គណៈបញ្ជាការឯកភាពរដ្ឋបាលស្រុកប្រាសាទបាគង កាលពីថ្ងៃទី៤ ខែកញ្ញា ឆ្នាំ២០២១ បានសហការណ៍ ជាមួយក្រុមការងារស្រាវជ្រាវ នៃមន្ទីរសុខាភិបាលខេត្ត  បានចុះពិនិត្យស្ថានភាពផ្សារម៉ាក្រូ ដែលមានទីតាំងស្ថិតនៅ ភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប  ដោយបានយកសំណាកពីបុគ្គលិកនៅផ្សារម៉ាក្រូ ចំនួន២៤២នាក់ ស្រី១២៦ នាក់ ។ ក្នុងការធ្វើតេស្ត៍រហ័ស បានរកឃើញវិជ្ជមានកូវីដ១៩ ចំនួន១៦នាក់ ស្រី១៣នាក់ និងបានបញ្ជូនយកទៅមណ្ឌលធ្វើការព្យាបាល  តែចំពោះផ្សារគណៈបញ្ជាការឯកភាពរដ្ឋបាលស្រុក មិនបានបិទទីតាំងនោះឡើយ និងបានអនុញ្ញាតឲ្យបន្តធ្វើអាជីវកម្មបម្រើជូនអតិថិជនជាធម្មតា ក្រោយពីក្រុមគ្រូពេទ្យធ្វើការចុះពិនិត្យ ពីសុវត្ថិភាពក្នុងផ្សារ ។ លោក សូរ ប្លាតុង ប្រធានគណៈបញ្ជាការឯកភាពរដ្ឋបាលស្រុក បានធ្វើការជូនដំណឹងដល់បងប្អូន ប្រជាពលរដ្ឋទាំងអស់ដែលធ្លាប់បានចេញចូលទីតាំងផ្សារខាងលើ ក្នុងរយះពេល៧ថ្ងៃកន្លងមកនេះ ត្រូវដាក់ខ្លួនដាច់ដោយឡែក និងធ្វើច័ត្តាឡីស័កខ្លួនឯងរយះពេល១៤ថ្ងៃ ហើយក្នុងករណីមាន ចេញរោគសញ្ញាដូចជាក្តៅខ្លួន ឈឺក ក្អកហត់ ពិបាកដកដង្ហើម សុំធ្វើការទំនាក់ទំនងមកអាជ្ញាធរមូលដ្ឋាន និងក្រុមការងារតាមភូមិឃុំ ដើម្បីទៅយកសំណាក ធ្វើតេស្ត៍ និងទទួលការព្យាបាលឲ្យបានត្រឹមត្រូវ ។  ក្នុងឱកាសនោះលោកអភិបាលស្រុក ក៏បានធ្វើការណែនាំដល់ ប្រធានគ្រប់គ្រងផ្សារ បង្កើនការយកចិត្តទុកដាក់ខ្ពស់ ក្នុងការត្រួតពិនិត្យសុខភាព សុវត្ថិភាពរបស់បុគ្គលិកខ្លួន…

នៅព្រឹកថ្ងៃអាទិត្យ ១៣រោច ខែស្រាពណ៍ ឆ្នាំឆ្លូវ ព.ស.២៥៦៥ ត្រូវនឹងថ្ងៃទី០៥ ខែកញ្ញា ឆ្នាំ២០២១ ឯកឧត្តម ប៉េង ពោធិ៍នា ប្រធានផ្នែកព័ត៌មាន និងបណ្តាញផ្សព្វផ្សាយសង្គម នៃយុវជនគណបក្ស ប្រជាជនកម្ពុជាថ្នាក់កណ្តាល បានអញ្ជើញដឹកនាំកិច្ចប្រជុំជាមួយជនបង្គោលទទួលផែនព័ត៌មាន និងបណ្តាញផ្សព្វផ្សាយសង្គមតាមបណ្តាក្រសួងស្ថាប័ន រាជធានី-ខេត្ត និងក្រៅប្រទេស តាមប្រព័ន្ធវីដេអូ ZOOM Meeting ដោយមានចូលរួមពីជនបង្គោលសរុបចំនួន ២៩៦រូប។ កិច្ចប្រជុំនេះផ្តោតសំខាន់ទៅលើការពិនិត្យសមាសភាព តួនាទីភារកិច្ច និងរចនា សម្ព័ន្ធរបស់ផែនព័ត៌មាន និងបណ្តាញផ្សព្វផ្សាយសង្គមតាមបណ្តាក្រសួងស្ថាប័ន