ការបញ្ជាក់របស់ អគ្គនាយកអន្តោប្រវេសន៍នាយឧត្តមសេនីយ៍ គៀត ច័ន្ទថារិទ្ធ បានធ្វើឡើងថា ក្នុងឳកាសដែលលោកអនុញ្ញាតឲ្យឯកអគ្គរដ្ឋទូតសាធារណរដ្ឋសង្គមនិយមវៀតណាម ប្រចាំកម្ពុជាលោក Vu Quang Minh ចូលជួបពិភាក្សាការងារ នៅអគ្គនាយកដ្ឋានអន្តោប្រវេសន៍កម្ពុជានៅរសៀលថ្ងៃទី១៧មិថុនាឆ្នាំ២០២១។ ក្នុងជំនួបនឡ លោកឯកអគ្គរដ្ឋទូត Vu Quang Minh បានថ្លែងអំណរគុណចំពោះកិច្ចខិតខំប្រឹងប្រែង របស់អគ្គនាយកដ្ឋានអន្តោប្រវេសន៍ លើការងារគ្រប់គ្រងជនបរទេស ជាពិសេសប្រជាជនវៀតណាម ដែលកំពុងស្នាក់នៅក្នុងប្រទេសកម្ពុជានាពេលកន្លងមក ក្នុងនោះរួមមានៈ ការងារជំរឿនស្ថិតិជនបរទេស, ការទទួលពាក្យស្នើសុំ និងផ្តល់ប័ណ្ណស្នាក់នៅអចិន្រ្តៃយ៍ដល់ជនបរទេស និងការអនុវត្តច្បាប់អន្តោប្រវេសន៍ ជាដើម។ ទន្ទឹមនឹងនោះ ឯកអគ្គរដ្ឋទូតវៀតណាម ក៏បានលើកឡើងអំពីបញ្ហាប្រឈមមួយចំនួន ពាក់ព័ន្ធនឹងសិទ្ធិ និងប្រសិទ្ធភាពនៃការប្រើប្រាស់ប័ណ្ណស្នាក់នៅអចិន្រ្តៃយ៍ នៅក្នុងជីវភាពរស់នៅប្រចាំថ្ងៃ របស់ប្រជាជនវៀតណាមនៅរាជធានីភ្នំពេញ និងតាមបណ្តាខេត្តផងដែរ។ ជាការឆ្លើយតប នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានបញ្ជាក់ថា នឹងធ្វើការសម្របសម្រួលបន្ថែមទៀត លើការងារផ្សព្វផ្សាយបទបញ្ញត្តិ ស្តីពីសិទ្ធិក្នុងការប្រើប្រាស់ប័ណ្ណស្នាក់នៅអចិន្រ្តៃយ៍ សម្រាប់ជនបរទេសនៅក្នុងប្រទេសកម្ពុជា ដល់អាជ្ញាធរមូលដ្ឋានតាមរាជធានី ខេត្ត ដើម្បីឲ្យមានការយល់ដឹង និងអនុវត្តត្រឹមត្រូវឈរលើមូលដ្ឋានច្បាប់។ ចំពោះជនជាតិវៀតណាមដែលរស់នៅខុសច្បាប់ ក្នុងប្រទេសកម្ពុជា នាយឧត្តមសេនីយ៍ អគ្គនាយកអន្តោប្រវេសន៍ ក៏បានស្នើឲ្យលោកឯកអគ្គរដ្ឋទូតសាធារណរដ្ឋសង្គមនិយមវៀតណាម…

នារសៀលថ្ងៃទី១៧ ខែមិថុនា ឆ្នាំ២០២១ ក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយអន្តរសភាកម្ពុជា-ឡាវ និងវៀតណាម (CLV) ដឹកនាំដោយលោកជំទាវ មាន សំអាន ជាប្រធានក្រុម និងជាប្រធានគណៈកម្មការទី៨ព្រឹទ្ធសភា បានអញ្ជើញចូលរួមក្នុងកិច្ចប្រជុំត្រៀមរៀបចំសន្និសីទលើកទី៨នៃគណៈកម្មការកិច្ចការបរទេសនៃអន្តរសភាកម្ពុជា-ឡាវ និងវៀតណាម (CLV) ក្រោមអធិបតីភាពឯកឧត្តម ឈាវ វុន ប្រធានគណៈកម្មការទី៥ រដ្ឋសភា តាមរយៈប្រព័ន្ធវីដេអូ នៅសាលសិក្ខាសាលាបណ្ណាល័យវិមានព្រឹទ្ធសភា។ កិច្ចប្រជុំនេះដំណើរការដោយមានរបៀបវារៈដូចខាងក្រោម៖១-មតិស្វាគមន៍ឯកឧត្តមប្រធានអង្គប្រជុំ។២-ពិភាក្សាអំពីកាលបរិច្ឆេទ ទីកន្លែង ប្រធានបទ និងទម្រង់សន្និសីទលើកទី៨។៣-បញ្ហាផ្សេងៗ។៤-មតិបូកសរុបរបស់ឯកឧត្តមប្រធានអង្គប្រជុំ។សូមជម្រាបថា សភាកម្ពុជានឹងធ្វើជាម្ចាស់ផ្ទះនៃសន្និសីទលើកទី៨នេះ ពីថ្ងៃទី២៤-២៥ ខែកញ្ញា ឆ្នាំ២០២១ នាពេលខាងមុខនេះ។

