(ភ្នំពេញ)៖ លោក ស៊ុន មេសា អ្នកនាំពាក្យក្រសួងការ​ងារ និងបណ្ដុះបណ្ដាលវិជ្ជាជីវៈ នៅថ្ងៃទី២៦ ខែវិច្ឆិកា ឆ្នាំ២០២៥ បានអះអាងថា របាយការណ៍របស់ អង្គការ​ឃ្លាំមើលសិទ្ធិមនុស្សអន្តរជាតិ (HRW) គ្មានលក្ខណៈ​វិទ្យាសាស្ត្រ គ្មានវិជ្ជាជីវៈ និងមិនអាចទទួលយកបាន ក្នុងខណៈជារបាយការណ៍ដែលសម្ភាសមនុស្សត្រឹមតែ ៥៦នាក់ ហើយតំណាងឱ្យបងប្អូនពលករជាង ៩០ម៉ឺន​នាក់ ហើយក្រសួងការងារស្នើសុំឱ្យអង្គការនេះ ជួយ​ផ្តល់​ទំនាក់ទំនងរបស់អតីតពលករទាំង ៥៦នាក់ មក​ក្រ​សួង​ដើម្បីស្វែងរកការងារធ្វើជូន ។ អ្នកនាំពាក្យរូបនេះ បន្តថា របាយការណ៍របស់ HRW គឺជារបាយការណ៍ន​យោ​បាយតែប៉ុណ្ណោះ ។ សូមបញ្ជាក់ផងដែរថា ក្រសួងការងារ និងបណ្ដុះបណ្ដា​ល​វិជ្ជាជីវៈ បានដាក់ចេញយុទ្ធសាស្ត្រផ្សេងៗជា​ច្រើន​មិន​តិចជាង ១២ចំណុចនោះទេដើម្បីធានាឱ្យបងប្អូន​អតីតពលករដែលវិលត្រឡប់មកពីប្រទេសថៃទទួលបានការងារធ្វើ។ ជាក់ស្ដែង ក្រសួងការងារ និងបណ្ដុះ​បណ្ដា​ល​វិជ្ជាជីវៈបានរៀបចំពិព័រណ៍ការងារសន្តិសុខ​សង្គម និងបណ្ដុះបណ្ដាលវិជ្ជាជីវៈមិនតិចជាង ៥៥៨​លើក​នោះទេ នៅទូទាំងប្រទេសដើម្បីឱ្យបងប្អូនអតីត​ពលករទទួលបានការងារធ្វើ។ ជាមួយគ្នានេះ ក្រសួង​នៅតែអំពាវនាវឲ្យបងប្អូនដែលជាអតីតពលករទាក់ទងមកកាន់លេខ ១២៩៧ ដើម្បីទទួលបានឱកាស​ការងារ​ផងដែរ ៕ ដោយ ៖ ង៉ាន់ ទិត្យ

(ភ្នំពេញ)៖ យុទ្ធនាការ «ភ្នំពេញស្អាត» ឆ្នាំ២០២៥ បាន​វិលត្រឡប់មកវិញ ដើម្បីបញ្ចេញអារម្មណ៍អវិជ្ជមាន និង​ទទួលថាមពលវិជ្ជមានថ្មីៗ ដោយផ្តោតលើគោល​ការ​ណ៍​ “ខ្មែរស្អាត” ក្រោមប្រធានបទ៖ «ចិត្តស្អាត ខ្មែរស្អាត ដើម្បីសន្តិភាព» ដែលនឹងប្រព្រឹត្តទៅនៅថ្ងៃទី២៩ ខែ​វិច្ឆិកា ឆ្នាំ២០២៥ នៅម៉ោង៖ ៦៖០០ល្ងាច ពហុកីឡ​ដ្ឋាន​​ជាតិអូឡាំពិក។ យុទ្ធនាការ «ភ្នំពេញស្អាត» ឆ្នាំ២០២៥នេះ មានការ​អញ្ជើញចូលរួមពីលោក ហ៊ុន ម៉ានី រដ្ឋមន្ត្រីក្រសួងមុខ​ងារ​សាធារណៈ និងប្រធានក្រុមប្រឹក្សាភិបាល​គម្រោង «ស្អាត» លោកបណ្ឌិតសភាចារ្យ ហង់ ជួន ណារ៉ុន រដ្ឋ​មន្ត្រី​ក្រសួងអប់រំ យុវជន និងកីឡា ព្រមទាំងមានការ​សម្តែងធម្មទេសនា ដោយព្រះភិក្ខុវជិរបញ្ញោ គូ សុភាព និងការចូលរួមជាវាគ្មិនកិត្តិយសដោយលោក នឹម ឈុន្នី រួមទាំងយុវជន ក្រុមគ្រួសារ និងអ្នកជំនាញរាប់ពាន់នាក់ ដើម្បីរួមចំណែកក្នុងយុទ្ធនាការមួយដ៏ពិសេស ដែល​ផ្តល់​ឱកាសសមាធិ លើកទឹកចិត្ត និងចែកចាយថាមពល​វិជ្ជមាន។ ក្នុងគោលបំណង បង្កើនចិត្តស្អាត និងការគិត​វិជ្ជមាន, ផ្ដល់ថាមពលវិជ្ជមានចំពោះយុវជន, ពលរដ្ឋ និងសង្គមទាំងមូល…

(ភ្នំពេញ)៖ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តី វប្បធម៌របស់កម្ពុជាបានស្នើសុំឱ្យ​មាន​បទបញ្ញត្តិច្បាស់លាស់អំពីការលួចចម្លងបេតិកភណ្ឌពិភពលោកដោយគ្មានការអនុញ្ញាតនោះឡើយ។ គួរបញ្ជាក់ថា ការស្នើសុំពីសំណាក់ រដ្ឋមន្រ្តីក្រសួង​វប្បធម៌របស់កម្ពុជាបែបនេះធ្វើឡើងក្រោយពីប្រទេសមួយចំនួនបានលួចចម្លងប្រាសាទអង្គរវត្តកម្ពុជា ក៏ដូចជា​ស្នា​ដៃស្ថាបត្យកម្មដ៏អច្ឆរិយៈរបស់កម្ពុជាមួយចំនួនទៀត ដោយពុំមានការស្នើសុំ ឬការអនុញ្ញត្តិណាមួយពីម្ចាស់​ប្រទេសនោះឡើយ។ ក្រសួងវប្បធម៌ និង វិចិត្រសិល្បៈបានឱ្យដឹងនៅថ្ងៃទី ២៦ ខែវិច្ឆិកា ឆ្នាំ២០២៥នេះថា ការស្នើសុំពីភាគី​កម្ពុជា​នេះធ្វើឡើងនៅក្នុងកិច្ចប្រជុំរដ្ឋភាគីលើកទី២៥នៃអង្គការយូណេស្កូចាប់ផ្តើមពីថ្ងៃទី២៤-២៥ ខែវិច្ឆិកា ឆ្នាំ២០២៥ ​។ ក្នុងកិច្ចប្រជុំនេះដឹកនាំដោយលោកជំទាវ Gayane UMEROVA ប្រធានអង្គប្រជុំរដ្ឋភាគីលើកទី២៥ និង​មានការចូលរួមដោយ ឯកឧត្តម khaled Ahmed EL-ENANI ALI EZZ អគ្គនាយកអង្គការយូណេស្កូ។ ដោយថ្លែងក្នុងបទអន្តរាគមន៍គន្លឹះ លោកជំទាវ​បណ្ឌិត្យ​សភា​ចារ្យ ភឿង សកុណា រដ្ឋមន្ត្រីក្រសួងវប្បធម៌​និង វិចិត្រសិល្បៈ បានបង្ហាញពីភាពជោគជ័យ នៃកិច្ចសហ​ប្រតិបត្តិការរវាងមជ្ឈមណ្ឌលបេតិកភណ្ឌពិភពលោកនិងបណ្តារដ្ឋភាគីក្នុងការជួយថែរក្សា គ្រប់គ្រង និងអភិវឌ្ឍន៍ ប្រកបដោយចីរភាពសម្បត្តិបេតិកភណ្ឌពិភពលោកទាំងវប្បធម៌និងធម្មជាតិនាពេលកន្លងមក។ ជាមួយគ្នានេះដែរ លោកជំទាវបណ្ឌិតសភាចារ្យ​ក៏បាន​ទាញចំណាប់អារម្មណ៍នៃកិច្ចប្រជុំទាំងមូលស្តីអំពីនិន្នាការនៃការលួចចម្លងដោយរំលោភបំពាន ការក្លែងបន្លំនូវ​ទ្រង់ទ្រាយដើមនៃសម្បត្តិបេតិកភណ្ឌពិភពលោក និង​កង្វះ​ខាតនូវបទបញ្ញត្តិ នៃការប្រតិបត្តិ ក្នុងអនុ​សញ្ញា ឆ្នាំ​១៩៧០ និងអនុសញ្ញាឆ្នាំ១៩៧២​នាពេលកន្លងមក​៕ ដោយ ៖…

