ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បញ្ជាក់ថា «ក្នុងបរិការណ៍បច្ចុប្បន្ន ជំនួយមនុស្សធម៌នូវវ៉ាក់សាំងប្រភេទស៊ីណូហ្វាម ចំនួន ១០ម៉ឺនដូស ពីសមាគមជាតិកាកបាទក្រហមចិន ជូនកាកបាទក្រហមកម្ពុជា គឺជាទង្វើដ៏ថ្លៃថ្លាដែលមិនអាចកាត់ថ្លៃបាន និងបង្ហាញអំពីទឹកចិត្តឈឺឆ្អាលប្រកបដោយមនសិការ ក្នុងការជួយគ្នាក្នុងគ្រាលំបាកនេះ ខណៈដែលវ៉ាក់សាំង បានក្លាយជា ទំនិញយុទ្ធសាស្ត្រសំខាន់ ក្នុងការប្រយុទ្ធប្រឆាំងនឹងជំងឺរាតត្បាតកូវីដ-១៩នៅទូទាំងពិភពលោក។ ជាងនេះទៅទៀត កាយវិការនេះ បានឆ្លុះបញ្ចាំងពីចំណងមិត្តភាពកាន់តែស្អិតរមួត និងឥតប្រួលប្រែជាយូរអង្វែង រវាងប្រទេសទាំង ២ ជាពិសេស កិច្ចសហប្រតិបត្តិការរវាងកាកបាទក្រហមកម្ពុជា និងសមាគមជាតិកាកបាទក្រហមចិន។» នេះបើយោងតាមគេហទំព័រ Facebook កាកបាទក្រហមកម្ពុជា។ នៅថ្ងៃទី២៣ ខែសីហា ឆ្នាំ២០២១៕

ក្រុមគ្រូពេទ្យនៃមន្ទីសុខាភិបាលខេត្តក្រចេះ ចុះយកសំណាករបស់បងប្អូនប្រជាពលរដ្ឋ និងអាជីវករលក់ ដូរនៅក្នុងផ្សារសាមគ្គីក្រុងក្រចេះ ដើម្បីធ្វើតេស្តរកូវីដ១៩ លទ្ធផលគឺរកឃើញអ្នកវិជ្ជមានចំនួន៤៩នាក់ក្នុងនោះស្រី២៩នាក់  ក្នុងចំណោមមនុស្សសរុប១០៤៣នាក់។ ក្នុងការយកសំណាកពីក្រុមអាវីជករនេះដែរក៍មានការអញ្ចើញចូលរួមពីសំណាក់ឯកឧត្តម វ៉ា ថនអភិបាលខេត្តក្រចេះ បានជួបសំណេះ សំណាលជាមួយនឹងប្រជាពលរដ្ឋ បងប្អូនអាជីវករលក់ដូរ នៅក្នុងផ្សារសាមគ្គី និងផ្សព្វផ្សាយសេចក្ដីណែនាំស្ដីពីការអនុវត្តកាតព្វកិច្ចពាក់ម៉ាស កាតព្វកិច្ចរក្សាគម្លាតសុវត្ថិភាព ក្នុងឱកាសបិទខ្ទប់គោលដៅជុំវិញផ្សារសាមគ្គីក្រចេះនោះផងដែរ ។  ឯកឧត្តមអភិបាលខេត្ត ក៍បានអំពាវនាវដល់បងប្អូនប្រជាពលរដ្ឋបន្តការប្រុងប្រយ័ត្ន និងអនុវត្តវិធានការ ការពារ របស់ប្រមុខរាជរដ្ឋាភិបាល (៣កុំ ៣ការពារ)ឲ្យបានហ្មត់ចត់ ដើម្បីការពាខ្លួនយើង និងក្រុមគ្រូសារយើងកុំឲ្យឆ្លងជំងឺកូវិដ-១៩ ក្នុងសហគមន៍យើង៕ ដោយ ម៉េងគាង

នៅថ្ងៃទី២៣ខែសីហាឆ្នាំ២០២១នេះ គណៈកម្មាធិការធិការសម្របសម្រួលអចិន្ត្រៃយ៍ នៃ គណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៃក្រសួងសាធារណការ និងដឹកជញ្ជូន បានកំណត់ចេញសេចក្តីជូនដំណឹងស្តីពីការបើកឲ្យដំណើរការស្ថានីយ៍ជញ្ជីងអចល័តបណ្តោះអាសន្ន “ពុកឆ្មារ-ខេត្តបាត់ដំបង”មួយកន្លែងស្ថិតក្នុងភូមិសាស្ត្រភូមិដំបូកខ្ពស់ ឃុំអូរដំបង២ ស្រុកសង្កែ ខេត្តបាត់ដំបង និងប្រកាសទទួលស្គាល់នូវសមាសភាពក្រុមការងារស្ថានីយ៍ជញ្ជីងអចល័តបណ្តោះអាសន្នខាងលើនេះមានចំនួន១១រូបក្នុងនោះ៖លោក ហេង ប៊ុនលី ជាប្រធានស្ថានីយ៍ជញ្ជីងនិងជាមន្ត្រីនៃមន្ទីរសាធារណការខេត្តបាត់ដំបង។ដែលបានកំណត់បោះទីតាំងបណ្តោះអាសន្នលើកំណាត់ផ្លូវជាតិលេខ៥ចំណុចគីឡូម៉ែត្រ២៨១+៥០០។ ដើម្បីជាវិធានការទប់ស្កាត់នូវបទល្មើសយានយន្តដឹកជញ្ជូនលើសទម្ងន់កម្រឹតកំណត់ និងដើម្បីការពារហេដ្ឋារចនាសម្ព័ន្ធផ្លូវថ្នល់ឲ្យស្ថិតស្ថេរ រឹងមាំ គង់វង្ស និងធានាធន់អាយុកាល នៃ បច្ចេកទេសសាងសង់។        នៅក្នុងឱកាសចុះពិនិត្យទីតាំងបង្កើតស្ថានីយជញ្ជីងថ្លឹងយានយន្តដឹកលើសទម្ងន់កម្រិតកំណត់ ឯកឧត្តម សេង ឈួន រដ្ឋលេខាធិការក្រសួងសាធារណការ និង ដឹកជញ្ជូន ជាប្រធានគណៈកម្មាធិការសម្របសម្រួលអចិន្ត្រៃយ៍ នៃ គណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ បានថ្លែងអំណរគុណដល់អាជ្ញាធរខេត្តជាពិសេសឯកឧត្តម ងួន រតនៈ អភិបាលខេត្តបាត់ដំបង ដែលបានគាំទ្រឲ្យមាននូវស្ថានីយ៍ជញ្ជីងថ្លឹងរថយន្ត សម្រាប់ខេត្តបាត់ដំបងនេះ។ហើយក៏ជាលើកដំបូងផងដែរ ដែលក្រសួងមានស្ថានីយជញ្ជីងថ្លឹងយានយន្តដឹកលើសទម្ងន់កម្រិតនៅក្នុងភូមិសាស្ត្រខេត្តនេះ។        តាមការរយៈការចុះពិនិត្យទីតាំងស្ថានីយ៍នៅទីនេះឯកឧត្តម សេង ឈួន ក៏បានណែនាំនិងបានដល់ក្រុមការងារគណៈកម្មការគ្រប់គ្រងស្ថានីយជញ្ជីងថ្លឹង ដែលមានសមាសភាពចម្រុះមកពី មន្ទីរក្រសួង