ភ្នំពេញ ៖ ដោយបានការឯកភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាសហប្រធានដឹកនាំកិច្ចប្រជុំពិនិត្យវាយតម្លៃលទ្ធផលកិច្ចសហប្រតិបត្តិការ និងចុះហត្ថលេខាលើអត្ថបទបំពេញបន្ថែមទៅលើផែនការសហប្រតិបត្តិការឆ្នាំ២០២០ ជាមួយឯកឧត្តម ឧត្តមសេនីយ៍ឯក តូ ឡឹម សមាជិកការិយាល័យនយោបាយ និងជារដ្ឋមន្ត្រីក្រសួងនគរបាល នៃសាធារណរដ្ឋសង្គមនិយមវៀតណាម នៅព្រឹកថ្ងៃទី០៣ ខែសីហា ឆ្នាំ២០២១ តាមប្រព័ន្ធវីដេអូសន្និសីទ។ ស្របតាមស្មារតីនៃទំនាក់ទំនងដ៏ល្អ និងកិច្ចសហប្រតិបត្តិការដ៏ជិតស្និទ្ធរវាងថ្នាក់ដឹកនាំគ្រប់កម្រិតនៃប្រទេសទាំងពីរ កម្ពុជា-វៀតណាម សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម ឧត្តមសេនីយ៍ឯក តូ ឡឹម រដ្ឋមន្ត្រីក្រសួងនគរបាលវៀតណាម បានវាយតម្លៃខ្ពស់ចំពោះកិច្ចសហប្រតិបត្តិការប្រកបដោយលទ្ធផលជាផ្លែផ្កាក្នុងការងារថែរក្សាបានយ៉ាងរឹងមាំនូវសន្តិសុខ សណ្តាប់ធ្នាប់ សាធារណៈ និងសុវត្ថិភាពសង្គម ទោះបីស្ថិតក្នុងស្ថានភាពប្រឈមនាពេលបច្ចុប្បន្ន ដែលបង្កឡើងដោយជំងឺកូវីដ-១៩។ ភាគីទាំងពីរ ក៏បានកត់សម្គាល់នូវលទ្ធផល និងសមិទ្ធផលសំខាន់ៗ នៃកិច្ចសហប្រតិបត្តិការ ក្នុងរយៈពេលជាង១ឆ្នាំកន្លងទៅនេះ ក្នុងនោះរួមមាន ការជួយគាំទ្រគ្នាទៅវិញទៅមកក្នុងការប្រយុទ្ធប្រឆាំងការរាតត្បាតនៃជំងឺកូវីដ-១៩ ការជួយឧបត្ថម្ភគាំទ្រផ្នែកសម្ភារបច្ចេកទេស ការងារកសាងសមត្ថភាពកងកម្លាំង ការផ្លាស់ប្តូរទស្សនកិច្ចប្រតិភូជំនាញ…

តាកែវ៖ ឯកឧត្តម អ៊ូច ភា អភិបាលខេត្តតាកែវ រួមជាមួយលោកអភិបាលរងខេត្ត មន្រ្តីជំនាញ់ពាក់ព័ន្ធ និងលោក កង អាណាន់ អភិបាលក្រុងដូនកែវ នៅថ្ងៃអង្គារ៍ ទី០៣ ខែសីហា ឆ្នាំ២០២១នេះ បានអញ្ជើញចុះត្រួតពិនិត្យការស្ថាបនាចាក់ផ្លូវបេតុង ដែលមានប្រវែង១១០០ម៉ែត្រ ទទឹង៧ម៉ែត្រ ស្ថិតនៅផ្លូវលេខ៣១ ភូមិផ្សារតាកោ សង្កាត់រកាក្នុង ក្រុងដូនកែវ។ នៅក្នុងឱកាសចុះពិនិត្យការស្ថាបនាចាក់ផ្លូវបេតុងនេះដែរ ឯកឧត្តម អ៊ូច ភា អភិបាលខេត្តតាកែវ បានមានប្រសាសន៍ដោយធ្វើការណែនាំទៅដល់ក្រុមជាងម៉ៅការស្ថាបនាចាក់ផ្លូវបេតុងនេះ សូមធ្វើឱ្យបានត្រឹមត្រូវទៅតាមលក្ខណៈបច្ចេកទេស និងជាប់យូរអង្វែង ពិសេសធ្វើទៅតាមកិច្ចសន្យា ដើម្បីផ្តល់ភាពងាយស្រួលដល់បងប្អូនប្រជាពលរដ្ឋដែលជាអ្នកប្រើប្រាស់ផ្លូវបេតុងនេះ ដឹកភោគផលកសិកម្ម និងធ្វើដំណើរទៅមក កាន់តែងាយស្រួលជាងមុន៕ដោយ -រ៉ាវុធ

