ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ ព្រមទាំងលោកជំទាវ ឌិត នីតា និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាព្រឹកថ្ងៃទី២៨ ខែធ្នូ ឆ្នាំ២០២៥ បានអញ្ជើញដាំដើមផ្កាជើងគោ លម្អអមសងខាងផ្លូវជាតិលេខ៧ ស្គន់-ក្រុងកំពង់ចាម ក្រោមយុទ្ធនាការ «ផ្ទះមួយខ្នង ដើមឈើមួយដើម» ។ កាលពីខែកញ្ញាកន្លងទៅ ដោយមានការចូលរួមពីអាជ្ញាធរមូលដ្ឋាន និងបងប្អូនប្រជាពលរដ្ឋ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញប្រារព្ធពិធីដាំដើមផ្កាជើងគោជានិមិត្តរូបចំនួន២០០ដើម លើផែនការ ១៥ ០០០ដើម ដែលត្រូវបានដាំដុះជាបន្តបន្ទាប់ ដើម្បីលើកកម្ពស់សោភណភាព នៅតាមបណ្តោយទ្រូងផ្លូវជាតិលេខ៧ និងលម្អសងខាងចិញ្ចើមផ្លូវ ចាប់ពីរង្វង់មូលស្គន់ ស្រុកជើងព្រៃ ដល់រង្វង់មូលស្ពានគីហ្សូណា ក្រុងកំពង់ចាម ។ ឯកឧត្តមអភិបាលខេត្តបានថ្លែងអំណរគុណដល់ឯកឧត្តមឧបនាយករដ្ឋមន្ត្រី សាយ សំអាល់ ដែលបានផ្តល់កូនឈើផ្កាជើងគោចំនួនទាំង ១៥ ០០០ដើម ដើម្បីគាំទ្រដល់គម្រោងលើកកម្ពស់សោភ័ណភាពផ្លូវជាតិលេខ៧ ឱ្យមានទេសភាពបៃតងស្រស់បំព្រង ព្រមទាំងបានអញ្ជើញចូលរួមដាំដើមផ្កាជើងគោជានិមិត្តរូបនាឱកាសនេះផងដែរ ។ គួរបញ្ជាក់ផងដែរថា គម្រោងស្ថាបនាលើកកម្រិតផ្លូវជាតិលេខ៧ជា៤គន្លង…

ភ្នំពេញ៖ រសៀលថ្ងៃទី២៦ ខែធ្នូ ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ ​ បានអញ្ជើញជួបសំណេះសំណាលជាមួយនិស្សិតជ័យលាភីអាហារូបករណ៍សិក្សានៅប្រទេសអូស្រ្តាលី និងនូវែលសេឡង់ នៅទីស្ដីការ ក.ប.ទ.។ ក្នុងជំនួបសំណេះសំណាលនេះ ឯកឧត្តមរដ្ឋមន្រ្តី បានលេីកឡេីងអំពីស្ថានភាពបច្ចុប្បន្ននៃការឈ្លានពានរបស់កងទ័ពថៃ មកលើដែនអធិបតេយ្យរបស់ព្រះរាជាណាចក្រកម្ពុជា។ បន្ថែមលើនេះ ឯកឧត្តមរដ្ឋមន្រ្តី ក៏បានរៀបរាប់អំពីវឌ្ឍនភាពនិងសមិទ្ធផលការងាររបស់ក្រសួងដែលសម្រេចបាននាពេលកន្លងមក ការបណ្តុះបណ្តាលធនធានមនុស្សឌីជីថល ការអភិវឌ្ឍថ្នាលនិងកម្មវិធីរាជរដ្ឋាភិបាល និងការធ្វើបរិវត្តកម្មរដ្ឋាភិបាលឌីជីថលនៅកម្ពុជា។ មុននឹងបញ្ចប់ ឯកឧត្តមរដ្ឋមន្រ្តី បានថ្លែងកោតសរសើរចំពោះកិច្ចខិតខំប្រឹងប្រែងរបស់និស្សិតជ័យលាភីអាហារូបករណ៍ទាំងពីរក្រុម ព្រមទាំងបានលើកទឹកចិត្តឱ្យនិស្សិតជ័យលាភីទាំងអស់ ត្រូវយកចំណេះដឹងដែលខ្លួនបានទទួលក្រោយសិក្សានៅបរទេស មកជួយអភិវឌ្ឍនិងកសាងប្រទេសជាតិយើងឱ្យបានរីកចម្រើនជាលំដាប់ និងត្រូវប្រកាន់ខ្ជាប់នូវស្មារតីជា “ខ្មែរ” ទោះស្ថិតក្នុងកាលទេសៈណាក៏ដោយ៕ ដោយ៖ង៉ាន់ ទិត្យ

