រដ្ឋបាលរាជធានី បានដាក់ចេញនូវសេចក្តីសម្រេចវិធានការរដ្ឋបាលរយៈពេល១៤ថ្ងៃនិងបម្រាមគោចរ រយៈ៧ថ្ងៃបន្តទៀតបើទោះបីជាការឆ្លងប្រចាំថ្ងៃទូទាំងប្រទេសបានធ្លាក់មកនៅក្នុងខ្ទង់ជាង៤០០ករណីក៏ដោយ។ រាជធានីភ្នំពេញទន្ទឹមនឹងតួលេខធ្លាក់ចុះប៉ុន្តែសេចក្តីរាយការណ៍បានបង្ហាញការរកឃើញការឆ្លងវីរុសបំប្លែងថ្មី Delta ជាបន្តបន្ទាប់ផងដែរ។ យោងតាមសេចក្តីសម្រេចថ្ងៃទី១១សីហា, រាជធានីនឹងបិទបណ្តោះអាសន្ននូវ សកម្មភាពការងារ, បិទការប្រកបមុខរបរឬអាជីវកម្មដែលមានហានិភ័យខ្ពស់នៃការឆ្លងរាលដាលកូ វីដ១៩, បិទការជួបជុំឬការប្រមូលផ្តុំមនុស្សជាលក្ខណៈឯកជន, ចំណែកបំរាមគោចរនឹងមានរវាងពី ម៉ោង១០យប់ដល់ ម៉ោង៣ភ្លឺ។ សេចក្តីសម្រេចបានកំណត់ការអនុវត្តវិធានការរដ្ឋបាលរយៈពេល១៤ថ្ងៃចាប់ពីកណ្តាលអាធ្រាត្រ ឈានចូលថ្ងៃទី១៣សីហាដល់ថ្ងៃទី២៦សីហា, ចំណែកការអនុវត្តបំរាមគោចរ នឹងបន្តរយៈពេល៧ថ្ងៃ ចាប់ពីពាក់ កណ្តាលអាធ្រាត្រឈានចូលថ្ងៃទី១៣សីហាដល់ថ្ងៃទី១៩សីហា។ សេចក្តីសម្រេចដដែលនៅបានសរសេរ លំអិតពាក់ព័ន្ធនឹងការបង្រៀនតាមប្រព័ន្ធ Online, ការធ្វើអាជីវកម្មក្លឹបកម្សាន្តនានា និងកន្លែងជាច្រើនទៀត នៃ ទីសប្បាយដ្ឋាន។

ប្រជាពលរដ្ឋដែលកំពុងតែជីកដីសាងសង់ផ្ទះ បានប្រទះឃើញសំណាល់សង្គ្រាមរហូតដល់ទៅជាង ១០០ គ្រាប់ នៅថ្ងៃទី១១ ខែសីហា ឆ្នាំ២០២១ នៅភូមិព្រែកដាច់ ឃុំព្រែកដាច់ ស្រុកលើកដែក ខេត្តកណ្តាល។ ឯកឧត្តម ហេង រតនា អគ្គនាយកមជ្ឍមណ្ឌលសកម្មភាពម៉ីនកម្ពុជា ស៊ីម៉ាក់ បានអះអាងថាប្រជាពលរដ្ឋបានជីករណ្តៅគ្រឹះសាងសង់ផ្ទះ ហើយប៉ះចំរណ្តៅគ្រាប់ ដែលជាសំណល់ពីសង្គ្រាមជាង១៣៥គ្រាប់ ។ គ្រាប់មិនទាន់ផ្ទុះទាំងនោះ មានប្រភេទដេកា៧៥ គ្រាប់៨០មីលីម៉ែត្រ គ្រាប់៦០មីលីម៉ែត្រ និងគ្រាប់ ១២០មីលីម៉ែត្រ។ បច្ចុប្បន្នកងកម្លាំងស៊ីម៉ាក់បានកំពុងប្រមូលយុទ្ធភ័ណ្ឌទាំងនោះ ដើម្បីកំទេចចោលតាមបច្ចេកទស៕

