ការឆ្លងថ្មីនៃវីរុសកូវីដ១៩ក្នុងប្រទេសអាស៊ានទាំង១០នៅក្នុងរយ:ពេលនេះ២៤ម៉ោងចុងក្រោយនេះ មានចំនួន៩ម៉ឺន៩ពាន់៧២១ករណី និងការស្លាប់ថ្មីមានចំនួន២ពាន់៩១៤នាក់។ ការឆ្លងថ្មីនៅថ្ងៃនេះបានកើតឡើងលើប្រទេសចំនួន៨គឺប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, មីយ៉ាន់ម៉ា,សឹង្ហបុរី, ថៃ, កម្ពុជា, និងប្រទេសវៀតណាម។ ប្រទេសដែលមានការស្លាប់ថ្មីមាន៧ប្រទេស គឺប្រទេសឥណ្ឌូណេស៊ី, មីយ៉ាន់ម៉ា, ថៃ, ម៉ាឡេស៊ី, ហ្វីលីពីន, វៀតណាម, និងប្រទេសកម្ពុជា។ ប្រទេសឥណ្ឌូនេស៊ីនៅក្នុងរយៈពេល២៤ម៉ោងចុងក្រោយនេះមានការឆ្លងថ្មីចំនួន៤ម៉ឺន១ពាន់១៦៨ករណីដែលនាំឲ្យការឆ្លងសរុបមានចំនួន៣លាន៣៧ម៉ឺន២ពាន់៣៧៤ករណី។ ចំណែកការស្លាប់ថ្មីវិញមានចំនួន១ពាន់៧៥៩នាក់ដែលនាំឲ្យការស្លាប់សរុបមានចំនួន៩ម៉ឺន២ពាន់៣១១នាក់។ ប្រទេសឥណ្ឌូនេស៊ីគឺ ជាប្រទេសដែលមានការឆ្លងនិងការស្លាប់ច្រើនជាងគេក្នុងចំណោមប្រទេសអាស៊ានទាំង១០។ ចំណែកប្រទេសម៉ាឡេស៊ីនៅក្នុងរយ:ពេល២៤ម៉ោងចុងក្រោយនេះមានការឆ្លងថ្មី ចំនួន១ម៉ឺន៦ពាន់៨៤០ករណីដែលនាំឲ្យការឆ្លងសារុបចំនួន១លាន៩ម៉ឺន៥ពាន់៤៨៦ករណី។ ចំណែកការស្លាប់ថ្មីវិញ មានចំនួន១៣៤នាក់ដែលនាំឲ្យការស្លាប់សរុបមានចំនួន៨ពាន់៨៥៩នាក់។ ប្រទេសថៃមានការឆ្លងថ្មីចំនួន១ម៉ឺន៧ពាន់៣៤៥ករណីដែលនាំឲ្យការឆ្លងសរុបមានចំនួន៥៧ម៉ឺន៨ពាន់៣៧៥ករណី។ ចំណែកការស្លាប់ថ្មីមានចំនួន១១៧នាក់ដែលនាំឲ្យការស្លាប់សរុបមានចំនួន៤ពាន់៦៧៩នាក់។ នៅក្នុងប្រទេសហ្វីលីពីនមានការឆ្លងថ្មីចំនួន៨ពាន់៥៦២ករណីដែលនាំឲ្យការឆ្លងសរុបមានចំនួន១លាន៥៨ម៉ឺន៨២៤ករណី។ ចំណែកការស្លាប់ថ្មីមានចំនួន១៤៥នាក់ដែលនាំឲ្យការស្លាប់សរុបមានចំនួន២ម៉ឺន៧ពាន់៧២២នាក់។ ប្រទេសមីយ៉ាន់ម៉ាមានការឆ្លងថ្មីចំនួន៥ពាន់២៣៤ករណីដែលនាំឲ្យការឆ្លងសរុបមានចំនួន២៨ម៉ឺន៩ពាន់៣៣៣ករណី។ ចំណែកការស្លាប់ថ្មីមានចំនួន៣៤២នាក់ដែលនាំឲ្យការស្លាប់សរុបមានចំនួន៨ពាន់៥៥២នាក់។ ប្រទេសវៀតណាមមានការឆ្លងថ្មី៩ពាន់៧៦៥ករណីដែលនាំឲ្យការឆ្លងសរុបចំនួន១៣ម៉ឺន៣ពាន់៤០៥ករណី។ ចំណែកការស្លាប់ថ្មីមានចំនួន៣៩២នាក់ដែលនាំឲ្យការស្លាប់សរុបមានចំនួន១ពាន់២២នាក់។ ប្រទេសកម្ពុជាមានការឆ្លងថ្មីចំនួន៦៦៨ករណីដែលនាំឲ្យការឆ្លងសរុបមានចំនួន៧ម៉ឺន៦ពាន់៥៨៥ករណី។ ចំណែកការស្លាប់ថ្មី២៥ដែលនាំឲ្យការស្លាប់សរុបមានចំនួន១ពាន់៣៧៥នាក់។ ប្រទេសសឹង្ហបុរីមានការឆ្លងថ្មីចំនួន១៣៩ករណីដែលនាំឲ្យការឆ្លងសរុបមានចំនួន៦ម៉ឺន៤ពាន់៨៦១ករណី។ ប្រទេសដែលមិនរងការឆ្លងនោះគឺប្រទេសឡាវ និងប្រទេសប្រុយណេ។ គិតសរុបរួមនៃប្រទេសទាំង១០អាស៊ាននាពេលនេះ មានការឆ្លងសរុបមាន៧លាន១៩ម៉ឺន៧ពាន់២៥១ករណី, និងការស្លាប់មាន១៤ម៉ឺន៤ពាន់៥៦៦នាក់។ បើគិតសរុបនៅលើសាកលលោកនោះវិញការឆ្លងវីរុសកូវីដ១៩សរុបមានចំនួនជាង ១៩៧លានករណី, និងការស្លាប់មានជាង៤លាន២១ម៉ឺននាក់។ ដោយ៖ គង់ កូម៉ែន