មន្រ្តីសាលាខេត្ត ប៉ូលិសនិងកងរាជអាវុធហត្ថ ត្រូវធ្វើយ៉ាងណាសហការផ្ទៃក្នុងឲ្យបានល្អ ដើម្បីបង្រ្កាបនូវយានយន្តដឹកលើសទម្ងន់ឲ្យមានប្រសិទ្ធភាពខ្ពស់។ខណៈដែលកន្លងមក ក្រសួងបានរកឃើញមានរថយន្តច្រើនណាស់ដែលដឹកលើសទម្ងន់រហូតដល់៨០តោន ទើបបណ្ដាលឲ្យផ្លូវនានាឆាប់ខូចខាតជាបន្តបន្ទាប់។       ក្នុងនាមអាជ្ញាធរខេត្ត…

រដ្ឋមន្ត្រីក្រសួងសាធារណការ និងដឹកជញ្ជូន លោកទេសរដ្ឋមន្ត្រី ស៊ុន ចាន់ថុល បាននៅថ្ងៃទី២៣សីហាឆ្នាំ២០២១ បានអញ្ជើញជាអធិបតីក្នុងពិធីចុះហត្ថលេខាលើកិច្ចសន្យាគម្រោងសាងសង់ និងលើកកម្រិតគុណភាពផ្លូវ ជាតិលេខ៤៨ ក្រោមហិរញ្ញប្បទានសម្បទានពីសាធារណរដ្ឋកូរ៉េ ដោយមានការចូលរួមដោយផ្ទាល់ និង តាមរយៈប្រព័ន្ធវីដេអូពីចម្ងាយពីថ្នាក់ដឹកនាំក្រសួងទទួលបន្ទុក តំណាងក្រុមហ៊ុនសាងសង់ តំណាង ក្រុមហ៊ុនទីប្រឹក្សាបច្ចេកទេស និងភាគីពាក់ព័ន្ធផងដែរ។ ផ្លូវជាតិលេខ៤៨ មានប្រវែងសរុប១៤៨ គីឡូម៉ែត្រ ចាប់ពីចំការហ្លួង ស្រុកស្រែអំបិល ដល់ក្រុងខេមរភូមិន្ទ ខេត្តកោះកុង ក្នុងនោះប្រវែង១២២គីឡូម៉ែត្រ៩០០ម៉ែត្រមានចំនួនពីរគន្លង និងប្រវែង២៥គីឡូម៉ែត្រ១០០ម៉ែត្រមានចំនួន ០៤ គន្លង។ ផ្លូវនោះមានទទឹងផ្លូវ១១ម៉ែត្រសម្រាប់២គន្លង និង១៨,៥ម៉ែត្រដល់ ២១,៥ម៉ែត្រសម្រាប់៤គន្លង ក្រាលបេតុង កៅស៊ូ(AC) កម្រាស់៧សង់ទីម៉ែត្រ បេតុងសរសៃដែក។ ការស្ថាបនាផ្លូវនោះ ក៏មានការសាងសង់ស្ពានថ្មីចំនួន៤កន្លែងប្រវែង១១៣ម៉ែត្រ, ប្រព័ន្ធបង្ហូររំដោះទឹក លូមូលបេតុង១៤០កន្លែង,លូប្រអប់១៥កន្លែង, បំពាក់គ្រឿងបរិក្ខារសុវត្ថិភាពចរាចរណ៍, ការកំណត់ល្បឿន៨០គីឡូម៉ែត្រក្នុង១ម៉ោងនៅតំបន់ទំនាប ឬផ្លូវត្រង់ និង ៦០គីឡូម៉ែត្រក្នុង១ម៉ោង សម្រាប់តំបន់ខ្ពង់រាប ឬផ្លូវកោង។ រយៈពេលសាងសង់ចំនួន៣២ខែ គ្រោងចាប់ផ្តើមសាង សង់នៅថ្ងៃទី១វិច្ឆិកា ឆ្នាំ២០២១តទៅ។ យោងតាមក្រសួងសាធារណការ និងដឹកជញ្ជូន គម្រោងសាងសង់ផ្លូវនោះ គ្រោងចំណាយទឹកប្រាក់សរុបប្រមាណ៧៨លាន៣សែន៩ម៉ឺន៨ពាន់៧៤១ដុល្លារអាមេរិក ក្រោមមូលនិធិនៃកិច្ចសហប្រតិបតិ្តការអភិវឌ្ឍន៍សេដ្ឋកិច្ច…