លោកជំទាវបានបន្តទៀតថា ៖ សកម្មភាពមនុស្សធម៌ទាំងនេះ គឺជាកាយវិការដ៏ល្អប្រពៃរបស់វិស័យឯកជន ដែលបានជួយដល់រាជរដ្ឋាភិបាល ក៏ដូចជាការជួយដល់ការងារមនុស្សធម៌ (ឧបត្ថម្ភណ្ឌលថែទាំកុមារកំព្រាខេត្តស្វាយរៀង និងឧបត្ថម្ភអង្គការអាហ្វេស៊ីបកម្ពុជា ) ជួយដល់ប្រជាពលរដ្ឋកំពុងជួបប្រទះនូវជីវភាពខ្វះខាត និងជួបការលំបាកនៅក្នុងអំឡុងពេលនៃការឆ្លងរីករាលដាលជម្ងឺកូវីដ១៩ ជាពិសេស បានជួយសម្រាលបន្ទុកដល់ពលករចំណាកស្រុកដែលបានត្រលប់មកបន្តធ្វើចត្តាឡីស័កនៅតាមខ្នងផ្ទះនៃខេត្តស្វាយរៀង ស្របតាមអានុសាសន៍របស់ សម្តេចតេជោ ហ៊ុន សែន នាយកដ្ឋមន្ត្រី នៃកម្ពុជា កាលពីថ្ងៃទី ០៦ ខែសីហា ឆ្នាំ២០២១ ដែលផ្តោតជាសំខាន់លើការយកចិត្តទុកដាក់ដល់ពលករដែលបានឆ្លងចូលមកស្រុកកំណើតតាមតំបន់ព្រំដែនកម្ពុជា ថៃ ។អំណោយសប្បុរសធម៌ រួមមាន ៖ អង្ករ ១០តោន ម៉ាស់ ១០កេសធំ និងទឹកថ្នាំសម្លាប់មេរោគ ចំនួន ២០០លីត្រ ។

        ឯកឧត្តម ងួន រតនៈ អភិបាលខេត្តបាត់ដំបងបានជំរុញនិងបានធ្វើការណែនាំដល់បងប្អូនជាអ្នកលក់ដូរបន្លែ ផ្លែឈើត្រីសាច់ នៅតាមដងផ្លូវបេតុង ក្នុងបរិវេណជុំវិញផ្សារ “បុរីត្នោតជួរ” ដែលស្ថិតក្នុងភូមិសាស្ត្រឃុំអន្លង់វិល ស្រុកសង្កែ ខេត្តបាត់ដំបងឲ្យលក់ដូរត្រូវមានអនាម័យ និងរក្សាគម្លាតឲ្យបានត្រឹមត្រូវ ចៀសវាងមានមនុស្សកកកុញកុះករនាំគ្នាបញ្ជ្រៀតចូលទិញ ត្រូវប្រកាន់ខ្ជាប់នូវវិធានសុខាភិបាល ដោយអនុវត្តឲ្យបានម៉ត់ចត់ ម៉ឺងម៉ាត់ នូវ ប្រការសំខាន់ៗ ៣.ការពារ និង៣កុំ ឲ្យបានដាច់ខាតជាប្រចាំ ទាំងអ្នកលក់និងអ្នកទិញ ក៏ត្រូវពាក់ម៉ាស់ឲ្យបានគ្រប់ៗគ្នាផងដែរ ទើបការផ្តាច៎ពីការឆ្លងរាតត្បាតពីមេរោគកូវីដ-19 ចូលទៅក្នុងសហគមន៍។       ការថ្លែងដាស់តឿនដល់បងប្អូនជាអាជីវករអ្នកលក់ដូរបន្លែត្រីសាច់ ទាំងនោះបែបនេះ គឺបន្ទាប់ពីឯកឧត្តមអភិបាលខេត្តបាត់ដំបង បានអញ្ជើញចុះទៅពិនិត្យមើលពីស្ថានភាពការរៀបចំឲ្យលក់ដូរនូវផ្សារបន្លែត្រីសាច់ក្នុងការផ្គត់ផ្គង់ដល់ជីវភាពប្រចាំថ្ងៃរបស់ប្រជាពលរដ្ឋក្នុងភូមិសាស្ត្រខាងលើរបស់ស្រុកសង្កែ នៅព្រឹកថ្ងៃទី១១ខែសីហាឆ្នាំ២០២១។ខណៈដែលផ្សារចំនួន៤៩ផ្សារ ក្នុងទីប្រជុំជននៃស្រុក-ក្រុងមួយចំនួនត្រូវបានធ្វើការបិទខ្ទប់មិនឲ្យលក់ដូរទាំងស្រុង ដើម្បីទប់ស្កាត់ពីការប្រឈម នៃការឆ្លងរាលដាលពីជម្ងឺកូវីដ-19 រយៈពេល១៤ថ្ងៃ កន្លងមកនេះ។ ក្នុងការចុះពិនិត្យមើលការលក់ដូរបន្លែត្រីសាច់នៅទីនោះ ក្នុងនោះក៏មានវត្តមានឯកឧត្តមជាអភិបាលរងខេត្ត ជាទីប្រឹក្សា សម្តេចក្រឡាហោម ថ្នាក់ដឹកនាំមន្ទីរ អង្គភាពជុំវិញខេត្ត និងជាពិសេសលោកឧកញ៉ាម្ចាស់ “ផ្សារបុរីត្នោតជួរ” ផ្ទាល់ និងលោក សុខ ហឿន អភិបាលស្រុកសង្កែ ព្រមទាំងមន្ត្រីសំខាន់ៗ ក្នុងស្រុកមួយចំនួន ផងដែរ។        តាមការគូសបញ្ជាក់ពីលោក…

រាជធានីភ្នំពេញ៖នៅថ្ងៃទី ១១ ខែ សីហា ឆ្នាំ ២០២១នេះនិយ័តករមូលបត្រកម្ពុជា បានចេញសេចក្តីជូនដំណឹងមួយស្តីការការប្ដូរ “និមិត្តសញ្ញានិងត្រា”ថ្មី របស់ខ្លួនបន្ទាប់ពីសមាហរណកម្មទៅក្នុង អាជ្ញាធរសេវាហិរញ្ញវត្ថុមិនមែនធនាគារនិងបទប្បញ្ញត្តិពាក់ព័ន្ធរួចមក។ យោងតាមសេចក្តីជូនដំណឹងខាងលើនេះបានបញ្ជាក់ថា ដោយអនុលោម តាមច្បាប់ស្តីពីការរៀបចំ និង ការប្រព្រឹត្តទៅនៃអាជ្ញាធរសេវាហិរញ្ញវត្ថុមិនមែនធនាគារនិងបទប្បញ្ញត្តិពាក់ព័ន្ធ ដែលត្រូវបានប្រកាសឱ្យប្រើនិងចូលជាធរមាន និមិត្តសញ្ញានិងត្រារបស់និយ័តករមូលបត្រកម្ពុជាត្រូវបានប្តូរ និងដាក់ឱ្យប្រើប្រាស់ជំនួសនិមិត្តសញ្ញានិងត្រាចាស់។ ដូចនេះ និយ័តករមូលបត្រកម្ពុជាសូមជូនដំណឹងអំពី និមិត្តសញ្ញាថ្មីនេះ ព្រមទាំងការដាក់ឱ្យប្រើប្រាស់នូវត្រាថ្មីជំនួសត្រាចាស់ ចាប់ពីថ្ងៃជូនដំណឹងនេះតទៅ ៕ដោយ៖ម៉ាដេប៉ូ

នាយកដ្ឋានបណ្តុះបណ្តាល ៖ នៅ ព្រឹកថ្ងៃអង្គារ ទី៣ ខែសីហា ឆ្នាំ២០២១នេះ នៅនាយកដ្ឋានបណ្តុះបណ្តាល មានបើកកិច្ចប្រជុំពីចម្ងាយ តាមកម្មវិធី Zoom Cloud Meeting ដឹកនាំកិច្ចប្រជុំដោយឯកឧត្តមនាយឧត្តមសេនីយ៍សាស្ត្រាចារ្យ ឯក មនោសែន អនុប្រធានបណ្ឌិត្យសភានគរបាលកម្ពុជានិងជាប្រធាននាយកដ្ឋានបណ្តុះបណ្តាល ដើម្បីបូកសរុបលទ្ធផលការងារប្រចាំខែកក្កដានិងលើកទិសដៅការងារបន្តសម្រាប់ខែសីហា របស់នាយកដ្ឋានបណ្តុះបណ្តាល ដោយមានការអញ្ជើ្ញញចូលរួមពីអនុប្រធាននាយកដ្ឋាន នាយកសាលានគរជាតិភូមិភាគទាំង៦ ប្រធានការិយាល័យទាំង៦ និងប្រធានក្រុមធានាគុណភាពផ្ទៃក្នុង សរុបចំនួន៩៤នាក់(នារី១៥នាក់)។ ជាកិច្ចដំបូង ឯកឧត្តមនាយឧត្តមសេនីយ៍សាស្ត្រាចារ្យ ឯក មនោសែន ប្រធានអង្គប្រជុំ បានមានមតិស្វាគមន៍ចំពោះមន្ត្រីគ្រប់លំដាប់ថ្នាក់ ដែលបានខិតខំប្រឹងប្រែងបំពេញការងារដោយស្មារតីទទួលខុសត្រូវខ្ពស់ ទោះបីជាមានបញ្ហាការឆ្លងរាតត្បាតជំងឺកូវីដ-១៩នាពេលនេះក៏ដោយ។ ថ្លែងក្នុងឱកាសនោះ ឯកឧត្តមប្រធានអង្គប្រជុំ បានលើកឡើងអំពីការថែទាំសុខភាពរបស់មន្ត្រីគ្រប់រូប មន្ត្រីគ្រប់រូបត្រូវមានបណ្ណ ប.ស.ស. ការពង្រឹងវិន័យការងារ ការគ្រប់គ្រងសាលា ការសម្រេចចុងក្រោយនៃការគូរប្លង់មេសាលានគរបាលភូមិភាគទាំង៦ និងការត្រៀមបើកវគ្គនាពេលខាងមុខ។ បន្ថែមលើនោះ ឯកឧត្តមប្រធានអង្គប្រជុំ ក៏បានក្រើនរំឮក ដាសតឿនដល់នាយកសាលាទាំង៦រួមនិងមន្ត្រី ត្រូវបន្តដឹកនាំ គ្រប់គ្រង និងអភិវឌ្ឍសាលា ឱ្យបានរលូនទៅតាមផែនការដែលបានកំណត់ គឺអភិវឌ្ឍជាបណ្តើរៗតាមធនធានដែលមាន។ ឆ្លៀតក្នុងឱកាសនោះ ឯកឧត្តមនាយឧត្តមសេនីយ៍ប្រធានអង្គប្រជុំ ក៏បានក្រើនរំឮកដល់មន្ត្រីទាំងអស់ត្រូវចូលរួមអនុវត្តវិធានការរបស់ក្រសួងសុខាភិបាលឱ្យបានម៉ឺងម៉ាត់ ចាក់វ៉ាក់សាំងឱ្យបានទាំងអស់គ្នា ក្នុងនាមកងកម្លាំងជួរមុខ…