ភ្នំពេញ៖កាន់តែសាហាវយង់ឃ្នងយោធាថៃបានបំផ្លាញប្រាសាទតាក្របី ជាទីគោរពសក្ការៈរបស់កម្ពុជា ខណៈប្រាសាទនេះស្ថិត​នៅកណ្ដាលជម្លោះ ដោយយោធា​ថៃបានព្យាយាមឈ្លានពានកាន់កាប់ម្តងហើយ ម្តងទៀតពុំបានសម្រេច។ នៅថ្ងៃទី៩ ខែធ្នូ ឆ្នាំ២០២៥​ជាមួយរូបភាពវីដេអូដែលបង្ហាញពីការវាយដ៏ក្រពុលមុខពីយោធាថៃលើប្រាសាទ​តាក្របី​របស់ខ្មែរ ក្រសួងវប្បធម៌ និងវិចិត្រសិល្បៈប្រកាសថ្កោលទោសយ៉ាងដាច់អហង្ការចំពោះការបាញ់បំផ្លាញរបស់យោធាមកលើ​​ប្រាសាទ​តាក្របីជាទីគោរពសក្ការៈរបស់កម្ពុជា។ក្រសួងវប្បធម៌បានចាត់ទុកទង្វើដ៏សាហាវនេះ បង្ហាញពីភាពអសីលធម៌ ដែលបង្ហាញពីការប្រមាថមាក់ងាយដល់វប្បធម៌ អរិយធម៌ និងទីសក្ការៈដែលជាមរតកមនុស្សជាតិ ជាពិសេសមរតកវប្បធម៌​ដែលដូនតាខ្មែរបានកសាងបន្សល់ទុកមានតម្លៃមិនអាចកាត់ថ្លៃបាន។ ក្រសួងវប្បធម៌ក៏បានអំពាវនាវដល់គ្រប់មជ្ឈដ្ឋានជាតិ អន្តរជាតិ ជាពិសេសអង្គការយូណេស្កូ,សហគមន៍អាស៊ាន និង​បណ្តា​ស្ថាប័នពាក់ព័ន្ធ អង្គការសមាគម និងបុគ្គលគ្រប់ៗរូបដែលស្រឡាញ់ការពារបេតិកភណ្ឌមនុស្សជាតិ សូមចូលរួម​ថ្កោលទោស​យ៉ាងខ្លាំងក្លាបំផុត និងជំរុញយោធាថៃឱ្យបញ្ឈប់ជាបន្ទាន់នូវសកម្មភាពបំផ្លិចបំផ្លាញនេះ។ កិច្ចអន្តរាគមន៍របស់​សហគមន៍ជាតិនិងអន្តរជាតិ គឺជាភាពចាំបាច់បំផុត ពីព្រោះយោធាថៃ បាននឹងកំពុងបន្តបាញ់ប្រហារដោយមិនញញើតមកលើគ្រប់ទីតាំង មិនថាជាទីតាំងជនស៊ីវិល ឬទីតាំងបេតិកភណ្ឌនោះទេ ជាពិសេស កាលពីថ្ងៃទី៨ ខែធ្នូឆ្នាំ២០២៥ ប្រាសាទព្រះវិហារក៏ទទួលរងការបំផ្លាញ ធ្វើឱ្យអគារអភិរក្សក្រោមកិច្ចសហការអភិរក្សកម្ពុជា-ឥណ្ឌា ត្រូវបានខូចខាតទាំងស្រុង រួមទាំងរចនាសម្ព័ន្ធផ្សេងៗទៀតរបស់ប្រាសាទផងដែរ។ ក្រសួងវប្បធម៌និងវិចិត្រសិល្បៈ នឹងប្រើប្រាស់គ្រប់យន្តការទាំងអស់ទាំងកម្រិតជាតិនិងអន្តរជាតិ ដើម្បីទាមទារឱ្យថៃទទួល​ខុស​ត្រូវលើសកម្មភាពអសីលធម៌ទាំងនេះចំពោះមុខច្បាប់អន្តរជាតិដែលមានជាធរមាន