ក្រសួងមហាផ្ទៃ បានសម្រេចអនុញ្ញាតឲ្យបង្កើត គណបក្សបេះដូងជាតិ ដែលសរសេរជាអក្សរកាត់ «គ.ប.ជ» ដោយមានអាសយដ្ឋាន នៃទីស្នាក់ការកណ្ដាល ស្ថិតនៅផ្ទះលេខ២០៩ជ ផ្លូវបេតុងថ្មី ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។ គួរបញ្ជាក់ថា ដើម្បីទទួលបានសុពលភាព និងអាចធ្វើសកម្មភាពបានដោយស្របច្បាប់ក្នុងឋានៈជានីតិបុគ្គល នៅក្នុងរយៈពេល១៨០ថ្ងៃ បន្ទាប់ពីបានបង្កើតរួចហើយ គណបក្សបេះដូងជាតិ ត្រូវរៀបចំបែបបទ និងបំពេញលក្ខខណ្ឌស្នើសុំចុះបញ្ជីនៅក្រសួងមហាផ្ទៃ ស្របតាមកថាខណ្ឌទី២ មាត្រា៩ មាត្រា១៨ថ្មី មាត្រា១៩ថ្មី និងមាត្រា២០ នៃច្បាប់ស្ដីពីគណបក្សនយោបាយ៕ដោយ -រ៉ាវុធ

ក្នុងអំឡុងរបបខ្មែរក្រហម វត្ដស្វាយស ជាច្រើននៅទូទាំងខេត្ដសៀមរាប ត្រូវបានប្រែក្លាយទៅជាមន្ទីរសន្ដិសុខ។ ខ្មែរក្រហម ត្រូវការជាចាំបាច់នូវទីតាំងទាំងអស់នេះ នៅតាមតំបន់នីមួយៗ សម្រាប់ទុកធ្វើជាទីឃុំឃាំង ធ្វើទារុណកម្ម ឬសម្លាប់នូវរាល់ជនទាំងឡាយណាដែលត្រូវបានចោទប្រកាន់ថាក្បត់ទៅនឹងអង្កការ។ ខាងក្រោមនេះគឺជារូបភាពនៃមន្ទីរសន្ដិសុខ វត្ដស្វាយស។ #ក្អែកខ្មៅ #KhmerRouge #កម្ពុជាប្រជាធិបតេយ្យ #វត្ដស្វាយសFacebook Page: Black-Crow Telegram Channel

ដីឥដ្ឋ៖ វិទ្យាស្ថានស្រាវជ្រាវវិទ្យាសាស្ត្រនគរបាលនៃបណ្ឌិត្យសភានគរបាលកម្ពុជា បានបើកកិច្ចប្រជុំឆ្លងសេចក្តីព្រាងរបាយការណ៍បូកសរុបលទ្ធផលការងារប្រចាំខែមិថុនា ត្រីមាសទី២ ឆមាសទី១ និងការអនុវត្តផែនការសកម្មភាពប្រចាំឆមាសទី១ ឆ្នាំ២០២១របស់វិទ្យាស្ថាន ក្រោមវត្តមាន លោកឧត្តមសេនីយ៍ទោ សាស្ត្រាចារ្យរង សេន សត្យា នាយកវិទ្យាស្ថានស្រាវជ្រាវវិទ្យាសាស្ត្រនគរបាល ដោយមានការអញ្ជើញចូលរួមពីលោកលោកស្រី ជានាយករង នាយការិយាល័យ និងមន្ត្រីនៃវិទ្យាស្ថានមួយចំនួនទៀតនៅថ្ងៃ ទី២១ ខែធ្នូឆ្នាំ២០២១ ។ នៅក្នុងកិច្ចប្រជុំនោះ លោកឧត្តមសេនីយ៍ទោសាស្ត្រាចារ្យរង ប្រធានអង្គប្រជុំមានមតិស្វាគមន៍ដល់សមាជិកនៃអង្គប្រជុំ បន្ទាប់មកបាននាយការិយាល័យនីមួយៗ រាយការណ៍អំពីរបាយការណ៍បូកសរុបលទ្ធផលការងារប្រចាំខែមិថុនា ត្រីមាសទី២ ឆមាសទី១ និងការអនុវត្តផែនការសកម្មភាពប្រចាំឆមាសទី១ ឆ្នាំ២០២១ របស់ខ្លួន ដើម្បីត្រួតពិនិត្យ។ ជាបន្តទៀត លោកប្រធានអង្គប្រជុំ បានឱ្យសមាជិក សមាជិកា ពិនិត្យកែសម្រួលខ្លឹមសារមួយចំនួន ក្នុងសេចក្តីព្រាងរបាយការណ៍បូកសរុបលទ្ធផលការងាររបស់វិទ្យាស្ថាន។ ជាលទ្ធផលអង្គប្រជុំបានឯកភាពលើខ្លឹមសារដែលបានកែសម្រួលរួចនិងណែនាំដាក់ចេញនូវទិសដៅបន្តដូចខាងក្រោម៖-ស្នើឱ្យនាយការិយាល័យនីមួយៗពិនិត្យ អនុវត្តកម្មវិធីការងារប្រចាំខែ ដោយផ្អែកលើផែនការសកម្មភាពប្រចាំឆ្នាំ២០២១-ជំរុញការពង្រឹងវិន័យការងារ ថែរក្សាសុខភាពឱ្យបានល្អ ជាពិសេស៣កុំ ៣ការពារ និងមានសាមគ្គីភាពផ្ទៃក្នុងល្អ។ជាទីបញ្ចប់ លោកឧត្តមសេនីយ៍ទោ បានថ្លែងអំណរគុណដល់ថ្នាក់ដឹកនាំនិងមន្ត្រីនៃវិទ្យាស្ថានដែលបានខិតខំប្រឹងប្រែងបំពេញការងារបានល្អប្រសើរ៕ដោយ-រ៉ាវុធ

