លោក ឆាំង យុ នាយកមជ្ឈមណ្ឌលឯកសារកម្ពុជា បានលើកឡើងថា ការសាងសង់ជញ្ជាំងព្រំដែនរវាងថៃ និងកម្ពុជា ដោយយោធាថៃមិនត្រូវបានទទួលស្គាល់ក្រោមច្បាប់អន្តរជាតិទេ ហើយក៏មិនទទួលបានការគាំទ្រពីប្រជាជនដែលរស់នៅតំបន់នោះដែរ។ លោក ឆាំង យុ​ យល់ឃើញថា​ សកម្មភាពនេះគឺថៃគ្រាន់តែធ្វើឡើងដើម្បីបម្រើផលប្រយោជន៍នយោបាយរយៈពេលខ្លីរបស់ក្រុមឥស្សរជនថៃ ដែលព្យាយាមបង្កើតភាពតានតឹងជាមួយកម្ពុជា ដើម្បីជំរុញរបៀបវារៈផ្ទាល់ខ្លួនរបស់ពួកគេតែប៉ុណ្ណោះ។ អ្នកជំនាញឯកសារប្រវត្តិសាស្ត្ររូបនេះ ​បានលើកឡើងទៀតថា​ យោធាថៃអាចសាងសង់ជញ្ជាំងនេះបាន ប៉ុន្តែប្រវត្តិសាស្ត្របង្ហាញថា ជញ្ជាំងដែលខ្វះមូលដ្ឋានគ្រឹះនៃច្បាប់ ភាពស្របច្បាប់ និងភាពចាំបាច់ខាងសីលធម៌ ជាក់ស្តែង នឹងដួលរលំ និងបរាជ័យ។ ការលើកឡើងរបស់លោកឆាំង យុ គឺស្របពេលដែល​សារព័ត៌មានថៃ កាលពីថ្ងៃទី២៥ ខែសីហា ឆ្នាំ២០២៦ បានចុះផ្សាយពីគម្រោងសាងសង់របងព្រំដែនថៃ និងកម្ពុជា ដំណាក់កាលទី២ ប្រវែងជាង៨គីឡូម៉ែត្រ ក្រោយពីបញ្ចប់ការសាងសង់របងព្រំដែនដំណាក់កាលទី១ ប្រវែង១ ៣០០ម៉ែត្រកាលពីខែកក្កដាកន្លងទៅ។  របងព្រំដែន ដែលថៃបានសង់ គឺស្ថិតនៅចន្លោះបង្គោលលេខ៥២ ដល់លេខ ៥៨ ស្រុកពង់ណាំរ៉ុន ខេត្តចន្ទបូរី ប្រទេសថៃ ទល់នឹងស្រុកកំរៀង ខេត្តបាត់ដំបង​ ប្រទេសកម្ពុជា។ អ្នកនាំពាក្យកងទ័ពជើងទឹកថៃ យកលេសថា របងព្រំដែន​នេះ​គឺជា​ការ​បង្ហាញ​ការ​តាំង​ចិត្ត​របស់​ប្រទេស​ថៃ​ក្នុង​ការ​បញ្ចប់​ជម្លោះ​ព្រំដែន​ជាមួយ​​កម្ពុជា និង​ទប់ស្កាត់ការ​ជួញដូរ​មនុស្ស និង​ទំនិញ​ខុសច្បាប់។ ប៉ុន្តែលោក សេង វណ្ណលី អ្នក​តាមដានភូមិសាស្ត្រនយោបាយអន្តរជាតិ លើកឡើងថា ការសាងសង់របងព្រំដែននេះ…

លោកស្រី វ៉ានធី បាច ទូយ៉េត( Van Thi Bach Tuyet) អនុលេខាគណៈកម្មាធិការបក្សទីក្រុងហូជីមិញ បានលើកឡើងថា ទីក្រុងហូជីមិញតែងតែត្រៀមខ្លួនជាស្រេចដើម្បីចែករំលែកចំណេះដឹង ទ្រឹស្តី និងបទពិសោធន៍ជាក់ស្តែងក្នុងការអភិវឌ្ឍសេដ្ឋកិច្ចសង្គម និងកំណើនប្រកបដោយចីរភាព ទៅដល់ប្រទេសកម្ពុជា និងឡាវ។ សារព័ត៌មានវៀតណាម​បានដកស្រង់សម្តីលោកស្រី​ដែលបានលើកឡើងនៅក្នុងកិច្ចប្រជុំការងារ​រួមគ្នារវាងមន្ត្រីវ័យក្មេងមកពីគណបក្សកុម្មុយនិស្តវៀតណាម (CPV) គណបក្សប្រជាជនកម្ពុជា (CPP) និងគណបក្សប្រជាជនបដិវត្តន៍ឡាវ (LPRP) ដែលកំពុងបំពេញទស្សនកិច្ចនៅប្រទេសវៀតណាម