កាលពីឆ្នាំ២០២៥ មន្ទីរពេទ្យគន្ធបុប្ផាទាំងនៅរាជធានីភ្នំពេញ និងនៅខេត្តសៀមរាប បានផ្តល់សេវាពិនិត្យ និងព្យាបាលជំងឺជូនទារក កុមារ និងស្ត្រីមានផ្ទៃពោះសរុបចំនួនជាង ១,៤លានករណី គឺកើនឡើង២៥% បើធៀបនឹងរយៈពេលដូចគ្នាក្នុងឆ្នាំ២០២៤ ក្នុងនោះ ភាគច្រើនគឺជាការពិនិត្យ និងព្យាបាលនៅផ្នែកពិគ្រោះជំងឺក្រៅ ដែលមានរហូតដល់ ១,០៧លានករណី។ នេះបើយោងតាមរបាយការណ៍ ដែលត្រូវបានបង្ហាញកាលពីថ្ងៃទី៤កុម្ភៈនៅក្នុងកិច្ចប្រជុំក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជា ធ្វើឡើងក្រោមអធិបតីភាពរបស់ឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សានេះ។ មូលនិធិគន្ធបុប្ផាកម្ពុជាបានបញ្ជាក់ថា កាលពីឆ្នាំមុន ទារក និងកុមារមានជំងឺធ្ងន់ធ្ងរដាក់ឱ្យសម្រាកព្យាបាលនៅក្នុងមន្ទីរពេទ្យគន្ធបុប្ផាមានចំនួនជាង ២៣ម៉ឺននាក់។ មន្ទីរពេទ្យក៏បានទទួលព្យាបាលកុមារឆ្លងជំងឺគ្រុនឈាមចំនួនជិត ២៣ ០០០នាក់, កុមារដែលត្រូវព្យាបាលនិងវះកាត់ទូទៅចំនួនជិត ៣៥ ០០០នាក់និងកុមារមានជំងឺបេះដូងពីកំណើតដែលត្រូវវះកាត់ចំនួនជាង ១ ០០០ នាក់។ ដោយឡែក ស្ត្រីមានផ្ទៃពោះដែលបានមកទទួលសេវាពិនិត្យ និងតាមដាននៅមន្ទីរពេទ្យគន្ធបុប្ផាសៀមរាបមានចំនួនជាង ១០ម៉ឺនករណី និងសម្រាលកូន ចំនួនជាង ២៥ ០០០នាក់។ ជាមួយនឹងលទ្ធផលខាងលើ, មន្ទីរពេទ្យគន្ធបុប្ផាបានចំណាយថវិកាសរុបចំនួនជាង ៤៦ លានដុល្លារ អាម៉េរិក ដើម្បីបន្តបេសកកម្មរបស់ខ្លួន ក្នុងផ្តល់សេវាពិនិត្យ និងព្យាលជំងឺទារក និងកុមារ…

ក្រុមប្រឹក្សាជាតិប្រឆាំងអំពើពុករលួយ បានគាំទ្រអង្គភាពប្រឆាំងអំពើពុករលួយ លើប្រតិបត្តិការបង្រ្កាប និងទប់ស្កាត់ការប្រឡងជំនួស ដែលមិនមែនសំដៅលើការចាប់បុគ្គលណានោះទេ ប៉ុន្តែវាជាគោលការណ៍ច្បាប់ ដែលអង្គភាពប្រឆាំងអំពើពុករលួយត្រូវបង្ការទប់ស្កាត់អំពើពុករលួយ ដើម្បីសម្រេចគោលដៅពិតប្រាកដរបស់ច្បាប់ គឺលុបបំបាត់បាតុភាពប្រឡងជំនួសឱ្យបានទាំងស្រុង ។ នេះបើតាមសេចក្ដីប្រកាសព័ត៌មានស្តីពីកិច្ចប្រជុំលើកទី៦ អាណត្តិទី៤ នៃក្រុមប្រឹក្សាជាតិប្រឆាំងអំពើពុករលួយ ក្រោមវត្តមានសម្ដេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិប្រឆាំងអំពើពុករលួយ នារសៀលថ្ងៃទី៤ ខែកុម្ភៈ ឆ្នាំ២០២៦ ។ ឯកឧត្តម យ៉ិនទៀង ពុទ្ធិរិទ្ធ ប្រធានស្តីទីអង្គភាពប្រឆាំងអំពើពុករលួយ បានបញ្ជាក់ថា អង្គភាពនេះបានចូលរួមសង្កេតការណ៍ក្នុងដំណើរការប្រឡងជ្រើសរើសចំនួន ៣ រួមមាន៖ការប្រឡងជ្រើសរើសបេក្ខជន ចូលសិក្សាថ្នាក់វេជ្ជបណ្ឌិតឯកទេស នៅសាកលវិទ្យាល័យវិទ្យាសាស្រ្តសុខាភិបាល