ភ្នំពេញ ៖ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ តំណាងកម្ពុជា នៅព្រឹកថ្ងៃទី ១៧ មិថុនា ២០២១ បានអញ្ជើញចូលរួមកិច្ចប្រជុំក្រៅផ្លូវការលើកទី១១ រដ្ឋមន្ត្រីអាស៊ាន ផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន.) នៅថ្ងៃទី១៧ ខែមិថុនា ឆ្នាំ២០២១ តាមប្រព័ន្ធវីដេអូ ដែលដឹកនាំដោយ ឯកឧត្តម Anek Laothamatas រដ្ឋមន្ត្រីក្រសួងឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍ នៃព្រះរាជាណាចក្រថៃ។ រដ្ឋមន្ត្រីអាស៊ានផ្នែក វ.ប.ន. បានផ្លាស់ប្តូរទស្សនៈលើផលប៉ះពាល់ដ៏ធ្ងន់ធ្ងរនៃជំងឺកូវីដ១៩ និងបានបញ្ជាក់អំពីសារៈសំខាន់នៃកិច្ចសហការក្នុងតំបន់និងតួនាទីដ៏សំខាន់របស់ វ.ប.ន. ក្នុងការស្តារឡើងវិញនូវសេដ្ឋកិច្ច។ ដើម្បីបង្កើននូវភាពប្រកួតប្រជែងរបស់អាស៊ាន ក្នុងដំណាក់កាលក្រោយកូវីដ១៩ អង្គប្រជុំបានឯកភាពលើការកសាងនូវផែនការតំបន់មួយសម្រាប់ប្រព័ន្ធអេកូឡូស៊ីអាស៊ានផ្នែក វ.ប.ន.។ អង្គប្រជុំក៏បានគូសបញ្ជាក់អំពីសារៈសំខាន់សម្រាប់កិច្ចសហការលើការសិក្សាស្រាវជ្រាវអំពីជំងឺកូវីដ ១៩ និង វ.ប.ន. លើបរិវត្តកម្មឧស្សាហកម្មនិងមូលដ្ឋានគ្រឹះសម្រាប់អនាគត។ រដ្ឋមន្ត្រីអាស៊ានផ្នែក វ.ប.ន. ក៏បានឯកភាពកំណត់អាទិភាពសម្រាប់ឆ្នាំ២០២១ លើវិស័យ វ.ប.ន. មួយចំនួនដូចខាងក្រោម៖១.…

សេចក្តីប្រកាសព័ត៌មាន ស្តីពីករណីរកឃើញវិជ្ជមានកូវីដ-១៩ ចំនួន ៦០នាក់ ក្នុងនោះ ស្រុកបាធាយ ០៥នាក់, ស្រុកស្រីសន្ធរ ០៦នាក់ ស្រុកស្ទឹងត្រង់ ០១នាក់, ស្រុកព្រៃឈរ ១១នាក់, ស្រុកជើងព្រៃ ៣៣នាក់, ស្រុកចំការលើ ០១នាក់, ក្រុងកំពង់ចាម ០២នាក់ មកពីខេត្តត្បូងឃ្មុំ ០១នាក់ និងករណីជាសះស្បើយចំនួន ២៣នាក់ ក្នុងថ្ងៃទី១៦ ខែមិថុនា ឆ្នាំ២០២១។

សេចក្តីប្រកាសព័ត៌មាន រដ្ឋបាលខេត្ត ស្តីពីករណីស្លាប់របស់បុរសជនជាតិខ្មែរ អាយុ ៤៧ឆ្នាំ នៅភូមិព្រៃទទឹង ឃុំជ្រៃវៀន ស្រុកព្រៃឈរ ខេត្តកំពង់ចាម ដោយសារជំងឺកូវីដ-១៩។