ថ្លែងនៅក្នុងរបាយការណ៍នៃកិច្ចប្រជុំ ស្តីពីការងារប្រយុទ្ធប្រឆាំងនឹងជំងឺកូវីដ-19តាមប្រព័ន្ធ Zoom នៅក្នុងខេត្តបាត់ដំបង និងពីបញ្ហាប្រឈមនានាក្នុងខេត្តក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី០៩ខែសីហាឆ្នាំ២០២១នេះឯកឧត្តម ងួន រតនៈ អភិបាលខេត្តបាត់ដំបង បានរំលេចឲ្យដឹង ពិស្ថានភាពនៃការរីករាលដាលជំងឺកូវីដ-19នៅក្នុងខេត្ត មុនថ្ងៃទី២៣ខែឧសភាឆ្នាំ២០២១ ដែលក្នុងនោះអាជ្ញាធរពាក់ព័ន្ធទាំងអស់បានធ្វើការគ្រប់គ្រងបានល្អប្រសើរ ទាំងការដាក់ឲ្យធ្វើចត្តាឡីស័កលើពលករដែលវិលត្រឡប់ពីប្រទេសថៃនិងប្រជាពលរដ្ឋទាំងធ្វើការតាមដានរុករកស្រាវជ្រាវអ្នកពាក់ព័ន្ធ ការព្យាបាលជាដើម។       ឯកឧត្តមអភិបាលខេត្តបាត់ដំបង ក៏បានបញ្ជាក់ពីស្ថានជំងឺកូវីដក្នុងខេត្ត ចាប់ផ្តើមមានការប្រែប្រួលក្នុងអំឡុងខែមិថុនាឆ្នាំ២០២១។ខណៈដែលមានការផ្ទុះរីករាលដាលជាច្រើន ចូលក្នុងសហគមន៍នក្នុងភូមិចំនួន៣នៃឃុំបឹងរាំង ក្នុងស្រុកកំរៀងនិងមានសន្ទុះហក់ឡើងគួរកត់សម្គាល់ បន្ថែមពីនេះគឺបានរកឃើញពលករមកពីប្រទេសថៃចំនួន០២នាក់ដំបូងដែលវិជ្ជមានវីរុសកូវីដបំប្លែងថ្មីប្រភេទដែលតា(Delta)នៅក្នុងខេត្ត រហូតមកដល់បច្ចុប្បន្ននេះក្នុងខេត្តមានអ្នកឆ្លងសរុបចំនួន៤.០៩៣នាក់ (ជាពលករចំនួន៧៦៤នាក់) ត្រូវបានព្យាបាលជាសះស្បើយចំនួន ២.៥១៥នាក់ និងស្លាប់ចំនួន៤៨នាក់។ដោយឡែក ខេត្តបានរកឃើញ ករណីឆ្លងកូវីដ-19ប្រភេទបំប្លែងថ្មីDelta សរុបចំនួន ១៣ករណីដែលមានតែលើពលករ បានត្រឡប់មកពីប្រទេសថៃតែប៉ុណ្ណោះ។ហើយបច្ចុប្បន្នធ្វើការព្យាបាលបានជាសះស្បើយ ចំនួន០៤នាក់ រួចមកហើយ។        ចំពោះការគ្រប់គ្រងមណ្ឌលចត្តាឡីស័ក ខេត្តបាត់ដំបងមានមណ្ឌលចត្តាឡីស័កសរុបចំនួន២០នៅតាមមណ្ឌល បណ្តាស្រុក-ក្រុងទាំង១៤ និងមានអ្នកធ្វើចត្តាឡីស័កសរុបចំនួន៣៧.៦៥០នាក់ និងបានបញ្ចប់ការធ្វើចត្តាឡីស័ក ចំនួន ៣៥.៧៤៥នាក់។បច្ចុប្បន្នអ្នកកំពុងធ្វើចត្តាឡីស័កសរុប ចំនួន១.៩០៥នាក់។និងបានដឹកពលករដែលមានទីលំនៅក្រៅខេត្ត សរុប ៦.២៨៥នាក់។ ហើយក្នុងរយៈពេល១៤ថ្ងៃនេះ មានបងប្អូនពលករដែលជាប់គាំងនៅទល់ដែន សរុប២៤៥នាក់( ក្នុងនោះខេត្តច័ន្ទបុរី ចំនួន២៣៤នាក់និងខេត្តស្រះកែវ ចំនួន១១នាក់)ផងដែរ។…

