នៅរសៀលថ្ងៃទី២៦ខែកក្កដាឆ្នាំ២០២១ ត្រូវនិងថ្ងៃច័ន្ទ២រោជ ខែទុតិយាសាឍ ឆ្នាំឆ្លូវ ពុទ្ធស័ករាជ ២០៦៥ ឯកឧត្តម ងួន រតនៈ អភិបាលខេត្តបាត់ដំបង តំណាងសម្តេចក្រឡាហោម សខេង និងលោកជំទាវ ព្រមទាំងអមដំណើរដោយ ឯកឧត្តមជាអភិបាលរងខេត្ត អភិបាលក្រុងបាត់ដំបង លោកប្រធានមន្ទីរធម្មការ និងមន្ត្រីសំខាន់ៗមួយចំនួនរបស់សាលាខេត្តបាត់ដំបង បាននាំយក ទៀនចាំព្រះវស្សា និងទេយ្យទាន-ទេយ្យវត្ថុ ចំនួន១១មុខរួមទាំងបច្ច័យ ក្នុងវត្តនីមួយៗ ចំនួន ៥០ម៉ឺនរៀលរបស់សម្តេចនិងលោកជំទាវ ដើម្បីវេរប្រគេនដល់ព្រះសង្ឃគង់ចាំព្រះវស្សា នៅតាមបណ្តាវត្តចំនួន៥ស្តិតនៅក្នុងសង្កាត់ចំនួន៤របស់ក្រុងបាត់ដំបងវត្តទាំងនោះរួមមាន វត្តពោធិ៍វាល, វត្តកណ្តាល នៅក្នុងសង្កាត់រតនៈ, វត្តស្លាកែត ក្នុងសង្កាត់ស្លាកែត; វត្តធម្មិការាម ក្នុងសង្កាត់វត្តគរ និងវត្តព្រះពុទ្ធពោធិ៍ញ្ញាណ ហៅវត្តអាងពោធិ៍ ក្នុងសង្កាត់អូរម៉ាល់។ដោយក្នុងមួយវត្តៗទទួលនូវ ទៀនចាំព្រះវស្សា០១គូ, ស្លាដក០១, អង្ករ ១០០គ,ក្រ.,មី១០កេស, ត្រីខ ០២កេសធំ,ទឹកសុទ្ធ១០កេស,ទឹកត្រី-ទឹកស៊ីអ៊ីវ១០យួរ, សៀង ចំនួន០៤យួរ(៤០ដប),ក្រដាស់អនាម័យ១កេសធំ(១០០ដុំ), អាលកុលចំនួន០១កាន(៣០លីត្រ)និងបច្ច័យចំនួន៥០ម៉ឺនរៀល ក្នុងវត្តនីមួយៗ ផងដែរ។       ទៀនចាំព្រះវស្សា រួមនិងទេយ្យទាន-ទេយ្យវត្ថុគ្រឿងឧបភោគ-បរិភោគ ព្រមទាំងបច្ច័យខាងលើនេះ ត្រូវបានឯកឧត្តម ងួន…

យោងតាមសេចក្ដីជូនដំណឹងរបស់ក្រសួងធនធានទឹក នៅថ្ងៃទី២៧កក្កដាឆ្នាំ០២១ បានព្យាការណ៍អាកាសធាតុប្រទេសកម្ពុជារយៈពេល១សប្ដាហ៏ចាប់ពីថ្ងៃទី២៨ដល់ថ្ងៃទី៣សីហាឆ្នាំ២០២១។ ក្រសួងធនធានទឹកបានឲ្យដឹងថា ប្រទេសកម្ពុជាទទួលឥទ្ធិពលពីជ្រលងនៃប្រពន្ធ័សម្ពាធទាប ITCZ ដែលបានកើត និងអូសបន្លាយលើប្រទេសថៃ ឡាវ និងវៀតណាម ជាមួយនិងខ្យល់មូសុងនិរតីមានល្បឿនមធ្យម។ ដោយឡែកព្យុះទី៦ឈ្មោះ អ៊ីន ហ្វា IN-FA បានឡើងចូលដល់ភាគខាងកើតប្រទេសចិន។ ព្យុះនឹងថមថយឥទ្ធិពលជាវិសម្ពាធទាបនៅថ្ងៃទី២៨កក្កដា។ ស្ថានភាពនោះ នឹងធ្វើឲ្យបណ្ដាខេត្តនៅតំបន់វាលទំនាបកណ្ដាលអាចនឹងមានភ្លៀងក្នុងកម្រិតពីតិចទៅបង្គួរ លាយឡំដោយផ្គរ រន្ទះ ខ្យល់ និងខ្យល់កន្ត្រាក់។ លើកលែងតែបណ្ដាខេត្តដូចជា កំពង់ស្ពឺ, តាកែវ, កំពត, កណ្ដាល និងរាជធានីភ្នំពេញ ដែលអាចមានភ្លៀងក្នុងកម្រិតពីខ្សោយទៅមធ្យម។ បណ្ដាខេត្តជាប់ជួរភ្នំដងរែក និងខ្ពង់រាបឦសាន អាចនឹងមានភ្លៀងក្នុងកម្រិតពីតិចទៅបង្គួរលាយឡំដោយផ្គរ រន្ទះ ខ្យល់ និងខ្យល់កន្ត្រាក់។ ចំណែកនៅតំបន់មាត់សមុទ្រ អាចនឹងមានភ្លៀងក្នុងកម្រិតពីមធ្យមទៅខ្លាំង។ នៅលើផ្ទៃសមុទ្រមានខ្យល់ខ្លាំង, ភ្លៀងខ្លាំង រលកសមុទ្រខ្ពស់ៗ។

នៅទីស្ដីការក្រសួងមហាផ្ទៃ នារសៀលថ្ងៃទី២៦ ខែកក្កដា ឆ្នាំ២០២១នេះ ក្រុមការងារឧក្រិដ្ឋកម្មឆ្លងដែន (SOMTC) កម្ពុជា ផែនការងារប្រឆាំងការជួញដូរមនុស្ស ចូលរួមកិច្ចប្រជុំកិច្ចប្រជុំឧក្រិដ្ឋកម្មឆ្លងដែនអាស៊ាន ស្ដីពីការប្រឆាំងការជួញដូរមនុស្ស លើកទី១៧ តាមរយៈប្រព័ន្ធវីដេអូ ហើយក្រុមការងារSOMTCកម្ពុជាចូលរួមកិច្ចប្រជុំនាថ្ងៃនេះ ដឹកនាំដោយលោកជំទាវ ឧត្តមសេនីយ៍ទោ រ៉ន សិរីលក្ខិណា សមាជិកក្រុមការងារSOMTCកម្ពុជា និងជាមន្ត្រីបង្គោលនៃផែនការងារ ដោយមានការចូលរួមពីមន្ត្រីជំនាញពាក់ព័ន្ធផងដែរ។ គួរបញ្ជាក់ថា កិច្ចប្រជុំក្រុមការងារលើកទី១៧នេះ គឺដឹកនាំដោយប្រទេសហ្វីលីពីន និងមានការចូលរួមពីតំណាងបណ្ដាប្រទេសអាស៊ាន។ ព្រមជាមួយនេះ កិច្ចប្រជុំនឹងរួមគ្នាពិនិត្យ ពិភាក្សាលើផែនការការងារសម្រាប់វិស័យនេះ និងការចែករំលែកបទពិសោធន៍លើការអនុវត្តការងារ បញ្ហាប្រឈមនាពេលកន្លងមក ដោយបណ្ដាប្រទេសអាស៊ានតាមការធ្វើបទបង្ហាញរយៈពេលខ្លីផងដែរ៕ដោយ -រ៉ាវុធ

នារសៀលថ្ងៃទី២៦ ខែកក្កដា ឆ្នាំ២០២១ តាមប្រព័ន្ធសន្និសីទវីដេអូ ZOOM ឯកឧត្តម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ និងជាប្រធានក្រុមការងារចងក្រងរៀបចំសមិទ្ធផលការងាររបស់ក្រសួងមហាផ្ទៃ ចាប់ពីអាណត្តិទី១ នៃរាជរដ្ឋាភិបាលកម្ពុជា រហូតដល់បច្ចុប្បន្ន បានអញ្ជើញដឹកនាំកិច្ចប្រជុំក្រុមការងារចងក្រងរៀបចំសមិទ្ធផលការងាររបស់ក្រសួងមហាផ្ទៃ ចាប់ពីអាណត្តិទី១ នៃរាជរដ្ឋាភិបាលកម្ពុជា រហូតដល់បច្ចុប្បន្ន ដោយមានការចូលរួម រដ្ឋលេខាធិការ អនុរដ្ឋលេខាធិការក្រសួងមហាផ្ទៃ អគ្គលេខាធិការ អគ្គលេខាធិការរង នៃអគ្គលេខាធិការដ្ឋាន អគ្គស្នងការរង នៃអគ្គស្នងការដ្ឋាននគរបាលជាតិ ព្រមទាំងតំណាងពីអង្គភាពពាក់ព័ន្ធដែលជាសមាជិកជាច្រើនរូបទៀត។ គួរបញ្ជាក់ថា ក្រុមការងារចងក្រងរៀបចំសមិទ្ធផលការងាររបស់ក្រសួងមហាផ្ទៃ មានភារកិច្ច សិក្សាស្រាវជ្រាវប្រមូលព័ត៌មាន ព្រឹត្តិបត្រ ឯកសារ របាយការណ៍ កំណត់ហេតុ លិខិតស្នាមផ្សេងៗ និងលិខិតបទដ្ឋានគិតយុត្តពាក់ព័ន្ធនានា ចាប់ពីអាណត្តិទី១ នៃរាជរដ្ឋាភិបាលកម្ពុជា រហូតដល់បច្ចុប្បន្ន ដើម្បីចងក្រងរៀបចំសមិទ្ធផលការងាររបស់ក្រសួងមហាផ្ទៃ៕ដោយ-រ៉ាវុធ

ភ្នំពេញៈ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅថ្ងៃទី២៦ ខែកក្កដានេះ បានបង្ហាញលទ្ធផលការងារប្រយុទ្ធប្រឆាំងអំពើជួញដូរមនុស្ស និងអំពើធ្វើអាជីវកម្មផ្លូវភេទដែលគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) សម្រេចបានក្នុងរយៈពេល៦ ខែឆ្នាំ២០២១។ សម្តេចក្រឡាហោម ស ខេង បានបញ្ជាក់ថា ចាប់ពីខែមករា ដល់ខែមិថុនា ឆ្នាំ២០២១នេះ អគ្គលេខាធិការដ្ឋាន គ.ជ.ប.ជ បានប្រមូលទិន្នន័យជាប្រចាំរបស់រដ្ឋបាលរាជធានី ខេត្ត នូវចំនួនពលករវិលត្រឡប់ជារៀងរាល់ថ្ងៃ ក្នុងអំឡុងពេលនៃការរីករាលដាលជំងឺកូវីដ-១៩ សរុបប្រមាណ៦៣.២៦៩នាក់ មានស្រ្តីប្រមាណ ២៧.១៦២នាក់។ ជាមួយគ្នានេះដែរ អគ្គស្នងការដ្ឋាននគរបាលជាតិ បានធ្វើបច្ចុប្បន្នភាពទិន្នន័យប្រចាំខែ ចំពោះពលករចំណាកស្រុកត្រឡប់មកពីក្រៅប្រទេសវិញ ទាំងស្របច្បាប់ និងមិនស្របច្បាប់ សរុបចំនួន១៥០.៨៨៥នាក់ ដែលក្នុងនោះមានស្ត្រី៥៤.៥៥៦នាក់ និង អនីតិជន៥៦៤នាក់ មានស្រី១៥៧នាក់។ សម្តេចក្រឡាហោមបន្តថា កម្លាំងជំនាញនៃស្នងការដ្ឋាននគរបាលខេត្តចំនួន៦ បានធ្វើការងារបង្ការទប់ស្កាត់ពលរដ្ឋខ្មែរ ដែលធ្វើចំណាកស្រុកទៅរកការងារធ្វើនៅក្រៅប្រទេសដោយខុសច្បាប់បានចំនួន៨២លើក មនុស្សចំនួន៥៩៣នាក់មានស្ត្រី១៩៧នាក់ ជាអនីតិជន ៣៤នាក់ ស្រី០៧នាក់ ក្នុងនោះមាន ខេត្តបាត់ដំបងចំនួន៣០លើក ខេត្តកោះកុងចំនួន២៧លើក បន្ទាយមានជ័យចំនួន៨លើក តាកែវចំនួន៩លើក និងស្វាយរៀងចំនួន៥លើក។ ក្រោយពីបានទទួល…