ភ្នំពេញ ៖ ក្មេងប្រុសអាយុ៣ខួបម្នាក់បានដាំក្បាលចូលទឹកពាងលង់ស្លាប់ បង្កការភ្ញាក់ផ្អេីលដល់អ្នកជិតខាង និងសមត្ថកិច្ចកាលពីវេលាម៉ោង៥ល្ងាច ថ្ងៃទី២១ ខែមិថុនា ឆ្នាំ ២០២១ ស្ថិតក្នុងភូមិជេីងឯក សង្កាត់ជេីងឯក ខណ្ឌដង្កោ រាជធានីភ្នំពេញ ។សពក្មេងប្រុសមានឈ្មោះ សុខ វុធី អាយុ៣ឆ្នាំ រស់នៅជាមួយម្ដាយឈ្មោះ ជាង អេម អាយុ២៥ឆ្នាំ និងឪពុកឈ្មោះ ហុក សុក អាយុ២៨ឆ្នាំ ។

ដើម្បីជ្រាបច្បាស់សូមតាមដានស្តាប់ទាំងអស់គ្នា។ #ក្អែកខ្មៅ #BlackCrow #យៀកកុង #ប្រវត្ដិសាស្រ្ដកម្ពុជាFacebook Page: Black-Crow Telegram Channel

មេដឹកនាំខ្មែរមានពិសោធន៍គ្រប់គ្រាន់ក្នុងការកាច់ចង្កូតនាវាកម្ពុជា ទោះក្នុងបរិបទពិភពលោក បែបណាក៏ដោយ៖

