(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និង លោក Pius Frick អ្នកសម្របសម្រួលប្រចាំប្រទេសរបស់ភា្នក់ងារអភិវឌ្ឍន៍លិចតិនស្តាញ (Liechtenstein Development Service – LED) បានចុះអនុស្សរណៈស្តីពីការ​អនុវត្ត​គម្រោង “សម្ភារៈសិក្សាឌីជីថលសម្រាប់ អ.ប.វ.- ដំណាក់​កាលទី២” នារសៀលថ្ងៃទី១២ ខែវិច្ឆិកា ឆ្នាំ២០២៥ នៅទីស្តីការក្រសួងការងារ និងបណ្តុះ​បណ្តាលវិជ្ជាជីវៈ។ អនុស្សរណៈនេះ ធ្វើឡើងក្នុងគោលបំណងចូលរួម​អភិ​វឌ្ឍ​សម្ភារៈសិក្សាឌីជីថលដែលមានគុណភាព​អប់រំតាម​ស្តង់ដារ TVET និង​ចូលរួមក្នុងការកសាងយន្តការប្រកប​ដោយចីរភាព ជំរុញ​ការអភិវឌ្ឍឌីជីថលក្នុងវិស័យបណ្ដុះ​បណ្ដាលជំនាញបច្ចេកទេស និងវិជ្ជាជីវៈ ដោយស្របតាម “គោលនយោបាយ​សេដ្ឋកិច្ចឌីជីថលនិងសង្គមកម្ពុជា ឆ្នាំ២០២១-២០២៥​”​។ ឯកឧត្តមរដ្ឋមន្ត្រីបានថ្លែងអំណរគុណ​ដល់​ភា្នក់ងារអភិវឌ្ឍ​ន៍​លិចតិនស្តាញ (LED) ដែលបាន​ទុកចិត្ត និងបានធ្វើ​កា​រ​ជាមួយក្រសួងយ៉ាងជិតស្និទ្ធ​ក្នុង​អំឡុងនៃការអនុវត្ត​គម្រោ​ង “សម្ភារៈសិក្សាឌីជីថល​សម្រាប់ អ.ប.វ.- ដំណាក់កាល​ទី១” កាលពីពេល​កន្លង​ទៅ ដែលសម្រេចបានផ្លែផ្កា​យ៉ា​ង​ល្អប្រសើរ ដោយបាន​ចូល​រួមយ៉ាងសំខាន់ក្នុងការ​លើក​កម្ពស់ជំនាញ​បច្ចេក​ទេ​ស​របស់សិស្ស និស្សិត, ពង្រឹង​សមត្ថភាពដល់អ្នកបណ្ដុះ​បណ្ដាលផងដែរ។ ឯកឧត្តមរដ្ឋមន្ត្រី មានប្រសាសន៍ថា ការអនុវត្តនូវ​គម្រោង​សម្ភារៈសិក្សាឌីជីថលសម្រាប់គម្រោង អ.ប.វ.​ដំណាក់​កាលទី២នេះ មានសារៈសំខាន់​សម្រា​ប់​ការអនុវត្តថ្នាល​សិ​ក្សាតាមប្រព័ន្ធឌីជីថល​នៅតាមគ្រឹះ​ស្ថាន អ.ប.វ. ជាពិ​សេសគឺពង្រីកឱកាសបណ្ដុះបណ្ដាល​ជំនាញដល់សិក្ខា​កាម និងគ្រូបង្វឹក ឱ្យកាន់តែទូលំទូ​លា​យ​។…

