យោងតាមសេចក្ដីប្រកាសរបស់អគ្គនាយកដ្ឋានគយ និងរដ្ឋាករកម្ពុជា បានឲ្យដឹងថា ក្នុងឆមាសទី១ដើមឆ្នាំ២០២១ ចំណូលប្រមូលបានដោយអគ្គនាយកដ្ឋានគយ និងរដ្ឋាករ មានចំនួន៤ពាន់៦៩៥ប៊ីលាន៥០០លានរៀល ស្មីនឹង១ពាន់១៥៩លាន៥សែនដុល្លាអាមេរិក។ អគ្គនាយកដ្ឋានគយ បានបន្តថា ចំនួននោះ បានថយចុះប្រមាណ៨,៩% បើធៀបទៅនឹងរយៈពេលដូចគ្នាក្នុងឆ្នាំ២០២០។ ចំណូលពន្ធគយទាំងនោះ គឺចំណូលពីយានយន្ត និងគ្រឿងចក្រមានចំនួន១ពាន់៩៨៥ប៊ីលាន៥០០លានរៀល ដែលគ្របដណ្ដប់៤២,៣% នៃចំណូលសរុប, ទំនិញចម្រុះចំនួន១ពាន់៣១៦ប៊ីលាន៣០០លានរៀល ត្រូវជា២៨%នៃចំណូលសរុប, ផលិតផលតេលសិលាមានចំនួន១ពាន់១០១ប៊ីលាន៩០០លានរៀល ស្មើនឹង២៣,៥%នៃចំណូលសរុប និងសម្ភារៈសំណង់និងកម្រៃផ្សេងៗមានចំនួន២៩២ប៊ីលាន២០០លានរៀល ស្មើនឹង៦,២%នៃចំនូលសរុប។ រីឯតួលេខនៃទំហំពាណិជ្ជកម្មអន្តរជាតិក្នុងឆមាសទី១ឆ្នាំ២០២១ កម្ពុជានាំចេញផលិតផលកាត់ដេរមានចំនួន៤ពាន់៧២១លាន៤សែនដុល្លារអាមេរិក ដែលកើនឡើងប្រមាណ៤០លាន១សែនដុល្លារ ឬស្មើនឹង០,៩% បើធៀបនឹងឆមាសទី១ឆ្នាំ២០២០។ ចំពោះការនាំចេញផលិតផលវិនិយោគមិនមែនកាត់ដេរ ដូចជា កង់ គ្រឿងបំណែកអេឡិចត្រូនិក បង្គុំ ខ្សែភ្លើង គ្រឿងបន្លាស់រថយន្ត អំពូលលម្អ កុងផ្លាកេ និងផលិតផលឧស្សាហកម្មផ្សេងៗទៀត មានចំនួន១ពាន់៨៩៩លាន៧សែនដុល្លារអាមេរិក ដែលកើនឡើងប្រមាណ៦៣២លាន៥សែនដុល្លារអាមេរិក ឬប្រមាណ៤៩,៩%បើធៀបទៅរយៈពេលដូចគ្នាក្នុងឆ្នាំ២០២១។ ចំពោះការនាំចេញផលិតផលកសិកម្មមានចំនួន១ពាន់៥៨០លាន៦សែនដុល្លារអាមេរិក ដែលកើនឡើងប្រមាណ៦១៧លាន៦សែនដុល្លារ ឬស្មើនឹង៦៤,១៣% បើធៀបនឹងរយៈពេលដូចគ្នាក្នុងឆ្នាំ២០២០។

