ភ្នំពេញ៖ ក្រសួងសុខាភិបាល នៅតែព្រួយបារម្ភចំពោះករណីឆ្លងមេរោគអេដស៍ថ្មី ដែលនៅមិនទាន់ឃើញសញ្ញាថមថយ ។ នេះជាការបញ្ជាក់របស់លោកជំទាវ យក់ សម្បត្តិ រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺ អេដស៍ក្រសួងសុខាភិបាល ក្នុងកិច្ចប្រជុំពិនិត្យវឌ្ឍនភាពក្នុងការអនុវត្ត គោលនយោបាយបញ្ចប់អេដស៍ និងចីរភាពកម្មវិធីអេដស៍ សម្រាប់ឆ្នាំ២០២៣-២០២៨ ក្នុងវិស័យសុខាភិបាល ដើម្បីឈានទៅបញ្ចប់អេដស៍ ដែលជាការគំរាមកំហែងដល់សុខភាពសាធារណៈ កាលពីថ្ងៃទី១៧ ខែវិច្ឆិកា ឆ្នាំ២០២៥ នៅអាជ្ញាធរជាតិប្រយុទ្ធនឹងជំងឺអេដស៍ ក្រោមវត្តមាន ឯកឧត្តម ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ ។ លោកជំទាវ យក សម្បត្តិ បានថ្លែងថា យើងនៅតែព្រួយបារម្ភចំពោះករណីឆ្លងថ្មី ដែលនៅមិនទាន់ឃើញថាថមថយ ។ លោកជំទាវ ថា នៅក្រសួងសុខាភិបាល ដែលមានមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ បានខិតខំកៀរគរធនធាន គាំទ្រយ៉ាងទៀងទាត់ពីថវិកាជាតិ ប្រមាណ ៦លានដុល្លារ ក្នុងការទិញឱសថ និងបរិក្ខារ ។ នៅដើមឆ្នាំ ២០២៥ ថវិកា ជំនួយពីមូលនិធិសកល បានផ្អាកសកម្មភាពមួយរយៈ ហើយបន្តឡើងវិញ…

ស្ទឹងត្រែង: ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.)កាលពីថ្ងៃទី១៧ ខែវិច្ឆិកា ឆ្នាំ២០២៥ បានអញ្ជើញចូលរួមក្នុងពិធីសំណេះសំណាលជាមួយ សមាជិក សមាជិកា សហភាពសហព័ន្ធយុវជនកម្ពុជាខេត្តកោះកុងនៅមជ្ឍមណ្ឌលស៊ូននឹង អគារC ជាន់ផ្ទាល់ដី ស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ដោយមានការចូលរួមពីសំណាក់ ប្រធាន ស.ស.យ.ក.ខេត្ត ប្រធានក្រុមប្រឹក្សាខេត្ត អភិបាលខេត្ត លោកអ្នកឧកញ៉ា អ្នកឧកញ៉ា ព្រមទាំងសមាជិក សមាជិកា ស.ស.យ.ក. ខេត្តកោះកុងសរុបប្រមាណជាង ៥១២រូប។ ក្នុងឱកាសនេះលោកជំទាវ មិថុនា ភូថង ប្រធាន ស.ស.យ.ក.