នៅទីស្តីការក្រសួងកសិកម្ម រុក្ខាប្រមាញ់ ឯកឧត្តមរដ្ឋមន្រ្តី វេង សាខុន ព្រឹកថ្ងៃទី០៣ ខែសីហា ឆ្នាំ២០២១ បានអនុញ្ញាតឲ្យលោក Robert K.Chelliah នាយកប្រតិបត្តិក្រុមហ៊ុន Lexmin Pty Ltd Cambodia  ចូលជួបសម្តែងការគួរសម និងពិភាក្សាលើប្រធានបទស្តីពី ”    ការជំរុញការអភិវឌ្​ឍផលិតកម្មដំណាំសាកវប្បកម្មសរីរាង្គ និងការផ្តល់ឱកាសឲ្យកសិករអាចទៅបម្រើការក្នុងកសិដ្ឋានចិញ្ចឹមសត្វ បន្លែ និងផ្លែឈើនៅប្រទេសអូស្រ្តាលី ” ។ បន្ទាប់ពីបានទទួលព័ត៌មានសង្ខេបពីលោក Robert K.Chelliah ជុំវិញការងារអាជីវកម្មរបស់ ក្រុមហ៊ុន និងគោលបំណងនៃសំណើរជំនួប ឯកឧត្តមរដ្ឋមន្ត្រីវេង សាខុន បានសម្តែងនូវការស្វាយគមន៍ និងចូលរួមអបអរចំពោះសមិទ្ធផលដែលក្រុមហ៊ុនសម្រេចបាន​ និងជាពិសេសគាំទ្រចំពោះបំណងរបស់លោក Robert K.Chelliah នៅពេលអនាគតនាំយកកសិករកម្ពុជាដែលមានសមត្ថភាព (កាយសម្បទា និងបទពិសោធន៍កសិកម្ម) ទៅបម្រើការនៅក្នុងកសិដ្ឋាន​នៅប្រទេសអូស្រ្តាលី ដើម្បីពង្រីកសមត្ថភាពរបស់ពួកគេលើបច្ចេកទេសកសិកម្មទំនើប ទាន់សម័យ បន្ទាប់នាំយកត្រឡប់មកវិញនូវរាល់ចំណេះដឹង និងបទពិសោធន៍ដ៏មានតម្លៃមកអភិវឌ្ឍវិស័យកសិកម្មកម្ពុជានាពេលអនាគត។ ករណីនេះ ឯកឧត្តមរដ្ឋមន្ត្រីបានលើកសំណើឲ្យក្រុមហ៊ុនពិនិត្យ ពិចារណាចំពោះនិស្សិតកសិកម្មកម្ពុជា ដូចដែលកម្ពុជាបាននិងកំពុងអនុវត្តជាមួយប្រទេសអ៊ីស្រាអែលផងដែរ។ ចំពោះមុខ ឯកឧត្តម វេង សាខុន បានណែនាំឲ្យក្រុមហ៊ុនសហការជាមួយអគ្គនាយកដ្ឋានកសិកម្ម  …

យោងតាមសេចក្ដីប្រកាសព័ត៌មានរបស់ក្រសួងការបរទេសនៅថ្ងៃទី៣សីហាឆ្នាំ២០២១ បានឲ្យដឹងថា រដ្ឋមន្រ្តីការបរទេសកម្ពុជា លោកឧបនាយករដ្ឋមន្ត្រីប្រាក់ សុខុន គ្រោងនឹងអញ្ជើញចូលរួមកិច្ចប្រជុំរដ្ឋមន្រ្តីនៃបណ្តាមិត្តមេគង្គ (Friends of the Mekong Ministerial Meeting) ដែលនឹងរៀបចំឡើងនៅថ្ងៃទី៥សីហា ឆ្នាំ២០២១ តាមប្រព័ន្ធវីដេអូ។ ក្នុងកិច្ចប្រជុំនោះ រដ្ឋមន្ត្រីក្រសួងការបរទេសសហរដ្ឋអាមេរិក លោក អេនតូនី ប្លីនខេន (Antony Blinken) គ្រោងនឹងធ្វើជាប្រធានដឹកនាំកិច្ចប្រជុំ ដែលនឹងមានការចូលរួមពីសំណាក់រដ្ឋមន្ត្រី និងតំណាងមកពីបណ្ដាប្រទេសមេគង្គរួមមាន ឡាវ មីយ៉ាន់ម៉ា ថៃ និងវៀតណាម ក៏ដូចជាប្រទេសជាសមាជិករបស់កិច្ចសន្ទនានយោបាយមិត្តមេគង្គផ្សេងទៀតរួមមាន អូស្ត្រាលី សហភាពអឺរ៉ុប ជប៉ុន នូវវែលសេឡង់ សាធារណរដ្ឋកូរ៉េ ធនាគារអភិវឌ្ឍអាស៊ី ធនធាគារពិភពលោក និងគណៈកម្មការទន្លេមេគង្គផងដែរ។ តាមការរំពឹងទុក តំណាងមកពីប្រទេសឥណ្ឌា ចក្រភពអង់គ្លេស និងព្រុយណេ ដែលជាប្រធានអាស៊ាននាពេលបច្ចុប្បន្ន ក៏នឹងចូលរួមក្នុងកិច្ចប្រជុំក្នុងនាមជាអ្នកសង្កេតការណ៍ផងដែរ។ កិច្ចប្រជុំនោះធ្វើឡើងក្រោមមូលបទ “ការស្ដារឡើងវិញ និងភាពរឹងមាំ” ហើយកិច្ចប្រជុំក៏នឹងអបអរសាទរខួបលើកទី១០នៃយន្តការកិច្ចសហប្រតិបត្តិការបណ្ដាមិត្តមេគង្គ ដោយពិនិត្យមើលឡើងវិញ និងធ្វើការកំណត់សកម្មភាព និងអាទិភាព សម្រាប់កិច្ចសហប្រតិបត្តិការនោះ នៅឆ្នាំបន្ទាប់។ កិច្ចប្រជុំនោះ ក៏នឹងពិនិត្យមើលរបាយការណ៍ស្ដីអំពីបច្ចុប្បន្នភាពចុងក្រោយ…