ភ្នំពេញ៖ រាជរដ្ឋាភិបាលកម្ពុជា បានសម្រេចដាក់ចេញផែនការសកម្មភាពសម្រាប់ការចាក់វ៉ាក់សាំងបង្ការជំងឺកូវីដ-១៩ លើកុមារ-យុវវ័យ អាយុពី១២ឆ្នាំ ទៅក្រោម១៨ឆ្នាំ នៅថ្ងៃទី៣០ ខែកក្កដា ឆ្នាំ២០២១ សំដៅបង្ការ និងទប់ស្កាត់ការ ចម្លងជំងឺកូវីដ-១៩ នៅក្នុងចំណោមកុមារ-យុវវ័យ ព្រមទាំងកាត់បន្ថយភាពធ្ងន់ធ្ងរនៃជំងឺ ឬការបាត់បង់អាយុជីវិត ដែល បណ្តាលមកពី ជំងឺកូវីដ-១៩ ។ បើតាមអារម្ភកថាផែនការសកម្មភាពសម្រាប់ការចាក់វ៉ាក់សាំងបង្ការជំងឺកូវីដ-១៩ លើកុមារ-យុវវ័យ សម្តេចតេជោ ហ៊ុន សែន បានឱ្យដឹងថា ការឆ្លងរាតត្បាតជំងឺកូវីដ-១៩ បាននាំមកនូវគ្រោះមហន្តរាយដល់ពិភពលោកទាំងមូល ដោយសារ ជំងឺដ៏កាចសាហាវនេះ បានបង្កផលប៉ះពាល់យ៉ាងធ្ងន់ធ្ងរ ដល់សុខភាពមនុស្សជាតិ, ប្រព័ន្ធសុខាភិបាល និងសង្គម-សេដ្ឋកិច្ច។ សម្តេចតេជោ បានបញ្ជាក់ថា ក្នុងការប្រយុទ្ធនឹងជំងឺកូវីដ-១៩ រាជរដ្ឋាភិបាលកម្ពុជា បានដាក់ចេញ នូវ យុទ្ធសាស្ត្រឆ្លើយតបជាបន្តបន្ទាប់ ដើម្បីបង្ការ កាត់បន្ថយ និងទប់ស្កាត់ការឆ្លងរាតត្បាតនៃជំងឺនេះ នៅក្នុងសហគមន៍ សំដៅកាត់បន្ថយផលប៉ះពាល់មកលើជីវភាពរស់នៅប្រចាំថ្ងៃរបស់ប្រជាពលរដ្ឋ និងធានាបាននូវការបើកដំណើរការ ពេញលេញ និងជាបណ្តើរៗ នៃសកម្មភាពសង្គម-សេដ្ឋកិច្ច ។ សម្តេចតេជោ ហ៊ុន សែន បានចាត់ទុកយុទ្ធសាស្រ្ត នៃការចាក់វ៉ាក់សាំងបង្ការជំងឺកូវីដ-១៩…

ភ្នំពេញ៖ អគ្គិភ័យមួយបានឆាបឆេះរថយន្តក្រុងជាច្រេីនគ្រឿងនៅក្នុងចំណតរបស់ក្រុមហ៊ុនវីរះប៊ុនថាំ ដែលស្ថិតនៅខាងត្បូងជាប់គល់ស្ពានជ្រោយចង្វារ ក្នុងសង្កាត់ជ្រោយចង្វារ ខណ្ឌជ្រោយចង្វារ បង្កឲ្យមានការភ្ញាក់ដល់ប្រជាពលរដ្ឋ និងសមត្ថកិច្ចចេញរថយន្តពន្លត់អគ្គីភ័យមកជួយអន្តរាគមន៍បាញ់ពន្លត់ កាលពីវេលាម៉ោង៤រសៀល ថ្ងៃទី៣០ ខែកក្កដា ឆ្នាំ ២០២១ ។ ប្រភពព័ត៌មានពីកន្លែងកេីតហេតុបានឲ្យដឹងថា ករណីអគ្គិភ័យនេះបានបំផ្លាញរថយន្តក្រុងជាង២០គ្រឿង ដោយសល់តែគ្រោងឆ្អឹង និងសាកសពមនុស្សម្នាក់សល់តែលលារក្បាល និងឆ្អឹងខ្នង ។ ដោយឡែកមូលហេតុនៃការឆាបឆេះរថយន្តក្រុងខាងលេី សមត្ថកិច្ចជំនាញកំពុងតែធ្វេីការស្រាវជ្រាវ ខណៈរថយន្តពន្លត់អគ្គីភ័យជាច្រេីនស្ថាប័ន បានចេញមកសហការអន្តរាគមន៍បាញ់ពន្លត់យ៉ាងញាប់ដៃញាប់ជេីង និងប្រេីពេលជាង១ម៉ោង ក៏រលត់ទៅវិញផងដែរ ៕ ដោយ៖ ជីម ភារ៉ា