កាលពីថ្ងៃទី២៤ ខែសីហា ឆ្នាំ២០២៦។ កិច្ចប្រជុំគណៈប្រតិភូថ្នាក់ដឹកនាំវ័យក្មេងមកពីគណបក្សកាន់អំណាចនៃប្រទេសទាំងបីនេះគឺជាឱកាសចែករំលែកបទពិសោធន៍គ្នាក្នុងការអភិវឌ្ឍសេដ្ឋកិច្ចសង្គម ការរៀបចំរដ្ឋាភិបាល ផែនការអភិវឌ្ឍន៍របស់ទីក្រុង និងពង្រឹងការយល់ដឹងគ្នាទៅវិញទៅមកផងដែរ។ លោកស្រី បានលើកឡើងថា វៀតណាមតែងតែចាត់ទុកប្រទេសកម្ពុជា និងឡាវ ជាប្រទេសជិតខាងល្អ ខណៈដែលបក្ស រដ្ឋ និងប្រជាជនវៀតណាម រួមទាំងគណៈកម្មាធិការបក្ស រដ្ឋបាល និងប្រជាជនទីក្រុងហូជីមិញ តែងតែមានការយល់ដឹងយ៉ាងជ្រាលជ្រៅ និងយកចិត្តទុកដាក់ខ្ពស់បំផុតចំពោះការពង្រឹង និងអភិវឌ្ឍទំនាក់ទំនងវៀតណាម-ឡាវ-កម្ពុជា។ លោកស្រីយល់ឃើញថា ការអភិវឌ្ឍ និងភាពជោគជ័យរបស់ប្រទេសឡាវ និងកម្ពុជា ក៏ជាជោគជ័យ និងសេចក្តីរីករាយរបស់ទីក្រុងហូជីមិញផងដែរ៕ សៅ សុខអេង

ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ និង លោក អេនរីកូ ហ្គាវេលីយ៉ា (Enrico Gaveglia) តំណាងកម្មវិធីអភិវឌ្ឍន៍អង្គការសហប្រជាតិប្រចាំកម្ពុជា បានអញ្ជើញជាអធិបតីក្នុងពិធី បើកសិក្ខាសាលាពិភាក្សា “របាយការណ៍វាយតម្លៃភាពរួចរាល់នៃកម្មវិធីចាប់យកប្រភពកូដចំហនៅកម្ពុជា (OSPORA)” ដោយមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ រួមទាំងស្ថានទូតបារាំងប្រចាំកម្ពុជា ទីភ្នាក់ងារអភិវឌ្ឍន៍បារាំងប្រចាំកម្ពុជា ប្រមាណ ១៥០រូប កាលពីរសៀលថ្ងៃទី២៥ ខែសីហា ឆ្នាំ២០២៦។ ថ្លែងក្នុងពិធីបើកសិក្ខាសាលា ឯកឧត្តមរដ្ឋមន្រ្តី បានលើកឡើងថា ក្នុងយុទ្ធសាស្ត្របញ្ចកោណ ដំណាក់កាលទី១ រាជរដ្ឋាភិបាលកម្ពុជាបានកំណត់យកការអភិវឌ្ឍសេដ្ឋកិច្ច និងសង្គមឌីជីថលជាអាទិភាពមួយ ដើម្បីចូលរួមជំរុញសម្ទុះនៃកំណើនសេដ្ឋកិច្ចជាតិ និងកសាងមូលដ្ឋានគ្រឹះដ៏រឹងមាំសម្រាប់កម្ពុជាឱ្យក្លាយទៅជាប្រទេសដែលមានចំណូលខ្ពស់នៅឆ្នាំ២០៥០។ ឯកឧត្តមរដ្ឋមន្រ្តី បន្តថា ក្រសួងប្រៃសណីយ៍និងទូរគមនាគមន៍ គណៈកម្មាធិការរដ្ឋាភិបាលឌីជីថល និងគណៈកម្មាធិការសេដ្ឋកិច្ចនិងធុរកិច្ចឌីជីថល ដែលជាសេនាធិការរបស់រាជរដ្ឋាភិបាល បាននិងកំពុងអភិវឌ្ឍថ្នាល និងកម្មវិធីជាច្រើនសម្រាប់គាំទ្រដល់ដំណើរបរិវត្តកម្មរដ្ឋាភិបាលឌីជីថល ក៏ដូចជាផ្តល់សេវាសាធារណៈជូនប្រជាពលរដ្ឋឱ្យកាន់តែងាយស្រួល រហ័ស និងមានជំនឿចិត្តខ្ពស់។ បន្ថែមលើនេះ ឯកឧត្តមរដ្ឋមន្រ្តី