(បន្ទាយមានជ័យ)៖ ឯកឧត្តមរដ្ឋមន្រ្តី ហេង សួរ មានប្រ​សាសន៍ថា ក្រសួងការងារ និងបណ្តុះបណ្តាលវិជ្ជាជីវ: បាននិងកំពុងផ្តល់គ្រប់មធ្យោបាយដើម្បីដោះស្រាយនូវការឆ្លើយតបចំពោះតម្រូវការព័ត៌មានទីផ្សារការងារចំគោលដៅ។ ឯកឧត្តមបានថ្លែងអំណរគុណនិងកោតសសើរចំពោះការចូលរួមរបស់ប្អូនៗក្មួយៗយុវជនស័្មគ្រចិត្តឃុំ-សង្កាត់ ជា​​ភ្នាក់ងារព័ត៌មានទីផ្សារការងារ ជួយចុះឈ្មោះអ្នក​ស្វែង​​រកការងារ ក្នុងគោលបំណងដើម្បីជួយបង​ប្អូន​អតីត​ពលករនៅតាមភូមិ ឃុំ-សង្កាត់ និងដល់អ្នកស្វែង​រក​ការងារធ្វើ ព្រមទាំងផ្សព្វផ្សាយអំពីអត្ថប្រយោជន៍ ប.ស.ស. និងកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស ១,៥លាននាក់ ជូនដល់បងប្អូនប្រជា​ពលរដ្ឋនៅតាមមូលដ្ឋាន ក្នុងស្មារតីខ្មែរជួយខ្មែរ ខ្មែរ​ជួយរកការងារឱ្យខ្មែរ ខ្មែរផ្តល់ការងារឱ្យខ្មែរ។ ប្រសាសន៍ ឯកឧត្តម ហេង សួរ សមាជិកគណៈអចិន្រ្តៃ​យ៍​​គណៈកម្មាធិការកណ្តាល និងជាប្រធានក្រុមការងារ​សហភាពសហព័ន្ធយុវជនកម្ពុជា ក្នុងវិស័យការងារ សន្ដិ​សុខសង្គម និងបណ្ដុះបណ្ដាលវិជ្ជាជីវៈ និងជារដ្ឋមន្ត្រី​ក្រសួង​ការងារ និងបណ្តុះបណ្តាលវិជ្ជាជីវៈ កាលពីថ្ងៃទី​២៣ ខែវិច្ឆិកា ឆ្នាំ២០២៥ នៅសាលាខេត្ត​បន្ទាយមាន​ជ័យ ក្នុងឱកាសអញ្ជើញជាអធិបតីភាព «ប្រគល់កង់ជូន​ដល់យុវជនស្ម័គ្រចិត្តឃុំ-សង្កាត់ ជាតំណាងភ្នាក់ងារ​ព័ត៌​មាន​ទីផ្សារការងារ នៃ ស.ស.យ.ក. ខេត្តបន្ទាយមាន​ជ័យ​» ។ ឯកឧត្តមរដ្ឋមន្រ្តី បានសង្កត់ធ្ងន់ថា ប្អូនៗក្មួយៗ យុវជន​ទាំង​អស់​នៅទីនេះ គឺជាអ្នកផ្សព្វផ្សាយព័ត៌មានទីផ្សារ​ការ​ងារ​ជាប្រចាំ ពីផ្ទះមួយទៅផ្ទះមួយ និងពីភូមិមួយ​ទៅ​ភូមិមួយ ដើម្បីជួយឱ្យបងប្អូននៅមូលដ្ឋានបានដឹង និង​អាច​រកការងារធ្វើបានឆាប់រហ័ស ដោយសារពួកគាត់​ជា​អ្នកស្រុកផ្ទាល់ដឹងច្បាស់អំពីស្ថានភាពជាក់ស្តែងនៅតាមភូមិ…

(កំពង់ស្ពឺ)៖ អគ្គស្នងការនគរបាលជាតិ បានណែនាំដល់កងកម្លាំងប្រដាប់អាវុធទាំងអស់ ប្តេជ្ញាចិត្តរក្សាខឿនការពារជាតិ ការពារសុខសន្តិភាព និងស្ថិរភាពសង្គម ។ ថ្លែងក្នុងពិធីបិទវគ្គហ្វឹកហ្វឺនជំនាញអង្គរក្សពិសេស ជំនាន់ទី៣១ បើកវគ្គបន្តជំនាន់ទី៣២ និងសម្ពោធអគារមន្ទីរពេទ្យថ្មី ចំនួន ១ខ្នង កម្ពស់ពីរជាន់ ព្រមទាំងសម្ពោធសមិទ្ធផលនានា នៅមជ្ឈមណ្ឌលហ្វឹកហ្វឺនបញ្ជាការដ្ឋានអង្គរក្ស ភ្នំស្រង់ ខេត្តកំពង់ស្ពឺ នាថ្ងៃទី២២ ខែវិច្ឆិកា ឆ្នាំ២០២៥ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ តំណាងសម្តេចនាយករដ្ឋមន្ត្រី និងលោកជំទាវបណ្ឌិត បានវាយតម្លៃខ្ពស់ចំពោះនាយទាហាន ពលទាហាន បញ្ជាការដ្ឋានអង្គរក្ស ដែលបានខិតខំពុះពារគ្រប់ឧបសគ្គ ក្នុងការបំពេញតួនាទីភារកិច្ច ការហ្វឹកហ្វឺនពង្រឹងសមត្ថភាព ចូលរួមការបូរណភាពទឹកដី ការពារថ្នាក់ដឹកនាំ និងការកែច្នៃកសាងអង្គភាពជាច្រើនឆ្នាំកន្លងមកនេះ ដោយទទួលបានលទ្ធផលគួជាទីមោទនៈ។ ឯកឧត្តម បានចាត់ទុកបញ្ជាការដ្ឋានអង្គរក្ស គឺជាកម្លាំងពហុវិស័យ និងក៏ជាកម្លាំងចល័តអន្តរាគមន៍ពិសេសយ៉ាងឆាប់រហ័សរបស់ប្រមុខរាជរដ្ឋាភិបាល ក្រសួងការពារជាតិ និងអគ្គបញ្ជាការដ្ឋាននៃ ខ.ភ.ម ជាពិសេសបទបញ្ជារបស់សម្តេចតេជោ និងសម្ដេចកិត្តិព្រឹទ្ធបណ្ឌិត, សម្តេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត គឺបានចល័តកម្លាំងអន្តរាគមន៍ទាន់ពេល និងមានប្រសិទ្ធភាពខ្ពស់បំផុត។ ជាមួយគ្នានេះ…

ភ្នំពេញ៖ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ (ក.ប.ទ.) និងលោកជំទាវកិត្តិបណ្ឌិតអ៊ឹង កន្ថាផាវី រដ្ឋមន្រ្តីក្រសួងកិច្ចការនារី នៅចុងសប្ដាហ៍នេះ បានអញ្ជើញ​ដឹកនាំកិច្ចប្រជុំក្រុមការងារដឹកនាំរៀបចំព្រឹត្តិការណ៍ហ្រ្វង់កូតិច-FrancoTech កិច្ចប្រជុំកំពូលហ្រ្វង់កូហ្វូនី ឆ្នាំ២០២៦។ កិច្ចប្រជុំនេះមានការអញ្ជើញចូលរួមពីឯកឧត្តម លោកជំទាវ តំណាងក្រសួង ស្ថាប័ន ដែលជាអនុប្រធាន សមាសជិក ក្រុមការងារ ថ្នាក់ដឹកនាំ ក.ប.ទ. និងវិស័យឯកជន នៅទីស្ដីការ ក.ប.ទ.ផងដែរ៕ដោយ៖ង៉ាន ទិត្យ

(ស្វាយរៀង)៖ ‎សម្តេចកិត្តិសង្គហបណ្ឌិត ម៉ែន សំអន ឧត្តម​​ប្រឹក្សាផ្ទាល់ព្រះមហាក្សត្រ និងជាអ្នកតំណាង​រាស្ត្រ​មណ្ឌលស្វាយរៀង បានអញ្ជើញគោរពវិញ្ញាណក្ខន្ធ​សពវីរៈកងទ័ព លោកឧត្តមសេនីយ៍ត្រី ស្រី ធឿន នា​រសៀល​ថ្ងៃសៅរ៍ ២កើត ខែមិគសិរ ឆ្នាំម្សាញ់ សប្ត​ស័ក ព.ស.