យោងតាមសេចក្ដីជូនដំណឹងរបស់រដ្ឋបាលខេត្តស្វាយរៀង បានឲ្យដឹងថា នៅថ្ងៃទី១៣មិថុនា រដ្ឋបាលខេត្ត បានរកឃើញករណីវិជ្ជមានវីរុសកូវីដ-១៩ លើចំនួន១៤នាក់។ អ្នកឆ្លងទាំងនោះ រួមមាន៧នាក់ជាកម្មករ កម្មការិនីនៅរោងចក្រ នានា, ក្រៅពីនោះមាននៅស្រុករំដួល២នាក់, ស្រុកស្វាយទាប២នាក់, ស្រុកកំពង់រោទ៍ម្នាក់, និងនៅក្រុងស្វាយរៀម្នាក់។ រដ្ឋបាលខេត្តស្វាយរៀង បានអំពាវនាវដល់អ្នកដែលមានពាក់ពន្ធ័ ឬដឹងខ្លួនថាបានប៉ះពាល់ដោយផ្ទាល់ ឬដោយប្រយោលជាមួយអ្នកវិជ្ជមានកូវីដ-១៩ទាំងនោះ ត្រូវធ្វើចត្តាឡីស័កនៅតាមផ្ទះរយៈពេល១៤ថ្ងៃ។ ប្រសិនបើមានបញ្ហាសុខភាពប្រែប្រួល ត្រូវផ្ដល់ព័ត៌មានទៅកាន់ទូរសព្ទ័លេខ ០៩៧ ៥០៣ ៤៥៦៧ ឬ០៤៤ ៧១២ ៥២២។ ខេត្តស្វាយរៀងគិតមកទល់ថ្ងៃទី១៣មិថុនាឆ្នាំ២០២១ មានអ្នកឆ្លងជំងឺកូវីដ-១៩សរុបចំនួន១ពាន់២៥៨នាក់, ព្យបាលជាសះស្បើយចំនួន៧៧៧នាក់, កំពុងសម្រាកព្យាបាលចំនួន៤៧៣នាក់ និងមានអ្នកស្លាប់ចំនួន៧នាក់។

ប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន បានស្នើឱ្យឯកអគ្គរដ្ឋទូតសាធារណរដ្ឋឆេកយកចិត្តទុកដាក់ទៅលើកិច្ចការជំរុញកិច្ចសហប្រតិបត្តិការ​ជាមួយកម្ពុជាលើវិស័យសេដ្ឋកិច្ចពាណិជ្ជកម្មវិនិយោគនិងការអភិវឌ្ឍធនធានមនុស្ស។ ការលើកឡើងរបស់សម្តេចតេជោហ៊ុនសែននៅក្នុងឱកាសអនុញ្ញាតឲ្យឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋឆេកប្រចាំព្រះរាជាណាចក្រកម្ពុជាឯកឧត្តម Martin Vavra ចូលជួបសំដែងការគួរសមនៅវិមានសន្តិភាពទីស្តីការនាយករដ្ឋមន្ត្រីនៅព្រឹកថ្ងៃទី១៤ខែមិថុនានេះ។ ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោហ៊ុនសែនបានមានប្រសាសន៍ប្រាប់អ្នកសារព័ត៌មានបន្ទាប់ពីជំនួបនោះថា​សម្តេចអគ្គមហាសេនាបតិតេជោ ហ៊ុន សែន បានស្នើទៅ ឯកឧត្តម Martin Vavra ពាក់ព័ន្ធបេសកកម្មការទូតរបស់ឯកឧត្តមនៅកម្ពុជាសុំយកចិត្តទុកដាក់ទៅលើការជំរុញ កិច្ចសហប្រតិបត្តិការក្នុងវិស័យ​សេដ្ឋកិច្ចពាណិជ្ជកម្មវិនិយោគ និងការអភិវឌ្ឍធនធានមនុស្ស។សម្ដេចតេជោក៏បានជម្រាបជូនឯកអគ្គរដ្ឋទូតថាកម្ពុជាកំពុងជំរុញការចាក់វ៉ាក់សាំងដែលអាច ចាក់ជូនប្រជាពលរដ្ឋ​ប្រមាណ១០លាននាក់ នៅក្នុងខែវិច្ឆិកាខាងមុខ។ នៅក្នុងជំនួបនោះ ឯកឧត្តម Martin Vavra បានជម្រាបជូនសម្ដេចតេជោហ៊ុនសែនថាបេសកកម្មរបស់ ឯកឧត្តម មកកាន់ព្រះរាជាណាចក្រកម្ពុជា នៅពេលនេះគឺធ្វើយ៉ាងណាពង្រីកពង្រឹងទំនាក់ទំនងរវាងប្រទេសទាំងពីរឲ្យកាន់តែរីកធំៗឡើងនិងស៊ីជម្រៅថែមទៀត។ ឯកឧត្តមបានបន្ថែមថាសាធារណរដ្ឋឆេកមានមនោសញ្ជេតនាខ្ពស់និងមានអារម្មណ៍យ៉ាងជិតស្និទ្ធជាមួយកម្ពុជាឈរលើមូលដ្ឋាននេះឯកឧត្តមបានសន្យាជូនសម្ដេចតេជោហ៊ុនសែនថាឯកឧត្តមនឹងខិតខំប្រឹងប្រែងអស់ពីសមត្ថភាពក្នុងការលើកស្ទួយកិច្ចសហប្រតិបត្តិការលើវិស័យនយោបាយវិស័យសេដ្ឋកិច្ចវិស័យពាណិជ្ជកម្មនិងការវិនិយោគ។ជាមួយគ្នានោះដែរឯកឧត្តមក៏បានជម្រាបជូនសម្ដេចតេជោហ៊ុនសែនថាសាធារណរដ្ឋឆេកនឹងបន្តជួយដល់កម្ពុជាលើការអភិវឌ្ឍធនធានមនុស្ស។ ជាការឆ្លើយតបសម្ដេចតេជោហ៊ុនសែនបានថ្លែងនូវការអបអរសាទរជូន ឯកឧត្តម Martin Vavra ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឆេកប្រចាំនៅកម្ពុជា។សម្ដេចតេជោបានថ្លែងអំណរគុណចំពោះប្រជាជននិងរដ្ឋាភិបាលនៃសាធារណរដ្ឋឆេកដែល បានជួយដល់កម្ពុជា​ពីអតីតកាលលើវិស័យ​នយោបាយសេដ្ឋកិច្ចនិងសង្គមកិច្ច។ពីនោះទៅទៀតគឺបានលុបចោលនូវបំណុលមួយចំនួនធំហើយបំណុលដែលនៅសេសសល់បង្វែរមកជួយកម្ពុជាវិញ​តាមរយៈការសាងសង់​សាលារៀននិងវិស័យសង្គមកិច្ចជាដើម៕

