ភ្នំពេញ៖ អ្នកនាំពាក្យរាជរដ្ឋាភិបាលកម្ពុជាបានថ្លែងថាក្នុងពេលសង្រ្គាមឈ្លានពានពីសំណាក់ប្រទេសថៃមកលើកម្ពុជាទាំងកម្រោល និង យង់ឃ្នងនេះពួកគេបានប្រើប្រាស់នូវវិធីសាស្រ្តពីរដើរទន្ទឹមគ្នាក្នុងនេះប្រើប្រាស់ប្រដាប់អាវុធ និងការប្រើប្រាស់ចិត្តសាស្រ្ត ក្នុងគោលបំណងមហិច្ឆតារបស់ពួកគេ។ ថ្លែងក្នុងសន្និសីទសារព័ត៌មាននាព្រឹក ថ្ងៃទី១៦ ខែ ធ្នូ ឆ្នាំ ២០២៥នេះ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជាបានបញ្ជាក់ជុំវិញបញ្ហានេះថា៖”សង្រ្គាមដែលថៃបានឈ្លានពានទឹកដីកម្ពុជាពួកគេបានធ្វើសង្រ្គាមពីរដោយដើរទន្ទឺមគ្នាក្នុងនេះសង្រ្គាមទី១សង្រ្គាមប្រដាប់អាវុធ គឺពួកគេបានប្រើប្រាស់អាវុធធុនធ្ងន់គ្រប់ប្រភេទមានទាំងកាំភ្លើងធំ យន្តហោះទម្លាក់គ្រាប់បែក ដ្រូន ផង រហូតដល់ប្រើ្រប្រាស់គ្រាប់បែកចង្កោម បាញ់ផ្សែងពុលសព្វបែបយ៉ាងដែលយើងបានដឹងទាំងអស់គ្នា ។អំពើយង់ឃ្នងរបស់ពួកគេនេះបានប្រព្រឹត្តិមកលើប្រទេសជាតិ កងទ័ពនិងប្រជាពលរដ្ឋយើង។ចំណែកសង្រ្គាមទី២គឺសង្រ្គាមចិត្តសាស្រ្ត ក៏គ្រោះថ្នាក់ដែរប្រសិនបើយើងមិនបានយល់ហើយមិនបានប្រយ័ត្នប្រយែងដោយធ្លាក់ចូលក្នុងអន្ទាក់ពួកវា”។ អ្នកនាំពាក្យរាជរដ្ឋាភិបាលបញ្ជាក់បន្ថែមថា៖សង្ដ្រាមនេះវាមានគោលដៅ បំបាក់ស្មារតី បំបាក់ទឹកចិត្តកងទ័ព ប្រជាពលរដ្ឋ ហើយក៏មានចរិកញុះញង់ បំបែកបំបាក់សាមគ្គីភាព រវាងប្រជាពលរដ្ឋខ្មែរ និងថ្នាក់ដឹកនាំ ពីព្រោះគេយល់ឃើញថាការបំបែកបំបាក់បាននេះជាចំណុចខ្សោយមួយរបស់យើង។ក្នុងសង្រ្គាមចិត្តសាស្រ្តនេះដែរ សត្រូវឈ្លានពានរបស់យើងប្រើប្រាស់វិធីសាស្រ្តច្រើនយ៉ាង ក្នុងនេះទី១គឺបណ្តាញសង្គម ដូចយើងបានឃើញស្រាប់ហើយគឺវាបានបង្កើតគណនីក្លែងក្លាយ ច្រើនណាស់ ដាក់ឈ្មោះខ្មែរ សរសេរអក្សរខ្មែរ ហើយគោលដៅបម្រើផលប្រយោជន៍ប្រទេសឈ្លានពាន។ពួកគេបានបន្លំជាខ្មែរក្នុងនេះដូចជាពួកវាបង្ហោះរូបភាពមួយចំនួនដើម្បីបំបាក់ទឹកចិត្តបងប្អូនប្រជាពលរដ្ឋខ្មែរយើង កងទ័ពយើង គេបង្ហោះសម្លៀកបំពាក់កងទ័ពយើង មាន ឡូហ្គូ កងទ័ពយើងមានឈ្មោះមានអ្វីផ្សេងៗហើយបង្ហោះថានេះគឺគេចាប់បាន។ពេលខ្លះទៀតពួកវាយករូបភាពសង្រ្គាមនៅអ៊ុយក្រែនមកបង្ហោះហើយថានេះគឺជាអាវុធរបស់កម្ពុជាដែលគេកំទេចបាន។ ឯកឧត្តមប៉ែន បូណា បានលើកឡើងដោយពន្យល់ដែរថា”ពេលខ្លះទៀត ពួកគេបង្ហោះរូបភាពអាវុធសម្រាប់បាញ់រថក្រោះ មកបង្ហោះថាចាប់បានពីកងទ័ពកម្ពុជា តែតាមពិតពួកវាយកមកពីប្រទេសផ្សេងទេ។ទាំងអស់នេះសុទ្ធសឹងគេបង្កើតឡើងមកដើម្បីជះមកក្នុងប្រទេសកម្ពុជាយើង។ចំណែកទី៣នោះគេចូលចិត្តប្រើប្រាស់បណ្តាញសារព័ត៌មានផ្លូវការបស់គេតែម្តង យើងឃើញស្រាប់ហើយបណ្តាញសារព័ត៌មានផ្លូវការរបស់ថៃស្ទើរទាំងអស់ ផ្សាយរឿងភូតកុហកគេ បំផ្លិចបំភ្លៃ…

ភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានថ្លែងថា៖«ជនណាដែលបំផ្លាញសម្បត្តិបេតិកភណ្ឌដែលចាត់ទុកដូចជាស្នាដៃរបស់អាទិទេព នឹងទទួលរងការចុះនរក ៣២ជាន់រហូតដល់ពេលអស់ព្រះចន្ទ និងព្រះអាទិត្យ។ យើងសង្ឃឹមថាបណ្ដាសារទាំងនោះនឹងធ្លាក់ទៅលើជនណាដែលបានបាញ់បំផ្លាញនូវប្រាសាទដែលជាបេតិកភណ្ឌរបស់ជាតិយើង »។ ថ្លែងក្នុងព្រឹត្តិការណ៍រាត្រីចងចាំលើកទី៦ និងការប្រមូលមូលនិធិវប្បធម៌ គាំទ្រដល់វីរកងទ័ព និងជនភៀសសឹកដោយសារការឈ្លានពានរបស់យោធាថៃ នាថ្ងៃទី១៥ ខែធ្នូ ឆ្នាំ២០២៥ នៅសាលាមធ្យមវិចិត្រសិល្បៈ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈបានលើកឡើងដោយអះអាងបញ្ជាក់បន្ថែមថា៖«នេះជាមេរៀនប្រវត្តិសាស្ត្រដែលយើងនឹងចារ្យតកូនតចៅ»។ លោកជំទាវបណ្ឌិតសភាចារ្យ ភឿង សកុណា បានមានប្រសាសន៍បន្ថែមថា ៖យើងសង្ឃឹមថាបណ្ដាសារទាំងនោះនឹងធ្លាក់ទៅលើជនណាដែលបានបាញ់បំផ្លាញនូវប្រាសាទដែលជាបេតិកភណ្ឌរបស់ជាតិយើង។នៅចំពោះមុខស្ថានភាពដ៏លំបាកនេះ ប្រជាពលរដ្ឋខ្មែរគ្រប់រូប ត្រូវរួបរួមកម្លាំងសាមគ្គីគ្នាជាកម្លាំងតែមួយ និងបន្តគាំទ្រ ជឿជាក់លើការដឹកនាំរបស់ថ្នាក់ដឹកនាំកំពូលនៃយើង”៕ដោយ៖ម៉ាដេប៉ូ

កំពង់ធំ៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជា​ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍​មាតុភូមិកម្ពុជាបានអញ្ជើញជាអធិបតីក្នុងពិធីអភិ​សេកព្រះប្រតិមា និងបួងសួងសុំសេចក្ដីសុខសេ​ច​ក្ដីចម្រើនជូនដល់​វីរកងទ័ពជួរមុខដែលបាន​រៀប​ចំឡើងនៅសារមន្ទីរខេត្តកំពង់ធំកាលពីរសៀលថ្ងៃទី១៥ ខែធ្នូ ឆ្នាំ២០២៥។ ក្នុងឱកាសនេះសម្តេចកិត្តិសង្គហបណ្ឌិតបាន​អញ្ជើ​ញ​ថ្វាយគ្រឿងសក្ការៈបូជា និង​បួងសួងដល់វត្ថុស័ក្តិសិទ្ធិក្នុងលោក​ជួយអភិបាល ប្រោះ​ព្រំបីបាច់ថែរក្សា និងប្រសិទ្ធពរជ័យដល់ ថ្នាក់ដឹកនាំ និងប្រជាពលរដ្ឋនៅទូទាំងប្រទេស ពិសេសូមឱ្យកង​កម្លាំងប្រដាប់​អាវុធឈរជើងជួរមុខតាមបន្ទាត់ព្រំដែនកម្ពុជា-ថៃ មានសុខភាពល្អ និងទទួលបាន​ជោគជ័យក្នុងការការពារបូរណភាពទឹកដី។ គួររំលឹកថា ព្រះប្រតិមាអង្គនេះ ត្រូវបានរកឃើញ​កាលពីរសៀលថ្ងៃទី១៤ ខែសីហា ឆ្នាំ២០២៥ ដោយអ្នកបើកបរគ្រឿងចក្រ ឈ្មោះ កាក់ ប៊ុនថន ត្រង់ចំណុចខាងលិចវត្តពង្រ ចម្ងាយប្រមាណ ២០០​ម៉ែត្រ ក្នុងពេលប្រតិបត្តិការ នៃការស្តារ​ស្ទឹង​ស្លាប់ ស្ថិតនៅភូមិជីមាឃ ឃុំកកោះ ស្រុកសន្ទុក ខេត្តកំពង់ធំ៕ អត្ថបទ ៖ ឈឹម សុផលរូបភាព ៖ ថេត វិចិត្រ និង ហេង សម្បត្តិ

ពិធីបើកវេទិកាផ្លាស់ប្ដូរមិត្តភាពកម្ពុជា-ចិន “ផ្លូវសូត្រផ្សារភ្ជាប់ប្រជាជន និងប្រជាជន” ឆ្នាំ២០២៥ បានប្រព្រឹត្តិទៅនៅថ្ងៃចន្ទ ទី១៥ ខែធ្នូ ក្រោមអធិបតីភាពរបស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាតំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត ដោយមានការចូលរួមពីថ្នាក់ដឹកនាំកម្ពុជា-ចិន សហគ្រិន អ្នកវិនិយោគ និស្សិត រួមទាំងតំណាងស្ថាប័នរដ្ឋ និងឯកជនជាច្រើនរូប នៅសណ្ឋាគារ ហៃយ៉ាត់ រីជេនស៊ី ភ្នំពេញ។ វេទិការលើកទី២នេះរៀបចំឡើងដោយផ្ទះយុវជនដើម្បីមិត្តភាពកម្ពុជា-ចិន ដោយសហការជាមួយមូលនិធិចិនដើម្បីសន្តិភាពនិងការអភិវឌ្ឍ ក្រោមប្រធានបទ «មិត្តភាពដ៏រឹងមាំគ្រប់រដូវកាល ផ្សារភ្ជាប់បេះដូងប្រជាជន និងប្រជាជន» ។ ឯកឧត្តម ហ៊ុន ម៉ានី បានមានប្រសាន៍ថា កម្ពុជា-ចិនបន្ដឈរជាមួយគ្នាគ្រប់កាលៈទេសៈ និងធ្វើការយ៉ាងជិតស្និតជាមួយគ្នា ដើម្បីជំរុញកិច្ចសហប្រតិបត្ដិការ និងពង្រឹងឯករាជ្យភាព និងកិត្យានុភាពរបស់ខ្លួន នៅលើឆាកតំបន់ និងអន្ដរជាតិ។ ក្រៅពីនេះ ឯកឧត្តមឧបនាយករដ្ឋមន្ដ្រីបានថ្លែងអំណរគុណចំពោះការគាំទ្រ និងការចូលរួមរបស់ប្រទេសចិនក្នុងការរួមចំណែកសម្របសម្រួលដល់ជម្លោះព្រំដែនកម្ពុជា-ថៃនាពេលកន្លងមក។ តែជាអកុសលនាពេលថ្មីៗនេះ ស្ថានការណ៍បានវិវត្ដទៅជាអាក្រក់សារជាថ្មី ប៉ុន្តែឯកឧត្តមជឿជាក់ថា សហគមន៍អន្ដរជាតិ ពិសេសមិត្ដចិន នឹងបន្ដចូលរួមជួយរកដំណោះស្រាយ ហើយភាគីទាំង២នឹងវិលទៅរកការអនុវត្តកិច្ចព្រមព្រៀងសន្ដិភាព និងកាតព្វកិច្ចទាំងឡាយ ក្រោមច្បាប់អន្ដរជាតិ…

សៀមរាប៖ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ និងលោកជំទាវ ព្រមទាំងថ្នាក់ដឹកនាំ ​មន្ត្រីរាជការ​នៃក្រសួងកាលពីព្រឹកថ្ងៃទី១៤ ខែធ្នូ ឆ្នាំ២០២៥ បានអញ្ជើញ​សួរសុខទុក្ខនិងជូន​អំណោយដោយផ្ទាល់ដល់​ពលរដ្ឋភៀសសឹក​កំពុង​ស្នាក់នៅមណ្ឌលសុវត្ថិភាពស្រុកស្រីស្នំ ខេត្តសៀមរាប។ នៅស្រុកស្រីស្នំ ខេត្តសៀមរាប គិតត្រឹមរសៀលថ្ងៃទី១៣ ខែធ្នូ ឆ្នាំ២០២៥មានមណ្ឌលសុវត្ថិភាពដែលរៀបចំដោយ​រដ្ឋបាល​ខេត្ត​សម្រាប់ទទួលបងប្អូនជនភៀសសឹកនៅតំបន់ព្រំដែនកម្ពុជា​ ថៃ គេចពីការយាយីដោយអាវុធរបស់ទាហានឈ្លានពាន​ថៃ ចំនួន៦ ទីតាំង និងមានពលរដ្ឋភៀសសឹកចំនួន៥.៦៩០ គ្រួសារស្មើនឹងចំនួន១៩.១៧៣ នាក់។ ដោយឡែកពលរដ្ឋភៀសសឹកដែលទទួលអំណោយពីឯកឧត្តមរដ្ឋមន្រ្តីប្រៃសណីយ៍និងប្រតិភូនាពេលនេះមានចំនួន២.៧៥០ គ្រួសារ។អំណោយសរុបមាន អង្ករចំនួនជាង ៦៨ តោន, ត្រីខ ៥៥.០០០ កំប៉ុងនិងថវិកាចំនួន២៧៥ លានរៀល។ចំណែក កុមារៗ និងសិស្សានុសិស្សកូនចៅជនភៀសសឹកក៏ទទួលបានបន្ថែមនូវទឹកដោះគោ នំ របស់ក្មេងលេងនិងថវិកាមួយចំនួន។ ឯកឧត្តមរដ្ឋមន្ត្រីក៏បានផ្ដល់ថវិកា៤០ លានរៀលដល់រដ្ឋបាលស្រុកស្រីស្នំ សម្រាប់ដោះស្រាយតម្រូវការផ្ទាល់នៅទីតាំងស្នាក់នៅ​បណ្ដោះអាសន្ន​ផងដែរ។ ក្នុងឱកាសសាកសួរសុខទុក្ខនិងផ្តល់អំណោយ ឯកឧត្តមរដ្ឋមន្ត្រី បាននាំនូវការផ្ដាំផ្ញើសួរសុខទុក្ខពីសំណាក់ សម្ដេចអគ្គមហាសេនា​បតីតេជោ ហ៊ុន សែន ប្រធានព្រឹទ្ធសភា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីជូនប្រជាពលរដ្ឋជនភៀសសឹក។ ឯកឧត្តមអំពាវនាវឱ្យបន្តរួមគ្នាជាកម្លាំងសាមគ្គីជាតិដ៏រឹងមាំ។ជាកម្លាំងជួរក្រោយគាំទ្រវីរកងទ័ព វីរនគរបាល ដ៏អង់អាចក្លាហាន និងជឿជាក់​លើរាជរដ្ឋាភិបាល ដែលមិនបោះបង់ប្រជាពលរដ្ឋណាមួយនោះទេ។…