សម្តេចអគ្គមហាពញាចក្រី ហេង សំរិន បានមានប្រសាសន៍ទៅកាន់មហាសន្និបាតអន្តរសភាអាស៊ាន លើកទី៤២ ដែលសភាប្រទេសព្រុយណេដារូស្សាឡាម ធ្វើជាម្ចាស់ផ្ទះ តាមប្រព័ន្ធនិម្មិត (Virtual Meeting) ដែលផ្សាយចេញពីរាជធានីបានដាស៊េរីបេហ្កាវ៉ាន់ នៃព្រះរាជាណាចក្រព្រុយណេដារូស្សាឡាម នៅរសៀលថ្ងៃទី២៣ ខែសីហា ឆ្នាំ២០២១នេះថា ស្ថិតក្នុងកាលៈទេសៈសព្វថ្ងៃនេះ វិទ្យាសាស្ត្រ និងបច្ចេកវិទ្យាឌីជីថល ត្រូវបានគេមើលឃើញថា កំពុងដើរតួនាទីកាន់តែសំខាន់ ក្នុងការជំរុញសន្ទុះនៃកំណើនសេដ្ឋកិច្ចឡើងវិញនៅក្រោយវិបត្តិជំងឺកូវីដ-១៩ ក៏ដូចជាជំរុញកំណើនសេដ្ឋកិច្ចថ្មី ប្រកដោយចីរភាព និងភាពធន់ជាងមុន ទៅនឹងវិបត្តិផ្សេងៗ។ សម្តេចបានគូសបញ្ជាក់ថា ពិភពលោកក្នុងបរិការណ៍នៃបដិវត្តឧស្សាហកម្មជំនាន់ទី៤ កំពុងមានការរីកចម្រើន និងវិវឌ្ឍយ៉ាងឆាប់រហ័ស លើផ្នែកវិទ្យាសាស្រ្ត និងបច្ចេកវិទ្យាឌីជីថល។ មហាសន្និបាតអន្តរសភាអាស៊ានលើកទី៤២ ក្រោមមូលបទ “ជំរុញកិច្ចសហប្រតិបត្តិការសភាក្នុងការបញ្ចូលឌីជីថលឆ្ពោះទៅសហគមន៍អាស៊ាន ២០២៥”។ ក្នុងសុន្ទរកថាថ្លែងទៅកាន់មហាសន្និបាតជាមួយថ្នាក់ដឹកនាំសភាប្រទេសសមាជិកAIPAទំាង១០ សម្តេចប្រធានរដ្ឋសភាបានកោតសរសើរចំពោះក្រុមប្រឹក្សានីតិប្បញ្ញត្តិនៃប្រទេសព្រុយណេដារូស្សាឡាម ជាពិសេស ឯកឧត្តម ប៉េហ៊ីន ដាតូ អាបឌុល រ៉ាម៉ាន ទីប ប្រធានមហាសន្និបាតអាយប៉ាលើកទី៤២ ដែលបានខិតខំប្រឹងប្រែងនិងយកចិត្តទុកដាក់ខ្ពស់ ក្នុងការជំរុញកិច្ចសហប្រតិបត្តិការសភាលើបរិយាប័ន្នឌីជីថល ឆ្ពោះទៅសម្រេចបាននូវចក្ខុវិស័យសហគមន៍អាស៊ានឆ្នាំ២០២៥។ សម្តេចបានគូសបញ្ជាក់ថា សម្រាប់កម្ពុជាវិញ កាលពីពេលថ្មីៗនេះ រាជរដ្ឋាភិបាល បានដាក់ចេញនូវ “ក្របខណ្ឌគោលនយោបាយសេដ្ឋកិច្ចនិងសង្គមឌីជីថល ឆ្នាំ២០២១-២០៣៥”…