ក៏ដូចជាកត់ត្រាទុកអំពើបំផ្លិចបំផ្លាញ​​នេះ​​ក្នុងប្រវត្តិសាស្ត្ររបស់មនុស្សជាតិ។ សូមជម្រាបថា ប្រាសាទតាក្របីស្ថិតក្នុងបូរណភាពដែនដីរបស់ប្រទេសកម្ពុជា​ តែបាននៅកណ្ដាលនៃជម្លោះ​កម្ពុជា ថៃ ខណៈ​យោធាថៃបានព្យាយាមដណ្ដើមកាន់កាប់ម្តងហើយម្តងទៀតពុំបានសម្រេចចាប់​តាំងពី​ផ្ទុះ​ជម្លោះលើកដំបូង​ពី​​ថ្ងៃទី២៤ ដល់ទី២៨ ខែកក្កដា ឆ្នាំ២០២៥ កន្លងទៅនិងលើកនេះទៀត។ ប្រាសាទតាក្របី មានទីតាំងស្ថិតនៅលើជួរភ្នំដងរែក ត្រង់ព្រំប្រទល់កម្ពុជា-ថៃ ក្នុងភូមិសែនមនោរម្យ១ ឃុំគោកមន ស្រុកបន្ទាយអំពិល…

ហេតុដូច្នេះ គឺជាការភ្ញាក់ផ្អើលមួយនៅពេលដែលឃើញព័ត៌មានចុះផ្សាយនៅថ្ងៃទី ៨ ធ្នូ ២០២៥ ថាកងទ័ពភូមិភាគទី១ របស់ថៃបានប្រកាសថានឹងប្រើប្រាស់កម្លាំងដើម្បីដណ្ដើមដែនអធិបតេយ្យរបស់ថៃមកវិញ រួមទាំងការបាញ់កាំភ្លើងផ្លោង និងចល័តកម្លាំងយោធា ចូលក្នុងភូមិព្រៃចាន់ ភូមិជោគជ័យ និងគោលដៅមួយចំនួនទៀតនៅខេត្តបន្ទាយមានជ័យ។ បើថៃពិតជាស្រលាញ់សន្តិភាព និងស្រលាញ់ទឹកដីដូចកម្ពុជា គួររាជរដ្ឋាភិបាលនិងកងទ័ពថៃ ប្រកាន់យកការដោះស្រាយបញ្ហាព្រំដែនតាមសន្តិវិធី ដោយប្រើប្រាស់យន្តការដែលបានឯកភាពគ្នានិងបានកំពុងអនុវត្តជាមួយគ្នា។ បើថៃពិតជាគោរពច្បាប់អន្តរជាតិមែន គឺមិនត្រូវប្រើប្រាស់កម្លាំងយោធាធ្វើការវាយប្រហារលើភូមិប្រជាជនស៊ីវីលទេ ក្រោមហេតុផលដណ្ដើមយកដែនអធិបតេយ្យរបស់ខ្លួនមកវិញនោះទេ។ កម្ពុជាបានប្រកាន់ខ្ជាប់ជាប្រចាំនូវគោលការណ៍គោរពអធិបតេយ្យ និងបូរណភាពទឹកដីរបស់ប្រទេសជិតខាង ប៉ុន្តែក៏មិនអនុញ្ញាតអោយប្រទេសណារំលោភលើដែនអធិបតេយ្យ និងបូរណភាពទឹកដីរបស់ខ្លួនដែរ។ ខ្ញុំក៏បានលឺថ្នាក់ដឹកនាំថៃប្រកាសដូចគ្នា។ មូលហេតុនេះហើយ បានជាប្រទេសទាំងពីរបានបង្កើតគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ (JBC) ដែលបានដំណើរការជាង ២០ឆ្នាំ ដោយផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០។ ថ្មីៗនេះ ស្របតាមស្មារតីដែលបានឯកភាពគ្នារវាងគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ (JBC) ភាគីកម្ពុជា និងភាគីថៃបានឯកភាពគ្នាបញ្ជូនក្រុមវាស់វែងចម្រុះចុះអនុវត្តការងារវាស់វែងនិងបោះបង្គោលព្រំដែនបណ្តោះអាសន្ននៅកំណាត់ខ្សែព្រំដែនចន្លោះបង្គោលព្រំដែនលេខ៤២-៤៧ នៅខេត្តបន្ទាយមានជ័យ និង លេខ៥២-៥៩ នៅខេត្តបាត់ដំបង។ ការងារនេះបានប្រព្រឹត្តទៅដោយរលូនដោយមានការសហការគ្នាល្អរវាងក្រុមការងារបច្ចេកទេសព្រំដែននៃប្រទេសទាំងពីរ។ ជាលទ្ធផល ការងារវាស់វែងនិងបោះបង្គោលព្រំដែនបណ្តោះអាសន្ននៅកំណាត់ខ្សែព្រំដែនចន្លោះបង្គោលព្រំដែនលេខ៥២-៥៩ នៅខេត្តបាត់ដំបងបានដំណើរការស្ទើរតែបញ្ចប់ ១០០% និងនៅកំណាត់ខ្សែព្រំដែនចន្លោះបង្គោលព្រំដែនលេខ៤២-៤៧ ក៏បានកំពុងដំណើរការទៅដោយរលូនតាមលក្ខណៈបច្ចេកទេស និងស្របតាមសន្ធិសញ្ញា…

ពោធ៌សាត់៖ កម្ចីក្រៅខុសច្បាប់កំពុងតែរាតត្បាតមកលើប្រជាពលរដ្ឋតាមតំបន់មូលដ្ឋាន ។ ដូច្នេះការបញ្រ្ជាបចំណេះដឹងផ្នែកហិរញ្ញវត្ថុ និងកិច្ចការពារអតិថិជន គឺជាកាតព្វកិច្ចអទិភាព និងចាំបាច់ របស់ធនាគារជាតិនៃកម្ពុជា បាន និងកំពុងអនុវត្ត និងសហការជាមួយស្ថាប័នពាក់ព័ន្ធ និងដៃគូអភិវឌ្ឍនានា ដើម្បីបញ្រ្ជាបការយល់ដឹងនេះដល់ប្រជាជនតាមមូលដ្ឋាន ដែលជាកាត្តាលីករជួយជំរុញ និងលើកកម្ពស់បិរយាបន្នហិរញ្ញវត្ថុនៅកម្ពុជា ។ ថ្លែងក្នុងសិក្ខាសាលា ស្តីពី ចំណេះដឹងផ្នែកហិរញ្ញវត្ថុ និងកិច្ចការពារអតិថិជន នៅស្រុកក្រគរ ខេត្តពោធ៌សាត់ នាថ្ងៃទី៨ ខែធ្នូ ឆ្នាំ២០២៥ លោក ឡាយ សុខហេង អគ្គនាយកបទប្បញ្ញត្តិ និងបរិយាបន្នហិរញ្ញវត្ថុ ធនាគារជាតិនៃកម្ពុជា បានគូសបញ្ជាក់ថា ការទទួលបានសេវាហិរញ្ញវត្ថុផ្លូវការប្រកបដោយតម្លាភាព និងក្រមសីលធម៌ បានផ្តល់នូវគុណតម្លៃយ៉ាងសំខាន់សម្រាប់អ្នកប្រើប្រាស់ ។ ទន្ទឹមនេះ ការពង្រីកវិសាលភាពនៃសេវាហិរញ្ញវត្ថុ ការពង្រឹងគុណភាព សុវត្ថិភាព ប្រសិទ្ធភាព ភាពងាយស្រួល និងរហ័សទាន់ចិត្ត និងកាត់បន្ថយតម្លៃប្រតិបត្តិការ តាមរយៈថ្នាលឌីជីថល គឺបានផ្តល់អត្ថប្រយោជន៍ជាច្រើនដល់ប្រជាជនកម្ពុជា ។ ប៉ុន្តែ ថ្នាលឌីជីថល ក៏ប្រៀបបាននឹងអាវុធមុខពីរផងដែរ ខណៈបច្ចេកវិទ្យាហិរញ្ញវត្ថុ ក៏បានបង្កឱ្យមានហានិភ័យដូចជា៖ ការឆបោកផ្នែកហិរញ្ញវត្ថុតាមប្រព័ន្ធអនឡាញ ការលួចក្លែងបន្លំអត្តសញ្ញាណ កម្ចីអនឡាញ…