ខេត្តកោះកុង បានសម្តែងការស្វាគមន៍យ៉ាងកក់ក្ដៅផ្ដល់ជូនចំពោះវត្តមានរបស់បងប្រធានលើទឹកដីខេត្តកោះកុង សារជាថ្មី។ លោកជំទាវបានលើកឡើងថា ដោយសារមើលឃើញពីទឹកចិត្ត ឆន្ទៈមោះមុត និងការលះបង់របស់ឯកឧត្តមប្រធាន និងថ្នាក់ដឹកនាំ ស.ស.យ.ក. បានក្លាយជាគំរូ និងជាកត្តាជំរុញទឹកចិត្តឱ្យយុវជនឱ្យចូលរួមកាន់តែច្រើន ។ក្នុងរយៈពេលជាងមួយទសវត្សរ៍នេះ ស.ស.យ.ក.ខេត្តកោះកុង បានកើនឡើងពីសមាជិក ៨៧នាក់ រហូតមានដល់ជាង ៣ពាន់នាក់ ដែលមានរចនាសម្ព័ន្ធគ្រប់ជាន់ថ្នាក់ផងដែរ។ លោកជំទាវក៏បានរាយការណ៍អំពីវឌ្ឍនភាពការងារ សមាជិក សមាជិកា…

ព្រះសីហនុ៖វគ្គបណ្តុះបណ្តាលកម្រិតខ្ពស់ស្ដីពីភាពជាអ្នកដឹកនាំបរិវត្តកម្មឌីជីថល “បច្ចេកវិទ្យាថ្មីៗ និងនវានុវត្តន៍​សម្រាប់ថ្នាក់ដឹកនាំរាជរដ្ឋាភិបាល” ដល់ថ្នាក់ដឹកនាំជារដ្ឋលេខាធិការប្រចាំការក្រសួង ស្ថាប័នក្នុងរាជរដ្ឋាភិបាល​ត្រូវបាន​បិទបញ្ចប់កាលពីចុងសប្ដាហ៍កន្លងទៅនេះ​ក្រោមអធិបតីភាព​ឯកឧត្តម ជាវ៉ាន់ដេត រដ្ឋមន្ត្រីក្រសួងប្រៃសណីយ៍​និងទូរគមនាគមន៍ (ក.ប.ទ.) បង្ហាញនូវក្តីរីករាយចំពោះលទ្ធផលនៃវគ្គបណ្ដុះបណ្ដាល ឯកឧត្តម ជា វ៉ាន់ដេត មានប្រសាសន៍ថា កម្ពុជាមានបំណង​កាត់បន្ថយការប្រើប្រាស់ក្រដាស (Paperless Framework) ក្នុងការផ្តល់សេវាសាធារណៈជូនប្រជាពលរដ្ឋ។ ដើម្បី​សម្រេចគោលដៅនេះ យើងចាំបាច់ត្រូវពាំនាំការជឿទុកចិត្តនេះទៅពិភពឌីជីថល ក្នុងន័យនេះ ក.ប.ទ. បានខិតខំ​អភិវឌ្ឍ​ថ្នាលឌីជីថលដែលអាចកាត់បន្ថយការប្រើប្រាស់ក្រដាសប្រកប ដោយភាពជឿទុកចិត្ត ចំនួន ២ គឺ ថ្នាលផ្ទៀង​ផ្ទាត់ភាពត្រឹមត្រូវនៃឯកសារ Verify.gov និងថ្នាលផ្ទុកឯកសារសាធារណៈ Go.gov.kh ហើយក្នុងពេលខាង​មុខក្រសួង​គ្រោងនឹងគោរពសុំការអនុញ្ញាតពីរាជរដ្ឋាភិបាលក្នុងការដាក់ឱ្យប្រើប្រាស់ថ្នាលមួយទៀតគឺហត្ថលេខាឌីជីថល (Digital Signature)។ ឯកឧត្តមរដ្ឋមន្រ្តីបន្តថា ថ្នាល verify ត្រូវបានដាក់ឱ្យប្រើប្រាស់ដោយរាជរដ្ឋាភិបាលកម្ពុជា និងត្រូវបានប្រើប្រាស់នៅក្នុង​ប្រទេស​អាស៊ានមួយចំនួន ក្នុងនោះហ្វីលីពីន បានរៀនសូត្រពីថ្នាលនេះ ដើម្បីអភិវឌ្ឍថ្នាល verify ដូចនឹងកម្ពុជា ដោយ​បានដាក់ឱ្យប្រើប្រាស់លើអត្តសញ្ញាណបណ្ណឌីជីថលបានចំនួនជាង ៩០លានបណ្ណ ហើយត្រូវបានប្រតិបត្តិការ​ដើម្បីផ្ទៀងផ្ទាត់ភាពត្រឹមត្រូវរហូតដល់ជាង ១៦៤ លានដង ក្នុងរយៈពេលដ៏ខ្លី។ សូមជម្រាបថា វគ្គបណ្តុះបណ្តាលខាងលើមានការចែករំលែកពីសំណាក់សាស្រ្តាចារ្យមកពីស្ថាប័ន HEC Paris វាគ្មិនជាតិ-អន្តរជាតិ ព្រមទាំងមានវត្តមានឯកឧត្តម…

ភ្នំពេញ៖ នាពេលអនាគតរាជរដ្ឋាភិបាលនឹងបន្តកសាងប្រព័ន្ធធារាសាស្ត្រគ្រប់ជ្រុងជ្រោយបន្ថែមទៀត ដើម្បីធានាទឹក​ប្រើប្រាស់ និងហេដ្ឋារចនាសម្ព័ន្ធដឹកជញ្ជូនដល់ប្រជាកសិករ ។នេះជាការបញ្ជាក់របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីលើបណ្ដាញសង្គមហ្វេសប៊ុកនៅព្រឹកថ្ងៃទី១៧ ខែវិច្ឆិកា ឆ្នាំ២០២៥នេះ។ សម្ដេចធិបតីនាយករដ្ឋមន្រ្តីបានបន្តសំណេរដោយបង្ហាញពីប្រព័្ធធារាសាស្ត្រនៅកម្ពុជា​ត្រូវបានចែកជាពីរ​ប្រភេទសំខាន់ៗ គឺប្រព័ន្ធធារាសាស្ត្រគ្រប់ជ្រុងជ្រោយ និងប្រព័ន្ធធារាសាស្ត្រមិនគ្រប់ជ្រុងជ្រោយ ។ តើអ្វីទៅប្រព័ន្ធធារាសាស្ត្រគ្រប់ជ្រុងជ្រោយ? សម្ដេចធិបតីបានពន្យល់ថាសំដៅលើប្រព័ន្ធធារាសាស្ត្រមួយដែលមាន៖ ១.អាងទឹកដែលប្រភពទឹកមិនចេះរីងស្ងួត, ២.ប្រឡាយមេដែលនាំទឹកពីប្រភពទឹកទៅកាន់តំបន់ផ្សេងៗ, ៣.ប្រឡាយរង ដែលនាំទឹកបន្តពីប្រឡាយមេទៅកាន់តំបន់ដែលត្រូវប្រើប្រាស់ទឹក(ដីកសិកម្ម) ប៉ុន្តែនៅឆ្ងាយពីប្រឡាយមេ និង ៤. ប្រឡាយជើងក្អែប ដែលនឹងនាំទឹកចេញពីប្រឡាយរង ទៅកាន់ដីស្រែកសិកម្មតែម្ដង ។ ចំណែកឯប្រព័ន្ធធារា​សាស្ត្រមិន​គ្រប់ជ្រុងជ្រោយ ជាប្រព័ន្ធមួយដែលមានតែប្រឡាយ ប៉ុន្តែនៅឆ្ងាយពីប្រភពទឹក ឬមានតែប្រភពទឹក ប៉ុន្តែគ្មានប្រឡាយ​សម្រាប់នាំទឹកយកទៅប្រើប្រាស់ឱ្យបានគ្រប់គ្រាន់តាមតម្រូវការ ។ បើតាមសម្ដេចធិបតីហ៊ុន ម៉ាណែត នៅកម្ពុជា ប្រឡាយមួយចំនួនធំស្ថិតនៅជាប្រភេទប្រព័ន្ធធារាសាស្ត្រមិនទាន់​គ្រប់​ជ្រុងជ្រោយនៅឡើយ។នៅពេលអនាគត រាជរដ្ឋាភិបាល