មានប្រសាសន៍ថា ការជ្រើសរើសបច្ចេកវិទ្យាប្រភពកូដបើកចំហ (Open-Source) និងការអភិវឌ្ឍថ្នាលដែលជាហេដ្ឋារចនាសម្ព័ន្ធឌីជីថលសាធារណៈ (DPI) គឺជាយុទ្ធសាស្ត្រដែលមិនអាចខ្វះបានក្នុងការពង្រឹងអធិបតេយ្យភាពឌីជីថល ការធានាចីរភាពថវិកា ការលើកកម្ពស់សមត្ថភាពបច្ចេកវិទ្យាក្នុងស្រុក និងការបញ្ជៀសការពឹងផ្អែកទាំងស្រុងលើក្រុមហ៊ុនផ្គត់ផ្គង់តែមួយ។…

ភ្នំពេញ៖ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួល​បន្ទុក​បេសកកម្មពិសេស និងជាប្រធានលេខាធិការដ្ឋាន គ.ប.ឆ.ប. បាន​អញ្ជើញជួប​សំណេះសំណាល និងផ្តល់អនុសាសន៍ដល់និស្សិតជ័យ​លាភីអាហារូបករណ៍ចំនួន ៤០រូប ដែល​ត្រូវចេញទៅបន្តការសិក្សា​នៅសហព័ន្ធរុស្ស៊ី ។ជំនួបបានប្រព្រឹត្តទៅនៅថ្ងៃទី២៥ ខែសីហា ឆ្នាំ២០២៦ នេះ នាទីស្តីការគណៈរដ្ឋមន្ត្រី ។ ប្រភពលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.)បានឱ្យដឹងថា ក្នុង​ឱកាសនោះ​ឯកឧត្តម​សន្តិបណ្ឌិត ឆៃ ស៊ីណារិទ្ធ បានសម្តែងការអបអរសាទរ​យ៉ាង​កក់ក្តៅចំពោះនិស្សិតទាំងអស់ ដែលបាន​ខិតខំ​ប្រកួតប្រជែងរហូត​ទទួល​បានអាហារូបករណ៍ទៅសិក្សានៅសហព័ន្ធរុស្ស៊ី ដែលជាប្រទេស​មានប្រព័ន្ធអប់រំស្តង់ដារ​ខ្ពស់​លើ​ផ្នែក​វិទ្យាសាស្ត្រ បច្ចេកវិទ្យា វិស្វកម្ម វេជ្ជសាស្ត្រ និងទំនាក់ទំនងអន្តរជាតិ។ ក្នុងនាមជាអតីតនិស្សិតធ្លាប់សិក្សានៅប្រទេសរុស្ស៊ីនាទសវត្សរ៍ឆ្នាំ១៩៨០ ឯកឧត្តមសន្តិបណ្ឌិត បានចែករំលែកបទពិសោធន៍​រស់នៅ និងការ​សិក្សាព្រមទាំងបានផ្តល់អនុសាសន៍សំខាន់ៗដល់ក្រុមនិស្សិត ក្នុងនេះ​ត្រូវយកចិត្តទុកដាក់លើភាសារុស្ស៊ី និងមុខ​វិជ្ជាឯកទេស ដោយមាន​ឆន្ទៈ​មោះមុតក្នុងការជម្នះរាល់ឧបសគ្គ។ត្រូវចូលរួមផ្សព្វផ្សាយ​ពី​វប្បធម៌ ប្រពៃណី និងភាព​រីកចម្រើន​របស់កម្ពុជាទៅកាន់មិត្ត​ភក្តិ​អន្តរជាតិ។លើសពីនេះត្រូវរក្សាសេចក្តីថ្លៃថ្នូរ សាមគ្គីភាពក្នុង​ចំណោម​និស្សិតខ្មែរ រក្សាទំនាក់ទំនងល្អ​ជាមួយប្រជាជនរុស្ស៊ី និងគោរពច្បាប់ ព្រមទាំងបទបញ្ជាផ្ទៃក្នុងសាលាឱ្យបានខ្ជាប់ខ្ជួន។ ដោយឡែកទាក់ទងនឹងជំហររាជរដ្ឋាភិបាលលើការងារប្រឆាំងបទល្មើសឆបោកតាមប្រព័ន្ធបច្ចេកវិទ្យា (Online Scam) និង​បញ្ហា​ព្រំដែន ឯកឧត្តមសន្តិបណ្ឌិត បានបញ្ជាក់ពីការប្តេជ្ញាចិត្តយ៉ាងម៉ឺងម៉ាត់របស់​រាជរដ្ឋាភិបាល ក្រោមការដឹកនាំរបស់ សម្តេច​មហា​បវរធិបតី ហ៊ុន ម៉ាណែត ក្នុងការលុបបំបាត់បទល្មើសឆបោកតាមប្រព័ន្ធបច្ចេកវិទ្យា (Online Scam) តាមរយៈការបង្កើត…

សម្ដេចនាយករដ្ឋមន្ត្រី ហ៊ុន ម៉ាណែត បានបញ្ជាក់ជាថ្មីថា  រាជរដ្ឋាភិបាលកម្ពុជាគ្មានគោលការណ៍កែទម្រង់ដោយកាត់បន្ថយចំនួនក្រសួង ស្ថាប័ន នៅក្នុងដំណាក់កាលនេះឡើយ ខណៈដែលការកែទម្រង់រដ្ឋបាលសាធារណៈរបស់កម្ពុជា គឺឈរលើស្មារតី និងអភិក្រម ពង្រឹងមិនពង្រីក។​ ក្នុងឱកាសអញ្ជើញជាអធិបតីសម្ពោធដាក់ឱ្យប្រើប្រាស់ផ្លូវ ៣ខ្សែនៅខេត្តក្រចេះ កាលពីព្រឹកថ្ងៃទី២៥ ខែសីហានេះ សម្ដេចមហាបវរធិបតី បានពន្យល់ថា ការគ្រប់គ្រងរដ្ឋបាលនៅកម្ពុជា មិនដូចនៅវៀតណាមទេ ដោយសារកម្ពុជាអនុវត្តនយោបាយវិមជ្ឈការ គឺផ្ទេរអំណាច និងការផ្តល់សេវាសាធារណៈឱ្យខិតទៅជិតប្រជាពលរដ្ឋនៅមូលដ្ឋាន​ ខណៈដែលវៀតណាមអនុវត្តគោលការណ៍មជ្ឈការ ដោយបូកបញ្ចូលខេត្តមួយចំនួនឱ្យស្ថិតក្រោមការគ្រប់គ្រងតែមួយ។ សម្តេចធិបតី ហ៊ុន ម៉ាណែត សង្កត់ធ្ងន់ថា កម្ពុជាមិនដើរតាមគន្លងប្រទេសណាមួយទេ ព្រោះកម្ពុជាមានទិសដៅ និងយុទ្ធសាស្ត្រអភិវឌ្ឍន៍ផ្ទាល់ខ្លួន។ ​ ទោះបីជារាជរដ្ឋាភិបាលពុំមានគម្រោងកាត់​បន្ថយក្រសួងក៏ដោយ ក៏អ្នកវិភាគបញ្ហាសង្គម និងនយោបាយមើលឃើញពីការខិតខំធ្វើកំណែទម្រង់ជាបន្តបន្ទាប់របស់រាជរដ្ឋាភិបាល ដើម្បីផលប្រយោជន៍ជាតិ។ លោកបណ្ឌិត គិន ភា ប្រធា​នវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា ទទួលស្គាល់លទ្ធផលនៃការធ្វើកំណែទម្រង់រដ្ឋបាលសាធារណៈ។ ចំណែកលោក អ៊ូ វីរៈ ប្រធាន​វេទិកា​អនាគត និងជាអ្នកវិភាគបញ្ហាសង្គម និងនយោបាយ ចង់ឃើញរដ្ឋាភិបាលធ្វើកំណែទម្រង់បន្តទៀតក្នុងក្រសួងស្ថាប័នរដ្ឋ ដើម្បីបម្រើឲ្យផលប្រយោជន៍ប្រជាពលរដ្ឋ។  បច្ចុប្បន្ន រាជរដ្ឋាភិបាលកំពុងធ្វើ ការវិភាគមុខងារនៅតាមក្រសួង-ស្ថាប័ន ដើម្បីកំណត់មុខងារ និងភារកិច្ចរបស់ស្ថាប័ននីមួយៗឲ្យមានភាពច្បាស់លាស់ មិនត្រួតស៊ីគ្នា និងអាចបំពេញការងារបានកាន់តែមានប្រសិទ្ធភាព៕ សេង បារាំង

ក្រសួងសុខាភិ​បាល នាថ្ងៃទី២៥ ខែសីហានេះបានអំពាវនាវឱ្យពលរដ្ឋបង្កើនការប្រុងប្រយ័ត្នចំពោះគ្រោះទឹកជំនន់​ ដែលកំពុងកើតមាននៅតាមតំបន់ទំនាបមួយចំនួន ហើយអាចបង្កហានិភ័យ ឬគ្រោះថ្នាក់ដល់អាយុជីវិត ជាពិសេសចំពោះកុមារ។ ក្រសួងសុខាភិបាលបានណែនាំឱ្យពលរដ្ឋ ត្រូវធ្វើរបងព័ទ្ធ ឬបោះបង្គោលចំណាំជុំវិញស្រះ ឬកន្លែងដែលមានទឹកជ្រៅ​ ហើយរាល់ពេលធ្វើដំណើរតាមកាណូត ឬទូក គឺត្រូវមានការពាក់អាវពោងសុវត្ថិភាពជានិច្ច។​ ចំណែកក្រសួងអប់រំ យុវជន និងកីឡាវិញ ក៏ធ្លាប់បានណែនាំឱ្យឪពុកម្តាយ និងអាណាព្យាបាលគ្រប់រូប ត្រូវតែបង្កើនការយកចិត្តទុកដាក់ និងប្រុងប្រយ័ត្នទ្វេដងចំពោះកុមារនៅពេល ដែលទឹកកំពុង​កើនឡើងនៅក្នុងរដូវវស្សានេះ ព្រោះមានហានិភ័យលង់ទឹកខ្ពស់។ ក្រសួងអប់រំ បានទទូចឱ្យឪពុកម្តាយ កុំបណ្តោយឱ្យកូនៗនៅម្នាក់ឯង ឬលេងទឹកដោយគ្មានការត្រួតពិនិត្យដិតដល់ពីមនុស្សពេញវ័យ។ ឪពុកម្តាយត្រូវណែនាំកូនៗកុំឱ្យទៅក្បែរតំបន់ទឹកជំនន់ ផ្លូវលិចទឹក ទន្លេ ស្ទឹង ប្រឡាយ ឬកន្លែងដែលមានចរន្តទឹកហូរខ្លាំង។ ជាមួយគ្នានេះ ក្រសួងអប់រំ បានជំរុញឱ្យឪពុកម្តាយ​ ឬអាណាព្យាបាល គួរផ្តល់លទ្ធភាពឱ្យកូនៗបានរៀនជំនាញហែលទឹក ដើម្បីឱ្យពួកគេមានលទ្ធភាពការពារខ្លួននៅពេលជួបគ្រោះអាសន្ន។ យោងតាមរបាយការណ៍ឆ្នាំ២០២៤របស់អង្គការសុខភាពពិភពលោក ជារៀងរាល់ឆ្នាំ ការលង់ទឹកបានឆក់យកជីវិតមនុស្សរហូតជាង ១ ៣០០នាក់នៅក្នុងប្រទេសកម្ពុជា។​ ស្ថិតិនេះធ្វើឱ្យកម្ពុជាមាន​អត្រា​លង់ទឹកដ៏​ខ្ពស់​​ក្នុង​ពិភពលោក។ ការលង់ទឹកភាគច្រើនកើតឡើងទៅលើកុមារអាយុចាប់ពី ៥ឆ្នាំ ទៅ ១៤ឆ្នាំ ហើយក្មេងប្រុសប្រឈមនឹងហានិភ័យខ្ពស់ជាងក្មេងស្រីដល់ទៅជិតពីរដង។​ លោកស្រី តិ សារ៉ាត់ នាយិកាប្រតិបត្តិ នៃអង្គការហែលទឹកកម្ពុជា (https://www.facebook.com/swim.cambodiaorgan/) បានប្រាប់បណ្តាញព័ត៌មាន AMS ថា…

ភ្នំពេញ៖«កាលពីមុនប្រជាពលរដ្ឋខ្មែរដែលរស់នៅឯនាយសមុទ្រជាច្រើនជឿតាមព័ត៌មានភូតកុហករបស់ក្រុមប្រឆាំងជ្រុលនិយម និង​ប្រព័ន្ធ​ឃោសនាក្រៅស្រុកមួយចំនួនដែលផ្សាយព័ត៌មានបំភ្លៃការពិតពីកម្ពុជា។ ប៉ុន្តែ ក្រោយពេលព័ត៌មានពិតត្រូវបាន​ផ្សព្វផ្សាយ​​ព្រោងព្រាតតាម​បណ្តាញសារព័ត៌មាននិងបណ្តាញសង្គម ពួកគេបានឃើញច្បាស់ថា កម្ពុជាពិត មិនដូចការឃោសនា​ភូតកុហក​នោះឡើយ»។ នេះជាការ​កត់សម្គាល់របស់ឯកឧត្តម ប៉ែន បូណា រដ្ឋមន្ត្រីប្រតិភូអមនាយក​រដ្ឋមន្ត្រី និងជាប្រធាន​អង្គភាព​អ្នកនាំ​ពាក្យ​រាជរដ្ឋាភិបាល ក្នុងឱកាស​អញ្ជើញជាវាគ្មិនក្នុងវគ្គបណ្តុះបណ្តាលស្តីពី «ការពង្រឹងប្រសិទ្ធភាព​ការងារនាំពាក្យ និងព័ត៌មាន» នៅសាលាខេត្តព្រៃវែង នាព្រឹកថ្ងៃទី២៥ ខែសីហា ឆ្នាំ២០២៦។ អ្នកនាំពាក្យរាជរដ្ឋាភិបាលចាត់ទុកការផ្លាស់ប្តូរទស្សនៈរបស់ពលរដ្ឋខ្មែរឯនាយសមុទ្រចំពោះប្រទេសកំណើតរបស់ខ្លួនថា ជាឧទាហរណ៍មួយ​ដែលបញ្ជាក់ពីសារៈសំខាន់នៃការផ្សព្វផ្សាយព័ត៌មានពិតពីកម្ពុជា។ តាមរយៈឧទាហរណ៍នេះ ឯកឧត្តម ប៉ែន បូណា ជំរុញលើកទឹកចិត្ត​ឱ្យក្រុមការងារព័ត៌មាន និងអ្នកនាំពាក្យក្រសួង ស្ថាប័នថ្នាក់ជាតិ និងរដ្ឋបាលរាជធានី ខេត្ត បន្តផ្សព្វផ្សាយព័ត៌មានពិតពីកម្ពុជាឱ្យបាន​ច្រើនបន្ថែមទៀតដើម្បីប្រជាពលរដ្ឋខ្មែរទាំងក្នុងនិងក្រៅប្រទេសទទួលបានព័ត៌មានគ្រប់ជ្រុងជ្រោយនិងកាន់តែទូលំទូលាយ។ អ្នកនាំពាក្យរាជរដ្ឋាភិបាលបន្តថា រយៈពេលជិត៣ទសវត្សរ៍ចុងក្រោយ ប្រទេសកម្ពុជាបានផ្លាស់ប្តូរមុខមាត់ថ្មីខុសឆ្ងាយពី​អតីត​កាលឆ្ងាយ​ណាស់ ក្រោមការដឹកនាំរបស់រាជរដ្ឋាភិបាលគណបក្សប្រជាជន​កម្ពុជា។ នេះជាសមិទ្ធផលដ៏ធំធេងដែលយើងត្រូវ​ផ្សព្វផ្សាយគ្រប់ជ្រុង គ្រប់ទិដ្ឋភាពដើម្បីបន្សាបព័ត៌មានមិនពិត ឬព័ត៌មានមិនគ្រប់ជ្រុង​ជ្រោយដែលមានចេតនាបំផ្លើសបំភ្លៃការ​ពិតពីកម្ពុជា ក្រោមអភិក្រម «និយាយការពិតដើម្បីការពារ» ពោលគឺការពារសមិទ្ធផលនិងស្នាដៃ​របស់រាជរដ្ឋាភិបាលឱ្យស្ថិតស្ថេរ​គង់វង្ស​ទាំងនៅលើទិដ្ឋភាពជាក់ស្តែង ទាំងនៅក្នុងសតិអារម្មណ៍ប្រជាពលរដ្ឋខ្មែរគ្រប់ទិសទី។ វគ្គបណ្តុះបណ្តាលនេះ មានការអញ្ជើញចូលរួម និងថ្លែងសុន្ទរកថា​ស្វាគមន៍ពីឯកឧត្តម អន ភារៈ អភិបាលរងនៃគណៈ​អភិបាល​ខេត្តព្រៃវែង រួមជាមួយឯកឧត្តម លោកជំទាវ ជាក្រុមប្រឹក្សាខេត្ត លោក លោកស្រីជាមន្ត្រីនៃអង្គភាពចំណុះរដ្ឋបាលខេត្ត ក្រុង ស្រុក…

កម្ពុជា រំពឹងថានឹងអាចទាក់ទាញភ្ញៀវទេសចរមកពីប្រទេសវៀតណាម តាមរយៈវៀតណាម បូកមួយ (Vietnam Plus One) ដែលជាវេទិកាមួយ ជំរុញលំហូរទេសចរវៀតណាម និងទេសចរអន្តរជាតិ មកកាន់កម្ពុជា។ វេទិកាបង្ហាញផ្លូវទេសចរណ៍កម្ពុជាទៅកាន់ទីផ្សារប្រទេសវៀតណាម គឺជាព្រឹត្តិការណ៍សំខាន់មួយដែលស្ថិតក្នុងពិព័រណ៍ទេសចរណ៍អន្តរជាតិទីក្រុងហូជីមិញ លើកទី២០ ឆ្នាំ២០២៦ ដែលរៀបចំឡើងនៅទីក្រុងហូជីមិញ។ យោងតាមសេចក្ដីប្រកាសព័ត៌មានរបស់ក្រសួងទេសចរណ៍កម្ពុជា ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ដឹកនាំគណៈប្រតិភូក្រសួងទេសចរណ៍ និងវិស័យឯកជន ដើម្បីទៅចូលរួមព្រឹត្តិការណ៍នេះ ចាប់ពីថ្ងៃទី២៥ ដល់ថ្ងៃទី២៩ ខែសីហា ឆ្នាំ២០២៦។ លោក តុប សុភ័ក អ្នកនាំពាក្យក្រសួងទេសចរណ៍ បានប្រាប់បណ្ដាញសារព័ត៌មាន