ប្រជាពលរដ្ឋខ្មែរគ្រប់រូបពិតជាបានឃើញច្បាស់នូវទង្វើ ដែលមិនគួរឱ្យជឿរបស់ក្រុមប្រឆាំងជ្រុលនិយមនៅក្រៅប្រទេសមួយក្តាប់តូច ក្នុងអំឡុងពេលដែលកម្ពុជារងការឈ្លានពានពីប្រទេសថៃ។ ដូច្នេះ សំណួរថា «តើក្រុមនេះបានជួយអ្វីខ្លះដល់ប្រទេសជាតិ?» ពិតជាមិនអាចសួរកើតទេ ប៉ុន្តែសំណួរដែលត្រឹមត្រូវបំផុតគឺ «តើក្រុមប្រឆាំងជ្រុលនិយមទាំងនេះបានបំផ្លាញជាតិខ្លួនឯងបែបណាខ្លះ?» ពិតណាស់ តើធ្វើនយោបាយដើម្បីអ្វី គឺដើម្បីជួយប្រទេសជាតិ និងប្រជាពលរដ្ឋរបស់ខ្លួនមែនដែរឬទេ? ដើម្បីអាចជួយប្រទេសជាតិបាន អ្នកនយោបាយត្រូវធ្វើសកម្មភាព ដើម្បីឱ្យប្រទេសជាតិរីកលូតលាស់ទៅមុខ និងឱ្យប្រជាពលរដ្ឋមានសេចក្តីសុខ និងរស់នៅក្នុងសន្តិភាពយូរអង្វែង។ លើសពីនេះ អ្នកនយោបាយត្រូវចេះបែងចែកអ្វីជារឿងនយោបាយផ្ទៃក្នុង និងអ្វីជានយោបាយការបរទេស ដែលត្រូវទប់ទល់ជាមួយឥទ្ធិពលពីខាងក្រៅ ជាពិសេសពេលប្រទេសជួបគ្រោះ ដូចជាការរំលោភបំពានរបស់ថៃមកលើបូរណភាពទឹកដីកម្ពុជាជាដើម។ សម្រាប់នយោបាយថ្នាក់ជាតិ អ្នកនយោបាយប្រកួតគ្នាដើម្បីរកសេចក្តីរីកចម្រើនជូនជាតិ និងប្រជាជន តាមរយៈការដាក់ចេញគោលនយោបាយ និងសកម្មភាពជាក់ស្តែង។ ការរិះគន់គ្នា បើទោះជាពេលខ្លះមានសភាពខ្លាំងក្លាយ៉ាងណាក៏ដោយ ក៏ជារឿងធម្មតាឱ្យតែក្នុងក្របខណ្ឌនៃការប្រកួតប្រជែងគ្នាផ្នែកគំនិត និងបញ្ញា។ ប៉ុន្តែ ក្រុមប្រឆាំងជ្រុលនិយមដែលមានទណ្ឌិត សម រង្ស៊ី និងគូកនមួយក្តាប់តូច ដូចជាអ៊ុំ សំអាន ជាសេនាធិការ មិនដែលប្រកាន់យកគំនិតនយោបាយបែបជឿនលឿននេះមកអនុវត្តទេ។ ផ្ទុយទៅវិញ ពួកគេបែរជាប្រកាន់យកទស្សនៈនយោបាយចាស់គំរឹល ហួសសម័យ តាមបែបគំនុំសងសឹក ផ្ទាល់ខ្លួនទៅវិញ បើទោះបីជាប្រវត្តិសាស្ត្របង្ហាញថា ទស្សនៈនយោបាយនេះបានបង្កគ្រោះថ្នាក់ធំធេងជាបន្តបន្ទាប់ដល់ប្រទេសជាតិនិងប្រជាពលរដ្ឋក៏ដោយ។ ក្នុងផ្នត់គំនិតរបស់ទណ្ឌិត សម រង្ស៊ី និងបក្ខពួក របស់ខ្លួន គឺមិនមែនធ្វើនយោបាយដើម្បីជាតិទេ…

