(ខេត្តព្រៃវែង)៖ បរិវត្តកម្មឌីជីថល មិនមែនជាជម្រើស​ទៀតទេ ប៉ុន្តែគឺជារបត់ដែលយើងត្រូវប្រកាន់យក ដើម្បី​ធ្វើការកែទម្រង់រដ្ឋបាលសាធារណៈ វិស័យអប់រំ ធុរកិច្ច និងវិស័យអាទិភាពផ្សេងៗ ប្រកបដោយប្រសិទ្ធភាព។ ដើម្បីរត់ឱ្យទាន់បរិវត្តកម្មឌីជីថលនេះ យើងត្រូវពង្រឹង​សមត្ថភាពលើជំនាញឌីជីថលឱ្យបានល្អប្រសើរជាងមុន ជាពិសេសការអភិវឌ្ឍមូលធនមនុស្សឌីជីថលនៅកម្ពុជាស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ដែលបានកំណត់យកអាទិភាព​គន្លឹះ ៥ គឺ មនុស្ស ផ្លូវ ទឹក ភ្លើង និងបច្ចេកវិទ្យា ជាពិ​សេសបច្ចេកវិទ្យាឌីជីថល ដើម្បីរួមចំណែកក្នុងការ​កសាង​សេដ្ឋកិច្ចនិងសង្គមឌីជីថល រដ្ឋាភិបាលឌីជីថល និងចូលរួមជំរុញពន្លឿនបរិវត្តកម្មឌីជីថលនៅកម្ពុជា។ នេះជាប្រសាសន៍ ឯកឧត្តម សូ វិសុទ្ធី រដ្ឋលេខាធិការ​ក្រសួង​ប្រៃសណីយ៍និងទូរគមនាគមន៍ (ក.ប.ទ.) នៅ​ថ្ងៃទី​២៦ ខែវិច្ឆិកា ឆ្នាំ២០២៥ បានអញ្ជើញជាអធិបតី​ក្នុងពិធី​សម្ពោ​ធមជ្ឈមណ្ឌលបច្ចេកវិទ្យាឌីជីថល (Digital Tech Center) នៅសាកលវិទ្យាល័យ​ជា​តិ​ជាស៊ីមកំចាយមារ ខេត្តព្រៃវែង ដោយមានការអញ្ជើញ​ចូលរួមពី​តំណាង​ក្រសួងអប់រំ យុវជន និងកីឡា ក្រុមការ​ងារ ក.ប.ទ. សាកល​វិទ្យាធិការ និងសាស្រ្តាចារ្យ ព្រមទាំ​ង​សិស្ស​និស្សិត ប្រមាណ ២០០នាក់។ មជ្ឈមណ្ឌលបច្ចេកវិទ្យាឌីជីថល (Digital Tech Center)…

(ភ្នំពេញ)៖ លោកជំទាវបណ្ឌិត ពេជ ចន្ទមុន្នី ហ៊ុនម៉ា ណែត អនុប្រធានអចិន្ត្រៃយ៍កាកបាទក្រហមកម្ពុជា បាន ផ្តល់អនុសាសន៍សំខាន់ៗចំនួន ៨ចំណុច ដើម្បីពង្រឹង​ប្រ​​សិទ្ធភាពការងារមនុស្សធម៌ និងតម្រង់ទិសសម្រាប់​ផែនការយុទ្ធសាស្ត្រឆ្នាំ២០២៦-២០៣០។ ការថ្លែង​នេះ​បានធ្វើឡើងក្នុងពិធីបិទកិច្ចប្រជុំបូកសរុប​សមិទ្ធផល​ការងារឆ្នាំ២០២៥ និងទិសដៅការងារអាទិភាពឆ្នាំ​២០​២​៦ នៅទីស្នាក់ការកណ្តាលកាកបាទក្រហមកម្ពុជា នារសៀលថ្ងៃទី២៨ ខែវិច្ឆិកា ឆ្នាំ២០២៥។ ក្នុងនាមតំណាងរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន លោកជំទាវបណ្ឌិត ពេជ ចន្ទមុន្នី បានកោត​សរសើរចំពោះថ្នាក់ដឹកនាំ និងសមាជិក សមាជិកា ទាំង​ថ្នាក់កណ្តាល និងសាខាទាំង ២៥រាជធានី-ខេត្ត សរុប​ជាង ១៥០នាក់ ដែលបានចូលរួមយ៉ាងសកម្ម​ក្នុងការ​ពិភាក្សា និងរកឃើញបញ្ហាប្រឈមនានាតាមរយៈ​ប្រព័ន្ធ​ឌីជីថល (Google Form) ដើម្បីដាក់ចេញជាដំណោះ​ស្រាយសម្រាប់ឆ្នាំបន្ទាប់។ លោកជំទាវបណ្ឌិត បានពាំនាំនូវព្រះរាជ​សវនីយ៍​សាក​សួរ​សុខទុក្ខពី សម្តេចព្រះមហាក្សត្រី ព្រះវររាជ​មាតា​ជាតិខ្មែរ និងប្រសាសន៍របស់ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដោយបានគូស​បញ្ជាក់​ពីស្មារតីទទួលខុសត្រូវខ្ពស់ក្រោមទិសស្លោក «កាកបាទ​ក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា-មិន​ទុកនរណាម្នាក់ចោល»។ ដើម្បីធានាបាននូវនិរន្តរភាព និងទំនុកចិត្ត​ពីសាធារណ​ជន លោកជំទាវបណ្ឌិតអនុប្រធានអចិន្ត្រៃយ៍ បានដាក់​ចេញ​នូវ អនុសាសន៍ទាំង ៨ចំណុច…

ភ្នំពេញ៖ ក្រុមការងារប្រឆាំងអំពើពុករលួយ ចំនួន ៧ ក្រុម មានសមាជិក ៦៣រូប បានចុះបំពេញភារកិច្ចជំរុញការផ្សព្វផ្សាយព្រមគ្នា នូវយុទ្ធនាការ ៩ ធ្នូ បំផុសការយល់ដឹង លើកស្ទួយរដ្ឋបាលស្អាតស្អំ និងផលប្រយោជន៍ប្រជាជនជាធំ នៅតាមភូមិសាស្ត្រនានាក្នុងរាជធានីភ្នំពេញ និងបណ្តាខេត្ត ចំនួន០៧ ។ នេះបើតាមសេចក្ដីប្រកាសព័ត៌មានស្ដីពី ‎ក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.) បានដំណើរការបើកកិច្ចប្រជុំ លើកទី៤ អាណត្តិទី៤ ក្រោមអធិបតីភាពសម្តេចកិត្តិសង្គហបណ្ឌិត ម៉ែន សំអន ប្រធាន ក.ជ.ប.ព. នាថ្ងៃទី២៧ ខែវិច្ឆិកា ឆ្នាំ២០២៥ នៅអង្គភាពប្រឆាំងអំពើពុករលួយ ដើម្បីឆ្លងកំណត់ហេតុកិច្ចប្រជុំ ក.ជ.ប.ព. លើកទី៣ អាណត្តិទី៤, ស្តាប់របាយការណ៍របស់អង្គភាពប្រឆាំងអំពើពុករលួយ (អ.ប.ព.) ។ ឯកឧត្តម យិនទៀង ពុទ្ធិរិទ្ធ ប្រធានស្តីទី អ.ប.ព. បានឱ្យដឹងទាក់ទងនឹងការងារប្រកាសទ្រព្យសម្បត្តិ និងបំណុល ដោយមានមន្ត្រីចំនួន ១២០ រូប បានមកប្រកាសទ្រព្យសម្បត្តិនិងបំណុល ក្នុងនោះមន្ត្រីទើបទទួលបានការតែងតាំងថ្មី ប្រកាសក្រោយបញ្ឈប់ពីមុខតំណែង និង ៣៥…