AMS នៅថ្ងៃទី២៥ ខែសីហា ថាអំឡុងព្រឹត្តិការណ៍រយៈពេល ៥ថ្ងៃនេះ ឯកឧត្តម​រដ្ឋមន្ត្រី នឹងដឹកនាំគណៈប្រតិភូចូលរួមកិច្ចប្រជុំរដ្ឋមន្ត្រីទេសចរណ៍កិច្ចសហប្រតិបត្តិការអនុតំបន់ចំនួន ៣ រួមមាន CLV លើកទី១, CLMV លើកទី៨ និង ACMECS លើកទី៧ ព្រមទាំងចូលរួមវេទិកាទេសចរណ៍កម្រិតខ្ពស់ និងកម្មវិធីសំខាន់ៗមួយចំនួនទៀត។ បន្ថែមលើនេះ ឯកឧត្តម ហួត ហាក់ នឹងជួបប្រជុំទ្វេភាគីជាមួយថ្នាក់ដឹកនាំទីក្រុងហូជីមិញ និងភាគីពាក់ព័ន្ធក្នុងវិស័យទេសចរណ៍ ដើម្បីពង្រឹងកិច្ចសហប្រតិបត្តិការ និងជំរុញលំហូរភ្ញៀវទេសចរមកកាន់កម្ពុជាបន្ថែមទៀត។ ព្រឹត្តិការណ៍នេះ…

លោកស្រី Rosie Winterton រដ្ឋមន្ត្រីទទួលបន្ទុកកិច្ចការតំបន់ឥណ្ឌូ-ប៉ាស៊ីហ្វិក នៃចក្រភពអង់គ្លេស នឹងមកបំពេញទស្សនកិច្ចនៅកម្ពុជាជាលើកដំបូងចាប់ពីថ្ងៃទី២៥ដល់ថ្ងៃទី២៧សីហា ដើម្បីត្រួតពិនិត្យអំពីគម្រោងជំនួយអប់រំនានាដល់កុមារភៀសសឹក និងគម្រោងបោសសម្អាតមីននៅកម្ពុជាដែលគំរាមកំហែងដល់អាយុជីវិត និងជីវភាពរស់នៅ។​  បើតាមសេចក្តីប្រកាសព័ត៌មានរបស់ស្ថានទូតអង្គគ្លេសប្រចាំនៅកម្ពុជានាថ្ងៃអង្គារ៍នេះ ក្នុងអំឡុងបេសកកម្មនេះ លោកស្រី Rosie Winterton នឹងធ្វើដំណើរទៅកាន់ខេត្តសៀមរាប និងខេត្តឧត្តរមានជ័យ ដើម្បីពិនិត្យមើលកម្មវិធីអប់រំ ដែលគាំទ្រដោយអង់គ្លេស សម្រាប់ជួយដល់កុមារដែលបានភៀសខ្លួនដោយសារជម្លោះព្រំដែនកម្ពុជា-ថៃ នាពេលកន្លងមក។ ជាមួយគ្នានេះ លោកស្រីនឹងជួបពិភាក្សាជាមួយអង្គការ HALO Trust និង APOPO អំពីការងារបោសសំអាតមីននៅកម្ពុជា ខណៈចក្រភពអង់គ្លេសបានគាំទ្រការដោះមីន និងការស្តារឡើងវិញផ្នែកមនុស្សធម៌នៅកម្ពុជាអស់រយៈពេលជាងបីទសវត្សរ៍មកហើយ។ លើសពីនេះ​លោកស្រី នឹង ជួបពិភាក្សាការងារជាមួយ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បីពង្រឹងកិច្ចសហប្រតិបត្តិការលើវិស័យនយោបាយ សន្តិសុខ និងការអប់រំ ដោយផ្តោតលើការចុះហត្ថលេខាលើអនុស្សរណៈនៃការយោគយល់ (MoU) ដើម្បីបើកផ្លូវឱ្យសាកលវិទ្យាល័យល្បីៗ ពង្រីកការផ្តល់សញ្ញាបត្រស្តង់ដារអន្តរជាតិជូនដល់និស្សិតកម្ពុជា។ មុនពេលមកដល់កម្ពុជា លោកស្រី Rosie Winterton  មានប្រសាសន៍ថា ​លោកស្រីនឹងទៅមើលឲ្យឃើញផ្ទាល់ភ្នែកពីរបៀប ដែលការគាំទ្ររបស់ចក្រភពអង់គ្លេសកំពុងជួយសហគមន៍នានាឱ្យស្តារជីវភាពឡើងវិញ បន្ទាប់ពីជម្លោះ និងជួយបោសសម្អាតមីន ដែលកំពុងគំរាមកំហែងដល់ជីវិត និងជីវភាពរស់នៅរបស់ប្រជាជន។ លោកស្រីបញ្ជាក់ថា ​កម្ពុជាស្ថិតនៅចំកណ្តាលតំបន់មួយ ដែលមានសារៈសំខាន់ចំពោះសន្តិសុខ និងវិបុលភាពរបស់ចក្រភពអង់គ្លេស ហើយចក្រភពអង់គ្លេសប្តេជ្ញាចិត្តចំពោះស្ថិរភាព និងការអភិវឌ្ឍរយៈពេលវែងរបស់ប្រទេសកម្ពុជា…