នៅថ្ងៃទី២៨ ខែធ្នូ ឆ្នាំ២០២៥ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារទ្វេភាគីជាមួយ ឯកឧត្តម វ៉ាង យី រដ្ឋមន្រ្តីការបរទេស នៃសាធារណរដ្ឋប្រជាមានិតចិន នៅទីក្រុងគុនមិញ ខេត្តយូណាន សាធារណរដ្ឋប្រជាមានិតចិន។ ឯកឧត្តមឧបនាយករដ្ឋមន្ត្រី បានជម្រាបជូនភាគីចិនថា កម្ពុជាផ្តល់សារៈសំខាន់ខ្ពស់ចំពោះសាមគ្គីភាពជាប្រពៃណី មិត្តភាពដែកថែបដ៏យូរអង្វែង និងមូលដ្ឋានគ្រឹះដ៏រឹងមាំនៃទំនាក់ទំនងរវាងកម្ពុជា-ចិន និងសូមវាយតម្លៃខ្ពស់ចំពោះវឌ្ឍនភាពនៃកិច្ចសហប្រតិបត្តិការរវាងប្រទេសទាំងពីរ ជាពិសេសការប្រាស្រ័យទាក់ទងគ្នាយ៉ាងជិតស្និតសម្រាប់គ្រប់កម្រិត និងគ្រប់វិស័យ។ ឯកឧត្តមក៏បានកោតសរសើរយ៉ាងជ្រាលជ្រៅចំពោះតួនាទីសកម្ម និងស្ថាបនារបស់ប្រទេសចិន ក្នុងការគាំទ្រឱ្យមានបទឈប់បាញ់រវាងជម្លោះកម្ពុជា-ថៃ។ កិច្ចគាំទ្រជាបន្តបន្ទាប់របស់មិត្តចិនក្នុងការជំរុញការដោះស្រាយជម្លោះដោយប្រើប្រាស់កិច្ចសន្ទនា វិធីការទូត និងការគោរពគ្នាទៅវិញ ដើរតួនាទីយ៉ាងសំខាន់ក្នុងការគាំទ្រដល់ការអនុវត្តបទឈប់បាញ់ពេញលេញ និងឆ្ពោះទៅរកសន្តិភាពដ៏យុត្តិធម៌ និងយូរអង្វែង។

ភ្នំពេញ៖រដ្ឋមន្រ្តីការបរទេសអង់គ្លេស ,អាល្លឺម៉ង់ និងចិន បានបន្លឺ​សំឡេង​សាទរចំពោះបទឈប់បាញ់រវាងកម្ពុជា ថៃដែលបាន​ចូល​ជាធរមាននៅវេលាថ្ងៃត្រង់ទី២៧ ខែធ្នូ ឆ្នាំ២០២៥ បន្ទាប់ការ​ប្រយុទ្ធ​បានកើតឡើងរយៈពេល២០ថ្ងៃ។ លើបណ្ដាញសង្គមផ្លូវការ ស្ថានទូតអាល្លឺម៉ង់ប្រចាំនៅ​កម្ពុជា​នៅថ្ងៃទី២៧ ខែធ្នូ នេះបានបង្ហោះសារពី​លោក​បណ្ឌិត Johann Wadephul រដ្ឋមន្ត្រីការបរទេសសហព័ន្ធអាល្លឺម៉ង់លើបណ្តាញ​សង្គម អ៊ិច(X)។សាររបស់លោករដ្ឋមន្រ្តី​ការបរទេសបាន​ខ្លឹមសារថា”បទឈប់បាញ់រវាងប្រទេសថៃ និងកម្ពុជាផ្តល់ក្តីសង្ឃឹម។ បន្ទាប់ពីអំពើហិង្សាជាច្រើន​សប្តាហ៍ វាគឺជាជំហានដ៏សំខាន់មួយ​ឆ្ពោះទៅរកសន្តិសុខ និងស្ថិរភាព ជាពិសេសសម្រាប់ជនភៀសខ្លួន​ក្នុងស្រុក។ រដ្ឋមន្រ្តីការបរទេសអាល្លឺម៉ង់បានបន្ថែមដោយការជំរុញថា “ឥឡូវនេះ វាជារឿងសំខាន់ដែលភាគីទាំងពីរត្រូវប្រកាន់ខ្ជាប់​នូវកិច្ចព្រមព្រៀង​នេះ​ជាប់លាប់”។ លើបណ្ដាញសង្គមអ៊ិចដដែល លោកJohann Wadephul សូមថ្លែងអំណរគុណយ៉ាងជ្រាលជ្រៅ​ចំពោះ​ប្រធាន អាស៊ាន និងក្រុមសង្កេតការណ៍។ លោកថាតួនាទីរបស់ពួកគេនៅតែមាន​សារៈសំខាន់ក្នុងការទប់ស្កាត់ការកើត​ឡើងវិញ​នៃអំពើហិង្សា។តែលោកបាន​បង្ហាញនូវការកត់សម្គាល់ថា​កិច្ចព្រមព្រៀងបទ​ឈប់​បាញ់អាចជាជំហាន​ដំបូងឆ្ពោះទៅរកសន្តិភាពយូរអង្វែង ដើម្បី​សម្រេចបាននូវគោលដៅនេះ ការសន្ទនាត្រូវតែបន្ត។ ត្រឡប់ទៅអង់គ្លេសឯណោះវិញ លោកជំទាវរដ្ឋមន្ត្រីក្រសួង​ការបរទេស​នៃចក្រភពអង់គ្លេសបានសាទរ និង​បង្ហាញ​ការគាំទ្រ​យ៉ាងពេញទំហឹងចំពោះការសម្រេចបាននូវកិច្ចព្រមព្រៀងឈប់បាញ់គ្នារវាងប្រទេសកម្ពុជា និងថៃ។ តាមរយៈសេចក្តីថ្លែងការណ៍លោកជំទាវ Seema Malhotra MP រដ្ឋមន្ត្រីចក្រភពអង់គ្លេសទទួលបន្ទុក​តំបន់​ឥណ្ឌូប៉ាស៊ីហ្វិក បាន​ប្រកាសស្វាគមន៍ព័ត៌មាននៃបទឈប់បាញ់ជាថ្មីរវាងប្រទេសថៃ និងកម្ពុជា។លោកជំទាវបន្ថែមថា វាពិតជាសំខាន់ ដែលឥឡូវនេះ យើងឃើញការបន្តពិភាក្សា និងការអនុវត្តប្រកបដោយនិរន្តរភាព ដែលគាំទ្រ​ដោយ​អាស៊ានដើម្បីដាក់លក្ខខណ្ឌសម្រាប់សន្តិភាពរយៈ​ពេលវែង។ ចំណែកឯកឧត្តម វ៉ាង វិនប៊ិន ឯកអគ្គរដ្ឋទូតចិនប្រចាំកម្ពុជាក៏បាន​បង្ហោះសារលើបណ្ដាញផ្លូវការ​របស់លោកដោយ​សរសេរថា “សូម​អបអរ​សាទរដល់កម្ពុជានិងថៃ ក្នុងការឈានដល់កិច្ច​ព្រមព្រៀង​បទឈប់បាញ់។…

ភ្នំពេញ៖លោក ជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិបានថ្លែងថាបន្ទាប់ពីភាគីទាំងពីរគឺកម្ពុជា និងថៃបានឯកភាពគ្នាលើបទឈប់បាញ់ជាបន្ទាន់ និងក្រោយការចុះហត្ថលេខាលើសេចក្តីប្រកាសរួមគិតចាប់តាំងតែពីម៉ោង១២,០០ថ្ងៃត្រង់នាថ្ងៃទី២៧ ខែ ធ្នូ ឆ្នាំ ២០២៥ និង គិតដល់ម៉ោង១៦,០០រសៀលថ្ងៃនេះដែរស្ថានការណ៍ជួរមុខមានសភាពស្ងប់ស្ងាត់។ ក្នុងសន្និសីទសារព័ត៌មាននារសៀលថ្ងៃទី ២៧ ខែធ្នូ ឆ្នាំ ២០២៥ លោកជំទាវ ឧត្តមសេនីយ៍ឯក ម៉ាលី សុជាតាបានឱ្យដឹងថា៖ក្រោយការចុះហត្ថលេខាលើសេចក្តីប្រកាសរួមលើបទឈប់បាញ់ស្ងប់ស្ងាត់ តែ កងកម្លាំងរបស់យើងនៅតែបន្តតាមដានយ៉ាងយកចិត្តទុកដាក់យ៉ាងខ្ជាប់ខ្ជួនបំផុត និងកំពុងបំពេញតួនាទីរបស់ខ្លួនក្នុងស្មារតីប្រុងប្រយ័ត្នខ្ពស់ ដើម្បីការពារអធិបតេយ្យភាព និងបូរណៈភាពទឹកដីរបស់កម្ពុជា។ គួរបញ្ជាក់ថាតាមរយៈសេចក្តីថ្លែងការណ៍រួម រវាង កម្ពុជា-ថៃ គឺបានឯកភាពគ្នាលើបទឈប់បាញ់ ដោយអនុវត្តចាប់ពីម៉ោង ១២៖០០ថ្ងៃត្រង់ ថ្ងៃទី២៧ ខែធ្នូ ឆ្នាំ២០២៥ និងរក្សាការឈរជើងនៅទីតាំងបច្ចុប្បន្ន។ ក្នុងសេចក្តីថ្លែងការណ៍រួមនេះដែរ បានចុះហត្ថលេខាក្នុងកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ(GBC) នៅច្រកទ្វារព្រំដែន អន្តរជាតិព្រំ ទឹកដីខេត្តប៉ៃលិន ប្រទេសកម្ពុជា និងបានប៉ាក់កាដ ក្នុង ខេត្តច័ន្ទបុរី ប្រទេសថៃ ដោយក្នុងនេះនាយឧត្តមេសនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រកម្ពុជា…