រាជធា-នីខេត្ត និងក្រៅប្រទេស និងបង្កើតបណ្តាញទំនាក់ទំនងរវាងក្រសួងស្ថាប័ន រាជធានី-ខេត្ត និងក្រៅ ប្រទេសជាមួយយុវជនគណបក្សថ្នាក់កណ្តាល ក្នុងការផ្សាយព័ត៌មានទាក់ទងនឹងសកម្មភាពការងាររបស់ថ្នាក់ដឹកនាំគណបក្ស ព្រមទាំងយុវជនគណបក្សឲ្យកាន់តែមានវិសាលភាពទូលំទូលាយ និងមានប្រសិទ្ធខ្ពស់។

នៅថ្ងៃទី០៤ ខែកញ្ញា ឆ្នាំ២០២១ម្សិលមិញនេះ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប អមដំណើរដោយឯកឧត្ដម លោក លោកស្រី ជាអភិបាលរងខេត្ត ថ្នាក់ដឹកនាំនិងមន្ត្រីជំនាញ នៃមន្ទីរ អង្គភាពពាក់ព័ន្ធក្នុងខេត្ត និង អាជ្ញាធរស្រុកជីក្រែង បានចុះពិនិត្យមើលស្ថានភាពទឹកនៅអាងម្កាក់ ទំនប់ទ្វារទឹកធារាសាស្រ្ត ដែលស្ថិតនៅក្នុងឃុំពង្រលើ ស្រុកជីក្រែង រួមទាំងស្ថានភាពដំណាំស្រូវរបស់បងប្អូនប្រជាពលរដ្ឋនៅជុំវិញតំបន់នោះផងដែរ ។ លោក នួន គ្រឹះស្នា ប្រធានមន្ទីរធនធានទឹក និងឧត្តុនិយមខេត្តសៀមរាប បានបង្ហាញថា អាងទឹកទំនប់ម្កាក់នេះ អាចស្តុកទឹកបានប្រមាណជា ២០លានម៉ែត្រត្រីគុណ មានវិសាលភាពគ្របដណ្តប់លើភូមិសាស្រ្តឃុំចំនួន៩ ក្នុងចំណោមឃុំទាំង១២របស់ស្រុកជីក្រែង និង មានសមត្ថភាពស្រោចស្រពលើផ្ទៃដីស្រែប្រមាណ ២៥.០០០ហិកតា ។ លោក នួន គ្រឹះស្នា បានបញ្ជាក់ទៀតថា ឆ្នាំនេះប្រជាកសិករ បានធ្វើការងារបង្កបង្កើនផលស្រូវប្រាំងជាង ១ម៉ឺនហិកតា និងធ្វើស្រែវស្សាជាង៣ម៉ឺនហិកតា ដូច្នេះទំហំផ្ទៃដីនេះ វាលើសពីសមត្ថភាពចែកចាយទឹករបស់អាងម្កាក់ ហើយព្រមទាំងមានជួបប្រទះគ្រោះរាំងស្ងួតបន្ថែមទៀតនោះ ទើបបណ្ដាលឲ្យមានផលប៉ះពាល់ស្រូវកណ្តាល-ស្រូវធ្ងន់ និងការខូចខាតផលស្រូវស្រាលត្រូវបានកើតឡើង ប៉ុន្តែនៅក្នុងរយៈពេលមួយសប្តាហ៍ចុងក្រោយនេះ មានភ្លៀងធ្លាក់បណ្ដើរៗហើយនោះ ធ្វើឲ្យកម្ពស់ទឹកអាងម្កាក់ បានឡើងលើកូដបាតទ្វារទឹកប្រមាណ…

ព្រះវិហារ ៖ អំណោយសប្បុរសធម៌ របស់អង្គភាពកងពលតូចអន្តរាគមន៍លេខ៨ នៅព្រឹកថ្ងៃអាទិត្យទី០៥ ខែកញ្ញា ឆ្នាំ២០២១ នេះ ត្រូវបានលោកឧត្តមសេនីយ៍ត្រី ច័ន្ទ សុខុន មេបញ្ជាការកងពលតូចអន្តរាគមន៍លេខ៨ នាំយកទៅជួយឧបត្ថម្ភដល់អាជ្ញាធរស្រុកចំនួនពីរ ក្នុងខេត្តឧត្តមានជ័យ ។ ពិធីនេះក៏មានវត្តមានអញ្ជើញចូលរួមពីសំណាក់ លោកវរសេនីយ៍ឯក ជា ឈុន មេបញ្ជាការរង នាយសេនាធិការកងពលតូចអន្តរាគមន៍លេខ៨ និងលោកមេបញ្ជាការ លោកមេបញ្ជាការរង នៃវរសេនាតូចទាំងប្រាំចំណុះឲ្យអង្គភាពកងពលតូចអន្តរាគមន៍លេខ៨ទាំងមូល។ ថ្លែងនៅក្នុងឱកាសផ្តល់អំណោយសប្បុរសធម៌ លោកឧត្តមសេនីយ៍ត្រី ច័ន្ទ សុខុន សូមធ្វើការអរគុណយ៉ាងជ្រាលជ្រៅបំផុតចំពោះ នាយ ពលទាហាន ទាំងអស់ ទាំងនៅក្នុងទីបញ្ជាការ ក៏ដូចជានៅតាមបណ្តាវរសេនាតូចទាំងប្រាំចំណុះ ដែលបានលះបង់ នូវថវិកា ក៏ដូចជាគ្រឿងឧបភោគបរិភោគ ចូលរួមចំណែកជាមួយប្រមុខរាជរដ្ឋាភិបាលកម្ពុជា នៅក្នុងការប្រយុទ្ធប្រឆាំងនឹងជំងឺកូវីដ-១៩ តាមរយៈថ្នាក់ដឹកនាំមូលដ្ឋាន សម្រាប់ប្រើប្រាស់ក្នុងវិធានការបង្ការ ការពារ និងទប់ស្កាត់ ជំងឺកូវីដ១៩ ដែលកំពុងរាតត្បាតនៅទូទាំងខេត្តឧត្តមានជ័យ ។ លោកមេបញ្ជាការ បានថ្លែងទៀតថា ការចូលរួមបរិច្ចាគថវិកា ព្រមជាមួយនឹងគ្រឿងឧបភោគបរិភោគ របស់សប្បុរសធម៌ បានបង្ហាញឲ្យឃើញពីការចូលរួមចំណែកជាមួយរាជរដ្ឋាភិបាល ជាមួយរដ្ឋបាលខេត្ត ក្នុងការប្រយុទ្ធប្រឆាំង ជំងឺកូវីដ១៩…

សៀមរាប ៖ នៅក្នុងដំណើរបំពេញការងារចុះពិនិត្យមើលស្ថានភាពទឹកនៅអាងម្កាក់ ទំនប់ទ្វារទឹកធារាសាស្រ្ត នៅក្នុងឃុំពង្រលើ ស្រុកជីក្រែង របស់ឯកឧត្តម ទៀ សីហា អភិបាលខេត្តសៀមរាប នៅថ្ងៃទី៤ ខែកញ្ញា ឆ្នាំ២០២១ ជាមួយគ្នានោះ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ បានបង្ហាញថា ការងារបង្ករបង្កើនផលដំណាំស្រូវវស្សាឆ្នាំ២០២១នេះ បាន ១៨៩ ៧២០ហិតា ស្មើនឹង ៩៩.៩៩%នៃផែនការ ក៏ប៉ុន្តែនៅក្នុងអំឡុងខែសីហានេះដែរ គ្រោះរាំងស្ងួតបានបង្កឲ្យមានផលប៉ះពាល់លើដំណាំស្រូវទាំងនោះជិត ១៦ ០០០ហិតា លើ៨ស្រុកក្នុងចំណោម ១២ក្រុង-ស្រុក ស្មើនឹង៤១ឃុំ ៣២១ ភូមិ ជាង ១៤ ០០០ គ្រួសារ ។ ក្នុងនេះដែរ ស្រុកជីក្រែងទទួលរងផលពាល់ច្រើនជាងគេស្មើនឹង ៦ ៦០០ហិចតា ក្នុងនេះស្រូវស្រាលលើផ្ទៃដី ២ ៨៨០ហិតា ត្រូវទទួលរងនូវការខូចខាត ប្រជាកសិករប្រហែល ៣ ០០០គ្រួសារ រស់នៅលើ ១២ឃុំ ១៣៣ភូមិ…