នឹងបន្តកសាងប្រព័ន្ធធារាសាស្ត្រគ្រប់ជ្រុងជ្រោយបន្ថែមទៀត ដើម្បីធានាទឹកប្រើប្រាស់ និងហេដ្ឋារចនាសម្ព័ន្ធដឹកជញ្ជូន ដល់ប្រជាកសិករ ដើម្បីចូលរួមលើកកម្ពស់ទិន្នផលកសិកម្ម និងការដឹកជញ្ជូនកសិផល សំដៅបង្កើនប្រាក់ចំណូលជូនប្រជាកសិករតាមរយៈការកាត់បន្ថយថ្លៃដើមកសិកម្ម ។ ចំណែកឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម បានប្រាប់ទូរទស្សន៍អប្សរាថា គិតត្រឹមខែមីនា ឆ្នាំ២០២៥កម្ពុជា មានប្រព័ន្ធធារាសាស្ដ្រចំនួន២.៣៥២…

(វិមាន៧មករា)៖ ឯកឧត្តមបណ្ឌិត ជ្រុន ថេរ៉ាវ៉ាត សមាជិកគណៈកម្មាធិការកណ្តាល អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្តាល បានគូសបញ្ជាក់ថា ក្នុងនាមជាសមាជិកបក្ស ត្រូវតែមានស្មារតីបក្សនៅក្នុងខ្លួនជាប់ជាប្រចាំ មិនមែនមានស្មារតីបក្សនៅពេលពាក់អាវគណបក្សនោះទេ សុំឱ្យមានជារៀងរហូតនៅក្នុងខ្លួនរបស់យើងម្នាក់ ទើបក្លាយជាកោសិកា ជាឈាមជ័ររបស់បក្ស ក្នុងការបន្តវេនដឹកនាំគណបក្ស និងដឹកនាំជាតិទៅថ្ងៃអនាគត។ តំណាងសម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល ក្នុងពិធីបិទវគ្គបណ្តុះបណ្តាលស្តីពី “ការពង្រឹងសមត្ថភាពមន្រ្តីវ័យក្មេង ដើម្បីចីរភាព និងនិរន្តភាព នៃការដឹកនាំរយៈពេលយូរអង្វែងរបស់គណបក្ស”ជំនាន់ទី២ ដល់យុវជនគណបក្សប្រជាជនកម្ពុជា ផ្នែកក្រសួង-ស្ថាប័ន នៅថ្ងៃអាទិត្យ ១១រោច ខែកត្តិក ឆ្នាំម្សាញ់សប្តស័ក ពុទ្ធសករាជ ២៥៦៩ត្រូវនឹងថ្ងៃទី១៦ ខែវិច្ឆិកា ឆ្នាំ២០២៥។ ពិធីនេះមានការអញ្ជើញចូលរួមពី ឯកឧត្តម អនុប្រធានគណ:ប្រចាំការ, ឯកឧត្តមសមាជិកគណៈប្រចាំការ, ឯកឧត្តម លោកជំទាវ ជាថ្នាក់ដឹកនាំគណបក្សយុវជនផ្នែកក្រសួង-ស្ថាប័ន, ឯកឧត្តមសមាជិកយុវជនគណបក្សថ្នាក់កណ្តាល និងសមាជិក សមាជិកាយុវជនគណបក្ស ជាសិក្ខាកាមប្រមាណ ១៧៤ នាក់។ ឯកឧត្តមបណ្ឌិត ជ្រុន ថេរ៉ាវ៉ាត បានថ្លែងថា វគ្គអប់រំនយោបាយ មានសារៈសំខាន់ខ្លាំងណាស់ និងជាឱកាសសម្រាប់មន្ត្រីគណបក្សព្យាយាមស្វែងយល់…