លោក សំ លន អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង បានបញ្ជាក់នៅក្នុងកិច្ចសម្ភាសន៍ថា សក្ក​ដានុ​ពល​នៅខេត្តព្រៃវែងនេះ គឹតំណាំស្រូវបានឈានមុខ បើប្រៀបធៀបនិងតំណាំផ្សេងៗទៀត។ លោកបន្តថា « កន្លង​មកនេះ ជាការវាយតម្លៃមួយក្នុងរយៈពេល១០ឆ្នាំចុងក្រោយនេះ របស់ក្រសួងកសិកម្មរុក្ខាប្រមាញ់ និងនេសាទ បាន​ធ្វើ​ការ​វា​​យ​តម្លៃថា ខេត្តព្រៃវែងជាខេត្តមួយផលិតដំណាំស្រូវបានច្រើនជាងគេ ដោយសារយើង​ផលិតបាន​ក្នុងរង្វង់១​លាន​៤​​សែ​ន​តោន នៅក្នុងមួយឆ្នាំ​ ហើយនៅក្នុងបរិមាននេះ គឺយើងសល់ស្បៀងប្រមាណជា ៩សែន​តោន​សំរាប់​ធ្វើ​ការ​នាំចេញ »​។ លោក​បានបន្តថា ទន្ទឹមនេះ ខេត្តព្រៃវែងក៏មិនបានផ្តោតទៅលើតំណាំស្រូវតែមួយមុខនោះទេ ដោយសារតែតំណាំស្រូវ​ទទួល​បានចំណូលទាបជាងតំណាំផ្សេងៗ ឬមុខរបរផ្សេងៗ ហើយកសិករខ្លះក៏មិនបោះបង់ដំណាំស្រូវដែរ​ ពោលគឺ​កន្លែង​​​ដែលគាត់អាចពង្រីកបន្លែបាន​ ឬចិញ្ចឹមសត្វ គឺគាត់ធ្វើទំាងអស់ ទាំងស្រូវ បន្លែ និងសត្វទាំងអស់ ទៅតាមលទ្ធភាព និង​ការផ្សព្វផ្សាយរបស់មន្ទីរកសិកម្ម ខេត្ត។ លោកបានឱ្យដឹង បន្តថាតម្លៃស្រូវនាពេលបច្ចុប្បន្ននេះ គឺមិនជាមានការព្រួយបារម្មណ៍នោះទេ គឺតម្លៃស្រូវនៅ​ពេលថ្មីៗ​នេះ​ស្រូវផ្ការំដូលទទួលបានតម្លៃប្រមាណជា ១១០០ រៀល ហើយទីផ្សារនោះ​គឺឈ្មួញនាំចេញ​ទៅលក់​នៅប្រទេសវៀត​ណាម។ លោក សំ លន បន្តថា តម្លៃប៉ុណ្ណោះ គឺជាតម្លៃមួយដែលកសិករគាត់ត្រេកអរ ។ លោកបានបញ្ជាក់បន្តថា…