(ភ្នំពេញ)៖ សាកលវិទ្យាល័យ ពុទ្ធិសាស្ត្រ បានរៀបចំ​កម្មវិធីប្រគល់សញ្ញាបត្រជូននិស្សិតសរុប ៣១៩នាក់ ដែល​បានបញ្ចប់ការសិក្សា ដែលប្រព្រឹត្តទៅនៅ រាជ​បណ្ឌិតសភាកម្ពុជា អគារខេមរវិទូ រាជធានីភ្នំពេញ នាព្រឹកថ្ងៃទី២៨ ខែវិច្ឆិកា ឆ្នាំ២០២៥ ក្រោមអធិបតី​ភាព ឯកឧត្តម សុខ ពុទ្ធិវុធ ប្រធានក្រុមប្រឹក្សាភិបាល នៃសាកលវិទ្យាល័យ ពុទ្ធិសាស្ត្រ។ ថ្លែងក្នុងពិធីនេះ ឯកឧត្តម សុខ ពុទ្ធិវុធ បានមាន​ប្រសា​ស​ន៍ថា ៖​“និស្សិតជ័យលាភីថ្ងៃនេះ គឺជាមូលធនមនុស្ស​ដ៏​សំខាន់ ដែលរាជរដ្ឋាភិបាលក្រោមការដឹកនាំរបស់ សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា​ចក្រ​កម្ពុជា បាននិងកំពុងត្រូវការជាចាំ​បាច់ ដូចដែល​មានចែងនៅក្នុងយុទ្ធសាស្ត្របញ្ចកោណ ដំណាក់កាល​ទី១ ដើម្បីកំណើន ការងារ សមធម៌ ប្រ​សិទ្ធ​ភាព និ​ង​ចីរភាព កសាងមូលដ្ឋានគ្រឹះឆ្ពោះទៅ សម្រេចចក្ខុវិស័យ​កម្ពុជាឆ្នាំ ២០៥០។ ការខិតខំប្រឹង​ប្រែងសិក្សាបូករួម​ទាំង​​ការតាំងចិត្តដ៏មោះមុតដែល​និស្សិត​​របស់យើង​បាន​ចំណាយទាំងពេលវេលា និង​កម្លាំងកាយចិត្ត ដើម្បី​សម្រេ​ច​ក្តីស្រមៃរបស់ពួកគេ គឺ​សុទ្ធតែជាសមិទ្ធផល​ដែលគួរឲ្យកោតសរសើរ​សម្រាប់​ពួកគេក្នុងនាមជានិស្សិតជ័យ លាភី។ លើសពីនេះទៀត ការបង្កើតកម្មវិធីនេះ​ឡើង គឺជាការបោះជំហានទៅមុខ​មួយ ជំហានទៀត ឆ្ពោះទៅកាន់ការចាប់ផ្តើមនៅ​ក្នុង​អាជីព​ការងារដែលសង្គម កំពុងត្រូវការនូវធនធាន​មនុ​ស្ស…

ភ្នំពេញ៖ ក្រសួងរៀបចំដែនដី នគរូបនីយកម្មនិងសំណង់ នឹងរៀបចំពិព័រណ៍មួយក្រោមប្រធានបទ ឧស្សាហកម្មសំណង់ ផលិតភាពកម្ពុជា នៅទីស្ដីការក្រសួងរយៈពេល៣ថ្ងៃ ចាប់ពីថ្ងៃទី២៩ ខែវិច្ឆិកា ដល់ថ្ងៃទី០១ ខែធ្នូ ឆ្នាំ ២០២៥ ។នេះបើយោងតាមសេចក្ដីប្រកាសព័ត៌មានរបស់ក្រសួងរៀបចំដែនដី នគរូបនីយកម្មនិងសំណង់កាលពីពេលថ្មីៗនេះ ។ បើតាមក្រសួងដែនដីបានបញ្ជាក់ថា កម្មវិធីតាំងពិព័រណ៍នេះ មានគោលបំណងផ្សព្វផ្សាយ និងលើកស្ទួយផលិតផលសំណង់ សម្ភារៈសំណង់ និងបរិក្ខារសំណង់ក្នុងស្រុក ការសិក្សាស្រាវជ្រាវនិងការអភិវឌ្ឍបច្ចេកវិទ្យាថ្មីៗ រួមទាំងលើកកម្ពស់ទីផ្សារនិងការអភិវឌ្ឍឧស្សាហកម្មសំណង់ ដែលមានការចូលរួមសហការតាំងពិព័រណ៍ដោយភាគីពាក់ព័ន្ធជាច្រើនដូចជាក្រុមហ៊ុនសាងសង់ ក្រុមហ៊ុនសិក្សាគម្រោងប្លង់ ក្រុមហ៊ុនត្រួតពិនិត្យនិងបញ្ជាក់សំណង់ ក្រុមហ៊ុនផលិតផ្គត់ផ្គង់ និងចែកចាយផលិតផលសំណង់ សម្ភារៈសំណង់ បរិក្ខារសំណង់ ឧបករណ៍និងគ្រឿងចក្រសំណង់ សមាគមអ្នកសាងសង់កម្ពុជា សមាគមអ្នកអភិវឌ្ឍលំនៅឋាននៅកម្ពុជា សមាគមអ្នកអភិវឌ្ឍអចលនវត្ថុ ធនាគារ គ្រឹះស្ថានមីក្រូហិរញ្ញវត្ថុ ក្រុមហ៊ុនធានារ៉ាប់រង គណៈវិជ្ជាជីវៈនិងគ្រឹះស្ថានឧត្តមសិក្សាក្នុងវិស័យសំណង់ និងដៃគូជាច្រើនផ្សេងទៀត។ នៅក្នុងកម្មវិធីពិព័រណ៍នេះ ក៏នឹងមានការចូលរួមពីបណ្ដាក្រុមហ៊ុនសំណង់ ក្រុមហ៊ុនសាងសង់ ក្រុមហ៊ុនលក់សម្ភារៈសំណង់ និងក្រុមហ៊ុនផ្ដល់សេវាកម្មប្រឹក្សាអចលនទ្រព្យ ភ្នាក់ងារអចលនវត្ថុ សមាគមអ្នកសាងសង់កម្ពុជា សមាគមអ្នកវាយតម្លៃ និងភ្នាក់ងារអចលនវត្ថុកម្ពុជាក៏ដូចជាក្រុមហ៊ុនពាក់ព័ន្ធជាច្រើនទៀត ។ក្រសួងរៀបចំដែនដី នគរូបនីយកម្មនិងសំណង់ សង្ឃឹមថា ព្រឹត្តិការណ៍នេះ មានការចូលទស្សនាច្រើនកុះករពីនិស្សិត បណ្ដាអ្នកស្វែងរកសេវាកម្ម…

សៀមរាប ៖ ក្រសួងសេដ្ឋកិច្ច និងហិរញ្ញវត្ថុ (ស.អ.ហ.) បានធ្វើជាម្ចាស់ផ្ទះរៀបចំកិច្ចប្រជុំនិយ័តករធានារ៉ាប់រងអាស៊ាន (AIRM) លើកទី២៨ និង កិច្ចប្រជុំក្រុមប្រឹក្សាធានារ៉ាប់រងអាស៊ាន (AIC) លើកទី៥១ និងកិច្ចប្រជុំពាក់ព័ន្ធកាលពីព្រឹកថ្ងៃទី២៧ ខែវិច្ឆិកា ឆ្នាំ២០២៥ នៅខេត្តសៀមរាប។ ឯកឧត្តម រស់ សីលវ៉ា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងជាអនុប្រធានក្រុមប្រឹក្សា អាជ្ញាធរសេវាហិរញ្ញវត្ថុមិនមែនធនាគារ បានអញ្ជើញជាអធិបតីក្នុងពិធីបើកនេះ ដោយមានការចូលរួមពីតំណាងខេត្តសៀមរាប លោក សំកុល សុចិត្រា អភិបាលរងខេត្ត និងឯកឧត្តម ប៊ូ ច័ន្ទភីរូ អគ្គនាយកនិយ័តករធានារ៉ាប់រងកម្ពុជា ព្រមទាំងស្នងការធានារ៉ាប់រងអាស៊ាន គណៈប្រតិភូ AIC និងតំណាងមកពីលេខាធិការដ្ឋានអាស៊ាន។ ក្នុងសុន្ទរកថាបើកនិយ័តករធានារ៉ាប់រងកម្ពុជា បានបង្ហាញក្តីកោតសរសើរចំពោះនិយ័តករ និងប្រតិបត្តិករអាស៊ានទាំងអស់ចំពោះការចូលរួមដែលបានឆ្លុះបញ្ចាំងពី “ការប្តេជ្ញាចិត្តរួមគ្នា ពង្រឹងកិច្ចសហប្រតិបត្តិការ និងជំរុញវិស័យធានារ៉ាប់រងនៅក្នុងសហគមន៍អាស៊ាន”។ កិច្ចប្រជុំក៏បានស្វាគមន៍យ៉ាងកក់ក្តៅដល់និយ័តករធានារ៉ាប់រងរបស់ប្រទេសទីម័រខាងកើត