចុប្បន្នសត្វទន្សោងកំពុងរស់នៅសហគមន៍​ការពារព្រៃឈើប្រាំបីមុមចំនួនជាង១០០ក្បាល ។ចំនួន​នេះ​បានកើន​ឡើងបន្តបន្ទាប់។ក្រៅពីនេះបើគេគិតជាមធ្យមកូនទន្សោងបានកើត​នៅ​ក្នុងសហគមន៍ការពារព្រៃឈើប្រាំបីមុម​ក្នុងមួយឆ្នាំៗយ៉ាងតិចក៏៥ក្បាល​ដែរ។ គួរបញ្ជាក់ថាសហគមន៍ការពារព្រៃឈើប្រាំបីមុម មានផ្ទៃដី ១ ២២១​ហិកតា ស្ថិតនៅឃុំប្រាំបីមុម ស្រុកថ្ពង ខេត្តកំពង់ស្ពឺ។សហគមន៍​មួយនេះមានសត្វព្រៃជាច្រើនរស់នៅ ដូចជា ជ្រូកព្រៃ ឆ្កែចចក ឈ្លូស, សត្វស្លាបជាច្រើប្រភេទ និងល្មូនកម្រៗ ជាច្រើនទៀត៕ដោយ៖ម៉ាដេប៉ូ

ក្រុងកូវ៉ែត៖ តបតាមការអញ្ជើញរបស់រដ្ឋកូវ៉ែតជាម្ចាស់ផ្ទះនិងលោកជំទាវអគ្គលេខាធិការនៃអង្គការសហប្រតិបត្តិការឌីជីថល (Digital Cooperation Organization – DCO) ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍បានដឹកនាំគណៈប្រតិភូក្រសួងចូលរួមជាភ្ញៀវ (Guest Country) ក្នុងមហាសន្និបាតលើកទី៥ នៃអង្គការ DCO ក្រោមប្រធានបទ “វិបុលភាពប្រកបដោយបរិយាបន្នក្នុងយុគសម័យបញ្ញាសិប្បនិម្មិត” កាលពីថ្ងៃទី៤-៥ ខែកុម្ភៈ ឆ្នាំ២០២៦ ដោយមានការចូលរួមពីរដ្ឋមន្រ្តីនិងថ្នាក់ដឹកនាំនៃក្រសួងទទួលបន្ទុកឌីជីថលរបស់បណ្តាប្រទេសជាសមាជិកនិងប្រទេសជាភ្ញៀវ ស្ថាប័នសង្កេតការណ៍ ដៃគូ និងវិស័យឯកជន មកពីប្រមាណ៦០ប្រទេស។ បច្ចុប្បន្ន អង្គការ DCO ដែលត្រូវបានបង្កើតនៅឆ្នាំ២០២០ មានសមាជិកចំនួន ១៦ប្រទេស ស្ថាប័នសង្កេតការណ៍ចំនួន ៤៩ និងស្ថាប័នដៃគូចំនួន ២០ ហើយអង្គការនេះមានគោលបំណងលើកកម្ពស់ការអភិវឌ្ឍសង្គមតាមរយៈកិច្ចសហការវិស័យឌីជីថល ដោយរួមគ្នាការពារផលប្រយោជន៍របស់រដ្ឋសមាជិក។ ក្នុងវេទិកាកិច្ចសហការឌីជីថលអន្តរជាតិ (International Digital Cooperation Forum – IDCF) ដែលជាព្រឹត្តិការណ៍អមនៃមហាសន្និបាតលើកទី៥ នៃអង្គការ DCO ឯកឧត្ដមរដ្ឋមន្ត្រីបានចូលរួមជាវាគ្មិនក្នុងកិច្ចពិភាក្សាលើការគ្រប់គ្រងហានិភ័យបញ្ញាសិប្បនិម្មិតដែលមានលក្ខណៈជាប្រព័ន្ធ។ ឆ្លៀតក្នុងឱកាសនេះដែរ ឯកឧត្ដមរដ្ឋមន្ត្រី បានជួបពិភាក្សាការងារទ្វេភាគីជាមួយបណ្ដារដ្ឋមន្ត្រីឌីជីថលនិងតំណាងមកពីប្រទេសអារ៉ាប៊ីសាអ៊ូឌីត ហ្ស៊កដានី កេនយ៉ា និងបង់ក្លាដេស…