ភ្នំពេញ៖លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត កាលពីព្រឹកថ្ងៃទី១៥ ខែវិច្ឆិកា ឆ្នាំ២០២៥ បានអញ្ជើញទៅកាន់ ខេត្តស្ទឹងត្រែងដើម្បីសួរសុខទុក្ខនិងប្រគល់ “ផ្ទះមួយខ្នង” ជូនដល់ក្រុមគ្រួសាររបស់វីរកងទ័ព ដែលបានពលីក្នុង បុព្វហេតុ ការពារទឹកដី។ ក្នុងឱកាសនេះសម្តេចមហាបវរធិបតី និងលោកជំទាវបណ្ឌិត ក៏បានឧបត្ថម្ភនូវថវិកា សម្ភារប្រើប្រាស់ និងគ្រឿងឧបភោគ​បរិភោគបន្ថែមទៀតក្នុងគោលបំណងជួយសម្រួលដល់ជីវភាពរស់នៅ និងការផ្តល់ឱកាសការងារក៏ដូច​ជាការសិក្សា​ដល់កូនៗរបស់វីរកងទ័ពផងដែរ៕ដោយ៖ដេង ម៉ាវីន

(បន្ទាយមានជ័យ)៖ ឯកឧត្ដម អ៊ុំ រាត្រី អភិបាល នៃ​គណៈ​អភិបាល​ខេត្តបន្ទាយមានជ័យ ប្រគល់អំណោយដ៏ថ្លៃថ្លា​របស់​សម្ដេចតេជោហ៊ុន សែន និងសម្ដេចកិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន និងសម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត តាមរយៈ លោក ជិន ប៊ុនធឿន អភិបាលខណ្ឌ​ឫស្សីកែវ រាជធានីភ្នំពេញ ប្រគល់ជូនដល់បងប្អូន​ជ​ន​ភៀស​សឹក ចំនួន ៤៩៦គ្រួសារ ដែលកំពុងស្នាក់​នៅ​បណ្ដោះអាសន្ននៅទីសុវត្ថិភាព នៅវត្តចានស៊ី ស្ថិត​ក្នុងស្រុកអូរជ្រៅ ខេត្តបន្ទាយមានជ័យ កាល​ពី​រសៀល​ថ្ងៃទី១៤ ខែវិច្ឆិកា ឆ្នាំ២០២៥ ។ ជួសមុខឲ្យបងប្អូនប្រជាពលរដ្ឋជនភៀសសឹក ឯកឧត្តម អ៊ុំ រាត្រី បានថ្លែងអំណរគុណយ៉ាងជ្រាលជ្រៅ​ចំពោះ​សម្តេច​អគ្គមហាសេនាបតីតេជោ ហ៊ុន សែន និង​សម្តេច​កិត្តិព្រឹទ្ធបណ្ឌិត សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវ ជានិច្ចកាល​តែង​តែគិតគូរពីសុខទុក្ខរបស់បងប្អូនប្រជាពលរដ្ឋនៅក្នុងមូលដ្ឋានគ្រប់ពេលវេណ។ ឯកឧត្ដម បន្តថា ក្រោយពីយោធាថៃបានបេីកការ​បាញ់​ប្រ​ហារមកលេីដែនអធិបតេយ្យរបស់កម្ពុជាកាលពីថ្ងៃទី១២ ខែវិច្ឆិកាកន្លងទៅ…

(ភ្នំពេញ)៖ នាយប់ថ្ងៃទី ១៤ វិច្ឆិកា ២០២៥ សម្ដេចនា​យករដ្ឋមន្ត្រី ហ៊ុន ម៉ាណែត បានជួបពិភាក្សាតាមទូរស័ព្ទ​ជាមួយ ឯកឧត្តម Donald J. Trump ប្រធានាធិបតី នៃ​សហរដ្ឋអាមេរិក ដើម្បីពិភាក្សាអំពីការវិវត្តសភាពកា​រណ៍​តាមបណ្តោយព្រំដែនកម្ពុជា-ថៃ ក្នុងគោលបំណងបន្ត​ជំរុញ​ការអនុវត្តកិច្ចព្រមព្រៀងសន្តិភាព​រវាងកម្ពុជា​និងថៃ ។ នេះបើតាមបណ្ដាញសង្គមសម្ដេចធិបតី នាព្រឹកថ្ងៃទី​១៥ វិច្ឆិកា ២០២៥ ។ តាងនាមប្រជាពលរដ្ឋកម្ពុជា សម្ដេចធិបតី