កំពង់ឆ្នាំង៖ធនាគារជាតិនៃកម្ពុជាបានស្ទង់មតិលើពលរដ្ឋជាង ១០០នាក់ ក្នុងនោះមានពលរដ្ឋជិត ៥០ភាគរយ ប្រើប្រាស់​​ឥណទានផ្លូវការ ខណៈពលរដ្ឋ ២១.៨២ភាគរយប្រើប្រាស់សេវាកម្ចីខុសច្បាប់, ពលរដ្ឋ ២១.៨២ភាគរយ ប្រើប្រាស់ទាំងពីរនិងមាន ៧.២៧ ភាគរយមិនបានប្រើប្រាស់សេវាកម្ចីណាមួយឡើយ ។ ក្នុងសិក្ខាសាលាស្តីពីចំណេះដឹងផ្នែកហិរញ្ញវត្ថុ និងកិច្ចការពារអតិថិជន នៅខេត្តកំពង់ឆ្នាំងកាលពីពេលថ្មីៗនេះឯកឧត្តម យឹម លាត ទេសាភិបាលរងនៃធនាគារជាតិនៃកម្ពុជាបានអះអាងថា ធនាគារជាតិនៃកម្ពុជា បានយកចិត្តទុកដាក់យ៉ាង​ខ្លាំង​ចំពោះប្រជាពលរដ្ឋ ដែលរងគ្រោះពីកម្ចីខុសច្បាប់ ដោយត្រូវបង់ការប្រាក់ខ្ពស់ហួសហេតុ និងត្រូវបានគេគំរាម​កំហែងគ្រប់រូបភាព បង្ខំឱ្យសងប្រាក់ខុសគោលការណ៍ និងបណ្តាលឱ្យធ្លាក់ខ្លួនកើតវិបត្តិផ្លូវចិត្ត ដោយសារបំណុល​វ័ណ្ឌក និងត្រូវគេរឹបអូសទ្រព្យអស់គ្មានសេសសល់ ។ ដូច្នេះការបញ្រ្ជាបចំណេះដឹងផ្នែកហិរញ្ញវត្ថុ និងកិច្ចការពារ​អតិថិជន គឺជាកាតព្វកិច្ចអាទិភាពនិងចាំបាច់ដែលធនាគារជាតិនៃកម្ពុជា បាននិងកំពុងអនុវត្ត និងសហការជាមួយ​ស្ថាប័នពាក់ព័ន្ធ និងដៃគូអភិវឌ្ឍន៍នានា ដើម្បីបញ្រ្ជាបការយល់ដឹងនេះ ដល់ប្រជាជនតាមមូលដ្ឋាន និងគ្រប់វិស័យ​ពាក់ព័ន្ធ ដែលជាកាតាលីករជួយជំរុញនិងលើកកម្ពស់បរិយាបន្នហិរញ្ញវត្ថុនៅកម្ពុជា ។ ឯកឧត្តម យឹម លាត បន្តថា វិស័យធនាគារ និងហិរញ្ញវត្ថុ បាន និងកំពុងរីកចម្រើនឥតឈប់ឈរ ជាមួយនឹងបច្ចេក​វិទ្យាហិរញ្ញវត្ថុឌីជីថលថ្មីៗ ស្របទៅនឹងការអភិវឌ្ឍសេដ្ឋកិច្ចឌីជីថល ។ ប៉ុន្តែថ្នាលឌីជីថល ក៏ប្រៀបបាននឹងអាវុធមុខពីរ ដោយវាអាចជួយឱ្យយើងបង្កើនប្រសិទ្ធភាព នៃការប្រើប្រាស់ខណៈបច្ចេកវិទ្យាហិរញ្ញវត្ថុ…

ភ្នំពេញ៖ ស្ថានទូតកម្ពុជាប្រចាំនៅសាធារណរដ្ឋប៊ុលហ្គារីគ្រោងនឹងរៀបចំ “វេទិកាផ្សព្វផ្សាយមួយដែលបង្ហាញ​ពីសក្តា​នុពល​កម្ពុជានៅស្ថានទូតកម្ពុជានាទីក្រុងសូហ្វៀ សាធារណរដ្ឋប៊ុលហ្គារី នៅចុងសប្តាហ៍នេះ។ ឯកអគ្គរាជទូតកម្ពុជាប្រចាំប្រទេសប៊ុលហ្គារី ឯកឧត្តមបណ្ឌិត ជា ច័ន្ទបរិបូរណ៌ បានបញ្ជាក់ថា វេទិកាដែលនឹងរៀបចំ​នៅថ្ងៃទី២៨ ខែវិច្ឆិកាខាងមុខ។វេទិកានេះ​មានគោលបំណងដើម្បីទាក់ទាញការចូលរួម​ពីតំណាងសាធារណៈឯកជន អ្នកជំនាញសេដ្ឋកិច្ច និងតំណាងអង្គការអន្តរជាតិផងដែរ ។កម្មវិធីនេះ ក៏នឹងទាក់ទាញឱ្យ​មានការចូលរួមពីអង្គភាព​សារព័ត៌មានចំនួន ១៣អង្គភាព រួមទាំងទូរទស្សន៍ វិទ្យុ និងសារព័ត៌មានឌីជីថល ដែលនឹងមកគាំទ្រការផ្សព្វផ្សាយ​ព័ត៌មានអំពីសក្តានុពលប្រទេសកម្ពុជា ទៅបណ្ដាប្រទេសអឺរ៉ុបទាំងមូល។ ឯកឧត្តមបណ្ឌិត ជា ច័ន្ទបរិបូរណ៌ បានបញ្ជាក់ថា “វេទិកាផ្សព្វផ្សាយសក្តានុពលកម្ពុជា” មិនត្រឹមតែជាវេទិកា​ពិភាក្សា​ប៉ុណ្ណោះទេ ប៉ុន្តែជាវេទិកាដែលបង្កើនភាពលេចធ្លោក្នុងឆាកអន្តរជាតិ ហើយការចូលរួមរបស់តំណាងអាជីវកម្ម អ្នកជំនាញ និងជាពិសេស សារព័ត៌មានអន្តរជាតិទាំងនោះ បានបង្ហាញថា កម្ពុជាកំពុងកើនឡើងជាប្រទេស​មាន​អនាគតភ្លឺពន្លឺក្នុងតំបន់អាស៊ីអាគ្នេយ៍ ។ ឯកឧត្តមឯកអគ្គរាជទូត បានបន្ថែមថា វេទិកានេះ គឺមានអត្ថន័យសំខាន់ណាស់ ក៏ព្រោះតែការរៀបចំ បានធ្វើឡើង​បន្ទាប់ពីដំណើរទស្សនកិច្ចរបស់លោក Maxim Behar ជាអ្នកជំនួញជនជាតិប៊ុលហ្គារី ដែលមានឥទ្ធិពលខ្លាំងលើវិស័យ Public Relations និង Public Affairs ដោយជាប្រធាន M3 Communications Group,…

ភ្នំពេញ៖ មន្ទីរពេទ្យកុមារអង្គរជារៀងរាល់ថ្ងៃបានជួយព្យាបាល និងសង្គ្រោះជីវិតកុមារប្រមាណជាង៤០០នាក់ ហើយ​ត្រូវការថវិកាជាច្រើន ។ដើម្បីចូលរួមចំណែកនៅក្នុងការជួយដល់កុមារកម្ពុជាដែលកំពុងមានជំងឺ និងទទួលបានការ​ពិនិត្យ​ព្យាបាលដោយមិនគិតថ្លែ នៅមន្ទីរពេទ្យកុមារអង្គរខេត្តសៀមរា សប្បុរជនបានរួមគ្នាបង្កើតកម្មវិធី «តស់ៗ ដើរឡើងភ្នំបូកគោដើម្បីសុខភាពកុមារ» ។ ក្នុងសន្និសីទសារព័ត៌មានស្តីពី “ការដើរឡើងភ្នំបូកគោ ដើម្បីសុខភាពកុមារកម្ពុជាឆ្នាំ២០២៥” កាលពីថ្ងៃទី២៥ ខែវិច្ឆិកា ឆ្នាំ២០២៥ លោក រស់ សាត អ្នកដឹកនាំគម្រោងកម្មវិធីនេះបានពណ៌នាថា ព្រឹត្តិការណ៍នេះ មានសារៈសំខាន់​ណាស់ក្នុងជួយដល់មន្ទីរពេទ្យកុមារអង្គរដែលកំពុងខ្វះខាតថវិកាផ្គង់ផ្គង់ដល់ការជួយសង្រ្គោះ និងព្យាបាលកុមារដែល​មានជំងឺផ្សេងៗនៅក្នុងប្រទេសកម្ពុជា។ លោកបន្តថា ព្រឹត្តិការណ៍ដើរឡើងភ្នំបូកគោនេះ មិនត្រឹមតែជួយដល់​មន្ទីរពេទ្យកុមារអង្គរប៉ុណ្ណោះទេ ប៉ុន្តែ ក៏ជាឱកាសជួបជុំក្រុមគ្រួសារ បងប្អូន មិត្តភក្តិ ដើរលេងកម្សាន្តនាចុងឆ្នាំ ។ ចំណែកលោក អ៊ីវ គឹមសួរ ស្ថាបនិកគម្រោងបានលើកឡើងថា កម្មវិធីនេះ ក៏ជាការបំផុសឲ្យមានចលនាហាត់ប្រាណ​ដើម្បី​សុខភាព ការជំរុញកំណើនទេសចរណ៍ ការបង្កើនទំនាក់ទំនងធុរកិច្ច និងការបង្កើតភាពសប្បាយរីករាយ នៅពេលចុងឆ្នាំ ហើយក៏ជាឱកាសនៅក្នុងការរៃអង្គាសថវិកាជួយដល់មន្ទីរពេទ្យកុមារអង្គរផងដែរ។ លោកស្រី ស៊ិនកេត អរុណ ប្រធានការិយាល័យរៃអង្គាសមូលនិធិក្នុងប្រទេសកម្ពុជា នៃមន្ទីរពេទ្យកុមារអង្គរលើក​ឡើងថា មន្ទីរពេទ្យនេះ បង្កើតឡើងដើម្បីជួយដល់ជីវិតកុមារកម្ពុជា ហើយសម្រាប់ព្រឹត្តិការណ៍នេះ គឺពិតជាបានចូល​រួមចំណែក ក្នុងការជួយព្យាបាល និងសង្គ្រោះជីវិតកុមារ…

នំពេញ៖ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ អាណត្តិទី៤ នៅខណ្ឌ៧មករា កាលពីព្រឹកថ្ងៃទី២៥ ខែវិច្ឆិកាឆ្នាំ២០២៥ មានប្រជាពលរដ្ឋម្នាក់បានបង្ហាញពីសេចក្តីពេញចិត្តចំពោះអាជ្ញាធរខណ្ឌ ដែលបានជួយជួសជុលនិងក្រាលកៅស៊ូផ្លូវមួយខ្សែ នៅសង្កាត់អូឬស្សីទី៤ ខណ្ឌមករា។ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីខាងលើបានប្រព្រឹត្តក្រោមអធិបតីភាព ឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញនិងលោកស្រី តិមា វិច្ឆិកាល អភិបាលរងតំណាង ឯកឧត្ដម ឃួង ស្រេង អភិបាលរាជធានីភ្នំពេញនៅបរិវេណពហុកីឡដ្ឋានអូឡាំពិក ខណ្ឌ៧មករា។ លោកស្រី តិមា វិច្ឆិកាល បានលើកឡើងថា វេទិកាសាធារណៈនៅក្នុងខណ្ឌ៧មករាមានតែប្រជាពលរដ្ឋរស់នៅ​ក្នុងសង្កាត់អូឬស្សីទី៤ម្នាក់បានថ្លែងអំណរអាជ្ញាធរដែលបានជួសជុលផ្លូវ។ វេទិកានេះក៏មានសំណើរ និងសំណូមពរ ជាលាយលក្ខណ៍អក្សរចំនួន៧ច្បាប់។ រាល់សំណើរជាលាយលក្ខណ៍អក្សរនេះ អាជ្ញាធររាជធានីនិងធ្វើការដោះស្រាយ​ជូន​នៅពេលក្រោយ។ ឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញបានមានប្រសាសន៍ថា វេទិកាផ្សព្វផ្សាយ និងពិគ្រោះយោបល់​របស់ក្រុមប្រឹក្សារាជធានី ធ្វើឱ្យអាជ្ញាធរបានដឹងពីតម្រូវការរបស់ប្រជាពលរដ្ឋនិងបញ្ហាដែលដោះស្រាយជូនពួកគាត់ ៕ រូបភាព៖ ថេត វិចិត្រ អត្ថបទ៖ ហេង សម្បត្តិ