កណ្តាល ៖ លោក នុត ពុធដារ៉ា អភិបាលរងខេត្តកណ្តាល រួមជាមួយលោកប្រធាន អនុប្រធានមន្ទីរ អង្គភាព គណៈអភិបាលស្រុក ប្រធានក្រុមប្រឹក្សាស្រុក រួមនិងមន្ត្រីពាក់ព័ន្ធ នៅថ្ងៃទី១៤ ខែមិថុនា ឆ្នាំ២០២១ បានចុះពិនិត្យដំណើរការយុទ្ធនាការ ចាក់វ៉ាក់សាំងកូវីដ-១៩ នៅក្នុងស្រុកខ្សាច់កណ្តាល ព្រមទាំងចុះពិនិត្យទីតាំងរៀបចំជាកន្លែងព្យាបាល អ្នកវិជ្ជមានកូវីដ-១៩ សម្រាប់ប្រជាពលរដ្ឋក្នុងស្រុកខ្សាច់កណ្តាល ស្ថិតនៅវិទ្យាល័យ ហ៊ុន សែន ខ្សាច់កណ្តាល ។

សូមទស្សនា​ កម្មវិធីភូមិសាស្រ្តនយោបាយ ប្រធានបទ៖ ការប្រជុំកំពូលមេដឹកនាំក្រុម G7 14-06-2021

ប្រភព៖ សាយ សំអាល់ – Say Samal

សេចក្តីប្រកាសព័ត៌មានរបស់រដ្ឋបាលខេត្ត ស្តីពីករណីរកឃើញវិជ្ជមានកូវីដ-១៩ ចំនួន ១៩នាក់ ក្នុងនោះ ស្រុកកោះសូទិន ០១នាក់, ក្រុងកំពង់ចាម ០២នាក់, ស្រុកស្រីសន្ធរ ០៥នាក់, ស្រុកជើងព្រៃ ០៥នាក់, ស្រុកចំការលើ ០៦នាក់ និងករណីជាសះស្បើយចំនួន ២៧នាក់ ក្នុងថ្ងៃទី១៣ ខែមិថុនា ឆ្នាំ២០២១។

លោកឧត្តមសេនីយ៍ត្រី ច័ន្ទ សុខុន មេបញ្ជាការកងពលតូចអន្តរាគមន៍លេខ៨ កាលពីថ្ងៃទី១៤ ខែមិថុនា ឆ្នាំ២០២១ បានចុះពិនិត្យមើលទំនប់ទប់ទឹក និងការដាំដុះដំណាំផ្សេងៗ របស់បងប្អូនកងទ័ពដែលកំពុងឈរជើង នៅតាមបណ្តោយព្រំដែនរវាងកម្ពុជា និងថៃ នៃទិសទី១ប្រាសាទព្រះវិហារ។ លោកមេបញ្ជាការ ថ្លែងថា ក្រៅពីភារកិច្ចស្នូល នៅក្នុងកាតព្វកិច្ចការពារជាតិមាតុភូមិ និងរក្សាភាពសុខសាន្តជូនប្រជាពលរដ្ឋហើយនោះ បងប្អូនកងទ័ព ក៏បាននិងកំពុងយកចិត្តទុកដាក់ខ្ពស់ ចំពោះការបង្កបង្កើនផលដាំដុះបន្លែចម្រុះ ចិញ្ចឹមសត្វ ជាលក្ខណៈអង្គភាព និងនៅតាមផ្ទះបងប្អូនគ្រួសារកងទ័ព។ បន្ថែមពីនោះ អង្គភាពបានដាក់ចេញទិសដៅប្រឡងប្រណាំង ទៅលើការកសាងជួសជុល សំណង់អគារ ផ្ទះស្នាក់នៅបន្ថែម លើការងារអភិវឌ្ឍន៍អង្គភាព និងការងារបង្កបង្កើនផល ចិញ្ចឹមសត្វ ដើម្បីជួយទ្រទ្រង់ជីវភាពរស់នៅរបស់កងទ័ព និងគ្រួសារទ័ព។ សូមបញ្ជាក់ថា នៅថ្ងៃទី១៤ ខែមិថុនា លោកឧត្តមសេនីយ៍ត្រី ច័ន្ទ សុខុន បានអញ្ជើញចូលរួមអបអរសាទរចំពោះ ការវិលត្រលប់មកកាន់លំនៅដ្ឋានរបស់បងប្អូនពលរដ្ឋ ដែលពាក់ព័ន្ធនិងអ្នកផ្ទុកជំងឺកូវីត-១៩ ដែលអង្គភាពកងពលតូចអន្តរាគមន៍លេខ៨ ទទួលយកដើម្បីធ្វើចត្តាឡីស័កអស់រយៈពេល១៤ថ្ងៃ ពីមណ្ឌលចត្តាឡីស័កកម្រិត១ ស្រុកជាំក្សាន្ត ថ្ងៃនេះត្រូវបានក្រុមការងារសុខាភិបាល នៃមណ្ឌលចត្តាឡីស័កកម្រិត១ ស្រុកជាំក្សាន្ត និងក្រុមការងារសុខាភិបាលកងពល អនុញ្ញាតឲ្យពួកគាត់វិលត្រឡប់ទៅកាន់លំនៅដ្ឋានវិញ ដោយសារពួកគាត់ទាំង១៧នាក់នេះ មិនមានរោគសញ្ញាវីរុស covid-19ឡើយ។…

ព្រះវិហារ ៖ នៅថ្ងៃទី១៤ ខែមិថុនា ឆ្នាំ២០២១នេះ លោកឧត្តមសេនីយ៍ត្រី ច័ន្ទ សុខុន មេបញ្ជាការកងពលតូចអន្តរាគមន៍លេខ៨ អមដំណើរដោយក្រុមការងារ ចុះពិនិត្យមើលទំនប់ទប់ទឹក និងការដាំដុះដំណាំផ្សេងៗ របស់បងប្អូនកងទ័ពដែលកំពុងឈរជើង នៅតាមបណ្តោយព្រំដែនរវាងកម្ពុជា និងថៃ នៃទិសទី១ប្រាសាទព្រះវិហារ។ លោកមេបញ្ជាការ ថ្លែងថា ក្រៅពីភារកិច្ចស្នូល នៅក្នុងកាតព្វកិច្ចការពារជាតិមាតុភូមិ និងរក្សាភាពសុខសាន្តជូនប្រជាពលរដ្ឋហើយនោះ បងប្អូនកងទ័ព ក៏បាននិងកំពុងយកចិត្តទុកដាក់ខ្ពស់ ចំពោះការបង្កបង្កើនផលដាំដុះបន្លែចម្រុះ ចិញ្ចឹមសត្វ ជាលក្ខណៈអង្គភាព និងនៅតាមផ្ទះបងប្អូនគ្រួសារកងទ័ព។ បន្ថែមពីនោះ អង្គភាពបានដាក់ចេញទិសដៅប្រឡងប្រណាំង ទៅលើការកសាងជួសជុល សំណង់អគារ ផ្ទះស្នាក់នៅបន្ថែម លើការងារអភិវឌ្ឍន៍អង្គភាព និងការងារបង្កបង្កើនផល ចិញ្ចឹមសត្វ ដើម្បីជួយទ្រទ្រង់ជីវភាពរស់នៅរបស់កងទ័ព និងគ្រួសារទ័ព។ ក្រោមការយកចិត្តទុក្ខដាក់ និងការណែនាំ របស់ ឯកឧត្តម មេបញ្ជាការកងទ័ពជើងគោក និងការដឹកនាំបញ្ជាផ្ទាល់ពី ឯកឧត្តម មេបញ្ជាការកងពលធំលេខ៣ និងបទបញ្ជាផ្ទៃក្នុងអង្គភាពធ្វើឲ្យអង្គភាពចំណុះទាំង៥ បាននិងកំពុងខិតខំយកចិត្តទុកដាក់ខ្ពស់លើការងារកសាងជុំរុំជម្រកស្នាក់នៅ របស់បងប្អូនកងទ័ព គ្រួសារទ័ព ហេដ្ឋារចនាសម្ព័ន្ធផ្សេងៗ និងការបង្កបង្កើនផលដាំដុះបន្លែចម្រុះ និងចិញ្ចឹមសត្វ ទៅតាមផែនការ។ នៅថ្ងៃទី១៤ ខែមិថុនានេះដែរ…