ប្រមុខរាជរដ្ឋាភិបាលកម្ពុជាបានជំរុញដល់ក្រសួង-ស្ថាប័នពាក់ព័ន្ធឱ្យសិក្សាលទ្ធភាពក្នុងការបើកច្រកព្រំដែនថ្មីបន្ថែមជាមួយ​ប្រទេស​វៀតណាម និងឡាវ ដែលជាយុទ្ធសាស្រ្តក្នុងការពង្រឹង និងពង្រីកវិស័យដឹកជញ្ជូន និងឡូជីស្ទីក ដើម្បីពង្រីកការនាំ​ចេញទំនិញ​ទៅកាន់ទីផ្សារអន្តរជាតិ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជាបានលើកឡើងដូច្នេះនៅថ្ងៃទី២៥ ខែសីហា ឆ្នាំ២០២៦ នាឱកាស​សម្ដេចអញ្ជើញជាអធិបតីសម្ពោធដាក់ឲ្យឱ្យប្រើប្រាស់ជាផ្លូវការនូវកំណាត់ផ្លូវជាតិ និងកំណាត់ផ្លូវខេត្តចំនួន៣ ក្នុងភូមិសាស្រ្ត​ត្បូងឃ្មុំ និងខេត្តក្រចេះ។  ទាក់ទងនឹងការលើកឡើងរបស់សម្ដេចធិបតី ,ឧកញ៉ា ស៊ិន ចន្ធី អនុប្រធានសមាគមភស្តុភារកម្មកម្ពុជាយល់ឃើញថា ខណៈ​ថ្លៃដឹក​ជញ្ជូនតាមផ្លូវទឹកកើនឡើង ដោយសារសង្រ្គាមនៅមជ្ឈឹមបូព៌ា ការបើកច្រកព្រំដែនថ្មីបន្ថែមជាមួយប្រទេសវៀតណាម និងឡាវ គឺជាជម្រើសល្អសម្រាប់កម្ពុជា។ លោកបញ្ជាក់ថា ជម្រើសថ្មីនេះ មិនមែនសម្រាប់តែពង្រឹង និងពង្រីកវិស័យដឹកជញ្ជូន និងឡូជីស្ទីកកម្ពុជាប៉ុណ្ណោះទេ ក៏ជំរុញការនាំចេញកសិផលកម្ពុជា ទៅកាន់ទីផ្សារអន្តរជាតិផងដែរ។ ចំណែកអ្នកឧកញ៉ា លឹម ហេង អនុប្រធានសភាពាណិជ្ជកម្ម បានចាត់ទុកការបើកច្រកព្រំដែនថ្មីជាមួយប្រទេសវៀតណាម និងឡាវ គឺជាឱកាសវិជ្ជមានបន្ថែមសម្រាប់វិស័យពាណិជ្ជកម្មកម្ពុជា។ ប្រទេសវៀតណាម គឺជាដៃគូពាណិជ្ជកម្មធំលំដាប់ទី៣ និងជាទីផ្សារនាំចេញទំនិញធំទី២ របស់កម្ពុជា។ ប៉ុន្តែ ទំហំពាណិជ្ជកម្ម​រវាងកម្ពុជា និងឡាវ នៅមានកម្រិតនៅឡើយ។ ក្រុមអ្នកជំនាញយល់ថាតាមរយៈកិច្ចសហប្រតិបត្តិការពាណិជ្ជកម្មខាងលើនេះ នឹងក្លាយជាកត្តាលីករដែលជួយជំរុញឱ្យ​ការធ្វើ​ពាណិជ្ជកម្មកម្ពុជា និងវៀតណាម កាន់តែប្រសើរថែមមួយកម្រិតទៀត។ ការណ៍នេះក៏អាច​ជំរុញការធ្វើ​ពាណិជ្ជកម្មកម្ពុជា ជាមួយឡាវ ផងដែរ។ យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា បានឱ្យដឹងថា ក្នុងរយៈពេល ៧ខែ ឆ្នាំ២០២៦…