ភ្នំពេញ៖ ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានលើកឡើងនៅក្នុងកិច្ចប្រជុំគណកម្មការកែទម្រង់ ការគ្រប់គ្រងហិរញ្ញវត្ថុសាធារណៈ ស្តីពីការត្រួតពិនិត្យ តាមដានវឧ្ឍនភាព នៃការអនុវត្តកម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ បូ២ ប្រចាំឆមាសទី១ ឆ្នាំ២០២១ តាមរយៈ Video Conference នាព្រឹកថ្ងៃច័ន្ទ ទី២៣ ខែសីហា ឆ្នាំ២០២១ ដោយបានវាយតម្លៃខ្ពស់ និងថ្លែងអំណរគុណចំពោះកិច្ចខិតខំ ប្រឹងប្រែងរបស់គ្រប់អង្គភាព នៃក្រសួងសេដ្ឋកិច្ច និងហិរញ្ញវត្ថុ កន្លងមក រហូតសម្រេចបានសមិទ្ធិផលយ៉ាងល្អ ទោះបីកម្ពុជាកំពុងស្ថិតក្នុងវិបត្តិកូវីដ ១៩ក៍ដោយ និងបានស្នើឲ្យគ្រប់អង្គភាព ក្រោមឱវាទក្រសួង បន្តជំរុញការអនុវត្តផែនការសកម្មភាពរួម ដំណាក់ការទី៣ បូក២ ដើម្បីសម្រេចតាមគោលដៅ ដែលបានគ្រោងទុក ។ បើតាមសេចក្ដីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា នៅក្នុងត្រីមាសទី១ និងទី២ ឆ្នាំ២០២១ ការអនុវត្តកម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈដំណាក់កាលទី៣ បូក២ “ការបន្តពង្រឹងភាពជឿទុកចិត្តនៃថវិកា”គិតត្រឹមត្រីមាសទី២ ការអនុវត្តចំណូលរក្សាបានក្នុងស្ថានភាពល្អនិងអាចទុកចិត្តបាន ដែលការអនុវត្តចំណូលស្ថិតក្នុងរង្វង់+/-៥% ធៀបនឹងច្បាប់ តាមរយៈការបន្តពង្រឹងប្រសិទ្ធភាព…

រាជធានីភ្នំពេញ៖ នៅរសៀល ថ្ងៃទី ២៣ ខែសីហា ឆ្នាំ ២០២១ ដោយទទួលបានគោលការណ៍ពីថ្នាក់ដឹកនាំ ក្រុមការងារនៃស្ថាប័នត្រួតពិនិត្យគ្រឿងញៀន បានចូលរួមប្រជុំពិនិត្យលេីបច្ចប្បន្នភាពលេីសេចក្តីព្រាងគោលនយោបាយ និងកម្មវិធីបង្ការការប្រើប្រាស់សារធាតុញៀននៅក្នុងតំបន់អាស៊ាន ដែលរៀបចំព្រាងដោយមជ្ឈមណ្ឌលបណ្តុះបណ្តាលសម្រាប់ការស្រាវជ្រាវអប់រំបង្ការគ្រឿងញៀន អាស៊ាន (ATCPDE) ដែលមានមូលដ្ឋាននៅប្រទេសហ្វីលីពីន តាមប្រព័ន្ធអនឡាញ ។ លោកស្រី ហ្រ្វង់ស៊ីស ហ្រ្គេស អេចឆ៍ ឌុយការប៉ង់តេ Francis Grace H. Duka-Panteនាយកមជ្ឈមណ្ឌលបណ្តុះបណ្តាលសម្រាប់ការស្រាវជ្រាវអប់រំបង្ការគ្រឿងញៀន អាស៊ាន (ATCPDE) បានថ្លែងថា ការប្រជុំពិនិត្យលេីសេចក្តីព្រាងគោលនយោបាយ និងកម្មវិធីបង្ការការប្រើប្រាស់សារធាតុញៀននៅក្នុងតំបន់អាស៊ាននេះ បានបញ្ចូលបទបង្ហាញក្នុងសន្និសីទអាស៊ានស្តីពីការអនុវត្តនិងអន្តរាគមន៍បង្ការជាសកលកាលពីថ្ងៃទី២៧-២៩ ខែវិច្ឆិកា ឆ្នាំ ២០១៩) អត្ថបទរបស់កម្ពុជាសម្រាប់ព្រឹត្តិប័ត្រព័ត៌មានអេឡិចត្រូនិកអាស៊ានឆ្នាំ២០២០ និងបទបង្ហាញរបាយការណ៍ក្នុងអំឡុងសិក្ខាសាលាតាមអ៊ីនធឺណិតអាស៊ានស្តីពីការគិតគូរបង្ការ ការអប់រំគ្រឿងញៀនសម្រាប់ភាពឥរិយាបទថ្មី៖ បទពិសោធន៍អាស៊ានកាលពីថ្ងៃទី១៤ ខែតុលាឆ្នាំ២០២០ ។ ថ្លែ ងក្នុងនាម ឯក ឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ ក្នុងឱកាសនោះ ឯកឧត្តម ឧត្តមសេនីយ៍ ឯក ថោង សុគន្ធា…

យោងតាមអនុក្រឹត្យ ថ្ងៃឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០២២ គឺមានចំនួន២១ថ្ងៃ ដែលដូចទៅនឹងថ្ងៃឈប់សម្រាកក្នុងឆ្នាំ២០២១ដែរ។ អនុក្រឹត្យស្តីពីប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០២២រួមមាន ថ្ងៃទី១ មករា ទិវាចូលឆ្នាំសាកលឈប់សម្រាក១ថ្ងៃ, ថ្ងៃទី៧មករា ទិវាជ័យជម្នះលើរបបប្រល័យពូជសាសន៍ ឈប់សម្រាក១ថ្ងៃ, ថ្ងៃទី៨ មីនា ទិវាអន្តរជាតិនារី ឈប់សម្រាក១ថ្ងៃ, ថ្ងៃទី១៤-១៥-១៦ មេសា ពិធីបុណ្យចូលឆ្នាំថ្មីប្រពៃណីជាតិ ឈប់សម្រាក៣ថ្ងៃ, ថ្ងៃទី១ ឧសភា ទិវាពលកម្មអន្តរជាតិ ឈប់សម្រាក១ថ្ងៃ, ថ្ងៃទី១៤ ឧសភា ព្រះរាជពិធីបុណ្យចម្រើនព្រះជន្ម ព្រះករុណា ព្រះបាទសម្តេចព្រះបរមនាថ នរោត្តម សីហមុនី ឈប់សម្រាក១ថ្ងៃ, ថ្ងៃទី១៥ឧសភា ពិធីបុណ្យវិសាខបូជា ឈប់សម្រាក១ថ្ងៃ, ថ្ងៃទី១៩ឧសភា ព្រះរាជពិធីច្រត់ព្រះនង្គ័ល ឈប់សម្រាក១ថ្ងៃ, ថ្ងៃទី១៨ មិថុនា ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ ឈប់សម្រាក១ថ្ងៃ, ថ្ងៃទី២៤ កញ្ញា ទិវាប្រកាសរដ្ឋធម្មនុញ្ញ…

ឯកឧត្តម ងួន រតនៈ អភិបាលខេត្តបាត់ដំបងអមដំណើរដោយឯកឧត្តមអភិបាលរងខេត្ត និងក្រុមការងារចុះជួយសង្កាត់ចំការសំរោង ព្រមទាំងវត្តមានរបស់លោក ផេង សិទ្ធី អភិបាលក្រុងបាត់ដំបង ដោយបានពាំនាំយកនូវស្បៀងមួយចំនួនដែលជាអំណោយសម្តេចក្រឡាហោម ស ខេង ប្រធានក្រុមការងារចុះជួយខេត្ត ជាអ្នកតំណាងរាស្ត្រមណ្ឌលបាត់ដំបង និងលោកជំទាវ ទៅចែកជូនដល់បងប្អូនប្រជាពលរដ្ឋក្រីក្រ និងជីវភាពកំពុងតែប្រឈមខ្វះខាតក្នុងជីវភាពគ្រួសារខ្លាំង ចំនួន ៥០ គ្រួសារនិងកំពុងរស់នៅសង្កាត់ចំការសំរោង ក្រុង-ខេត្តបាត់ដំបង នៅរសៀលថ្ងៃទី២៣ខែសីហាឆ្នាំ២០២១នេះ ដែលបានធ្វើឡើងនៅទីតាំងផ្សេងគ្នាក្នុងសង្កាត់ខាងលើនេះ និងបន្ទាប់ពីឯកឧត្តម អភិបាលខេត្តបានទទួលអំណោយ អង្ករ ចំនួន១០តោន ពីឯកឧត្តម ណុប ណារ៉ា សមាជិកក្រុមប្រឹក្សាខេត្តបាត់ដំបង និង ក្រុមគ្រួសារដែលជាសប្បុរសជន បានរួមចំណែកជាមួយ និងរដ្ឋបាលខេត្តបាត់ដំបង ក្នុងការផ្តល់ស្បៀងមនុស្សធម៌ទាំងនេះ ក្នុងគោលបំណងជួយសម្រាលនូវការលំបាករបស់អាជ្ញាធរខេត្តបាត់ដំបងនិងដើម្បីរួមចំណែកក្នុងការប្រយុទ្ធប្រឆាំងនូវជំងឺរាតត្បាតជាសកលពីជម្ងឺឆ្លងកូវីដ-19 ក្នុងខេត្តកន្លងមកនិងជួយប្រជាពលរដ្ឋក្រីក្រដែលកំពុងតែជួបបញ្ហាខ្វះខាតក្នុងជីវភាពប្រចាំថ្ងៃ ដោយសារតែទទួលរងនូវផលប៉ះពាល់ ដោយជម្ងឺកូវីដ-19 កន្លងមកផងដែរ។        តាមការគូសបញ្ជាក់ ពីលោក ផេង សិទ្ធី អភិបាលក្រុងបាត់ដំបង បានឲ្យដឹងថាការចុះសាកសួរសុខទុក្ខបងប្អូនប្រជាពលរដ្ឋទីទ័លក្រខ្វះខាត និងក្រុមគ្រួសាររស់នៅស្ថិតក្នុងតំបន់ក្រហមដែលបានបិទខ្ទប់កន្លងមក និង បងប្អូនខ្លះ មានជីវភាពក្រីក្រលំបាកខ្វះខាតខ្លាំង ចំនួន៥០គ្រួសារ រស់នៅតាមបណ្តាភូមិដែលត្រូវបិទខ្ទប់កន្លងមក និង…