បានថ្លែង​អំ​ណរ​គុណ ឯកឧត្ដមប្រធានាធិបតី Trump ដែលបានផ្តួច​ផ្តើមនិងសម្របសម្រួលឱ្យមានបទឈប់បាញ់រវាងកម្ពុជា-ថៃកន្លងមក និងសម្រេចបាននូវសេចក្ដីថ្លែងការណ៍រួម​ទីក្រុងគូឡាឡាំពួរ ដើម្បីស្វែងរកសន្តិភាពយូរអង្វែង​សម្រាប់​កម្ពុជា និងថៃ ។ សម្ដេច ហ៊ុន ម៉ាណែត ក៏បានបញ្ជាក់ជាថ្មីអំពីការ​ប្រ​កាន់​ខ្ជាប់យ៉ាងម៉ឺងម៉ាត់របស់កម្ពុជា ក្នុងការបន្ត​អនុវត្តតាម​ស្មារតី​សេចក្ដីថ្លែងការណ៍រួមទីក្រុងគូឡាឡាំពួ និងសង្ឃឹម​ថា​ភាគីទាំងពីរ នឹងបន្តធ្វើការជាមួយគ្នា​ស្របតាមគោល​ការណ៍ និងយន្តការទ្វេភាគីដែលបានឯកភាពគ្នា រួមទាំង​ការដោះមីនមនុស្សធម៌តាមបណ្តោយព្រំដែន។ ឯកឧត្តមប្រធានាធិបតី Trump បានគូសបញ្ជាក់ជំហរ​យ៉ាងច្បាស់លាស់ថា ឯកឧត្តមចង់ឃើញសន្តិភាព​ស្ថិត​ស្ថេររវាងកម្ពុជានិងថៃ។ ក្នុងន័យនេះ ឯកឧត្ដមប្រធានា​ធិប​តី នឹងបន្តតាមដានកិច្ចការនេះដោយយកចិត្តទុកដាក់ ដើម្បីធានាមិនឱ្យមានការផ្ទុះអាវុធឡើងវិញនៅបណ្តោយព្រំដែនកម្ពុជា-ថៃ។ កម្ពុជា បន្តរក្សាជំហរក្នុងការដោះស្រាយបញ្ហាព្រំដែន​ដោយ​សន្តិវិធី ដោយអនុលោមតាមគោលការណ៍ និង​យន្តការ ដែលបានឯកភាពគ្នាកន្លងមក…

(ភ្នំពេញ)៖ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នារសៀលថ្ងៃទី១៤ ខែ វិច្ឆិកា ឆ្នាំ២០២៥ បានចាត់ថ្នាក់ដឹកនាំចុះសួរសុខទុក្ខ និងសំណេះសំណាលតាមទូរស័ព្ទជាមួយពលរដ្ឋខ្មែរស្លូតត្រង់ចំនួន ៣រូប ដែលបានរងរបួសដោយការបាញ់ ប្រ ហារពីយោធាថៃនៅភូមិព្រៃចាន់ ដែលកំពុងព្យាបាល យ៉ាងយកចិត្ដទុកដាក់ពីក្រុមគ្រូពេទ្យនៅមន្ទីរពេទ្យកាល់ម៉ែត និងនាំយកថវិកា និងគ្រឿងឧបភោគ-បរិភោគ​មួយ​ចំនួនធំផ្តល់ជូនផងដែរ។ តាមរយៈលោកជំទាវបណ្ឌិត អ៊ុក ម៉ាលី សមាជិកាព្រឹទ្ធ​សភា​មណ្ឌលភូមិភាគ២ អ្នកម្ដាយមនុស្សធម៌ បានជួប​សំណេះសំណាលសួរសុខទុក្ខដោយផ្ទាល់តាមទូរស័ព្ទ ជាមួយពលរដ្ឋរងគ្រោះទាំង៣រូប, ដោយអ្នកម្ដាយដ៏កក់​ក្ដៅ បានសួរនាំពីសុខភាព ស្ថានភាពគ្រួសារ និងជូនពរ​ដល់ប្រជាពលរដ្ឋដ៏ស្លូតត្រង់ ដ៏គួរអាសូរទាំង ៣រូបនេះ ឱ្យ​ឆាប់ជាសះស្បើយ ពិសេសបានលើកទឹកចិត្ដដល់​ពល​រដ្ឋដែលរងគ្រោះនេះ សូមសម្រាកព្យាបាល​ឱ្យបាន​ប្រ​សើ​រ​ឡើងវិញ ដោយកុំមានការព្រួយអ្វីទាំងអស់ទៅលើការ​ព្យា​​បាល សូមទុកចិត្ដលើក្រុមគ្រូពេទ្យយើងដែល​កំពុង​បម្រើ​សេវាសុខាភិបាលជូនយ៉ាងយកចិត្ដទុកដាក់បំផុត។ ក្នុងឱកាសនោះដែរ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈលោកជំទាវបណ្ឌិត អ៊ុក ម៉ាលី បាន​ឧបត្ថម្ភថវិកាដល់អ្នកជំងឺទាំង ៣រូប ក្នុងម្នាក់ៗ​ចំនួន ១០លានរៀល និងគ្រួសារអ្នកជំងឺក្នុងម្នាក់ៗចំនួន ៥លានរៀល ។ សូមជម្រាបថា ប្រជាជនពលរដ្ឋខ្មែរស្លូតត្រង់…

(ភ្នំពេញ)៖ តំណាងក្រសួងរ៉ែ និងថាមពល សហព័ន្ធ​ទេស​ចរណ៍កម្ពុជា CAPRED ដៃគូ អភិវឌ្ឍន៍ និងវិស័យ​ឯកជន នៅថ្ងៃទី១៤ ខែវិច្ឆិកា ឆ្នាំ២០២៥នេះ បានរួមគ្នា​រៀបចំសិក្ខាសាលាស្តីពីការផ្លាស់ប្តូរវិស័យសណ្ឋាគារ តាម​​រយៈប្រសិទ្ធភាពថាមពល និងប្រព័ន្ធត្រ​ជាក់​ប្រកប​ដោយភាពច្នៃប្រឌិត។ សិក្ខាសាលានេះ ប្រមូលផ្តុំ​អ្នក​ជំ​នាញក្នុងប្រទេសកម្ពុជា សម្រាប់វិស័យថាមពល ទេសចរ​ណ៍ និងការអភិវឌ្ឍប្រកបដោយចីរភាព ដោយរួបរួមគ្នា និងមានចក្ខុវិស័យ តែមួយគឺ៖ ដើម្បីបង្កើតវិស័យទេសចរ​ណ៍​ដែលមានភាពរីកចម្រើនទៅលើផ្នែកសេដ្ឋកិច្ច គួបផ្សំ​នឹងការពារភពផែនដីរបស់យើង ។ លោកបណ្ឌិត Martin Kabaluapa Kapinga តំណាង​អង្គការ WWF បាលើកឡើងថា វិស័យទេសចរណ៍​នៅ​កម្ពុជា គឺជាសសរស្តម្ភមួយនៃសេដ្ឋកិច្ច ព្រមទាំងជា​មោទន​ភាព និងវិបុលភាពរបស់ប្រទេសជាតិផងដែរ។ តួយ៉ាងនៅពេលដែលវិស័យនេះរីកចម្រើន តម្រូវការ​ថាម​ពល ក៏កើនឡើងផងដែរ ជាពិសេសគឺ បរិក្ខារត្រជាក់​ដែល​មានចំនួនជិតពាក់កណ្តាលនៃការប្រើ​ប្រាស់អគ្គិស​នីនៅតាមសណ្ឋាគារ។ ទាំងនេះបង្កជាបញ្ហាប្រឈម និង​បង្កើតឱកាសទន្ទឹមគ្នា។ លោកបន្ថែមថា តាមរយៈគម្រោង Cool & Solar ដែល​គាំ​ទ្រដោយទីភ្នាក់ងារអភិវឌ្ឍន៍ និងសហប្រតិបត្តិការ​ស្វីស (SDC) អង្គការ WWF-កម្ពុជា បានធ្វើការយ៉ាងជិត​ស្និទ្ធជាមួយសណ្ឋាគារឈានមុខគេដូចជា Raffles…