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី14 មិថុនា​ ២០២១

Video https://fb.watch/66DoyDEP3i/

សៀមរាប ៖ ក្មេងស្រីចំនួន ០២នាក់ ដែលជាបងប្អូនបង្កើតបានសុំម្តាយទៅលែងផ្ទះអ្នកជិតខាងគ្នា ដើម្បីរើសផ្លែត្នោតទុំរួចហើយក៏នាំគ្នាហែលទឹកស្រះទើបជីកថ្មីៗបណ្តាលឲ្យលង់ទឹកស្លាប់មួយរំពេចនោះ ។ ហេតុការណ៍នេះ បានកើតឡើងនៅវេលាម៉ោង១៤និង០០នាទី នៅថ្ងៃទី១៣ ខែមិថុនា ឆ្នាំ២០២១ ត្រង់ចំណុចស្រះជីកវាលស្រែព្រៃរបោះស្ថិតក្នុងភូមិក្បាលក្រពើ ឃុំរើល ស្រុកពួក ខេត្តសៀមរាប ។ អធិការនគរបាលស្រុកពួក លោកវរសេនីយ៍ឯក ទេព ពុំសែន បានឲ្យដឹងថា មានករណីក្មេងស្រីបានលង់ទឹកស្លាប់ចំនួន០២នាក់នោះ សពទី ១ ឈ្មោះ ឌន់ ចន្ថា ភេទស្រី អាយុ ១១ឆ្នាំ ជាសិស្ស។ សពទី ២ ឈ្មោះ ឌន់ ចាន់ឌី ភេទប្រុស អាយុ ៨ឆ្នាំ ជាសិស្ស។ លោកបន្តថា ក្មេងទាំង ០២នាក់នេះ ជាបងប្អូនបង្កើតនឹងគ្នាដែលមានឪពុកឈ្មោះ សន គន់ អាយុ ៣៤ឆ្នាំ និងម្ដាយឈ្មោះ ត្រើង រូន អាយុ ៣០ឆ្នាំ ជាកសិករ…

ប៉ោយប៉ែត៖ បន្ទាប់ពីមានរឿងតវ៉ាពីសំណាក់កម្មករដែលធ្វើការឲ្យក្រុមហ៊ុន ក្រុងរណបឆាយណា របស់អ្នកឧកញ៉ា ឡេង ណាវ៉ាត្រាថា មិនបានបើកលុយឲ្យកម្មករជាច្រើន ថ្ងៃភ្លាម ធ្វើឲ្យមានការភ្ញាក់ផ្អើល, លោក ប៉ែន វុទ្ធី ជាអ្នកគ្រប់គ្រងទូទៅ គម្រោងក្រុងរណប China Poipet Satellite City របស់អ្នកឧកញ៉ា ឡេង ណាវ៉ាត្រា បានប្រកាស អញ្ជើញអ្នកទទួលម៉ៅការសាងសង់អាគារនោះភ្លាមៗ ។ លោក ប៉ែន វុទ្ធី បានបង្ហោះលើបណ្ដាញសង្គមផ្ទាល់ខ្លួនថា «ខ្ញុំបាទជា អ្នកគ្រប់គ្រងទូទៅ គម្រោងក្រុងរណប China poipet satellite city របស់អ្នកឧកញ៉ា ឡេង ណាវ៉ាត្រា សូមគោរពអញ្ជើញលោក ពៅ សុខសាន្ត ហៅ big ដែលជាមេម៉ៅការសាងសង់ អាគារពាណិជ្ជកម្មគ្រោង ចំនួន៣០អាគារ នៅគម្រោង សូមចូលរួមដោះស្រាយជាមួយ ពុកម៉ែបងប្អូន កម្មករកម្មការិនី ចំនួន ជាង ២០០នាក់ និងគោរពកាតព្វកិច្ចតាមកិច្ចសន្យាព្រមព្រៀងជាមួយក្រុមហ៊ុនជាបន្ទាន់ បើពុំដូច្នោះទេក្រុមហ៊ុន នឹងបង្ខំចិត្តធ្វើតាមផ្លូវច្បាប់»។…