សៀមរាប ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានបន្តផ្ដល់អំណោយសប្បុរសធម៌ដល់គ្រួសារប្រជាពលរដ្ឋ ដែលទើបសម្រាលបានកូនភ្លោះបីនាក់ ។ អំណោយដ៏ថ្លៃថ្លានោះត្រូវបានឯកឧត្តម គុជ លីណា សមាជិកក្រុមប្រឹក្សាខេត្តសៀមរាប និងលោកជំទាវ បាននាំយកទៅប្រគល់ជូនដល់លំនៅឋានកូនភ្លោះទាំងបី(ប្រុសទាំង៣) នៅព្រឹកថ្ងៃទី០៤ ខែកញ្ញា ឆ្នាំ២០២១ ដែលស្ថិតក្នុងភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប ដោយមានការអញ្ជើញចូលរួមពីសំណាក់ លោក សូរ ប្លាតុងអភិបាលស្រុកប្រាសាទបាគង អញ្ជើញចូលរួមផងដែរ ។ កូនភ្លោះទាំង០៣នាក់នេះគឺ បានសំរាល កាលពីថ្ងៃទី២៩ ខែសីហា ឆ្នាំ២០២១ វេលាម៉ោង១០ និង៤០នាទីព្រឹក នៅមន្ទីរពេទ្យគន្ធបុប្ផា ខេត្តសៀមរាបដោយមានឪពុក ឈ្មោះ ចិន ទ្រា អាយុ៣០ឆ្នាំ និងម្តាយឈ្មោះ សុខ សៅ អាយុ ៣៣ឆ្នាំ ។ អំណោយរបស់ សម្តេចតេជោ និងសម្តេចកត្តិព្រឹទ្ធបណ្ឌិតដែលបានឧបត្ថម្ភដល់កូនភ្លោះ៣នាក់នាពេលនោះរួមមានអង្ករចំនួន៥០គីឡូក្រាម…

ភ្នំពេញ៖ រដ្ឋបាលរាជធានីភ្នំពេញ បានបញ្ជាឱ្យ មន្ទីរសាធារណការ និងដឹកជញ្ជូនរាជធានីភ្នំពេញ សហការ ជាមួយរដ្ឋបាលខណ្ឌពោធិ៍សែនជ័យត្រូវតែជីកកាត់ផ្លូវឆេកូ និងផ្លូវទំនប់ Royal Phnom Penh Golf Club ជាបណ្តោះអាសន្ន ដើម្បីបើកផ្លូវទឹកឱ្យហូរទៅកាន់បឹងកប់ស្រូវ បង្ការ ទប់ស្កាត់ទឹកជំនន់លិចនៅផ្លូវជាតិលេខ ៤ មុខសាលាក្តីខ្មែរក្រហម ខណៈភ្លៀងនៅតែបន្តធ្លាក់។ មន្រ្តីរដ្ឋបាលរាជធានីភ្នំពេញ បានឱ្យដឹងនៅថ្ងៃទី០៥ កញ្ញា ២០២១នេះថា ដើម្បីបង្ការ និងទប់ស្កាត់ទឹកជំនន់លិចនៅផ្លូវជាតិលេខ៤ មុខសាលាក្តីខ្មែរក្រហម កាលពីថ្ងៃទី០៤ខែកញ្ញា ក្រុមការងារមន្ទីរសាធារណការ និងដឹកជញ្ជូនរាជធានីភ្នំពេញ សហការជាមួយរដ្ឋបាលខណ្ឌពោធិ៍សែនជ័យ បានធ្វើការជីកកាត់ផ្លូវឆេកូ និងផ្លូវទំនប់ Royal Phnom Penh Golf Club ជាបណ្តោះអាសន្ន ដើម្បីបើកផ្លូវទឹកឱ្យធំបង្ហូរឆ្ពោះទៅកាន់បឹងកប់ស្រូវ។ កន្លងមក រដ្ឋបាលរាជធានីភ្នំពេញ បានដាក់លូប្រអប់ខ្នាតធំចំនួន ៣ទីតាំងឆ្លងកាត់ប្រឡាយស្របផ្លូវរថភ្លើងរួចហើយ ថ្ងៃនេះក៏កំពុងដាក់លូប្រអប់ខ្នាតធំទំហំ ៧,២ម៉ែត្រx២,៤ម៉ែត្រ កាត់ទទឹងផ្លូវឆេកូ ក្នុងសង្កាត់សំរោងក្រោម ខណ្ឌពោធិ៍សែនជ័យ និងត្រៀមដាក់លូខ្នាតធំ១ទីតាំងទៀតឆ្លងកាត់ផ្លូវរថភ្លើងខ្សែទិសបាត់ដំបង។ សូមជម្រាបជូនថា ក្នុងរយៈពេល ១ខែនៃដំណើរការដ្ឋាននេះ កំណាត់ផ្លូវឆេកូ នឹងត្រូវបិទចរាចរ…