ឯកឧត្ដមបណ្ឌិត សុខ ប្រសិទ្ធិ អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះអណ្ដែត និងជាប្រធានក្រុមការងារ ចុះមូលដ្ឋានឃុំរមេញរបស់គណៈបក្សប្រជាជនកម្ពុជា បានអញ្ចើញដឹកនាំក្រុមការងារចុះសាកសួរសុខទុក្ខនិងនាំអំណោយទៅចែកជូនប្រជាពលរដ្ឋដែលមានវិជ្ជមានកូវីដ១៩ចំនួន៤៥នាក់ ស្ថិតក្នុងឃុំរមេញស្រុកកោះអណ្ដែតខេត្តតាកែវដោយម្នាក់ៗទទួលបានអង្ករ១០គក្រទឹកសុទ្ធ១កេសមី១កេសនិងថវិការ៥ម៉ឺនរៀលព្រមទាំងបានអញ្ចើញសួរសុខទុក្ខនិងឧបត្ថម្ភថវិការមួយចំនួនជូនដល់មន្រ្តីសាលាស្រុក សាលាឃុំ កម្លាំងសមត្ថកិច្ចមន្រ្តីសុខាភិបាលប្រចាំការនៅកន្លែងធ្វើ ចត្តាឡីស័កកន្លែងចាក់វ៉ាក់សាំង និង មណ្ឌលថែទាំអ្នកជំងឺកូវីដ១៩ សរុបថវិការ ជាង៩លានរៀលនិង៥១៣ដុល្លាអាមេរិកដើម្បីចូលរួមចំណែកជាមួយរាជរដ្ឋាភិបាលក្នុងការ ជួយដោះស្រាយការ លំបាកក្នុងជីវភាពរស់នៅក្នុងបរិបទកូវីដ១៩។ព្រឹកថ្ងៃទី០៧សីហាស្រុកកោះអណ្ដែតខេត្តតាកែវ។ឯកឧត្ដមបណ្ឌិត សុខ ប្រសិទ្ធិ មានប្រសាសន៍ថា ជានិច្ចជាកាល ជាពិសេសក្នុងកាលៈទេស ដែលជាតិនិងប្រជាជនជួបការលំបាក តែងតែមានវត្តមានរបស់សម្ដេចតេជោ សែននិងសម្ដេចកិត្តិព្រឹទ្ធបណ្ឌិត ។ សម្ដេចទាំងទ្វេរ ក៏មិនមានទម្លាប់រត់ចោលប្រជាពលរដ្ឋដែរ តែបានតស៊ូអត់ធ្មត់និងគិតគូរគ្រប់យុទ្ធសាស្ត្រ គ្រប់ជ្រុងជ្រោយ ដោយប្រើអស់នូវកម្លាំងកាយ កម្លាំងចិត្ត កម្លាំងបញ្ញាដើម្បីការពារអាយុជីវិតប្រជាជន ធ្វើយ៉ាងណាឱ្យជាតិនិងប្រជាជនបានសុខ រូចចាកផុតទុក្ខទាំងពួង។ កន្លងមកក្នុងអំឡុងពេលបិទខ្ទប់រាជធានីភ្នំពេញនិងក្រុងតាខ្មៅខេត្តកណ្ដាល មួយ រយៈសម្ដេចតេជោ សែន បានបញ្ជាដល់ អាជ្ញាធរគ្រប់ជាន់ ថ្នាក់ សហការជាមួយបញ្ជាការដ្ឋានអង្គរក្ស បានដឹកជញ្ជូនស្បៀងអាហារយក ទៅចែក ជូនប្រជាពលរដ្ឋដល់ទីលំនៅដ្ឋានមិនទុកឱ្យ ប្រជាពលរដ្ឋណាម្នាក់អត់អារហារ ហូបនោះឡើយនិងខណៈពេលនោះក្រុមគ្រូពេទ្យកងទ័ពបានចុះចាក់វ៉ាក់សាំងជូនប្រជាពលរដ្ឋតំបន់ក្រហមក្នុងរាជធានីបានទាន់ពេលវេលា។ជាពិសេសសម្ដេចបានអំពាវនាវដល់បណ្ដាលប្រទេសផលិតវ៉ាក់សាំងជួយផ្ដល់វ៉ាក់សាំងដល់កម្ពុជានិងបានបញ្ជាទិញថ្នាំវ៉ាក់សាំងពីប្រទេសជាច្រើនជាបន្តបន្ទាប់ដើម្បីយកមកចាក់ជូនប្រជាពលរដ្ឋ ដោយមិនគិតថ្លៃ។ឯកឧត្ដម សុខ ប្រសិទ្ធិ ក៏បានអំពាវនាវឱ្យពលរដ្ឋទាំងអស់បន្តអនុវត្ត វិធានការការពារតាមការណែនាំដ៏ខ្ពង់ខ្ពស់របស់ សម្តេចតេជោ សែន៣ការពារ…

បន្ទាយមានជ័យ៖ មន្ត្រីជួរមុខដែលទទួលបានវ៉ាក់សាំងដូសទី៣ទាំងនោះ រួមមាន៖ គ្រូពេទ្យ មន្ត្រីអាជ្ញាធរដែនដី មន្ត្រីរាជការស៊ីវិល កងកម្លាំងទាំង៣ប្រភេទ និងអ្នកពាក់ព័ន្ធជាមួយពលរដ្ឋដែលធ្វើចត្តាឡីស័ក និងព្យាបាលអ្នកជំងឺកូវីដជាដើម។ ឯកឧត្ដម អ៊ុ រាត្រី អភិបាលខេត្តបន្ទាយមានជ័យមានប្រសាន័ថា៖ ការវ៉ាក់សាំងដែលចាក់ជូនមន្ត្រីជួរមុខដូសទី៣ ចំនួន១៣.