ខេត្តកំពង់ឆ្នាំង ៖ ព្រឹកថ្ងៃទី 15 ខែកក្កដាឆ្នាំ 2021នេះ ក្នុងឱកាសដឹកនាំមន្ត្រីរាជការ ចុះត្រួតពិនិត្យ ការសាងសង់ និមិត្តសញ្ញាក្អមឆ្នាំង ផ្លូវវាងក្រុងកំពង់ឆ្នាំង និងដាំដើមឈើ លំអរតាមដងផ្លូវ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង មានប្រសាសន៍ថា ផ្លូវជាតិលេខ ៥ មានសារសំខាន់ខ្លាំងណាស់ ជាផ្លូវអាស៊ាន ដែលបានតភ្ជាប់ពីប្រទេសថៃឆ្ពោះទៅវៀតណាម និងប្រទេសចិនក្នុងនោះខេត្តកំពង់ឆ្នាំងក៏មានកំណាត់ផ្លូវប្រវែង ១៣៥គីឡូម៉ែត្រផងដែរ ។ ឯកឧត្តម អភិបាលខេត្តកំពង់ឆ្នាំង បានបញ្ជាក់ថា ពេលផ្លូវអាស៊ានសម្រេចរួចរាល់ជាស្ថាពរ ប្រទេសកម្ពុជាក៏នឹងមានសេដ្ឋកិច្ចកើនឡើងមួយកម្រិតថែមទៀត ដោយឡែកសម្រាប់ខេត្តកំពង់ឆ្នាំងក៍មានកំណាត់ផ្លូវប្រវែង ១៣៥គីឡូម៉ែត្រផងដែរ ដោយខាងកើតជាប់ព្រុំប្រទល់ ស្រុកឧត្តង្គ ខេត្តកំពង់ស្ពឺ និងខាងលិច ជាប់ស្រុកក្រគរ ខេត្តពោធិ៍សាត់ ។ ជាមួយគ្នានេះ ខេត្តកំពង់ឆ្នាំង ក៍មានចំណុចផ្លូវវាងក្រុង ៣កន្លែង គឺ ១. នៅព្រុំប្រទល់ស្រុកឧត្តង្គ ២.នៅចំណុចនិមិត្តសញ្ញាឆ្នាំង ក្នុងឃុំជ្រៃបាក់ ស្រុករលាប្អៀរ ដែលកំពុងសាងសង់ និង នៅចំណុច តាដឹកដៃយាយ ស្ថិតក្នុងភូមិខ្វិត…

ដីឥដ្ឋ : នៅព្រឹកថ្ងៃព្រហស្បតិ៍ ទី១៥ ខែកក្កដា ឆ្នាំ២០២១ ឯកឧត្តម ឧត្តមសេនីយ៍ឯក សាស្ត្រាចារ្យ អ៊ុន ចន្ថា អនុបណ្ឌិត្យសភានគរបាលកម្ពុជា បានដឹកនាំកិច្ចប្រជុំ ដើម្បីត្រួតពិនិត្យនិងកែសម្រួលខ្លឹមសារលើប្រធានបទស្តីពី «ស្ថាប័នពិសេសនៃប្រទេសនីមួយៗ» តាមប្រព័ន្ធអនឡាញ (កម្មវិធី Zoom) ដោយមានការចូលពីម្ចាស់សាមីអត្ថបទផ្ទាល់ ក្រុមការងារអក្សរសាស្ត្រខ្មែរ និងក្រុមការងារសម្របសម្រួលនិងរចនាព្រឹត្តិបត្រព័ត៌មាន សម្រាប់ចុះផ្សាយក្នុងព្រឹត្តិបត្រព័ត៌មានលេខ២ របស់បណ្ឌិត្យសភានគរបាលកម្ពុជា។

បាត់ដំបង៖ ភ្លៀងធ្លាក់ខ្លាំងយ៉ាងគំហុក បណ្តាលឲ្យមានជំនន់ទឹកភ្លៀងលិចលង់ផ្ទះ និងខូចខាតនូវសម្ភារមួយចំនួនរបស់ប្រជាពលរដ្ឋ ក្នុងភូមិសាស្ត្រចំណុចភូមិអូរធំ ឃុំភ្នំព្រឹក ជាង៤០គ្រួសារ និងភូមិអូរជ្រៃ ឃុំបារាំងធ្លាក់ ហើយប្រជាពលរដ្ឋ ត្រូវបានអាជ្ញាធរជន្លៀស ទៅកាន់ទីទួលសុវត្ថិភាពជាបណ្តោះអាសន្ន ។បើតាមលោក ហុង ឆេត មន្ត្រីគ្រោះមហន្តរាយខេត្តបាត់ដំបង បានឲ្យដឹងថា ជាលទ្ធផលតាមការពិនិត្យជាក់ស្តែង បញ្ហាទឹកជំនន់នេះ បានកើតឡើងបន្ទាប់ពីមានភ្លៀងធ្លាក់ខ្លាំង នៅក្នុងភូមិសាស្រ្តស្រុកភ្នំព្រឹក កាលពីពេលរសៀល ថ្ងៃទី១៤ ខែកក្កដា ឆ្នាំ២០២១ ហើយជំនន់ទឹកភ្លៀងនេះ ក៏បានបង្កផលប៉ះពាល់ជាបឋម ទៅដល់ពលរដ្ឋចំនួន៤០គ្រួសារ ។លោកបានបន្តថា លុះដល់នៅថ្ងៃទី១៥ ខែកក្កដា ជំនន់ទឹកភ្លៀងនេះ ក៏បានបន្តធ្លាក់រាយប៉ាយផ្នែកខាងក្រោម បង្កឲ្យប៉ះពាល់ដល់ផលដំណាំដាំដុះ ដូចជា ពោត ដំឡូង..។ល។ ព្រមទាំងហេដ្ឋារចនាសម្ព័ន្ធផ្លូវគ្រួសក្រហម ១ខ្សែរក្នុងឃុំបួរ ប្រវែងប្រមាណ ២ ៥០០ម៉ែត្រ ក្នុងនោះទឹកបានហូរច្រោះកាត់ដាច់ផ្លូវប្រវែងប្រមាណ ២៥០ម៉ែត្រ និងហូរកាត់ច្រោះបណ្តាលឲ្យខូចលូកាត់ផ្លូវចំនួន ២កន្លែង នៅចំណុចខាងលិចផ្សារបួរ ឃុំបួរ ស្រុកភ្នំព្រឹក ផងដែរ។លោក ហុង ឆេត បានបញ្ជាក់ថា ជាមួយគ្នានេះផងដែរ បងប្អូនប្រជាពលរដ្ឋ…

     ប្រភពពីអាជ្ញាធរ នៃ រដ្ឋបាលស្រុកភ្នំព្រឹក ខេត្តបាត់ដំបង បានឲ្យដឹងថា៖នៅល្ងាចថ្ងៃទី១៤ខែកក្កដាឆ្នាំ២០២១នេះ មានភ្លៀងធ្លាក់ខ្លាំងយ៉ាងគំហ៊ុកនៅក្នុងភូមិសាស្រ្តស្រុកភ្នំព្រឹករបស់ខ្លួន រហូតដល់យប់ និងបណ្តាលឲ្យមានទឹកជំនន់ទឹកភ្លៀង លិចលង់ផ្ទះ និងខូចខាតនូវសម្ភារៈមួយចំនួន របស់ប្រជាពលរដ្ឋ នៅក្នុងភូមិសាស្ត្រ ចំណុចភូមិអូរធំ ឃុំភ្នំព្រឹក ចំនួនប្រហែង៤០គ្រួសារ និងភូមិអូរជ្រៃ ឃុំបារាំងធ្លាក់ មួយចំនួនផងដែរ ហើយត្រូវបានក្រុមការងារស្រុក ឃុំ ភូមិ បានធ្វើការជន្លៀសមកកាន់ទីទួលសុវត្ត្ថិភាព ជាបណ្តោះអាសន្ន។      តាមការឲ្យដឹងពីលោក ហុង ឆេត មន្ត្រីនៃគ្រោះមហន្តរាយខេត្តបាត់ដំបង ដែលបានចុះទៅកាន់កន្លែងកើតហេតុ បានឲ្យដឹងថា៖ជាលទ្ធផលតាមការពិនិត្យជាក់ស្តែង និង សេចក្តីរាយការណ៍ ពីលោក សុង សុភ័ក្រ្ត អភិបាលស្រុកភ្នំព្រឹក និងពីអាជ្ញាធរក្នុងមូលដ្ឋានភូមិ-ឃុំបួរ ព្រមទាំងប្រជាពលរដ្ឋរស់នៅកន្លែងកើតហេតុបានឱ្យដឹងថាបញ្ហាទឹកជំនន់ បានកើតឡើងបន្ទាប់ពីមានភ្លៀងធ្លាក់ខ្លាំងនៅក្នុងភូមិសាស្រ្ត ស្រុកភ្នំព្រឹក កាលពីពេល រសៀល  ថ្ងៃទី១៤ ខែកក្កដា ឆ្នាំ២០២១ ម្សិលម៉ិញនេះ។      ហើយជំនន់ទឹកភ្លៀងនេះ ក៏បានបង្កផលប៉ះពាល់ជាបឋម ទៅដល់ជីវភាពរស់នៅរបស់ប្រជាពលរដ្ឋចំនួន៤០គ្រួសារនៅក្នុងឃុំចំនួន២គឺៈឃុំភ្នំព្រឹក និងឃុំបារាំងធ្លាក់។       មន្ត្រីគ្រោះមហន្តរាយសាលាខេត្ត ក៏បានឲ្យដឹងបន្ថែមថា៖…

រាជធានីភ្នំពេញ៖ នាយកដ្ឋានផែនការបានរៀបចំសិក្ខាសាលាពិគ្រោះយោបល់ស្ដីពី ”ការពិនិត្យឡើងវិញពាក់កណ្ដាលអាណត្តិនៃការអនុវត្តផែនការយុទ្ធសាស្ត្រវិស័យអប់រំ ២០១៩-២០២៣ សម្រាប់អនុវិស័យការអប់រំបឋមសិក្សា” ក្រោមអធិបតីភាព ឯកឧត្តមបណ្ឌិត្យសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា និងមានការចូលរួមពី ឯកឧត្តម លោកជំទាវ អនុរដ្ឋលេខាធិការ អគ្គនាយក អគ្គនាយករងទទួលបន្ទុកអនុវិស័យបឋមសិក្សា លោក លោកស្រី ប្រធាន អនុប្រធាននាយកដ្ឋាន នាយកដ្ឋានគាំទ្រ ដៃគូអភិវឌ្ឍន៍ និងមន្រ្តីជំនាញ សរុបចំនួន ៦៤ នាក់ ស្រី ១០ នាក់។ ក្នុងគោលបំណងការពិនិត្យឡើងវិញពាក់កណ្តាលអាណត្តិនេះ គឺដើម្បីវាយតម្លៃអំពីវឌ្ឍនភាព ប្រសិទ្ធភាព ភាពស័ក្តសិទ្ធិ ក្នុងការគ្រប់គ្រងសេវាអប់រំនៅគ្រប់កម្រិតសិក្សា ដើម្បីទទួលបានសេវាអប់រំប្រកបដោយសមធម៌ ជាពិសេសក្នុងបរិបទនៃការរីករាលដាលនៃជំងឺកូវីដ-១៩។ ១. វាយតម្លៃអំពីវឌ្ឍនភាពនៃការអនុវត្តផែនការយុទ្ធសាស្រ្ត២០១៩-២០២៣ រយៈពេលពីរឆ្នាំកន្លងមក២. វាយតម្លៃអំពីប្រសិទ្ធភាព ភាពស័ក្តសិទ្ធិ និងភាពពាក់ព័ន្ធ នៃការអនុវត្តយុទ្ធសាស្រ្តកំណែទម្រង់ ដើម្បីឆ្លុះបញ្ចាំងអំពីការអនុវត្តផែនការយុទ្ធសាស្រ្តវិស័យអប់រំ៣. កែសម្រួល អាទិភាព យុទ្ធសាស្រ្ត សូចនាករ និងចំណុចដៅ ឱ្យស្របទៅនឹងតម្រូវការអប់រំក្នុងបរិបទនៃការរីករាលដាលនៃជំងឺកូវីដ-១៩៤. ធ្វើបច្ចុប្បន្នកម្មផែនការហិរញ្ញប្បទានសម្រាប់អនុវត្តផែនការយុទ្ធសាស្រ្តឱ្យស្របទៅនឹងក្របខណ្ឌម៉ាក្រូសេដ្ឋកិច្ច។ អនុសាសន៍ចូលរួមរបស់ឯកឧត្តមបណ្ឌិតសភាចារ្យរដ្ឋលេខាធិការក្នុងសិក្ខាសាលាពិគ្រោះយោបល់រួមមាន៖១. ធ្វើសុខុដុមនីយ៍កម្ម…

ហ៊ីម រដ្ឋា គណៈរដ្ឋមន្ត្រី​ថៃ​បាន​អនុម័ត​កញ្ចប់​ជំនួយ​សាច់​ប្រាក់​សរុប ៤២ពាន់​លាន​បាត ឬ ប្រហាក់​ប្រហែល​នឹង ១,៣ពាន់​លាន​ដុល្លារ សម្រាប់​អ្នក​​ទទួល​ផល​​ប៉ះ​ពាល់​ដោយ​វិធានការ​បិទ​ខ្ទប់​នៅ​ខេត្ត-ក្រុង​តំបន់​ក្រហម​ចំនួន ១០ និង​អ្នក​ធ្វើ​ការ​ក្នុង​វិស័យ​ចំនួន ៩។ នេះ​បើ​តាម​ការ​លើក​ឡើង​របស់​អ្នក​នាំ​ពាក្យ​រាជរដ្ឋាភិបាល​ថៃ​លោក Anucha Burapachaisri កាល​ពី​ថ្ងៃ​អង្គារ​កន្លង​ទៅ។ ក្នុង​ខេត្ត​ចំនួន ១០ ភាគ​ច្រើន​ជា​តំបន់​នៅ​ក្បែរ​រាជធានី​បាងកក និង​ខេត្ត​ភាគ​ខាង​ត្បូង​ចំនួន ៤ ដែល​ជាប់​នឹង​ព្រំដែន​ម៉ាឡេស៊ី។ ចំណែក​ឯ​វិស័យ​ទាំង ៩ នោះ​រាប់​បញ្ចូល​ទាំង វិស័យ​សំណង់ បដិសណ្ឋារកិច្ច និង​សេវាកម្ម​ម្ហូប​អាហារ វិស័យ​សិល្បៈ កម្មករ​បម្រើ​ការ​នៅ​ក្នុង​សេវាកម្ម​កម្សាន្ត វិស័យ​ដឹកជញ្ជូន និង​ស្តុក​ទុក​ទំនិញ អាជីវកម្ម​បោះដុំ វិស័យ​រដ្ឋបាល, សកម្មភាព​វិទ្យាសាស្ត្រ និង​ការ​សិក្សា ព្រម​ទាំង​ ព័ត៌មាន​ និង​ការ​ទំនាក់ទំនង។ អ្នក​ដែល​ធ្វើ​ការ​នៅ​ក្នុង​វិស័យ​នោះ​នឹង​ទទួល​បាន​ទឹកប្រាក់​ចំនួន ១៥៣ដុល្លារ​អាមេរិក ខណៈ​ខាង​ក្រុមហ៊ុន​ដែល​មាន​បុគ្គលិក​ដល់​ ២០០នាក់​នឹង​ទទួល​បាន​ប្រមាណ ៩១ដុល្លារ​ក្នុង​ម្នាក់ៗ។ ចំណោម ១,៣ពាន់​លាន​ដុល្លារ​នោះ​ កញ្ចប់​ថវិកា​ចំនួន​ប្រមាណ ៩២០លាន​ដុល្លារ​នឹង​បែងចែក​សម្រាប់​ជំនួយ​សាច់​ប្រាក់​ដល់​បុគ្គលិក និង​ក្រុមហ៊ុន ខណៈ​ក្បែរ ៤០០លាន​ដុល្លារ​ទៀត​ជា​ថ្លៃ​ដែល​រដ្ឋ​ចេញ​លើ​ទឹក​-ភ្លើង​ឲ្យ​ក្រុមហ៊ុន៕ ប្រភព៖ Cabinet approves B42bn lockdown…