ភ្នំពេញ៖ ថ្នាក់ដឹកនាំបក្សកាន់កាន់អំណាចកម្ពុជា និងវៀតណាមបានប្ដេជ្ញាពង្រឹង និងពង្រីកទំនាក់ទំនងតាមព្រំដែននៃប្រទេសទាំងពីរឱ្យកាន់តែរីកចម្រើន ជាពិសេសបានឯកភាពគ្នា ពង្រីកទំហំពាណិជ្ជកម្មទ្វេភាគីឱ្យកើនឡើងដល់ ២០ពាន់លានដុល្លារនៅពេលខាងមុខ។ នេះបើតាមឯកឧត្តម ជា ធីរិទ្ធ អ្នកនាំពាក្យគណបក្សប្រជាជនកម្ពុជា ។ បន្ទាប់ពីកិច្ចប្រជុំកំពូលរវាងគណបក្សប្រជាជនកម្ពុជា ដឹកនាំដោយសម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានគណបក្ស និងគណបក្សកុម្មុយនីស្តវៀតណាម ដឹកនាំដោយឯកឧត្តម តូ ឡឹម អគ្គលេខាធិការបក្ស នៅវិមាន ៧មករា នាព្រឹកថ្ងៃទី០៦ ខែកុម្ភៈ ឆ្នាំ២០២៦ ឯកឧត្តម ជា ធីរិទ្ធ បានប្រាប់អ្នកយកព័ត៌មានថា សម្ដេចតេជោបានសម្តែងក្ដីរីករាយចំពោះភាពរីកចម្រើននៃទំនាក់ទំនងទ្វេភាគីកម្ពុជា-វៀតណាម ទាំងក្នុងក្របខ័ណ្ឌគណបក្ស ស្ថាប័ននីតិប្រតិបត្តិ និងស្ថាប័ននីតិបញ្ញត្តិ។ នៅក្នុងកិច្ចប្រជុំនោះ ឯកឧត្តម តូ ឡឹម បានឯកភាពដូចដែលសម្ដេចតេជោបានលើកឡើង ហើយឯកឧត្តមបញ្ជាក់ពីការផ្ដល់តម្លៃខ្ពស់បំផុតចំពោះទំនាក់ទំនងកម្ពុជា និងវៀតណាម ដោយសង្កត់ធ្ងន់ថា វៀតណាមគាំទ្រឥតងាករេចំពោះការបង្កើតទំនាក់ទំនងដ៏ល្អរវាងប្រទេសទាំងពីរ ទាំងក្នុងក្របខណ្ឌគណបក្ស រដ្ឋាភិបាល និងស្ថាប័ននីតិបញ្ញត្តិ។ ឯកឧត្តម តូ ឡឹម បានសម្ដែងការពេញចិត្តចំពោះសន្តិសុខ សន្តិភាពនៅតាមព្រំដែនរួម ដែលមានកិច្ចសហប្រតិបត្តិការគ្នាយ៉ាងល្អ ក្នុងនោះឯកឧត្តមបានជំរុញឲ្យភាគីទាំងពីរធ្វើយ៉ាងណា…

ក្រសួងការបរទេស និងសហប្រតិបត្តិការអន្តរជាតិ បានប្រកាសថា នៅថ្ងៃទី៤ ខែកុម្ភៈ ឆ្នាំ២០២៦ សម្តេចមហាបវរធីបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានផ្ញើលិខិតមួយច្បាប់ជូនឯកឧត្តម អេម៉ានុយអែល ម៉ាក្រុង ប្រធានាធិបតីនៃសាធារណរដ្ឋបារាំង ដើម្បីឆ្លើយតបទៅនឹងការបង្ហាញឆន្ទៈរបស់ប្រទេសបារាំង ក្នុងការត្រៀមខ្លួនផ្តល់នូវឯកសារប្រវត្តិសាស្ត្រ និងបច្ចេកទេសពាក់ព័ន្ធនឹងព្រំដែនអន្តរជាតិរវាងប្រទេសកម្ពុជា និងប្រទេសថៃ ក្នុងករណីមានសំណើពីប្រទេសកម្ពុជា។ នៅក្នុងលិខិតនេះ សម្តេចធិបតីបានសម្តែងនូវអំណរគុណយ៉ាងស្មោះរបស់កម្ពុជាចំពោះប្រទេសបារាំង ដែលបានប្រកាន់ជំហរជាគោលការណ៍គាំទ្រចំពោះបទឈប់បាញ់រវាងកម្ពុជា និងថៃ ក៏ដូចជាចំពោះការចូលរួមប្រកបដោយស្ថាបនារបស់ប្រទេសបារាំង ក្នុងកិច្ចប្រឹងប្រែងសម្រួលដល់ការដោះស្រាយ ជម្លោះដោយសន្តិវិធី ស្របតាមច្បាប់អន្តរជាតិ។ សម្តេចធិបតីក៏បានគូសបញ្ជាក់ថា កម្ពុជាវាយតម្លៃខ្ពស់ចំពោះការរួមចំណែករបស់បារាំងដល់សន្តិភាព ការអភិវឌ្ឍ និងការកសាងជាតិឡើងវិញរបស់កម្ពុជារាប់ទសវត្សរ៍មកហើយ។ ការរួមចំណែកនេះបានដើរតួនាទីយ៉ាងសំខាន់ក្នុងការពង្រឹងសមត្ថភាពជាតិកម្ពុជា ហើយព្រមទាំងបានធ្វើឱ្យភាពជាដៃគូពហុវិស័យរវាងប្រទេសទាំងពីរកាន់តែមានភាពស៊ីជម្រៅថែមទៀត។ សម្តេចធិបតីបានសង្កត់ធ្ងន់ដែរថា កម្ពុជាផ្តល់សារៈសំខាន់ចំពោះតួនាទីរបស់បារាំង មិនត្រឹមតែក្នុងនាមជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិប៉ុណ្ណោះទេ ប៉ុន្តែថែមទាំងជាអ្នកដឹកនាំគាំទ្រដ៏ឈានមុខមួយ ចំពោះអភិបាលកិច្ចសកល ច្បាប់អន្តរជាតិ និងពហុភាគីនិយម និងក្នុងនាមជាដៃគូយូរអង្វែង ដែលមានការផ្សាភ្ជាប់ទំនាក់ទំនងតាមរយៈការគោរពគ្នាទៅវិញទៅមក ប្រវត្តិសាស្ត្ររួម និងតម្លៃរួម។ នៅក្នុងបរិបទនេះ សម្តេចធិបតីបានស្នើសុំឱ្យប្រទេសបារាំងពិចារណាផ្តល់ការគាំទ្របច្ចេកទេស ជំនាញ និងការប្រឹក្សាយោបល់ ព្រមទាំងសម្រួលការទទួល និងផ្តល់ឯកសារប្រវត្តិសាស្ត្រ និងបច្ចេកទេសពាក់ព័ន្ធនឹងព្រំដែនអន្តរជាតិរវាងកម្ពុជា និងថៃ ដែលជាមរតកនៃសម័យអាណាព្យាបាល។ សម្តេចធិបតីបានបញ្ជាក់ជាថ្មីថា កម្ពុជាត្រៀមខ្លួនធ្វើការយ៉ាងជិតស្និទ្ធជាមួយបារាំង…

ដីល្បាយខ្សាច់មិនជាប់ទឹក និងដីគ្មានជីជាតិសម្រាប់ដំណាំទូទៅ គឺជាប្រភេទដី ដែលមានលក្ខណៈអំណោយផលសម្រាប់ដាំស្វាយចន្ទី។ អ្នកជំនាញណែនាំថា ប្រជាកសិករគួរងាកមកជ្រើសរើសដាំដំណាំនេះជំនួសវិញ ព្រោះវាអាចផ្តល់ទិន្នផលខ្ពស់ និងមានសក្តានុពលទីផ្សារល្អ។ លោក អួន ស៊ីឡុត ប្រធានសមាគមស្វាយចន្ទីកម្ពុជា បានមានប្រសាសន៍ថា ការដាំស្វាយចន្ទីលើដីគ្មានជីជាតិ ជាពិសេសដីល្បាយខ្សាច់មិនជាប់ទឹក អាចប្រមូលផលបានចន្លោះពី ៨០០គីឡូ ទៅ ២តោនកន្លះក្នុងមួយហិកតា។ ចំណែកដីមានជីជាតិល្អ ដូចជាដីក្រហមវិញ អាចផ្តល់ទិន្នផលចាប់ពី ៣ ទៅ ៤តោនក្នុងមួយហិកតា។ លោកបញ្ជាក់ថា ចំពោះដីអន់ដែរ តែជាំទឹក គឺមិនសមស្របសម្រាប់ដាំស្វាយចន្ទីឡើយ ហើយដីប្រភេទនេះភាគច្រើនស្ថិតនៅក្នុងខេត្តកំពង់ស្ពឺ កំពង់ឆ្នាំង និងពោធិ៍សាត់។ ចំណែកខេត្តដែលមានដីល្បាយខ្សាច់មិនជាប់ទឹក ទោះបីគ្មានជីជាតិក៏ដោយ ប៉ុន្តែអំណោយផលសម្រាប់ដាំស្វាយចន្ទី មាននៅខេត្តមួយចំនួនដូចជា កំពង់ធំ ព្រះវិហារ ស្ទឹងត្រែង ក្រចេះ និងរតនគិរី។ ក្រៅពីនេះ លោក អួន ស៊ីឡុត បានឱ្យដឹងថា ដំណាំស្វាយចន្ទីអាចចាប់ផ្តើមប្រមូលផលចាប់ពីអាយុ ២ឆ្នាំ ឡើងទៅ។ ទិន្នផលនៅឆ្នាំដំបូងមានចន្លោះពី ២០០ ដល់ ៣០០គីឡូក្រាមក្នុងមួយហិកតា ហើយចន្ទីមួយដើមអាចផ្តល់ផលរយៈពេលរហូតដល់ទៅ ២០ឆ្នាំ។…