០០០ដូស នាពេលនេះ គឺជាការផ្តល់ជូនដ៏ពិសិទ្ធពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្តេចបានខិតខំគ្រប់បែបយ៉ាង ដើម្បីរកវ៉ាក់សាំង និងបានដាក់ចេញវិធានការសម្រាប់ចាក់ជូនមន្ត្រីរាជការ ប្រជាពលរដ្ឋរបស់យើងឱ្យបានគ្រប់ៗគ្នា ដូច្នេះហើយប្រជាពលរដ្ឋត្រូវគោរពដឹងគុណចំពោះសម្តេច ៕ដោយ៖ ឃិន គន្ធា

     ឯកឧត្តម អ៊ុយ សុធាវី និងឯកឧត្តម ធូ ភា អភិបាលរងខេត្ត និងជា តំណាង ឯកឧត្តម ងួន រតនៈ អភិបាលខេត្តបាត់ដំបង បាននាំយកស្បៀងមួយចំនួនដែលជាអំណោយសម្តេចក្រឡាហោម ស ខេង ប្រធានក្រុមការងារចុះជួយខេត្ត និងជាអ្នកតំណាងរាស្ត្រមណ្ឌលបាត់ដំបង និងលោកជំទាវ ទៅចែកជូនដល់បងប្អូនប្រជាពលរដ្ឋដែលកំពុងរស់នៅក្នុងតំបន់បិទខ្ទប់ ដោយការឆ្លងរាលដាលពីជំងឺកូវីដ-19ចំនួន២៥គ្រួសារ ដែលកំពុងតែប្រឈមនិងការខ្វះខាតជីវភាពក្នុងគ្រួសារខ្លាំង។         តាមការគូសបញ្ជាក់ពីឯកឧត្តម អ៊ុយ សុធាវីអភិបាលរងខេត្តបាត់ដំបង  និងជាប្រធានលេខាធិការដ្ឋានគ្រប់គ្រងគ្រោះមហន្តរខេត្ត បានឲ្យដឹងថា៖ក្នុងដំណើរចុះសាកសួរសុខទុក្ខបងប្អូនប្រជាពលរដ្ឋទីទ័លក្រខ្វះខាត និង ក្រុមគ្រួសារបិទខ្ទប់ ចំនួន២៥គ្រួសារ ស្ថិតក្នុងឃុំធិបតីនិងឃុំព្រះផុស ស្រុកគាស់ក្រឡ ខេត្តបាត់ដំបង ដោយនាំយកនូវអំណោយមួយចំនួនរបសសម្តេចក្រឡាហោមនិងលោកជំទាវ ដើម្បីចុះទៅចែកជូនដល់ក្រុមគ្រួសារទាំងនោះនៅតាមខ្នងផ្ទះផ្ទាល់តែម្តង។     លោក ហុង ឆេត មន្រ្តីសម្របសម្រួលរៀបចំចុះចែកអំណោយដល់ ក្រុមគ្រួសារក្រីក្រ និងខ្វះខាតទាំង២៥គ្រួសារខាងលើ ទទួលបាន នូវ គ្រឿងបរិភោគ  ដែលជាអំណោយ របស់ាម្តេចក្រឡា ហោម  សខេង និងលោកជំទា វ ដោយក្នុង មួយគ្រួសារៗ…

ខេត្តកំពង់ធំ៖ ឯកឧត្តម ងួន រាសី នាយកខុទ្ទកាល័យឯកឧត្តម កិត្តិនីតិកោសល្យបណ្ឌិត ងួន ញ៉ិល អនុប្រធានទី១ នៃរដ្ឋសភាជាតិ នៅថ្ងៃទី០៨ ខែសីហា ឆ្នាំ២០២១ បានឧបត្ថម្ភបរិក្ខារពេទ្យសម្រាប់ការពារមេរោគកូវីដ-១៩ និងស្បៀងអាហារមួយចំនួន ជូនដល់បញ្ជាការដ្ឋានតំបន់ប្រតិបត្តិការសឹករងកំពង់ធំ ដើម្បីរួមចំណែកការពារទប់ស្កាត់ ការឆ្លងមេរោគកូវីដ-១៩ ជាមួយនិងកងកម្លាំងនៃបញ្ជាការដ្ឋាន តំបន់ប្រតិបត្តិការសឹករងកំពង់ធំ ។អំណោយដែលបានឧបត្ថម្ភមាន អង្ករ១.០០០ គីឡូក្រាម មីជាតិ៥០ កេស ម៉ាស២.៥០០ សន្លឹក ទឹកអាល់កុលសម្លាប់ មេរោគ១៥០លីត្រ និងទឹកសុទ្ធ២០០យួរ ផ្តល់ជូនបញ្ជាការដ្ឋានតំបន់ប្រតិបត្តិការសឹករងកំពង់ធំ ក្នុងកិច្ចការមនុស្សធម៌ និង ការពារការឆ្លងរាលដាលជំងឺកូវីដ-១៩ ៕