https://youtu.be/lvq2W20DX04

ចិន​ចាក់​វ៉ាក់សាំង​បង្ការ​ជំងឺ​កូ​វី​ដ​១​៩​ ​ជូន​ពលរដ្ឋ​បានជា​ង​៨​៤​៥​លាន​ដូ​ស​ ​ខណៈ​ដែល​អាមេរិក​ចាក់​វ៉ាក់សាំង​បានជា​ង​៣​០​៦​លាន​ដូ​ស​ ​គិត​ត្រឹម​ថ្ងៃ​ទី​១​១​ ​មិថុនា​ ​២​០​២​១​។​ C​D​C​ របស់​អាមេរិក​បាន​ប្រកាស​ថា​ ​គិត​ត្រឹម​ថ្ងៃសុក្រ​ទី​១​១​ ​មិថុនា​ ​វ៉ាក់សាំង​បង្ការ​ ​CO​V​I​D​-19 ​សរុប​ជាង​ ​៣​០​៦​,​៥​០​៩​,​៧​៩​៥​ដូ​ស​ ​ត្រូវ​បាន​ចាក់​ជូន​ប្រជាជន​នៅ​ទូទាំង​ប្រទេស​។​ ​គណៈកម្មការ​សុខាភិបាល​ជាតិ​ចិន​វិញ​បាន​ប្រកាស​ថា​ ​វ៉ាក់សាំង​បង្ការ​ជំងឺ​ ​CO​V​I​D​-19 ​ជាង​ ​៨​៤​៥​.​២​លាន​ដូ​ស​ហើយ​ ​ត្រូវ​បាន​ចាក់​ជូន​ប្រជាជន​នៅ​ទូទាំង​ប្រទេស​ ​នេះ​បើ​តាម​ការ​ចេញផ្សាយ​របស់​ទីភ្នាក់ងារ​សារ​ព័ត៌មាន​រដ្ឋ​៕​

រដ្ឋបាលខេត្តព្រះសីហនុ នៅថ្ងៃទី១០ខែមិថុនា ឆ្នាំ២០២១ បានបន្តប្រកាសផ្អាកការលក់គ្រឿងស្រវឹងគ្រប់ប្រភេទ រយៈពេល១៤ថ្ងៃទៀត គិតចាប់ពីថ្ងៃទី១១ដល់ថ្ងៃទី២៤ខែមិថុនា ឆ្នាំ២០២១ នៅក្នុងភូមិសាស្ត្រខេត្តព្រះសីហនុ។ យោងតាមសេចក្តីប្រកាសព័ត៌មាន ការផ្អាកការលក់គ្រឿងស្រវឹងគ្រប់ប្រភេទ កឺដើម្បីធានាការបារអាយុជីវិតប្រជាពលរដ្ឋ សុខភាពសាធារណៈ ក៏ដូចជាសន្តិសុខសណ្តាប់ធ្នាប់សង្គម។

នៅមុន និងក្នុងរបបកម្ពុជាប្រជាធិបតេយ្យ ជាទូទៅនៅតាមពេលវេលាកំណត់ណាមួយ ក្រុមមេដឹងខ្មែរក្រហមនៅតាមភូមិភាគ ឬនៅតាមតំបន់នីមួយៗ តែងតែផ្ដើមឱ្យមានសន្និសីទ ប៉ុន្តែការជួបជុំទាំងនោះ គឺមិនមែនសំដៅសួរសុខទុក្ខ ឬឈ្វេងយល់អំពីផលវិបាកដែលប្រជាជនបានជួបនោះឡើយ។ ផ្ទុយទៅវិញ ពួកគេបង្កើតឱ្យមានការជួបជុំនេះឡើង គឺដើម្បីបញ្ជៀបនូវចំណេះដឹងនៃមនោគមវិជ្ជាបដិវត្ដល់សមមិត្ដ និងប្រជាជន តែប៉ុណ្ណោះ។ ខាងក្រោមនេះគឺជារូបភាពក្រុមយុវជន និងយុវនារី នៅក្នុងសន្និសីទមួយនៅក្នុងខេត្ដសៀមរាប ថ្ងៃទី២៣ ខែមីនា ឆ្នាំ១៩៧៣។#KhmerRouge#កម្ពុជាប្រជាធិបតេយ្យFacebook Page: Black-Crow Telegram Channel

សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញសារលិខិតក្នុងឱកាសទិវាជាតិអប់រំ បណ្តុះបណ្តាល បច្ចេកទេស និង វិជ្ជាជីវៈ លើកទី៤ ថ្ងៃទី១៥ ខែមិថុនា ឆ្នាំ២០២១ ក្រោមប្រធានបទ «TVET ធ្វើឱ្យជំនាញកាន់តែប្រសើរ និងប្រាក់ចំណូលខ្ពស់ » ។

រសៀលថ្ងៃសុក្រ ទី១១ ខែមិថុនា ឆ្នាំ២០២១នេះ ឯកឧត្ដម នាយឧត្ដមសេនីយ៍ សាស្ដ្រាចារ្យ សេង ផល្លី ប្រធានបណ្ឌិត្យសភានគរបាលកម្ពុជា បានជួបប្រជុំពិភាក្សាតាមប្រព័ន្ធអនឡាញជាមួយ លោកបណ្ឌិត J. M. Vyas សាកលវិទ្យាធិការ នៃសាកលវិទ្យាល័យជាតិវិទ្យាសាស្ត្រកោសលវិច័យនៃសាធារណរដ្ឋឥណ្ឌា ដោយទទួលបានលទ្ធផលដូចខាងក្រោម៖ ១- អនុវត្តតាមអនុស្សរណៈនៃការយោគយល់គ្នា ភាគីទាំង២ឯកភាពនឹងបន្តធ្វើទស្សនកិច្ចជាផ្លូវការ នៅពេលដែលស្ថានភាពនៃជំងឺកូវីដ-១៩ មានភាពល្អប្រសើរឡើងវិញ។ ២- ភាគីសាកលវិទ្យាល័យជាតិវិទ្យាសាស្ត្រកោសលវិច័យនៃសាធារណរដ្ឋឥណ្ឌា នឹងផ្ដល់វគ្គបណ្ដុះបណ្ដាលជំនាញឯកទេសពាក់ព័ន្ធនឹងការគ្រប់គ្រងសន្តិសុខតាមប្រព័ន្ធបច្ចេកវិទ្យា ការស៊ើបអង្កេតបទល្មើសតាមប្រព័ន្ធបច្ចេកវិទ្យា និងជំនាញជាក់លាក់ផ្សេងៗទៀត ដល់គ្រូនគរបាលជាតិបន្តវេនរបស់បណ្ឌិត្យសភា ចំនួន ៥ទៅ១០នាក់ តាមប្រព័ន្ធអនឡាញ និងតាមវគ្គបណ្ដុះបណ្ដាលជាក់ស្ដែងទៅតាមសំណើរបស់បណ្ឌិត្យសភា។ ៣- ឯកភាពឱ្យភាគីបណ្ឌិត្យសភា លើកសំណើអំពីប្រធានបទស្រាវជ្រាវពាក់ព័ន្ធនឹងបទល្មើសអ្វីមួយ ដើម្បីធ្វើការអនុវត្តគម្រោងស្រាវជ្រាវរួមគ្នា។ ៤- ឯកភាពក្នុងការជួយគាំទ្រឱ្យមានការបង្កើតមន្ទីរពិសោធន៍កោសល្យវិច័យខ្នាតតូចនៅបណ្ឌិត្យសភា។ និង ៥- បើកចំហរឱ្យនិស្សិតនៃបណ្ឌិត្យសភានគរបាលកម្ពុជាចុះឈ្មោះចូលរៀនតាមប្រព័ន្ធអនឡាញថ្នាក់បរិញ្ញាបត្រជាន់ខ្ពស់លើជំនាញឯកទេសមួយចំនួនដូចជា វិទ្យាសាស្ត្រកោសល្យវិច័យ ចិត្តសាស្ត្រកោសល្យវិច័យ កោសល្យវិច័យបទល្មើសព្រហ្មទណ្ឌ ជំនាញឧក្រិដ្ឋវិទ្យា និងវិទ្យាសាស្ត្រកោសល្យវិច័យផ្សេងៗទៀត៕ ដោយ -រ៉ាវុធ