សម្រាប់ឆ្នាំសិក្សា២០២៥-២០២៦, ការប្រឡងជ្រើសរើសមន្រ្តីជាប់កិច្ចសន្យាសម្រាប់បម្រើការនៅសាលាខេត្តកណ្តាល និងការប្រឡងជ្រើសរើសនិសិ្សតចូលរៀនថ្នាក់ឆ្នាំទី១ កម្រិតបរិញ្ញាបត្ររង នៅតាមគ្រឹះស្ថានបណ្តុះបណ្តាលក្នុងវិស័យសុខាភិបាល។ ចំពោះដំណើរការប្រឡងចូលតាមគ្រឹះស្ថានបណ្តុះបណ្តាលក្នុងវិស័យសុខាភិបាលរយៈពេល ២ថ្ងៃ គឺថ្ងៃទី៣១ ខែមករា និងថ្ងៃទី១ ខែកុម្ភៈ ឆ្នាំ២០២៦ រៀបចំដោយគណៈកម្មការប្រឡងថ្នាក់ជាតិក្នុងវិស័យសុខាភិបាល ACU បានចាត់បញ្ជូនមន្ត្រីជំនាញ ២៦២នាក់ ជាកម្លាំងចំហសម្រាប់សង្កេតការណ៍ដំណើរការប្រឡង ព្រមទាំងកម្លាំងសម្ងាត់មួយចំនួនទៀតផងដែរ ។ ក្នុងដំណើរការថ្ងៃទី១ មន្ត្រីជំនាញ ACU បានរកឃើញអ្នកគប់គិតគ្នា ៤នាក់…

(ភ្នំពេញ)៖ នាព្រឹកថ្ងៃទី០៤ ខែកុម្ភៈ ឆ្នាំ២០២៦ ត្រូវនឹងថ្ងៃពុធ ២រោច ខែមាឃ ឆ្នាំម្សាញ់ សប្ដស័ក ព.ស. ២៥៦៩ ពិធីក្រុងពាលី និងបញ្ចុះបឋមសិលាសាងសង់ «មហាកុដិ សម្ដេចវិបុលបញ្ញា សុខ អាន» ត្រូវបានប្រារព្ធឡើងយ៉ាងឱឡារិកក្រោមអធិបតីភាពដ៏ខ្ពង់ខ្ពស់របស់លោកជំទាវ អាន្នី សម្ដេចវិបុលបញ្ញា សុខ អាន។ ពិធីក្រុងពាលីនេះមានការនិមន្តចូលរួមពីសម្ដេចព្រះមហាសុមេធាធិបតី កិត្ដិឧទ្ទេសបណ្ឌិត អំ លីមហេង សម្ដេចព្រះសង្ឃនាយកគណៈមហានិកាយ នៃព្រះរាជាណាចក្រកម្ពុជា និងមានការអញ្ជើញចូលរួមពីឯកឧត្តមកិត្តិសេដ្ឋាបណ្ឌិត ចម ប្រសិទ្ធ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងលោកជំទាវ ឯកឧត្តម សុខ សូកេន រដ្ឋមន្រ្តីក្រសួងអធិការកិច្ច និងលោកជំទាវ ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា ព្រមទាំងក្រុមគ្រួសារ បុត្រាបុត្រី ចៅប្រុសចៅស្រីរបស់សម្ដេចវិបុលបញ្ញា សុខ អាន ដែលប្រារព្ធឡើងនៅបរិវេណវត្តសារាវ័នតេជោ ក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។ មហាកុដិដ៏ស្កឹមស្កៃនេះត្រូវបានផ្ដួចផ្ដើមកសាងឡើងដោយសទ្ធាជ្រះថ្លារបស់មហាលក្ខណាភិរ័ក្ខរតន៍ អគ្គមហាឧបាសិកាពុទ្ធសាសនូបត្ថម្ភក៍ តាន់…

យោងតាមសេចក្តីប្រកាសរបស់ក្រសួងការពារជាតិ ក្រុមលេខាធិការដ្ឋាននៃគណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) រវាងយោធភូមិភាគទី៣ ភាគីកម្ពុជា និងបញ្ជាការការពារព្រំដែនចន្ទបុរី-ត្រាត ភាគីថៃ បានជួបប្រជុំគ្នានៅរសៀលថ្ងៃទី៤ ខែកុម្ភៈនេះ នៅច្រកអន្តរជាតិចាំយាម-ហាតលឹក ស្រុកមណ្ឌលសីម៉ា ខេត្តកោះកុង ក្រោមការសង្កេតការណ៍ពីក្រុមអ្នកសង្កេតការណ៍អាស៊ាន (AOT)។ ក្រុមលេខាធិការរបស់កម្ពុជាដឹកនាំដោយ ឧត្តមសេនីយ៍ទោ មុំ សាម៉ឺឌី មេបញ្ជាការរង យោធភូមិភាគទី៣ និងក្រុមលេខាធិការរបស់ថៃ ដឹកនាំដោយ វរនាវីឯក ឧត្តម គុនសិរិប៉ាន់យ៉ោ នាយសេនាធិការ បញ្ជាការការពារព្រំដែនចន្ទបុរី-ត្រាត។ ដោយសារតែភាគីទាំងពីរមិនទាន់រកឃើញនូវចំណុចកណ្តាលរួមគ្នាមួយនៅឡើយ ដូច្នេះភាគីទាំងពីរបានឯកភាពគ្នាដកឃ្លាវិលត្រលប់ទៅទីបញ្ជាការរៀងខ្លួនវិញ ហើយបន្តផ្លាស់ប្តូរឯកសារ និងពិភាក្សាគ្នាឈានដល់ការឯកភាពគ្នានាពេលខាងមុខទើបមានការរៀបចំពិធីចុះហត្ថលេខា និងកិច្ចប្រជុំគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី៣ របស់កម្ពុជា និងបញ្ជាការការពារព្រំដែនចន្ទបុរី-ត្រាត របស់ថៃ ។ កិច្ចប្រជុំពិសេសនៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) នេះធ្វើឡើងផ្អែកតាមស្មារតីនៃសេចក្តីប្រកាសរួម នៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ (GBC) រវាងព្រះរាជាណាចក្រកម្ពុជា និងព្រះរាជាណាចក្រថៃ កាលពីថ្ងៃទី២៧ ខែធ្នូ ឆ្នាំ២០២៥ ដែលភាគីទាំងពីរបានបញ្ជាក់សាជាថ្មីអំពីការបន្តអនុវត្តយ៉ាងម៉ឺងម៉ាត់ខ្ជាប់ខ្ជួននូវលទ្ធផលនៃកិច្ចប្រជុំពិសេសនេះឱ្យបានពេញលេញ និងប្រកបដោយប្រសិទ្ធភាព ក៏ដូចជាការបន្តកិច្ចខិតខំប្រឹងប្រែងកាត់បន្ថយភាពតានតឹងតាមបណ្តោយព្រំដែន ព្រមទាំងស្វែងរកកិច្ចសហប្រតិបត្តិការជាក់ស្តែងសំដៅលើកកម្ពស់សន្តិភាព និងស្ថិរភាពរវាងប្រទេសទាំងពីរ…

នៅក្នុងសេចក្តីប្រកាសព័ត៌មានចុះថ្ងៃទី២មករា ក្រុមការងារចំពោះកិច្ចគ្រប់គ្រងមូលនិធិកសាងហេដ្ឋារចនាសម្ព័ន្ធតាមព្រំដែន បានគូសបញ្ជាក់អំពីវឌ្ឍនភាពនៃការកសាងផ្លូវក្រវាត់ព្រំដែន និងដំណើរការនៃការគ្រប់គ្រងមូលនិធិ ប្រកបដោយតម្លាភាព គណនេយ្យភាព និងក្នុងស្មារតីសន្សំសំចៃខ្ពស់។ ក្នុងរយៈពេល១៣ខែ គិតចាប់ពីខែធ្នូ ឆ្នាំ២០២៤ មកដល់ថ្ងៃទី១១ ខែមករា ឆ្នាំ២០២៦ នេះ ក្រុមការងារចំពោះកិច្ចគ្រប់គ្រងមូលនិធិកសាងហេដ្ឋារចនាសម្ព័ន្ធតាមព្រំដែនបានឈូសព្រៃទទឹង ៥ ម៉ែត្រ បានប្រវែង ២៤១ គីឡូម៉ែត្រ សម្រាប់រកផ្លូវខ្សែដំបូង, ឈូសផ្លូវទទឹង ២០ ម៉ែត្រ បានប្រវែង ២១៧ គីឡូម៉ែត្រ សម្រាប់រកអ័ក្សផ្លូវ, ព្រមទាំងលុបជ្រលង-អូរ បន្ទាបចំណោតភ្នំ និងធ្វើប្រឡាយប្រវែង ១៩០ គីឡូម៉ែត្រ។ ក្រៅពីនេះ ក្រុមការងារក៏បានចិតជញ្ជាំងភ្នំ ធ្វើប្រឡាយបង្ហូរទឹកភ្លៀង កសាងទំនប់សុវត្ថិភាព និងកសាងតួផ្លូវសម្រេចបានប្រវែង ១៨៩ គីឡូម៉ែត្រ, ព្រមទាំងចាក់ក្រាលល្បាយកម្ទេចថ្ម-កិនបង្ហាប់បានប្រវែង ១២០ គីឡូម៉ែត្រ។ ជាលទ្ធផលរួមនៃដំណើរការកសាងផ្លូវក្រវាត់ព្រំដែននេះ គឺសម្រេចបានប្រមាណ ៧២% នៃផែនការរួម ក្នុងនោះ ខេត្តមណ្ឌលគិរី សម្រេចបាន ៩១% និងខេត្តរតនគិរី សម្រេចបានជិត ៥២%។ ចំពោះមុខនេះ…