អភិបាលខេត្ត កំពង់ចាម ឯកឧត្តម អ៊ុន ចាន់ ដា នៅព្រឹកថ្ងៃទី៥ ខែសីហា ឆ្នាំ ២០២១ នេះ បានអញ្ជើញ ដឹកនាំក្រុមការងារចុះពិនិត្យមើល ការស្ថាបនាផ្លូវក្រាលបេតុងប្រមាណជាង ១៥០០ ម៉ែត្រ និង ប្រព័ន្ធលូបង្ហូរទឹក ស្ថិតនៅក្នុងសង្កាត់បឹងកុក ក្រុង កំពង់ចាម ។ បើតាមលោក ឌួល សុន មន្ត្រីបច្ចេកទេស នៃទីចាត់ការ ផែនការវិនិយោគខេត្តកំពង់ចាម បានឲ្យដឹងថាផ្លូវក្រាលបេតុង មួយខ្សែ ប្រវែងជាង ១៣០០ ម៉ែត្រ ទទឹង ៦ ម៉ែត្រ និងមួយ ខ្សែ ទៀតប្រវែងជាង២០០ ម៉ែត្រ ទទឹង ៥ ម៉ែត្រ និងស្ថាបនាលូរំដោះទឹកប្រវែង ជាង១០០០ ម៉ែត្រ និងលូ ដែលត្រូវ ជួសជុលប្រវែងជាង ៤០០ ម៉ែត្រ។ លោកបញ្ជាក់ថាគម្រោងស្ថាបនាខាងលើនេះគឺជាគម្រោងស្ថាបនា តទៅ ក្នុងថវិកាសម្រាប់ ឆ្នាំ២០២២…

លោក ផេង សិទ្ធី អភិបាលក្រុងបាត់ដំបង និងជាប្រធានគណៈបញ្ជាការឯកភាព នៃ រដ្ឋបាលក្រុងនិងលោក ពេជ សារ៉ែន អធិការក្រុង បានដឹកនាំកកម្លាំងអធិការដ្ឋាននគរបាលក្រុងចុះអនុវត្តនូវសេចក្តីសម្រេចក្នុងការអនុវត្តនូវវិធានការរដ្ឋបាល របស់រដ្ឋបាលខេត្តបាត់ដំបង ក្នុងការហាមប្រាមនូវបម្រាមគោចរការជ្វើដំណើរលើដងផ្លូវ ហាមឃាត់និងផ្អាកសកម្មភាពការលក់ដូរទាំងអស់ ចាប់ពីម៉ោង២១ដល់ម៉ោង០៣ទៀបភ្លឺតទៅ រយៈពេល១៤ថ្ងៃ ចាប់ពីថ្ងៃទី០៤ ដល់ថ្ងៃទី១៧ខែសីហាឆ្នាំ២០២១ ក្នុងភូមិសាស្ត្រនៃខេត្តបាត់ដំបង និងក្រោយពីអាជ្ញាធររកឃើញប្រជាពលរដ្ឋជាច្រើននាក់ឆ្លងជំងឺកូវីដ19 បំប្លែងថ្មី “ប្រភេទDelta.”ក្នុងសហគមន៍កន្លងមកនូវក្នុងគោលបំណងដើម្បីធ្វើការប្រយុទ្ធប្រឆាំងនិងទប់ស្កាត់កាត់ផ្តាច់ដើម្បីបញ្ចៀសពីការឆ្លងទ្រង់ទ្រាយធំនិងពីបញ្ហាប្រឈមនានាដែលកំពុងរាតត្បាតនៅក្នុងសហគមន៍។        ក្នុងការចុះអនុវត្តនូវវិធានរដ្ឋបាល ក្នុងការបិទចរាចរធ្វើដំណើរទៅមកលើដងផ្លូវនេះ និងការហាមប្រាមផ្អាកសកម្មភាពការលក់ដូរចាប់ពីម៉ោង២១ថ្ងៃដល់ម៉ោង០៣ទៀបភ្លឺ ពីយប់ថ្ងៃទី០៤ខែសីហានេះតទៅ។ លោក ផេង សិទ្ទី អភិបាលក្រុងបាត់ដំបង ក៏បានគូសបញ្ជាក់យ៉ាងច្បាស់ទៀត ការហាមប្រាមនិងចុះអនុវត្តនូវបម្រាមគោចរ ដែលបានចូលជាធរមាននេះ គឺ៖អនុវត្តដោយម៉ឺងម៉ាត់ដោយមិនអនុញ្ញាតឲ្យមានចរាចរទៅមកក្នុងម៉ោងពេលហាមឃាត់និងការលក់ដូរតាមដងផ្លូវឬសកម្មភាពលក់ដូរនៅតាមផ្ទះ តាមហាងភោជនីយដ្ឋាន ដែលស្ថិតក្នុងភូមិសាស្ត្រក្រុងឡើយ។គឺលើកលែង តែករណីពិសេសនិងចាំបាច់ ដូចជា៖ការធ្វើចរាចររបស់រថយន្តពេទ្យ រថយន្តពន្លត់អគ្គីភ័យ រថយន្តមន្ត្រីរាជការក្នុងបេសកកម្ម និងបងប្អូនប្រជាពលរដ្ឋដែលមានធុរៈចាំបាច់ក្នុងការដឹកអ្នកជម្ងឺទៅពេទ្យ ជាដើម។        សូមបញ្ជាក់ថា៖ការចុះអនុវត្តនូវវិធានរដ្ឋបាលនេះ គឺក្នុងគ្រាដែលខេត្តបាត់ដំបងស្ថិតក្នុងចំណោមខេត្តទាំង៨ដែលរាជរដ្ឋាភិបាលកម្ពុជា បានកំណត់ពីការបិទខ្ទប់នូវភូមិសាស្ត្រខេត្ត ចំនួន៨ រួមមាន៖ខេត្តកោះកុង, ពោធិសាត់, បាត់ដំបង, បន្ទាយមានជ័យ,ប៉ៃលិន,ឧត្តរមានជ័យ,ព្រះវិហារនិងខេត្តសៀមរាប ដើម្បីទប់ស្កាត់ពីការឆ្លងរីករាលដាលនៅក្នុងសហគមន៍ នៃ មេរោគកូវីដ-19 បំប្លែងថ្មី…

ដីឥដ្ឋ : នៅរសៀលថ្ងៃពុធ ទី៤ ខែសីហា ឆ្នាំ២០២១ ឯកឧត្តម ឧត្តមសេនីយ៍ឯក សាស្ត្រាចារ្យ អ៊ុន ចន្ថា អនុប្រធានបណ្ឌិត្យសភានគរបាលកម្ពុជា បានដឹកនាំកិច្ចប្រជុំ ដើម្បីត្រួតពិនិត្យនិងកែសម្រួលខ្លឹមសារលើប្រធានបទស្តីពី «បទល្មើសបច្ចេកវិទ្យានិងវិធីសាស្ត្រការពារខ្លួន » តាមប្រព័ន្ធអនឡាញ (កម្មវិធី Zoom) ដោយមានការចូលរួមពីម្ចាស់សាមីអត្ថបទផ្ទាល់ ក្រុមការងារអក្សរសាស្ត្រខ្មែរ និងក្រុមការងារសម្របសម្រួលនិងរចនាព្រឹត្តិបត្រព័ត៌មាន សម្រាប់ចុះផ្សាយក្នុងព្រឹត្តិបត្រព័ត៌មានលេខ២ របស់បណ្ឌិត្យសភានគរបាលកម្ពុជា។ នៅក្នុងឱកាសនោះ ឯកឧត្តមប្រធានអង្គប្រជុំ បានដឹកនាំកិច្ចប្រជុំ ដោយបានពិនិត្យខ្លឹមសារយ៉ាងល្អិតល្អន់ រួមជាមួយក្រុមការងារដែលមានជំនាញខាងអក្សរសាស្ត្រ ដើម្បីឱ្យអត្ថបទនេះមានខ្លឹមសារល្អនិងមានលក្ខណ:ត្រឹមត្រូវតាមក្បួនខ្នាតវេយ្យាករណ៍។ដោយ-រ៉ាវុធ