ភ្នំពេញ៖ លោកជំទាវកិត្តិសង្គបណ្ឌិត ម៉ែន សំអន បានផ្ញើសាលិខិតគោរពជូនពរ  សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ក្នុងឱកាសខួបចម្រើនជន្មាយុ ដែលនឹងប្រព្រឹត្តទៅនៅថ្ងៃព្រហស្បតិ៍ ទី៥ ខែសីហា ឆ្នាំ២០២១។ នេះបើតាមសារលិខិតគោរជូនពរ ចុះថ្ងៃទី០២ ខែសីហា។ បើតាមសារលិខិត ក្នុងនាមថ្នាក់ដឹកនាំ និង មន្ត្រីរាជការទាំងអស់នៃក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច លោកជំទាវ ម៉ែន សំអន បានសម្ដែងនូវគារវកិច្ចដ៏ស្មោះស្ម័គ្រចំពោះគំរូវីរភាពដឹកនាំប្រកបដោយភាពអង់អាចមោះមុតរបស់ សម្ដេចតេជោ ដែលបានពុះពារជម្នះរាល់ ឧបសគ្គ និងការលំបាកគ្រប់បែបយ៉ាង រួមសុខរួមទុក្ខជាមួយប្រជាពលរដ្ឋនៅគ្រប់កាលៈទេសៈដ៏ស្មុគស្មាញដែលបង្កឡើង ដោយជំងឺរាតត្បាតជាសកលកូវីដ-១៩។ មិនតែប៉ុណ្ណោះសារលិខិតរបស់លោកជំទាវ បានកត់សម្គាល់ថា សម្តេចតេជោ តែងយកចិត្តទុកដាក់ និងគិតគូរដល់សុខុមាលភាពរបស់ ប្រជាពលរដ្ឋ មន្ត្រីរាជការ កង់កម្លាំងប្រដាប់អាវុធគ្រប់ប្រភេទ កម្មករ កម្មការិនី តាមរយៈការដាក់ចេញនូវវិធានការរដ្ឋបាល វិធានការសុខាភិបាល និងគោលនយោបាយគាំពារសង្គម សំដៅការពារអាយុជីវិតរបស់ប្រជាពលរដ្ឋ សុខភាពសាធារណៈ និងសណ្តាប់ធ្នាប់សាធារណៈ ព្រមទាំងកាត់បន្ថយឱ្យបានជាអតិបរិមានូវផលប៉ះពាល់ នៃការឆ្លងជំងឺវីដ-១៩។ មន្ត្រីរាជការ នៃក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ក៏បានបួងសួងដល់វត្ថុស័ក្តិសិទ្ធិទាំងឡាយក្នុងលោក គុណបុណ្យព្រះរតនត្រ័យកែវទាំងបី…

ឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានអញ្ជើញបើកកិច្ចប្រជុំអន្តរក្រសួង តាមប្រព័ន្ធអនឡាញកម្មវិធីZOOMដើម្បីណែនាំការរៀបចំធាតុចូលសម្រាប់រៀបចំរបាយការណ៍ពាក់កណ្តាលអាណត្តិឆ្នាំ២០២១ នៃការអនុវត្តផែនការយុទ្ធសាស្រ្តអភិវឌ្ឍន៍ជាតិ (ផ.យ.អ.ជ.) ២០១៩-២០២៣ ដោយមានការអញ្ជើញចូលរួមពីឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ តំណាងក្រសួងស្ថាប័នរាជរដ្ឋាភិបាល ឯកឧត្តម លោកជំទាវ លោក លោកស្រី តំណាងដៃគូអភិវឌ្ឍ អង្គការមិនមែនរដ្ឋាភិបាល សាកលវិទ្យាល័យ ផ្នែកឯកជន ចូលរួមសរុបប្រមាណ១៦០នាក់។ កិច្ចប្រជុំដំបូងនាថ្ងៃនេះ គឺដើម្បីផ្តល់ការណែនាំដល់ក្រសួង ស្ថាប័ន ពីការរៀបចំធាតុចូល ដែលរួមមាន លទ្ធផលនៃការអនុវត្តគោលនយោបាយអាទិភាព និងសកម្មភាពនានា ដោយវាយតម្លៃធៀបនឹងនឹងចំណុចដៅនិងសូចនាករ ដែលបានកំណត់នៅក្នុង ផ.យ.អ.ជ. ដោយផ្អែកលើទិន្នន័យដែលមាន ការពិនិត្យមើលឡើងវិញនូវគោលនយោបាយអាទិភាព និងសកម្មភាពនានា ដែលនឹងត្រូវអនុវត្តនៅពាក់កណ្តាលអាណត្តិដែលនៅសល់ រួមទាំងកែសម្រួលនូវគោលដៅនានា ដែលកំណត់កន្លងមក ដោយផ្អែកលើបញ្ហាប្រឈម និងផលប៉ះពាល់ពីការរីករាលដាលនៃមេរោគកូវីដ-១៩ និង ការលើកឡើងនូវវិធានការណ៍ និងអន្តរាគមន៍សំខាន់ៗ សម្រាប់ដោះស្រាយបញ្ហាប្រឈមនានា និងផលប៉ះពាល់ដោយសារការរីករាលដាល នៃមេរោគកូវីដ-១៩ សម្រាប់អនុវត្តនៅក្នុងរយៈពេល ២ឆ្នាំ កន្លះនៃអាណត្តិផែនការដែលនៅសល់។ដោយ-រ៉ាវុធ