ដើម្បីលើកកម្ពស់ និងសម្រួលដល់ការកសាងសមត្ថភាពរូបវ័ន្ត និងស្ថាប័ន ក្នុងការបង្កើតសុខដុមរមនានៅកន្លែងការងារ ក្រសួងការងារ និងបណ្តុះបណ្តាលវិជ្ជាជីវៈ និងមជ្ឈមណ្ឌលអាមេរិកកាំងសម្រាប់សាមគ្គីភាពការងារអន្តរជាតិ (ACILS) នៅថ្ងៃទី២៨កក្កដាឆ្នាំ២០២១ បានចុះហត្ថលេខាលើអនុស្សរណៈនៃការយោគយល់គ្នា (MOU) ក្នុងគោលបំណងបង្កើតនូវក្របខណ្ឌសហប្រតិបត្តិការបច្ចេកទេសរវាងគូភាគី ក្នុងគោលដៅរួមចំណែកក្នុងការអនុវត្តន៍គោលនយោបាយពាក់ព័ន្ធនឹងវិស័យការងារ។ អនុស្សរណៈនៃការយោគយល់គ្នានោះ មានរយៈពេល២ឆ្នាំពោលគឺពីឆ្នាំ២០២១ដល់ឆ្នាំ២០២ ត្រូវបានចុះហត្ថលេខារវាង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោកអ៊ិត សំហេង និងលោក William Conklin នាយកកម្មវិធីរបស់អង្គការ ACILS ប្រចាំប្រទសកម្ពុជា។ រដ្ឋមន្ត្រីក្រសួងការងារ លោកអ៊ិត សំហេង បានលើកឡើងថា អនុស្សរណៈនៃការយោគយល់គ្នានោះ នឹងក្លាយជាក្របខណ្ឌដ៏សំខាន់មួយបន្តទៀតនៃកិច្ចសហប្រតិបត្តិការរវាងក្រសួងការងារ និងបណ្ដុះបណ្ដាលវិជ្ជាជីវៈ និងអង្គការ ACILS ដែលនឹងចូលរួមចំណែកក្នុងការអនុវត្តគោលនយោបាយរបស់រាជរដ្ឋាភិបាល ក្នុងការអភិវឌ្ឍវិស័យការងារនៅកម្ពុជា។ លោករដ្ឋមន្ត្រី បញ្ជាក់ថា តាមរយៈក្របខណ្ឌនៃកិច្ចសហប្រតិបត្តិការនោះ ភាគីទាំងពីរនឹងរួមគ្នាពង្រឹងការអនុវត្តគោលនយោបាយពាក់ព័ន្ធនឹងវិស័យការងារ សំដៅឆ្លើយតបទៅនឹងគោលបំណងដែលបានកំណត់ក្នុងអនុស្សរណៈ ដែលនឹងចុះហត្ថលេខារួមគ្នានេះ។ លោករដ្ឋមន្ត្រី បានសម្តែងនូវការកោតសសើរលើសមិទ្ធិផលគួរឱ្យកត់សម្គាល់ ដែលទទួលបានពីកិច្ចសហប្រតិបត្តិការក្រោមក្របខណ្ឌនៃការអនុវត្តអនុស្សរណៈនៃការយោគយល់គ្នានេះនាពេលកន្លងមក។ លោក William Conklin នាយកកម្មវិធីរបស់អង្គការ ACILS ប្រចាំប្រទសកម្ពុជា ក៏បានវាយតម្លៃខ្ពស់ចំពោះកិច្ចសហប្រតិបត្តិរវាងក្រសួងការងារ និងបណ្តុះបណ្តាលវិជ្ជាជីវៈ និងអង្គការ…