២៥៦៩ ត្រូវនឹង ថ្ងៃទី២២ ខែវិច្ឆិកា ឆ្នាំ២០២៥ នៅឃុំមុខដា ស្រុករមាសហែក ខេត្តស្វាយ​រៀង ។ គួររំលឹកផងថា វីរៈកងទ័ពលោកឧត្តមសេនីយ៍ត្រី ស្រី ធឿន នាយរងផ្នែកបំភ័ន្តអក្ខរៈបម្រើការងារ​នៅកង​ពល​តូចថ្មើរជើងលេខ២១ ភូមិភាគ២ ឈរជើងនៅតំបន់​ប្រា​សាទតាមាន់ធំ បានទទួលមរណភាពក្នុងពេល​បំពេញ​បេសកកម្មនៅជួរមុខ កាលពីថ្ងៃអង្គារ៍ ១៣រោច ខែ​កត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី​១៨ ខែវិច្ឆិកា ឆ្នាំ២០២៥ វេលាម៉ោង ១:៤៥នាទី ក្នុង​ជន្មាយុ ៥២ឆ្នាំ។‎នៅក្នុងសមានទុក្ខដ៏ក្រៀមក្រំនេះ សម្តេចកិត្តិសង្គ​ហ​បណ្ឌិត​ក៏បានចូលរួមរំលែកទុក្ខជាមួយ លោកស្រី នួន សារី ព្រមទាំងក្រុមគ្រួសារ និងបានបួងសួង ដល់តេជៈ​បារមីនៃព្រះពុទ្ធ ព្រះធម៌ ព្រះសង្ឃ…

ភ្នំពេញ៖ឯកឧត្តម សូ វិសុទ្ធី រដ្ឋលេខាធិការក្រសួងប្រៃសណីយ៍និងទូរគមនាគមន៍(ក.ប.ទ.)បានដឹកនាំគណៈប្រតិភូ រួមជាមួយក្រុមហ៊ុនបច្ចេកវិទ្យានិងធុរកិច្ចថ្មីឌីជីថល (Digital Startup) ចំនួនពីរ( BookMeBus និង Bamnang) អញ្ជើញចូលរួមកម្មវិធី Silicon Valley Summit 2025 ដែលរៀបចំដោយក្រុមហ៊ុន Plug and Play នៅទីក្រុង Sunnyvale រដ្ឋកាលីហ្វ័រញ៉ា សហរដ្ឋអាមេរិកពីថ្ងៃទី១៨-២០ ខែវិច្ឆិកា ឆ្នាំ២០២៥។ មន្រ្តីក្រសួងប្រៃសណីយ៍បានឱ្យដឹងថា កម្មវិធីនេះជាព្រឹត្តិការណ៍សម្រាប់សហគ្រិនធុរកិច្ចថ្មីឌីជីថល វិនិយោគិន ក្រុមហ៊ុន​បច្ចេកវិទ្យាធំៗ និងអ្នកជំនាញនានា បង្ហាញអំពីផលិតផល សេវាកម្ម ឬដំណោះស្រាយថ្មីៗ បង្កើតបណ្ដាញ​និងដៃគូពាណិជ្ជកម្ម ការស្វែងរកមូលនិធិ និងការ Pitching ដើម្បីទទួលបានការវិនិយោគ ។លើសពីនេះក៏​ជាសិក្ខាសាលា​ចែករំលែកចំណេះដឹងនិងបទពិសោធពីថ្នាក់ដឹកនាំក្រុមហ៊ុន និងអ្នកជំនាញលើវិស័យជាច្រើន។ ប្រភពដដែលបញ្ជាក់ថា កម្មវិធីនេះដែរមានអ្នកចូលរួមប្រមាណ ៦ ០០០ នាក់ មកពីជុំវិញពិភពលោក និងធុរកិច្ច​ថ្មីឌីជីថលអន្តរជាតិជាង ១ ១០០ លើ ២៥ វិស័យផ្សេងគ្នា។ ដោយឡែកធុរកិច្ចថ្មីឌីជីថលកម្ពុជា បានកសាង​បណ្ដាញ​ជាមួយធុរកិច្ចថ្មីឌីជីថលអន្តរជាតិនានា…

(ភ្នំពេញ)៖ ដើម្បីកាត់បន្ថយអត្រាមរណៈភាព មាតា និង ទារក បន្ថែមទៀត កម្ពុជាត្រូវពឹងផ្អែកទាំងស្រុងលើ​សមត្ថ​ភាពជំនាញរបស់វេជ្ជបណ្ឌិត វេជ្ជបណ្ឌិតឯកទេស សាស្ត្រាចារ្យ ផ្នែកសម្ភព និងរោគស្ត្រីវិទ្យាទាំងអស់គ្នា​នេះហើយ ពីព្រោះ ករណីផ្ទៃពោះ ឬសម្រាលកូនធម្មតា មិនមែនជាឧបសគ្គទៀតទេ តែការដោះស្រាយករណី សម្រាលកូនលំបាក មានឧបសគ្គ នៅតែជាបញ្ហានៅ​ឡើយ។ ការខិតខំប្រមូលសមាជិកសមាគមសម្ភព និង​រោគស្ត្រីវិទ្យាកម្ពុជាឲ្យបានច្រើន ធ្វើការបណ្តុះបណ្តាល ចែករំលែកចំណេះដឹង ឲ្យគ្នាទៅវិញទៅមកបានទៀង​ទាត់ និងទាន់ពេលវេលា ជាកត្តាសំខាន់ និងជួយចូលរួម ដោះស្រាយបញ្ហានាពេលអនាគត។ នេះជាប្រសាសន៍ លោកជំទាវសាស្រ្តាចារ្យ អ៊ឹម សិទិ្ធការ្យ រដ្ឋលេខាធិការ តំណាង ឯកឧត្តមសាស្រ្តាចារ្យ ឈាង រ៉ា រដ្ឋមន្រី្តក្រសួងសុខាភិបាល ក្នុងពិធីបើក​សន្និ​បាត​លើកទី២៤ របស់សមាគមសម្ភពនិងរោគស្ត្រីវិទ្យា​កម្ពុជា ក្រោមប្រធានបទ «រួមគ្នាសង្រ្គោះជីវិតមាត និង​ទារក» នាព្រឹកថ្ងៃទី២២ ខែវិច្ឆិកា ឆ្នាំ២០២៥នេះ។ ឯកឧត្តមសាស្ត្រាចារ្យ គុំ កាណាល់ ប្រធានសមាគម​សម្ភព និងរោគស្ត្រីវិទ្យាកម្ពុជា បានមានប្រសាសន៍ថា ប្រធានបទលើកនេះគឺ “រួមគ្នាសង្គ្រោះជីវិតមាតា និង…

(បន្ទាយមានជ័យ)៖ ក្រសួងការងារ និងបណ្តុះបណ្តាល​វិជ្ជា​ជីវៈ បានរៀបចំពិព័រណ៍ការងារ សន្តិសុខសង្គម និង​បណ្តុះ​បណ្តាលវិជ្ជាជីវៈ សម្រាប់បងប្អូនអតីតពលករ​ដែល​ត្រ​ឡប់​មកពីប្រទេសថៃ ដោយនាំយក​ឱកាសការ​ងារ​ជាង ៦ពាន់កន្លែង និងព័ត៌មានស្តីពីអត្ថប្រយោជន៍ នៃរបប​សន្តិសុខសង្គម (ប.ស.ស.) និងការបណ្តុះ​បណ្តា​ល​​ជំ​នាញបច្ចេកទេស និងវិជ្ជាជីវៈដោយឥតគិតថ្លៃ នៅ​ព្រឹក​​ថ្ងៃទី២២ ខែវិច្ឆិកា ឆ្នាំ២០២៥នេះ នៅផ្សារចម្ការតា​ដោក ស្រុកមង្គលបូរី ខេត្តបន្ទាយមានជ័យ ។ ពិព័រណ៍នេះ​រៀប​ចំដោយទីភ្នាក់ងារជាតិមុខរបរ និង​ការ​ងា​រ (NEA) នៃ​ក្រសួងការងារ និងបណ្តុះ​បណ្តាល​វិជ្ជាជី​វៈ រដ្ឋបាល​ស្រុកមង្គលបូរី សហភាព​សហព័ន្ធ​យុវជន​កម្ពុជា ខេត្ត​បន្ទាយមានជ័យ វិស័យឯកជន សមាគម​មិត្ត​យើង អ្នក​ផ្តល់ការអប់រំបណ្តុះបណ្តាល និងដៃគូពាក់ព័ន្ធ​ផ្សេង​ទៀត ដែលមានអ្នកចូលរួមប្រមាណ ១ពាន់នាក់។ ក្នុងពិព័រណ៍ដ៏សំខាន់នេះ មានសហគ្រាស ក្រុមហ៊ុន រោងចក្រ ចំនួន ២១ បានចូលរួមសម្ភាស និង​ជ្រើស​​រើសបុគ្គលិកភ្លាមៗដោយផ្ទាល់ និងមានតម្រូវការកម្លាំង​ពលកម្មសរុបជាង ៦ ៥០០នាក់។ បងប្អូនអតីតពលករ និង​អ្នកចូលរួមទាំងអស់ បានទទួលការដឹកជញ្ជូន ផ្តល់​អា​ហារ ភេសជ្ជៈ និងកាហ្វេ ព្រមទាំងទទួលបានការ​កាត់សក់​ពីអ្នកជំនាញដោយឥតគិតថ្លៃថែមទៀតផង។ ថ្លែងក្នុងឱកាសនោះ ឯកឧត្តម…