(ភ្នំពេញ)៖ អ្នកជំនាញវិទ្យាសាស្ត្រនយោបាយ និងសហជីពនៅកម្ពុជា នាថ្ងៃទី៨ ខែធ្នូ ឆ្នាំ២០២៥ បានថ្កោលទោសចំពោះការបាញ់ប្រហាររបស់ កងកម្លាំងយោធាថៃមកលើអធិបតេយ្យភាពកម្ពុជាជាច្រើនចំណុចនៅតំបន់ជាច្រើនតាមខ្សែបន្ទាត់ព្រំដែន ចាប់តាំងពីថ្ងៃទី៧ ខែធ្នូនេះ ក្នុងចេតនាធ្វើឱ្យកម្ពុជាតបតដើម្បីបំផ្លាញចោលបទឈប់បាញ់ និងសេចក្តីថ្លែងការណ៍សន្តិភាពកម្ពុជានិងថៃ។ លោកបណ្ឌិត យង់ ពៅ អគ្គលេខាធិការនៃអគ្គលេខាធិការដ្ឋានរាជបណ្ឌិត្យសភាកម្ពុជា និងជាអ្នកតាមដានស្ថានការណ៍នយោបាយ មើលឃើញថា ការបាញ់ប្រហារសាជាថ្មីរបស់ កងទ័ពថៃមកលើអធិបតេយ្យភាពកម្ពុជាបង្ហាញថា ថៃជារដ្ឋពាល ព្រហើន កោងកាច ហាក់ដូចជារស់នៅក្នុងអតីតកាលជាង១ពាន់ឆ្នាំមុន។ លោកបណ្ឌិតអំពាវនាវដល់សហគមន៍អន្តរជាតិថ្កោលទោសធ្ងន់ធ្ងរដល់ប្រទេសថៃ ព្រោះប្រទេសនេះ មិនយល់ពីបញ្ហាមនុស្សធម៌ និងច្បាប់អន្តរជាតិ ឈ្លានពានកម្ពុជាទាំងកំរោល ដើម្បីបំផ្លាញនូវមរតវប្បធម៌និងសាសនា ព្រមទាំង ទីតាំងជនស៊ីវិលស្លូតត្រង់ក្នុងគោលបំណងឈ្លានពានទឹកដីកម្ពុជា។ លោកថ្លែងថា៖«ខ្ញុំអំពាវនាវដល់សហរដ្ឋអាម៉េរិក ក៏ដូចជាសហគមន៍អន្តរជាតិ ដាក់សម្ពាធធ្ងន់ធ្ងរទៅលើប្រទេសថៃ ថ្កោលទោសធ្ងន់ធ្ងរទៅលើប្រទេសថៃ និងមានសកម្មភាពជាក់ស្តែងទប់ទល់នឹងភាពគឃ្លើននៃការប្រកាសសង្គ្រាមរបស់ថៃ រួមទាំងអាស៊ាន និងអង្គការសហប្រជាជាតិផងដែរ ត្រូវតែមានវិធានការដាក់សម្ពាធនិងថ្កោលទោស ទប់ស្កាត់នូវទង្វើទុច្ចរិតបំពានលើបទឧក្រិដ្ឋនៃសង្គ្រាមនេះ»។ ចំណែក លោក សំ សឿន ប្រធានសហភាពពលកម្មជាតិកម្ពុជា និងជាអ្នកតាមដានព្រឹត្តិការណ៍នយោបាយខ្មែរ បានហៅការបាញ់ប្រហារសាជាថ្មីនេះ ថាជាអំពើឧក្រិដ្ឋកម្មសង្គ្រាមប្រឆាំងមនុស្សជាតិ មានចេតនាធ្វើឱ្យប្រជាពលរដ្ឋខ្មែរស្លូតត្រង់ភ័យខ្លាចចំពោះការបាញ់សង្គ្រុបដោយអាវុធធុនធ្ងន់ច្រើនប្រភេទនៅខ្សែបន្ទាត់ព្រំដែនកម្ពុជា ថៃ ដែលទង្វើនេះបង្ហាញកាន់តែច្បាស់ថា ថៃមិនគោរពច្បាប់អន្តរជាតិ និងមានចេតនារុញឱ្យកម្ពុជាតបតដើម្បីបំផ្លាញរាល់កិច្ចព្រមព្រៀងទាំងអស់។ លោកថ្លែងថា៖«ខ្ញុំសូមថ្កោលទោសយ៉ាងដាច់អហង្ការ…

ភ្នំពេញ៖ក្រសួងវប្បធម៌ និងវិចិត្រសិល្បៈបានធ្វើកាថ្កោលទោសពីសំណាក់កងទ័ពឈ្លានពាន ថៃដែលបានធ្វើការបាញ់ បំផ្លាញ អគារអភិរក្សរបស់គម្រោងអភិរក្ស និងជួសជុលគោបុរៈទី៥ ប្រាសាទព្រះវិហារ។ ក្នុងសចក្តីថ្លែងការណ៍នៅថ្ងៃទី៨ ខែធ្នូ ឆ្នាំ២០២៥​ក្រសួងវប្បធម៌បានបញ្ជាក់ថា ព្រឹកថ្ងៃទី៨ ខែធ្នូ វេលាម៉ោង​ប្រហែល ៥ព្រឹក យោធាថៃបានបើកការបាញ់ប្រហារមកលើ ទឹកដីកម្ពុជា នៅក្នុងតំបន់អានសេះ ខេត្តព្រះវិហារ បន្ទាប់មកបាញ់នៅប្រាសាទតា​មាន់ធំ និងទីតាំងផ្សេងទៀតតាម បណ្តោយព្រំដែន ដោយប្រើប្រាស់អាវុធធុនធ្ងន់ជាច្រើន។ រហូតដល់ម៉ោង ៧ព្រឹកថ្ងៃដដែល ការវាយប្រហារដោយ យោធាថៃបានបន្តមកដល់តំបន់ជុំវិញនិងទីតាំងផ្ទាល់ប្រាសាទព្រះវិហារ ដោយបានបំផ្លាញអគារអភិរក្ស​របស់គម្រោងអភិរក្ស និងជួសជុលគោបុរៈទី៥ ប្រាសាទព្រះវិហារ ក្រោមកិច្ចសហប្រតិបត្តិការកម្ពុជា-ឥណ្ឌា ដែលស្ថិតនៅ​បរិវេណគោបុរៈទី៥ និង ហេដ្ឋារចនាសម្ព័ន្ធអភិរក្សដទៃទៀត។ក្រសួងវប្បធម៌បានលើកឡើងដែរថាចាប់តាំងពីប្រាសាទព្រះវិហារត្រូវបានចុះក្នុងបញ្ជីបេតិកភណ្ឌពិភពលោកនៅថ្ងៃទី៧ ខែកក្កដា ឆ្នាំ២០០៨ ភាគីថៃ បានបង្កើតលេសនិងបង្កជម្លោះប្រដាប់អាវុធនៅតំបន់ប្រាសាទព្រះវិហារជាច្រើនលើកច្រើនសារនៅ​ចន្លោះឆ្នាំ២០០៨ និង ឆ្នាំ២០១១ ព្រមទាំងបានបង្កជម្លោះសារជាថ្មីនៅថ្ងៃទី២៤-២៨ ខែកក្កដា ឆ្នាំ២០២៥។ ការវាយប្រហារ​នេះធ្វើឡើងបន្ទាប់ពី យោធាថៃបានធ្វើសកម្មភាពបង្កហេតុជាច្រើនរាប់មិនអស់និងជាច្រើនថ្ងៃមកហើយ ជាពិសេសឧបទ្ទវហេតុ​កាលពីថ្ងៃម្សិលមិញ នៅចំណុចព្រលានថ្ម ក្នុងតំបន់រមណីយដ្ឋានប្រាសាទព្រះវិហារ ស្ថិតក្នុងឃុំស្រអែម ស្រុកជាំក្សាន្ត ខេត្តព្រះវិហារ ក្នុងចេតនា ញុះញង់ឱ្យមានការប៉ះទង្គិចគ្នាជាមួយបំណងបំផ្លាញកិច្ចព្រមព្រៀងសន្តិភាពទីក្រុងគូឡាឡាំពួ។ ក្រសួងវប្បធម៌និងវិចិត្រសិល្បៈ សូមថ្កោលទោសចំពោះការបង្កហេតុសារជាថ្មីម្តងទៀតនៅតំបន់ប្រាសាទព្រះវិហារ ដែលបាន​បង្កការលំបាកយ៉ាងធ្ងន់ធ្ងរដល់កិច្ចខិតខំប្រឹងប្រែងអភិរក្សប្រាសាទព្រះវិហារ…

ភ្នំពេញ៖អ្នកនាំពាក្យក្រសួងព័ត៌មាន បានក្រើនរំលឹកជាថ្មីអំពីការធានាសុវត្ថិភាពសារព័ត៌មាន និងការប្រតិបត្តិក្រមសីលធម៌ ក្នុងពេលចុះយកព័ត៌មានក្នុងតំបន់ដែលរងការបើកវាយប្រហាររបស់កងទ័ពថៃមកលើកម្ពុជា និងការរាយការណ៍ព័ត៌មាន​ទាក់ទងនឹងសន្តិសុខជាតិ។ ឯកឧត្ដម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាននៅរសៀលថ្ងៃទី ៨ ខែ ធ្នូ ឆ្នាំ ២០២៥ បានអំពាវនាវឱ្យអ្នកសារព័ត៌មានមានការប្រុងប្រយ័ត្នខ្ពស់ចំពោះសុវត្ថិភាពខ្លួនឯង និងក្រុមការងារដែលចុះទៅជាមួយក៏ដូចជា​សុវត្ថិភាពប្រជាពលរដ្ឋ អាជ្ញាធរពាក់ព័ន្ធក្នុងតំបន់ ដែលចុះទៅយកព័ត៌មាន។ អ្នកនាំពាក្យដដែលបញ្ជាក់ថា”ជានិច្ចជាកាលត្រូវតែផ្តល់ការសហការ ជាមួយអាជ្ញាធរមានសមត្ថកិច្ច ក្នុងខេត្ត ឬក៏ទីតាំងដែល​យើងចុះយកព័ត៌មាន ហើយមិនត្រូវបំពានលើបំរាមណាមួយឡើយដែលស្ថិតនៅក្នុងក្របខណ្ឌការគ្រប់គ្រង ឬតំបន់ដែល​គ្រប់​គ្រងមូលដ្ឋានដើម្បីធានាសុវត្តិភាព របស់អាជ្ញាធរ ក៏ដូចជាថ្នាក់ដឹកនាំខេត្តកំពុងរៀបចំគ្រប់គ្រង ធ្វើយ៉ាងណាការ ការពារសុវត្ថិ​ភាពប្រជាពលរដ្ឋ ជាពិសេសប្រជាពលរដ្ឋដែលកំពុងតែ ជម្លៀសខ្លួនចេញពី ភូមិដ្ឋានរបស់ខ្លួនដោយសារការវាយ​ប្រហារពី​កងទ័ពថៃ”។ សម្រាប់អ្នកសារព័ត៌មាន ជានិច្ចជាកាលត្រូវតែអនុលោមទៅតាម ការដាក់ចេញនូវវិធានការតំបន់ ក៏ដូចជាទីតាំងដែលពាក់ព័ន្ធ ជាពិសេសទីតាំងដែលមានហានិភ័យខ្ពស់ ដែលពាក់ព័ន្ធការការពារសុវត្តិភាពដោយសារតែ អាទិភាពនៅទីនោះមានការលំបាក ព្រោះតែអាចមានលទ្ធភាពការវាយប្រហារពីសំណាក់កងទ័ពថៃគ្រប់ពេលវេលា។ អ្នកនាំពាក្យក្រសួងព័ត៌មានបានក្រើនរំលឹកដល់អ្នកសារព័ត៌មានផងដែរថា ក្នុងពេលចុះយកព័ត៌មាន មិនត្រូវបង្ហាញព័ត៌មាន​ដែល​ជាការសម្ងាត់របស់កងទ័ព ក្នុងនេះមិនត្រូវបង្ហាញរូបភាព ព័ត៌មានពាក់ព័ន្ធកងទ័ព បង្ហាញពីលេណដ្ឋានកងទ័ព សកម្មភាព​កងទ័ព ឬព័ត៌មានផ្សេងទៀតដែលពាក់ព័ន្ធនឹងសន្តិសុខជាតិ ។ទាំងនេះគឺដើម្បីចូលរួមការការពារ ក្នុងការផ្តល់ព័ត៌មាន​ពិត ប៉ុន្តែមិនត្រូវឱ្យប៉ះពាល់ទៅដល់ ការធានាសុវត្តិភាព ធានាការការពារអធិបតេយ្យភាព បូរណៈភាពទឹកដី ក៏ដូចជាព័ត៌មានពាក់​ព័ន្ធនឹង…

ព្រះសីហនុ៖ ប្រជាជនរងគ្រោះដោយខ្យល់កន្ត្រាក់ចំនួន ២.១៩៧គ្រួសារ រស់នៅភូមិចំនួន២៣ ក្នុងឃុំចំនួន៦ នៃស្រុកព្រៃនប់ ខេត្តព្រះសីហនុ បានទទួលការយកចិត្តទុកដាក់ពីកាកបាទក្រហមកម្ពុជា។ ឯកឧត្តម ម៉ោង ស៊ីណេត អភិបាលខេត្ត និងជាប្រធាន គណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ បានឱ្យដឹងថា ប្រជាជនរងគ្រោះដោយខ្យល់កន្ត្រាក់ចំនួន ២.១៩៧គ្រួសារ រស់នៅភូមិចំនួន២៣ ក្នុងឃុំចំនួន៦ នៃស្រុកព្រៃនប់ ខេត្តព្រះសីហនុ ក្នុងនោះមកពីឃុំទឹកថ្លាចំនួន ៧៧៩គ្រួសារ, ឃុំទឹកល្អក់ចំនួន ៦៩៧គ្រួសារ, ឃុំសាមគ្គីចំនួន ៥២៥គ្រួសារ, ឃុំវាលរេញចំនួន ៦៧គ្រួសារ, ឃុំសំរុងចំនួន ៥៦គ្រួសារ និងឃុំជើងគោចំនួន ៧៣គ្រួសារ ។ ក្នុងពិធីចែកជូនអំណោយកាលពីថ្ងៃទី៧ ខែធ្នូ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានអចិន្ត្រៃយ៍ កាកបាទ​ក្រហម​កម្ពុជាតំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបាននាំនូវព្រះរាជបណ្តាំ​ផ្ញើសួរសុខ​ទុក្ខពីសំណាក់សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយសកាកបាទ​ក្រហមកម្ពុជា និងការ​ផ្តាំផ្ញើសួរសុខទុក្ខពី សម្តេចកិត្តិព្រឹទ្ធបណ្ឌិរប្រធានកាកបាទក្រហមកម្ពុជា ជូនចំពោះលោកតា លោកយាយ អ៊ំ ពូ…