ការជំរុញរបស់រដ្ឋមន្ត្រីក្រសួងសាធារណការ និងដឹកជញ្ជូនលោកទេសរដ្ឋមន្ត្រី ស៊ុន ចាន់ថុល បានធ្វើឡើងនៅព្រឹកថ្ងៃទី២១មិថុនានេះ ក្នុងឳកាសដែលលោក រួមនឹងលោកស្រី និន សាផុន ប្រធានគណៈកម្មការទី៩ ដឹកនាំគណៈប្រតិភូចំរុះចុះបំពេញបេសកកម្មពិនិត្យមើលសកម្មភាព និងវឌ្ឍនភាពសាងសង់ផ្លូវ ល្បឿនលឿន ភ្នំពេញ-ក្រុងព្រះសីហនុ។ គម្រោងផ្លូវល្បឿនលឿន-ភ្នំពេញព្រះសីហនុ មានប្រវែង ១៩០គីឡូម៉ែត្រ ដែលបានបើកការដ្ឋានសាងសង់ កាលពីខែកក្កដា ឆ្នាំ២០១៩ ហើយគ្រោងនឹងបញ្ចប់នៅថ្ងៃទី៣១ឧសភា ឆ្នាំ២០២៣។ ផ្លូវនោះតភ្ជាប់ពីភូមិ ១ សង្កាត់ សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ។ គម្រោងស្ថាបនាផ្លូវនោះ សម្រេចបាន ៥៥,០៥% គិតត្រឹមថ្ងៃទី១១ ខែមិថុនា ឆ្នាំ២០២១។ រដ្ឋមន្ត្រីក្រសួងសាធារណការ និងដឹកជញ្ជូន លោកទេសរដ្ឋមន្ត្រី ស៊ុន ចាន់ថុល បានជំរុញឲ្យក្រុមហ៊ុនពន្លឿនការសាងសង់ឲ្យបញ្ចប់បានមុនផែនការ អាចនឹងរួចរាល់នៅខែកញ្ញាឆ្នាំ២០២២។ ក្នុងឳកាសចុះពិនិត្យនោះ ប្រធានគណៈកម្មការទី៩នៃរដ្ឋសភា លោកស្រី និន សាផុន បានថ្លែងកោតសរសើរ ចំពោះរាជរដ្ឋាភិបាលកម្ពុជា ដែលខិតខំធ្វើឲ្យមានគម្រោងសាងសង់ផ្លូវល្បឿនលឿន-ភ្នំពេញព្រះសីហនុ ដែលជាគម្រោងផ្លូវល្បឿនលឿនទី១ និងជាគម្រោងផ្លូវ របៀងយុទ្ធសាស្ត្រសំខាន់បំផុតនៅកម្ពុជា…

យោងតាមសេចក្ដីប្រកាសព័ត៌មានរបស់ក្រសួងការបរទេសនៅថ្ងៃទី២១មិថុនាឆ្នាំ២០២១ បានឲ្យដឹងថា លោកឧបនាយករដ្ឋមន្ត្រីប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ គ្រោងនឹងអញ្ជើញចូលរួមសន្និសីទជាន់ខ្ពស់អាស៊ី-ប៉ាស៊ីហ្វិក ស្តីពីកិច្ចសហប្រតិបត្តិការខ្សែក្រវាត់ និងផ្លូវ ដែលនឹងប្រព្រឹត្តទៅតាមប្រព័ន្ធវីដេអូ នៅថ្ងៃទី២៣ មិថុនា ឆ្នាំ ២០២១ នៅទីក្រុងប៉េកាំង សាធារណរដ្ឋប្រជាមានិតចិន។ ក្រសួងការបរទេសបានបន្តថា លោកវ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសចិន គ្រោងនឹងធ្វើជាប្រធានដឹកនាំសន្និសីទ ដោយមានាករចូលរួមពីរដ្ឋមន្ត្រីការបរទេសមកពីបណ្ដាប្រទេសដៃគូនៃកិច្ចសហប្រតិបត្តិការខ្សែក្រវាត់ និងផ្លូវ និងតំណាងជាន់ខ្ពស់របស់អង្គការសហប្រជាជាតិ។ សន្និសីទនោះគ្រោងនឹងពិភាក្សា ព្រមទាំងផ្លាស់ប្ដូរយោបល់រិះរកមធ្យោបាយ ដើម្បីពង្រឹងកិច្ចខិតខំប្រឹងប្រែងរួមគ្នាបន្ថែមទៀតក្នុងការប្រយុទ្ធប្រឆាំងជំងឺកូវីដ-១៩ និងដើម្បីសម្រេចបាននូវការស្ដារសេដ្ឋកិច្ចសង្គមឡើងវិញ ព្រមទាំងលើកកម្ពស់ភាពជាដៃគូសម្រាប់អភិវឌ្ឍប្រកបដោយចីរភាព និងបរិយាបន្ន័។ ក្នុងសន្និសីទនោះ លោកឧបនាយករដ្ឋមន្ត្រី ប្រាក់ សុខុន គ្រោងនឹងថ្លែងបទអន្តរាគមន៍ ដោយផ្ដោតលើទិដ្ឋភាពសំខាន់ៗ រួមមាន ការលើកកម្ពស់ពហុភាគីនិយមដែលបើកចំហរ និងប្រកបដោយបរិយាបន្ន័ ការជំរុញភាពជាដៃគូ និងកិច្ចសហប្រតិបត្តិការអន្តរជាតិសំដៅធានានូវការទទួលបានវ៉ាក់សាំងការពារជំងឺកូវីដ-១៩ ប្រកបដោយសមធម៌សម្រាប់សកលលោក និងការស្ដារសេដ្ឋកិច្ច សង្គមប្រកបដោយចីរភាព។