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី២៣សីហាឆ្នាំ២០២១ បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនចំនួន៧ ក្នុងទុនវិនិយោគ៦៣លាន៥សែនដុល្លារអាមេរិក ដែលអាចបង្កើតការងារបានចំនួន៨៦៧កន្លែង។ ក្រុមហ៊ុនទាំង៧រួមមាន ១.ក្រុមហ៊ុន ETHAN METAL MANUFACTURE CO., LTD. គម្រោងបង្កើតរោងចក្រកែច្នៃអាលុយមីញ៉ូម ដែក និងទង់ដែង ដែលប្រមូលពីវត្ថុធាតុដើមចាស់ៗប្រមូលទិញក្នុងស្រុក ដែលមានទីតាំងវិនិយោគស្ថិតនៅភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្ដាល។ គម្រោងនោះ មានទុនវិនិយោគប្រមាណ ៣លានដុល្លារអាមេរិក និងអាចបង្កើតការងារបានចំនួន ៧៥នាក់។ ២. ក្រុមហ៊ុន SOMA ENERGY CO., LTD. គម្រោងបង្កើតស្ថានីយផលិតថាមពលអគ្គិសនីដើរដោយពន្លឺព្រះអាទិត្យអានុភាព ៥មេហ្កាវ៉ាត់ ដែលមានទីតាំងវិនិយោគស្ថិតនៅភូមិសំបួរ ឃុំពពក ស្រុកស្ទោង ខេត្តកំពង់ធំ។ គម្រោងនោះ មានទុនវិនិយោគប្រមាណ ៤លាន៧សែនដុល្លារអាមេរិក និងអាចបង្កើតការងារបានចំនួន៥៤នាក់។ ៣. ក្រុមហ៊ុន SCHNEITEC ALTERNATIVE CO., LTD. គម្រោងបង្កើតរោងចក្រផលិតថាមពលអគ្គិសនីដើរដោយប្រេងខ្មៅ អានុភាព២៣មេហ្កាវ៉ាត់ ដែលមានទីតាំងវិនិយោគស្ថិតនៅភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ។ គម្រោងនោះ…

ភ្នំពេញ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នារសៀល ថ្ងៃចន្ទ ១៥កើត ខែស្រាពណ៍ ត្រីស័ក ព.ស ២៥៦៥ ត្រូវនឹងថ្ងៃទី២៣ ខែសីហា ឆ្នាំ២០២១ បានទទួលជួបសំណេះសំណាល និងផ្តល់អនុសាសន៍ដល់បេក្ខជនជ័យលាភីអាហារូបករណ៍របស់សាធារណរដ្ឋឆែក ឆ្នាំ២០២១ ចំនួន ១៣នាក់ មុននឹងប្អូនចេញដំណើរទៅសិក្សានៅប្រទេសសាធាររដ្ឋឆែក នាខែកញ្ញាខាងមុខនេះ។ ឯកឧត្តមរដ្ឋមន្រ្ដី បានថ្លែង អបអរសាទរ ចំពោះប្អូនៗ ទទួលបានឱកាសអភិវឌ្ឍន៍សមត្ថភាព និងឱកាសសិក្សាស្វែងយល់ពីបទពិសោធន៍ល្អៗនៅបរទេស ដេីម្បីឈានចាប់ឱកាសអភិវឌ្ឍន៍អាជីព មុខរបរការងាររបស់ខ្លួននាពេលអនាគត។ បន្ថែមលេីសពីនេះ ឯកឧត្តម រដ្ឋមន្ត្រី ក៏បានចែករំលែកបទពិសោធន៍នៅក្នុងការទៅសិក្សាក្រៅប្រទេស ជាពិសេសលើកទឹកចិត្តឱ្យប្អូនៗប្រឹងប្រែងរៀនសូត្រ អភិវឌ្ឍន៍ខ្លួនឯង ចេះស្រឡាញ់មេីលថែគ្នា បង្កេីតទំនាក់ទំនងល្អៗជាមួយមិត្តបរទេស ផ្សព្វផ្សាយពីភាពវិជ្ជមានរបស់កម្ពុជា និងត្រឡប់មកមាតុប្រទេសវិញ ដេីម្បីអភិវឌ្ឍន៍សង្គមជាតិកម្ពុជា៕ ដោយ / គ្រី សម្បត្តិ