ដែលជាសមាជិកក្មេងជាងគេនៃគ្រួសារអាស៊ាន។ ឯកឧត្តមបានគូសបញ្ជាក់អំពីបញ្ហាប្រឈមសំខាន់ៗដែលទីផ្សារធានារ៉ាប់រងកំពុងជួបប្រទះ ដូចជា ហានិភ័យទាក់ទងនឹងអាកាសធាតុ ការផ្លាស់ប្តូរបច្ចេកវិទ្យាការរំពឹងទុករបស់អ្នកប្រើប្រាស់ដែលកំពុងវិវត្ត ឯកឧត្តមបានលើកឡើងពី សារៈសំខាន់នៃភាពធន់រួម និងកំណើនប្រកបដោយចីរភាព ដោយសង្កត់ធ្ងន់ថា និយ័តករដើរតួនាទីសំខាន់ក្នុងការលើកកម្ពស់ស្ថិរភាព…

(ភ្នំពេញ)៖ ធនាគារអភិវឌ្ឍន៍អាស៊ី (ADB) ដែលបានគាំ​ទ្រ​ដល់​វិស័យការងារ និងបណ្ដុះបណ្ដាលវិជ្ជាជីវៈ សម្រេ​ច​បាននូវវឌ្ឍនភាពសំខាន់ៗ នៃការអភិវឌ្ឍរបស់​វិស័យ​បណ្ដុះបណ្ដាលវិជ្ជាជីវៈ ដែលជាមូលដ្ឋាន​កសាងកម្លាំង​ពលកម្មជំនាញ គាំទ្រតម្រូវការទីផ្សារការងារ និងទាក់​ទាញ់​វិនិយោគ កន្លងមកនោះ បានបន្តសន្យា​​ជួយ​ជំរុញ​ការ​អភិវឌ្ឍ​ធន​ធាន​មនុស្សនៅកម្ពុជា ។ ការបង្ហាញបែបនេះធ្វើឡើងកាលពីរសៀលថ្ងៃទី២៦ ខែវិច្ឆិកា ឆ្នាំ២០២៥ ក្នុងឱកាសដែល ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានទទួលជួបពិភាក្សាការងារជាមួយ លោកស្រី Yasmin Siddiqi នាយិកាថ្មី នៃធនាគារអភិវឌ្ឍន៍អាស៊ី (ADB) ប្រចាំប្រទេសកម្ពុជា និងសហការី នៅទីស្តីការ​ក្រសួង។ ឯកឧត្តម រដ្ឋមន្រ្តី ហេង សួរ បានបង្ហាញនូវការ​ជឿជាក់​ថា បេសកកម្មរបស់ នាយិកាថ្មីប្រចាំប្រទេសកម្ពុជារបស់ ADB នឹងជួយជម្រុញកិច្ចសហប្រតិបត្តិការរវាង​ក្រសួង​ការងារនិងបណ្តុះបណ្តាលវិជ្ជាជីវ: និង ADB កាន់​តែ​ត្រូវបានពង្រឹងនិងពង្រីកបន្ថែមទៀត សំដៅឈានទៅ​សម្រេចនូវគោលដៅដែលបានដាក់ចេញ។ លោកស្រី Yasmin Siddiqi បានថ្លែងអំណរគុណ​ចំ​ពោះ​ការផ្តល់កិច្ចសហប្រតិបត្តិការប្រកបដោយ​ការ​យកចិត្តទុកដាក់ពីក្រសួងការងារ និងបណ្ដុះ​បណ្ដាល​វិជ្ជាជីវៈ ព្រមទាំងបានបង្ហាញពីមោទនភាពដែល​បាន​ឃើញពីការអភិវឌ្ឍស្ទើរគ្រប់វិស័យនៅប្រទេសកម្ពុជា ដោយបានបង្ហាញចំណាប់អារម្មណ៍ក្នុងការស្វែងយល់បន្ថែមអំពីបេសកកម្មអាទិភាពថ្មីៗ របស់ក្រសួង និងបាន​បញ្ជាក់ជាថ្មីនូវការប្តេជ្ញាក្នុងការគាំទ្រដល់ការអភិវឌ្ឍគោលនយោបាយពាក់ព័ន្ធនឹងវិស័យការងារ និងបណ្ដុះ​បណ្ដាលវិជ្ជាជីវៈ។…