ក្រុមការងារក្រសួងមហាផ្ទៃទទួលបន្ទុកឧក្រិដ្ឋកម្មឆ្លងដែនក្នុងក្របខណ្ឌអាស៊ាន (SOMTC) ចូលរួមកិច្ចប្រជុំមន្ត្រីជាន់ខ្ពស់អាស៊ាន លើកទី២១ ស្ដីពីឧក្រិដ្ឋកម្មឆ្លងដែន ជាមួយនឹងបណ្ដាប្រទេសជាសមាជិកអាស៊ានផ្សេងទៀត ដែលភាគីកម្ពុជាដឹកនាំដោយ ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ និងជាប្រធានក្រុមការងារឧក្រិដ្ឋកម្មឆ្លងដែនកម្ពុជា ដោយមានការចូលរួមពីអនុប្រធាន សមាជិក នៃក្រុមការងារ SOMTC ព្រមទាំងមន្ត្រីបង្គោលទទួលផែនការងារពាក់ព័ន្ធផងដែរ នៅថ្ងៃ ទី២៧ ខែ កក្កដា ឆ្នាំ ២០២១ ។ នាឱកាសនោះដែរ ឯកឧត្តម នាយឧត្តមសេនីយ៍ ប៉ោ ភក្តិ ក៏បានធ្វើបទបង្ហាញស្ដីពីទិដ្ឋភាពគួរឲ្យកត់សម្គាល់មួយចំនួននៃឧក្រិដ្ឋកម្មឆ្លងដែនដែលបានកើតឡើងក្នុងអំឡុងពេលជំងឺកូវីដ-១៩ កំពុងរាតត្បាត ហើយឯកឧត្តមក៏បានលើកឡើងពីកិច្ចខិតខំប្រឹងប្រែង និងការប្តេជ្ញាចិត្តខ្ពស់របស់កម្ពុជា ក្នុងកិច្ចសហការប្រយុទ្ធប្រឆាំងនឹងឧក្រិដ្ឋកម្មឆ្លងដែនជាមួយបណ្តារដ្ឋសមាជិកអាស៊ាន។ សូមជម្រាបជូនថា កិច្ចប្រជុំ SOMTC លើកទី២១ នាថ្ងៃទី២៧ ខែកក្កដានេះ ប្រទេសព្រុយណេ គឺជាប្រធានដឹកនាំ ដែលជាយន្តការសហការប្រតិបត្តិការ ក្នុងគោលបំណងផ្លាស់ប្ដូរនូវវឌ្ឍនភាពនានាអំពីស្ថានភាពប្រយុទ្ធប្រឆាំងបទឧក្រិដ្ឋឆ្លងដែន ក៏ដូចជាផ្ដល់មតិយោបល់ពាក់ព័ន្ធសម្រាប់កំណត់ទិសដៅ កំណត់យុទ្ធសាស្ត្រផ្សេងៗ ដើម្បីបង្កើនកិច្ចសហប្រតិបត្តិការរួមគ្នាក្នុងការប្រយុទ្ធប្រឆាំង និងទប់ស្កាត់នូវការគំរាមកំហែងដោយសកម្មភាពឧក្រិដ្ឋកម្មឆ្លងដែន៕ ដោយ-រ៉ាវុធ

   តាមរយៈនៃកិច្ចជំនួបពិភាក្សាមួយរវាងអាជ្ញាធរនៃ រដ្ឋបាលខេត្តបាត់ដំបង ដឹកនាំដោយឯកឧត្តមងួន រតនៈ អភិបាលខេត្តបាត់ដំបង និងថ្នាក់ដឹកនាំជាអភិបាលរងខេត្តនិងមន្ទីរពាក់ព័ន្ធមួយចំនួន និងលោកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងភាគីប្រតិភូនៃស្ថានទូតព្រះរាជាណាចក្រថៃ ប្រចាំកម្ពុជា ព្រមទាំងវិស័យឯកជនជាច្រើនទៀតរបស់ប្រទេសថៃ ដែលដឹកនាំដោយឯកឧត្តម ជីរ៉ាវុធ ស៊ូវ៉ាន់អាដ ជាអគ្គទីប្រឹក្សាផ្នែកពាណិជ្ជកម្ម ក្មុងនោះក៏មានវត្តមានពីតំណាងបណ្តាក្រុមហ៊ុននានា ពាណិជ្ជករនិងវិនិយោគិនថៃជាច្រើនទៀតនៅក្នុងប្រទេសថៃ ក្នុងការទស្សនកិច្ចផ្តោតនូវការសិក្សានិងចង់ស្វែងយល់អំពីសក្តានុពលសេដ្ឋកិច្ចរបស់ខេត្តបាត់ដំបង ដើម្បីរកឱកាសធ្វើការវិនិយោគជាមួយនិងខេត្តបាត់ដំបង។ ក្នុងកិច្ចជំនួបរវាងរដ្ឋបាលខេត្តបាត់ដំបង និងប្រតិភូមួយក្រុមនៃស្ថានទូតព្រះរាជាណាចក្រថៃនេះ បានប្រព្រឹត្តទៅកាលពីពេលថ្មីៗនេះ ស្ថិតនៅក្នុងបរិវេណខាងមុខអគាររដ្ឋបាល នៃ សាលាខេត្តបាត់ដំបង។        តាមរយៈ នៃជំនួបនេះឯកឧត្តម ជីរ៉ាវុធ ស៊ូវ៉ាន់អាដ ជាអគ្គទីប្រឹក្សាផ្នែកពាណិជ្ជកម្មថៃ ក៏បានថ្លែងគូសបញ្ជាក់ឲ្យដឹងអំពីគោលបំណងនៃដំណើរបំពេញបេសកកម្មរបស់ខ្លួន ដោយផ្តោតសំខាន់នូវដំណើរទស្សនកិច្ចក្រុមប្រតិភូខ្លួន នៅក្នុងខេត្តបាត់ដំបង ក្នុងគោលបំណងផ្តោតសំខាន់ចំនួន០៣ ក្នុងនោះ៖ប្រតិភូនិងពាណិជ្ជករដែលមពីប្រទេសថៃ និងជួបពិភាក្សាការងារមួយចំនួន ជាមួយនិងលោកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ និងមន្ត្រីសំខាន់ៗមួយចំនួនតាមរយៈការធ្វើបទបង្ហាញដើម្បីពិនិត្យមើល និងធ្វើការសិក្សាបន្ថែមអំពីសក្តានុពលនិងស្ថានភាពអំណោយផលអំពីផលិតផលនៃដំណាំកសិ-ឧស្សាហកម្ម និងវិស័យផ្សេងៗមួយចំនួននៅក្នុងខេត្ត។ជាពិសេសការអភិវឌ្ឍរីកចំរើននិងការអភិវឌ្ឍន៍សេដ្ឋកិច្ចសង្គម របស់ ខេត្តបាត់ដំបង និងដើម្បីជម្រុញឲ្យអ្នកវិនិយោគិន និង បណ្តាក្រុមហ៊ុននានិងពាណិជ្ជកររបស់ថៃ ដើម្បីឲ្យមកបណ្តាក់ទុនរកស៊ីនិងបោះទុនវិយោគនៅក្នុងខេត្តបាត់ដំបង។       ឯកឧត្តមប្រធានប្រតិភូ…

សារលិខិតអបអរសាទររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា ជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលសម្តេចទទួលបានគ្រឿងឥស្សរិយយសថ្នាក់ ” មិត្តភាព Order of Friendship” ពីឯកឧត្តម Vladimir Putin ប្រធានាធិបតី សហព័ន្ធរុស្ស៊ី។

(ភ្នំពេញ)៖ ឯកឧត្តម ថោង ខុន រដ្ឋមន្រ្តីក្រសួងទេសចរណ៍ និងលោកជំទាវ ព្រមទាំងថ្នាក់ដឹកនាំ និងមន្ដ្រីរាជការគ្រប់លំដាប់ថ្នាក់ នៃក្រសួងទេសចរណ៍ នៅថ្ងៃទី២៧ ខែកក្កដា ឆ្នាំ២០២១នេះ បានផ្ញើសារលិខិតចូលរួមអបអរសាទរ និងគោរពជូនពរសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសសម្តេចតេជោ ទទួលបានគ្រឿងឥស្សរិយយសថ្នាក់ «មិត្តភាព (Order of Friendship)» ពីលោក វ្ល៉ាឌីមៀរ ពូទីន ប្រធានាធិបតីរុស្ស៉ី។ ជាថ្មីនាឱកាសដ៏វិសេសវិសាលនេះ ឯកឧត្តម ថោង ខុន សូមលើកហត្ថបួងសួងដល់គុណព្រះរតនត្រ័យ វត្ថុស័ក្ដិសិទ្ធិទាំងអស់ក្នុងលោក សូមជួយប្រោះព្រំសព្វសាធុការពរបវរសួស្ដី សិរីមង្គល វិបុលសុខមហាប្រសើរជូន សម្ដេចតេជោ និងសម្ដេចកិត្តិព្រឹទ្ធបណ្ឌិត ព្រមទាំងបុត្រា-បុត្រី និងចៅៗ ជាទីស្រឡាញ់ទាំងអស់ ជួបតែសេចក្ដីសុខ សុភមង្គល ព្រមទាំងប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។ សូមជម្រាបថា លោក វ្ល៉ាឌីមៀរ ពូទីន ប្រធានាធិបតីរុស្ស៉ី បានផ្តល់គ្រឿងឥស្សរិយយសថ្នាក់…

ភ្នំពេញៈ មន្ត្រីពាក់ព័ន្ធមួយចំនួននៅខេត្តកំពត ក្នុងនោះ មានអភិបាលរងខេត្តកំពតម្នាក់ នាយករដ្ឋបាលសាលាខេត្ត ប្រធានមន្ទីរធនធានទឹក និងឧតុនិយម ប្រធានការិយាល័យភូមិបាលស្រុកដងទង់ អភិបាលស្រុកដងទង់ ប្រធានការិយាល័យភូមិបាលស្រុកដងទង់ និងមន្ត្រីមួយចំនួនទៀត ត្រូវបានប្រជាពលរដ្ឋដាក់ពាក្យបណ្តឹងប្តឹងទៅអង្គភាពប្រឆាំងអំពើពុករលួយ ពាក់ព័ន្ធការឃុបឃិបគ្នាជាមួយកក្រុមហ៊ុន សេង សម្បត្តិ និងឈ្មួញមួយចំនួន យកដីអាងទឹកស្រុកដងទង់លក់។ ប៉ុន្តែនាយករដ្ឋបាលសាលាខេត្ត បានបដិសេធថា មិនពិតដូចជាការចោទប្រកាន់របស់ប្រជាពលរដ្ឋ។ ពាក្យបណ្តឹងរបស់ប្រជាពលរដ្ឋបានដាក់ប្តឹងមន្ត្រីដែលពាក់ព័ន្ធនៅក្នុងខេត្តកំពតចូលទៅអង្គភាពប្រឆាំងអំពើពុករលួយកាលពីព្រឹកថ្ងៃទី២៧ ខែកក្កដា ឆ្នាំ២០២១ ដើម្បីស្នើសុំឱ្យធ្វើការស៊ើបអង្កេតលើករណីទីតាំងដីមួយកន្លែងដែលមានទំហំសរុបជាង១២ហិកតា ក្នុងនោះរួមមាន ដីចំណីអាងប្រជាពលរដ្ឋអាស្រ័យផល ផ្ទៃអាងទឹក និងដីប្រជាពលរដ្ឋអាស្រ័យផលនៅតាមបណ្តោយផ្លូវលេខ១៣៥ ត្រូវបានក្រុមហ៊ុនលោក សេង សម្បត្តិ ដឹកដីចាក់បំពេញយ៉ាងគគ្រឹកគគ្រេងតែអាជ្ញាធរមូលដ្ឋានមិនមានចំណាត់ការនោះទេ។ នៅក្នុងពាក្យបណ្តឹងរបស់ប្រជាពលរដ្ឋបានឱ្យដឹងថា លោក វិត វឌ្ឍនា នាយករដ្ឋបាលសាលាខេត្តកំពត បានទទួលប្រាក់ពីលោកសេង សម្បត្តិ ប្រធានក្រុមហ៊ុនសេងសម្បត្តិ ចំនួន៥ម៉ឺនដុល្លារ និងមានលោក ស៊ីវ ផេង អភិបាលស្រុកដងទង់ បានទទួលលុយឧបត្ថម្ភពីលោកសេង សម្បត្តិ ផងដែរ។ លោក ប៉ិល កុសល អភិបាលរងខេត្តកំពត ទទួលបន្ទុកដីធ្លី និងលោក វិត…