ក្រុមហ៊ុនទូរសព្ទស្មាត (Smart) បានចូលរួមបរិច្ចាកនូវអំណោយមនុស្សធម៌ ចែកជូនបងប្អូនប្រជាពលរដ្ឋ ជួបការលំបាកផ្នែកជីវភាព ក្នុងកាលៈទេសៈកូវីដ១៩ ចំនួន២០០គ្រួសារ ក្នុងឃុំគោកបាល្លង័ ស្រុកមង្គលបូរី ខេត្តបន្ទាយមានជ័យ។        ឯកឧត្តម អ៊ុ រាត្រី បានសម្ដែងនូវអំណរគុណយ៉ាងជ្រាលជ្រៅបំផុតចំពោះក្រុមហ៊ុន ស្មាត ដែលបានចូលរួមជួយផ្ដល់នូវអំណោយមនុស្សធម៌ ចែកជូនដល់ប្រជាពលរដ្ឋកំពុងជួបនូវការលំបាក ក្នុងអំឡុងជំងឺឆ្លងរាតត្បាតកូវី19 នេះគឺជាសណ្ដានចិត្តចែករំលែក និងជាការចូលរួមជាមួយរាជរដ្ឋាភិបាល ដើម្បីកាត់បន្ថយ ភាពក្រីក្ររបស់ប្រជាពលរដ្ឋ។       ឯកឧត្តម បានធ្វើការផ្ដាំផ្ញើដល់បងប្អូន អុំពូមីងទាំងអស់ ចូលបន្តអនុវត្តឱ្យបានម៉ឺងម៉ាត់ នៃការណែនាំរបស់រាជរដ្ឋាភិបាល ក៏ដូចជាក្រសួងសុខាភិបាលនៃការប្រឈម រីករាលដាលនៃជំងឺកូវីដ19 ជាសកល ហើយប្រទេសកម្ពុជាយើង នៅមិនទាន់ថមថយនៅឡើយ ដូចនេះសូមបងប្អូនអនុវត្តគោរព តាមការណែនាំរបស់ប្រមុខរាជរដ្ឋាភិបាល គឺ ៣ការពារ ៣កុំ នឹង ២ចូលរួម។ អំណោយដែលបានផ្ដល់ជូននាពេលនេះដោយ ១គ្រួសារៗទទួលបានអង្ករ ១0 គីឡូក្រាម មី១កេស ត្រីខ១យួរ និងទឹកស៊ីអ៊ីវ១យួរ៕ដោយ៖ ឃិន គន្ធា

        ឯកឧត្តម គោ សុំ សារឿត សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាអនុប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ បានអញ្ជើញចុះជួបសំណេះសំណាល សួរសុខទុក្ខ បងប្អូនជាសមាជិក សមាជិកា ក្រុមប្រឹក្សាឃុំ ភូមិ ក្នុងស្រុកមង្គលបូរីក្នុងគោលបំណង កិច្ចពិភាក្សាស្ដីពីផែនការឈានឆ្ពោះទៅរកការបោះឆ្នោត ជ្រើសរើសក្រុមប្រឹក្សាឃុំ សង្កាត់អាណត្តិទី៥ ឆ្នាំ២០២២ ដោយគណកម្មាធិការជាតិរៀបចំការបោះឆ្នោត “គជប” បានកំណត់យកថ្ងៃអាទិត្យទី៥ ខែមិថុនាឆ្នាំ២០២២ ជាថ្ងៃបោះឆ្នោត។       លោក លី សារី ប្រធានក្រុមការងារខេត្តចុះជួយស្រុកមង្គលបូរី លើកឡើងថា ដើម្បីទទួលបានជ័យជំនះក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ នាពេលខាងមុខនេះ គឺតម្រូវឲ្យអស់លោក លោកស្រីជាបេក្ខជន តំណាងគណបក្សដែលមានលក្ខណៈសម្បត្តិគ្រប់គ្រាន់ មានសមត្ថភាព ប្រជាប្រិយភាព មានឥទ្ធិពលនិងមានជំនឿជឿជាក់ លើការគាំទ្រពីប្រជាពលរដ្ឋគ្រប់ស្រទាប់វណ្ណៈ។              ឯកឧត្តម គោ សុំ សារឿត មានប្រសាសន៍ថា ដើម្បីឲ្យប្រជាពលរដ្ឋកាន់តែមានជំនឿជឿជាក់ លើកការដឹកនាំរបស់គណបក្សប្រជាជនកម្ពុជា នោះគឺអស់លោកលោកស្រី ដែកជាអ្នកបម្រើប្រជាពលរដ្ឋ ខិតខំបន្ត ថែរក្សាសន្តិភាព សន្តិសុខ សណ្ដាប់ធ្នាប់សង្គមឲ្យបានកាន់តែរឹងមាំ ទាំងនៅផ្ទៃក្នុង ទាំងនៅតាមតំបន់មូលដ្ឋាន…