(ភ្នំពេញ)៖ រដ្ឋលេខាធិការប្រចាំការក្រសួងការបរទេស​កម្ពុជា លោក ជំទាវ អ៊ាត សោភា បានធ្វើបទបង្ហាញប្រាប់​ដល់បណ្តាអង្គទូត និងអង្គការអន្តរជាតិនានាប្រចាំនៅ​ប្រ​ទេស​កម្ពុជា អំពីការវិវត្តនៃសេចក្តីថ្លែងការណ៍រួមរវាង​កម្ពុជា-ថៃ ក្រោយយោធាថៃបើកការបាញ់ប្រហារលើ​ជន​ស៊ីវិលខ្មែរ ។ ការធ្វើបទបង្ហាញនេះ បានធ្វើឡើង នៅ​ល្ងាច​ថ្ងៃទី១៣ ខែវិច្ឆិកា ឆ្នាំ២០២៥ នៅទីស្តីការក្រ​សួង​ការបរទេស រាជធានីភ្នំពេញ។ ការធ្វើបទបង្ហាញនេះ ធ្វើឡើង នៅបន្ទាប់ពីក្រុមយោធា​ថៃ បានបើកការបាញ់ប្រហារមកលើប្រជាពលរដ្ឋ​ស៊ីវិល​កម្ពុជា នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្ត​បន្ទាយមានជ័យ កាលពីថ្ងៃទី១២ វិច្ឆិកា ចំនួនពីរលើក គឺនៅវេលាម៉ោង ១៥:៥០នាទី និងម៉ោង ១៧:៥៤នាទី​ល្ងាច ដែលបណ្តាលឱ្យប្រជាជនស៊ីវិលកម្ពុជា ម្នាក់បាន​ស្លាប់ និង ៣នាក់ បានរងរបួស ។ ក្រសួងការបរទេស និងសហប្រតិបត្តិការអន្តរជាតិកម្ពុជា រាជរដ្ឋាភិបាលកម្ពុជា បានថ្កោលទោសយ៉ាងខ្លាំងបំផុត​ចំ​ពោះការបាញ់ប្រហារលើជនស៊ីវិលនៅភូមិព្រៃចាន់ នៃ​ខេត្ត​បន្ទាយមានជ័យកម្ពុជា និងបានហៅការបាញ់ប្រហារ​នោះថា គឺជាការបាញ់ប្រហារដោយគ្មានហេតុផលពី​សំ​ណាក់​កងកម្លាំងថៃ ។ នៅជាមួយគ្នានោះទៀត ក្រសួង​ការ​បរទេស បានចាត់ទុកឧប្បត្តិហេតុនេះ គឺជាការ​បង្ហា​ញ​​ពីការរំលោភយ៉ាងធ្ងន់ធ្ងរលើអធិបតេយ្យភាព និង​បូរណភាព​ទឹកដីរបស់កម្ពុជា ក៏ដូចជាការបំពាន​យ៉ាង​គឃ្លើនចំពោះច្បាប់មនុស្សធម៌អន្តរជាតិ និងគោល​ការ​ណ៍​ជាមូលដ្ឋាននៃធម្មនុញ្ញអង្គការសហប្រជាជាតិ ធម្ម​នុញ្ញអាស៊ាន…

(ភ្នំពេញ)៖ ថ្លែងក្នុងឱកាសបើកការដ្ឋានស្ថាបនាផ្លូវ និង​ដាក់ប្រព័ន្ឋលូ ក្នុងសង្កាត់ទួលទំពូងទី១ និងទួលទំពូងទី​២ នាថ្ងៃទី១៤ ខែវិច្ឆិកា ឆ្នាំ២០២៥ ក្រោមគំរោងអភិវឌ្ឍ​ន៍​ខណ្ឌ ឆ្នាំ២០២៥ លោក ហ៊ត វ៉ាន់ធី អភិបាលរងខណ្ឌ តំណាងលោក កៀង ល័ក្ស អភិបាលខណ្ឌចំការមន បាន​គូសបញ្ជាក់ថា សព្វថ្ងៃនេះ អាជ្ញាធរ ខិតខំបន្តស្ថាប​នាផ្លូវ ដែលនៅសល់ជាបន្តទៀត ដោយខិតខំស្វែងរកមូលនិធិពី​គ្រប់មជ្ឈដ្ឋាននានា ក៏ដូចជាប្រជាពលរដ្ឋក្នុងមូលដ្ឋាន ដើម្បី​​សំរេចឱ្យបាននូវគោលដៅរបស់យើង គឺប្រែក្លាយ​ពីផ្លូវ​ដី ឱ្យទៅជាផ្លូវកៅស៊ូ និងផ្លូវបេតុងទាំងអស់ ព្រម​ទាំង​ការដាក់ប្រព័ន្ឋលូធំៗ ដើម្បីបញ្ចៀសការលិចលង់​ដោយ​ទឹកភ្លៀងខ្លាំងៗ ។ លោកអភិបាលរងខណ្ឌ បានលើកឡើងថា ក្នុងរយៈ​ពេល​របស់​ក្រុមប្រឹក្សាសង្កាត់ ឆ្នាំ២០២៥នេះ គឺមានការប្រែ​ប្រួល​យ៉ាងខ្លាំង ជាពិសេសលើផ្នែកហេដ្ឋារចនា សម្ព័ន្ធ ដោយបានប្រែក្លាយពីផ្លួវដី ទៅជាផ្លូវ បេតុង និងកៅស៊ូ ស្ទើរតែគ្រប់ផ្លូវទៅហើយ។ នេះបានបង្ហាញអោយឃើញ ពីការចូលរួមគាំទ្រ របស់ប្រជាពលរដ្ឋ មកលើអាជ្ញាធរ​ខណ្ឌ ។ លោក ហ៊ត វ៉ាន់ធី បានណែនាំដល់បងប្អូនប្រជាពល​រដ្ឋ​ទាំងអស់ ដែលមានលំនៅដ្ឋានរស់នៅអមសងខាងផ្លូវ ចូលរួមសហការ និងមានការយោគយល់…

(ភ្នំពេញ)៖ ការប្រែប្រួលអាកាសធាតុ បានក្លាយជាបញ្ហា​ប្រ​ឈមដល់អ្នកលក់ដូរតាមដងផ្លូវ ប៉ុន្តែទន្ទឹមនេះការប្រែ​ប្រួលចំណង់ចំណូលចិត្តរបៀបរស់នៅ និងធ្វើការងារក៏​ទាម​ទារចាំបាច់ឱ្យអ្នកលក់ដូរតាមដងផ្លូវ ត្រូវតែផ្លាស់ប្តូរ​ទៅ​តាមរបៀបរស់នៅតាមបែបធូរធារជាងមុន បើទោះបី​នៅ​មានអ្នកលំបាកខ្លះ ប៉ុន្តែការលំបាកនោះបើប្រៀប​ធៀប​ក្នុងរយៈពេលជាច្រើនឆ្នាំមុនគឺងាយស្រួលជាងមុន​ច្រើន។ នេះជាប្រសាសន៍ ឯកឧត្តម ហេង សួរ រដ្ឋមន្ត្រីក្រសួង​ការ​ងារ និងបណ្តុះបណ្តាលវិជ្ជាជីវៈ អញ្ជើញជាអធិបតី​ក្នុង​ពិធី​បើកវេទិកាទិវាអន្តរជាតិអ្នកលក់ដូរតាមដងផ្លូវ ១៤ វិច្ឆិកា លើកទី១៣ ក្រោមប្រធានបទ ស្តីពី“គាំពារសង្គម​ដើម្បីអន្តរកាលយុត្តិធម៌ បរិស្ថាន និងបរិបទឌីជីថល” នាព្រឹកថ្ងៃទី១៤ ខែវិច្ឆិកា ឆ្នាំ២០២៥ នៅសណ្ឋាគារ Raffles Hotel Le Royal ដោយមានអ្នកចូលរួមជាង ២០០នាក់ ដែលជាអ្នកលក់ដូរតាមផ្លូវ តំណាងមកពីវិ​ស័យ​សេដ្ឋកិច្ចក្រៅប្រព័ន្ធ អង្គការសង្គមស៊ីវិល ដៃគូ​អភិវឌ្ឍ និងតំណាងក្រសួងស្ថាប័នពាក់ព័ន្ធ ។ វេទិកាអន្តរជាតិនេះ មានគោលបំណង បន្តផ្សព្វផ្សាយ និងរម្លឹកទិវាអន្តរជាតិអ្នកលក់ដូរតាមដងផ្លូវ ដើម្បីលើក​កម្ពស់សិទ្ធិការងារ និងការទទួលស្គាល់ចំពោះអ្នក​លក់​ដូរតាមដងផ្លូវ, ពង្រឹងប្រសិទ្ធភាព និងពង្រីកវិសាលភាព​ប្រព័ន្ធគាំពារសង្គមសម្រាប់អ្នកលក់ដូរតាមដងផ្លូវ និង​ស្ថាប័នពាក់ព័ន្ធ, ពង្រឹងកិច្ចសហប្រតិបត្តិការរវាងអ្នកលក់​ដូរតាមផ្លូវជាមួយអ្នកផ្តល់សេវា ជាពិសេស ផ្ដល់ឱកាស​ដល់​អ្នកលក់ដូរតាមដងផ្លូវចូលរួមកិច្ចពិភាក្សានិង ចែក​រំលែក​ពីស្ថានភាពការងារ និងបញ្ហា និងលើកជាសំ​ណូ​ម​ពរ​ទៅកាន់អ្នកពាក់ព័ន្ធនានា។ ថ្លែងក្នុងវេទិកានេះ ឯកឧត្តមរដ្ឋមន្ត្រី…

ភ្នំពេញ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីបានសរសេរលើបណ្ដាញសង្គមហ្វេសប៊ុកផ្លូវការថា នារសៀល​ថ្ងៃទី១៤ ខែវិច្ឆិកា ឆ្នាំ២០២៥ សម្ដេចបានជួបពិភាក្សាតាមទូរសព្ទជាមួយ ឯកឧត្តម អានវ៉ា អ៊ីប្រាហ៊ីម​នាយក​រដ្ឋមន្ត្រីម៉ាឡេស៊ី ដើម្បីពិភាក្សាអំពីការបន្តស្វែងរកដំណោះស្រាយជម្លោះព្រំដែនកម្ពុជា-ថៃដោយសន្តិវិធី។ សំណេរបន្តថា សម្ដេចធិបតីបានថ្លែងអំណរគុណឯកឧត្ដម អានវ៉ា ដែលបានបន្តដើរតួនាទីយ៉ាងសំខាន់ និងសកម្មក្នុង​ការសម្របសម្រួល ស្វែងរកដំណោះស្រាយដោយសន្តិវីធីរវាងកម្ពុជា និងថៃ។ សម្ដេចធិបតីនាយករដ្ឋមន្រ្តីបានគូសបញ្ជាក់ថា កម្ពុជាបន្តរក្សាជំហរ ក្នុងការដោះស្រាយបញ្ហាព្រំដែនដោយសន្តិវិធី និងដោយប្រើប្រាស់យន្តការ ដែលមានស្រាប់ និងបានឯកភាពគ្នាកន្លងមក ជាពិសេស ស្របតាមស្មារតី នៃសេចក្តីថ្លែង​ការណ៍រួមទីក្រុងគូឡាឡាំពួ នៅថ្ងៃទី ២៦ ខែតុលា ឆ្នាំ២០២៥ ដើម្បីឈានទៅដល់ការបញ្ចប់ជម្លោះព្រំដែន និងកសាង​សន្តិភាព រវាងប្រទេសទាំងពីរ ។ គួររំលឹកថា នៅលើបណ្ដាញសង្គមនារាត្រីថ្ងៃទី១៣ ខែវិច្ឆិកា ឆ្នាំ២០២៥ឯកឧត្តម អានវ៉ា អ៊ីប្រាហ៊ីម បានឱ្យដឹងថា លោក​បានជជែកជាមួយនាយករដ្ឋមន្ត្រីកម្ពុជា ហ៊ុន ម៉ាណែត និងនាយករដ្ឋមន្ត្រីថៃ លោក អានុទិន ឆាន់វីរៈគុល ដើម្បីពិភាក្សា​អំពី​​វឌ្ឍន​ភាពចុងក្រោយបំផុតនៃកិច្ចខិតខំប្រឹងប្រែងសន្តិភាព បន្ទាប់ពីឧបទ្ទវហេតុថ្មីៗនេះនៅតាមព្រំដែនរួមរបស់​ប្រទេសទាំងពីរ។ លោក អានវ៉ា បានឱ្យដឹងទៀតថា…