ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិភាក្សាពាក្យបច្ចេកសព្ទក្នុងវិស័យអធិការកិច្ចរបស់អគ្គាធិការដ្ឋាន តាមរយៈប្រព័ន្ធកម្មវិធីZoom ដោយមានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីក្រុមការងារជំនាញ. នៅថ្ងៃទី៥ ខែ សីហា ឆ្នាំ ២០២១ ។ ជាកិច្ចចាប់ផ្តើម ឯកឧត្តម អគ្គាធិការ បានជម្រាបគោលបំណងនៃកិច្ចប្រជុំនេះ គឺដើម្បីពិនិត្យមើលរបាយការណ៍ពាក្យបច្ចេកសព្ទអធិការកិច្ចនិងស្វែងរកធាតុចូលថ្មីៗបន្ថែមទៀតដែលអគ្គាធិការដ្ឋាននឹងត្រូវចូលរួមប្រជុំជាមួយគណៈកម្មការរៀបចំសន្ទានុក្រមបច្ចេកសព្ទក្នុងវិស័យសុខសន្តិសុខ និងសណ្តាប់ធ្នាប់សាធារណៈនៃក្រសួងមហាផ្ទៃ និងបានជូនឯកឧត្តម ឧត្តមសេនីយ៍ឯក ឡាយ ប៊ុនណារិទ្ធ អគ្គាធិការរង ដែលត្រូវបានចាត់ឱ្យចូលរួមកិច្ចប្រជុំបុរេអង្គប្រជុំឆ្លងមេពាក្យបច្ចេកសព្ទរបស់អនុគណៈកម្មការអធិការកិច្ចកន្លងមក ជម្រាបរបាយការណ៍សង្ខេបជូនអង្គប្រជុំ។ បន្ទាប់ពីអង្គប្រជុំពិនិត្យ ពិភាក្សាដោយយកទុកចិត្តទុកដាក់រួចមក ឯកឧត្តម អគ្គាធិការ បានឯកភាពយោបល់លើកឡើងរបស់ឯកឧត្តម អគ្គាធិការរង ប្រធាននាយកដ្ឋានមួយចំនួនពាក់ព័ន្ធនឹងការកែសម្រួលខ្លឹមសាររបាយការណ៍នេះ ប៉ុន្តែឯកឧត្តមបន្តទៀតថា របាយការណ៍ពេលនេះមិនទាន់គ្រប់ជ្រុងជ្រោយនៅឡើយទេ ស្នើ ឯកឧត្ដម អគ្គាធិការរងពាក់ព័ន្ធ ជាពិសេសប្រធាននាយកដ្ឋានទាំង៦រូបជានាយកដ្ឋានជំនាញ ត្រូវស្រាវជ្រាវស្វែងរកនូវពាក្យបច្ចេកសព្ទអធិការកិច្ចនេះបន្ថែមទៀតទាំងក្នុងប្រទេស និងក្រៅប្រទេសដើម្បីជាមូលដ្ឋាន និងជាធាតុចូលថ្មី។ ទន្ទឹមនឹងនេះដែរ ឯកឧត្តមបានណែនាំពាក្យបច្ចេកសព្ទមិនគួរសរសេរវែងនោះទេ គួរសរសេរខ្លីតែខ្លឹមសារគ្រប់គ្រាន់ និងងាយចាំ។ ឆ្លៀតឱកាសនោះ ឯកឧត្តម…

យោងតាមស្ថានទូតកម្ពុជាប្រចាំនៅសាធារណរដ្ឋកូរ៉េ នៅថ្ងៃទី៦សីហាឆ្នាំ២០២១ បានឲ្យដឹងថា ស្ថានទូតមានមោទនភាព និងកិត្តិយស សម្រាប់ពានរង្វាន់ Honorable Shine Integrity Achievement Award ពីសហព័ន្ធចលនាសង្គមស៊ីវិលប្រឆាំងអំពើពុករលួយកូរ៉េ ដែលបណ្ដុំដោយជាង៣០០សមាគមចលនា និងសហជីពដែលធ្វើសកម្មភាពប្រឆាំងអំពើពុករលួយនៅក្នុងវិស័យនយោបាយ កិច្ចការរដ្ឋបាលសាធារណៈ អប់រំ សាសនា សារព័ត៌មាន ការពារជាតិ សង្គមកិច្ច និងសេដ្ឋកិច្ច។ ស្ថានទូតកម្ពុជាបានបន្តថា នោះគឺជាការទទួលស្គាល់មួយនៅក្នុងយុទ្ធនាការការប្រឆាំងអំពើពុករលួយ ដើម្បីសង្គមមានភាពស្អាតស្អំនៅកូរ៉។ ស្ថានទូតកម្ពុជាបានរៀបចំ និងអនុវត្តជាអង្គភាពស្ថាប័នរដ្ឋមួយរបស់កម្ពុជានៅលើទឹកដីកូរ៉េ ដែលបម្រើសាធារណៈជនដោយតម្លាភាព ប្រសិទ្ធភាព សមធម៌ គុណធម៌ សំដៅតម្កល់ប្រយោជន៍ជាតិ និងប្រជាជនជាធំ។ ឯកអគ្គរាជទូតកម្ពុជាប្រចាំប្រទេសកូរ៉េខាងត្បូងលោក ឡុង ឌីម៉ង់ បានបញ្ជាក់ថា លោកឧទ្ទិសនូវកិត្តិយសដ៏ថ្លៃថ្លានោះ ជូនចំពោះមន្ត្រីអ្នកការទូត និងបុគ្គលិកស្ថានទូតកម្ពុជាទាំងអស់ ដែលជាកម្លាំងប្រយុទ្ធជួរមុខនៅលើឆាកអន្តរជាតិ ដើម្បីការពារកិត្តិយស កិត្យានុភាព និងប្រយោជន៍ជាតិ។

ឯកឧត្តមបណ្ដិត សុខ ប្រសិទ្ធិ រដ្ឋលេខា ធិការ និងជាប្រធាន គណៈកម្មាធិការសម្របសម្រួល ពង្រឹង និង ពង្រីក កិច្ចសហប្រតិបត្តិការអន្តរជាតិ បានដឹកនាំគណៈប្រតិភូ ក្រសួងព័ត៌មាន អញ្ជើញចូលរួមកិច្ចប្រជុំ គណៈកម្មការអន្តរក្រសួងដើម្បីរៀបចំទទួលធ្វើជា ម្ចាស់ផ្ទះនៃ កិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធ នៅព្រះរាជាណាចក្រកម្ពុជា ឆ្នាំ២០២២ ADMM 2022 នាថ្ងៃទី ០៥ ខែ សីហា ឆ្នាំ ២០២១ នៅសាលប្រជុំព្រះវិហារ តាមរយៈប្រព័ន្ធវីដេអូអនឡាញក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្រ្តី ក្រសួងការពារជាតិ និងជាប្រធាន គណៈកម្មការអន្តរ ក្រសួង ដើម្បីរៀបចំទទួលធ្វើជាម្ចាស់ផ្ទះនៃកិច្ចប្រជុំរដ្ឋមន្ត្រីការពារជាតិអាស៊ាន។ សម្តេចពិជ័យសេនា ទៀ បាញ់ បានជម្រាបជូនអំពីគោលបំណងនៃ ការរៀបចំកិច្ចប្រជុំអន្តរក្រសួង គឺដើម្បីត្រៀមរៀបចំការធ្វើជាម្ចាស់ផ្ទះ នៃកិច្ចប្រជុំ រដ្ឋមន្ត្រីការពារជាតិអាស៊ាននៅឆ្នាំ២០២២ ក្រោមមូលបទ “សាមគ្គីដើម្បីសន្តិសុខប្រកបដោយសុខដុម “ ជាពិសេសការរៀបចំក្នុងបរិបទនៃការរីករាលដាលនៃជំងឺកូវីដ-១៩ ។ សម្តេចពិជ័យសេនា បានបញ្ជាក់ថា…

      នៅរសៀល ថ្ងៃទី០៥ខែសីហាឆ្នាំ២០២១នេះឯកឧត្តម ងួន រតនៈ អភិបាលខេត្តបាត់ដំបង បានដឹកនាំប្រតិភូខេត្តមួយក្រុម ដើម្បីចុះពិនិត្យស្ថានភាពទូទៅ ដែលស្ថិតនៅតាមចំណុចគោលដៅ នៃភូមិសាស្ត្រក្នុងខេត្តរបស់ខ្លួន នៅតាមបណ្តាស្រុកមួយចំនួន ដូចជា៖ស្រុកថ្មគោល និងស្រុកបវេល ដែលមានព្រំប្រទល់ជាប់និងភូមិសាស្ត្រខេត្តបន្ទាយមានជ័យ។ និង ស្រុកកំរៀង ដែលមានភូមិសាស្ត្រជាប់និងខេត្តប៉ៃលិន ជាដើម។       ក្នុងដំណើរនៃការចុះពិនិត្យមើលនៅតាមចំណុចគោលដៅខាងលើនេះ គឺក្នុងគោលបំណងផ្តោតសំខាន់ ដើម្បីជំរុញដល់កងកម្លាំងដែលកំពុងឈរជើងនៅតាមគោលដៅខាងលើទាំងនោះ ដើម្បីដាក់ចេញនូវវិធានការចំពោះមុខក្នុងការរឹតបន្តឹងបន្ថែមដែលប្រចាំការគោលដៅ ដើម្បីទប់ស្កាត់ពីការឆ្លងរីករាលដាលនៃជំងឺកូវីដ-19បំប្លែងថ្មីប្រភេទDelta ដែលកន្លងមក វាបាននាំចូលនិងឆ្លងចូលសហគមន៍ដោយសារតែលំហូរបងប្អូនពលករ ដែលវិលត្រឡប់មកពីប្រទេសថៃហើយពួកគេទាំងនោះបានគេចវេសពីការត្រួតពីនិត្យ របស់កម្លាំងសមត្ថកិច្ច នៅតាមមាត់ច្រកព្រំដែនក្នុងការដាក់ឲ្យធ្វើចត្តាឡីស័កនិងតេស្តយកវត្ថុសំណាក ហើយបន្លំខ្លួនធ្វើដំណើរទៅកាន់ស្រុកកំណើតរបស់ខ្លួន ដែលអាចបង្កហានិភ័យនៃការឆ្លង និងចម្លងពីជម្ងឺកូវីដ-19នេះ។       នេះគឹជាការលើកឡើងក្នុងឱកាសដែលឯកឧត្តមអភិបាលខេត្តបាត់ដំបង បានដឹកនាំប្រតិភូខេត្តនិងអមដំណើរដោយថ្នាក់ដឹកនាំសំខាន់ៗអភិបាលរងខេត្ត ឯកឧត្តមជាទីប្រឹក្សា សម្តេចក្រឡាហោមលោកស្នងការនគរបាលខេត្ត ព្រមទាំងថ្នាក់ដឹកនាំមន្ទីរអង្គភាពពាក់ព័ន្ធ ជាច្រើនទៀតផងដែរ។       កន្លងមកនេះរាជរដ្ឋាភិបាលកម្ពុជាបានកំណត់ភូមិសាស្ត្រខេត្តចំនួន៨ជាតំបន់បិទខ្ទប់ រយៈពេល១៤ថ្ងៃ កាលពីថ្ងៃទី៣០ខែកក្កដា ដល់ថ្ងៃទី១២ខែសីហាឆ្នាំ២០២១ក្នុងគ្រាដែលខេត្តបាត់ដំបងស្ថិតក្នុងចំណោមខេត្តទាំង៨ ត្រូវបានរាជរដ្ឋាភិបាល កំណត់ធ្វើការបិទខ្ទប់ រួមមាន៖ ខេត្តកោះកុង,ពោធិសាត់,បាត់ដំបង,ប៉ៃលិន,បន្ទាយមានជ័យ,ឧត្តរមានជ័យ,ព្រះវិហារនិងខេត្តសៀមរាប ដើម្បីទប់ស្កាត់ពីការឆ្លងរីករាលដាលនៅក្នុងសហគមន៍ នៃមេរោគកូវីដ-19 បំប្លែងថ្មី ប្រភេទ(Delta.)។       ក្នុងការចុះពិនិត្យមើល និងស្វែងយល់…

ខេត្តកណ្ដាល ៖ ឯកឧត្តម គង់ សោភ័ណ្ឌ អភិបាលខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត ស្នើដល់អនុសាខាក្រុង-ស្រុក ត្រូវខិតខំកៀងគរស្វែងរកសប្បុរសជន ជួយឧបត្ថម្ភដល់អនុសាខា ដើម្បីទ្រទ្រង់សកម្មភាពមនុស្សធម៌របស់កាកបាទក្រហមកម្ពុជា។ ឯកឧត្ដម អភិបាលខេត្តកណ្តាល និងជាប្រធានគណៈកម្មាធិការសាខា បានស្នើបែបនេះ ក្នុងឱកាសឯកឧត្ដម អញ្ជើញដឹកនាំកិច្ចប្រជុំយុទ្ធសាស្ត្រ ២០២១-២០៣០ របស់សាខាកាកបាទក្រហមកម្ពុជាខេត្តកណ្ដាល នារសៀលថ្ងៃទី០៥ ខែសីហា ឆ្នាំ២០២១ នៅសាខាកាកបាទក្រហមកម្ពុជាខេត្តកណ្ដាល តាមអនឡាន(ZOOM)។ កិច្ចប្រជុំនេះដែរមានការអញ្ជើញចូលរួមពី សមាជិកសាខា អនុសាខាកាកបាទក្រហមកម្ពុជាក្រុង-ស្រុកទាំង១១ នៃខេត្តកណ្តាល ។ ឯកឧត្ដម បន្តថា យុទ្ធសាស្ត្រ ២០២១-២០៣០ របស់សាខាជាមគ្គុទេសន៍សម្រាប់ដំណើរផ្លូវក្នុងរយៈពេល១០ឆ្នាំ បន្ត ហើយក្នុងនាមជាជំនួយការឱ្យអាជ្ញាធម៌សាធារណៈក្នុងវិស័យមនុស្សធម៌ អនុវត្តសកម្មភាពនៅគ្រប់ស្ថានការណ៍ ក្នុងការបំពេញតួនាទីស្របជាមួយយុទ្ធសាស្ត្រចតុកោណរបស់រាជរដ្ឋាភិបាលដើម្បីកំណើនការងារ សមធម៌ និង ប្រសិទ្ធភាព កសាងមូលដ្ឋានឆ្ពោះទៅសម្រេចចក្ខុវិស័យ ឆ្នាំ២០៣០ និងឆ្នាំ២០៥០ នៃរាជរដ្ឋាភិបាលកម្ពុជា។ ឯកឧត្តម បន្ថែមថា ដើម្បីបុព្វហេតុបេសកកម្មមនុស្សធម៌ ក្នុងការកាត់បន្ថយជនរងគ្រោះ និង ជនងាយរងគ្រោះដែលបង្កដោយគ្រោះមហន្តរាយ និងដើម្បីចូលរួមជាមួយរាជរដ្ឋាភិបាលក្នុងការលើកកម្ពស់ជីវភាពរស់នៅរបស់ប្រជាជន អនុសាខាក្រុង-ស្រុកទាំងអស់ ត្រូវខិតខំកៀងគរស្វែងរកសប្បុរសជន ដើម្បីជួយឧបត្ថម្ភដល់អនុសាខា…

សុខ ស្រីលុច​ ពី​ថ្ងៃ​ពុធ​នេះ ​យន្ត​ហោះ​ Boeing​ Co​ (BA.N)​ 737​ Max​ បាន​ចេញ​ដំណើរ​ទៅ​ប្រទេស​ចិន​ដើម្បី​ធ្វើ​តេស្ត​ការ​ហោះ​ហើរ​ដែល​ជា​ផ្នែក​មួ​យ​នៃ​ការ​ប៉ុន​ប៉ង​របស់​អ្នក​រៀប​ចំ​ផែន​ការ​អាមេរិក​ដើម្បី​ទទួល​បាន​ការ​យល់​ព្រម​នៅ​ក្នុង​ទី​ផ្សារ​ធ្វើ​ដំណើរ​ បន្ទាប់​ពី​មាន​ការ​ធ្លាក់​យន្ត​ហោះ​ពីរ​លើក​។ ​តាម​ការ​ស្រង់​សម្តី​របស់​សារព័ត៌មាន​ Reuters​ អ្នក​​នាំ​​ពាក្យ​ Boeing​​ បាន​និយាយ​ថា​ ក្រុមហ៊ុន Boeing​ នៅ​តែ​បន្ត​ធ្វើ​ការ​ជា​មួយ​និយតករ​សកល​​ដើម្បី​ស្វែង​យល់​ឱ្យ​កាន់​តែ​ច្បាស់​អំពី​ការ​កែ​លំអរ​យន្តហោះ​។ យន្តហោះ​ 737 MAX​ របស់​ក្រុមហ៊ុន Boeing​ នៅ​តែ​មាន​មូលដ្ឋាន​នៅ​ក្នុង​ប្រទេស​ចិន​ដែល​ភាព​តាន​តឹង​ពាណិជ្ជកម្ម​រវាង​ទី​ក្រុង​វ៉ាស៊ីនតោន​ និង​ទី​ក្រុង​ប៉េកាំង​បាន​ផ្តាច់​​ការ​លក់​អស់​ជា​ច្រើន​ឆ្នាំ​មក​ហើយ​។ ទោះ​បីជា​នាយកប្រតិបត្តិក្រុមហ៊ុន​ Boeing​​ លោក​​ Dave​ Calhoun​ បាន​និយាយ​កាល​ពី​សប្តាហ៍​មុន​ថា​ លោក​នៅ​តែ​រំពឹង​ថា​ យន្តហោះ​ 737​ MAX​ នឹង​ទទួល​បាន​ការ​យល់​ព្រម​មុន​ដំណាច់​ឆ្នាំ​នេះ​។ ក្រុមហ៊ុន​អាកាសចរណ៍​ចំនួន​ ៣០​ និង​ប្រទេស​ចំនួន​ ១៧៥​ បាន​អនុញ្ញាត​ឱ្យ​យន្តហោះ​ 737​ MAX​ ត្រលប់​មក​បម្រើ​សេវាកម្ម​វិញ​ បន្ទាប់​ពី​មាន​ការ​ហាម​ឃាត់​រយៈ​ពេល​ជិត​ពីរ​ឆ្នាំ​បន្ទាប់​ពី​ការ​ធ្លាក់​យន្ត​ហោះ​រយៈ​ពេល​ ៥​ ខែ​ដែល​បាន​សម្លាប់​មនុស្ស​ចំនួន​ ៣៤៦​ នាក់​។ https://www.reuters.com/business/aerospace-defense/boeing-737-max-departs-key-test-flight-china-2021-08-04/