ប្រជាកសិកររស់នៅក្នុងតំបន់បិទខ្ទប់ ដោយសារតែផ្ទុះការឆ្លងរាតត្បាតពីកូវីដ-19ថ្មីៗ នៅក្នុងសហគមន៍ នៃភូមិសាស្ត្រឃុំព្រៃស្វាយ ស្រុកមោងឫស្សី ខេត្តបាត់ដំបង ប្រមាណ១០០គ្រួសារ បានសំណូមពរដល់អាជ្ញាធរខេត្តបាត់ដំបង ឲ្យជួយចាត់បញ្ជូនពេទ្យសត្វ ដើម្បីចុះមកជួយព្យាបាលសត្វពាហនៈគោក្របីរបស់ពួកគាត់ដែលកំពុងតែប្រឈមខ្លាំងពីជម្ងឺដូចជា៖ ដុំពកស្បែក អុតក្តាមជាដើម។        ការលើកឡើងរបស់ប្រជាពលរដ្ឋកសិករទាំងនោះ គឺនៅព្រឹក ថ្ងៃទី០៣ខែសីហា ឆ្នាំ២០២១នេះបន្ទាប់ពី ឯកឧត្តម ងួន រតនៈ អភិបាលខេត្តបាត់ដំបង បានដឹកនាំក្រុមការងារនិងប្រតិភូខេត្តមួយក្រុម ក្នុងដំណើរការងារចុះសួរសុខទុក្ចដល់កងកម្លាំងនៃក្រុមប្រតិបត្តិការគោលដៅព្រំប្រទល់ខេត្តបាត់ដំបង និង ខេត្តពោធិសាត់ ដែលកំពុងបោះទីតាំងឈរជើងនៅចំណុចឃុំឫស្សីក្រាំង ព្រំប្រទល់របស់ខេត្តទាំង២និងនាំយកអំណោយឧបត្ថម្ភមួយចំនួនជា គ្រឿងឧបភោគ-បរិភោគ អង្ករ មី ភេសជ្ជៈ និងសម្ភារៈការពារទប់ស្កាត់ការឆ្លងពីជម្ងឺកូវីដ-19។ដូចជាអាក់កុល ម៉ាស់ជាដើម និងបន្តចុះសាកសួរសុខទុក្ខនិងនាំយកនូវអំណោយសម្តេចក្រឡាហោមសខេង ខាងលើទាំងនេះ ទៅចែកជូនដល់បងប្អូននិងក្រុមគ្រួសារដែលកំពុងរស់នៅក្នុងតំបន់បិទខ្ទប់និងទទួលរងពីការរាតត្បាតនិងរាលដាលឆ្លងជំងឺកូវីដ-19 ដែលស្ថិតនៅក្នុង ភូមិកាឡោមភ្លុក ឃុំព្រៃស្វាយ ស្រុកមោងឫស្សី ខេត្តបាត់ដំបង។        ជាការឆ្លើយតបចំពោះសំណូមពររបស់ប្រជាពលរដ្ឋនិងជាប្រជាកសិករ ដែលកំពុងរស់នៅក្នុងតំបន់បិទខ្ទប់ក្នុងភូមិសាស្ត្រខាងលើនេះ ឯកឧត្តមអភិបាលខេត្តបាត់ដំបង បានសន្យាថាលោកនិងជំរុញឲ្យ លោកប្រធានមន្ទីរកសិកម្ម ខេត្តបាត់ដំបង ធ្វើការចាត់បញ្ជូនមន្ត្រីជំនាញពេទ្យសត្វរបស់មន្ទីរខ្លួនឲ្យចុះមកពិនិត្យចាក់ថ្នាំនិងព្យាបាលសត្វដែលកំពុងតែប្រឈមនិងជម្ងឺឈឺស្កាត់ទាំងនេះបានឆាប់បំផុត។           ជាមួយគ្នានេះផងដែរ ឯកឧត្តមអភិបាលខេត្តបាត់ដំបង ក៏បានធ្វើការផ្តាំផ្ញើដោយបានពាំនាំនូវការផ្តាំផ្ញើសាកសួរសុខទុក្ខពីសម្តេចក្រឡហោមនិងលោកជំទាវ និង ក្នុងនាមរដ្ឋបាលខេត្តបាត់ដំបងសូមជូនពរឲ្យបងប្អូន…

សារលិខិតគោរពជូនពរ សូមគោរពជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាសម្តេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់